Pinot Noir
Trotuari i zhveshur…dritat bien haluçinante
Kopertina-fundjavë e alkoolizuar në Tiranë
Gurmaze gurgulluese mes dehjes, shoqëruar tingujsh kitare
Dhe qeshjes mendjeshkundëse.
Ajri i pluhurt bën rrugë nëpër flegër
Sheqerosur nga stresi i qytetit të egër…
Mes tavolinave vanitoze gjarpërojnë imcake
Dy vajza pesëvjeçare, në mos katër.
Nëpër duar tuba të bardhë, mbushur bajamesh,
Sytë përplotur me nonsens elegant fëminor,
…pasi ende s’njohin se ç’ësht’dëshpërimi.
Ajri i pluhurt bën rrugë nëpër flegër
Vijnë n’mend shumë parfume të qytetit të egër…
Bajamet janë veshur me letra të bardha fletoresh
Fustan letrash të virgjëra, të pashkruara sipër
Pafajësi e pasprovuar, varfëri shtrënguese dhe
Fatkeqësi kohoro-gjeografike.
Dy zanat e vockla, fytyrë e bardhë me kuadrata aritmetike,
Nuk ka mundësi të jenë pjesë e histerealitetit të përbashkët.
Ajri i pluhurt bën rrugë nëpër flegër
Gjer në marrëzi kujtimet nga qyteti i egër…
Veshjet xixëlluese dhe stolitë ngjyrëbanale
Të arit. Kostumet firmato dhe dilemat tuaja
Sipërfaqësore
Miliona kilogramë zbokth mbi shpatulla, tejetej në rrugën prej nga vini
Ju mbajnë jashtë makthit të realitetit poshtërues.
Derisa të gjithë të bëhemi pahir
Pjesë e tij! Ku e gjen fuqinë të qeshësh
Pas vizllimit të syve-yje të atyre dy vajzave
Ku?
Ajri i pluhurt bën rrugë nëpër flegër
Indiferent ndaj shkëlqimit të qytetit të egër…
Lehtë! E leverdisshme të bësh me faj
Prindërit, papërgjegjshmërinë individuale të njerëzve të pafat.
Është e lehtë të harrosh për një çast
Kultin komun të komoditetit,
Shtyllat e mermerta të tempullit perandorak
Të konsumit, të cilat i përvidhen dita ditës
Energjisë së pashmangshme tashmë, frymëzimit shkatërrues-krijues
Të ndonjë Samsoni…
Ajri i pluhurt bën rrugë nëpër flegër
Stërpikur me ëndrra të qytetit të egër…
6 October 2008 @ 12:13 pm
Është e lehtë të harrosh për një çast
Kultin komun të komoditetit,
Shtyllat e mermerta të tempullit perandorak
Të konsumit, të cilat i përvidhen dita ditës
Energjisë së pashmangshme tashmë, frymëzimit shkatërrues-krijues
Të ndonjë Samsoni…
Ajri i pluhurt bën rrugë nëpër flegër
Stërpikur me ëndrra të qytetit të egër…
Keshtu e gjete Tironen Sol-nox, halucinante?:) Me ritmin halucinant te metropolit dhe britmen deshperuese te unit krijues kjo poezi:) BB:)
6 October 2008 @ 12:20 pm
kjo me pelqeu shume sol!
6 October 2008 @ 12:25 pm
Bajamet janë veshur me letra të bardha fletoresh
Fustan letrash të virgjëra, të pashkruara sipër
keti dy vargjet me pelqyen shume
6 October 2008 @ 12:36 pm
“Ajri i pluhurt bën rrugë nëpër flegër
Stërpikur me ëndrra të qytetit të egër…”
Arber, poezia eshte shume shume e bukur!!!
6 October 2008 @ 12:52 pm
Ngacmuese!
6 October 2008 @ 1:39 pm
Nëpër duar tuba të bardhë, mbushur bajamesh,
Sytë përplotur me nonsens elegant fëminor,
…pasi ende s’njohin se ç’ësht’dëshpërimi.
Pas fjaleve te mira Sol , na lejon te bejme ndonje kritike?:)Ne vargjet e cituara, eshte fjala per ato vajzat rome qe shesin bajame lokaleve? Po ato jane totalisht nje imazh deshperues.Vargu: pasi ende s’njohin se ceshte deshperimi… me duket arbitrar.
6 October 2008 @ 1:43 pm
Flm per fjalet e mira dhe kritikat. Spiritus, jane shume deshperuese, dhe jetojne ne trishtim, po jane aq te vogla sa mund te harrojne gjithcka brenda momentit dhe te qeshin, ose te hutohen pas ndonje ngjyre kalimtare. Jane teper te mitura per te konceptuar deshperimin, kete doja te thoja…
6 October 2008 @ 1:44 pm
dallimi rome s’kishe pse ta beje, pasi nuk jane gjithmone
atyre nuk mund t’u shpjegosh ndjesine qe te sjellin kur i sheh duke tu lutur dhe duke te qeshur me rroba e grisura…
E pra, nuk e njohin deshperimin.
6 October 2008 @ 1:53 pm
Kjo e meriton nje koment!
AQO????? et tu, sol?!
6 October 2008 @ 1:53 pm
Kafshatë që s’kapërdihet… më erdhi ndërmënd tek lexoja.
Isha i bindur që kalimi në moshë madhore nuk do ngelej vetëm me hymnet e dashNisë
6 October 2008 @ 2:41 pm
une s’paskam asnje verejtje sol
6 October 2008 @ 11:27 pm
Sol,pershtypje violente te paska lene Tirana!Edhe ti Skraparli-je-a!!
7 October 2008 @ 12:07 am
Skraparli. Por per fatin e keq, s jam i vetmi…
7 October 2008 @ 12:19 am
Aqo!
7 October 2008 @ 12:23 am
Titulli si lidhet me vjershen?
7 October 2008 @ 12:32 am
sol-nox,
kush banojne ne kete qytet, nga c`ane e planetit kane ardhur qe e kane bere te eger qytetin dhe me pluhur ?
Trotuaret une i kam lene me peme blini ,si keshtu te zhveshura ?
Bukur!
7 October 2008 @ 12:42 am
Cfare eshte AQO?