Pas rrëzimit të ligjit, selia blu sulmon Kushtetuesen: Janë të implikuar në krimet e komunizmit
Partia Demokratike e konsideroi dje një akt të rëndë në mbështetje të krimeve të komunizmit, vendimin e Gjykatës Kushtetuese për të konsideruar si jo në përputhje me Kushtetutën ligjin e lustracionit.
Ishte deputetja e PD-së, Mesila Doda, e cila bëri të ditur nëpërmjet një konference për shtyp, qëndrimin e grupit parlamentar të PD-së në lidhje me këtë çështje dhe theksoi rrugët që u mbeteshin demokratëve për të vënë në jetë edhe projektin e tyre për të dënuar krimet e komunizmit. Sipas Dodës, gjyqtarët e Kushtetueses kanë marrë një vendim të gabuar, falë presionit politik që është ushtuar ndaj tyre. “Gjykata Kushtetuese ka rrëzuar ligjin për pastërtinë e figurave të shtetit shqiptar, kjo edhe falë presionit politik të opozitës dhe personalisht të Edi Ramës ndaj kësaj trupe gjykuese”, theksoi deputetja e PD-së në emër të grupit parlamentar. Përveç faktit se ajo e konsideroi këtë vendimin si në kundërshtim me të drejtën, Doda akuzoi trupën gjyqësore të Kushtetueses si të implikuar drejtpërdrejt në krimet e komunizmit dhe për pasojë në konflikt interesi me ligjin të cilin e rrëzuan. “Gjykatësit që votuan për abrogimin e ligjit janë po ata që kanë marrë vendime për vrasje njerëzish të pafajshëm deri në vitin ‘89, janë po ata mbi të cilët rëndojnë krimet më të rënda kundër njerëzimit”, deklaroi Doda. Por sipas saj, mazhoranca nuk do të dorëzohet pas këtij vendimi dhe do të vendosë së shpejti për rrugën që do të ndjekë për sa i përket për të gjetur mundësinë për të zëvendësuar këtë ligj.
Sipas Dodës, një opsion është paraqitja e një ligji të ri në Parlament, për pastërtinë e figurave të shtetit shqiptar. Po kështu, ajo theksoi se një tjetër alternativë është dërgimi i këtij ligji në Gjykatën Europiane të të Drejtave të Njeriut në Strasburg. Deputetja Doda mendon se mazhoranca do të shikojë edhe mundësinë e një referendumi për të pyetur vetë qytetarët shqiptarë nëse do të donin funksionimin e një ligji të tillë apo jo. “Ju bëj me dije gjithashtu se së bashku me kolegë të tjerë nuk do të ngurrojmë që të ndërmarrim nismën e një referendumi popullor për këtë çështje madhore, në mënyrë që xhelatët të mos qëndrojnë më në pushtet dhe që Shqipëria të ndahet njëherë e përgjithmonë nga e kaluara e saj komuniste”, deklaroi Doda në fjalën e saj.
Nuk dihet ende se cila do të jetë zgjedhja që do të vendosin demokratët për të vendosur në fuqi, ligjin për lustracionin, por referendumi për shkak të kostove dhe organizimit mund të jetë opsioni i fundit që do të zgjidhet nga ata. Gjykata Kushtetuese pranoi muaj më parë edhe kërkesën e opozitës për të gjykuar mbi kushtetutshmërinë e ligjit të dosjeve, duke qenë se sipas tyre, ai binte në kundërshtim me të drejtat dhe liritë e njeriut. Dy ditë më parë gjyqtarët e Kushtetueses morën vendimin për ta rrëzuar këtë ligj me një shumicë absolute votash.
Vlerëso këtë shkrim
Komentet e fundit
- village-bey thote: Eshte e veshtire te mos veshtrosh nje paralelizm kuptimplote ne tregimi... Një përmendore për Vincenc Prenushin
- Lira thote: Ja c'kuptova une nga kjo video; S'kemi te bejme me duket me nje poligam... Cfare mendoni, si reagoni kur shikoni/degjoni per nje realitet te tille?
