Për çfarë ka nevojë Tirana
Fatos Lubonja (Korrieri)
A janë lejet e pakta të ndërtimit problemi që ka sot Tirana? Absolutisht jo. Për këdo që jeton në këtë qytet e që i ka sytë, hundët, veshët, këmbët e duart të lira nga interesat e ndërtimit problemi më i madh që ka sot Tirana është ajri tejet i ndotur, problemi më i madh që ka sot Tirana është se fëmijët nuk kanë një shesh e park ku të luajnë, problemi më i madh që ka sot Tiranë është mungesa e gjelbërimit, e rrugëve normale, e furnizimit normal me ujë e me drita, mungesa e shkollave, e kopshteve publike, pastrimi i plehërave e të tjera si këto. Sipas një studimi të botuar para disa kohësh Tirana është qyteti me dendësi banorësh katër herë më të madhe sesa qytetet më të mbipopulluara në Evropë. Të gjitha këto të çojnë tek konkluzioni se problemi më i madh që ka sot Tirana është bash mbitepria e lejeve të ndërtimit të dhëna dhe jo mungesa e tyre. Fshati që duket nuk do kallauz.
Atëhere ç’ishte tërë ajo pompë që iu bë një mbledhjeje të KRTSH së drejtuar nga Kryeministri, e cila, të paktën ashtu siç u paraqit në media, i hapka rrugën biznesit të ndërtimit për të marrë sa më shpejt leje ndërtimi? Të na falë qeveria, që pretendon se është nisur nga qëllime të mira, por në tërë atë që u tha lidhur me mbledhjen e fundit të KKRT nuk mund të mos ndjehet erë rreziku në rritje për qytetin. Kjo sepse theksi u vu tek lehtësimi i procedurave të dhënies së lejeve të ndërtimit e jo atje ku duhet vënë; sepse fakti që vonesa e lejeve të ndërtimit mund të jetë përdorur nga kryetari aktual për të vjelë rryshfete nuk e justifikon shtrimin e rrugës me lule për ndërtuesit – veçanërisht duke patur parasysh se çfarë kanë bërë ata deri më sot.
Është një gabim i madh të mendosh se monstra i vetëm i këtij qyteti ka qenë kryebashkiaku Rama. Kushdo që ka ndjekur fushatën e tij të parë elektorale do të kujtohet se ai e ndërtoi atë fushatë duke shfletuar me foto nëpër televizione tmerret e Kelmendit e Brojkës që, përveç kioskave tek Lana e Parku i Rinisë, konsistonin në ndërtimin në mënyrën më arbitrare, pa asnjë lloj plani, të pallateve të larta mes ndërtesave të vjetra. Le të kujtojmë psh. ndërtimet në mes të Pallateve Agimi, ndërtimet në mes të Shallvareve, prishjen e Bllokut, Torre Drinin, tre kullat tek Bulevardi e me rradhë. Ajo që premtoi kryetari socialist i Bashkisë ishte frenimi i kësaj katruahure nëpërmjet një plani urbanistik. Ajo që premtoi kryetari ishte zhvillimi i një Tirane të re në veri tek stacioni i trenit, ruajtja e monumenteve të kulturës, rritja e sipërfaqeve të gjelbërta.
Por pse nuk ndodhi kështu, por, përkundrazi, u përthellua katrahura që kishte nisur Kelmendi dhe Brojka, u shtuan katet e pallateve dhe dendësia e ndërtimeve për sipërfaqe katrore, u prishën ku e ku më shumë monumente historike dhe zona të mbyllura arkitektonikisht deri atje sa sot jemi në një gjendje ku nuk po pyesim më se si të ruajmë ndonjë vlerë arkitektonike e historike, por se si të marrim frymë?
Përgjigja është shumë shumë e thjeshtë: sepse kryetari i Bashkisë, i etur për pushtet e për para, iu adoptua shpejt e shpejt biznesit të ndërtimit, i cili, më një anë me forcën e parasë dhe më anën tjetër me forcën e mediave e ktheu kryetarin e Bashkisë në lugën e orekseve të veta. Ai, në fakt, nuk ka lënë pelivanllëk pa bërë që më një anë tu shërbejë e t’i përdorë këto orekse dhe, më anë tjetër, të ruajë imazhin e një kryetari bashkie që po punonte për qytetin, për gjelbërimin e jo si vegël e bashkëpunëtor i oligarkisë së ndërtimit. Edhe i famshmi plan francez i qendrës së qytetit ishte pjesë e këtyre pelivanllëqeve: me një anë u siguronte klientëve e mbështetësve të tij fitimet e majme dhe, më anë tjetër, u paraqitej injorantëve si një zhvillim modern i qytetit. Mirëpo pallatet i kanë këmbët e gjata. Ato u ngritën një nga një e dolën mbi ata të Brojkës e Kelmendit për të vërtetuar këmbët e shkurtra të gënjeshtrave të kryetarit. Sot Tirana është bërë qytet i pabanueshëm. E kam dëgjuar edhe vetë kryeministrin të shprehet pak a shumë kështu jo shumë kohë më parë kur u qante hallet fëmijëve. E le të kujtojmë se nuk kanë mbaruar së ndërtuari e së mbushuri me banorë ende tërë ato pallate monstra me leje tashmë të dhëna ndërtimi nga kryetari. Se ku do të futemi pasi të mbarojnë edhe ata unë nuk e di. Akoma më pak e di se ku do të futemi kur të shpërthejnë ujrate zeza, se qytet të ngritur kaq dendur e kaq lart pa infrastrukturë poshtë vetëm në një vend ku mbretëron filozofia e piramidave mashtruese “merr e ik” mund të ndërtohet.
Po atëhere ç’është ky ngut i pushtetit të ri qendror për të përshpejtuar dhënien e lejeve të ndërtimi ndërtuesve? Ç’është kjo ndarje bardhë e zi midis marrësit të rryshfeteve deri në 100 euro për metër katror Edi Rama dhe atyre që i kanë paguar këto rryshfete?
Ajo që më ra në sy në tërë mbledhjen e KRTSH e, mbi të gjitha, në jehonën që i bëri media kësaj mbledhjeje, ishte përkujdesi i veçantë i qeverisë për biznesin e ndërtimit, për hallet e tij dhe mungesa thuajse e plotë e përfilljes së halleve të mëdha, deri të frymëmarrjes, që u ka krijuar ky biznes votuesve të thjeshtë. Çuditërisht askush nuk foli e nuk po flet për shkeljen më të rëndë, më me pasoja që i është bërë ligjit të urbanistikës në Tiranë. E kam fjalën për atë ligj që parashikon se për një sipërfaqe të caktuar shesh ndërtimi nuk mund të ndërtohet më shumë se 1,8 herë sipërfaqe banimi. Është në thelb ligji që garanton dendësinë normale në banorë për metër apo kilometër katror. Ky ligj është shkelur në mënyrë skandaloze ndoshte deri katër herë. Atëhere, ku po do të na çojë qeveria me përshpejtimin e dhënies së lejeve të ndërtimit pa vënë një herë mirë e bukur kriteret se si dhe se ku do të ndërtohet? Mos synon të rrisë rekordin që ka vendosur Rama të dendësisë dhe ndotjes së ajrit për metër katror? Pse para disa kohësh flitej, me të drejtë sipas meje, për planin francez si një plan që duhet riparë në kuadrin e një plani tërësor të Tiranës, kurse së fundi Berisha është mjaftuar të thotë se i duhen shkurtuar një çikë majat atyre kullave?
