Në përpjekje për të pjekur debatin*
Adri Nurenllari (Shqip)
Këtë shkrim po shkruaj për t’i dhënë përgjigje komenteve të shkruajtura nga Maklen Misha në shkrimin e djeshëm “Përgjigje për një kundërshtim të papjekur” si dhe për të sqaruar më në hollësi disa çështje të ngritura në shkrimin tim të fundit që me sa duket meritojnë të zbërthehen më tepër për t’u bërë të qarta.
Sqarimi i parë ka të bëjë me faktin që shkrimi im nuk ka qenë akademik por publicistik, përndryshe do të kishte referenca dhe citime bibliografike të cilat Misha nuk mund t’i pretendojë të përmblidhen në një kolonë gazete. Lidhur me kundër-argumentin e Mishës për taksat më kujtohet një proverb kinez që thotë se nëse dikush të tregon me gisht hënën, i mençuri vështron nga hëna ndërsa të tjerët shohin gishtin. Rastin e taksave dhe John Lockut nuk e mora mot a mot, por e mora si ilustrim empirik historik për të thënë që pagimi i taksave ka shërbyer si motivi, justifikimi fillestar për të pretenduar te drejtën për të marrë pjesë në vendim-marrje. Debatet e Lokut i përkasin një kohe kur e drejta e votës ishte larg të qenurit universale. Kuptohet që sot kanë të drejtë vote te rinj që ende nuk janë kontribues e kështu me radhe të tjerë që mbase edhe marrin subvencione nga shteti. Për sqarim këtë ilustrim e kam përdorur për të dëshmuar lidhjen midis rezidencës, kontributit ndaj vendit në përgjithësi dhe votës.
Por ideja e informacionit nuk nënkupton thjeshtë haberet televizive të ardhura prej së largu, por përjetimet, vëzhgimet dhe përvojat personale. Pra unë kam pasur gjithnjë frikë për ndonjë individ që vjen njëherë në dekadë vetëm për dy ditë ne Tiran nga kurbeti e i magjepsur nga sorollatja ne Skytower dhe Tajvan dhe fillon e himnizon Ramën. Ose ndonjë tjetër kurbetçi që do ti bjerë rruga mot rastësisht për të kaluar në autostradën Durrës Morinë e kjo përvojë t’i mjaftojë të marrë vendimin kë do zgjedhë. Ose ndonjë emigrant zemërplasur nga Amerika që do te votojë për një qeveri që nuk jep asnjë shërbim publik elementar siç duhet vetëm se kjo ka një retorikë patriotike shterpë. Është krejt ndryshe te jetosh dita ditës në Shqipëri, duke kërkuar pronat që s’të janë kthyer, duke thithur pluhurin, hasur trafikun, ikur dritat, duke u larë me sapllakë mes të natës se helbete s’ka ujë atëherë, duke u endur pafund sporteleve të administratës e gjykatave etj etj.
Gjithashtu një tjetër gabim bëhet në premisë të argumentimit lidhur me idenë e propagandës së garuesve politikë. Fushata apo marketingu politik në periudhën para zgjedhjeve nuk është vendimtare për zgjedhjen politike, ajo ka një ndikim te pjesshëm dhe shpesh periferik tek të lëkundurit. Sjellja elektorale ndikohet kryesisht nga performanca, efikasiteti, suksesi apo dështimi ne qeverisje dhe opozite, platformat apo qëndrimet e mbajtura ne periudhën mes zgjedhjeve , gjate rutinës se përditshme, sa janë mbajtur premtimet etj. Njerëzit vendosin lidhur me jetën e tyre , si ka ndryshuar dhe nëse është përmirësuar apo jo, janë me te pasur apo me te varfër. Gjera që një emigrant i larguar prej shume kohesh njëherë e mirë nga Shqipëria zor se mund ti marre ne konsiderate e vështirë se mund t’i kuptojë vetëm duke parë Top Channel me digitalb, TVSH-në në satelit apo duke lundruar nëpër blogje online.
Unë i njoh propozimet e G99 dhe besoj se janë të mangëta sepse ndershmëria dhe legjitimiteti i procesit zgjedhor nuk varet vetëm nga regjistri civil dhe listat e sakta të votuesve por edhe nga faktorë të tjerë që vështirë se mund të garantohen. Procesi i votimit nënkupton gjithashtu futjen e individit në dhomën e fshehtë pa të tjerë vërdallë, praninë e vëzhguesve të partive të ndryshme dhe të pavarur, ndalimin e mjeteve promovuese të kandidatëve apo partive të ndryshme në afërsi të qendrës së votimit etj etj. Pra procedura që garantojnë fshehtësi të votës dhe transparencë të procesit që i përmban kodi elektoral shqiptar por që është e pamundur që të garantohen në një territor ku shteti ynë dhe Kushtetuta jonë nuk ka juridiksion. Legjislacioni shqiptar për shembull lejon divorcin, por dy emigrantë shqiptarë që jetojnë në Maltë ta zëmë e kanë të vështirë të divorcohen aty se legjislacioni vendas nuk e lejon, e duhet të kthehen në Shqipëri që të gëzojnë këtë liri.
Lidhur me shërbimin postar special një problem i madh është padyshim çështja e konceptit të votës së fshehtë. Kështu në rastin e Kosovës votuesve emigrant iu kërkohej që të dërgonin fletën e votimit në një zarf sekret i cili duhej future në një zarf akoma më të madh bashkë me fletën e regjistrimit ku përshkruhej identiteti i individit që votonte duke bërë të mundur komprometimin e fshehtësisë së zgjedhjes së bërë nga personi në fjalë. Probleme dhe kontestime për vota të ardhura nga emigrantët ndodhin edhe në vende të zhvilluara si Mbretëria e Bashkuar apo Shtetet e Bashkuara e jo më në një vend si Shqipëria ku votat janë abuzuar, përdhosur e manipuluar sistematikisht. Kështu për shembull në Shtetet e Bashkuara gjatë zgjedhjeve presidenciale të vitit 2000 plasi një debat i madh me akuza shumë të rënda në Florida lidhur me standardet e ndryshme që u përdorën për të përcaktuar vlefshmërinë e votave të ardhura me postë që së largu (më pak se 600 vota të Bushit përkundrejt Al Gore ndryshuan fatin e zgjedhjeve në nivel kombëtar). Këto gjera ndodhin në vende me demokraci të konsoliduar dhe me një besim publik të çimentuar ndaj procesit zgjedhor. Ç’mund të thuhet për legjitimitetin e votës se emigrantit në një vend si yni ku e vetmja garanci për një farë rezultati përfundimtar të pranueshëm të zgjedhjeve, nuk është forca e ligjit, rigoroziteti i administratës apo kultura politike, por prania e një lloj ekuilibri të të “fortëve të armatosur” nga të dy palët që iu vërtiten si roje qendrave (që shpesh prishet e rezulton në të vrarë) si dhe përfshirja deri në çdo qelizë të procesit të faktorit ndërkombëtar.