- Lulian Kodra thote: ‘Për arsyen e ekzistencës së një ligji i tillë... “Zoti nuk krijoi universin” sipas Hawking
- rudeta thote: po pra... thotë që Universi mund të krijohet edhe pa Zotin, po... “Zoti nuk krijoi universin” sipas Hawking
- Finisterre thote: Eh, ti te thyke Hunden me analize teksti Bel! - Dyqani i Demit
- I Pakapshem thote: 2000 vjet më parë mjaftonte të thojë &q... “Zoti nuk krijoi universin” sipas Hawking
64 KomenteTrego/Fshih të gjitha përgjigjet ndaj komenteve
Eh mer PD, mer PD, qe dhe kur merr mandatin e dyte prape te duket vetja sikur je ne opozite...
Me sa di une, kete ligj edhe nderkombetaret e kane cilesuar si jo te pershtatshem dhe qe bie ndesh me kushtetuten. Sidoqofte Zonja Mersila mund te kete fakte qe ketyre gjyqetareve ti jete bere presion me kercenim jeten nga struktura te ereta te shoqerise shqipetare qe sigurisht perfaqesohen nga opozita e fuqishishme polkitike me ne krye mafiozin e krastuar Edi Rama, por edhe nga gangsteret politik te BE-se e me gjere. Ne kete konteks, PD duhet te rise vigjilencen luftarake, pasi armiku i brendshem dhe ai i huaj e kane hale ne sy.
masi digjinirun parlamentin, prokurorine, tani ja si digjinirojne edhe institucionin e gjykates sy e faqe popllit.
cer i njeli miletit te shkrete tani ?
Vetem ti falet zotit dhe Mesiles !!!!!!!!
Mesila Doda per vendimin e GJ.K.
Doktori per kutite
Ore, une kujtova se Berisha ishte bere demokrat dhe institucionet e pavarura, por ketij i paka shpetu miu edhe kesaj rradhe. Nejse! GJK besoj nuk e kane harruar precedentin ZEF Brozi. Dhe po e paten harru ja dhe nje artikull i kohes nga NYTimes. Good luck and good night!
Nuk eshte ceshtja qe te tolerohen spiunet dhe kriminelet e komunizmit, por ligji eshte shkruar ne menyren me te keqe te mundshme dhe hap mundesine per abuzim. E thene trashe, Komisioni i Venecias ka problem me kete ligj i cili ben qe te emerohet nje Maliq Maliqi (proverbial) i cili ka pushtetin te shkarkoje nga detyra me ceremoni Presidentin e Republikës, anëtarët e Gjykatës Kushtetuese, anëtarët e Gjykatës së Lartë, deputetët, anëtarët e Këshillit të Ministrave dhe Prokurorin e Përgjithshëm. Ligji dmth e ben kete Maliqin nje fuqi supreme qe shkermoq te gjitha institucionet e tjere. Duhet formuluar ndryshe.
Komisioni i Venecias
"Komisioni i Venecias ka problem me kete ligj i cili ben qe te emerohet nje Maliq Maliqi i cili ka pushtetin te shkarkoje nga detyra me ceremoni Presidentin e Republikes Gjykaten Kushtetuese etj..etj.."
Nga e nxorre kete Blendo,apo keshtu te thane ta interpretosh.
Jo Brad, une nuk interpretoj dot ligje se nuk jam i zanatit. Isha ul i dite me Luan Omarin or tej dhe e kam pyt. Pastaj e mora dhe lexova kete rekomandimin e Komisionit te Venecias (provoje se nuk eshte aq i veshtire edhe per ne qe nuk jemi avoketer). Tashi, ti lejm keto majtas djathtas se nuk na duhen hic. Shife ta lexosh ligjin, lexo dhe rekomandimet e K.V. dhe hajde bisedojme si miq. Per mua ideja qe te ngrihet njoni qe me dash i hudh te gjithe te tjeret tuç nuk me duket e mire. Me kujto icik ate Britanine e filmit "V for Vendeta". tung
Blendi familja e Havzi Leles a mund te kerkoje drejtesi te GJ.K. ku militon F Avdiu qe ka firmos vdekjen e H leles?
H. Nela jo Lela, lol.
Po ku kane bese e fe keta more...
