Nevoja për politikë jo-politike
“Isha 5 metra larg kur nisi katastrofa. Sapo isha kthyer, kur pashë flakën. Vrapova drejt shpatit. Mora motrën 14 vjeçe, e cila mu rrëzua njëherë, dhe vetëm vrapoja..Ishim duke mbushur karrocat me barut. Kishim vetëm 2 muaj e gjysmë që kishim filluar nga çmontimi i predhave, pasi më parë kemi çmontuar fishekët…Dy motrat, nëna, unë dhe e fejuara ime. Babi në momentin e shpërthimit ka qenë tek toka, disa metra larg fabrikës.Jam duke i kërkuar. I lutem Zotit të kenë shpëtuar. Motrën e vogël e kapa…vrapuam drejt shpatit, për t’iu larguar sa të ishte e mundur shpërthimit. O Zot, çfarë të shihje pas shpërthimit! Bunkerë që fluturonin nga fuqia e madhe e shpërthimit. Tulla e gurë që fluturonin në ajër. Ruheshim se mos na zinte ndonjë gjë. Nuk kam për ta harruar kurrë këtë ditë! Ka qenë dita më tragjike e jetës sime dhe më tragjike do bëhet nëse nuk më kanë shpëtuar personat e tjerë të familjes.”
Kjo është dëshmia e Shkëlqim Brinit siç i rrëfen gazetares Sonila Mesareja të së përditshmes “Standard” pas krimit të përbindshëm të Gërdecit. Ajo shton se menjëherë sapo mjekët kanë mbaruar mjekimin e tij është vënë në kërkim. “Kërkon motrat, nënën, të fejuarën…”
Nuk e di nëse Shkëlqimi i gjeti gjallë të dashurit e tij, zemra më thyhet kur lexoj dëshminë e tij e lutem të gjithë të jenë mirë. Pa orvatje teatrale e pa lypur mëshirë fjalët e tij kumbojnë të vërtetën tonë të trishtë më kthjellët se të gjitha analizat e analistëve, më qartë se të gjitha konferencat e shtypit, më ndershëm se të gjitha reportazhet televizive. Krimi i dhunshëm i Gërdecit, me gjithë forcën e vet shkatërruese dhe zjarrin përvëlues, me fantazmat e të vdekurve dhe plagët e të gjallëve, është i vetmi realitet. Ndalni për një çast të nderuar lexues dhe imagjinoni bunkerë që fluturojnë nga shpërthimi dhe bien nga qielli. Kujtoni renë e zezë që errësoi qiellin e marsit dhe mos injoroni humbjen e thellë të atyre që bashkë me tymin i mbushën mushkëritë me hirin e të afërmve të tyre. Le ta kuptojmë që të vdekurit e tyre janë edhe të vdekurit tanë.
Shpërthimi i Gërdecit nuk ishte një fatkeqsi, ishte një krim. Gërdeci edhe pse na tronditi nuk na çuditi. Na tronditi sepse edhe në makthet më të frikshme nuk kishim imagjinuar dot të tillë makabër, nuk na çuditi sepse çdo njeri me inteligjencën më modeste e di që një i verbër kur vihet për udhërrëfyes herët apo vonë do t’i hedhë të gjithë në greminë. Nuk u çuditëm, sepse nuk ishte hera e parë që shteti shqiptar, në duart e injorantëve dhe makutëve, shpërthen, shkërmoqet dhe bëhet morti i qytetarëve të vet. U tmerruam por nuk u habitëm sepse e dinim, Gërdeci ishte si një vullkan aktiv me korrupsion dhe mungesë respekti për jetën e tjetrit, që herët a vonë do villte vdekjen. Gërdeci është prova e fajit të atyre që e kurdisën dhe lejuan dhe provë e gabimeve tona si qytetarë të këtij vendi ku duket se jeta e njeriut nuk mbart asnjë vlerë numerike në hesapet e tyre të ndyra. Por le tu tregojmë se jemi të xhindosur në kulm nga pabesia e tyre, e nuk durojmë dot më!
Me gjithë shtirjet, gënjeshtrat, justifikimet dhe shashkat mediatike ne nuk duhet asesi të harrojmë çfarë ndodhi në Gërdec. Ai shpërthim nuk ishte një aksident por kulmi i dhunshëm i aktivitetit kriminal të një kaste politike pa skrupuj. 26 shqiptarë humbën jetën prej krimit qeveritar, përgjegjësit duhet të përballen me Ligjin, përndryshe shoqëria jonë ka kapitulluar moralisht, ligjërisht dhe në të gjitha mënyrat e tjera të mundshme. Nëse Drejtësia nuk triumfon shoqëria shqiptare përballet me dilemën më të vështirë egzitenciale. Ose egzistojmë dhe reagojmë, ose nuk reagojmë dhe nuk egzistojmë. Të paktën jo në atë nivel që pretendojmë ne. Në rast se do të lejojmë që përgjegjësitë e Gërdecit të humbin si flluska sapuni ne do të meritojmë të quhemi dështakë si qytetarë dhe si njerëz. Në rast se edhe Gërdeci harroet dmth që shoqëria jonë është kapur, ashtu sikur “kapet” një vajzë e mitur nga të fortët e lagjes. Nëse se do të heshtim dhe harrojmë Gërdecin atëherë po pranojmë që Shqipëria nuk na përket më ne por është thjesht fushëbeteja e politikanëve të shkarë.