Mendja e nisur nga përvojat e hidhura të deritanishme ta do se në tërë atë që pamë në mbledhjen e KRTSH nuk kemi të bëjmë me shqetësim për fatet e qytetit e të qytetarëve, por më shumë se me çdo gjë tjetër me një lojë force e pushteti. Pra me një politikë të spostimit të industrisë së ndërtimit e për pasojë të pushtetit nga duart e Ramës në duart e Sali Berishës, ku nuk përjashtohet edhe nxjerrja jashtë loje e disa klientëve të Ramës e futja në lojë e klientëve të PD-së. Por, po ta kthesh nga ana e prapme këtë lojë, ajo mund të shihet edhe si një lojë e biznesit të ndërtimit i cili nëse dje lëvizte Ramën si kukull në skenë për interesat e veta sot synon të lëvizë Berishën. Sepse ajo që vihet re nga kushdo që e sheh këtë lojë nga jashtë është se konstantet në ekuacionin e shkatërimit të Tiranës janë po ato. Bumçi dhe Biçoku janë po ata: i sheh gjithnjë në ato tryeza herë në krah të Ramës e herë në krah të Berishës. Kurse variablet janë Kelmendi, Brojka, Rama, Berisha e me rradhë.
Rezultati deri tani ka qenë katrahura në rritje. Ajo çka pamë me KRTSH, megjithë premtimet për hartimin e një plani urbanistik, e megjithë inkurajimet që na vijnë nga disa ndërpreje projektesh degraduese të territorit, nuk na garantoi se karahura do të ndalet, përkundrazi na trembi se mos po merret një hov i ri shkatërrues. E na trembi pse u duk se mbi ndjeshmërinë ndaj interesave afatgjata të kryeqytetit e ndaj interesave të banorëve të tij u vu ndjeshmëria për shkatëruesit e derisotëm të tij.
Sot gjithkush përveç lojtarëve të kësaj loje e di se ajo për çfarë ka nevojë Tirana dhe në tërësi Shqipëria është të frenohet kjo dyndje e popullsinë në kryeqytet sepse kemi të bëjmë me një popullsi që vjen e mblidhet në këtë metropol superkaotik duke qenë kryesisht e papunë e, nëse sot jeton me paratë e drogës apo emigracionit, nesër nuk do të mund më të jetojë me këto. Pa harruar se Shqipëria ka nevojë për zhvillim harmonik e për shfytëzim të të gjitha burimeve të veta. Sot gjithkush e di se industria e ndërtimit, e ngritur kryesisht mbi manipulimin e një kërkese – në sajë të injorancës së shqiptarëve – por edhe sepse është mjeti më i shpejtë e më i sigurtë i larjes së parave të pista, nuk ka zhvilluar ekonominë, por ka shërbyer si lavatriçe e parave të pista e si thithëse e parave të emigracionit për pasurimin e një grushti njerëzish në dëm të shumicës, të ambjentit e të cilësisë së jetës në kuptimin më të mirë të fjalës. Sot gjithkush që nuk është në këtë lojë interesash meskine e ndjen se është urgjente që energjia, fuqia materiale e financiare e kësaj industrie të derdhet gjetkë, në sektorë të ekonomisë që prodhojnë e nuk hanë para.
Prandaj, ajo për çfarë ka nevojë urgjente Tirana nuk është inkurajimi i ndërtimit, por një vendim për ngrirjen e ndërtimeve në qendrën brenda unazës derisa të bëhet një studim i plotë urbanistik dhe ky jo nën diktatin e “sponsorizmin” e biznesit tonë të ndërtimit, siç u bë ai francez që prandaj u bë me kulla të larta, por nga specialistë pa konflikt interesash mundësisht të huaj që do t’i përgjigjen asaj nevoje urgjente që ka kryeqyteti për normalizim në drejtim të rrallimit të dendësisë, krijimit të koridoreve për pastrimin e ajrit, shtimit të hapësirave të gjelbra e në përgjithësi të hapsirave publike.
Është e qartë se po u frenua kjo industri pushteti i Berishës rrezikohet. Por më mirë të rrezikohet se sa të vazhdojë ajo filozofi qeverisjeje sipas së cilës pushteti nuk merret pa kompromise me mafjen e cila degjeneron në ndarjen e pushtetit me mafjen e që, më në fund, e katandis shtetin në vegël të mafjes. Është e qartë se me këtë opozitë mizerabël që kemi nesër qeveria mund edhe të akuzohet se nuk ka mledhur kaq e aq taksa që mblidhnin socialistët nga kjo industri me të cilat do të shtroheshin kaq e aq rrugë. Por shqiptarët duhen bindur se kjo i shërben shumicës dhe të ardhmes së fëmijëve të tyre. Duhet ringjallur tek ata shpresa se mund të ndryshojë ajo traditë politikanësh që të tjera premtojnë e bash të kundërtën bëjnë. E premtimi kryesor që na kanë bërë pushtetarët e sotëm ka qenë ai se do të ndryshojë mënyra e qeverisjes duke e kthyer atë nga qeverisje në funksion të grabitjes nga një pakicë në qeverisje në funksion të shërbimit për të gjithë.
21 August 2008 @ 3:30 pm
Fatos Lubonjka for Mayor!!
Por*dhat ne ere…zhduken shume shpejt Lubonjke…
Sa qef kane me hap gojen gjith parazitet dhe te paaftet si puna e Lubonjkes per cdo lloj problematike…deri ke urbanizmi dhe arkitektura…Por kur vjen puna per te bere dicka…ehh lere mo me ca merrem dhe une.
21 August 2008 @ 3:36 pm
O Grupo, po ben analiza te analistit ti?
Lubonja nuk eshte qeveritar mer shoku miku, ate pune ka, gazetar eshte.
Dhe ky artikull eshte botuar ne shtyp 2 vjet para ne fakt.
21 August 2008 @ 3:48 pm
Nje shkrim qe shpreh dhe kerkon te ndergjegjesoje lexuesit per problemin dhe te keqen me te cilin perballet Tirana dhe banoret e saj. Eshte nje shkrim qe duhet te meritonte shume me teper vemendje duke i dhene hapesire ne pjesen kryesore te peshkut, pasi merret ne menyre mjaft te mire me perditshmerine e qytetareve te Tiranes, qe eshte plotesisht per te vene kujen. Ajri shume shume i ndotur, dendesia e banoreve shume shume here mbi normen e lejuar, betonizim i Tiranes me monstra qe ngrihen duke zaptuar edhe parqe apo hapesire te gjelberta, por qe e rendojne shume me teper gjendjen kur ndertimi mbi-siperfaqe nuk shoqerohet me infrastrukturen e nevojshme nen-siperfaqe etj.
Ne vend qe ballinen e peshkut ta zene pacavure humoristike me video-montazhe, t’i lihet vend ketij shkrimi te Lubonjes apo te tjere shkrimesh te kesaj natyre, qe prekin dhe preokupojne drejttpersedrejti banoret e Tiranes.
Respekte Lubonjes pasi eshte nje ze i vetmuar ne perpjekjen e tij kunder makabriteteve qe ka bere Edi Rama ne Tirane. Respekte dyfish Lubonjes qe nuk frikesohet nga “problemet financiare” qe mund t’i nxjerin “oligarket” e ndertimit qe duke pagur haracin tek Rama, kane bere betonizimin e Tiranes ne kete menyre.
21 August 2008 @ 4:04 pm
Polic,
shkrimi sikur ben pergjegjes EDHE Berishen me duket apo jam gabim une ??
Ka ndryshu ndonje gje ne qendrimin tend apo si gjithmone nuk e ke lexuar shkrimin ?