Ai s'pati turp e marre te cilesoje permbytjen e krahines se Shkodres e Lezhes si fatkeqesi nga Bloo Moo...ni
Por edhe s'duhet habitur shume me blegerimat e qingjave si Mesila .
ja ku vjen Sali kardashi
i hakerryem e mustakzi
le t'guxoj kush te dale ke Bashi
jam ketu per me u ki .
xxxx
tash po leshoj do blegerima
me njat cucen me emen Mesila
Ma pas po vij me ulurima
me i shti Venecit dridhma .
xxxxx
Jam ketu per me ju thane Jue
Se une Xhozin se kam leshue
Me sqaru per me kuptue
Se plumin ballit s'ka per t'ua pritue.
Ky ligji e boni punen e vet! I vetmi prokuror qe nuk kishte kercy brenda trajses se kalit te PD-se per Gerdecit, ishte ai qe degdisen ne Elbason!
Kur ai iku, ky ligj as nuk i hyte mo n'pune Sales, perderisa u siguru qe cuni i vet, bashke me Mehdiun nuk do shkojne ne hapsone!
Kjo goca do me bo pike me Udheheqjen, pranej flet si e revoltume!
Kjo nuk e ka idene e ligjit. Shifni ca thote! Do bojme referendum!
Kjo i flet nga koka e vet kto gjona, qe t'duket si e dyfekut, jo e gjergjefit, ne syte e Burrit dhe Burrneshes!
Hajt mo, t'gjithe e dune nga i' tas pershesh!
Ore ligji duhet te jete shume i thjeshte.
Kush ka pasur poste drejtuese dhe ka lyer duart me gjak gjate kohes se komunizmit, nuk ka vend ne administrate.Shtetet e tjera i kane futur ne burg keta monstra dhe nuk eshte bere problem.ne vetem se sa i heqim nga administrata,opozita ben namin?
Perse duhet te rrije Fehmi Abdiu ne GJK?Nuk eshte nje TURP ky?
Perse GJK hedh poshte nje ligj te tille?
Eshte ligji me demokratik qe mund te egzistoje.
Po te kesh qene Sekretari i organizates baze te ppsh-se a eshte post drejtues?
Solidarnosc, duke folur ne parim, pa iu referuar permbajtjes se ligjit, reagimi kundershtues i PD-se, apo edhe i cdo partie tjeter, ndaj vendimeve te Gjykates Kushtetuese eshte hap mbrapa ne forcimin e institucioneve te drejtesise ne ate vend. Qendrimi i politikes ndaj drejtesise eshte nje nga aresyet kryesore qe ai vend ben perpara shume ngadale ne cdo fushe (pervec asaj te korrupsionit ndoshta). Kudo ne boten demokratike, pasi ka folur organi me i larte i drejtesise ne vend, nuk duhet te behet gje tjeter vec t'i bindet atij vendimi qe nga i pari e deri tek i fundit. Kjo eshte A-ja e demokracise.
Te kuptohemi, une nuk po them se partite, apo edhe individet nuk duhet te komentojne vendimin - jo! Edhe Obama e komentoi vendimin e Gjyqit Suprem ketu per lobimin e korporateve, por ama nuk duhet vene ne diskutim pranimi dhe zbatueshmeria e atij vendimi. Ky (Gjykata Kushtetuese) eshte arbitri qe kemi rene dakord te arbitroje "lojen". Nuk mund, dhe nuk duhet, ta bejne ate pune institucione te tjera. Te hidhen partite e deklarojne se nuk e pranojne vendimin e Gjykates eshte njesoj sikur traineri i nje ekipi futbolli te futet ne fushe e godase arbitrin pse dha penallti per ekipin tjeter.
Ne Shqiperi arbitri shahet nga motra. Dhe kjo eshte e keqja me e vogel. Ne rastin me te keq edhe e rrahin.
pertej gjykimit mbi kte rast, mbajtja e Themiu Abdiut a si dreqin e ka ne ate gjykate eshte e padurueshme. fyerje per te gjithe ata qe kane vuajtur ne ate sistem.
Per aq sa kam marre njohuri per ligjin e lustracionit, me duket se ka qene ti hedhim hi syve.