Në këto kushte, kur një kastë e korruptuar politike bëhet pengesë për zhvillimin normal të vendit, kur një grup njerëzish bëhen kërcënim për normalitetin e jetës sonë lind nevoja e politikës jo-politike, që është zbulimi i shpirtit humanist në të gjithë ne. Nëse e kemi me sinqeritet dhe përgejgësi kur themi se duam një Demokraci të vërtetë për Shqipërinë atëherë nuk kemi pse t’i shmangemi përgjegjësisë qytetare për tu bashkuar në një politikë që nuk është as e vjetër e as e re por është politikë ati-politike. Po bëhet gjithnjë e më e qartë që politika nuk ka pse të mbetet nën kontrollin e politikanëve profesionistë që të shumtën e rasteve janë vegla të shitura në dy tre vende njëherësh. Po bëhet e qartë se politika e sistemit, politika e ngushtë e garantimit të pushtetit duhet të zëvendësohet nga politika anti-politike, politika e njeriut, e qytetarit. Që as nuk shitet dot as nuk blehet dot, sepse i shërben një interesi më të lartë, e në as një rast nuk do të shtrëngojë duar të përgjakura.
Politika nga poshtë-lart është e mundur. Unë besoj se vetëm dëshmia jonë personale e asaj që duam që ky vend të jetë mjafton për të vënë në dukje sa kritike është nevoja e shmangjes së politikës së sistemit. Vetëm ideali i asaj çfarë duam që ky vend të jetë për fëmijët tanë është boll të na e bëjë evidente se sa vonë jemi kur ende drejtohemi nga njerëz që të vrasin natën e të qajnë ditën, nga politikanë pa ideal dhe pa orientim moral, që kur thonë jemi të majtë apo të djathtë e kanë fjalën se nga cila anë flenë natën. Gjithsesi flenë në të njëjtin shtrat.
Po cila do jetë kjo forcë politike? Si do të përfaqësohen qytetarët në zgjedhjet? Si do t’ua rrëmbejnë përgjithmonë pushtetin politikanëve të Dushkut? Këtu duhet besim, sepse për nga vetë natyra e saj politika anti-politike ka një efekt që është i vështirë të parashikohet. Politika jo-politike është shpesh herë e dallueshme në ndërgjegjen tonë të përbashkët shoqërore, ne nuk ndjejmë vetëm atë që ndjejmë vetë, por ndjejmë edhe të tjerët që ndihen njësoj si ne. Dhe masa kritike po arrin. Është koha për politikën e Shkëlqimit që shpëtoi për fije në Gërdec. Për kë do të votojmë në 2009? Përpara se të japim atë përgjigje duhet të mendojmë për përgjegjësitë tona si qytetarë. Të kthjellohemi në atë që duam, të udhëhiqemi nga njerëz të denjë, të ndershëm dhe të aftë, që nuk janë të kufizuar në ide brenda kornizave të partisë. Duhet ta ngrejmë zërin edhe për ata që nuk kanë zë, dhe të pranojmë përgjegjësinë që kemi ndaj njëri tjetrit për të qënë të guximshëm, dhe të vërtetë.
E kuptoj, që të flasësh për politikën jo-politike mund të ngjajë diçka si ëndërr në diell, apo si idealizëm naiv. E megjithatë unë besoj se është koha për të folur. Është koha për ta bërë të qartë sesa të zhgënjyer dhe të zemëruar jemi për vitet që kemi humbur prej paaftësisë së tyre për të drejtuar vendin. Është kohë e përshtatshme për tu thënë se nuk i durojmë dot më me egot e tyre të sëmura dhe mungesën e integritetit. Me etjen për pushtet dhe urinë për të vjedhur shtetin. Ka ardhur koha për tu thënë se do kishim preferuar të ishin të nxehtë ose të ftohtë, por janë të vakët dhe na bëjnë për të vjellë.
Blendi Salaj
peshkupauje.com
2 Maj 2008 @ 10:10 pm
Gerdeci eshte njolla e zeze qe nuk ka solucion kimik qe e pastron.!
2 Maj 2008 @ 10:46 pm
Homos Gërdecicus-qeveri!
2 Maj 2008 @ 10:48 pm
Bukur Blendi! “Po cila do jetë kjo forcë politike? Si do të përfaqësohen qytetarët në zgjedhjet? Si do t’ua rrëmbejnë përgjithmonë pushtetin politikanëve të Dushkut? “ Nuk po ja gjej pergjigjen kesaj pyetjes ne artikull. Mendoj qe ajo qe kemi nevoje nuk eshte politika apolitike, qe mund te shfaqet permes abstenimit ne mase dhe mund te sjell anarki, perkundrazi ne kemi shume nevoje per politike dhe pikerisht per ate qe “politikanet” tane nuk po e bejne.
2 Maj 2008 @ 11:12 pm
And ?
3 Maj 2008 @ 12:01 am
Blendi!Te lumte per c’ke shkruar!Po per ke?Mezalla,s’e ndjehet njeri.Se cili i ben “rreke bythes se vete” sikur ajo q
3 Maj 2008 @ 1:11 am
“Sakat”une,cyryk edhe postimi.Po e vazhdoj:
…sikur ajo qe ndodhi,nuk ka te beje me mua dhe as qe me duhet fare.Si ajo barceleta me priftin qe tha:”Larg fshatit tim;larg shtepise sime dhe,me ne fund,”larg bythes sime!”.Kur do ta kuptojme se te beshe sehir dhe te rrish menjane para nje tragjedie te tille,do te thote se ke humbur,mbi te gjitha,njerezillekun.
3 Maj 2008 @ 1:34 am
Fatkeqesia jone perparim eshte se jemi shume me teper tolerante se c’duhet me njerezit “pro berishe” e qe thone e mendojne “fajin e kane vete gerdecaret”
Eshte detyre qytetare ne keto momente qe te vendosim nese berisha (simbol i gjalle) eshte fajtor dhe pas kesaj ne DUHET (nese duam qyteterim) te izolojme dhe ndeshkojme (nga ana sociale kuptohet) personat “pro berishe” ne menyre te qarte, te hapur, dinjitoze.
Ka akoma njerez ne pd ne te cilet ngjyrosja e trurit me boje blu nuk eshte akoma permanente. Keta njerez duhet te detyrohen ti vije turp nese mbeshtesin akoma berishen.
