Libër me shkrime të Peshkut ‘07
Të nxitur nga ky koment këtu dhe nga cilësia, larmia dhe sasia e prurjeve këtë vit në këtë faqe, Peshku pa Ujë ka vendosur të nisë publikimin e një libri modest me shkrime te zgjedhura nga botimet e 2007-ës. Libër tek i cili shpresojme të përmbledhim thelbin e karakterit të këtij blogu. Në këtë njoftim të shkurtër do të shpjegojmë sesi kemi ndërmend t’a botojmë librin, dhe se cfarë ndihme mund të na jepni ju si anëtarë të këtij komuniteti.
1. Detajet e botimit të librit
Në këtë seksion dua te shpjegoj disa nga parametrat praktikë për publikimin e librit. Për momentin, asgjë nuk është e shkruar mbi gur, por këto pika më poshtë vlejnë si një fillim:
- Libri do të përfshijë shkrime të të gjitha llojeve të publikuara gjatë 2007-ës tek Peshku pa Ujë. Mendojmë të publikojmë vetëm shkrime që janë autentikë (dmth, që autorët i kanë dërguar fillimisht tek Peshku), megjithëse për këtë mund të bëhen përjashtime të rralla.
- Libri mendojmë të ketë rreth 200-250 faqe, duke përfshirë kështu 30-40 shkrime.
- Seleksionimin e shkrimeve mendojmë t’a bëjmë kështu: redaktorët e Peshkut (unë, Blendi dhe Llukani) dhe disa prej anëtarëve më aktivë të faqes do të ofrojnë secili një listë prej 10 shkrimesh, të renditura në një sistem të thjeshtë pikësh. Shkrimet me më shumë pikë kumulative do të përfshihen në libër.
- Librin mendojmë t’a botojmë duke përdorur shërbimin e faqes www.lulu.com e cila mbulon dhe procesin e shitjes së librit nëpër botë. Lulu duket shërbim shumë i mirë dhe i përshtatshëm, sidomos duke patur parasysh se mbulon shitjet dhe postimin e librave.
- Për t’a shitur e shpërndarë librin në Shqipëri do të na duhet të krijojmë një buxhet të vogël për të blerë 100-200 kopje të librit nga Lulu, dhe për ta shpërndarë nëpër librari në Tiranë. Një pjesë e librave do të ishte mirë t’ia dhuronim njerëzve të caktuar në Tiranë, duke përfshirë këtu elitën intelektuale dhe drejtuesit politikë.
- Kostoja e librit për cdo blerës jashtë Shqipërisë do të jetë rreth $12-20 (pa përfshirë postën). Për cdo libër, Peshku pa Ujë do të mbledhë një shumë të vogël ($2-5, saktësisht do të vendoset më vonë) e cila do të përdoret ose për krijimin e një buxheti për një libër të dytë për 2008-ën, ose për të subvencionuar shitjet e librit në Shqipëri.
- Libri mendojmë të botohet përpara Krishtlindjeve.
2. Për se na duhet ndihma juaj?
- Sponsorizoni botimin e librit. Sic e shpjegova dhe më siper, na duhet nje buxhet fillestar per te ndihmuar shperndarjen e librit në Shqipëri. Shume shpejt do te krijojme nje sistem ku mund te dhuroni një shumë parash për këtë projekt. Dhe nëse vendosni të sponsorizoni librin, bëjeni këtë publike e nxisni miqtë tuaj të bëjnë të njëjtën gjë. Të gjithë e dimë se nuk e kemi në gjak filantropinë, por këtë në dorë e kemi t’a ndryshojmë.
- Bëhuni pjesë e procesit të botimit të librit. Në hapësirën e komenteve më poshtë, mund të coni sugjerimet tuaja, si për shkrimet më mbresëlënëse që mendoni se duhen përfshirë në libër ashtu edhe për aspektet e tjera të botimit të librit (kopertina, dizajni, botimi, redaktimi, etj.). Jemi të hapur për sugjerimet tuaja. Gjithashtu, mund të me coni mua dhe Blendit e Llukanit mesazhe personale me sugjerimet tuaja.
- [pas botimit] Blijeni dhe promovojeni librin. Blijeni librin për veten tuaj, ose bëjani dikujt tjetër dhuratë. Promovojeni mes familjarëve dhe miqve. Kështu do të ndihmoni jo vetëm Peshkun, por edhe të gjithë ata që shkruajnë këtu. (Për këtë, do t’ju bezdisim kur t’i vijë koha.)
Më shumë detaje mbi librin do të finalizohen së shpejti. Një gjë është e sigurtë: jemi të vendosur që të lëvizim shpejt me seleksionimin e shkrimeve dhe krijimin e një fondi për shpërndarjen në Shqipëri. Nëse arrijmë t’a bëjmë librin gati përpara Krishtlindjeve, mendojmë të organizojmë dhe një “party” të vogël në Tiranë me atë rast.
Për sugjerime dhe komente, përdorni hapësirën më poshtë.
12 Tetor 2007 @ 5:36 pm
u zhdukën peshqit…
12 Tetor 2007 @ 5:39 pm
Hajde kurrnace leshojeni doren…….
12 Tetor 2007 @ 5:41 pm
Io ci sto…Une jam shume dakort.Na thoni menyren se si mund te kontribuojme.
12 Tetor 2007 @ 5:46 pm
Kush eshte komiteti qe perzgjedh shkrimet?
12 Tetor 2007 @ 5:49 pm
Kush eshte komiteti qe perzgjedh shkrimet? - Une, Blendi, Llukani plus disa peshq te tjere qe do i ftojme ne. S’e kemi ndare mendjen akoma se sa vete do jene ne total, dhe kush ne vecanti. Sugjerime per perfshirjen mund te behen dhe nepermjet mesazheve personale apo email-it.
12 Tetor 2007 @ 5:54 pm
Ketu ceshtja nuk eshte te nje kenaqsi morale ,”ja une pagova si dashamires i “Peshkut…” Gje qe eshte krejtesisht tjeter nga kjo qe eshte prure ,e cila ne se do te qe nje ftese per kontribut nga 1 deri….USD,besoj nuk do te shmangeshim.
Ketu behet fjale per nje sponsorizim dhe si i tille per kete do te duhej te jepej nje pasqyre e vogel per permbajtjen(lenda) .Ndoshta dhe nje projekt-hyrje i thjeshte i qellimit te botimit.
Mendoj qe keshtu nuk zhduken “peshqit..”.
Nje teori “gjithperfshirese” do te ishte me buke….DAKORD.
12 Tetor 2007 @ 5:56 pm
Natyrisht, ata qe kane shkruar me shume shkrime, duhet te jene me te interesuarit per kete inisiativ,sepse u del emri ne liber..
12 Tetor 2007 @ 6:05 pm
Jeni qe jeni pse nuk e beni edhe film. Ka nje sherbim shume te pershtatshem, quhet Hollywood.
meqenese jemi tek artikujt. a do te behen redaktime te artikujve te publikuar me pare?
12 Tetor 2007 @ 6:19 pm
Une pranoj t’i jap kontributin tim Peshkut per botimin. Pra do blej nje liber tek www.lulu.com. Kam blere disa here te Lulu dhe eshte OK.
Duhet nje redaktor profesionist, perndryshe s’ja vlen.
Penar, po kodin ISBN a mendoni ta blini?
12 Tetor 2007 @ 6:36 pm
Sigurisht, te gjithe do te jemi te interesuar ta bleme librin pasi besoj qe artikujt tuaj nuk do te jene pasqyrime te mediave shqiptare.
Se pari, jepini hapesire shkrimeve artistike.
Se dyti, shkrimeve mbi diasporen (malli, probleme emigracioni a do te kthehemi, si mund te kontribuojme etj). Kujtoj letren e atij djalit pogradecar qe morri nga nje grusht dheu nga varri i te afermeve pasi shoket i kishte pa letra ne NY etj etj. Kujtdo qe ja tregoj kete histori rrenqethet.
Se treti, jepini hapesire zgjidhjeve mbi te ardhmen e shqiperise. Shkrime politike qe kritikojne klasen tone atje e qe hedhin ide konstruktive mbi historine (psh. hapja e dosjeve a pseudo-minoritetet etj) etj.
Jeni qe jeni ne amerike, lidhuni me shoqatat amerikane ne Shba, ato mund t`ju ndihmojne pa shume probleme. Kane nje rrjet shume te fuqishem.
12 Tetor 2007 @ 6:53 pm
Keni menduar te ofroni “aksione” ne shitje ne vend qe te kerkoni sponsorizime/dhurate?
Ndani shpenzimet ne 500 pjese me vlere 10$ e sejcili blen sa ti doje qefi apo sipas besimit qe do te krijoje pasi te behet ajo qe kerkon idrizi me lart.
12 Tetor 2007 @ 7:00 pm
Une jam dakort per vete. Si me llafe dhe me frenga.
12 Tetor 2007 @ 7:18 pm
Erion, per ISBN do shohim si behet qe te merret. Ti di gje? Me co nje msg personal po pate njohuri.
Aiglon, do te te shkruaj per lidhjet me shoqatat amerikane.
Gene, s’e bejme dot me aksione sepse nuk behet fjale qe te kete ndonje perfitim te madh botimi i librit. Dhe, po pati, ato fonde do i riperdorim.
Anonymous, FLM.
12 Tetor 2007 @ 7:31 pm
Per ISBN te duhet te flasesh dhe me shtepine botuese,
po nje pyetje kisha une:
Kujt do ti rezervohen te drejtat e riprodhimit?
I bie peshkut si faqe apo cdo autori?
SE nese eshte per cdo autor…atehere duhet te regjistrojne keto veprat e tyre diku ( eshte qendra ne shqiperi apo gjetke)
12 Tetor 2007 @ 8:11 pm
K, te drejtat e riprodhimit komplikohen dhe nga fakti qe autoret jane anonime…apo jo?
12 Tetor 2007 @ 8:11 pm
Te drejtat e autorit une propozoj qe Peshku t’ja dhuroje Bibliotekes Kombetare Shqiptare, qe te beje ndonje lek e te ndertoje ca banjo per te qene aty ne Saraj te saj.
12 Tetor 2007 @ 8:13 pm
Nje opsion per te drejtat e autorit eshte te merret nje nga licensat qe ofron Creative Commons… mbase Share-Alike apo ndonje tjeter qe lejon riprodhimin e materialeve per perdorime jo-fitimprurese.