Megjithatë Z. Misha bën një diversion të rëndësishëm nga thelbi i problemeve parimore që ishin shkruajtur në shkrimin tim dhe që ka të bëj me pyetje si:. A duhet të jepet vota për të gjithë emigrantët pa dallim apo duhen përdorur disa dallime si për shembull mbajtja e shtetësisë, mbajtja e një banese në vendlindje, qëllimi për tu kthyer më vonë, një periudhë kohe kufi gjatë së cilës individi është larg vendit etj? Kufizime këto që me disa përjashtime sporadike gjenden në një formë apo në një tjetër në pothuaj të gjitha shtetet që kanë dispozita ligjore që mundësojnë votat e emigrantëve. Sa është e drejtë dhe e përgjegjshme që një emigrant shqiptar që ka marrë shtetësinë e Zelandës së Re dhe jeton aty, në antipodin gjeografik të Shqipërisë, të vendosë se kush qeveris në Shqipëri ndërkohë që nuk pëson ose shijon në mënyrë të drejtpërdrejtë pasojat e votës së tij? Sa është e ndershme që kostot e larta të administrimit për ata që kanë vendosur të ikin në mënyrë vullnetare nga vendlindja të mbulohen nga ata që kanë vendosur të qëndrojnë e të jenë të lidhur për të mirë e për të keq me Shqipërinë? Sa e ndershme është për shqiptarët që banojnë në Shqipëri që qeverisjen e tyre ta vendosin ata që jetojnë jashtë e s”kanë ndërmend të kthehen? E të tjera pyetje etike të tilla që janë mjegulluar nga toni patetik i propozimit të G99.
Këtu vijon përgjigja ime ndaj gjykimit të Mishës lidhur me komentet e mia për G99. Këtu ka dy çështje që duhen sqaruar e që nuk kanë të bëjnë me personalizim të çështjes pasi në këtë rast unë e garantoj Mishën se kam marrëdhënie personale shumë të mira si me Erionin ashtu edhe me shumë njerëz të tjerë brenda G99. Për sa i përket Erit dhe personave të tjerë të përfshirë dikur me Mjaftin e tani me G99, ata nuk mund ta përdorin të kaluarën e tyre si t’ju konvenojë për të pretenduar merita në të mirë të Shqipërisë por pa mbajtur përgjegjësi nëse njerëzit kapen pas së kaluarës së tyre. Komenti im nuk ka qenë paragjykim por gjykim, kam thënë tekstualisht “vjen pikërisht nga ata që kanë dëshmuar mjeshtëri” dhe vërtetë besoj bashkë me shumë të tjerë se kanë qenë ustallarë të marketingut dhe përdorimit të medias gjatë së kaluarës. Së dyti G99 nuk mund të veprojë si një shoqatë joqeveritare e papërgjegjshme tanimë që bëhet fjalë për një aktor politik që do garojë për zgjedhje. Padyshim që do i nënshtrohet shqyrtimit, analizës dhe kritikës lidhur me motivet, pretekstet, nëntekstet dhe kontekstet që kanë çuar tek ky propozim i kësaj force të re politike. Sikurse njerëzit gjykojnë motivet që kanë shtyrë Partinë Demokratike në pushtet kur mban me më shumë orë me dritë bastionet e veriut dhe Partinë Socialiste që dikur përqendronte investimet në bastionet e Toskërisë dhe Labërisë, Misha duhet të pranojë që njerëzit do të përpiqen të zbulojnë edhe motivet e G99. Në rastin konkret unë mendoj se vota e emigrantëve i jep një përparësi të krahasuar G99-ës e cila duke qenë e re nuk ka elektorat të sajin përpiqet të eksplorojë ato segmente të shoqërisë që ende nuk janë shfrytëzuar tamam sikurse janë emigrantët, dinë të përdorin më së miri mediat si ura kryesore informuese mes emigrantëve dhe Shqipërisë, është e forcë e përbërë kryesisht nga të rinj që kanë studiuar e janë rritur në perëndim e për rrjedhojë kanë më shumë lidhje dhe janë më mirë të aftë të veprojnë në një terren ndërkombëtar sesa në terrenin e ashpër shqiptar ku për të mobilizuar njerëzit ka hedhur rrënjë edhe klientelizmi, patronazhi politik etj. Së fundmi emigrantët tanë të shumtë kanë lidhje dhe ndikim tek të familjarët dhe rrethi i tyre shoqëror në Shqipëri e duke ia përkëdhelur sedrën atyre me premtime e retorikë romantike por që konkretisht vështirë se mund të realizohet, padyshim që mbillet një imazh i mirë dhe vilet më shumë përkrahje politike. Dhe kjo teknikë fushatimi është më se legjitime për një forcë politike, Misha s’ka pse të revoltohet.
Këtu qëndron luksi im që duke mos përfaqësuar interesat e asnjë partie, por vetëm të opinioneve dhe bindjeve të mia, ia lejoj vetes që të flas politikisht jokorrekt, madje edhe me riskun që ia prish qejfin shumë miqve të mi emigrantë që do prisnin mbase me shumë konsideratë nga unë.
20 July 2008 @ 9:15 pm
Sa e ndershme është që tre deputetë të dalë nga një zonë elektorale me 20000 banorë të vendosin:
1- Politikën e jashtëme të Shqipërisë (që indirekt implikon dhe jetën dhe aktivitetin e emigrantëve)
2- Ligje që nuk favorizojnë rikthimin e emigrantëve (të konsideruar si pasuri qoftë dhe vetëm për mënyrën ndryshe të konceptimit të jetës dhe ligjeve).
Nuk e di se sa është e ndershme që 1.5 milion emigrantë shqiptarë (dhe pakashumë të gjithë në moshë për votim) të jenë të “varur” se nga do të lëkunden (nën efektin e “marketingut elektoral” dy fshatarë të gënjyer dy ditë përpara zgjedhjeve)…
… mirë që të paktën flitet për ndershmëri dhe në Shqipëri (o ndoshta është efekti preelektoral që i nxjerr nga syrtari disa fjalë të harruara?)
