Shekulli online

Pasuria e ministrave, PS: Prifti, 1.8 mln euro më shumë në vitin e krizës

manuela — Sun, 11 Jul 2010 03:26:55 -0700

TIRANË- Partia Socialiste ka denoncuar sërish sot shtimin e pasurisë së ministrave dhe familjes kryeministrore në vitin e krizës për shqiptarët.

lexo akoma

Hollandë-Spanjë, kërkojnë herën e parë

Finisterre — Sat, 10 Jul 2010 04:30:22 -0700

Hollanda dhe Spanja do të luajnë të dielën, këtë fundjavë finalen e madhe të Kupës së Botës, Afrikë e Jugut 2010 në stadiumin Soccer City në Johanesburg.

Ndeshja pritet të ndiqet nga miliarda tifozë nga e gjithë bota. Të dy ekipet janë shumë afër trofeut të lakmuar në gjithë historinë e tyre të futbollit, fitimin për herë të parë të Kupës së Botës.

Të dy ekipet paraqiten si fitues potencial, ndërsa Hollanda luan finalen e tretë në historinë e saj, Spanja luan të parën.

Kështu Spanja është për herë të parë në një finale të madhe, pas fitimit të kampionatit europian në vitin 2008.

Hollanda është në kërkim të trofut të parë botëror, ndërsa më parë kanë luajtur 2 finale. Në të parën kanë humbur me Gjermaninë Perëndimore 2-1, në vitin 1974, dhe katër vite më vonë kundër Argjentinës, me rezultatin 3-1.

Nëse Hollanda do të fitojë këtë Kupë Bote, do të bëhet ekipi i parë, që fiton këtë kompeticion pa pësuar asnjë humbje.

Hollanda ka fituar të gjitha ndeshjet në këtë turne, duke shënuar 12 gola, dhe pësuar vetëm 5-së.

Uesli Shnajder qëndron në vend të parë me 5 gola, ndërsa Arjen Roben, që nuk ka patur mundësinë të luajë në të gjitha sfidat për shkak dëmtimi, ka arritur të shënojë vetëm 2 herë.

Janë dënuar më 15 kartona të verdhë, ndërsa nuk janë ndëshkuar me të kuq.

Hollanda e ka nisur këtë turne me fitoren kundër Danimarkës, me rezultatin 2-0, duke mundur më pas Japoninë 1-0, dhe duke dalë në krye të grupit me fitoren kundër Kamerunit 2-1.

Më pas eleminuan favoritin kryesor, Brazilin.

Ndërkohë në kampin tjetër janë Kampionët e Europës në fuqi. Ata kanë humbur vetëm 2 nga 54 ndeshjet e fundit. Kundër Zvicrës në këtë kompeticon, dhe një vit më parë në Kupën e Konfederatave me SHBA-të.

Spanja e ka filluar Kupën e Botës, me një humbje kundër Zvicrës, më pas ka fituar dy ndeshjet e rradhës, me Hondurasin dhe Kilin.

Kanë arritur të eleminojnë, Portugaline, më pas Paraguajn dhe së fundi Gjermaninë.

Duelet e finalës do të jenë për të mos u humbur. Do të ketë një betejë mes mesfushorit hollandez, Ëesli Shnajder dhe sulmuesit me më shumë gola deri tani në Kupën e Botës David Villa.

Kupa e Botës në Afrikën e Jugut do të mbahet mend për shumë gjëra, por një gjë është e sigurt, Hollanda dhe Spanja kanë mundësinë për tu bërë për herë të parë fitueset e turneut, të zhvilluar në tokën afrikane.

lexo akoma

Çiljetën, ta pish apo të mos ta pish, të tërën...

Finisterre — Sat, 26 Jun 2010 09:29:53 -0700

Javën që shkoi teksa në TVSH shfaqej reklama... Çiljeta në formën e saj më seksi se kurrë, duke flirtuar me dy pushues të veshur deri në grykë, pranë detit... papritur mu ndez një llambushkë në kokë. "Unë e kam parë këtë reklamë diku!" Kisha më se të drejtë. Një reklamë e tillë për një birrë tjetër ka kohë që qarkullon në "YouTube" e cilësuar si një prej reklamave më të mira dhe më humoristike të bëra ndonjëherë. Në rolin e Çiljetës, është modelja e njohur Pietra Ferrari, e cila ka një trup të jashtëzakonshëm çka e bën reklamën dhe më të paharrueshme. Vetëm një orë më vonë, në FaceBook (që na është bërë si Euronews) dhjetëra "friends" publikuan të dyja videot me komente nga më të ndryshmet. Pasi u mësuam me kopjime nga të gjitha llojet (këngë, veshje, video, shkrime, spektakle etj.,) kurrë nuk do na kishte shkuar ndër mendje se në Shqipe tani do fillonin të kopjonin edhe reklamat. Nuk mund ta mohoj që është realizuar mirë, por përse duhej kopjuar pikë së pari? Kaq keq është për ide në vendlindje?