12 Tetor 2007 @ 8:17 pm
Gene, ata nuk kane se ç’te ndajne, se sot per sot eshte hedhur ideja. Ajo qe thua ti “aksionet” mund te ndahen/vlersohen mbasi eshte mbledhur sasia e parase qe i pergjigjet investimit, apo dhe kur libri futet ose del nga shtypi Per raste te tilla , kur ideja hidhet e kur lenda ekziston, mund te hedhesh ne treg obligacione apo letra me vlere me emertime te reja, siç i perdorin sot fondacionet e ndryshme.
Ajo qe une do t’pyesja drejtuesit e peshkut eshte , se; ne liber do botohen artikuj dhe komentet poshte tyre , apo vetem komentet, apo nje pershkrim i shkurter i artikullit dhe disa komente (ato me interesantet apo me te pelqyerat).
Ideja nuk eshte e keqe, veç une do ti siguroja drejtuesit e Peshkut se shum shkrime dhe komente ketu, lexohen nga politikane te ndryshem shqiptare dhe individe afer tyre, si dhe qarqe te huaja prane qeverive te tyre. Kete e ndjej prej ketu.
12 Tetor 2007 @ 8:22 pm
Pjer,
Nuk e di akoma nese do te botohen komente prej lexuesve apo jo…te gjitha komentet mbi nje shkrim nuk i botojme dot. Ama duhet gjetur nje menyre qe te reflektohet ne leter rendesia qe komentet kane ne faqe. Kjo duhet zgjidhur. Flm per pyetjen.
12 Tetor 2007 @ 9:00 pm
Megjithese e perqafoj idene, po ngre ca pyetje qe ta kem(i) me te qarte projektin:
1- Le te themi se peshkupauje.com ka karakter alternativo-mediatik, kritik, dialogjik dhe virtual. Nese botojme nje “[l]ibër tek i cili shpresojme të përmbledhim thelbin e karakterit të këtij blogu” sa hapesire i le letra statike shprehjes se karakterit te peshkut? Pergjigjja e kesaj nuk duhet te jete shume e veshtire, sidomos nese perfshihen 1-2 komente per te shprehur shpirtin kritik-dialogjik, por deshira per letren eshte disi problematike.
2- Cfare mendoni/mendojme/deshirojme te arrijme me shpalosjen e karakterit te peshkut ne nje liber? Te jete libri nje menyre per te vleresuar shkrimet me te mira? Te jete shpresa se do te arrihet publik/anetaresi me e gjere? Po kjo shprese a eshte e justifikuar kur mendojme qe vetem 100-200 kopje do te shkojne ne Shqiperi, shumica per njerez qe e njohin apo marrin pjese te peshku gjithsesi? A kemi per synim elitat dhe politikanet? Te jete Peshku 2007 versioni gourmet i peshkupauje.com? Me shkurt, a eshte ky liber i nevojshem?
3- Shperndarja, shperndarja, shperndarja. Them se pa shperndarje te mire librat do te rrine ne kioskat shqiptare deri sa te shkojme ne me pushime e te pyesim. Nese me te vertete duam te arrijme gje, duhet te kujdesemi per reklamen/shperndarjen. Ndonje plan? Apo meqe ky eshte botimi fillestar do shperndahet kryesisht falas?
4- Dogana :). Si njerez alternative qe jemi
me te vertete do te perpiqemi t’i fusim librat ne Shqiperi pa dogane sic po diskutohej te nje nga pyetjet, apo do te jemi korrekte me ligjin?
I harrova pyetjet e tjera. Gjithsesi bravo Penar qe po merresh kaq seriozisht.
12 Tetor 2007 @ 9:06 pm
se pari, shyqyr me ne fund qe e vendoset. yay. me jepni detajet e pagesave se nuk i shoh ketu
vendosni nje tabele me shumat dhurate qe rekomandoni, si edhe sasine e mbledhur te parave deri ne periudhen e berjes se pageses.
p.sh: shuma e rekomanduar per dhurate
$10.00, (peshk zemermire)
$20.00 (peshk bujar)
$30.00 (pac e dhenc o peshk) (nje bluze peshku falas)
$100.00 (te lumte kuleta) (nje kopje libri falas)
po ashtu mund te listoni falenderimet e sponsoreve ne nje faqe te vecante te antologjise si shperblim.
per shkrimet vete, mendoj qe te botoni numrin e komenteve si edhe komentin me interesant i.e. pergjigjen e pyetjes se ngritur, nxitesin e bisedes, thenien me te cmuar etj etj etj. me deshiren e autorit/autores si shperblim mund edhe te botoni nje bio te shkurter. mos harroni te pyesni autoret nese duan qe te mbrojne punen e tyre me copyrights.
nese keni perfitim nga kjo pune, mund ta zgjeroni aktivitetin me:
e-libra, libra me barsaletat e botuara tek peshku, analiza, poezi etj.
12 Tetor 2007 @ 9:07 pm
E mund te zgjedhesh qe te drejtat e autorit te jene te perbashketa….
Si ia bene ate te website “secrets Smth?”
Se ata publikuan nje liber,
O gjithashtu dhe Overheard in NY ka publikuar nje liber,
shifni se mos gjeni aty me shume informacion.
12 Tetor 2007 @ 9:09 pm
Isha kurioz ,eshte hera e pare nje ide e tille qe te ndodh qe, nga nje blog,te kemi nje liber per shtyp,apo thjesht nje experiment.,per te provuar.?
Megjitheate une do ta mbeshtes,kete ide.
12 Tetor 2007 @ 9:25 pm
Tropizma,
Flm per pyetjet. Te gjitha me vend. Mendimet e mia per secilen:
1. Duhet gjetur nje menyre qe te reflektohet karakteri dialogjik i faqes edhe ne liber. Letra eshte medium analog dhe real, por eshte e hapur per te qene medium alternativ, kritik dhe dialogjik. Me fjale te tjera, nje pjese e vlerave te Peshkut mund dhe duhet te reflektohen
2. Disa nga gjerat qe ndihmon krijimi i librit:
a) Ndihmon “brand”in e Peshkut pa uje, si fole e mendimit kritik shqiptar
b) Shperblen shume prej individeve qe kane shkruar tek Peshku Pa Uje me nje produkt “real” te prekshem qe perfshin punen e tyre
c) I fut diskutimet e Peshkut ne nje fushe te re e serioze ku neser pasneser ato qe jane shkruar ketu mund te perdoren si baza per studime te tjera. E thene ndryshe, ka po aq vlere sa ka nje permbledhje esesh e shkrimeve te nje kolumnisti te caktuar.
d) I tregon shqiptareve kudo qe jane, sot e neser, se ekziston nje komunitet virtual i vendosur per te zhvilluar mendimin kritik, letersine moderne dhe debatin civil ne gjuhen shqipe. Kjo eshte e rendesishme, sidomos per te treguar se te shkruash e te lexosh eshte dicka qe i perket cdo brezi e jo vetem brezave te shkuar. (Sic shkruante nje amerikan qe po hap nje librari ne Mitrovice, eshte tejet e nevojshme qe lexuesi shqiptar te takoje shkrimtare te moshes se vete… e jo vetem libra nga “old white males” qe kane vdekur qindra vjet me pare.)
A eshte i nevojshem? Nevojshmerine une nuk e percaktoj dot. A eshte Peshku Pa Uje i nevojshem? Ose per te qene me korrekt, a ishte Peshku Pa Uje i nevojshem kur u hap para pothuajse 4 vjetesh?
3. Shume e nevojshme. Shume. Na duhet ndihme edhe per kete. (Personalisht, une kam shume besim ne “word of mouth”, por, detyrimisht, do na duhet te lidhemi me librari ne shqiperi e t’a promovojme librin neper gazeta etj.)
4. Thike me dy presa. Nga njera ane, duhet te jemi te drejte e te paguam ato taksa qe duhen paguar, ama nga ana tjeter, si i behet per ato 50-100 libra qe do jepen falas?
Nje sqarim i vogel: numri i librave qe do cohen ne Shqiperi do te varet pothuajse krejtesisht nga fondet fillestare…keshtuqe mund te jete edhe me i madh, edhe me i vogel.
12 Tetor 2007 @ 9:27 pm
Une propozoj qe ne liber te perfshihen vetem krijimtaria letrare qe ka ardhur te Peshku. ANTOLOGJI quhet, ose dikur jane quajtur ALMANAKE…
1. poezi origjinale qe autoret i kane botuar te Peshku…
2. tregime…
3. reportazhe udhetimi…
te perjashtohen krejtesisht
a. shkrimet politike, sociale dhe ekonomike
b. folklori
c. fotografite
d. diplomacia
Une them se vetem nje liber me letersi do te ishte krejtesisht i vlefshem per opinionin publik, ndersa gjithcka tjeter eshte relative… Peshku pa Uje merr keshtu titullin e nje enti botues te mirefillte… ose t’ja delegoje botimin nje shtepi botuese ekzistente ne Tirane apo kudo tjeter…
Duhet nje redaktor i mire letrar… dhe natyrisht autoret te vendosin emrat e vertete…
Erjoni qe pyet per blerjen e ISBN… ky kod nuk blihet… ne Biblioteken Kombetare ne Tirane jepet lirshem per cdo liber qe botojne shtepite botuese…
URIME… MUA ME KENI MBESHTETJE PER CDO GJE MENDONI SE MUND TA BEJ UNE… EDHE NDONJE KRYEPESHK DI KU TE ME GJEJE…
12 Tetor 2007 @ 9:27 pm
Ide e bukur po ka shume probleme… pa u hedhur tek problemet e kostos dhe menyrave sesi mund te botohet, shperndahet, etj etj , mendoj se ideja ka nevoje per pak diskutim me te gjere..
Jam dakort me shkrime artistike, apo histori te ndryshme tonat, sidomos pershtypjet e njerezve kur kthehen ne Shqiperi pas nje qendrimi disa vjecar jashte..