Ligji mbi hapjen e dosjeve nuk mund te jete kurre antikushtetues, edhe KV. nuk eshte marre me ligjin per hapjen e dosjave, por me pasojat kolaterale te ligjit.
Meqense kemi 20 vjet qe bashkejetojme me "thyersit e ligjit" sipaskushtetutes, nuk ishte e nevojshme qe ky ligj te kishte efekt ne moment.
Pse duhej te kerkohej me ligj, largimi i figurave, ku mjaftonte aprovimi i hapjeve te dosjeve, dhe ana tjeter , ajo e figures kalonte ne aspekt te opinionit publik.
Sikur ky ligj te ishte ne fuqi sot, kandidatet per anetar te GJL apo GJK , pa qene e nevojshme te ndalohej me ligj, ato qe kane qene bashepunetor te sigurimit te shtetit, ato qe kane punuar ne aparatet e genocidit komunist, patjeter nuk do kishin deshire vete per te qene kandidat, duke munduar qe e kaluara e tyre te mos behej shume publike.
Ligji i lustracionit ka qene shume i pershpejtuar, duhej te shkonte me kohen, jo te humbiste ne kohe.
Dosjet duhen hapur, kjo eshte e padisktueshme!
Shume dakort. Po a nuk ishin dosjet pak si me te fresketa (dhe pa ju vene dore) ne fillimet e viteve 90? Pse s'i hapi atehere doktori legjendar demokraci-dashes?
Ligji per dosjet u krijua ne 1996, dhe besoj se ishte me i mire se ky i sotmi.
Komisioni qe merrej me rishikimin e figurave, arriti te nxjerre nga gara per deputet, edhe te djathte e demokrat.
Hapja e dosjeve nuk eshte nje "hakmarrje" per te kaluaren, eshte barazi e shoqeris para ligjit kushtetues.
Eshte per tu habitur, pse ky ligj i ri, kerkonte efekt te menjehershem, nje kohe qe kane 18 vjet qe bashkejetojne e bashkeqeverisin vendin.
Efekti i menjehershem, natyrisht qe do dilte antikushtetues, po do krijonte nje klime te rende politike e shoqerore.
Fijet ( hafijet) qe lidhin te sotmen me pushtetaret e se kaluares komuniste nuk mund te priten me nje te rene, po pak nga pak, si nje operacion delikat zemre, kete doktori duhej ta dinte, jo me kot ka qene doktor i mire.
Pa me trego nje demokrat qe rrezoi ai ligji i 96!!!
Ai ligj nuk arriti te rrezonte dot as agjentin me te madh te UDB-se qe ishte ne ate kohe Kryetar i Gjykates Kushtetuese.
Dhe me keq akoma i biri i tij sot eshte kryetar i KQZ.
Nuk eshte mire te sillen emra, ne qofte se ke kujtese , kane qene disa emra te njohur te Pd, qe nuk kandiduan per here te dyte, per kete arsye.
Komisioni Bezhani merrej me rishikimin e figurave, ato qe do kandidheshin per deputet, pak nga pak , me rizgjedhje ne institucione si GJL, KP apo te tjera, komisioni do rishikonte edhe keto figura, ligji i dosjeve te asaj kohe nuk merrej me pastertin e figurave qe ishin ne detyre, po me ato qe pretendonin.
Para se partite te shpallnin emrat e kandidateve, lista e tyre paraqitej ketij komisionit, komisioni nuk jepete spiegime, po vetem nje "PO" ose "JO" kaq.
Ne qofte se nuk bindesh, mund te kerkosh ne shtypin e asaj kohe dhe besoj se do bindesh, se ka qene keshtu.
Shpulla e dyte qe ha nga kjo 9-ce mrena 2 javesh. S'duro burri kshu:)
Mendoj se Berisha eshte shumei kenaqur por po hiqet si i merzitur mendoj se edhe pse deshtuam kesaj here me kete ligj do kemi kohe te bejme nje ligj pas shembjes reale te komunizmit dhe do gjykojme Berishen per krimet komuniste te kohev mopderne ne Shqiperi.Nese ka nje komunist gjalle qe edhe ligji te mund te veproje nese miratohet eshte Sali Berisha .qe na e mori shpirtin.