Sigurisht birra po merr një reklamë më të madhe nga çfarë kishte menduar dhe çdo qindarkë shpenzuar për Çilin ka treguar se është investuar më së miri, por në të njëjtën kohë duhet të kuptojnë se gjërat mund edhe të marrin drejtim të kundërt. Në Shqipëri ekziston ligji për të drejtat e autorit, i cili, siç pritej, nuk respektohet aspak, sepse siç shihet, të parët që shkelin të drejtat e autorit në emër të 500s janë vetë autorët. Së fundmi, një ligj i tillë është miratuar dhe në Kosovë, por dhe atje situata është pak a shumë e njëjtë.

E përmenda këtë për t'ju lënë të kuptoni se në vendin tonë kopjimi i një materiali artistik është i dënueshëm me ligj. Kjo do të thotë se nëse vihen në dijeni birra tjetër dhe kompania publicitare që ka krijuar këtë video, "simotrat" e tyre shqiptare mund të hidhen dhe të humbasin gjyqin për vjedhje të të drejtave të autorit. Ju takon të çuditeni, pasi sa këngë janë vjedhur dhe askush nuk e ka marrë mundimin t'i çojë në gjyq apo jo? Ka një shpjegim dhe për këtë; shuma që avokatët e shtëpive diskografike kërkojnë për çështje të tilla është disa herë më e madhe sesa të ardhurat e një viti (mos të them e 3 viteve) të një këngëtari shqiptar. Ndaj hedhja në gjyq e një artisti për një këngë të huazuar, nuk është e vlefshme... të paktën financiarisht. Ndryshon puna, kur bëhet fjalë për një kompani, e cila është e aftë të paguajë një faturë të majme nëse (largqoftë) punët shkojnë deri në gjykate.

Ndoshta nuk është faji i kompanisë... ndoshta është vetëm faji i kompanisë publicitare... por kjo s'ka aspak rëndësi në gjyq, pasi birra ka fituar publicitet tashmë nga publikimi i kësaj reklame dhe normalisht do t'i kërkohej dëmshpërblim. Do të ishte më e udhës që reklama të hiqej nga transmetimi dhe birra të kërkonte një reklamë të re. (Fakti që është publikuar në "YouTube" do bëjë të mundur që në një mënyrë apo tjetër të gjendet nga dikush që ka lidhje me krijuesit e origjinalit, ashtu siç e vunë re dhe qindra përdorues shqiptarë). Nuk e themi këtë për t'i kritikuar, por më tepër për t'i ndihmuar.

Bile, jemi munduar dhe aq sa t'ju japim një ide për reklamën e re dhe të drejtat e autorit ia kemi falur. Skenë-Parlamenti shqiptar - Hyn Çiljeta! Socialistët në një anë, demokratët në anën tjetër. Do aprovohet ligji për hapjen e kutive. Shumë zhurmë në sallë, Jozefina nuk po e drejton dot situatën. Çiljeta ngjitet tek podiumi diç i pëshpërit në vesh. Fillojnë të serviren birra për të gjithë. Flet Çili - Kush është pro që kutitë të mos hapen? - Socialisti i parë hap birrën. Paf i ikën xhaketa Çilit. Hap birrën dhe socialisti i dytë. Fap fundi Çilit. Fillojnë socialistët hapin shishe, tapa nga të katër anët, fluturojnë votat pro. Heshtje! Flet Jozefina - Ligji u miratua! Çili me rroba banje (normale ) ...A mund të më pish të tërën? Kësaj po i themi reklamë ne!

------------------

100 Mijë euro për një kopjim?!

Nëqoftëse janë të vërteta ato shifrat që thonë se është paguar reklama e re e Çiljetës, atëherë është pak si tepër për një... imitim.

Faqet rozë të shtypit të fundjavës thonë se Çiljetës i janë paguar 100 mijë euro për këtë reklamë, por kjo është seriozisht e pabesueshme, kur zbulojmë se bëhet fjalë thjesht për një kopjim të dobët.