Por kur vjen puna tek disa shkrime te tjera tek te cilat eshte munduar te atakohen disa nga problemet kryesore ne Shiperi, ekonomike apo politike, personalisht kam vene re se nuk para kemi arritur ndonje konkluzion te perbashket. Pra nese Peshku boton ne liber disa essay’s per politiken ne Shqiperi, kush eshte perfundimi i peshkut dhe ca qendrimi mban. Mendoj se ketu duhet te diskutojme pak…
ndoshta nje menyre per ta zbutur pak kete problemin e dyte eshte qe editoret e librit te zgjidhnin ndonje artikull qe atyre u duket i goditur dhe nje numer te vogel komentesh, mundesisht nje numer te barabarte pro dhe kundra…
si perfundim, me pelqen ideja po le te punojme edhe pak per te caktuar formatin, le ta bejme gati librin ne menyre virtuale pastaj te mendojme per leket e botimin…
12 Tetor 2007 @ 9:33 pm
waw…peshku po komercjalizohet….
12 Tetor 2007 @ 9:35 pm
Nuk kemi se pse i perjashtojme shkrimet politike. Per te mos thene qe asgje nuk eshte jashte politikes. Dhe as nuk eshte e nevojshme qe te arrijme ne nje mendim te perbashket. ne nuk jemi nje think-tank qe po dorezon nje raport etj.
per tiu kthyer edhe njehere pyetjeve:
a do te redaktohen/ripunohen shkrimet e vjetra?
a do te pranohem shkrime te reja, qe nuk jane publikuar me pare?
kostoja nuk besoj se eshte aq e larte. ne fund te fundit ne qofte se kostoja del me shume se c’na e mban xhepi mund ta “botojme” si e-book.
dhe ne fund per Llukanin qe sot vetem ka fshire komentet e mia: Germo Tare, germo, qenin e ngordhur do desh aty!
12 Tetor 2007 @ 9:35 pm
VERBA VOLANT, SCRIPTA MANENT…
12 Tetor 2007 @ 9:38 pm
Blete, dakord me te gjitha. Avash avash, do i bejme gati te gjitha.
Ilirian, fakti eshte qe peshku eshte edhe letrar edhe politik, social, ekonomik, etj. Ky diversitet do duhet te reflektohet dhe ne leter. Pra, une mendoj se disa shkrime sociale, politike, ekonomike duhen perfshire. Por kjo ne fund do te varet nga grupi i redaktoreve. Fotografi nuk mendoj se do kete ne liber (kosto, te drejtat e autorit na kufizojne).
Gre_wireless, libri do te behet dhe publikimi i planit eshte hapi i pare. Ne javet qe vijojne do te finalizojme edhe dizajnin e librit edhe shkrimet qe do perfshihen. Nuk ka nevoje te kemi nje konkluzion te perbashket: perkundrazi, persa i perket problemeve shqiptare, libri do te perfshije ato shkrime qe redaktoret vleresojne si me te mirat. Njesoj dhe per komentet.
12 Tetor 2007 @ 9:39 pm
EH, aspak karamele.
Komercializimi ka ne thelb perfitimin. Ky projekt i librit behet teresisht per qellime jo-komerciale, dhe ne rast se do kete ndonje perfitim modest monetar, i gjithi do shkoje per te permiresuar faqen apo per te ndihmuar ndonje ceshtje te mire ne forme bamirsie…
Te pershendes.
12 Tetor 2007 @ 9:40 pm
Kuqo! Po c’e do politiken, bre burre?… LETERSI, LETERSI… ketu po botojne mjeshtra poezie… derisa i botojne on-line, besoj se do te pranojne edhe botimin ne leter…
tjeter…
Une propozoj qe ky botim te jete periodik… nje numer ne cdo 6 muaj…
janar - qershor 2007
korrik - dhjetor 2007…
tip Revista Nentori, a si te doni ta krahasojme…
12 Tetor 2007 @ 9:44 pm
Penar! Gezohem qe je ne linje… Eshte gjithashtu fakt se autoret e letersise ketu tek Peshku pa Uje jane ne nje nivel shume me te larte se ata te politikes, diplomacise, ekonomise etj… shume prej tyre sjellin materiale qe nuk ja vlejne te mbeten ne leter… ne librarite e Tiranes gjeja me e pashitur jane librat politike… Si te doni…
12 Tetor 2007 @ 9:45 pm
blendi, nuk keni pse tuteni nga perfitimi monetar. edhe nese nuk eshte qellimi kryesor, duhet patjeter te jete njeri nga qellimet e botimit.
12 Tetor 2007 @ 9:49 pm
Ilirian,
Dakord dakord. Por arsyeja per perfshirjen e politikes, ekonomise, shoqerise etj. eshte thjesht sepse eshte ne karakterin e peshkut. Ne fund te fundit, prurjet do te trajtohen sipas vlerave te tyre individuale, pa u lodhur shume me perkatesine. Une do votoj per ato 10 shkrimet qe preferoj me shume, e te tjeret do bejne te njejten gje…
Edhe une dua te jete botim periodik. Nese ecen mire numri i pare, 2008-en mund ta ndajme ne dy libra 6-mujore.
Kuqo,
a do te redaktohen/ripunohen shkrimet e vjetra? - Do te redaktohen, por nuk besoj te ripunohen.
a do te pranohem shkrime te reja, qe nuk jane publikuar me pare? - Jo…per arsye kohe. (Gjithashtu, kemi plot prurje qe nga fillimi i vitit, keshtuqe seleksionimi do te jete boll i veshtire me kaq sa kemi…)
12 Tetor 2007 @ 9:50 pm
Po pra Ilirian, po perpara se te botosh Nentorin e dyte nderto edhe shtetin komunist qe do ta sponsorizoje. Nentori i dyte online, kjo po qe mund te ishte nje ide
Mua nuk me duket ide e mire qe te perzjehet publicistika me krijimtarine letrare, mgjs nganjehere publicistika jone mund te jete me teper letersi :). Ne fillim une kisha deshire per dicka letrare, por e kuptoj qellimin e Penarit, qe eshte me i gjere se promovimi i letrareve te rinj e te vjeter. Mendoj se nje botim i vecante per prurjen letrare do te ishte ide shume e mire, pas botimit te pare publicistik.
Penar falemnderit per pergjigjet. Per doganen e zgjidhe vete problemin: librat per dhurate pa dogane, ata per shitje me dogane. Pergjigjet 2c dhe 2d me pelqyen shume.
12 Tetor 2007 @ 9:51 pm
Urime per nismen!Puna me librin apo Antologjine qe do botoni,relativisht(e them nga pervoja ime) nuk eshte aq e lehte.Jo se do mungoj mudesia materiale(me kontributet e mbledhura kjo do te kapercehet),veshtiresia qendron ne tregun e shitjes kur ka veshtiresi potenciale edhe per autore me emer dhe jo per amatore qe provojne per here te pare penen.Cdo gje,sic mendoj une,mund te kavardiset me dashamire te”peshkut…”.Megjithate,cdo fillim eshte i veshtire.Me kembe te mbare.Koha tregon se si do veje puna me tej.Sa per “gamen” e librit,une mendoj se ne nje antologji duhen vetem krijimet artistike me me vlere qe,sic kam vene re,nuk kane munguar.Vetem duhet ruajtur nga ndonje subjektivizem i semure.Opinionet ,ne se vendosni t’i jepni,duhen”qeruar”nga ndonje fjalor vulgar apo”kryqezim”shpatash.
Sidoqofte,urime.
12 Tetor 2007 @ 10:22 pm
idea eshte fantastike dhe kam kaq kohe qe po e mendoja e me duket sikur eshte telepati kjo… kam dashur ta sugjeroj botimin e nje libri por me thene te drejten nuk ma ka mbajtur se do me quanit utopist…
do ishte kryeveper qe te botoheshin dhe komentet me serioze mbi shkrimin, pozitive dhe negative qofshin.
nje ide per perzgjedhjen do ishte dhe perzgjedhja ne forum. dmth, krijohet nje bord perzgjedhes, ai perzgjedh nje tufe shkrimesh, dhe keto publikohen ne forum dhe perzgjedhja te behet duke lene peshqit te bejne votim mbi to…
pershendetje.
12 Tetor 2007 @ 10:57 pm
Bukur, po ne mund ta blejme online kete librin apo jo? Edhe nje bluze me simbolin e peshkut pa uje do te me pelqente shume. Me ante te ketyre bluzave te shitura dhe ne Shqiperi mund te promovohet me mire faqja.
12 Tetor 2007 @ 11:06 pm
Cfare do te behet me parate e fituara nga shitjet e librit. Do te shkojne ne xhepin e redaktoreve te peshkut apo ne ndonje shoqate humanitare ????
kur u kerkua nga redaktoret e Peshkut te hapej nje bank account per minatoret e Bulqizes per tu dale ndihme ne ato dite te veshtira, as nuk e luajten b***n. Personalisht e quaj “good trick” for making money!!
grusse
13 Tetor 2007 @ 12:19 am
Po, libri do te jete ne shitje online.
13 Tetor 2007 @ 12:46 am
Me duket nje ide e bukur qe te mund te formulohet nje botim me krijimtarine e peshkut. Mua vete do te me pelqente qe ky botim te ishte jo vetem me krijimtarine e mirefillte te disa peshkatareve aktive por edhe me diskutimet qe permbajne idera dhe kritika konstruktive ndaj temave politike. Persa u perket krijimeve te mirefillta, pa dashur qe te marr persiper rolin e selektorit, nuk me eshte dukur ndonjehere se ka pasur kritika te mirefillta letrare pervec lavderimeve dhe shprehjeve emocionale qe kemi ndjere ne leximet e tyre.(per aq kohe sa kam marre pjese vete)
Ne temat politike eshte diskutuar me zjarr por mendoj sa aty ka shume anonime qe kane idete e tyre te qendrueshme, serioze dhe gjithefare ngjyrash. Ndofta per paraqitjen e pjeses me te mire te tyre ne nje liber do te duhej nje pune shume e kujdeshme qe ne liber te mbizoteroje ideja qe shqiptaret jane pluraliste dhe jo aq te eger sa c’mund te jemi treguar ne “kacafytjet e pergjakshme” per mbrojtjen e ideve tona.