Po na ler te shprehemi shqiptarce o administrator i dashur.
Kjo qeveri po i ben te gjitha punet shqiptarce na lejo edhe ne te shprehemi alla shqiptarce ashtu si e meritojne ata.
Nejse mos ma mer per verejtje e kuptoj etiken po ata ashtu e meritojne se jane plehra fare.
Sala ka qene sekretar i org baze te spitali. A eshte ky post drejtues? Nese po atehere vete Sali majmuni duhet te largohet i pari.
Jam dakord me kete me siper, por duhet kuptuar dicka: E kaluara e anetareve te Gjykates nuk duhet perdorur si argument per kete. Ka qene gabim zgjedhja e Fehmi Abdiut ne Gjykate - kjo as diskutohet, por ky eshte fakt i kryer. Duhej menduar me pare ky konflikt dhe duhej bere e mundur te shmangej. Pastaj, rezultati i votimit ishte 9 me 0 ! Te gjithe keta anetaret e GJK konflikt interesi paskan? Atehere cfare kerkon PD-ja ne se ka zgjedhur anetare te tille per ne GJK? Une ligjin nuk e kam pare ne detaje, por kam lexuar se ka ankesa per te edhe nga institucione evropiane. Ndoshta ka dicka qe duhet permiresuar ne ate drejtim.
PD beri shume mire qe aprovoi ligjin per pastertine e figurave.
PS beri shume mire qe votoi kunder dhe e paditi ne Gjykate Kushtetuese .
Gjykata Kushtetuese shume mire beri qe e rrezoi.
Keshtu merren vesh njehere e mire:
1. Kush eshte per larjen e borxheve me te kaluaren, kush eshte per njohjen e viktimave dhe xhelateve.
2. Kush nuk arrin te shkeputet nga e kaluara kriminale.
3. Kush nuk mund te me gjykoje ne emer te "demokracise".
Ne Poloni denohet me ligj mbajtja, shfaqja e simboleve te komunizmit (ylli, draperi e cekani, figurat e Leninit, Stalinit) me qellim per ta bere komunizmin te "padukshem". Aktualisht po debatohet qe te rrezohet Pallati i Kultures ne ne Varshave si dhurate e Bashkimit Sovietik. Nderkohe qe ne Shqiperi xhelatet, gjykatesit komunist qe deri dje denonin me vdekje per thyerje kufiri sot ulen ne Gjykate Kushtetuese e mesojne si duhet respektuar demokracia. Cfare turpi, cfare hipokrizie!
Me cdo menyre ankim ne Gjykate Strasburgu, ligj te ri, referendum, PD nuk duhet ta braktisi kete ceshtje.
P.S.
mrroklla - 2 Shk 2010 - 3:36pmKy ligji e boni punen e vet! I vetmi prokuror qe nuk kishte kercy brenda trajses se kalit te PD-se per Gerdecit, ishte ai qe degdisen ne Elbason!
Kur ai iku, ky ligj as nuk i hyte mo n'pune Sales, perderisa u siguru qe cuni i vet, bashke me Mehdiun nuk do shkojne ne hapsone!
Nuk e kam zakon te komentoj komente, por hej... Je i ulet shoku, je shume i ulet. Ordiner fare qe redukton kshu nje ligj te kerkuar me ngulm prej 20 vitesh nga Shoqata te Perndjekurish, mijra familjare te cilet akoma sot nuk dijne ku i kane eshtrat prinderit e tyre. Ordiner fare, s'kam c'te them. Si ti, si ato qe anullimin e ligjit e shohin ne prizmin e nje ndeshje futbolli PD - PS
gjujtso,
se kam lexu ligjin po qe sala e shume plehra te tjere majtas e djathtas sot jane pushtetare nuk duhet te jete ne rregull---
Ore djema, ne mos gaboj ka pas ekzistuar nje ligj i tille para disa vitesh dhe nje komision, Komisioni Bezhani (ne mos gaboj per emrin), mirpo per çudi ne Parlament, qeveri, parti, u vune re disa syresh te perfolur. Di gje njeri per kete se ç'eshte bere.