Në këtë adresë në internet http://www.youtube.com/watch?v=v9oYYoQlIdE dhe http://www.youtube.com/watch?v=Sg6jHRkBDf4 shihet qartë që reklama e Çiljetës për një pije shqiptare është kopje e një reklame të huaj.

Siç dihet kopja është gjithmonë më e keqe se origjinali, po kjo jona, është një kopje vërtet pa shije. Dhe këtu nuk kemi parasysh vetëm "përmasat" apo lojën e protagonistes së cilës në të kundërt të asaj çka sugjeron fabula e reklamës, të vjen t'i thuash: Aman mos u zhvish..!

lexo akoma

Lamtumirë Nobelit José Saramago

Finisterre — Sat, 19 Jun 2010 14:08:59 -0700

Shkrimtari portugez dhe çmimi Nobel José Saramago ndërroi jetë në moshën 88-vjeçare në shtëpinë e tij në Ishujt Kanari, ku jetonte pas largimit nga atdheu më 1992.

Vuajti nga leuçemia dhe pranë pati të shoqen, Pilar del Rio. Poet, romancier, gazetar, është i vetmi autor portugez i vlerësuar me çmimin më të lartë ndërkombëtar për të letërsinë.

Për shkak të bindjeve ateiste shprehur edhe në letërsinë e tij, Saramago pati probleme me qeverinë portugeze e cila pengoi prezantimin e romanit "Ungjilli sipas Krishtit" për Çmimin Evropian në Letërsi. Për këtë arsye ai u largua nga Portugalia dhe akuzoi për censurë qeverinë. Ai ka qenë gjithnjë një zë antagonist

Saramago u lind Azinhaga, në Portugali më 1922. Romani i tij i parë në stil realist, "Toka e mëkatit" doli më 1947. Më 1959 bëhet anëtar i Partisë Komuniste e cila gjatë regjimit të Salazarit, vepronte në fshehtësi.

Në vitet gjashtëdhjetë bëhet një nga kritikët më të fortë të vendit tij dhe më '66 boton përmbledhjen e parë poetike "Vargje të mundshme". Drejton për 12 vjet një shtëpi botuese dhe 1972-'73 është kurator i suplementit kulturor të "Diario de Lisboa".

Pas viteve shtatëdhjetë shfaqet një tjetër Saramago (nëndrejtor i të përditshmes Diario de Noticias më '75 dhe shkrimtar i lirë), i aftë për ta çliruar narrativën portugeze nga rrënjët e së kaluarës. Kjo është një nga disa arsyet pse ai meritoi më 1998 Çmimin Nobel. Më 1980 botoi "Toka me emrin Alentejo" për revoltën e popullit në skaj të Portugalisë lindore.

Suksesi i tij i parë i madh ishte botimi më 1982 i romanit "Memoriali i kuvendit", pasuar nga "Viti i vdekjes së Ricardo Reis".

Në vitet '90, falë Nobelit fitoi famën ndërkombëtare dhe boton "Verbëria", "Gjithë emrat", "Shpella", "Burri mashtrues" etj. Ka mbështetur iberizmin, lëvizje për bashkimin e Spanjës dhe Portugalisë, vende të gadishulli iberik të cilit i kushton romanin "Trageti prej guri".

Është akuzuar për antisemitizëm me opinionet që ka shprehur për konfliktin në Lindjen e Mesme, ndërsa për romanet "Memoriali" dhe sidomos për "Ungjilli sipas Krishtit" dhe dramën "Jeta e dytë e Françeskut të Asizit" ka ngjallur zemërimin e Selisë së Shenjtë.

lexo akoma

Skema e re për arsimin, Tafaj: Qeveria, fonde edhe për universitetet private

alisat — Fri, 18 Jun 2010 12:50:34 -0700

Në buxhetin për arsimin qeveria parashikon edhe financimin e universiteteve private.

lexo akoma

Diplomë juridiku për 7 mijë euro, arrestohen katër falsifikatorët

Finisterre — Wed, 16 Jun 2010 14:58:10 -0700

TIRANË - Katër persona janë arrestuar nga policia të akuzuar se në këmbim të shumës prej 7 mijë eurosh siguronin diploma false të Fakultetit të Drejtësisë.

Lajmi bëhet i ditur nga policia e Tiranës, e cila njofton se ka vënë në pranga shtetasit:
Medat Kasa, 54 vjec; Anai Muca, 46 vjec, Fadil Gurri, 43 vjec, tregtar dhe Adriatik Koci, 45 vjec, me profesion perkthyes ne disa gjuhë të huaja.