Quhet PRESION SOCIAL POZITIV
Nuk mund ta beje rama as meta apo gjinushi e aq me pak anetaret me te vlefshem ne PD. I takon sistemit social ne teresi te beje kete, pak nga pak, dite pas dite (dhe mos mendoni se nuk po ndodh).
3 Maj 2008 @ 1:40 am
Blendo, ty te lumte pena, po kam frike ndonjeri nga ata ne foto ose te gjithe do thone pasi ta lexojne (sikur ta lexojne, shansi 1 ne 100000) “Pirdh, pirdh, se lirohesh”.
3 Maj 2008 @ 1:42 am
Vijme tek propozimi i blendit (politike jo-politike)
Une personalisht preferoj politiken politike dhe politikanet profesioniste (qe nuk do te thote se nuk kane profesione te tjera por qe nuk mjaftohen me ca sllogane e me kalerimin e ndonje dallge sociale te castit)
Une preferoj njerez qe me thone ndershmerisht: UNE JAM KETU, ME GJYKO NESE VLEJ SI POLITIKAN
Une preferoj njerez qe me kthejne besimin tek klasa politike.
Une i kam bezdi te madhe njerezit te cilet sot “1 prilli festa e politikaneve” dhe neser “une dua vota, rroge dhe pushtet por mos me konsideroni politikan”
3 Maj 2008 @ 3:36 am
As që e besonja që do sillej në peshk një artikull i tillë. Arsyeja është, më duket mua, se administratorët përpiqen ti shmangen në nje farë mënyre debatit te fortë kur vjen puna për te diskutuar lidhut me prodhimet e helmuara deri më sot të politikës shqiptare. Në te vertetë unë nuk kam parë ndonjë gjë për te qënë në zhvillimet politike të Shqipërise gjatë këtyre 20 vjetëve(pas 90s). Gjithëmonë janë bërë premtime të bujshme dhe më pas te gjitha rezultatet negative ose të munguara janë justifikuar me veprimet ose mos veprimet e komunizmit dhe te komunistave. Kjo, mendoj, është formula e thjeshtuar e politikanëve shqiptarë dhe për ta bëre te besueshme këtë nyje gordiane të lidhur me mjeshtëri nga klasat sunduese (plot synime te vjetra dhe të reja) të serbit dhe grekut, i kanë fryre me anë të një propagande te çfrenuar që edhe Gebelsi do t’ja u kishte zili.
Mendoj se për këdo që lexon dhe është i interesuar për zhvillimet politike, ekonomike dhe sociale te shekullit të kaluar në Ballkan, nuk mundet te mos vëjë re se Ballkani si një fuçi baruti e krijuar nga superfuqitë e kohës, kurdohere ka qënë i përfshirë nga një propagandë e çfrenuar nacional shoviniste dhe kurdoherë apo në shumicën e rasteve kjo ështe drejtuar kundër shqiptarëve. Nuk mund ti shpëtojë syrit të vezhguesit të thjeshtë se në këte trevë ballkanikë Shqipëria dhe shqiptaret kanë qënë ajo bakllava gjigande qe u nda për të kënaqur orekset e gjithë sllavëve dhe grekëve. Kjo ka qënë dhe arsyeja që në Shqipërinë e 40 viteve të socializmit u harxhua aq shumë për mbrojtjen dhe për paisjen e popullit me armë dhe me municion të pa parë. Depot e armëve dhe te municoneve nuk kanë qënë për të luftuar me të gjithë botën siç pretendon klani berishian në ditët e sotmë, por kanë qënë një pregatitje e gjithanshme politike, ushtarake e Shqipërise si shtet amë për të pritur ato ditë të zeza në të cilat serbet e Beogradit u nisën me të gjitha arsenalin qe ka krijuar ndonjëhere fuqitë agresive. U nisën, dhe jo vetëm me armet konvencionale por edhe me të gjitha metotad e ushtruara në shekuj nga forcat e errëta per te mposhtur popujt, për genocid, për sterilizim dhe sidomos për mbjelljen e lëndës biologjike si mjeti për asimilim. Ato depo me armë dhe me municion nuk ishin vetëm për shqiptarët e Kosovës martire por ishin edhe për shqiptaret e Maqedonisë qe ashtu si vëllezrit kosovarë kanë provuar të gjitha metdat më çnjerzore to shovinistëve sllavë. Në të gjithë botën shtetet bëjnë një punë mjaft të lavdërueshme përsa i përket pjesëve të tyre jashtë kufijve shtetërorë, kësisoj, nuk kishte pse të mos e bënte dhe Shqipëria. Por sot të gjithë e dinë se çfar ndodhi me gjithë atë xhephane, në kohën që fqinjët tanë të veriut dhe të lindjes shtypnin më armë të ngjajshme me tonat pikërisht vëllezrit tanë, politikanët e Shqipërisë zgërdhiheshin më keq se prostitutat pa vlerë duke perqeshur bunkerët dhe depot se ç’i duheshin Shqipërise gjithë këto budallallëqe të Enverit (sikur ato të kishin qënë leku dhe pasuria e Enverit dhe jo pasuria dhe djersa e shqiptarëve)
Sot në ditët kur bota apo shtetet kryesore kanë kuptuar se politikanët shqiptarë qëndrojnë shumë herë më poshtë se sa prostitutat e tyre qe në fund të fundit ishin këta politikanë-kurva të degraduar që nxorrën rininë dhe vajzat shqiptare në rrugët e botes si prostituta për bukën e gojës, e pra pikërisht sot ata deklaruan me finesë se futja e Shqipërise në Nato nuk eshtë veper e ndonjë partie politikë.