20 July 2008 @ 9:30 pm
Z. Nurellari,
nje vrojtim fantastik. Kam lexuar edhe shkrime tuajat tjera. Me vjen shume mire qe ka te rinje shqiptare qe kane kete vizion liberatarian. Shoqerive shqiptare ne Ballkan u nevojitet liria me shume se kurre sepse shumica nga ne e keqkualifikojme demokracine si liri…Nuke e di nese jeni i interesuar te hyni ne politike, por jam i sigurte se nese vendosni te beni kete dhe te ofroni nje alterantive te djathte liberatraiane do te gjeni shume perkrahes dhe ndofta mund te influenconi fatin e hapesires shqiptare shume. Veliaj, sipas mendimit tim, nuk eshte alternative sepse gjithe veprimtaria e tij deri me sot ka qene rezultat i nje sjelljeje oportuniste dhe te kalkuluar politikisht. Ju thuabni se jeni mik me Veliajn dhe mendoj se kjo eshte e mrekullueshme sepse ne shqiptareve na duhet te kuptojme se edhe pse opozitare jemi vellezer. Dallimet dhe mospajtimet duhet te kacafyten me propozime dhe plane konkrete politiko-ekonomike, qe sipas meje duhet te jene integruese per tere faktroin shqiptar ne Ballkan. Ju lutem konsideroni hyrjen ne politke sepse hapsira shqiptare eshte e etshme per kalibrin tuaj…Tekefundit shikoni eren e re qe ka sjellur Albin Kurti ne Kosove ose Bardhyl Mahmuti ne Maqedoni, edhe pse me ideologjine e te parit nuk pajtohem aspak (eshte nja casje majtiste dhe une personalisht nuk e shoh majtizmin si vije qe do hape rrugen e progresit per ne) kurse per te dytin kam pritur pakez me shume. Erion veliaj nuk eshte figura qe do te sjelle ndryshimet. Ai eshte vetem nje ushtar nga aramata e njejte e poltikaneve qe dredhin bishtin por kane nisur te qelben nga koka. Ju luetm konsideroni sygjerimet e mija…Shqiptare anembane botes jane aq te etur per liri…te gjithe jemi te lodhur nga business as usual.
20 July 2008 @ 9:47 pm
O Shqiptar nga Prizreni, atyre “Shqiptare anembane botes jane aq te etur per liri…e te lodhur nga business as usual” ky robi, që do që të na i bësh president të të gjithë Shqipfolësve, nuk do që të kenë të drejtën e votës…. nëse beson se do ti dëgjojë ata shqipëtarë si ti, kur Ai as që nuk i konsideron të denjë, atëhere më vikërka keq për ty që varke shpresat tek i pari që të thotë fjalë të bukura
.
20 July 2008 @ 9:55 pm
Edi-
z. Nurellari ka te drejte ne ato qe thote na pelqeu ne apo jo…Njeriu s’mun dte kete dy karrike dhe nje prapanice…P.sh. ne Amerike nese je amerikan dhe punon ne Europe taksa do paguash ne Amerike dhe ashtu do mbash te drejten te votosh…Ne shqiptaret qe punojme jashte nuk paguajme taksa ne shtetet tona shqiptare…Nese ju pajtoheni te punoni fjala vjen ne Greqi dhe paguani taksa ne Shqiperi sic bejne fjala vie amerikanet qe punojne ne Gjermani atehere mua me duket se edhe z. Nureallari thote qe do te kesh te drejten te votosh…Z. Nurellari eshte nder te rrallet e shqiptareve qe te mires i thote e mire dhe bull shitit bull shit…Shoqerite e perparuara japin te drejta por edhe kerkojne obligime…Mua me duket se ne shqiptaret bejme sikur kemi deshire t’i kemi vetem te drejtat por per obligime i bejme vetem kur na kerkojne ustallaret e huaj.
20 July 2008 @ 9:59 pm
Mua nuk me duket se Nurellari po shprehet thjesht kunder G99, sepse s’ka bere asnje argument deri tashti pervecse na shpreh ndjenjen e tij qe emigrantet (cilesim qe do e shtjellojme me poshte) nuk duhet te votojne per arsye 1 - teknike dhe 2 - s’ma mbushin mendjen.
Nurellari duhet te marre fryme thelle dhe te mos beje debat per hir te debatit. Te qenit shtetas shqiptar nenkupton dhe te drejten e votimit, e cila eshte nje e drejte universale dhe e patjetersueshme ne kete boten e sotme - baza e cdo legjitimiteti politik dhe ligjor.
Nuk mund te perjashtohen shtetasit shqiptar nga kjo e drejte vetem per faktin qe nuk ndodhen ne atdhe ne diten e zgjedhjeve. Nje biznesmen, nje student, nje profesor, nje pushues, nje i semure, nje punetor sezonal, nje punonjes i ambasadave apo konsullatave keto jane shembuj te shumte te personave qe mund te ndodhen jashte atdheut ne diten e zgjedhjeve - si mundet Nurellari kaq lirshem tu kerkoje tu mohoje te drejten e votimit ketyre personave?
Per mendimin tim, mungesa e argumentave legjitim e ben pozicionin e Nurellarit te pamoralshem.
Shqiptari nga Prizreni - kam nje pyetje per ty - lejohen kosovaret te votojne ne zgjedhjet e Republikes se Kosoves nqs nuk jane ne Kosove diten e zgjedhjeve?
20 July 2008 @ 10:02 pm
Voten e emigranteve e kane shume frike ne Shqiperi,sepse ne jemi jashte cic-miceve e kulisave,veshtire te ngopemi me luge te zbrazur.Jo se jemi me te zot a me te mençur.Po kur te ben kurrizi krrak nga lodhja ne darke ,te holllohet intuita ne njohjen e njerezve.
Kini Perendi e mos pomponi kot se koti Veliajn.Po te shohesh ,veçketu te peshku ka djem e vajza me strukture e ndershmeri intelektuale shume here me te madhe se “Eri”.
20 July 2008 @ 10:04 pm
Shqipe, ato vëndet e qytetëruara që përmëndi ju nuk kanë 50% të popullsisë jashtë vëndit.
Nëse nuk ju japin këtë të drejtë emigrantëve, atëhere ju presin çdo lidhje me jetën në Shqipëri. Për mua që u bë tash sa vjet që rroj jashtë Shqipërisë, dhe që atje nuk kam as shtëpi, as tokë, as njeri, atëhere si do t’ja bënin që të mos shkëputesha nga Shqipëria?
Duke më mohuar dhe të drejtën më elementare të shprehjes së vullnetit tim?
Sipas “Ligjeve” të Nurellarit, edhe nëse kthehem një ditë, nuk do të kem të drejtë vote… sepse kam 20 vjet pa votuar në Shqipëri
20 July 2008 @ 10:09 pm
Pastaj,sa mire leket e emigranteve aman sa i duan.Eperderisa kemi nje force te tille ekonomike,pse te mos jete edhe vota?