Eshte e kuptueshme qe mund te kete midis nesh ndonje peshk qe e sheh kete pune si nje gje te kote ose si nje perpjekje te menaxhereve per te fituar para. Une mendoj se ne kete rast nuk duhet te shqetesohet shumica. Edhe dicka tjeter, persa i perket filantropise une mendoj se ne rast se dikush nga peshqit do te dispononte shuma te medha, me siguri qe do jepte dicka me shume por them se ka edhe shqiptare qe nuk e konsiderojne se eshte gje e madhe te mos pijne nje dite nje birre per te kursyer 5 dollare apo 4 euro. Do ta konsideroja dhenien e nje shume kaq te vogel thjeshte per kenaqesine dhe emocionet qe kemi pasur ne peshk se perndryshe kush te detyroi valle ty i dashur peshk qe te uleshe mbi tastat dhe te harxhoje nje kohe qe mund ta shpenzoje i vetmuar ne nje lokal apo me te dashuren (in) tende (tend). Dua te them se kjo pune jo vetem qe eshte e bukur por nuk duhet te lihet pas dore. Une e deklaroj qe ne fillim se sado qe te jete kerkesa per nje pagese sponsorizimi une do ta kryej pa me shkuar ne mendje se cfare perfitimi do kem. Me sinqeritet me pelqen puna e drejtuesve te blogut dhe e quaj se eshte pune filantropie apo me qe nuk e kemi ne gjak filantropine si thote Penari, eshte nje pune pa pagese qe ne te tjereve na jep kenaqesi edhe pse disa prej nesh ndonjehere na mbetet hatri qe nuk kaloi sharja apo kundersharja jone tek kundershtari.
As qe e kam idene se si behen keto pune botimesh, por me pelqen qe peshku te forcohet edhe me shume pasi keshtu na shton kenaqesine edhe me teper. Ajo qe mendoj tani eshte se ne rastin e suksesit te librit ky blog ka per tu bere edhe me serioz. Ne fakt une nuk e mohoj dot se kur futem ne peshk per te lexuar ndihem i emocionuar sepse shume nga anonimatet qe nuk i njihja me pare, tani i shikoj si autore te vertete, se ne fund te fundit njeriun e ben fjala dhe puna dhe te shkruarit me pergjegjesi ne blog, une e konsideroj nje pune dhe bile shume interesante pasi sheh qe njeriu edhe pse anonim, perpiqet me force te respektoje anonimatin e tij. Natyrisht nuk mund te le pa permendur edhe pergjegjesine e madhe te Papit dhe disa te tjereve qe shkruajne me emrin e tyre. Mendoj se kjo eshte arsyja pse peshku vazhdon qe perhere dhe me shume te marre permasat e nje klubi jo te vogel te shqiptareve qe e duan njeri tjetrin dhe perparimin e vendit te tyre.
Me shkurt fare: Me pelqen te shkruhet nje liber prej Peshkut dhe e fundit deshiroj te me jepet pergjigja se c’u be me Peticionin a merren pergjigje nga Peticionet?
13 Tetor 2007 @ 12:50 am
Komplimenti për iniciativën!
Përsa i përket përzgjedhjes së shkrimeve, për të mos lënë asnjë të pakënaqur, mendoj se shkrimet që duhet të vihen në libër, të jenë ato që kanë patur më shumë komente, që do të thotë se kanë qënë shkrimet më të rëndësishëm apo më interesantë.
Përsa i përket kopertinës: Vetë logo-ja e Peshkupaujë është mrekulli.
13 Tetor 2007 @ 1:10 am
Kjo ka për të qenë bombë ligjore. Do ta keni pothuajse të pamundur të merrni lejet e duhura nga të gjithë autorët, pasi komentet dhe shkrimet nuk jepen me ndonjë licensë të veçantë. Nuk jam avokat, por do ju këshilloja të lejoni vetëm komente dhe shkrime që autorët i japin nën një licensë të caktuar (p.sh. http://creativecommons.org/licenses/by-sa/3.0/us/ nëse quheni të bazuar në SHBA, http://creativecommons.org/licenses/by-sa/2.5/ca/ për Kanada, etj). Kuptohet që kjo do të sjelli probleme me shkrime që kopjohen fjalë për fjalë nga vende të tjera (jo origjinale), por për këtë jam shprehur dhe më parë. Shpresoj që do tu merrni leje autorëve për shkrimet që keni ndërmend të botoni dhe kini kujdes të shikoni nëse janë përdoresit e vërtetë pasi komentet dalin nën nofkën e zgjedhur dhe jo nën atë të llogarisë.
Thjesht sa për këshillë e kam. Unë s’kam shkruajtur ndonjë gjë edhe aq interesante sa për tu botuar, por shkrimet e mija origjinale i lëshoj nën CC-BY-SA (http://creativecommons.org/licenses/by-sa/3.0/us/).
13 Tetor 2007 @ 1:15 am
Me pelqen ideja dhe do e perkrahja monetarisht. Them se libri do duhej te ishte nje shembelltyre e blog-ut vete, por me cilesor nga perzgjedhja. Ndarja ne “sirtare” apo kapituj sipas tematikes do e ndihmonte lexuesin imagjinar te ushqente dhe ndoshta shuante kersherine.
Nganjehere komentet jane me te rendesishme se vete artikujt apo temat e diskutuara. Autoret e krijimeve artistike apo edhe te artikujve me peshe per nga argumentet/perfundimet, duhet t`u lihen copyrights, me qellim qe ne te ardhmen te kene mundesi, dhe jo pengesa, per te nxjerre nje botim personal (nese kjo e fundit ndodh, Peshku Pa Uje duhet te referohet gjithnje si botimi pararendes).
Ndoshta po e ve tiganin ne zjarr, kur peshqit (ha, ha) jane akoma ne det, por po mendoja per titull dhe me shkoi ndermend Cogito Ergo Sum, e nderruar ne “Peshkoj, prandaj dhe jam…”
13 Tetor 2007 @ 1:32 am
Pershendetje peshkut per kete iniciative. Gjithsesi, i bashkohem Idrisit ne ate qe duhet ber e qarte se cili aspekt i peshkut do do te jete shtylla kurrizore e ketij libri, cili aspekt do te jete zemra dhe cili aspekt fytyra.
Ndonese krijimet letrare jane nje prurje oksigjeni per akuariumin e peshkut, mendoj se nuk hijezuar ana kritike e peshkut. Ne kete aspekt cila eshte audienca qe doni te arrini?
Gjithashtu, ju lutem te konsideroni edhe njehere perzgjedhjen e shtepise botuese, pasi ne Shqiperi nje liber me 200 faqe mund te prodhohet disa here me lire( duke bere nje kompromis me vetveten mbi perzgjedhjen e letres, qepjes etj).
Pra, per mua, nje cmim me i ulet dhe nje audience me e gjere do te mundesonte percimin e ‘mentalitetit peshk’ shume thelle ne toke te thate.
Gjithashtu, ‘thinking outside the box’, A keni menduar se ato 200 faqe libri mund te ngucen ne 30-40 faqe ‘gazete’ qe mund te shitet mbase per 1000 lek dhe mund te arrij cdo cep te Shqiperise. Jam i sigurte se i kemi mundesite ta bejme kete gazete vjetore aq te pashme dhe aq hip sa te gjith do duan ta kene kete edicion te pare.
13 Tetor 2007 @ 1:34 am
‘mendoj se nuk hijezuar ‘ lexo ‘mendoj se nuk duhet hijezuar’
13 Tetor 2007 @ 3:10 am
un pranoj te jap kontributin tim . Por mendoj qe ky “hap” ka nevoje per per me shum detaje ……qe sigurisht duhen vleresuar dhe mbi vleresuar apo nen vlersuar , ateher kur te jete cdo gje e qarte.
Qe te kuptohemi mire , jam dakort n e parim dhe jap kontributin tim si “peshk” , por mendoj qe duhet trajtur mire menyra , forma , permasa , autoret etj etj ………..
13 Tetor 2007 @ 3:19 am
Un propozoj :
1-ose ndarjen e librit ne kapituj , ku cdo kapitulll ti korrispondoj nje teme te cakturar tek “peshku” , Psh : letersia , te kete autoret e saj ….dhe keto autore ta financojne dhe te japin kontribute qofte financiare , qofte njerzore (prurje).
2-Ose krijimin e disa librave , ku secili liber te trajtoje nje teme te vecante , kjo e fundit te kete autoret esaj , dhe rregullat (pak a shum) te jene ato te pikes 1.
*kjo teori ka nevoje per shum perpunim , si ne detaje ashtu edhe ne parim. Un nuk e shoh te keqe …ky eshte opinioni im.
13 Tetor 2007 @ 3:21 am
vlersoj shum inicjativen ….e shoh te shendosh dhe te frytshme.
Duke pare ne sy faktin qe kjo inicjative nuk behet per perfitime financiare , kam mendimin qe cdo gje do jete e lehte.
le te bashkepunojme dhe te japim fryte ……Mendj qe vendi jone ka nevoje per “peshqit” e tij.
13 Tetor 2007 @ 6:29 am
Jam dakort me piken 1 te Klodit. Mund te ndahet me kapituj. Psh tek letersia mund te vihen disa krijime te cilat konsiderohen me te mira… tek politika apo ekonomia, apo institucionet mendoj se eshte shume e rendesishme te perfshihen edhe komentet.
http://books.google.com/books?id=CRt-C59nNZcC&dq=brookings trade forum&pg=PP1&ots=xbeakcaJBZ&sig=lLLaoECTOsAp-xEdffidwrMeEtU&prev=http://www.google.com/search?source=ig&hl=en&q=brookings+trade+forum&btnG=Google+Search&sa=X&oi=print&ct=title&cad=one-book-with-thumbnail
po sjell nje shembull nga Trade Book Forum qe botohet nga Brookings Institution cdo vit. Mund ta gjeni ne adresen e mesiperme ose beni search ne google. Editoret marrin shume paper’a dhe zgjedhin me te mirat. Pastaj organizohet nje konference ku per cdo paper ka dy discussants dhe komente te tjera. Megjithese ne baze te komenteve autoret bejne ndryshimet e nevojshme para publikimit dhe te mos harrojme qe keto jane papera te perfunduara, perseri kur publikohet libri perfshihen diskutimet dhe komentet me kryesore…
13 Tetor 2007 @ 7:53 am
Shumë interesant diskutimi rreth librit dhe po shtoj disa “këshilla”:
1- Përsa i përket të drejtës së autorit (dhe meqënëse janë akoma gjallë të gjithë), kur të dalë lista e artikujve që do të botohen, cilido që nuk DO që artikulli i tij të hidhet në libër, të flasë që më para o të merret si ’silenzio assenso’ (si pranim pa diskutuar) prej tij (kuptohet që autorët e peshkut, më parë ti dërgojnë një e-mail që i thonë që ai shkrim do të hidhet në libër).