Eshte e kuptueshme se Shqipërise ju dha shansi por politkanët nuk e donin, epo….. atëhere fuqitë e sotme nuk do prisnin këtë palo Qeverie banditësh dhe hajdutësh bashkë me Cjapin e Kopesë që të shinin di donin, dhe bënë atë qe kishin planifikuar. Është e natyrshme që problemet janë me mijra, por të gjitha këto ishin të planifikuara qe truri shqiptar të largohej dhe në këtë mënyrë këta revanshistë të kombit të mund të sundonin edhe më kollaj. Imagjino sa deputetë injorantë ka në parlament, pse ndodh kjo. Pikërisht se jeta e intelektualt dhe atij të shkolluarit me djersë u bëhet e padurueshme nëpërmjet metodave që nga më të thjeshtat deri tek ato më të sofistikuarat me diploma. Për mendimin tim Shqipëria sot ndodhet në udhëkryqin më të rrezikshëm të historisë vet. Problemi shtrohet se a do te ketë vallë djem e vajza të reja qe të shtien dorën për ta marrë mbi supet e tyre Nënën e vet apo do të bëjnë sehir Cjepet dhe Kasapët e Renegatit Berisha që nuk po lenë gjë pa shkatërruar nën parrullën e “luftës kundër komunizmit” duke filluar që nga kanalet vaditse dhe deri te Institucionet shkencore. Në se për 18 vjet janë arritur këto pak rezultate (nuk duhej të kishte fare rezultate për shkak të politkave prej dallkauku), janë arritur në saje të punës së njerzve dhe vet tendencës natyrore te zhvilimit përpara, por kjo nuk është e përjetshm.
3 Maj 2008 @ 3:39 am
fotoja me e realizuar qe kam pare tek Peshku ne nje kohe shume te gjate.LMAO
3 Maj 2008 @ 5:17 am
Çdo popull meriton atë qeveri që ka (zgjedhur).
3 Maj 2008 @ 9:12 am
Dicitura me e bukur do te ishte Gerdecaret e mbijetuar ,te veshur me kostume firmato dhe qe nuk duan t’ja dine per te vdekurit.
Pyetja eshte sa larg ,dhe sa prane ishin keta te surviver te veshur shik,dhe sa prane dhe sa larg jane tani,nga gerdecaret e vertete.
Sa per ate qe thote dikush me larte eshte turp te jesh sehirxhi,une kam konstatuar qe ne shqipetaret jemi te gjithe sehirxhinj dhe vetem duartrokasim dhe i ngreme kulte individeve,ne nuk jetojme dot pa idhuj.
Ne hame bar dhe nuk i shkelim parimet e atyre qe na ginjejne.
genjeshtra e tyre na eshte bere si buka e perditeshme.
3 Maj 2008 @ 9:39 am
o blendosh po prape me nje vrime po i bie fyellit! po si su lodhet! ju as qe e dinit se ku ishte gerdeci me perpara, tani na e kujtoni prape dhe kur gerdecaret e kane “harruar”. nejse beni qefin njeri tjetrit me kto shkrime, jeni bere ekip tani!
3 Maj 2008 @ 10:23 am
Salaj .
fillove prap me keto traktet e ktheve peshkun ne gazete . Problemi ne Shqiperi nuk eshte gerdeci por mentaliteti gerdecar qe ekziston ne Mjekese,Arsim ,Drejtesi lexo pak shkrimet e intelektualit Lubonja.
3 Maj 2008 @ 11:08 am
O Lefti njerez jeni apo kafshe??? Atje u vrane gjithe ata njerez dhe ti e hedh pas me nje “eshte harruar”. Ishin jete njerezish!!! Pse ty sikur neser larg qofte te te vritet nje familjar, kaq shpejt do ta harrosh ti????a do te flisje keshtu “eshte harruar”? te te vij turp!
3 Maj 2008 @ 11:19 am
AR31
ne emer te stabilitetit dhe te reformave une do harroj per vete, pikerusht se asnje nga ata personat qe vdiq nuk ishte ne familjen time.
Ne emer te llogjikes se stabiliteti eshte me i mire se zhurma apo brutaliteti opozitar, pra ne emer te opozites ndryshe edhe une do harroj.
Keto punet e revoltave zakonisht i udheheqin opozitat ne vende ku ka rob prej verteti, ndersa ne perpiqemi ti bejme tek peshku pa uje.
E sa kohe qe opozita e shiti kete proces ne emer te politikes Pertej te majtes dhe te djathtes, atehere me trego ti mua cer te bej me shume se te grindem me ty ?
Sepse po fola ndonje gje me zarar nuk ka kush me merr ne mbrojtje.
Tani per te mos dale legen fare e bej ndryshe : stabilitetit te vendit nuk i mjaftojne 26 veta, duhen te tjere.
Ja kjo po me ndodh mua ketej nga memedheu dhe meqe jam e jetoj ketu ti e kupton qe une e dua memedheun shume.
Jete e poshter !
3 Maj 2008 @ 11:28 am
Nuk lejohen pyetjet retorike ketu!
3 Maj 2008 @ 11:37 am
Problem ne Shqiperi si tek qytetari dhe politikani eshte mungesa e patriotizmit . Pa patur ne thelb te aktivitetit shoqeror sensin patriotik nacionalist cdo politikan do katandiset aty ku jane katandisur ne sherbetor te ndyre ta interesave Greko-Serbe . Problemi eshte shume i gjere mungesa e patriotizmit ka prekur gjithe rinine prandaj cfaredo lloj klase politike qe do te krijohet me keto kritere do te tradhetoj popullin. S’mund te konkurosh te zhvillohesh ne epoken globale duke braktisur identitetin kombetar si po ndodh.
3 Maj 2008 @ 12:08 pm
Shkrim shum i arrire dhe si gjithmone Blendi ka thene ate qe eshte e verteta me e kobshme sot per sot.
Po me duket se ne Shqiptaret ja bejme vete varrin njeri tjetrit, armiku vetem sa na percan pakez, pastaj rri e ben sehir.