"Nga hetimet e kryera nga ky seksion, ka rezultuar se këto shtetas e kryenin këtë aktivitetet duke i depozituar këtë shumë eurosh, paraprakisht në filiale të ndryshme të bankave në Tiranë, si garanci për pergatitjen dhe dorëzimin e diplomës, afat i cili zgjaste rreth 2 muaj"- thanë burimet e policisë së Tiranës.

Në cilësinë e provave materiale u gjetën dhe u sekuestruan; Diplomë e Fakultetit të Drejtësisë e plotësuar; Listë notash e plotësuar; Shuma prej 7000 eurosh ( në këmbim te një diplomë ) dhe një sërë dokumentesh të ndryshëm, si certifikata, fotografi, dokumentacion pronash, vula etj.

Të ndaluarit akuzohen për veprat penale të "Ushtrim i ndikimit te paligjshme ndaj personave qe ushtrojne funksione publike", " Falsifikim dokumentesh ", "Falsifikim dokumentesh shkollore dhe falsifikimi i formulareve ne bashkepunim".

lexo akoma

Jozefina Topalli shkel Kushtetutën, ndryshon stemën e Republikës

Finisterre — Sun, 13 Jun 2010 10:23:59 -0700

Kuvendi i Shqipërisë "bëhet" blu. Nuk bëhet fjalë thjesht për emërimin e administratës sipas preferencave partiake, proces ky që ka mbaruar me kohë, por edhe për faqen zyrtare të këtij institucioni, e cila prej ditës së djeshme ka ndryshuar pamje dhe ku natyrisht simbolet kombëtare në pjesën më të madhe janë zhdukur, ndërsa ato që kanë mbetur janë mbivendosur në një fushë blu.

Kështu, tashmë, nëse do të klikosh në faqen zyrtare të Kuvendit me adresë www.parlament.al, nuk dalin më simbolet kombëtare, pra flamuri kuqe e zi me shqiponjën dykrenare, por do të hasësh një hapësirë virtuale me ngjyrën e flamurit të PD-së dhe diku në sfond shihet vetëm një cep i flamurit kombëtar, i cili nëse nuk je i vëmendshëm nuk e dallon dot. Por, sipas burimeve pranë Kuvendit, ndryshimi ngjyrës nga e kuqe në të blu nuk ka lidhje me preferencat apo simbolet partiake, por me ngjyrën e flamurit të BE-së, ku vendi ynë kërkon të anëtarësohet.

Gjithashtu, për tu përshtatur me ndyrën blu që ka faqja, Kuvendi është detyruar të ndryshojë edhe stemën e Republikës së Shqipërisë dhe ngjyra e zezë e shqiponjës, si dhe ngjyra e artë e përkrenares së Skënderbeut, janë bërë të bardha. Një ndryshim ky që bie në kundërshtim me ligjin themeltar të shtetit shqiptar, Kushtetutën. Neni 13, pika 3 e Kushtetutës përcakton: "Stema e Republikës së Shqipërisë paraqet një shqyt me fushë të kuqe me një shqiponjë të zezë dykrenore në mes. Në krye të shqytit, me ngjyrë të artë, është vendosur përkrenarja e Skënderbeut".

Një detyrim ky që nga sa vihet re në faqen e Kuvendit është marrë në konsideratë nga drejtuesit e këtij institucioni, të cilët kanë dhënë dhe pëlqimin për gjitha të ndryshimet që i janë bërë faqes zyrtare të Kuvendit, përfshi këtu edhe simbolet kombëtare të Shqipërisë. Faktikisht, faqja zyrtare e Kuvendit në internet, ishte "kalaja" e fundit që i kishte mbetur kryetares së Kuvendit, Jozefina Topalli, pa marrë, pasi më parë ajo ndryshoi ngjyrën e rregullores, ndryshoi dy sallat e konferencave të shtypit, ku sërish ngjyra e kuqe u bë blu.

Madje, në rastin e njërës prej zyrave të shtypit ajo shpenzoi jo pak para për ta ndryshuar, megjithëse ajo ishte rikonstruktuar vetëm në vitin e fundit të drejtimit të Kuvendit nga ana e socialistit Servet Pëllumbi. Gjithashtu, gjatë katërvjeçarit të parë të qeverisjes së të djathtëve u ndryshua edhe kopertina e Kushtetutës, e cila gjithashtu u bë blu. Ndërkohë, me faqen e re të internetit, tashmë bëhet e mundur që seancat plenare të shihen drejtpërdrejtë.

lexo akoma