2- Meqë ky libër do të botohet me fondet e vullnetarëve, do të shtoja që: 30% e çmimit të librit të caktohej paraprakisht për të shkuar si fond bamirësie ndaj ndonjë istitucioni ose si kontribut për meremetimin ose mirëmbajtjen e ndonjë objekti/parku apo sheshi, kështu që, edhe ata që e blejnë librin, të ndjenë që po bëjnë diçka të dobishme (kuptohet që mund të kontribuojnë më tepër në ‘llogarinë’ e hapur për mbledhjen e atyre fondeve)
3- Krijoni mundësinë që kontribuesit të mund të kontribojnë në mënyra të ndryshme (e kam fjalën për ata që nuk mund të përdorin karta krediti) qoftë dhe me dërgimin personalisht të kontributit direkt në dorë tek ndonjë ‘peshk’ të caktuar për atë punë.
4- Për ta bërë sa më trasparent këtë operacion, do t’ju thoja që të hapnit një artikull në të cilin të axhornonit përditë me emrat (e atyre që duan) dhe sasinë e parave të ofruara, si dhe shpenzimet për botimin dhe shpërndarjen, kështu që mund të krijohet një ide nga të gjithë se sa ja vlente që të merreshit me këtë punë, kështu që herë tjetër të ‘armatoseni’ më mirë.
13 Tetor 2007 @ 8:10 am
Ide e bukur.
Drejtusve te peshkut per sa i perket si e tek cfare do behet e do permbaje libri do i thosha:
”Pyet 100 vete e bej si di vete” se eshte e veshtire te bien dakort te gjithe peshqit i madh e i vogel
Sigurisht qe botimi i pare i dyte apo i trete nuk do jene ne lartesine e duhur apo nuk do pritet si duhet po kjo vjen me kohen e cdo gje permiresohet.
Ju fillojeni pastaj nje here qe i eshte hyre punes mire a keq behet, e shpresoj qe shumica te mos prese perfeksionin qe heret e para.
ps.pyetje:
Cili do jete mesazhi/et qe peshku do kerkoje te trasnmetoje, percjelle tek lexuesit??
13 Tetor 2007 @ 8:26 am
Dakort Edi, une them se autoret ne botimin e pare do ishte mire te heqin dore nga Honoraret e tyre. Ne fund te fundit kur postojme tregime te Peshku nuk i dergojme per te fituar leke.
Une trembem se çmimi i librit eshte i larte dhe do shiten shume pak libra.
Po te heqin dore autoret nga Honoraret, atehere çmimi i librit eshte me i ulet dhe shitet me teper. Natyrisht qe eshte veshtire te jene te nje mendjeje 10 autore bashke per honoraret.
13 Tetor 2007 @ 12:06 pm
Ide e mire.
Mua me keni pro vetem me dy kontribute : nje shume modeste kushdo qe te jete rezultati i inisiatives dhe blerjen e disa kopjeve per t`ja u dhuruar miqve te mij.
Sipas bletes une do jem ke zona “$100.00 (te lumte kuleta)”.
E gjithe pse tjeter une medoj te jete sipas mendimit te rual-it : ”Pyet 100 vete e bej si di vete” .
Ideja e botimit vetem te letersise si prurje (
) le te lihet per nje kohe te dyte, ne kuptimin qe te sigurohet nje pjesmarrje edhe me e gjere.
Megjithate une do preferoja nje botim luksoz MUJOR si dikush e permendi me siper o mbase tre mujor me JO 200 faqe por aty ke idea e Cheney-it.
E vetmja gje qe do me pelqente jashte mase do te ishte : anonimati i kontribuesit dhe kjo per shume arsye por une po rendit vetem dy :
1. Botimi nuk do shfrytezohej nga te trete per interesa personale apo te ngjashme.
2. Lexuesi nuk do lodhej te merrej me autorin por me idene apo qellimin e shkrimit.
Une mendoj qe botimi duhet te evitoje psh falenderimet e tipit : falenderojme z.X per redaktimin apo te ngjashme, ose nese behen keto atehere te deklarohen para botimit qe gjithsekush te dije me ke ka te beje.
Kjo e fundit mbase s`ka rendesi por beni nje rregullim ligjor te marredhenies botim me shitje -blerje.
Dhe e fundit nese botimi do ishte i shkurter atehere mund te mendohej mire botimi dy gjuhesh al-en . ( natyrisht nje pjese prej tyre )
Kjo fillimisht do rriste mundesine e shitjes se botimit minimumi ne shume biblioteka , katedra albanologjie neper bote, apo edhe te tjere grupe interesash. Pra jo keq sikur botimi te mos ishte vetem letersi (
)
Detyra e peshkut eshte qe te beje botim kualitativ dhe promovim dinjitoz.
Megjithate ketu jemi dhe flasim perseri.
13 Tetor 2007 @ 3:43 pm
rual thotë:
ps.pyetje:
Cili do jete mesazhi/et qe peshku do kerkoje te trasnmetoje, percjelle tek lexuesit??
————————————-
un mendoj , ne baze te pikes 1 ( me lart , nga klodi) , qe mesazhet do jene te shumte . Un do mundohesha te jepja kontributin ne seksionin (politike , opinion) , me aq sa mundem . Pse ? ……sepse populli shqiptar ka nevoje te njoh demokracine dhe politologjine ….pasi deri tani e ka kuptuar persembapthi. Sa i zoti jam un ? aq sa jam ……fundja do jemi neve (pejshqit) libri. Per seksioni Letersi , sigurisht qe Emigrantin , Papin , losttext , apo edhe te tjere , un do ti votoja si te mjaftueshem. E keshtu me radhe …..
Ps : do me pelqente shum qe ne seksionin “argetim” te ishte edhe klodi me piktura
13 Tetor 2007 @ 3:45 pm
Sygjeroj hapjen e nje teme tjeter te ketij lloj ku idete te jene me te qarta dhe PARIMI te jete i kopletuar , te jene per tu diskutuar vetem detajet.
-pejsh ,mos u trembni , shkruani-
13 Tetor 2007 @ 3:53 pm
Si duket postimi im ka avulluar!!
Nuk e kuptoj mire qellimin e nje libri..
Duhet kuptuar dhe pranuar realiteti shqiptare qe libri ka dale “jashte mode”..Do te me pelqente me teper nje kontribut konkret ne Shqiperi..
Si p.sh. libra falas per shkollat apo mjete mesimore..
Une ju uroj suksese megjithate!!
13 Tetor 2007 @ 4:14 pm
ok, shume dakort Penar.
13 Tetor 2007 @ 4:25 pm
Peshku pa uje eshte nder blog-et me interesant ndaj une parapelqej te ngulem ketu,pse ? ka me shume kopetente ne shkrime,si emigrant,Penar,Blendi,Lotex.Koth, Lori, Perparim, e shume e shume te tjere,.nje blog vertet simatik ..
13 Tetor 2007 @ 4:30 pm
Ne sa tema do ndahet libri?
Si do seleksionohen shkrimet (cfare kriteresh do merren si baze)?
Cili eshte qellimi kryesor i botimit te tij?
13 Tetor 2007 @ 4:37 pm
Dakort jam me idenë. Edhe kontribut monetar do të dëshiroja të jepja. Pres mënyrën.
Përshëndetje!
13 Tetor 2007 @ 4:45 pm
Ne kapitullin me prurje vjersherore me patjeter duhet te pasqyrojme thyerjen e tradicionalizmit.Nje ndarje qe ne nentituj mendon se e pasqyron besnikerisht kete .Ndoshta edhe per nje pjese te prurjeve prozaike.Nje ide e perafert mund te vendoset ne keto nen tituj
-Vjerasha qe i kuptojne vet autoret.
-Vjersha qe i kuptojne te gjithe.
Ky qe nje shembull se si mundet administratoret te na ftojne ne tema te vecanta,per strukturen e botimit para se Ai te shohe Drite.
13 Tetor 2007 @ 4:50 pm
ju lutem kush do marri pjese ne permbledhjen e shkrimeve, te vene nje pjese nga tema: Si kendojne shqiptaret dashurise- aty jemi te tere dakort dhe e kemi sjelle perla te verteta te folklorit tone.
13 Tetor 2007 @ 5:13 pm
Ca shpjegime.
Dori, ky problemi i copyright-it s’eshte dhe aq i madh. Kam pershtypjen qe po t’i kerkojme autoreve t’i licensojne shkrimet me CC-ShareAlike (apo dicka te ngjashme), 99% do jene dakord. 1% qe s’eshte, nuk do botohet.
Edrus, per piken 2: tani le te fokusohemi tek fondet per botimin e librit, pastaj per bamiresi nese kemi fonde teper. Pika 3 dhe 4: po, dakord.
Rual: flm.
Erion, s’ka honorare ne kete liber. Madje autoret do paguajne leke, jo per t’u botuar, por si kontribut kundrejt botimit te librit.
Koth, strangeMAN: FLM.
Leon, shiko me siper se tropizma me beri nje pyetje te ngjashme dhe i dhashe nje pergjigje. Po te shikosh sesa libra botohen ne bote sot, e kupton se libri nuk eshte medium i vjeteruar. Perkundrazi.
13 Tetor 2007 @ 8:15 pm
Penarit, nuk mund ta kem pergjigjen per pyetjen lidhur me peticionin?
Ne se do keni kohe, spjegojeni me nje rresht sepse edhe mund te keni dhene nje pergjigje te tille me pare por une nuk e kam pare.
13 Tetor 2007 @ 10:53 pm
Nuk e di, adriatik. Duhet te pyes ate qe do e dorezonte.
13 Tetor 2007 @ 10:57 pm
Krejt dakort… Veç mos e lini ne gjysem… Ska per te ec qe ne fillim mire me donacionet dhe gjerat dhe do kerkoja qe nismetaret te mos terhiqen… Megjithese kam besim te ju ….