Kam pasur kete mendim qekur, por tani qe dhe puna me lidh pak a shume me keto “politkuce” jam bindur totalisht qe:
Sjellja e Shqiperise ne kete pike, nje shtet pa dinjitet, me popullsi qe ka arritur piken e varferise, me nje rini pa shpresa dhe pleqeri plot vetmi dhe skamje, ka qene nje PLAN i miredetajuar.
-Tani erdhem ketu, ky mendoj nuk mund te jete finishi, ka akoma deri sa te mberrijme piken kritike. Shikoni ecjen tone neper demokraci dhe do filloni te mendoni seriozisht per ate qe po ju them.
1) Rrezuam Diktaturen, me nje grusht studentesh plot ideale dhe kerkesa fillimisht per kushte me te mira ne konvikte.
Qeveria qe erdhi, lajmeroi me te madhe qe diktatura do shembet njehere e pergjithmone, duke luajtur keshtu me ENDRREN e Shqiptareve per te qene te lire. Shqiperia do behet si gjithe Europa, prandaj nuk na duhet as veprat e komunisteve, as fabrikat, as brezaret plot peme, as fushat, as serat as planet dhe strategjite e Kombit qe ajo hartoi.
2) Ne Shqiperi mund te kesh leke, pa punuar asnje here, biles keto te te shtohen 3fish. Rrini Shqiptare, se leket po ecin. Dhe me te vertete ecen, shkuan ne lume te gjithe ato qe kishim dhe u nisem prape nga 0.
3) Revolta per parate e humbura, plasi ne lufte gati civile. Ketu beme me te miren,shperthyem edhe ate pasuri qe e kishim ndertuar deri ne ate kohe. Morem, shitem, prishem, vodhem gjithshka.
-4)Levizja pasardhese, shkaterrimi i plote i shpreses se popullit ne se Shqiperi mund te jetohet. Plasi bomba ne Gerdec, tronditi themelet e ndergjegjes tone, nje jete qe svlen ne Shqiperi as sa e qeni rrugesh.
Mendoj se ne duhet te shikojme nga fajtoret kryesore, jo keta pupacet qe e quajne veten deputet. Po nga cila ane do kerkojme, mos valle At Fishta e kishte gabim kur bertiste se:
“Shqiptarit i shendrijne syte ne drite te arit, ma shume se ne drite te Flamuri”??
Ata qe do ta nisin kete rruge te kene parasysh se arin do ta kene gjithmone perpara, si nje tym te zi qe te ndjell e te thote:
“Jeto per vete mire, pa Shqiperia keshtu ka qene gjithmone”.
p.s te me falni per zgjatjen.
3 Maj 2008 @ 5:20 pm
Lidhur me kete teme Kryetari Rama ka thene :
..Nuk është e thënë që ju të bëheni politikan, as që ju të merreni me politikë, siç merren politikanët, por që të kuptoni se duke qenë aktiv, duke u bashkuar me njëri-tjetrin për ëndrrat, dëshirat, ambiciet dhe interesat tuaja, duke e kuptuar politikën jo si profesion, por si pasion për të ndryshuar jetën tuaj, për të ndryshuar jetën e fshatit dhe të qytetit, për të ndryshuar kushtet në shkollat tuaja, rrugët e së nesërmes tuaj, atëherë realisht gjërat mund të ndryshojnë…
Divjake
3 Maj 2008 p.e.r.
3 Maj 2008 @ 5:44 pm
O koth, si mer te ka shpetuar intervista e cunit te Rames, Erion Veliajt ne VOA? Pervec “bombardimit” te Metes me fjalor te vjeter (te marre qe nga koha e Nanos), kishte folur dhe per partine/levizjen/grupin e tij qe do te beje politike jashte te majtes dhe te djathtes, ne aleance qytetare me profesionistet dhe do te merrte votat e brezit qe nuk ka degjuar kurre per arancaten me limontoz…
Interesante per ta nderlidhur me diskutimin kete punen e arancates pa limontoz…
3 Maj 2008 @ 5:45 pm
Me falni, “me limontoz” desha te thoja.
3 Maj 2008 @ 5:48 pm
Nuk me shpetoi mer. Po prisja ta vinin keta ketu.
3 Maj 2008 @ 5:56 pm
Shiko se nuk kemi vetem Coke dhe Pepsi, tha. Kemi edhe Diet Coke dhe Diet Pepsi.
Blendi, perfundimisht, se nuk e kuptova mire, politike jo-politike domethene te mos votojme? Thujeni troc mo vlla, jo shkundeni, por MJAFT VOTEN, rezervojeni per atehere kur te kete vlere.
3 Maj 2008 @ 7:21 pm
Gerdeci ishte test i familjes Berisha dhe klanit te tij per te vertetuar potencen qe kane,per te vertetuar se deri ku mund tja futin popullit te keqen.Natyrisht qe u doli me sukses:babai, femijet dhe me ne fund edhe e jema provuan se me shqiptaret mund te bejne gallat tere jeten, se rajase i eshte paralizuar koshienca,eshte lodhur aq shume sa nuk ka force as te uleri,kur i dhemb.
Shtypi,masmedja dhe ne te forumeve vetem se i bejme te buzeqeshin Berisha,Rama,Nano &Co.
4 Maj 2008 @ 3:41 pm
Lulian, mendoj se deri ne 2009 ka kohe per te gjetur nje alternative me te mire se mosvotimi. Ndoshta njerezit duhet te fillojne te behen pak “kreative” me voten e tyre. Si eshte ajo shprehja, nevoja eshte mema e shpikjes (or smth)?
Me politike jopolitike mund te besh kete qe behesh nje elektorat vertet i pavarur. Qe nuk i “jep besen partise”, asnjeres parti. Elektroat qe ben (vetem) politiken e interesave te veta njerezore.
4 Maj 2008 @ 3:42 pm
o “peshq” hala te ura jeni ju. Po lerini keto llogje se nuk ka ma lezet. fajtor ky, fajtor ai, nje fshatar tha, populli thot etj,etj. Ka nje prokurori, dhe po punon per zbardhjen e te vertetes. Ka gati dy muaj po ne nje vrime po i bini.