21 August 2008 @ 4:12 pm
Ti e lexon me syzet e Fatos Klosit me duket? Shkrimi ve gishtin tek shkaktari i kesaj gjendjeje ne Tirane qe eshte Edi Rama. Nderkohe (ta shpjegoj tani, nuk ke nevoje per syze), merret me Berishen qe nuk po ben ato qe ka thene ose po ben shume pak, per te ndaluar ato qe ka ndermend te beje Rama.
Megjithate, nese Berisha ka pergjegjesi, te diskutohet per kete dhe une nuk kam asgje kunder. Ti e ke te veshtire ta kuptosh kete, pasi t’i besh pasqyren e shtypit Fatos Klosit, indoktrinohesh me keq si ai.
21 August 2008 @ 4:14 pm
21 August 2008 @ 4:17 pm
Mos e bastardoni debatin duke vene vetem ikona ketu. Keni gje per te thene per shkrimin, thuajeni. Per Ramen, Berishen cilin te doni. Problemi eshte qe kjo ceshtje te diskutohet.
21 August 2008 @ 4:20 pm
TapPulico po kaq fare te jesh o derebardhe? Po lecit mor te placin site:
21 August 2008 @ 4:22 pm
Epo ti frenojme mer LLACISTET! Shkojm u vjedhim llachin.:) Ene ja gjejm shpajn e ja lem mu para deres, me TotPulicin siper si Dhenderr torte dasme
21 August 2008 @ 4:23 pm
Ohuuu, do merrem me te gjithe budallenjte une? Nuk ka qene i vetmi jo, te pakten nga sa thote Lubonja me siper, e kane ndihmuar edhe Kelmendi me Brojken.
“Kushdo që ka ndjekur fushatën e tij të parë elektorale do të kujtohet se ai e ndërtoi atë fushatë duke shfletuar me foto nëpër televizione tmerret e Kelmendit e Brojkës që, përveç kioskave tek Lana e Parku i Rinisë, konsistonin në ndërtimin në mënyrën më arbitrare…”
21 August 2008 @ 4:27 pm
Polico ok ke te drejte, jane gjera serioze. Une gjithashtu e vleresoj qendrimin tend ne dukje me pak partizan ne kete diskutim. Qe te na mbushesh mendjen per kete
ca mendon per kete qe ka thene Lubonja ne nje tjeter shkrim te ngjashem:
Se e vura si koment dhe tek tema Nuk e dum.
Ka vertetesi ne kete, ca mendon ti, meqe i ke ndjekur me afer politikat shqiptare sesa une te pakten.
Une them se do kete dicka te vertete, kjo per vete faktin qe Birisha ne ndryshim nga gjerat e tjera qe nuk le shans pa u cjerre dhe pa bertitur dhe pa akuzuar Ramen (apo Nanon para Rames) per cdo gje, per katrahuren e ndertimeve dhe te infrastruktures se Tiranes nuk para flet.
Pse mendon ti?
21 August 2008 @ 4:31 pm
“Ajo që premtoi kryetari socialist i Bashkisë ishte frenimi i kësaj katruahure nëpërmjet një plani urbanistik. Ajo që premtoi kryetari ishte zhvillimi i një Tirane të re në veri tek stacioni i trenit, ruajtja e monumenteve të kulturës, rritja e sipërfaqeve të gjelbërta.Por pse nuk ndodhi kështu, por, përkundrazi, u përthellua katrahura që kishte nisur Kelmendi dhe Brojka, u shtuan katet e pallateve dhe dendësia e ndërtimeve për sipërfaqe katrore, u prishën ku e ku më shumë monumente historike dhe zona të mbyllura arkitektonikisht deri atje sa sot jemi në një gjendje ku nuk po pyesim më se si të ruajmë ndonjë vlerë arkitektonike e historike, por se si të marrim frymë?
Përgjigja është shumë shumë e thjeshtë: sepse kryetari i Bashkisë, i etur për pushtet e për para, iu adoptua shpejt e shpejt biznesit të ndërtimit, i cili, më një anë me forcën e parasë dhe më anën tjetër me forcën e mediave e ktheu kryetarin e Bashkisë në lugën e orekseve të veta. Ai, në fakt, nuk ka lënë pelivanllëk pa bërë që më një anë tu shërbejë e t’i përdorë këto orekse dhe, më anë tjetër, të ruajë imazhin e një kryetari bashkie që po punonte për qytetin, për gjelbërimin e jo si vegël e bashkëpunëtor i oligarkisë së ndërtimit. Edhe i famshmi plan francez i qendrës së qytetit ishte pjesë e këtyre pelivanllëqeve…”
21 August 2008 @ 4:37 pm
Polico, e qarte, i lexuam dhe ne artikull ato.
Tani per ate qe te pyeta do me kthesh pergjigje?
21 August 2008 @ 4:45 pm
Diskutante, mos bini pre e njerezve te Fatos Klosit ne debat. E kuptoni qe qellimi i tyre eshte te thone qe per katrahuren ne Tirane eshte pergjegjes Rama por edhe Berisha, keshtu qe i bukuri ne kete mes, plot hijeshi eshte Ilir Meta. Kur ky kokemadhi ka qene nder mbeshtetesit e forte te Rames kur ishte kryeminister. Pse nuk e ngriti zerin Ilir Meta kur ishte kryeminister per ato qe bente Rama ne ate kohe?
21 August 2008 @ 4:54 pm
E ka per njeri filmin E-wall? Ashtu me duket mua Tirana.
21 August 2008 @ 4:54 pm
O polico, a kerkove diskutim serioz nga ne? Tani ky stili i te pergjigjurit te nje pyetje me nje pyetje tjeter qe s’ka te beje fare me pyetjen e pare, nuk me duket serioz mua.
Ah po, harrova qe ty te intereson gjendja e Tiranes dhe Shqiperise sa kohe qe shahen socialistet me shume se demokratet.
Tani do na thuash ca mendon per akuzen direkte qe Lubonja ben per koalicionin Rama-Berisha per KRRT? Apo do e dredhesh prap?
21 August 2008 @ 4:55 pm
Kaq budalla te jesh ti mer?
21 August 2008 @ 5:03 pm
xhibi.. ai nuk ishte koalicion, eshte me dy duart ke syte edhe hajt shpejte e shpejte se nuk na sheh njeri, pastaj kur Berisha ben koalicione dhe fton ne debat opoziten nuk eshte se eshte High shumicen e kohes… eshte veri veri po veri shume ama high…
21 August 2008 @ 5:03 pm
Po pra, aq jam. Do me ndricosh ti, apo do sjellesh prap ndonje foto te Mjaftit dhe te Edvinit lakuriq si argument?
Polico, policet si ty jane ne krye te dukurise se Berishezimit, dmth politizimit ekstrem te cdo gjeje, qe mundeson statusin quo te rrumpalles. Juve jeni mercenare te bindur politike qe jeni gati te “vdisni ne fushen e betejes” per idhujt tuaj politikane; per vendin nuk besoj se ju behet shume vone se ca ndodh, me perjashtim te rasteve kur analizat ju japin favore politike.
Vazhdo policerohu tani.
21 August 2008 @ 6:01 pm
Polic,
nuk ka keq njeri nga leximi. Me degjo mua se jam me i vjeter se ty.
Kur nuk i kupton gjerat pyt. Kur nuk i kupton prap pyet, ka njeres qe e kane durimin te merren edhe me ty.
Por kur nuk di te ndreqesh pune, mos mu bej si Fahri Balliu qe duke menu se i bente nder Berishes i ka vene nje nofke tani qe s`ka bir nane t`ja heqi.
