Bizneset, letër proteste Parlamentit
Gazeta Metropol
ERALD KAPRI
4 Prill Shtatë organizma biznesesh japin 9 argumente negative të projektligjit për procedurat tatimore. Reagon ministri Bode dhe kreu i PS Rama, qëndrime të kundërta për procedurat tatimore
Organizmat e biznesit që kanë kundërshtuar projektligjin e ri për ndryshimin e procedurave tatimore, janë bashkuar së bashku, duke i çuar një letër Parlamentit, ku shprehet kundërshtimi i tyre për këtë projektligj. Letra e shtatë organizatave, është depozituar në zyrën e Kryetares së Parlamentit Topalli njëkohësisht edhe dy krerëve të komisioneve përkatëse si Fatos Beja dhe Edmond Spaho. Në këtë letër, bizneset japin nëntë argumentet e tyre se përse këto procedura bien ndesh me të drejtat e tyre dhe se çfarë pasojash mund të sjellë ky ligj. Ditën e sotme, këto organizma pritet të japin një konferencë të përbashkët shtypi, ku do të bëjnë publike kundërshtitë e tyre të përbashkëta.
Letra
Prej disa ditësh, letra e përgatitur nga juristët e këtyre organizmave, shpreh argumentet e veta ligjorë mbi kundërshtimin e këtij projektligji. Organizmat e biznesit shprehen të gatshme për bashkëpunim me Parlamentin, por nuk japin aprovimin për procedurat tatimore të paraqitura nga Ministria e Financave. Në letrën e tyre, bizneset shprehen se rruga e zgjedhur me anë të këtij projektligji, për të forcuar administratën tatimore dhe uljen e informalitetit, është e padrejtë. Sipas tyre, kjo mënyrë çon në arbitraritet dhe krijon hapësira për përfshirje në korrupsion të administratës dhe nuk përputhet me platformën e Qeverisë.
Argumentet juridike
Bizneset shprehen se me këtë projektligj, raporti biznes-shtet mbetet i paekuilibruar dhe ka shkelur dy nene të Kushtetutës më saktësisht nenin 11 dhe 18 të saj, që garanton barazinë e trajtimit të pronës. “Ky projektligj eliminon mundësinë e vendosjes së garancisë për pagesën, duke kërkuar pagesën e detyrimit principal, gjobave dhe interesave para fillimit të procedurave të apelimit. Pagesa e gjobave i shtohet kostove të tjera që duhet të përballojnë bizneset në procesin e ankimit të një njoftimi vlerësimi të organeve tatimore (për fillimin e një procesi gjyqësor, taksë gjyqësore prej 1500 lekë ose në masën 1% të shumës objekt padie, dhe taksën për ekzekutimin e vendimit 7 %). Duke qenë se në projektligj nuk parashikohet çfarë ndodh nëse nuk bëhet pagesa e detyrimit kryesor të gjobave dhe interesave, arrijmë në përfundimin se miratimi i këtij ligji krijon barriera efektive për mosushtrimin e të drejtës për t’iu drejtuar gjykatës, një element i rëndësishëm i të drejtës për proces të rregullt gjyqësor (neni 42/2 i Kushtetutës së Republikës së Shqipërisë)”,- shprehet në letrën e bizneseve. Njëkohësisht bizneset shprehen se ky projektligj bie ndesh me MSA-në, Konventën Evropiane për të Drejtat e Njeriut, gjë që do të influencojë në largimin e investitorëve të huaj nga vendi.
Paradoksi
Letra e bizneseve përmend faktin se ky projektligj paraqitet në një moment, kur borxhi i mbartur i shtetit për llogari të vendimeve të paekzekutuara me palë shtetin, kap shifra të konsiderueshme. Nga statistikat gjyqësore rezulton se dy subjektet buxhetore që zënë peshën kryesore në borxhin e krijuar janë Administrata Tatimore dhe ajo doganore.