4 Maj 2008 @ 4:11 pm
S’jam aspak dakord me ty afrim qe njerezit nuk duhet te flasin per keto gjera. Perkundrazi.
4 Maj 2008 @ 4:28 pm
Blendi, megjithe deshiren e mire prape s’ke zgjidhje.
4 Maj 2008 @ 5:15 pm
Afrim,
Jemi bere te gjithe prokurore tani, bile me shume, pervec hetimit dhe akuzes bejme dhe gjykimin.
Pervec perdorimit te kesaj ngjarje per politike, marrja me Gerdecin, ne sensin e propogandes politike (jo se nuk duhet kerkuar pergjegjesi per te), nuk sjell asgje.
Prokuroria shqiptare eshte ne pune, po heton qe nga pronaret e fabrikes deri tek ish-ministri i Mbrojtjes. Te tjerat jane llafe pazari qe gatuhen ne kuzhina partishe dhe grupesh politike dhe mediatike, qe te paafte te artikulojne alternativa qeverisese, te paafte te sulmojne qeverine per premtimet e saj, punet qe ka bere ose jo etj., kerkojne ne menyre te dhunshme te mbajne debatin te ngujuar ne kete linje dhe thjesht per Gerdecin.
E perseris, prokuroria po punon, nese jeni kaq te prekur dhe shqetesuar per ngjarjen (ne fakt une kam arsye per te dyshur per kete) dhe kerkoni zbardhjen e saj, shkruani dy fjale ku te mbeshtetni prokurorine ne detyren e saj dhe t’i kerkoni qe t’i shkoje deri ne fund ketij hetimi.
Per t’u kthyer tek tema e stisur qe eshte per diskutim, se fundi po ju them, qe mos mendoni qe do te shkoni ne zgjedhjet qe po vijne dhe te kerkoni apo mundoheni te bindni qytetaret per te votuar per x apo y parti, grup apo shoqate rinore e specializuar per parade mode me veshje tranvestitesh, duke tundur lart e me lart vetem flamurin e Gerdecit. Nese shkoni me kete mendje, jeni te humbur qe tani. Megjithate, ju e dini me mire…
4 Maj 2008 @ 5:29 pm
O Polic. O tip me tru nje-drejtimsh. Nuk ka njeri besim tek Prokuroria qe do e beje tamam hetimin. Nuk ka njeri besim sepse Kryeprokurorja eshte e re. Nuk ka njeri besim sepse u caktua nga Ponc Pilati ne krye. Nuk ka njeri besim sepse ka 17 vjet qe ata te “zgjutet” kane kap shtetin. Nuk ka njeri besim se nuk eshte denuar njeri akoma per ‘97-en e jo me te denohen per ‘08-en kur tani jena fut ne NATO e na mbron Amerikoni. Nuk ka njeri besim sepse opozites nuk po i rruhet per kete muhabetin. Nuk ka njeri besim sepse jetojme ne Shqiperi dhe besimi tek shteti, sidomos kur shteti e hedh vallen me stilin e lezetshem nje hap para e dy hapa mbrapa, eshte ZERO! Dhe kjo s’ka te beje me faktin se kush eshte tani per tani ne pushtet, ka te beje me faktin qe keshtu jane te GJITHE.
O Polic,
Ti je me fat. Ti dhe shoket e tu jeni shume, shume me fat sepse ata qe mendojne si ky djali qe e ka shkruar kete copezen me siper jane “jashte” dhe jane tek e tek ndersa ju “Policet” jeni grup (pavaresisht nga ngjyra), dhe jeni “brenda”. Ai cuni akoma s’e ka kuptuar qe juve s’ju ben dot gje shpejt e shpejt sepse jeni bij kurvash (si metafore kjo), por qe vetem koha dhe pjekja ngadale, ngadale, do ta beje punen vete…..
4 Maj 2008 @ 5:43 pm
Mos ke pire gje? Cuna, mbahuni vetem tek kamomili mos kaloni tek te tjerat…
Tani shpejt e shpejt nje pergjigje. Ti nuk ke besim tek prokuroria, por kemi ne te jeret, prandaj te lutem shume, mos fol ne emer te te gjitheve.
Sidoqofte, dyshimet e tua mund te jene te drejta, por te pakten t’i leme kohe prokurores qe te beje punen e saj dhe pastaj ta gjykojme.
Nuk eshte e besueshme kritika kur si themel ka paragjykimin. Jepi kohe dhe mundesi institucioneve te punojne, pastaj ne dashti Zoti, jemi gjalle dhe me shendet, dhe flasim perseri.
Puna eshte qe te mos stisen debate te tilla, thjesht dhe vetem per te mbajtur ne keto ujra opinionin, ne kete rast te peshkut, se keshtu na e kerkojne ato grupet e paafta qe zvarriten neper Shqiperi dhe me raste dhe ne bote.
Mire qe e keni kuptuar qe nuk ka bir kurve si puna jote (metafore kjo), qe edhe pse shfrytezon pozicionin tend tek peshku, deri sa te vazhdoni ne kete menyre, nuk arrini te na beni gje…
He si te duket kjo e fundit…
4 Maj 2008 @ 6:23 pm
@polic,
“pastaj ne dashti Zoti, jemi gjalle dhe me shendet”
…
Je “birkurve”
4 Maj 2008 @ 6:39 pm
“Ti nuk ke besim tek prokuroria, por kemi ne te jeret, prandaj te lutem shume, mos fol ne emer te te gjitheve”.
Llaf me mend. Ti ke besim tek prokuroria, por nuk kam une, keshtu qe edhe ti mos fol ne emer te shumices.