Presim sqarimin e cka mbetet per tu sqaruar…
13 Tetor 2007 @ 11:41 pm
Kur me shkon mendja te libri i peshkut me duket sikur nuk po i veme mjaftueshem gjerat ne kontekst: librin ne kontestin e botes se librave dhe librin ne kontestin e formateve te tjera. Sa me shume e mendoj aq me shume dyshime kam dhe kerkoj ndjese nese keto dyshime prishin sadopak atmosferen entuziaste. E forta eshte qe as mua nuk me ka ikur entuziasmi … gjithmone krijese e dyzuar…
Shkoj prapa te pergjigjet e Penarit. Ndoshta nje pyetje qe kisha brenda nuk arrita ta shprehja: nga vjen deshira per letren? - jo arsyeja, deshira. Ka rrezik qe te vije nga mosha e re e internetit, nga ngulitja e hershme ne mendjet tona se librat ne leter jane gjeja e vertete. Fundja dashurite e para me tekstin te gjithe neper libra i kemi perjetuar. Reaksioni ndaj virtuales akoma te re vjen vale vale, por nje nga sulmet me kryesore e bejne institucionet e librit: bibliotekat, ata tempuj te letres se shkruar, me sallat e tyre te bukura si altare, me raftet pa fund qe te trullosin nga deshira dhe te tmerrojne nga pamundesia per t’i bere te tuat. Sulmi tjeter vjen nga ideja se ajo qe botohet ne leter - pra qe meriton materiale fizike (sikur kompjuteri te mos ish i tille, eshte disi paradoksal koncepti i virtualitetit), investim kapital (akoma nuk e kemi kuptuar qe ato shpikje qe kerkojne me pak kapital jane te mrekullueshme - sepse perparimi teknologjik konceptohet akoma si zhdukja e punetorit, jo zhdukja e makines), eshte me e rendesishme; negativja e se ciles eshte qe ajo qe nuk botohet, psh eshte ne internet, nuk e ka te njejten rendesi. Ja edhe peshku, gjerat me te mira do t’i botoje ne liber te mirefillte, jo liber virtual, duke minuar disi themelet e veta virtuale. Pra nuk eshte detyrimisht libri si produkt 150-1200 faqesh, me nje rradhitje te caktuar lineare, qe eshte problemi, problemi eshte materializimi, fetishizimi. Pa rrugedalje deshira per fiziken?
Per pak sa harrova kontekstin e botes se librave. Shpresoj se shumica nga ne kur shkruan e mendon shkrimin e vet ne kontekst: cfare dobie ka kjo qe po them une, a ka vlere brenda diskutimit apo po harxhoj kohen kot (dyshime qe i kam edhe une ne keto caste qe po shkruaj…)? Libri i peshkut cfare do t’i shtoje botes se librave? Ne nje kohe kur publicistika ’serioze’ shqiptare zhvillohet neper gazeta dhe revista dhe fare pak neper libra - deri diku sepse nuk eshte e atij kalibri- duke botuar publicistiken ‘e re’ te peshkut po bejme ndonje minirevolucion shqiptar te zhanrit? Mendoj se shumica e librave me permbledhje artikujsh shiten prej statusit VIP te autores/autorit, jo se publiku ka ndonje deshire te madhe per publicistike te permbledhur (per te bere kerkime mbi ceshtje te caktuara ne shtyp shyqyr kemi Lexis Nexis - uuuu, nje mini Lexis me botime shqiptare do te ishte e mrekullueshme). Gjithashtu, shkrimet e peshkut jane zakonisht shume te shkurtra per t’u quajtur ese, jane vetem tentativa per ese nese do te isha e sinqerte. Cuna/goca redaktore, ju lutem, botoni vetem gjera te shkelqyera, te mos bejme nje liber tjeter me ide te zakonshme, nje liber tjeter me shkrime mesatare. Ne boten e librave konkurenca eshte shume e madhe.
Kam dhe nje koment te vogel mbi fondet. Kur blejme libra rralle mendojme se po paguajme per industrine e librit - na pelqen te mendojme se po shperblejme autorin per mundin, po e mundesojme financiarisht te shpenzoje kohen e vet duke shkruar e jo me ndonje aktivitet tjeter. Ne rastin e librit te peshkut blerja e tij duhet te lidhet me dicka te ngjashme: parate e mara duhet ta gjejne rrugen mbrapsht te peshku, t’i mundesojne atij te krijoje serish.
13 Tetor 2007 @ 11:42 pm
Ty po ti jap shpjegimet vete neser
14 Tetor 2007 @ 12:33 am
nje liber me 200-250 faqeqe mund te kushtoje 12-20 dollare..funny guys!!!. I bought John Donne’s volume for only $13( 500 pages)..someone is trying to make money here, oh yeahh
Beware my dears!!
14 Tetor 2007 @ 1:04 am
Mua më duket interesante ideja. C’do ketë brënda? Dmth do ketë nga gjithë kategoritë apo vetëm letërsi? (se pse po më duket tendencioze kjo pyetja e sapobërë…:))
14 Tetor 2007 @ 3:37 am
un jam konfuz!!!!!! , duket sikur idete nuk perfillen. Cdo gje pershohet me detajet e Penarit ne krye te faqes. Nje pyetje kam per Penarin.
Vella i dashur , neve duhet te kemi te qerta qe vetem ideja jote ishte me e mira? ( ato pikat me lart) ????
nese mendon qe neve duhet te pergjigjemi vetem nese kontribuojme , apo nuk kontribuojme , ateher un terhiqem me komentet e mija me lart.
Te lutem me shpjego Penar , pasi kutu hidhen ide dhe nuk perfillen!!!
Jam konfuz!
14 Tetor 2007 @ 6:05 am
ados, kur nuk ke si bën pare nga volumi, 12-20 dollarë s’janë gjë hiç. Kam përshtypje se do të dalin me humbje me gjithë sponsorizimet.
14 Tetor 2007 @ 7:59 am
klodi,
Ndihu mire qe e dhe kontributin tend.. Jam i sigurte se ‘Peshku’ i ka lexuar te tera postimet e mesiperme dhe i ka marre parasysh… Meqenese me rezulton se sponsorizimi do te jete i shume anshem, besoj se ka ngjasa dhe shume, qe te mos zbatohet fjala e urte ”Pyet 100 e bej si di vet”… kshu me rezulton..
Per mendimin tim, nje botim tip gazete ndryshe nga gazetat, financiarisht e pranueshme per te gjithe, sidomos per ate miletin qe bombardohet nga gazetaria jone ne pergjithsi pacavuriste, do te ishte i fresket dhe mese i dobishem.
14 Tetor 2007 @ 8:36 am
Unë, rëndësinë e këtij botimi, e shikoj jo vetëm si propogandë/reklamë të peshkut (sepse s’besoj se ka nevojë), por në rradhe të parë (dhe autorët ta kenë parasysh mirë për ta theksuar këtë fakt), si panoramë e diskutimit/debatimit të problemeve nga një brez i ri të rinjsh e të rejash, të cilët janë shumë larg tashmë prej ideollogjive dhe idealeve të kastës politike shqiptare, dhe që me kulturën, dijen, njohjen dhe aftësitë e tyre janë të aftë për të marrë stafetën e drejtimit në Shqipëri, për një Shqipëri të pastërt e moderne, ku tradita dhe e ‘modernia’ të ecin pa e parë njëra tjetrën si pengesë por si shtysa për të gjetur ekuilibrin e vlerave dhe rivendosur në vënd krenarinë e shqiptarit për të rrojtur i lirë në vëndin e tij.
14 Tetor 2007 @ 9:44 am
une jam skeptik per nje vazhdimesi ne ”pafundesi” te botimeve te librave ”peshk” mqs shume blogje forume apo faqe interneti nuk kane jete te gjate e jo gjithmone prurjet aty jane cilesore.
Mundohuni te publikoni dicka tani qe ka materiale interesante qe te krijoni nje ”rryme” mendimi alla PESHK qe te mos mbese vetem ne kuadrin e virtualitetit.
Edhe nje here nqs merrni mendimin e gjithe peshqve kudo qe jane asgje nuk behet se si shihet mire qe te gjithe dime te gjithe bejme te gjithe jemi te zote.
Hapni nje llogari mundeshisht te shihet ne ”real time” sa eshte shuma ne faqe te pare te peshku si tip maratone e bejme donacione pa shume llafe per te tjerat si e tek do e beni publikimin sa me pak te jeni aq me mire eshte,psene e dini vete.
14 Tetor 2007 @ 9:45 am
ps. se harrova pse nuk riaktivizoni www.ezeta.org ??????????
14 Tetor 2007 @ 2:12 pm
Ju lutem nese mundeni te me tregoni a do te mundet qe ky liber te vije edhe ne Kosove dhe ne Maqedoni, qe ti japim disa libra edhe te klases “intelektuale” ketu. Nese po caktoni njerez te cilet do te jen pergjegjes per kete pune.
14 Tetor 2007 @ 3:14 pm
Ditari i peshkut qe kerkonte uje. (si rrugicat qe kerkonin drite - familiaritet me frazen)
-Nga “big bang” i shoqerise shqiptare tek ogranizmat njeqelizore tek komuniteti i rrjetit.
………..Gjeneza (”kur anijet si fantazma ne nje det me aventuara…” - thote Gjebrea)
………..Mekati origjinal (rrjeti, informacioni dhe mendimi i lire)
-”Deja vu” (rilindja kombetare - analogji dhe ndryshime)
(behen nja 50 faqe dhe ketu mbaron trajtimi “shkencor” per te kaluar ne shembuj konkrete)
-I dashur ditar:
…………Sot … ne shqiperi ndodhi … Une mendoja se nuk kish asgje te keqe ndersa …, qe duket me i informuar se une, na tha se … por … mesova edhe qe …
…………Sot … me dhane nje lajm te mire. Nje tjeter student kish vendosur te kthehej ne shpiperi pasi … I thane te kete kujdes dhe ta mendoje mire se … por, fatmiresisht, ai kish menduar qe … dhe nuk ndryshoi vendimin e marre.
…………Sot … komuniteti shqiptar i rrjetit … ka organizuar mbledhjen e firmave per nje peticion drejtuar … per ceshtjen e … Ideja fillestare ishte qe … por … dhe si perfundim …
14 Tetor 2007 @ 3:29 pm
Kam pritur pa shkruar me pare ketu, sepse disa gjera i kam te paqarta.
Me shume se gjithe te tjerat, i paqarte eshte perfytyrimi praktik i idese se hedhur. Me se paku, nese mundeni, botoni me pare permbajtjen dhe kategorite.