Nuk ka nevoje Berisha per budallenj qe ta mbrojne me degjo mu se ta kam pa hile.
DHe e di pse ta them ? Po sepse ate konkluzionin qe nxorre per Meten e ka nxjerre Lubonja qe sipas teje eshte me :
Ndersa une them psh qe Lubonja u be bajat me keto pune.
Ta kam thene nje here tjeter , mos jep prova me shkrim.
P.S. Fatosit ( Klosit ) do i bej te fala prej teje.
21 August 2008 @ 6:15 pm
Hmmm, e nxoren bajat edhe Lubonjen keta burrat e Fatos Klosit! Edhe kur mendon qe Meta e kishte ftuar Lubonjen te behej pjese e LSI-se (qe te mos arrije kush ne konkluzione te gabuara, Lubonja e kishte refuzuar). Nejse, pleqte te rralluar pak edhe nga mendte kane marre urdher qe te sillen mire me Ramen, se kane filluar negociatat LSI-PS.
21 August 2008 @ 6:23 pm
Fotosi Lubonja ka sha Berishen or mik, je me ato qe shkrun Fatosi jo Klosi, apo jo ?
E du keshtu tulle fare qe ta mbyllym kete histori.
Apo per pjesen qe ka sha Ramen je OK dhe per pjesen qe ka sha Berishen e ka fajin Fatos Klosi ??
21 August 2008 @ 6:30 pm
Polic mer plak. Qe Edi Rama eshte shkaktari i kesaj katrahure ne Tirane, e di dhe Kothi, problemi eshte se cfare eshte nga ana e qeverise Berisha per ta ndalur. Absolutisht asgje, madje gjerat kane shkuar keq e me keq. Ne rast se tek Nano, Rama mendohej nja dy here para se te dergonte nje projekt ne kurriz te betonimit te Tiranes, po me duket se me berishen i ka dyert e hapura fare, dhe mendoj se kjo ka te beje per hir te disa kompromiseve politike qe i sigurojne pushtetin.
Polic duhet te jemi realiste dhe se mbrojme dot berishen ne gjera qe nuk mbrohet se pastaj behemi qesharake, dhe perpara ccdo gjeje duhet me rujte dhe pak dinjitetin apo jo.
Ndersa sa per Kothin, per te cilin perhere e kam pas konsiderate per ate qe shkruan, ka ca kohe qe po me habit me mungesen e objektivitetit. Fjala vjen kam lexuar komentet per ndertimet qe do behen ne liqenin artificial te Tiranes, dhe se mora vesh me thene te drejten. Mu duk sikur te zezen kerkonte ta kthente ne te bardhe, apo me sakte ne nje gri te pranueshme
21 August 2008 @ 6:36 pm
Mand,
lexo kete dhe rri urte , komentin tim te pare.
http://www.peshkupauje.com/pse-shteti-duhet-ta-abrogoje-ligjin-7501-ne-zonen-turistike-te-bregdetit-vlore-sarande/2008/08/20/
Lidhur me ate shkrimin e aq pas koheve qe te ka ba pershtypje per mungese objektiviteti.
Kujto nje pergjigje tenden kur te kam pyt Perse keshtu me Pollon.
Jam i sigurte qe e mban mend.
21 August 2008 @ 6:43 pm
Mandi, now we’re getting somewhere. Ta shikojme problemin nga ky kend, dakort e bejme. Berisha per hir te konsensusit dhe kompromiseve qe i duheshin, nuk e ka sulmuar Ramen me artileri te perqendruar sa i perket punes se tij ne bashki dhe kjo ka qene per arsyet qe permenda. Pasi ne te gjithe jemi deshmitare qe ndermjet qeverise dhe bashkise diku ne fillim te mandatit ka pasur konflikt te ashper, pas zgjedhjeve lokale u qetesua disi situata.
Por, te thuash apo tentosh ta besh dicka te tille si keta burrat e Klosit, qe per katrahuren ne Tirane te besh me faj Berishen njelloj si Ramen, eshte jo vetem e pabesueshme por budallallek i madh. Edhe Lubonja sulmon Berishen per cfare i takon, por me gisht si shkaktar te kesaj katrahure tregon Edi Ramen.
21 August 2008 @ 6:50 pm
Lubonja i ben pyetje vete, pergjigjet i jep po vete dhe gjykimin po vete ne fund!
Sharlatan kok e kembe! Kjo pasi ky njeri di me shume se cdo Tiranas tjeter se kush e ka fajin per cmendurine e ndertimeve dhe kush ka bere me shume per rregullimin e territorit te Tiranes.
Mesa kuptoj kjo eshte nje vale e tere propagande ndaj Rames, qe filloi qe me idiotsine e Liqenit artificial edhe sot po vazhdon me parkinget e parkut Rinia!
Jo se Rama nuk ka faj, sigurisht qe ka, por keta nuk dine te kritikojne dhe me shume po i bejne dem vetes me keto marrezira.
21 August 2008 @ 6:50 pm
Polic,
nuk te vjen keq qe te them qe je i trashe shume.
Kjo do te thote kapje e shtetit nga mafia. Akuze e paster nga Lubonja per Berishen , se per Ramen ka qe ne vitin 2002 ai qe i thote keto gjera.
Dhe me tulle se kaq nuk e thote dot as Gramoz Ruci dhe Ilir Meta te marre bashke.
21 August 2008 @ 6:55 pm
Liqenso, shif tani, me kujdes ne pune qe ben ne mbrotjen me cdo kusht te Rames, se po te kapi ne pakujdesi Edvini do te te heqe nga puna.
Kete artikull Lubonja e ka botuar per here te pare para dy vjetesh, ne Qershor 2006, jo tani mbas publikimit te projektit te “risise evropiane”
21 August 2008 @ 6:57 pm
Por, te thuash apo tentosh ta besh dicka te tille si keta burrat e Klosit, qe per katrahuren ne Tirane te besh me faj Berishen njelloj si Ramen, eshte jo vetem e pabesueshme por budallallek i madh.
Polic, per 3 vjet Berisha dhe qeveria e tij ka pasur ne dore policine ndertimore dhe ndertimet pa leje kane qene ne kulmin e tyre keto 3 vjet.
Per kete Berisha ka faj dhe qeveria e tij. Pasi eshte marre leja e perkohshme per dyqan dhe eshte ndertuar pallat me 10 kate dhe policia ndertimore e Berishes nuk levizte! Kjo qeveri i legalizoje te gjitha ndertimet pa leje edhe tani ti prishesh keto ndertesa duhen te paguash 2-fishin! Per kete ka faj Berisha edhe Nano para tij.
Sot ne tirane nuk ve dot nje tulle pa leje dhe kjo eshte merite e bashkise,qe ky sharlatani ben sikur se di qe ka bere kete shkrimin!
21 August 2008 @ 7:04 pm
Po ate po thote dhe ai mer, qe eshte rrumpallizuar komplet Tirana me dheniet e lejave te ndertimit rrumpallerisht.
Ligjerimi i rrumpalles nuk sjell eleminimin e rrumpalles, perkundrazi, i ben pasojat e rrumpalles permanente dhe te paprekshme.
Tani ti zgjidh, ose ka probleme me ndertimet e Tiranes ose nuk ka. Apo si polici dhe ti po ne krah te kundert; dmth ka probleme vetem kur eshte faji i Berishes, po jo kur eshte faji i Rames.
21 August 2008 @ 7:04 pm
xhibo,
Ti ke qejf ti interpretosh fjalet sic ke deshire vete.