O polic, qe je polic i zgjut dihet se e ke mendimin edhe ne emer. Sidoqofte polic mbetesh. Qe Prokuroria nuk po e ben punen si duhet, shihet qarte me gjithe hirin qe te kane mesuar te na hedhesh syve. Prokuroria ka nje rol publik, dhe qellimet e saj per sqarimin e dyshimeve jane publike. Sidoqofte nuk e ka bere publike nje piste hetimi ne lidhje me Shkelzen Berishen dhe baxhanakun e kryeministrit. E di qe do me thuash se po me nje vend i bie gozhdes, por nuk eshte se po i bie une gozhdes ne nje vend, por krimi. Eshte kufoma e baxhanakut te Berishes qe flet, por qe prokuroria nuk degjon, sepse eshte vene ne detyre nga Berisha. Pse mor cun, nuk e dije ti qe flasin kufomat e te vrarit dhe qe t’a degjoje se c’thote eshte nje nga detyrat e prokurorise? Keshtu qe polic zotrote, qe Llukani i acarum, qe ne dac nuk ia quan llafin, se eshte t’u fjet me djallin e eshte t’u i marre pleshtat, (megjithese nuk vlen si argument hedhja poshte e argumentit te tjetrit ne baze te autoritetit, por vetem ne baze te llogjikes se brendshme te vete argumentit), qe dhe une, qe nuk me rruhet as per ty e as per llukanin, as per PD e as per PS, po vetem per veten time, dhe per Gerdecin qe s’du te me plasi ne mendere dhe qe besoj se do me plasi po qe se fajtoret nuk vihen perpara pergjegjesise. Kush i sqaron dyshimet mbi pergjegjesine? Prokuroria. Cfare po ben per te sqaruar dyshimet mbi lidhjet klanore te kryeministrit ne kete krim? Asgje. Vetem kur t’i pergjigjet bindshem ketyre pyetjeve, do me mbushej mendja se prokuroria po e ben punen, perkundrazi, pellimet militante te te veshurve polic tellall te haberit te mire se gjithcka shkon vaj, apo pseudomendimtare optimist per hir te optimizmit, vetem sa te bejne me dhimbje koke.
4 Maj 2008 @ 7:33 pm
kshu u majshin duret nga muri mbrojtes kur gjute ence. sa kom pa pa futboll, megjithmen…
4 Maj 2008 @ 7:45 pm
Artikulli kishte nje pjekuri politike. Le te behet shprehja e dites kjo;
…Gërdeci është prova e fajit të atyre që e kurdisën dhe lejuan dhe provë e gabimeve tona si qytetarë të këtij vendi ku duket se jeta e njeriut nuk mbart asnjë vlerë numerike në hesapet e tyre të ndyra….
Koth;
……E sa kohe qe opozita e shiti kete proces ne emer te politikes Pertej te majtes dhe te djathtes, atehere me trego ti mua cer te bej me shume se te grindem me ty ?….
4 Maj 2008 @ 9:50 pm
Ushtari i mire Mediu..
-Zoti komandat, po marre guximin t’ju them, qe edhe ju keni faj per gerdecin..
-Ushtar, kravata po te rrika shtermber…
-zoti komandat, ndryshoi pamje Gerdeci, jo me une..
4 Maj 2008 @ 10:11 pm
e pyeti Jozefinen A.Cani ne emisionin Zone e Lire se a mendon qe disa anetar te qeverise duhet te ndryshohen. Dhe Jozefina e bukur ju pergjegj: Po si mendoni ju se kjo Qeveri qe futi Shqiperine ne NATO eshte e pazonja?????!!!!!!!!.
4 Maj 2008 @ 11:08 pm
trren menjaaa “Po si mendoni ju se kjo Qeveri qe futi Shqiperine ne NATO eshte e pazonja” jo naton, kjo qeveri thjesht po ja fut popullit shqiptar
5 Maj 2008 @ 9:58 am
E propozoj si thenie te dites une kete me lart.
Po rri o shaban mos e krruj kot. Leri njerezit ne apati se aty ke leverdi.
Rri se i eshte shkurtuar fitili shume ketij populli dhe kete here nuk do te kete kohe askush te arratiset.
5 Maj 2008 @ 4:29 pm
@ qene
Po ta them perseri, deri sa keto parti te votohen nga populli, nuk do te kete anarkist dhe revolucionar te vonuar qe mund te beje gje.
Nese e do pergjigjen pak me precize, po te them qe me opoziten e Edi Rames, PD-ja jo nje mandat por edhe 2 me shikim per nga i 3 mund te fitoje…
5 Maj 2008 @ 4:42 pm
Blendo, vetem nje llaf per voten. Ne momentin qe kushtetuta e votuar nga populli u ndryshua pa u marr mendimi i popullit, per te sjelle nje shembull pa i hyre thelle misreprezantimit, do te thote qe vota e popullit eshte zhvleresuar. Duke qene se vota nuk ka vlere, atehere eshte e kote te votohet. Pra nuk eshte heret qe per sa i perket 2009es te flitet per zhvleresim te votes. Alternativat e tjera, me te mira se mosvotimi, i bie te jene zhvleresuar ne te njejten kohe qe u ndryshua kushtetuta pa u pyetur populli, ne te njejten kohe pra, qe u zhvleresua edhe vota. Eshte humbje kohe per mendimin tim, te rrihet mendja per alternativa te paqena, apo te parealizueshme, nderkohe qe gjithe vemendja duhet te kaloje tek zhvleresimi i votes. Duke sjelle nje analogji nga inflacioni, ky nuk mund te luftohet duke mbushur thesin me pare per te blere nje kile patate, pasi ne kete menyre do fillonte te mos na dilte nje thes, dy, tre, por duke i terhequr parate nga qarkullimi. Po njesoj duhet te rezervohet edhe vota, perndryshe do behet gjithnje e me e pavlere.
5 Maj 2008 @ 5:09 pm
Ndryshimi i Kushtetutes nuk besoj se dmth zhvleresim absolut te votes. E kuptoj qe eshte e dhimbshme te shohesh Kushtetuten te ndryshoje ne favor te nje *#%$& por nuk mendoj se keto ndryshimet e fundit jane fatale.