20 July 2008 @ 10:11 pm
ncnc-
une nuk di cfare jane kosovaret…Nese po pyesni per shqiptaret ju them se shqiptaret qe kane leshuar Kosoven para 1998 nuk jane lejuar te votojne sepse kete ua ka ndaluar UNMIK-u…Por po u bej une nje pyetje- a do lejoheshin shqiptaret e Kosoves te votojne ne Republiken e Shqiperise nese shteti i ame do te na ipte neshtestesine shqiptare sic ben Serbia me serbet ne Kosove…Problemet qe ngrit Nurellari jane shume esenciale te na bejne te veme gishtin ne koke se lirite dhe te drejtat jane te dnervarura nga obligimet…Po e perseris edhe nje here, sepse Nurellari ka thene shume nga ato qe duhet te thihen, amerikanet qe votojne ne Amerike dhe done te mbajne neshtetesine amerikane duhet te paguajne taksa federale pa marre parasysh se ku jetojne perndryshe rrezikojne te humbin neshtetesine dhe si rrjedhoje edhe te drejten e votes…Pra ata emigrante qe done te mbesin shqiptare dhe duan te mbajne neshtetesine shqiptare te Shqiperise, Kosoves, Maqedonise, Malit te Zi dhe Greqise duhet te lejohen te votojne nese kane kryer obligimet ndaj shoqerive shqiptare…Por te kendosh himin e le te themi Meksikes kurse te kerkosh te drejte votimi pse je lindur ne tokat shqiptare edhe pse s ke qene atje qe 10 vite kjo eshte nonsens.
20 July 2008 @ 10:15 pm
edi-
jeni jo fer ndaj Nurellarit- ai nuk po thote mos u ktheni ne Shqiperi… Nurellari ka jetuar vete jashte shtetit dhe eshte kthyer…Edhe ju mund te ktheheni dhe beni dicka per te ndryshuar Shqiperine…Nese doni te ktheheni ne Shqiperi askush nuk u ndalon por edhe qe te ndiheni shqiptar s besoj se do te duhej lutur njerezit….
20 July 2008 @ 10:16 pm
Te vetmen te drejte qe i jap Nurellarit eshte a pjesa teknike e pamundesise se ketij aksioni. E kam thene edhe me pare Kur nuk sigurojme dot voten ne Shqperi si do te sigurohet vota qe vjen me poste ( edhe speciale) nga jashte?
G99 me elitizmin e saj haron qe jeton ne shqiperi, haron qe keto votime do te behen ne shqiperi, haron se ne 19 vjet jane bere 7 here votime dhe cdo here rezultati nuk eshte pranuar nga pala humbese, haron se pas cdo zgjedhjeve situata ka qene aq kritike sa bota ka leshuar rekomandime per udhetaret e vendeve te rye ta shmangin shqiperine. Vota me emigrantet do te sillte ne tavolinen politike ku luhet ruleta ruse edhe nje pistolete me shume.
G99 mbase me ate idelaizmin e saj nuk i kupton keto, ndersa ato forca te vjetra qe e perkrahin jane aq te zgjuara sa ta kupotjne se kjo nuk do te ndodhe, dhe ky do te jete nje justifikim tjeter per te kritikuar qeverine ne pushtet.
Lexova propozimet teknike. A e kuptoni se cfare burokracie maremendese do te krijohet per ne emigrantet, dhe mbi te gjitha a e kuptoni se do te keni te beni ne me te shumten e rasteve me ambasadat shqiptare, ku ambasadaret jane shumica lakejte e partise ne pushtet. O zot me mire nuk votoj sa te kem te bej me ta. Dhe me keq vetem fakti qe ambasadat do te jene lidhesja e emigranteve me keto votime do te shtoj gjullurdine e zhurmes per vjedhje votash. Kete e dine mire ato parti te vjetra te opozites dhe prandaj bashkohen me G99 ( do te kene nje arsye me shume per gjullurdi po te humbasin zgjedhjet), ndersa kalmajt e G99 fatkeqsisht shikojne endra me sy hapur
Sa per anet morale dhe ideologjike mendoj se Nurellari e ka krejt gabim. Askush nga ne nuk ka ikur nga deshira, por jemi detyruar , dhe detyrmin na e ka bere politika e vendit. Eshte faji i saj qofte per varferine qofte per politiken e keqe ndjekur ndaj nesh. Kjo dhe fakti qe e mbajme ate vend me buke, na e jep te drejten morale per te votuar. Nese duam te ndryshojme duhet te mesohemi si ne ketej dhe ata andej ta degjojme njeri tjetrin , te mesojme nga njeri tjetri. Dhe ku ka ane morale me te madhe se votimi ne kete bashkpunim.
Vec ah vec kjo nuk mund te ndodhe ne shqiperi, kjo o idealiste te G99 i takon vendeve te tjera, atyre qe dine si te respektojne njeri tjetrin, dine si te respektojne kundersharin dhe mbi te gjitha dine te respektojne vendin e tyre
20 July 2008 @ 10:17 pm
O SHQIPTAR! Unë bëra 16 vjet që jam në Itali… nuk jam as qytetar dhe as shtetas italjan… nëse nesër nuk ju mbushte mëndja që të më rinovojnë permeson e soxhornos, sipas teje ku do mbytem unë???
BOLL me budallalliqe…….. e drejta e votës ju njihet dhe atyre që kanë dyshtetësi, ndërsa shtetësia ime, pasi nuk ma njeh gjithë bota, duan që të mos ta njohë as vëndi im
20 July 2008 @ 10:21 pm
Te drejten e votes shqipove jashte ja u ka dhene Kushtetuta sepse ata jane shtetas shqiptare, keshtu qe Adri nuk ka pse lodhet te argumentoje asgje. Ceshtja eshte a do u mundesosh te votojne atje ku jane apo.
Kjo eshte komplet ceshtje teknike dhe megjithese jam pro votimit te emigranteve, e pranoj qe eshte e parakohshme. Ne ene nuk mund te sigurojme zgjedhje te lira ne Tirane, jo me neper ambasada qe jane te mbushura me farefis funksionaresh te PD apo PS, apo te sigurojme voten nepermjet postes. Megjithate s’ka pse mos fillohet te mendohet per kete pune e te fillohet te behet rregjistrimi vullnetar i atyre emigranteve qe kane deshire te votojne.
20 July 2008 @ 10:39 pm
Toko, ene une sa here haj banane them: “Ilace tu bofshin o Nac, jarebi”
20 July 2008 @ 10:40 pm
Pasi i heq dhjamin e tepert artikullit i sheh direkt brinjet!
Sipas zoterise:
1) Emigrantet qenkan lehtesisht te manipulueshem
2) Emigrantet nuk paskan te drejta dhe nuk e vrasin shume per pronen e tyre private te uzurpuar.. sipas numrave 1 ne 2/3 shqiptar eshte emigrant.