Une po shkruaj qe ka nje vale shkrimesh (jo vetem ky i bere nga Lubonja) keto kohet e fundit qe merren vetem me kete ceshtje.
Sali-Edvin-Betonim , mafie, korrupsion!
Puna eshte se keta tipa nuk e kuptojne qe Rama piken me te forte te tijen ka punen e kryher ne Tirane dhe eshte e kote ta gjuash aty.
Sepse i bejn dem vetes ! Per tiranen pati nje fushate elektorale shume te eger dhe te gjithe jemi deshmitare se sa thelle i fitoi Rama zgjedhjet.
Mua me vjen keqe se me keto gjera me shume po pengojne zhvillimin e atij qyteti.
21 August 2008 @ 7:04 pm
Betonizimi, katrahura e Tiranes ka ndodhur me leje o Liqen. Po e perseris dicka qe ka thene Lubonja ne shkrim, se nuk kam cfare bej! Ti mos fluturo ne mbrojtje te Rames, se nuk e mbron dot…
“Ajo që premtoi kryetari socialist i Bashkisë ishte frenimi i kësaj katruahure nëpërmjet një plani urbanistik. Ajo që premtoi kryetari ishte zhvillimi i një Tirane të re në veri tek stacioni i trenit, ruajtja e monumenteve të kulturës, rritja e sipërfaqeve të gjelbërta.Por pse nuk ndodhi kështu, por, përkundrazi, u përthellua katrahura që kishte nisur Kelmendi dhe Brojka, u shtuan katet e pallateve dhe dendësia e ndërtimeve për sipërfaqe katrore, u prishën ku e ku më shumë monumente historike dhe zona të mbyllura arkitektonikisht deri atje sa sot jemi në një gjendje ku nuk po pyesim më se si të ruajmë ndonjë vlerë arkitektonike e historike, por se si të marrim frymë?
Përgjigja është shumë shumë e thjeshtë: sepse kryetari i Bashkisë, i etur për pushtet e për para, iu adoptua shpejt e shpejt biznesit të ndërtimit, i cili, më një anë me forcën e parasë dhe më anën tjetër me forcën e mediave e ktheu kryetarin e Bashkisë në lugën e orekseve të veta. Ai, në fakt, nuk ka lënë pelivanllëk pa bërë që më një anë tu shërbejë e t’i përdorë këto orekse dhe, më anë tjetër, të ruajë imazhin e një kryetari bashkie që po punonte për qytetin, për gjelbërimin e jo si vegël e bashkëpunëtor i oligarkisë së ndërtimit. Edhe i famshmi plan francez i qendrës së qytetit ishte pjesë e këtyre pelivanllëqeve…”
21 August 2008 @ 7:09 pm
faleminderit per foton Blend
druvaret.
21 August 2008 @ 7:09 pm
Seriozisht e kishe kete Liqenso?
Po Rama e ka shker.dhatacionuar komplet Tiranen mer, e ka perdhunuar barbarisht, dhe eshte munduar ti hedhe hi syve turmes me lyerjen e pallateve me boje dhe me gjelberimin e 2 metrave anash Lanes, nderkohe qe betonizon cdo cep e cdo park e cdo vrime qe gjen te pabetonizuar akoma.
Ah po, ne nuk dime gje, Rama eshte nene Tereza i Tiranes, dhe kritiket si puna e Lubonjes jane sharlatane dhe ja fusin kot.
Lubonja nuk po kandidon per parti politike apo per zgjedhje qe te kete interesa konkuruese politike me Ramen sic ka Meta.
Lubonja bravo se eshte nga te paktet qe i thote gjerat hapur, dmth sic i shikon e mendon. Te tjeret, dmth dhe shumica e shtypit, jane vegla te oligarkeve qe quan Lubonja.
21 August 2008 @ 7:09 pm
xhibo,
Te merresh vesh me ty duhet qe kjo teme te shkoje ne numrat 200 e siper komente qe ti te shkruash ne funde si puna e tironsit. “Une jam popull mer vlla, c’me duhet mu me kuptu” .
Apo sic shkruan vete me mire ” Kam nje cik pune tani”
21 August 2008 @ 7:21 pm
Lubonja vertet eshte nga te paktet, ne mos i vetmi, qe ve gishtin ne plage. E akuzon gjthe banden, apo bandat, me kryetare bashkie (Rame e paraardhes) apo kryetare KRRT (Berishe e paraardhes), per shkaterrimin e Tiranes.
Kjo beteje vetmitare ngjan shume me ate te kaloresit fyture vrerosur, por jo kunder mullinjve me ere, por mocalit ku kane rene shumica e shqiptareve.
Megjithate, bravo i qofte per aq sa ben. Meriton t’i hiqet kapelja.
21 August 2008 @ 7:27 pm
Ore, po kjo eshte loja qe ka trullosur popullin budalla shqiptar, ku keta partiaket e shpifur lozin pingpong me fajin …e ne fund si gjithmone faji ngelet jetim.
Duhet ngritur debati nje nivel dhe te pyetet - kush ka bere mire, e kush mendohet qe do beje mire?
Ua kam thene disa here, vetem forcat e reja politike mundet ta ndryshojne gjendjen, jo plehrat e tipit PD, PS, LSI etj etj.
Votoni per G99 ju them se ndryshe do ju varrose e ardhmja
21 August 2008 @ 7:40 pm
Nuk po shperndahem shume dhe jo se nuk i vleresoj komentet e tjera, por po perqendrohem me shume te Kothi, dhe te Polici. Polic, berisha erdhi ne pushtet me premtimin e zgjidhjes se katrahaures, dhe mosszgjidhja e ketij problemi, perkundrazi thellimi i krizes dhe problemet me territorin e bejne po aq fajtor sa dhe Rama. Kothi me njeh mire dhe duhet ta dish qe me kryeministrin nuk kam ndonje inat, apo pasion urrejtjeje perkundrazi. Kam luftuar fort me aq sa kam mundur qe ai te vije ne pushtet. Por tashi, tja japesh Tiranen ne tave nje njeriu qe per mua eshte rrezik shoqeror, te besh kompromise qesharake per hir te pushtetit, dhe te harrosh se perse je ne ate karrige, per mua eshte nje zhgenjim shume i madh. Projektet e miratuara per tiranen jane nje shkaterrim per kete qytet, ku une dhe Kothi jetojme perdite. Ne rast se do ishte per zgjiodhjen e ketij problemi, atehere Berisha do ishte mire qe ne mbledhjen e KRRTRSH te miratontre zgjerimin e vijes se verdhe dhe te ndalonte me ligj ndertime te reja ne qender, gje qe nuk e beri perkundrazi.
Sa per ty koth e lexova komentin qe kishe bere per 7501, dhe une jam shume dakort me ty, por teza ime e mungeses se objektivitetit ka te beje pikerisht me ate qe ke thene se betonizimi i liqenit artificialesjhte ne favor te kryeqytetit. Nuk arrita ta gjej tashi se jam dhe ne pune, por pak a shume kjo ishte ideja, mbrojtja e atij projekti ste ben objektiv aspak. Dhe ti e di shume mire se ai projekt eshte shkaterrimi i te vetmiut gjelberim ne tirane, me ato kulla te shemtuara te shtrira ashtu.
21 August 2008 @ 7:42 pm
G99, dmth ata te 99çit po qe do e qisin ne drite vendin tone dhe do zgjidhin problemet e Shqiperise, me qepe e krype dhe aksione me veze.
21 August 2008 @ 7:49 pm
Mero Baze i ka dhene gazeten Rames per inat te Berishes, ti me flet per tava mua. Katrahura e Rames ka nisur qe ne vitin 2000 dhe jo qe nga 2005.