Atehere,
eshte e turpshme qe nenje vend si shqiperia te kopjohet çdo gje nga italia....
Ne itali Berluskoni therret gjykatesit komunist, ish miq te moskes, gjykatesit e kuq.....dhe per habi e njejta gje ndodh ne shqiperi....
Ne itali dhe shtete te tjera del ligji antiduhane...ne shqiperi kopjohet ligji antiduhan....
Kopjet...ore miq kopjet mbeten gjithmone kopje dhe ne shume raste dalin dhe te keqija...ne, nje me nje, po imitojme italine nga ana dhe menyra me e keqe.....
Gjykata Kushtetuese hodhi poshte nje ligj jo vetem te shume debatuar por edhe nje ligj qe Komisioni i Venecias e konsideron antikushtetues....
....Por nuk duhen te huajt per te kuptuar se nje ligj i tille mund te perdoret fare lehte nga pushteti per te eliminuar ata persona qe shkojne ndesh me "qejfet" e pushteti....
Jemi jo vetem shume te vonuar ne berjen e nje ligji te tille por nese ky ligj do te kalonte, keshtu si eshte, do te rrezikonim nje padrejtesi te madhe....
jo te kuq jo te leshit
....s'jemi fare origjinale....shtet kopje e keqe e italise...
dua te ju kujtoj se e keqja e italise eshte MAFIA
Nuk eshte problemi tek te akuzuarit kote. Por nuk dini te akuzoni dhe aq me pak te kerkoni drejtesi reale! Per sa kohe deshmitari i rreme i gjyqeve te komunizmit Sali Berisha eshte ne krye te ketyre iniciativave, askush s'ka per tu marre seriozisht. Hajd tung!
Shume dakort. Prandaj u be gjyqi per kafet dhe jo per vrasjet - kur ishte Berisha krejtesisht ne fuqi dhe PS s'kishte dhembe fare?
Ligj i perpiluar keq ne menyre qe te rrezohej me vone. Shumica nuk ka vullnet te sinqerte per te hapur dosjet. Pakica me pak akoma.
Ngelem duke i akuzuar te gjithe si komuniste dhe te gjithe na dalin demokrate.
Te gjithe po dalin demokrate e antikomuniste....Madje qendra e antikomunizmit shqiptar na doli gjimnazi i çorovodes...!!!
Edhe une keshtu mendoj, ose te pakten s'e ka pasur vullnetin deri tani, dhe kjo eshte e pafalshme. Dy gjera jane padiskutim te verteta: (1) Berisha & Co e kane perdorur ceshtjen e ligjit te lustrimit dhe dosjeve (komunizmit ne pergjithesi) gjithmone kur i eshte dashur si gur rezerve kundra opozites & co, dhe (2) Gjate 20 viteve te fundit Berisha ka qene ne pushtet gjysmen e tyre, nese vertet deshte ta bente kete ligj dhe e kishte kaq prioritet sa thote, duhet ta kishte bere ka kohe, sic thone tani (qe mos thone ketu avoketerit e Berishes e beri po ja rrezoi opozita) plan a, nese bie ky plan b, etj.
Nese vertet deshin, do ta kishin bere ka kohe. Plus qe vonesa 20 vjecare ne vetvete behet faktor pengues, pasi nese atehere ishte kollaj, tani i bie qe te heqesh nga puna Avdiun nga GJK nderkohe qe e ke lene/mbajtur ne pune 20 vjet pas komunizmit. Njeso dhe per te tjeret.
Njeheresh, nuk ka pike dyshimi qe PS sot dhe 1000 vjet nuk do doje ta kaloje kete ligj.
Po ashtu eshte njesoj e papranueshme qe ata qe kane lyer duart me gjak te jene sot ne ndonje nga tre deget e pushtetit.
Po ngado qe ta sjellesh verdalle kete mesele (per ceshtje pergjegjsie) si dhe te mosdenimit te byroisteve apo ligjin e dosjeve, faji kryesor i bie prap Berishes. Pse mos valle do prisnim nga Nano e Gjinushi e Ruci qe te kalonin kete ligj apo te benin dekomunistizimin e Shqiperise (nga pushteti)?
ja "qendra":
Kushedi sa shume disidenca dhe masturbime ka pare ajo ndertese ne komunizem. Luftohej komunizmi me poezi dhe spermatozoide.
lol....