3) Emigrantet jane te pazote te gjykojne (sikur edhe ata qe nuk shkelin ne memedhe nder vite) ndonese jane pikerisht keta qe jane me te uritur per informacion, jane pikerisht keta qe pyesin majtas djathtas, qe shfletojne cdo faqe gazete, qe thithin cdo informacion te dhene mbi cdo cm2 te Shqiperise.. Jane keta emigrant qe kane nje ETALLON TJETER KRAHASIMI kundrejt atyre qe ne shumice nuk dine se cbehet ne fshatin fqinje, ku ne rastin me te mire e marrin informacionin po nga TOP-i KLAN-i e TVSH-ja
4) Emigrantet do te votojne ne mase G-99 pasi emigrantet jane (1)
Emigrantet kane lluksin ta shikojne sistemin nga jashte, emigrantet kane etallone te tjera krahaimi dhe e beson apo jo zoti Nurellari emigrantet do te kerkonin nje zhvillim diferencial me derivativ pozitiv shume here me larte sesa vendasit; gjithmone po te mendonim se emigrantet jetojne ne nje bote tjeter, te ndare nga vendasit ashtu sic zoteria ne fjale perpiqet te na mbushe mendjen. Por nuk eshte keshtu, emigrantet vertet jetojne jashte por jane nje pjese integrale e Shqiperise; mungesa e tyre do te rezultonte ne nje fatalitet.
Nuk e kam lexuar shkrimin e pare por imagjinoj se aty duhet te jene permendur taksat ose mos pagimi i taksave nga emigrantet ne Shqiperi.. Nese ky ka qen argumenti i bie qe 1/2 e Shqiptareve brenda mos te kene te drejte vote.. Por po te kemi parasysh se nje emigrant ne moshe, me te drejte vote, pompon ne memedhe rreth 5000 dollar ne vit del se emigrantet me shume se kush tjeter kane te drejte te degjohen dhe te jene pjese e vendimmarrjes..
Sa per teknikalitetet as qe ja vlejne te diskutohen..
20 July 2008 @ 10:41 pm
Me mire te mos votosh,se sa te vjedhin voten,votimi jashte eshte vjedhje e sigurte,nuk kam besim apsolutisht sot per sot ne sigurine e votes,si jashte ashtu edhe brenda shqiperise.
Ne nje vend ku komisioneret jane lehetesisht te kompromentuar,ndjehesh shume i ofenduar,pasi energjite ,koha, qe ti ke shpenzuar per nje vendim te rendesishem sic eshte votimi ,ka shkuar dem!
Kam votuar hershem ne shqiperi ,dhe kam konstatuar se votat vidhen ne kohen e rezultateve,manipulohen nga grupe te ndryshme militantesh te paguar nen dore!Dihet qe militantizmi sot eshte ende ne fuqi,duke lene mbrapa qytetarine dhe ndeshmerine e votueseve.Ky eshte nej problem i madh ne shqiperi!
20 July 2008 @ 10:47 pm
Nurellari ka te drejte kur thote se emigrantet jane me lehtesisht te manipulueshem nga shqiptaret,sepse emigrante infot i marrin nga media shqiptare, qe e dime si eshte.
Mua , per cdo informacion ne media, per te cilen une kam patur info nga burime te tjera, me ka rezultuar i gabuar, qe nuk merrej asnjehere me thelbin e problemit po me cikerrima ne rastin me te mire, dhe keqinformues ne rastin me te keq.
20 July 2008 @ 10:54 pm
Shqipo nga Prizereni,
“Po e perseris edhe nje here, sepse Nurellari ka thene shume nga ato qe duhet te thihen, amerikanet qe votojne ne Amerike dhe done te mbajne neshtetesine amerikane duhet te paguajne taksa federale pa marre parasysh se ku jetojne perndryshe rrezikojne te humbin neshtetesine dhe si rrjedhoje edhe te drejten e votes…”
shtetasit amerikan qe kane rezidence jashte amerikes dhe kalojne jo me shume se 30 dite brenda ne amerike kane 2 opsione:
1) te ndajne taksat, dmth mese ne shtetin ku ata deklarojne rezidencen paguajne 30 % taksa dhe nese Ameriak ka nje marveshje dytaksore me ate shtet, atehere ata paguajne vetem diferencen ne lidhje me cfare do te paguanin ne Amerike, pshe 38-30 etj(ne linja te trasha)
2) Ata kane te drejte te ulin 85000 dollar nga rroga vjetore dhe te taksohen ne ate cka mbetet
Dhe ka klauzola ku kombinohen te dyja keto.
Persa i perket takses mua do te me peqente qe te kishte nje marveshje dypalshe mbi taksat dhe qe nje pjese e taksave te mia te venin ne Shqiperi, por KETE DETYRE DUHET TA REALIZOJE SHTETI!!
Shteti duhet te beje marveshje me shtetet e zhvilluara industriale ku ndihma per zhvillim te jepet edhe ne formen e ketij koncesioni! Imagjinoni sikur cdo emigrant te jepte 10% te te ardhurave Shqiperise(sipas ligjit ne fuqi) dhe kjo ti ulej nga taksat e shtetit ne te cilin jeton. Pra dhe njehere, keto jane detyrat e SHTETIT!!
20 July 2008 @ 10:56 pm
censure, ca thoni kshu mer pash Zotin?!?!?! Po votojne burgaxhinjte mer qe s’morin kokrren e haberit se ne burg s’ka as interent, si mos te votokan emigrantet???
20 July 2008 @ 10:58 pm
Burgaxhinjte e e ?
Ke hy naihere n’burg ti apo jo ??????????? hihih
Ato te thajne piten mer.
i morin vesh te gjitha ma mire se une ti
20 July 2008 @ 10:58 pm
Them qe ata qe skane internet dhe e marrin infon me thashetheme me shqiptaret e tjere , ka te ngjare te jene me te informuar per shqiperine reale se ata qe e marrin informacionin me internet.
Ketu hyjne dhe burgaxhinjte
20 July 2008 @ 11:04 pm
censura nick i ri ky? Gjithsesi, mirsevjen, serish e serish.
PYETJE!
Po qytetaret shqiptare brenda shqiperise nga i marrin “infot reale” llaf me vesh? - apo - fjale goje?
Sepse ne rast se do ishte keshtu, perfaqesojne nje rast unik ne bote…historikisht.
Se une pa media, tek 21-shi ku banoj nuk marr vesh se cfare ndodh ne Kinostudio, nuk marr vesh se c’ishte ai tymi ne Gerdec, nuk di qe Shqiperia ka hyre ne NATO…le me te di per ke te votoj.
Pa media. S’ka shoqeri te perbashket, s’ka eksperienca te perbashketa si pjestare te saj…s’ka komb.
Mediat halle kane shume. Po hakun te mos ua hame. Se me llafe kafenesh nuk votohet me mire…ne mos qofshim ende ne mesjete (kur nuk votohej per ksi “problemesh”).
20 July 2008 @ 11:06 pm
Po pse mer ne nuk u merkena me thashetheme kshu? Po ka qit Zoti modh chatin mer.
Po qe per habere te mcefta kina Mozen, ty, etj. Po kina dhe telefon e morim robt e shpise. Ca boni mer kshu, doni me na myll deren?