Argumentet kundër biznesit
1- Mënyra e zgjedhur çon në arbitraritet dhe krijon hapësira për përfshirje në korrupsion të administratës tatimore
2- Do krijohet një raport jo i barabartë midis shtetit dhe biznesin, duke shkelur parimin e përcaktuar në nenin 11 dhe 18 të Kushtetutës
3- Eliminohet mundësia e vendosjes së garancisë për pagesën, para fillimit të procedurave të apelimit dhe pagesa e gjobave i shtohet kostove të tjera për bizneset
4- Nuk parashikohet çfarë ndodh nëse nuk bëhet pagesa e detyrimit kryesor të gjobave dhe interesave, duke krijuar pengesa për mosushtrimin e të drejtës për t’iu drejtuar gjykatës, neni 42/2 i Kushtetutës
5- Ky projektligj është në filozofi të kundërt me MSA-në dhe me PKZMSA-në, ku Qeveria zotohet të sigurojë zbatimin e hapur dhe jodiskriminues të legjislacionit, të rregullave dhe procedurave që kanë të bëjnë me biznesin
6- Ky projektligj është në kundërshtim të hapur me dispozitat e Konventës Evropiane për të Drejtat e Njeriut dhe jurisprudencës së Gjykatës Evropiane të Drejtave të Njeriut
7- Projektligji prezantohet në një kohë, kur është pranuar se borxhi i mbartur i shtetit për llogari të vendimeve të paekzekutuara me palë shtetin, kap shifra të konsiderueshme, ku peshën kryesore e kanë tatimet dhe doganat
8- Ky projektligj do ishte një pengesë për investime në Shqipëri nga investitorë të huaj që vijnë nga rajoni, Evropa apo Shtetet e Bashkuara
9- Projektligji nuk është konsultuar me grupet e interesit
4 April 2007 @ 7:35 pm
Sot ka qene nje lajm shume i rendesishem per shqiperine,qe si duket moderatoreve te peshkut po ju shpeton.
Me duket se e ka fajin letersia!
Megjithate une po e sjell ketu:
Kryeministri Sali Berisha vlerësoi sot si të dështuara përpjekjet e Policisë Ndërtimore për të kontrolluar territorin dhe për të frenuar ndërtimet e paligjshme, duke deklaruar se këtej e tutje këto detyra i kalojnë pushtetit vendor.
Qeveria diskutoi sot disa ndryshime në ligjin për urbanistikën, në qendër të të cilave është kalimi i këtyre kompetencave tek organet e pushtetit vendor. “Ne sot vendosim krijimin e institucioneve të reja në bashki, komuna dhe qarqe; ato janë Inspektoriatet e Ndërtimit. Këto funksione i ka kryer deri tani në mënyrë të dështuar Policia e Ndërtimit” - tha kryeministri Berisha. Ai thotë se inspektoriatet e ndërtimit do të rivendosin pushtetin mbi territorin të bashkive dhe komunave të cilat janë përgjegjësit direkt për administrimin e territorit të vendit. “Jo në çdo rast kjo metodë ka një sukses i sigurtë, por kjo është rruga në të cilën ne duhet të ecim. ndaj kam kënaqësinë të njoftoj se bashkitë dhe komunat do të kenë inspektoriatet e tyre të ndërtimit” - deklaroi zoti Berisha.
Qeveria diskutoi edhe për zbatimin e Vendimit të Gjykatës Kushtetuese në lidhje me Këshillin e Rregullimit të Territorit të Bashkisë së Tiranës. Gjykata i dha të drejtë Bashkisë së kryeqytetit në ankesën që mbledhjet e Këshillit të Rregullimit të Territorit nuk nuk mund t’i organizojë prefektura, siç pretendoi qeveria.
Pushteti vendor dhe qeveria kanë debatuar gjatë mbi nevojën që sa më shumë kompetenca të kalojnë në organet e pushtetit vendor. Policia ndërtimore dhe pushteti vendor kanë patur shpesh edhe situata konfliktuale. Bashkitë kanë kërkuar gjithmonë të kenë më shumë fuqi në administrimin e territorit, i cili gjatë viteve është mbushur me një mori ndërtimesh të paligjshme dhe të parregullta me shkeljen masive të ligjeve urbanistike dhe rrëmbim pronash të pronarëve të ligjshëm dhe një mori konfliktesh të dhunshme mes palëve. Jo zyrtarisht mendohet se në të gjithë vendin gjenden rreth 300 mijë ndërtime të paligjshme, për të cilat ka patur edhe një periudhë të vetdeklarimit, përpara procesit të legalizimit. //
———————————————————————
A ka ndonje peshk ketu qe eshte biznesmen ne shqiperi?