21 August 2008 @ 7:53 pm
Polic behu pak me me llogjike. E para Gazeta ska qene asnjehere e Rames, e dyta dhe ne rast se eshte, demi qe behet nga kompromisi berishes eshte ku e ku me i vogel se se ajo qe shkakton nje gazete
21 August 2008 @ 8:17 pm
Persh. ne rradhe te pare.
Ne lidhje me pyetjen e “Për çfarë ka nevojë Tirana”:
Per nje njeri qe e do Tiranen.
Jo per katundare qe i kap teshtima kur i guduliset hunda kur shikojne grataciela si te habitur se nuk i kane pare ndonjehere ne jete te tyre dhe as per artista me prirje abstraksioniste te rrjedhur nga deliri i madheshtise.
21 August 2008 @ 8:26 pm
21 August 2008 @ 8:39 pm
Plotesisht me vend. Po puna eshte qe elita jone opinionberese eshte pak a shume reflektim i gjendjes ne pergjithesi, qofte gjendjes politike, qofte asaj te shtypit, apo te tjerave.
Mendoj se ka vertet shume pak elemente qe nuk jane vegla te nje olikgarku apo nje tjetri, duke huazuar nje term te Lubonjes per kete.
21 August 2008 @ 8:50 pm
po c’elite more vellezer? Produkte komunizmi jane te gjithe. Kush te mburret me shume me referenca emrash, kush t’ja fusi tjetrit mbas kraheve sa me shume, kush ta dominoje opinionberjen me shume. Njerez pa bosht, pa karakter, te vegjel, skutha, pushta. Shkruajne dhe bejne bla-bla sepse nuk dine tbejne gje tjeter dhe sepse opinionberja te jep shume shpejt fame. Ky Rama, shkon nje hap me tutje, ngre falluse qe do e kujtojne sa te jete fallusi. Berisha nderton hidrocentrale berthamore qe d ota kujtojne me shume pas avarise se pare. Amn, te keqen, elita e atij vendi eshte bloze, po bloze aman (pale kur akuzojne tjetrin qe eshte bloze).
Ne se doni te kuptoni se si jane elitat shikoni se ne c’gjendje eshte nje vend. Ne nje vend ku nje njeri i vetem analizon cdo lloj problemi (dhe e adhurojne wow, ai eshte gjeni), eshte nje vend tmerresisht i varfer dhe jo ne rregull psiqikisht. Nuk po flasim fare per ate njeriun-zot.
21 August 2008 @ 9:04 pm
Ke te drejte ne ato qe thua anonim. Nuk ka ne Shqiperi nje elite opinionberese te mirefillte. Jane ca opinion-shkarravites te rendomte qe karakterizohen fuqishem nga ngjyrat partiake, dhe qe mbrojne jo vetem ata politikane qe per momentin jane te atashuar, por edhe sponsorizuesit e tyre nga bota e biznesit dhe qe i nderrojne sipas llogarive ne te shumten e rasteve thellesisht financiare, ku profesionalizmi, etika, morali nuk luajne asnje rol. Megjithate, per mendimin tim, nuk mungojne perjashtimet dhe njeri prej tyre eshte F. Lubonja. Por ne syte e mi Lubonja eshte ne vendin ku i takon dhe e ben me mire, ate te opinionist, analistit, qytetarit qe i perket shtreses intelektuale dhe me njohuri. Pra, Lubonjen une personalisht nuk e shoh kryetar bashkie apo kandidat per te tille.
21 August 2008 @ 9:09 pm
TP, ketu tek peshku besoj asnje nuk ka ndonje dyshim se kush eshte ne syte e tu me i pershtatshem per Kryetar Bashkie ne Tirane - ne mos Sala, ndonje zgjatim i tij.
21 August 2008 @ 9:13 pm
po, mire pra, mire. Lubonja ha buke vec, se Lubonja ka ngrene buke burgu dhe nuk shkruan as per te dominuar opiniberjen dhe as per ta quajtur gjeni. Lubonja shkruan se ka dicka per te thene dhe jo se do te cudise njerez apo te impresionoje goca te vogla. Po, pse doni ta beni kryetar bashkie, s’po e marr vesh. Ai s’ka keshtu ambicionesh: e gjitha cfare do ai eshte nje qytet ku te jetohet normalisht, me respekt dhe dinjitet. Le te behet kryetar bashkie nje njeri me ambicione per ate pune dhe nje njeri qe ka aftesine te punoje ne team, te koordinoje, te drejtoje. Lubonja di (dhe do) te shkruaje, te reflektoje per veten dhe jeten, di te restauroje e beje gjera te tjera shume me mire se kryetarllikun.
21 August 2008 @ 9:18 pm
Une mbeshtetem tek sistemi politik plotesisht. Une mbeshtetem tek karriera. Nuk i perkas mentalitetit punist qe merrnin traktoristin dhe e vinin te diskutonte per politikat nderkombetare.
Nuk ke mbetur ti mer daj ta kandidosh Lubonjen, se ka pasur oferta per angazhim ne politike dhe i ka refuzuar.
21 August 2008 @ 9:20 pm
Kjo pergjigjia me siper ishte per Ujkun e zi katran.
21 August 2008 @ 9:28 pm
Anonim,
Arsyeja eshte shume e thjeshte: Tirana dhe urbanistika, por edhe politika, eshte ne nje krize te tille qe te detyron te kesh te tilla medime. Politikanet dhe te ashtequajturit njerez ambicioze ne Shqiperi kane deshtuar.
Lubonja vertet nuk ka ambicie, por ka deshiren dhe vizionin e sakte per te kontribuar. Hidhu nje sy te gjitha shkrimeve te tij per Tiranen dhe e kupton se per c’fare po flas. Ata njerzit me ambicie ne shqiperi, sic ishte edhe Rama, kur kane ardhur ne krye te puneve nuk kishin menduar qofte edhe nje dite se si do ta kryenin ate pune para se t’i merrnin ato karrige me nje mori premtimesh. Megjithate me c’shoh veshtire t’i fashitet ketij populli dashuria per klasen e vete politike.
21 August 2008 @ 9:36 pm
O ujk,
Kush do ta zgjedhe dhe kush do bashkepunoje me te? Me kupton ku e kam fjalen?
Pastaj ujk, per te qene te sinqerte, Lubonja eshte njeri qe ka vizione por kjo nuk e ben automatikisht te sukseshem si kryetar. Ka shume pune kryetarlliku dhe kerkon kompromise. Dhe ketu nuk po flasim per nje situate speciale shqiptare, por per vete karakterin e punes. Ne momentin e pare qe do i duhet te beje kompromis, Lubonja te iken.
21 August 2008 @ 10:04 pm
Anonim,
Lubonja fare mire mund te kandidoje i pavarur, dhe ne fakt vetem ashtu duhet te kandidoj. Nese fiton apo jo kete e vendosin votuesit, jo ne ketu ke peshku. Sa per shqetesimin e atyre “kompromiseve” qe pretendohet se Lubonja u iken mendoj se nuk kane shume baze. Pozita e Kryetarit te Bashkise te jepe nje legjitimitet qe nuk ta jep, ta zeme, qenia ne krye te Keshillit Drejtues te Radiotelevizionit, sepse je i votuar. Kompromiset mund te behen shpesh ne te mire te qytetit nese e ke te qarte se cfare i sherben atij, perkunder atyre te llojit Rama-Berisha qe me mire mos t’i kesh.