Te ishte se aty kishte nanji uri te modhe per info e te ishte se poplli ne pergjithesi ishte shume i interesum hajde de, po aty te shajn nga robt po u the njerezve qe ke bo ne mend me u kthy.
20 July 2008 @ 11:09 pm
Kete nick kam patur gjithmone, jam i ri te peshku.
Infon qe marrin nga mediat, te brendshmit e ballafaqojne me jeten e tyre (psh kur degjojne se u rriten rrogat dhe marrin me pak leke), dhe me infot informale, dhe bejne nje fare korrigjimi. te jashtmit :-), jo per faj te tyre, nuk i kane keto elementet korrgjues
20 July 2008 @ 11:12 pm
Ore te burgaxhiu me rri ti mua. Nga e di ai se a jane rrit rrogat e pensionet apo jo? Pse te votoje ai qe ka bere krim e mos te votoj une qe kom ik jashte dhe ne nje menyre apo nje tjeter kontribuoj per vendin tim?
Pyetje dhe per Adrin meqe po fliste per etike
20 July 2008 @ 11:14 pm
i ri riiiight!
nejse, pa buke
Lexoje icik Tironsin ciper teje cer te shpejgon ne lidhje me njerezit qe emigrantet i kane ne Atdhe (pra ne lidhje me JU) qe mos t’i bie edhe une ne ate vrime pa qene nevoja.
20 July 2008 @ 11:15 pm
Ktu te vjen thashethemi vete, pa e kerku, pjese e smogut te Tiranes
20 July 2008 @ 11:19 pm
Sa i ri blendo?
20 July 2008 @ 11:24 pm
Jo dhe aq.
20 July 2008 @ 11:25 pm
une diskutimin po e bej per tezen e Adrit, se emigrante jane me lehte te manipulueshem nga media. Per kete them qe ai ka te drejte.
per pune te votes se emigranteve ,une friken me te madhe nuk do ta kisha nga ky lloj manipulimi, po nga vjedhja e votes se emigranteve. me aq emigrante sa ne kemi kjo mund te permbyste kollaj rezultatin e zgjedhjeve.
per mua, te vihen nje here ne vije zgjedhjet brenda, pastaj u vjen radha emigranteve.
20 July 2008 @ 11:25 pm
po nuk po ju thote njeri te mos votoni mer se na cate veshet.
po shprehim nje opinion si do jete vota juaj.
Dhe do jete qorre.
Une kshu menoj !!!!
Juve nuk ishit aq te interesum e as te organizum sa te gjenit mbeshtetje per te kerku voten.
Vota juve ju propozu nga kopilat e politikes qe e pane qe jeni hafyza krejt dhe rreheni kollaj me ca llustra alla Erion e Mjaft !
A se shikoni se jeni te perdor ?
Sepse ai qe therret per voten tuj, nuk i rruhet hic tek ju, asgje me shume sdo beje as per ju, as per shqiperine. thjesht do perdori voten tuj per te vajtur ne parlament. Pastaj shapken mbi sy !
Votoni bre se nuk esht njeri kundra votes tuaj.
Po ju harroni se nga cfare shtresash perbehet masa e emigranteve shqipo. Harroni sa rob keni ne greqi per buken e gojes.
Imagjinoni cmund te manipulohet me voten e tyre.
Po xhanem dhe me voten tuaj.
Ne shqiperi cdo gje eshte informale. Edhe informacioni. Nuk ka mer si tju vije juve, me 2 jave pushime dhe me ca te lexume ke peshku ku 99% e komneteve jane nga autore jashte shqiperise. Ku postusit nga shqiperia i keni perzene te gjithe !!!!! ose i prisni me kembet e para se nuk duroni tju tregojne se si jane punet.
Ju se shifni ca beni?
20 July 2008 @ 11:28 pm
Blend a me trego nickun e meparshem sipat teje se po me bo kurioz me ke me ngaterron
20 July 2008 @ 11:31 pm
Dhe spo flet njeri per ty Tironso qe vjen ne shqiperi shpesh (shof flamurin), qe ke punu ketu me duket e je largu per ca kohe.
Keto kane ik nga shqiperia kerthinj mer.
Keta se kane haberin e shqiperise.
Ose kane 10 vjet pa shkel.
Ose shkelin 1 here ne 2 vjet nga 2 jave, ne te cilat sdine cte bejne me pare.
Keta qe me mire njofin vendet ku kane shku me pushime se shqiperine.
Jo se ka nai gje te keqe. Por ata jane integru ne vende te tjera.
Per shqiperine nuk ka ardhe koha per te votu emingrantet. Me pare
Duhet te kete infrastrukture zgjedhore !
Zgjedhje te besueshme !
Duhet te vendoset formaliteti, ne menyre qe njerezit nga jashte te jene ne gjendje te vendosin ne menyre objektive bazuar ne informacione te sakta dhe te verifikueshme se ca ndodh ne shqiperi !
20 July 2008 @ 11:33 pm
Oj Moze, ti po krahason veten me ne. Krahaso pak mua me katunarin e Shishtavecit apo te Delvines apo te nje fshati tjeter qe infon e merr nga TV dhe voton komplet qorrazi. Pse ai te votoje e une jo? Adri te japi argumenta te tjere e ne veshet hap i kemi. Po mos te me thote mu qe ai robi ne Vermosh apo ne Gjegjan, apo ne Lugar beka zgjedhje me objektive se une.
20 July 2008 @ 11:33 pm
Moza, je zhgenjyese ne ate qe (me me pak llafollogji) na konsideron “debila”…
Vazhdoni t’i bini daulles, qe ne do na mashtrojne, se ne jemi naive (gati idjote)..se vetem ju dini (ose) “I dini me mire keto gjona…” tipike! Gazmore!
E mgjithate ju nuk e dini per ke do votojne emigrantet. Ideja se do votojne per G99 eshte NAIVE. Se ka qe e kane lene Salen President, dhe Nanon ne Bënçë te Tepelenës e qe G99 e dine qe eshte grup hip-hopi.*
* Keta nuk do te votojne. Kursehu.
20 July 2008 @ 11:34 pm
Censura
qe do shkundin.
ne rregull.
mos u fut ne kurthet e ketyre.
Se jane kurthe qorrash qe shofin turbull, se e kane mendjen ke vota
Ti ke nickun tend, dhe kush lexon me vemendje dhe ka shqisa te forta dallon qe nuk ke nick tjeter.
Po puna eshte se ke peshku, kane ngel sh pak njerez me shqisa
20 July 2008 @ 11:38 pm
as une o Moze nuk po flas per veten. Une mujin tjeter ktheem e nuk kom hallin tim.
Per ata qe kane ik kerthinj, s’ke pse shqetesohesh se shumica as nuk kane per ta rrujt me votu hic. As nje pjese e madhe e atyre qe jane integru mire anej nuk kon per te votu se as nuk kon per ta dit se duhet me votu. Them se po te behej votimi ne ambasada do ndahej shapi ka sheqeri sepse do shkonin vetem ata qe jane megjithmend te interesum. Per te tjerat jom dakort, e kom thon me lart, po s’ka pse mos me menu qe tani per kete pune.