C’fare mendojne per kete leter?
Mua me duket se kjo puna e gjobave po behet lemsh.Shume njerez po keqekuptohen ne shqiperi dhe e kujtojne se Firmat private nuk duhan te paguajne taksat.
4 April 2007 @ 7:52 pm
Puna eshte shume e thjeshte. Ti ke nje biznes me te ardhura. Bashku ne nje grup mediatik dhe mos paguj taksa ( mos paguaj aq sa te takon ) se cenohet liria e medias.
4 April 2007 @ 7:52 pm
Ore Leon,
Letren se kam lexu akoma.
Por qe firmat private ne shqiperi nuk duan ti paguajne taksat nuk duan.
Le qe per dashur as ne ne nje vend te botes nuk duan.
Por firmat shqiptare vdesin me ju shmang i cike detyrimeve vdesin lali.
Qeverite asnjehere nuk i kane sherbyer biznesit por e kane trajtu me vrazhdesi, dhe e kane nxitur te mos paguaje. Por dhe biznesit i ka pelqyer terreni i tille me mundesi per tju shmang detyrimeve dhe e ka perkeqesuar situaten dhe kur bie pastaj vete ke gropa qe ka hap nuk i pelqen
4 April 2007 @ 8:27 pm
Shiko, letra nuk flet per taksat,po per gjobat qe mund te vendosin ndaj biznezeve.
Asaj medias qe po e kontrrollojne,fakt eshte qe si kane gjete gje deri me sot!Ka 3 muaj thone, qe behet kontrroll.
4 April 2007 @ 8:42 pm
Leon,
kush nuk ke pula s`ka pse ben ish. Po nuk ka gjet gje deri tani le ta lejojne te ribehet kontrolli, sepse vetem kaq kerkohet.
Ku ka ze nuk eshte pa gje.
Me procedure te rregullt kontrolli TOP Media rrezikohet jashtezakonisht shume. E vetmja gje qe ata kane argument te forte eshte sepse kontrolli duhet te behet ne te gjithe media. Ligji eshte i barabarte per te gjithe thone ata duke aluaduar per situata te ngjashme per TV apo biznese afer qeverise apo personave afer saj.
4 April 2007 @ 8:53 pm
Kothere,
Kontrroll ama,jo sekuestrim pa urdher gjykate, apo gjobe sic duhan ta bejne.Nuk mund te behet kontrroll financiar duke shkel ligjin.
Per hir te debatit mund ta pranoj qe ka shkelje te TOP-i,por kemi nje eksperience te hidhur me keto “zerat”!!
Vetem ne Shqiperi kam pare, qe per nje kontrroll financiar te angazhohet nje qeveri e tere!
4 April 2007 @ 9:04 pm
Per ti gjet i kane gjet, por nuk eshte kaq kollaj puna. Ato te topit skane pagu asnje lek, por kane ditur ti mbulojne krahet. Kontrollet jane pjesa e dukshme e ajsbergut qe te dyja palet e shfrytezojne per te bere zhurme. Ceshtja luhet shume me lart se tek kontrolli i deges te tatimeve, adem rrenges apo ku di une.
Diskutimi kryesor me sa di une eshte per ceshtje interpretimi te ligjit dhe te situates konkrete.
Qeveria ka ne dore te jape dy interpretime, dhe deshiron te jape interpretimin me te keq. Nuk do thjesht te zbatoje ligjin por do zgjidhjen me te rende per top median. Top media nga ana tjeter nuk eshte se pranon interpretimin me te mire te ceshtjes dhe te mbylli gojen e te paguaje leket. Por do qe perseri te mos paguaje asnje lek dhe ben gjithe kete zhurme. Gabimi i qeverise ne kete mes eshte se nuk tregohet e mencur dhe tolerante qe te jape ate interpretim nje cike me te bute por me afer ligjit dhe tja leje kopilin ne dere topit dhe pastaj po deshi dhe ta sekuestroje, por shkon dhe i bie me kopace kokes.