21 August 2008 @ 10:26 pm
Lubonja nuk ka pse i hyn telashit te kryetardhekut, pavaresisht detyrave apo urdherave qe mund t’i japim ne ne Peshk.
Puna eshte, se po te kishte shume si puna e Lubonjes, apo akoma me mire, po qe se mileti do mendonte si ai, krietaret, qofshin dhe keta qe jane, apo te tjere me te mire, do vepronin shume me ndryshe, se do kerciste druri, qe perbrenda pardhise perkatese, pa shkuar puna me prokurori, biruce a me the a te thashe. Por, gjejne mocal e bejne paret mullar, thuaj. Po mocalin kush do duhet ta thaje? Prap Lubonja!
21 August 2008 @ 11:00 pm
Ujku, nuk mendoj se eshte ajo zgjidhja. Se pari sic tha dhe dikush me lart, roli i analistit nuk e kualifikon automatikisht Lubonjen per kryetar bashkie.
Se dyti dhe me e rendesishmja, roli qe Lubonja luan si analist dhe kritik i qeveritareve dhe politikaneve eshte shume me i cmuar sot sesa roli qe do luaje si politikan dhe kryetar bashkie. Nuk ka pse biem pre e mendesise se idhujve, qe vetem ky apo vetem ai e ben punen apo Tiranen apo Shqiperine. Ka plot mendoj njerez si ne politike dhe jashte saj qe jane te denje per te kandiduar si kryetar bashkie qe do te benin pune me te mire ku e ku se Rama.
Lubonja apo ndonje tjeter, per mendimin tim do benin mire te formonin ndonje organizate tip watchdog, sic eshte FactCheck.org, apo si Project for Excellence in Journalism, apo dicka qe kombinon te dyja funksionet.
Kjo mendoj eshte dicka shume e nevojshme tek ne, sidomos po te kesh parasysh faktin qe mediat dhe opinionberesit, shumica e tyre, jane te shitur per vete, me keq se politikanet.
21 August 2008 @ 11:03 pm
si thote nje fjale e bukur shqiptare:
peshku nuk qelbet nga bishti por nga koka
22 August 2008 @ 12:16 am
Xhibi,
Kur flasim per kualifikime fol me konkretisht per cfare kualifikimesh, se keshtu ne pergjithesi eshte kollaj t’i kualifikosh dhe skualifikosh qe te gjithe. Une po te rendise disa dhe ti me thuaj se kush eshte ai politikan qe eshte i kualifikuar.
E para, Lubonja ka shkruar per Tiranen dhe urbanistiken me shume se te gjithe analistet dhe politikanet qe ndodhen ne Shqiperi te marre se bashku. Jo vetem ka shkruar por i trajtuar problemet dhe simptomat ne menyre te sakte. Une jam ark. urbanist dhe ta them me bindje se edhe shumica e profesionisteve e kane te veshtire t’i trajtojne ne ate nivel, pra kerkon njohje dhe perkushtim.
E dyta, eshte figure intelektuale me integritet dhe e respektuar nga pjesa me e madhe e qytetareve, gje qe vihet re edhe tek peshku, pavaresisht nga c’krah anojne bindjet e tyre politike.
E treta, ai vete ka provuar me pare te jape kontributin e vet ne politike, por eshte terhequr per shkak te presionit te asaj politike qe earrit kulmin tek Gerdeci. Pra nuk eshte e vertet qe ai eshte rehat ne rolin e analistit, ngo-istit, apo watchdog-istit (perkthyer ne shqip: qen qe s’te kafshon). Nese ne vazhdojme ta tolerojme politiken t’i perzeje njerzit nga sahani i vet qe ka pushtuar ne krye te drejtimit te puneve te atij vendi si pa gje te keqe, ato nuk kane per te mesuar ndonjehere. Do vazhdojne t’i rregullojne gjerat me marreveshje rehat rehat midis tyre. Shumica e trurit iken jashte, edhe ajo pjese qe ka ngelur brenda perzihet dhe diskretitohet si pa gje te keq, atehere kujt i ka ngelur politika?
Tani, te lutem me thuaj ku jane politikanet qe ka kete resume dhe kualifikim qe u krahasoka me Lubonjen?
Nderkohe nese ne Tirane do mundej te zgjidhej nje figure e pavarur, qe do thyente monopolin e ndyre te partive politike, do ishte dhe vete sherbimi me i mire qe do i behej qofte politikes qofte edhe medias, sepse i kundervihet ne koncept politikes se Berishizmit, pra te asj qe trajton ti tek ajo tema tjeter.
22 August 2008 @ 12:36 am
Robo, dakort jam me ty, nese ai e konsideron telash ai mund te vazhdoje te beje “wacth dogun” apo sic thoshte dikush ketu, jo fare pa te drejte, “te behet bajat”.
Por une te pyes: kur te mbaroje ky mandati i Rames, kush do t’i ndaloj ato qe ka projektuar Kryetari, dmth. betonimin e Liqenit dhe krejt Tiranes ne vazhdim, qe e bejne kete Tiranen e sotme te duket si Parisi? Erion Veliaj? (se mbase ky i duket me i kualifikuar ndonjerit!) Une them se kur nje inteletual i hyn nje ceshtje ben mire t’i dal asaj deri ne fund, se c’kuptim ka? Nuk eshte ceshtje telashi, eshte ceshtje detyrimi.
Shih c’thote Lubonja ne nje shkrim se fundi per dy miq te huaj qe vizitonin Tiranen:
E vetmja gjë impresionuse dhe interesante për miqt e mij rezultoi ky “zhvillim” i paparë në egërsinë dhe kaosin e tij. Kur shihnin ndonjë shtëpi të vjetër që u pëlqente ngrinin pyetjen: “po a nuk ka këtu intelektualë që t’i blejnë dhe të kërkojnë të jetojnë në këto shtëpi.?”
Me thuaj tani ku jane keta intelektualet qe do blejne keto shtepite qe shiten per truallin e tyre dhe qe kushtojn sa dhjete shtepi? E vetmja zgjidhje eshte qe keto ndertime te ndalohen sepse askush nuk mund t’i blej. Ne nuk e kemi ate shtrese te mesme qe merr persiper kesi vendimesh. Pra, kush mund t’i ndaloj pervec dikujt qe ka, pervec pushtetit, ne te njejten kohe ndergjegjen (koshiencen), kurajen dhe reputacionin e njeriu te kalibrit te Lubonjes?
22 August 2008 @ 1:56 am
Ujk, nuk mund te flesh me djallin e mos i marresh pleshtat, thone, nderkohe qe djalli thote, cdo njeri e ka nje cmim. Une jam dakord me ty, me kete Lubonje te pergatitur, sic kam degjuar shume njerez te kene qene dakord me Ramen e Refleksioneve, por jo me Ramen e Tiranes, etj. Por Lubonja e njeh me mire forcen dhe pushtetin e atyre qe kane marre peng politiken, ne krahasim me c’e njihte Rama, ose me sakte, i ruhet me teper. Qe te arrije aty ku thua ti, do te thote t’i ruhet me pak, e qe t’i ruhet me pak, do te thote te krijoje disa reflekse indiferentizmi, te cilat nuk do t’a lejonin te ishte me ky Lubonje qe eshte. Je ne kufinjte e nje argumenti mesianik, dhe ketu po arrin duke i dhene shume vlera perfaqesimit te pavarur. Eshte e kote te ngresh ndergjegjen drejt faktit se shteti mund te koklavitet keq me mafjen, po te tolerohet kjo, e po te tolerohet ajo, si perpiqet Lubonja; posti qe ti propozon eshte politik, dhe si i tille ka qene, eshte dhe do te jete per nga natyra i koklavitur keq me mafjen. Ne keto kushte, une mbetem i mendimit se eshte sistemi i perfaqesimit ai qe nuk eshte ne terezi, pasi perfaqesimi nuk mund te jete kurre i pavarur. Ky lloj propozimi qe ben ti, eshte nje me keq se propozimi per radikalizim total, pasi edhe pse ti e jep kandidaturen e pavarur si pergjigje, “kush mund t’i ndaloj pervec dikujt qe ka, pervec pushtetit, ne te njejten kohe ndergjegjen (koshiencen), kurajen dhe reputacionin e njeriu te kalibrit te Lubonjes,” kjo superbindje qe shpreh, nuk me duket vecse maskim naiv i mungeses se pergjigjeve.