20 July 2008 @ 11:39 pm
Censura, nuk te ngaterroj me askend or mik.
Moza, po c’kurthe moj - pike e zeze. S’te vjen icik keq qe me akuzon per kurthe? Me liberal se kemi qellu ne nuk gjen dot. Cheti ndoshta. Ai po.
20 July 2008 @ 11:40 pm
E cpune ka ketu g99? pse mer, po te votojne per g99 duhen leju e po te votojne per salen jo?
jua merr mendja se ata qe punoje me tulla e llac do votojne g99?
ketu puna eshte qe ai qe ka ne dore qeverine ne shqiperi nuk rri dot pa i shty i cuike votat nga vetja. dhe votat e emigranteve eshte me kollaj me i shty.Ju e dini besoj qe qeverine nuk e ka g99.
Ketu pun eshte te mos hapet nje shteg i ri manipulimi. edhe mos te hapim muhabetin e votave nga greqia…
20 July 2008 @ 11:43 pm
Po mes jush perqindja e debilave eshte e njejte si ne gjithe popullaten.
Rregull statistikor.
Emigrantet une i ndaj ne keto kategori :
G99 - tyrryfylat e rinj, oh mami I am trendy !
indiferente - su rruhet fare, ata qe jane integru krejtesisht dhe te ardhmen nuk e lidhin fare me shqiperine. Ata qe as ne shqiperi nuk kane pas votu nai here. NJEREZ ME MEND !
njerez te politizuar - tip idrisash apo tokosh qe ju ka ngel filmi gjekundi dhe qe jane me te politizuar se robt ne shqiperi .
njerez te shushat - emigrantet ekonomike qe punojne per buken e gojes e sju del koha me marre fryme, totalisht ekuivalente me katunaret e zonave me te thella te shqiperise. Vota e tyre do te blehet ose manipulohet
Tashti keto sipas jush te votojne ne kushte te tilla zgjedhore ???
Tironso, ai katunari mer lale, sado injorant ka lidh jeten dhe hallet e veta me at katundin e vet. Ai eshte koshinet qe po e fal, apo po e jep voten kundrejt nje thesi me miell. Nuk eshte puna se ai nuk eshte informu e nuk di ke me zgjedh. Katunari jone nuk voton qorrazi. Voton syhapur. E di qe po ja jep voten qelpsinave !!! Ja jep se ka frike, ja jep se eshte servil, ja jep per 10.000 leke te vjetra. Por ai e di pse ja jep. Ska asnje mashtrim ketu.
Emigrantet nderkohe, do votojne per aspirata qe kane ne koke, bazuar ne info mashtruese ose ne snapshote te vjetra.
Edhe i here, spo themi qe mos votoni. Po komentojme voten tuaj !!!!
20 July 2008 @ 11:48 pm
He mer blendo pse te me vije keq per ty ?
Po une ketu qe nordha 
Nga fotot duket sikur po ben kokrren e qejfit bre.
21 July 2008 @ 12:15 am
Ju dhe Ne
Pse s’mendoni se ne kemi cfare te mesojme nga Ju dhe Ju keni cfare te mesoni nga ne.
Ashtu eshte kemi ikur kur Sala ishte akoma president dhe Nano ishte akoma ne Bence. Por ama sot e dime qe Nano nuk eshte me Bence dhe Sala nuk eshte me president. Dime se G99 nuk eshte grup Hip Hop por dime qe jane nje tufe kalamajsh te pergedhelur qe megjithe se jetojne ne shqiperi dine shume me pak nga shqiperia se sa dime ne qe nuk jemi atje.
Dime si duhet te jete shqiperia, por nuk dime si duhet te arihet atje, sepse ju atje keni ndryshuar shume nga koha kur ne kemi ikur. Dhe nuk mund te percakosh te ardhmen pa ditur te sotmen. Per kete na nevojiteni Ju atje.
Ndersa ju atje nuk dini si duhet te jete shqiperia. Ate “si duhet” ju e njihni vetem nga filmat Hollivudjane, ku cdo qeveri eshte e koruptuar dhe krimi drejton shtetin ndersa njerezit nordhin. Gjendjen atje ju e njihni shume mire se , sepse ju jeni tu nordh, jo ne, vec se duke mos ditur ku duhet te shkoni keni pranuar nordhjen
Pra perse te mos mesojme nga njeri tjetri ne vend qe ti bejme kategorizime njeri tjetrit sikur ai tjetri te jete nje specie jashte tokesore.
Medjemadhesia eshte demi i kokes
21 July 2008 @ 12:21 am
Moza, mos e merr aq seriozisht veten se nuk me duket se e ndan dot shapin nga sheqeri. Menyra si flet, duke dashur tua mbyllesh gojen njerezve, ne cdo lloj debati qofte per politiken, ekonomine, teknologjine, mjekesine, bioteknologjine, mo po ti te jep uje me bisht te luges, ne mos na e ngulsh fare are bishtin e luges ne fyt se po flasim dhe ne…
Ti me kete njohuri te pafund te botes, per ke votuar, per topin blu apo per topin e kuq?
lol
21 July 2008 @ 12:24 am
Fol mer xhan sa te kesh qejf.
une flas per ato qe me kuptojne.
Tash po fle se nuk ma jep peshku rrogen, dhe neser do ha dynjane une me realitetin shqiptar, jo juve !
Naten e mire, dhe endrra te arta !
21 July 2008 @ 12:26 am
Edhe dicka qe ne kemi dhe ju nuk e kemi
Ne jemi te lire ekonomikisht nga plehrat e politikes atje. Une nuk votoj as per nje thes me miel as per 10 mije lekeshe.
Mos harojme se qeverite qe drejtuan me mire shqiperine kane ardhur nga jashte ( Ismail Qemali dhe Noli) keto ishin dhe qeverite qe mbijetuan me pak se nuk dinin si ta shpinin shqiperine atje ku duheshe, pasi Ata Atje (shqiptaret vendas) jo vetem nuk i ndihmuan por i permbysen me dhune. Jo me kot thuhet se amriku i shqiptarit eshte vete shqiptari
21 July 2008 @ 12:32 am
Ky eshte pra dhe problemi i votes se emigranteve
21 July 2008 @ 12:34 am
I dashur mik, shqiperia nuk eshte keshtu se ata qe jane aty sdine, po se nuk duan
21 July 2008 @ 12:35 am
O Moze,
Po nuk e shef se me ate ‘idealizmin’ tone ne minimalisht rrisim cilsine e kerkeses?
21 July 2008 @ 1:02 am
Censura
Askush nuk do qe te nordhi. Vec atyre qe nuk dine.