Te veshtire do e keni te nxirrni ate cka ndodhet ketu te publiku i gjere. Kam pershtypjen se libri synon ata qe nuk ju njohin. Ne qe qarkullojme neper peshk, i kemi te qarta idete bashke me vlerat qe ka ky blog. Ndersa te te panjohurit gjykimi behet i veshtire. Do e keni pasqyre kete librin per te treguar se cka jeni. Edhe ketu nuk mjafton te dish se cka je, me publikun duhet ta vertetosh nje gje te tille. Nese e shikoni veten prej statusit te paafirmuarit qe kerkon afirmim, do e keni te lehte. Anasjelltas behet pune e veshtire. Une do u sugjeroja shkrimet nga te parat e sjella. Nga ato me te cilat u afirmua karakteri dhe bindja e cdo peshkatari.
“Frika” sesi do e prese publiku vlen shume. Euforia ndaj te panjohurit-publik vlen pak.
Gjithsesi, nga ana komerciale eshte levizje e zgjuar. Po kjo jo e perkthyer ne terma ekonomike - dmth fitim parash. E sigurte eshte se ata qe do e kene librin ne dore, do tentojne te shohin peshkun, te shkruajne te peshku. Te pakten shumica.
Une do ju sugjeroja nje botim periodik. Nje forme gazete, pse jo?
Komentet dhe shkrimet kane natyre te tille ketu. Nje liber psh mbart vlera te qendrueshme, botohet, ribotohet. Ndersa komentet dhe shkrimet e Peshkut, kane pothuajse te gjitha karakter konsumi te shpejte. E kam fjalen, ne nje gazete ne me te shumten e rasteve gjen shkrime te shpejta e te shumta. Sasia e shkrimeve, e pandashme me cilesine e tyre, sjell formimin e opinionit publik.
Gjeja me e mire, eshte se ketu lind opinioni. Duke pare llojet e komenteve rreth nje shkrimi, mund te ndertosh nje shkrim me vete. (madje kam dyshime se disa here eshte bere kjo gje..). Jane ato heret kur kemi ngel te habitur - Ua sa shkrim i bukur filani!! Nderkohe shkrimi ne fjale ishte permbledhje e pikave te perbashketa te shumices se diskutuesve.
Nje gazete mund te krijonte rubrika me ushqim opinioni te vazhdueshem. Rubrika te cilat shprehin karakterin e shkruesit, pak a shume si editorialet.
E keto qe thoni juve.
Urime per iniciativen dhe suksese!
14 Tetor 2007 @ 3:31 pm
Pas 50 faqeve te para qe duhet te sherbejne per te “imponuar” komunitetin e rrjetit (dhe jo vetem ata qe jane jashte - kujdes nga ku gabim i rrezikshem) si realitet qe egziston, pjesa e dyte duhet te sherbeje per te bindur lexuesin se ky komunitet meriton te merret ne konsiderate.
Pjesa e pare pra duhet te jete e menduar dhe shkruar nga ndonje sociolog (apo dicka e ngjashme).
Pjesa e dyte duhet te krijohet ne menyre “gazetareske” qe te mos jete e lodhshme por njekohesisht te permbaje pergjigjen ndaj “pyejtes”: E c’i dum kta?! (te permbaje argumenta dhe kunderargumenta qe lexuesit mund ti asimilojne shpejt dhe ti perdorin kur bejne dallavere te klubi lagjes me shoket e plakut)
14 Tetor 2007 @ 7:22 pm
Ja dhe ca pergjigje te tjera:
Tropizma, S’kam c’te te them. Ose me mire, pyetja jote nuk e gjen dot pergjigjen tek une. Une te thashe me siper se nga vinte deshira ime, po a e di une vertet se nga vjen deshira? Ka gjasa qe jo.
Ados, kostoja qe parashikova ne shkrim eshte llogaritur me hamendje nga kostot qe parashtron lulu.com - e kane thene dhe disa te tjere qe kjo nuk eshte zgjidhje e lire. U ofrua me siper qe te kerkohet te botohet ne Shqiperi. Lulu.com eshte me shtrenjte, por ama eshte e lehte per t’u perdorur, dhe per me teper, mbulon shitjen dhe postimin e librave. As une, as Blendi, as Llukani nuk kemi kohe te merremi me procesimin e shitjeve.
Kostoja llogaritet keshtu: rreth $8-12 per liber kosto botimi (sipas lulu.com, mund te shkosh ta verifikosh atje), rreth $2-3 “fitim” nga Peshku (dmth, fonde qe do te riperdoren) dhe kusuri eshte fitimi qe merr lulu.com.
Akull, brenda do kete nga te gjitha fushat. Po, me sakte, kete do e vendosi grupi i redaktoreve, qe do jene shumica peshq “jo-administratore” (dmth, ne te tre do jemi minorance).
Klodi, pergjigje ndaj 2 sugjerimeve te meparshme. 1) behet, por do te varet nga redaktori dhe nga lista perfundimtare e shkrimeve te perfshira. 2) nuk behet. Eshte hall i madh te botosh nje liber, jo me disa…
Cheney, ka mundesi qe produkti perfundimtar te jete format reviste…por kjo do te varet nga kostoja. Ideja jone eshte qe derisa po harxhojme kohe e para per kete botim, produkti perfundimtar ia vlen te jete cilesor. (Ndryshe, libri behet dhurate, gazeta eshte veshtire te behet dhurate.)
Edrus, flm. Sic thoshte emigranti shume kohe me pare ne nje shkrim mbi Peshkun: kjo qe kemi krijuar ketu eshte me e madhe se c’mendojme ne. Kush e di se cfare efektesh do te kete nje liber ne zgjerimin dhe pasurimin e komunitetit? Ia vlen ta provojme. Nese deshton, ka gjasa te mesojme dicka. Nese ecen mire, mrekulli!
Julius, e kuptoj qe eshte akoma e paqarte se si do e perfaqesoje libri karakterin e Peshkut. Avash avash, kjo do qartesohet. (As une s’e kam te qarte per momentin, por dicka do behet. ) Botim periodik a la gazete eshte problem edhe per nje arsye tjeter: do kerkonte qe une (apo Blendi, Llukani) te merrej me gazeten full-time. Ne as tani nuk merremi me faqen full-time… keshtuqe gazeta eshte shume intensive. Nje liber, nje here ne vit a 6 muaj nuk do aq shume pune. Ama ke te drejte, ka shkrime shpesh ne komente ketu qe meritojne audience me te madhe.
14 Tetor 2007 @ 9:44 pm
Penar,
Ndonese e kuptoj deshiren tuaj per te pasur nje edicion te pare cilsor, une mendoj se me e rendesishme eshte qe permbajtja te kete cilsi por njekohesisht te arrije sa me shume njerez. Duke e pare nga kendveshtrimi i tropizmes do te me pelqente qe te ishte edhe kjo e fundit nje nga arsyet per botimin e ketij medumi.
Edhe njehere, do desha qe ky ushqim peshku, mos te ishte i njejti koncetrat i servirshem perdite, dhe te arrinte sa me shume njerez.
14 Tetor 2007 @ 10:11 pm
Nese behet fjale per nje hap te “pare” , un si sgjidhje mund te shoh vetem tregun shqiptar , dmth Shqiperine.
Fundja neve jemi qytetar te shqiperise , pastaj te botes . Neve cfar kemi krijuar tek peshku e kemi krijuar gjithmone duke patur ne mendje shqiperine .
Sygjerimi im eshte ky:
Megje kostoja e lulu.com eshte pak e larte , le te kontaktojme me nje( ose me shum) shtepi botuese shqiptare , te vleresojme propozimet , dhe te vendosim . Me pak fjale , un si hap te pare shoh tregun shqiptar tradicional , pa futur ne mes internetin dhe dhe “lulu-ne” , kostoja do jete shum me e ulet sesa ajo tek Lulu-ja , eshte e sigurt.
15 Tetor 2007 @ 1:49 am
Penar te them te drejten nuk doja pergjigje aq sa doja te ndaja me ty dhe te tjeret mendimet/shqetesimet per superioritetin qe i atribuojme librit si format i prekshem (a ka pasoja per kete? a sjell kjo percaktimin e formatit kompjuterik si inferior?) dhe per cilesine qe duhet ta ndjeke kalimin, ne proporcion me formatin e koncentruar (pavaresisht nga mediumi) dhe shpenzimet e kerkuara nga botimi. Une e di qe ju doni te ushqeni peshkun me publicitet, po kjo nuk duhet t’ju pengoje te percaktoni realisht a kane ca gjera vlere brenda tyre per t’u botuar pertej faktit qe perfaqesojne peshkun - perndryshe publiciteti i peshkut mund te behej edhe me menyra te tjera, apo jo?
15 Tetor 2007 @ 2:33 am
kush e ka idene e kostos per nje reviste. Psh The Economist, me shume tema dhe artikuj te ndryshem per cdo teme… nuk eshte liber i mirefillte dhe mund te jete me elastik nga ana komerciale se e shet si nje reviste…pra dicka ne mes te librit dhe gazetes…
15 Tetor 2007 @ 4:44 pm
LULU eshte e shtrenjte per te blere kopjet qe doni ti shperndani ne Shqiperi… mendoj se eshte me ekonomike qe ato kopje ti shtypni ne shqiperi..dhe LULU ta lini per blerjet neper bote…mund te kontaktoj disa shtypshkronja nqs deshironi.
Bukur idea…
15 Tetor 2007 @ 6:07 pm
Me pelqen ideja e librit, dhe nuk jam kundra financimit nga vete peshkataret. Nuk eshte keq ajo “pyesni 100 vete e beni si dini vete”, por edhe une mendoj se duhet pare nje mundesi botimi te librit ne Shqiperi. Kushton me lire, plus qe shtepite botuese te japin mundesi promovimi, psh, ne panairin e librit, por ka dhe mundesira te tjera qe duhen gjurmuar, sigurisht nese ne na intereson me shume lexuesi dhe promovimi shqiptar. Edhe blerja e librit nga nje pjese e peshkatareve, dhuratat tek miqte, apo sugjerimi tek te tjere per ta bere pjese te bibliotekes edhe kete liber me titull (….) serish eshte ok. Personalisht i permbahem me shume idese se nje buletini 6 mujor. Pastaj, me te pare e me te bere.