Gabimi i qeverise ne lidhje me topin nuk eshte se ajo po kontrollon vetem ate dhe jo mediat e tjera. Ky eshte nje gabim ne lidhje me te gjithe ne, me votuesit shqiptare dhe me popullin. Pasi ca media i godet e ca te tjere i le te bejne palle. Por nuk eshte gabim ne lidhje me topin. Fakti qe dhe te tjeret nuk paguajne nuk eshte justifikim per topin. Mund tju kujtoj se sa here eshte mbyllur TV Shijak per mospagim taksash nga qeveria socialiste.
Kjo eshte nje gje qe dihet. Cdo kush do ta godase kundershtarin. Dhe kur gjen hapesire ligjore do ta beje qe cke me te.
Puna eshte se qeveria jone, sdi as vete ti zbatoje ligjet dhe kapet gafil nga mjeshtrat si ato mafiozet e Topit.
Kjo eshte nje histori qe do marri me vete shume koka drejtuese ne administrate, do favorizoje gjuetine e re te shtrigave edhe brenda pozites, madje mund te nxehe shume keq situaten politike deri ne permasa te frikshme sepse parate e Topit kane nje spekter te gjere, dhe ato qe i kane ato para se kane per gje ta djegin per hir te atyre parave. Po keshtu dhe qeveria jone me mendjen e ndritur dhe totalisht fshatare te Bodes e ka humbur kete lufte pa hyre akoma mire ne te, por e keqja eshte se as e ndreq e aq heq dore.
Si perdundim e keqja eshte vetem e jona, e miletit te shkrete
4 April 2007 @ 9:06 pm
kane per gje ta djegin shqiperine e kisha llafin
4 April 2007 @ 9:12 pm
Kontrolli ka qene jo ne Media por atje ku cdo gje eshte me pagese the ka 70 % te tregut. Edhe nje taksidar komune ne Postribe te Shkodres do nxirte vlere me te madhe nga sa raporton kjo kompani. Por une nuk po i futem kesaj.
Nuk eshte argument te thush qe meqe me ke kontrollu nje here, mos me kontrollo me sepse ndryshe une nxjerr konkluzion qe ti sulmon median.
Edhe problemi i gjobes fillon dhe mbaron po te kjo kompani, sepse ca gjoba jane 5 fishi i shkeljes qe ke bere, e nese ke shkelje 1 000 000 euro, atehere gjoba eshte 5 000 000 euro.
E qe te jem konkret miku im leon, 100 000 karta te shitura me nje cmim mesatar 150 euro /copa, une te siguroj qe shkelja eshte me shume se 10 euro per njesi, qe ne total bejne 1 000 000 euro. Se si dalin numrat dhe pse kundershtohet edhe vendosja apo pagesa e gjobes menjehere atehere do ta kuptosh se ku fle lepuri.
Ti je shkelje, une te gjobis aq sa ma lejon ligji dhe duhet ta paguash menjehere, sepse keshtu thote ligji, ti nuk e paguan ne kohe, une zbatoj ligjin reptesisht, une te vendos ne sekuestro konservative pasurine tende. Ti ankimohu ne gjykate dhe fito te drejten tende qe do te jete vetem heqje e sekuestros konservative, por jo heqja e gjobes.
Jam i qarte kaq??
4 April 2007 @ 9:32 pm
Shume e qarte.
Por,keta biznnesmenat sikur mendojne ndryshe tek kjo letra.
Ligjin duhan ta bejne te ri. Mua kjo gjeja e gjobes qe kerkohet te behet pagim,pastaj ankim, eshte sulm ndaj biznesit,per te mbushur arkat e shtetit per nje afta kohor te shkurter.
Ketu nuk flasim per gjoba 1000$, por 1 000 000 $ apo qofte edhe gjysma.
Nese une paguaj gjoben menjehere ne keto lloj shifrash dhe pas 6 muajsh gjykata thote eshte e padrejte gjoba,c’behet me paret?Jo paret e gjobes,por interesin e atyre pareve per keto 6 muaj?
Kjo puna e gjobave dhe sekuestrimeve, pastaj kthehet ne lloj arme ndaj atyre qe nuk te perkrahin.
4 April 2007 @ 9:43 pm
Po natyrisht qe ke te drejte ti , po puna eshte se kjo do kalohet ne parlament dhe keto biznese keshtu sic deklarohen anonime, nuk kane bythe te kundershtojne hapur keto politika por rreket si e si tja fusin ndonje konkurrenti ne treg pikerisht duke shfrytezu kete ligj shkerdhate qe propozon qeveria jone demokratike.