21 July 2008 @ 3:28 am
He mo peshqit e dashur- pse nuk merrni shembull Izraele e Irlande e vende qe duke bashkepunuar emigrante e vendore kane bere vendet e tyre si lule…Pse more peshqit e dashur gjithe kete verere…Dy anet e kemi nga nje cikez me pasinqeritet…Por ama ata qe jane ne fushebeteje cdo dite e kane me veshtire dhe kane me shume te drejte te flasin dhe vendosin kushte…Kshu ndodhe kur len shtepine…Po ama atdhetarizma dhe perkushtimi nuk kerkojne te drejte te barabarte per lirite dhe obligimet…Une mejtoj se po deshem te bejme per Shqiperine tone Natyrale ne duhet te kuptojme se atdheu nuk therret por duhet te therret zemra…Sepse sepakut per mua- une nuk bej gjera per Shqiperine time Natyrale se me japin a s me japin te drejte te votoj por se Shqiperine e kam nene e ne zemer dhe nese punoj 20 ore ne dite ne kete te mallkuar mergim nje ore ekstra do e hek nga gjumi dhe do bej dicka per Shqiperine…Dhe se bej kete per te drejta dhe as obligime…Kur te mesohemi se don’t ask what your country can do for you but ask what you can do for your country eshte realitet ne vendet qe jane te sukseshme atehre jam i sigurte se edhe Shqiperia e tere ne Ballkan do lulezoje dhe do jete e barabarte…Puna eshte e madhe dhe vend ka per secilin de nja 10 milione shqiptare tjere po te mund t’i krijoja…Pra lete flasim si vellezer dhe pa kushtezime…Rrofte Shqiperia Natyrale.
21 July 2008 @ 4:20 am
Qe ja fut kot s’ka asnje diskutim….
:) 
Sa qejf i ke qorrat ti ..pse e mcef ???
:) 
:) 
”””po shprehim nje opinion si do jete vota juaj.
———————–Dhe do jete qorre———————–
Pse me si te duken ….””””Qoret”"”" TY…
Sa hongren ne 97 ka i plum qorr…..po qe kur doli ky llaf sa kane lindur tue henger nga nji …qorr.
Vec i gjo ke mire qe me ben dhe MUVE pas teje….
Diaspordha KURRE nuk e ka njohur SHQIPERINE dhe as ka per ta NJOHUR ndonjehere….Mikloini dhe mos i largoni, le te dergojne nonji pare ,tu zene nonji mik me B…olele dhe AQ.
Bonju qejfin dhe boni sikur do votojne masnej sajoni nonji gjo dhe thuj “e pengoi…Nastradini” se po futen hundet keta ..ka per te dale nje HUNDE qe HUNDMADHI ne kutpimin Shqipo do duket pa hunde…as Xhibi s’ka per ta njofe….
Vetem ngatresa dhe humbje kohe do kini po futet nga Diaspora ne qeverisje…..ose nr votash per qeverisje…..
Me mire edhe 10 vjet te tjera vjet MIXHIZMI se sa nje(1) vit keta nga dheu huaj ne MEMEDHEMBJE.
21 July 2008 @ 4:49 am
Idris,
mir qe i ze me pellemba ata qe sipas teje e meritojne, po me temen cke?
Mua me kane thene se edhe kur nuk me jepet rasti te votoj, pasi ndodhem jashte, une perseri votoj.. edhe 5 here nganjehere..
Edhe sikur mos te rregullohej ky sistem mavira elektoral, mo skerkoj shume qe nje nga ato 5 votat qe hidhen ne emrin tim njera te jete e imja(ose 5 1=6 xhanem)? mbase mbase e hedhur nga Tobago & Trinidadi ku se shpejti do ngreme nje ambashade?
21 July 2008 @ 5:05 am
MoZaqe mos u bej budallaqe. Sinqerisht nuk di si te klasifikoj ‘qytetare’ si puna jote. UNE DU ME VOTU KETU KU JAM PA SHKU N’SHQIPNI! PAJK! Ti po pate bythe shko nderro kushtetuten e ma hiq ate te drejte.
21 July 2008 @ 5:26 am
“Populli voton, ne numerojme”
J. Stalin
23 July 2008 @ 7:53 pm
Une vete jam personalisht i interesuar nga ky debat. Jo aq dhe jo vetem per ceshtjen e votes, por per menyren sesi konceptohet emigranti nga shumekush qe diskuton ketu.
Moza p.sh., persa i perket ndergjegjjes sone politike dhe qytetare na ka ndare ne:
tyrryfyla / indiferente / interesaxhinj / tutkune
Me vjen keq Moza, po as une as pjesa me e madhe e qindra Shqiptareve qe njoh nuk besoj se identifikohemi me kategorite qe ke pershkruar ti.
Disa fakte:
1. Debati ju intereson 1/3 se nenshtetasve Shqiptare, te cilet jetojne sot jashte vendit
Shumekush nga ata qe diskutojne ketu, po edhe Nurellari vete (megjithese ai kam pershtypjen qe e ben me vetedije) harron incidencen e jashtezakonshme ne % qe kane emigrantet si numer mbi totalin e popullsise se vendit.
Llogaritet qe, nder emigrantet me kohe te plote, studentet, sezonalet, e kategori te tjera numri i nenshtetasve Shqiptare qe jetojne dhe punojne jashte shtetit ti kaloje 1 milionet. Pra rreth 30% (ose dicka me pak se 1/3) e nenshtetasve Shqiptare jetojne sot per sot jashte kufijve te vendit.
2. Keta persona, pra 1/3 e nenshtetasve te vendit, kane interesa te medha ekonomike ne Shqiperi
Thuajse te gjithe emigrantet kane ne pronesi prona te paluajtshme (ose pjese ne to). Nje pjese e madhe e tyre kane interesa persa i perket sigurimeve shoqerore te derdhura gjate viteve te punes ne Shqiperi. Shume prej tyre kane kapitale financiare te depozituara ne bankat Shqiptare. E keshtu me rradhe.
3. Keta persona kontribuojne fuqishem me dergesat e tyre ne ekonomine e vendit.
Sipas te dhenave te pervitshme te Bankes se Shqiperise dergesat e emigranteve perbejne nje nga burimet kryesore te financimit te ekonomise Shqiptare.
4. Keta persona perbejne nje kapital te pacmueshem njerezor, ekonomik, potencial.
Sikur ky kapital te vihet ne sherbim te interesave te vendit (pra edhe te tyrin, si pjese e atij vendi), sikur edhe vetem pjeserisht, do ti sillte Shqiperise dhe Shqiptareve benefite te jashtezakonshme.
Per keto fakte dhe te tjera mendoj se ceshtja e votes se emigranteve dhe e gjithe meseleja e tyre e marre ne teresine e saj nuk trajtohen seriozisht as ketu as gjetke.
respekte
24 July 2008 @ 8:54 pm