Kam dhe nje sugjerim. Tek peshku ka shkrimtare, kritike, analiste, dhe specialiste te fushave te ndryshme te cilet megjithese mbeten ne nivel virtual, serish “zeri” i tyre eshte shume I rendesishem. Kete e tregojne me se miri klikimet qe behen tek peshku. Pra niveli i peshkatareve eshte shume Ok. Atehere, pse te mos tentohet nga ana juaj qe te kontaktoni me drejtuesit e disa gazetave ( une kam idene tek njera prej tyre, por nuk po e citoj) me idene e nje suplementi, mbase nje here ne muaj. Ideja te jete e perafert me kete te librit. Besoj do te jete edhe ne interes te lexuesve shqiptare te cilet nuk kane mundesine e internetit qe te njihen me pjesen e peshkut, me botimet e saja. Mbase ndonje nga drejtuesit e ketyre gazetave do ta pranoje oferten tuaj, (sigurisht duhen negociata per kete edhe ne nivel marketingu). Interesi do jete dy palesh, peshku promovohet tek mijera shqiptare, por nese niveli i suplementit do te jete i mire, sigurisht dhe gazetat do ta vleresojne, thjesht per komercializem dhe per nje risi ndryshe nga suplementet e tjera. Pra te tentohet, ku i dihet…
15 Tetor 2007 @ 6:30 pm
ok. grizhda, a me jep dot me shume informacion mbi botimin ne shqiperi? nuk e ke keq qe te ndahet botimi ne dy copa, 1 per shqiperi, tjetri per boten me Lulu. Por na duhen me shume informacione (ose te pakten, kontakte me nje shtepi botuese te mire ne Shqiperi).
Lola, ide e mire ajo e suplementit. Mbase duhet ndjekur ne nje te ardhme te afert. Flm.
15 Tetor 2007 @ 6:40 pm
Une jam mik me te gjithe botuesit nw Shqiperi madje me me te miren dhe mund tju ndihmoje menjehere vetem me nje kusht…duhet te bej pjese tek komiteti perzgjedhes…Jo per te fut shkrimet e mia sesa per te pare qe ato qe do te futen jane te “shitshme”…P.R-in jua bej une falas etj e kam seriozisht por duhet te beni redaktim te kujdesshem…
15 Tetor 2007 @ 6:48 pm
Penar, idene e suplementit e kemi diskutuar bashke qe ketu e dy vjet te shkuar, paske harruar…
15 Tetor 2007 @ 8:43 pm
Shtepi botuese e mire me sa di une eshte “Dudaj” psh. Varet si bie dakort, sa kopje, cilesia e letres, formati e shume detaje te tjera qe futen tek botimi. Sa me pak kopje libri, aq me shume para te marrin botuesit. Pastaj, varet nese juve iu intereson qe ata te marrin persiper edhe redaktimin e korrektimin e librit. Psh, qe kjo shtepi botuese te citoje emrin e saj ne liber, duhet ta paguash edhe per keto dy elemente. Nese jo, ajo e boton librin pa emrin e saj. Ne çmime nuk di cte them, duhet pyetur.
15 Tetor 2007 @ 10:25 pm
cool
16 Tetor 2007 @ 12:11 pm
TEA mendoj se peshku po kerkon te botoje dicka me te teper se SHKRONJA TE SHITSHME!… Gjithesesi atehere qenka mrekulli fare qe mund t’a besh falas… PERVISHIUNI PUNES!!
16 Tetor 2007 @ 12:40 pm
kur me bene preventivin per nje liber me gati 150 faqe gjysma fotografi gjysma shkrim, me leter cilesore (si luster, vihet re tek botimet amerikane se shumti) oferta ishte 90 leke te reja copa. gjithesesi varet edhe nga sasia, sepse une doja te beja 5000 cope…
gjithesesi nqs mbaron pune Tea ok, perndryshe atehere me thuaj nese te kontaktoj me to apo jo.
tungi
16 Tetor 2007 @ 5:04 pm
Tani Grizhda, do ta shesesh librin apo ta japesh falas ne shkolla, tip fondacioni se spo kuptoj? Nese do ta shperndash vetem tek anetaret e peshkut atehere fusim nga nje shkrim per secilin dhe mbaroi muhabeti. Puna eshte te besh nje liber qe te kete itneres per te tjere, qe ata ti bindesh se perse duhet blere ky liber ccfare ka. Se pershembull te vesh ndonje analize politike qe ngjan me ato 1000000 qe ka cdo dite ne gazeta ne shqiperi sikur ska interes, po edhe te vesh nje poezi per humbjen e nje qeni, nje tregim fantastiko shkencor nuk ka lidhje. Ccdo gje qe botohet, shkruhet duhet te kete nje kend qe ti te me bindesh mua qe uen ta marre kete liber, duhet te kete nje lloj teme te caktuar si psh. Shqiperia e pare nga imigrantet (tregime letrare), apo ku di une tani se smendoj dot…une per vete jam me letersine, asaj duhet ti meshohet, edhe pse jane disa kokrra qe shkruajne letersi dhe dnoshta disa studime tw vete anetareve te peshkut…se di por qe nje kend duhet te pakten ne krye…pastaj te gjithe shkrimet brenda te justifikojne arsyen e temes kryesore…ky eshte mendimi im dhe jam pak strikte ne keto pika por ja qe funksionojne
16 Tetor 2007 @ 5:30 pm
Tea, me thene te drejten s’e kemi shume hallin tek “shitshmeria” e librit… ose me mire, kriteri kryesor i redaktimit te librit do te jete perfaqesia e denje e Peshkut ne leter, e jo “shitshmeria”.
17 Tetor 2007 @ 12:02 am
E dashur Tea,
nje tregim fantastiko shkencor ka lidhje po aq sa çdo forme letersie tjeter. Ajo pjesa te fusesh nga nje shkrim per çdo peshk eshte pa lidhje sepse asnje nga ne ketu s’po humb kohen me paçavure.
Per sa i perket shitshmerise, dihet tashme se pak veta botojne per te jetuar me leket e letersise, keshtu qe personalisht e me sa shoh edhe Penar kemi per zemer cilesine se sa sasine.
Mendoj se Penar dhe te tjeret kane mjaftueshmerisht eksperience qe ta menaxhojne kete nisme me shume sukses, sepse sinqerisht nuk me pelqeka menyra se si shprehesh…dhe pa ofendim, me tingellon mjaft komerçale qe te mund te zgjedhesh shkrimet (perderisa ishte kusht per nderin qe do “i besh” peshkut)…
Ne ketej na mesojne (meqe studjoj menaxhim arti dhe istitucionesh qe kane lidhje me te) se njerezit inteligjente mund te imponojne me stil nje art me cilesor sesa ai qe bleresi mendon se kerkon.
Sa per temen mund te mos kete nevoje fare… ajo kushtezon larmishmerine qe eshte e natyrshme ketu tek peshku…
Creative Writing quhet ndryshe… Peshku Pa Uje (ka titull me intrigant) botimi i pare… and it’s done!!!….
DICKA E MIRE SHITET GJITHMONE, s’do ishte keq as t’ia jepnim falas neper shkolla por kur te fuqizohet me shume…
Shtepite botuese keto gabime bejne..une personalisht do vetebotohem qe tani e tutje. Kete ia keshilloj edhe Peshkut… Shtypshkronje por jo Shtepi Botuese.
Gjithe te mirat…
17 Tetor 2007 @ 2:33 am
Qe te mos zihemi kot per detaje te vogla, une kerkoj kete:
A ka 1, 2, 3 apo me shume individe ketu qe marrin persiper te pyesin shtepite botuese ne Shqiperi per nje preventiv te librit?
Behet fjale vetem per botimin (pra pa redaktim, dhe pa korrektim). Plani eshte qe ne ta bejme gati librin, te nisim nje botim fillestar nepermjet Lulu (qe do te perdoret per lexuesit jashte Shqiperise), dhe pastaj ate produkt t’a cojme ne Shqiperi dhe te perdorim shtypshkronjen atje. (Nese shtypshkronjat kane nje liste cmimesh me permasat e ndryshme, kopertinat, etj. do ishte shume shume mire.)
Nese doni te merrni persiper te pyesni seriozisht per kete, ju lutemi me njoftoni.
P.S. Eshte gjithashtu shume e rendesishme per mua qe botimi te jete i shpejte dhe i sakte. Plani eshte qe librat te jene ne treg rreth dates 15 Dhjetor.
17 Tetor 2007 @ 4:07 am
U entuziazmova direkt nga postimi i Penarit: shiko sa kohe e para mund te kursesh kur perdoret informacioni i gjithe komunitetit.
Grizhda, te lutem lakoje emrin e Penarit (sinqerisht no pun intended), te mos e humbasim te pakten gramatiken e shqipes.
17 Tetor 2007 @ 9:54 am
Data 15 dhjetor eshte shume shpejt mendoj une. Gjithesesi Penar duhet te me japesh karakteristikat e librit te sakta, sepse s’te bejne preventiv pa karakteristikat… nr e kopjove etj.
Une e marr persiper te kontaktoj ato qe njoh.
Perqafime.
17 Tetor 2007 @ 4:48 pm
Ok, Penar, do pyes une ne disa prej tyre… kam ca miq qe kane botuar libra, do pyes edhe ata.
17 Tetor 2007 @ 7:08 pm
OK, lola, flm. Grizhda, na duhet te levizim shpejt.
18 Tetor 2007 @ 8:37 pm
Penar te vetmet karakteristika qe kam jane 200-300 kopje dhe 200-250 faqe… me kerkuan karakteristika te tjera… duan te dine formatin dhe llojin e letres qe deshiron… VENDOS!
19 Tetor 2007 @ 1:44 am
Une them se botimi nuk ka pse te jete shume luksoz, po as teper i vobekte. Formati te jete ndoshta i tipit ‘livre de poche’ - sikur ta ben me te dashur librin.
Nese nuk kontraktohet me shtepi botuese po thjesht me shtypshkronja, kush do ta marre persiper shperndarjen? Nuk ka gje me te trishte se librat e mire qe dergjen cepave. Ndoshta ja vlen te paguash me shume per nje emer dhe shperndarje profesionale. Mund te negociohet patjeter me ta per te ulur pagesen e redaktimit meqe peshku do ta beje vete - prandaj ndihmon te kesh njohje personale.
19 Tetor 2007 @ 2:47 am
Grizhda, po ku ta di une i shkreti se cfare lloj letre ofrojne ata? Formati mund te jete 6×9 inches, qe ne cm i bie afersisht 15 x 22.5.