22 August 2008 @ 2:28 am
Lulian, do ishte maskim naiv nese une nuk do isha i bindur se sitemi ka deshtuar (sikurse, me sa duket edhe nga komenti, ti nuk mendon keshtu, pavaresisht nga Gerdeci dhe farsa qe e shoqeron perdite!)
22 August 2008 @ 3:01 am
Mund ta shtjellosh me shume kete se si qenka kjo me e keqe se propozimi per radikalizem total?
). Nderkohe Lubonja nuk eshte se gjendet jashte sistemit (ndoshta ke dashur te thuash nuk ndodhet brenda pjeses se kalbur te tij?) Une mund te kisha thene edhe le te zgjedhim Obamen (how is that for radical?), por pata parasysh sitemin kur e thashe, sepse gjithesesi ai eshte i pranishem ne media, ne opinionberje, por ka qene dikur prezent edhe ne vendimmarrje. Por ajo qe eshte me e rendesishme, thashe Lubonja sepse si ai pakkush eshte vene ne mbrojtje te Tiranes ndaj katastrofes urbane qe e ka kapur dhe pritet ta mberthej edhe me keq.
Une mendoj se ajo qe propozoj eshte thelbi i demokracise ku c’do qytetar thote fjalen e vet, sepse te shkosh te votosh dike qe e ka propozuar dikush pas kulisave, mund te quhet c’do gje por jo shprehje vullneti ( ndryshe vetem nese ke ndonje superbindje per rolin demokratik te partive politike
22 August 2008 @ 3:37 am
Ujku, e ke gabim ketu tani, mire te thote dhe luliani.
Nese kemi nje qen qe ruan kopene nga ujku, zgjidhja nuk eshte qe te vrasim ujkun dhe te veme qenin ne rolin e ujkut, pasi qene eshte roje tani dhe kjo do sjelle ruajtjen e kopese.
Pra cdo njeri dhe cdo element i demokracise ka rolin e vet; nuk eshte zgjidhja qe nje element qe funskionon mire, apo ne kete rast nje person i nje elementi, te zevendesoje nje person te nje elementi tjeter qe nuk funksionon mire.
Sic tha dhe dikush me lart, sikur te kishte te tjere si Lubonja, do kishte me pak korrupsion dhe rrumpalle. Pra ne na duhen me shume si Lubonja ne media, jo me pak.
Pastaj ta thashe, kjo kembengujle, dhe paksa naive do thoja, qe o te behet Lubonja kryetar o u be qameti, eshte e pakuptimte. Ide kulti. Ka plot njerez ore, pse vetem Lubonja qenka?
22 August 2008 @ 3:44 am
Paskam dashur te them nje me mire se radikalizimi total, por si duket nuk e ditkam kush eshte me mire dhe kush eshte me keq, radikalja, apo Lubonja. Ne qofte se sistemi ka deshtuar, si thua ne komentin e pare, qe e pranoj, atehere nuk mund te pranoj se mund te rregullohet nga brenda, madje as nga Lubonja, i cili normalisht ndodhet brenda sistemit. E quajta krejt sistemin perfaqesues te kalbur, jo vetem nje pjese te tij, ku Lubonja nuk ben pjese. T’a ndash kete sistem, ne te kalbur dhe te pakalbur, dhe Lubonjen t’a fusesh tek e dyta, eshte ajo qe quajta maskim naiv. Nuk jam duke diskutuar figuren e Lubonjes, mos me keqkupto, por krejt sistemin, qe as Lubonja, dhe askush nuk mund t’a rregullojne nga brenda, pervec ndoshta me radikalizem. Se c’do te thote ky llafi i madh, eshte ajo qe duhet kuptuar e ndoshta riperkufizuar.
“ndryshe vetem nese ke ndonje superbindje per rolin demokratik te partive politike.” Po. Them se jane thelbi i “demokracise” nepermjet perzgjedhjes qe ofrojne si grupe interesi.
22 August 2008 @ 3:46 am
Xhibi, mua naive (apo edhe me keq) me duket te thuash qe “ka plot emra” nderkohe qe ti nuk me sjell asnje!
22 August 2008 @ 4:47 am
Dakort me kete. Une nuk jam ndonje partizan i radikalizmit por nese mund te kete nje radikalizem, sado klishe, eshte ai ne paragrafin e pare ne “declaration of independence” te US, ku thuhet shprehimisht:
— That whenever any Form of Government becomes destructive of these ends, it is the Right of the People to alter or to abolish it, and to institute new Government, laying its foundation on such principles and organizing its powers in such form, as to them shall seem most likely to effect their Safety and Happiness
To alter and to abolish it, qe do te thote jo ta permbysesh sistemin por ta modifikosh ate apo ta vesh ne shina. Pra edhe une po propozoj dicka te ngjashme (ndoshta!) duke perkrahur nje kandidature te pavarur dhe “abolish” dhe “alter” sistemin e tanishem partiak. P.sh. nese ne zgjedhjet e pergjithshme njerzit nuk do shkonin te votonin atehere do kishim nje parlament qe do mund te zgjidhej ta zeme nga 25% e popullates. Kjo lloj proteste do te thote “abolish” apo nje lloj deligjitimi i parlamentit i zgjedhur ne fund te fundit nga kulisat e marrveshjeve partiake dhe odifikemet antikushtetuese te kushtetutes. Pra nese do kemi kete lloj radikalizimi (perkunder rrezimit te pushtetit me dhune Marksist) them se nuk jemi duke kerkuar referenca jashte sistemit, por jemi duke e modifikuar ate. Pra gjithe brrockullat qe “u dashka te dali nga politika” jane te kota, sepse ketu nuk po sygjerohet e kunderta, por po synohet modifikimi i nje sistemi partiak dhe perfaqsimi (sic e thua ti me te drejte) qe eshte tashme i kalbur.
22 August 2008 @ 3:22 pm
Per cfare ka nevoj Tirana? Tirana ka nevoje per nje termet shum te forte qe ta rrafshoj (si Shkupi dikur dhe u ndertua nga e para) se ndryshe ,kjo katraure qe kane bere zarbot ose bythegrisurit komuniste,nuk mund te riparohet me artikujt e Fatosit apo me me medimet e policit eco.
Ose ose nevojiten 4 GERDECA ,1 ne kryeministri,1 nje tek PD 1 ne bashki dhe nje tek PS
23 August 2008 @ 2:50 am
Per tironcat e vet
26 August 2008 @ 5:49 pm
Fatos lubonja kryebashkiak i Tiranes. e ben perfekt. por kush parti do e kandidoj.? kjo mund te ndodhe nese bie berisha ne 2009 de vjen ndonje per se mbari ne PD kur te jete ne opozite, megjithese pak te ngjare do kete.
e sigurt eshte se lubonja merr vota te majta pa hesap. tiransit dian me shume tiranen dhe femijet e tyre se partite.