Rendesi ka qe ne zgjedhjet e ardhshme njerezit te votojne ne baze te interesit te tyre. Gjithesesi, kushdo qe te fitoje me mire se Qeveria e ketij zarit do jete.
5 Maj 2008 @ 5:14 pm
Kushtetuta e Republikes se Shqiperise, i njeh te drejten Kuvendit te Shqiperise qe te rishikoje kushtetuten dhe te miratoje projektamendamentet me jo me pak se dy te treten e anetareve te tij (referoju Kushtetutes, neni 177 pika 1 dhe ne vazhdim).
Keshtu qe, amendimet kushtetuese te miratuara nga Kuvendi para pak diteve, jane plotesisht kushtetuese dhe te ligjshme.
5 Maj 2008 @ 5:15 pm
Lulian
Ndryshimi i fundit i kushtetutes nuk e ka problemin ne forme por ne permbajtje.
Duhet theksuar se:
1- ndryshimet e kushtetes nga parlamenti jane plotesisht kushtetuese (e ka parashikuar vete kushtetura)
2- ku ma gjen qe ndryshimet te behen gjithmone me ate shumice te madhe te votave
3- nuk eshte e vertete qe nuk ka patur debat pasi “partite e vogla jane parazitare” eshte/ishte nje opinion dominant ne shoqerine shqipetare dhe keta thjesht e perkthyen ne veprim (si gjithmone, shqipetaret kujtohen pas pilafit te mendojne se c’vlere kane fjalet qe thone)
4- PAVARESISHT KETYRE, ne thelb, kushtetuta e re cenon te drejten e votes (ashtu si, ne parim, e cenonte edhe pa u ndryshuar - mbase, po ti bejme llogarite mire, e cenonte me shume sistemi maxhoritar)
5 Maj 2008 @ 5:20 pm
Blendi, balanci mes nje sistemi zgjedhor me te mire dhe ndryshimit ilegjitim te kushtetutes nga njerez qe nuk jane votuar drejt-per-drejt anon nga kushtetuta.
Nqs u votua me referendum(qe mu as qe me kujtohet qe u bo keshtu) atehere ndryshohet vetem me referendum.
Ideja eshte ti dergohet nje mesazh i qarte atyre birbove ne parlament qe nuk kullot dot si te duash ne Shqiperi, pavaresisht se shumica e shqiptareve jane bageti vete.
5 Maj 2008 @ 5:35 pm
…politika shqiptare dihet qe ka marr fund me kohe….por menoj qe edhe shqiptaret kane marr fund….nisur qe nga mediat shqiptare….ti shikosh lajmet e TCH te vje me “puke”…te lexosh gazetat me keq akoma….mire ata te shqiperise qe skane me cer e shtyjne kohen, po ne mer qe skena kohe me fjet gjume cajme bythen me salnat e ednat…apo dhe leftnat etj
…fuck ‘em all…
5 Maj 2008 @ 5:42 pm
Qafir, ndryshimet Kushtetuese nuk me pelqyen as mua. Partia Socialiste zhgenjeu shume kur bashkepunoi me qeverine e Berishes, por une nuk parashikoj se kjo do kete ndonje efekt mbi rezultatin e zgjedhjeve ne 2009.
5 Maj 2008 @ 6:19 pm
Gene, deri sa mund te ndryshohet permbajtja pa u ndryshuar forma? Kompetencat e ndryshuara te kryeministrit dhe te presidentit jane aq te thella ne permbajtje sa qe mund te thuhet se kemi te bejme me nje forme te re qeverisjeje. Tjeter muhabet se skutherisht ky ndryshim, ne pritje te ezaurimit te 60 diteve, nuk eshte deklaruar ende formal, por thuhet se eshte ndryshim ne permbajtje. Permbajtje? Forme? Ca jane keto filoqylra? Pse, ene boshe eshte kushtetuta, qe mund t’a mbushim me uje, me vere apo me ajer dhe te themi se i kemi ndryshuar permbajtjen por jo formen?
Thoughtpolice, lexoje me vemendje krejt nenin 177. Eshte neni i cili percakton referendumet. Dy te tretat e kuvendit mund te votojne projektin per ndryshimin e kushtetutes, projekt i cili nuk mund te quhet i realizuar deri sa te kaloje me referendum, ose sipas pikes 4:
Kuvendi mund te vendose, me dy te tretat e te gjithe anetareve te tij qe projektamendamentet kushtetuese te votohen me referendum. Projektligji per rishikimin e Kushtetutes hyn ne fuqi pas ratifikimit me referendum, i cili behet jo me vone se 60 dite nga miratimi i tij ne Kuvend.
Troc muhabeti, e vetmja gje, sipas kushtetutes, qe dy te tretat mund te bejne, eshte “qe projektamendamentet kushtetuese te votohen me referendum”.
Ne piken e peste, qe eshte pyke ne kontradite te piset me piken e katert, (pasi ne piken e katert thuhet se duhen dy te tretat per t’a kaluar me referendum, ndersa ne pyken e peste thuhet se mjafton vetem nje e pesta) po blihet Meta me gjithe partite e tjera te vogla, (mbase edhe fjala e Ngjeles duhet pare ne kontekst shantazhi ndaj nje force te vogel politike qe te mos krijoje nje te pesten) dhe qe personalisht mendoj se eshte edhe pazari ku thyhen endrrat alternative te Blendit.
Dhe vetem ne piken e gjashte, ne qofte se blihet nje e pesta, ndryshimi merr formen e ligjit si “ligj i miratuar me kuvend”, ose ne piken e shtate ndryshimi shpallet nga presidenti ne formen e ligjit, dhe e fiton formen e ligjit vetem si “ligj i miratuar me referendum”.
Mos na e perplasni kushtetuten ne surrat si per te ne hedhur hi syve ju lutem, se dime te lexojme edhe vete.