Po. Ne rastin e Shqiperise ky tip ligji eshte i RREZIKSHEM, ne Angli atje ku je ti do ishte ideal, sepse kur nje biznes do provonte te bente shkelje do matej mire se mund te shkote per lesh.
Sepse o leon vllai ketu ke ne shteti nuk eshte prej verteti.
“Do te ” eshte tjeter gje. Sot eshte tjeter gje. Po shfrytezohet kuadri aktual ligjor per te bere ato rremujat qe shikojme ti e une ne media.
4 April 2007 @ 10:17 pm
Pagimi i gjobave do ti kushtoje shtrenjte biznesit. Ky eshte problem administrimi, paaftesi ne administrim fiskal.
Megjithate bizneset shqiptare kane shume probleme me disiplinen fiskale.Me perpara ligji ka qene qe duhet te paguaje detyrimin (jo gjoben dhe interesat) dhe pastaj te filloje apelin. Tani e kane gozhduar fare biznesin. Problemi per mua eshte shume serioz, sepse cdo behet nqs biznesi e fiton apelin? A do ja ktheje njeri leket? Pervec fushates elektorale te 2005 kur Nano u ktheu leket disa bizneseve une sdi ndonje precedent pozitiv. Mua me duket problem i madh. Eshte nje zgjidhje me sopate te mprehte. Problemi eshte se komisionet e apeleve korruptohen dhe leket asnjehere nuk perfundojne ne arke te shtetit. Por dhe qe tjua marresh leket paraprakisht kjo sme duket e drejte. Akoma shteti shqiptar dhe bizneset nuk e kane gjetur gjuhen normale te komunikimit dhe respektin per ligjin. Akoma ka rezistenca te dhunshme nga te dyja krahet. Dhe perhere te humburit jane bizneset e ndershme, pa perkrahje dhe me pak leke e takat.
Une sdo ja veja kaq lehte fajin ligjvenesve qe e kane propozuar kete ligj. Mbledhja e te ardhurave eshte nje proces ku duhet te kontribuojne te gjithe, jo vetem organet fiskale. Dhe kontributi i biznesit mos kujtoni se ka qene pozitiv. Ka qene madje skandaloz (ju kujtoj rezistencen e cmendur, deri ne kercenime per vrasje qe kane bere firmat e ndertimit ne vitet 2000 pasi nuk i pagunin asnje lek shtetit) . Le te themi qe sot biznesi ka nje qendrim me pak negativ prape eshte shume mbrapa nje qendrimi proaktiv dhe bashkepunues .
4 April 2007 @ 11:51 pm
Tek te dy temat per bisnesin dhe median shikoj te njejtin arsyetim. “Berisha e ka me hile kete pune”, “kemi eksperince me Berishen”
Ne fakt nuk pashe shume komente kunder veprimit, me shume eshte dyshimi se Berisha nuk ka sekerkon te zbatoj ligjin por sekekron ti vere ne zap keta bisnesmene apo mendian apo te dyja bashke. Mendoj se ketu qendorn e keqja tek mosbesimi, nje bosbeism i drejte per mendimin tim duke pare histoirne 16 vjecare te Berishes. Nje nga arsyet qe mendoj une qe nuk zbatohet ligji ne shqiperi eshte fakti qe nuk kemi besim te politikanet, dhe kjo plotesisht e drejte, Prandaj mendoj se duhen politkane te rinj. Per sa kohe do te kemi keta politkane ligji do te shkelet ne emer te dyshimit se keta politikane na e kane me hile. Une personalisht e perkrah veprimin e Bersihes, qofte per tatimin ndaj medias qofte per masa te forta ndaj bisnesit, por keto veprime nuk mund te behen nga Berisha as nga Nano e co e as nga Rama e Co. Duhen te rinj
4 April 2007 @ 11:56 pm
Ku ti gjejme keta te rinjte pra?!
5 April 2007 @ 3:06 am
Jane ata, aty jane, vec presin mbeshtetjen tone, e cila fillon me bojkotimin e ketyre qe jane sot.