Berlusconi-mania!
Sot njeri me pa shtrembet!
...
Komunisti!
Mbeti qe vetem Berisha te mos jete perzier me "krimet e komunizmiot" se tere te tjeret more te tere vec berishes jane te tille. Ja dhe GJK doli komuniste/puniste.
Po te jete kjo e vertete atehere duhet pranuar qe ne jemi nje popull komunist ose ........
Ve re nje gje te habiteshme .Te habiteshme se eshte e njejta menyre te menduari .eshte e njeta menyre te shmanguri nga permbajtja e gjerave te Kohes nepermjet shpikjes se armiqve . Dhe kur ? O kuje o kuje ne 2010 !!!
psh edhe kur bota thoshte se duhen pare me vemendje e ne optiike te Kohes shume ngjarje te shkuara , Paria mobilizonte anetaret e flaket te vuajtur e persekutuar nga fashizmi e regjimi zogist dhe i degjoje:
"Kina ka tradhetuar mesimet e m-leninizmit ... ose pyesnin ne 78-ten "Po ti pse u takove me nipin e atij anetarit te gjykates ushtarake fashiste italiane qe jepte denime me vdekje " ose dergonin letra nga fshati ...filani ka dhene buke cetes se ballit prandaj i biri s'duhet te jete drejtor"
Ore jam gabim une apo prurja ka te beje me anulimin e vendimit Berisho-Jozefor dhe ne te tilla raste duhen leshuar laureshat me cicerima per te ndezur zemrat djaloshare . Mundesisht me geshtenja te ziera ne dimrat e shkuar .
MNe te vertete te vjen keq !
C'beni mor u befshi lemsh u befshi . Po Ju perdorin si lehes e kini 20 vjet me llogje pas Saliut e s'doli nje burre nga Ju te merrte frenat . Shkoni aty e lepihuni pas parave e lemoshave qe Ju leshon per t'ju perdorur si t'ja doje luku i sumes .
Eshte viti 2010 e akoma merreni me dosje .
Nxirrni ore njerin pa dosje te jete ne krye te puneve dhe tregojeni me vepra se cfare doni e cfare jeni te afte te beni pervec kerkesave per hakmarrje e denime . U mbeti goja komunistet - komunistet. Po edhe kjo tregon dobesine e paaftesine tuaj ose me mire realitetin qe nuk po e kuptoni .
Kuptojeni njehere e mire se Ju jeni pjese e Shoqerise dhe nuk jeni e gjithe shoqeria Shqiptare . Nje shoqeri REALE perbehet nga shume pjese dhe asnjera nuk dominon tjetren .
Ky eshte mesimi i Historise qe SOT jetohet si sistem DEMOKRATIK !
Dhe sipas avazit vini pllaken e gramafonit "komuniste , gjakpires , ke dhene vendime me vdekje , ke dosje , je punisto - mafioz " per te nxitur pjesen tjeter " o jerark fashist , kolabrocionist , gjakpires , dogjet nje Shqiperi te tere ne bashkepunim me fashistet e naziste , vrate djemt e bijat me te mira , vodhet e rropet me shekuj o beljere shushunja" :P
Po mire mer burra dhe gra spo e marrim vesh se cbehet ne se ke parime te majta je komunist dhe ne se ke prap parime sociale je prap punist, dhe ne se do me te vertet qe te kete nje barazi mendimi dhe lirie prap je komunisto-punist te hapen dosjet por jo kur i do bytha njerit ose tjetrit dhe jo cilen dosje te hapin dhe te kujt .
Dhe nje gje tjeter si mbas llogjikes se Mesila (kalaja e )Dodes dhe Sali RameBerishes sapo iu prishet pak qefi duan te nxisin genocid. C`faje kane niperat ose mbesat se gjyshi i tyre ka qene gjykates ? Do hidhkan balte keta apo do ndrojne mbiemrat qe te jetojne, sic bene ata qe denoheshin me pare nga ENVER HOXHA. Dhe sa per muhabet mu kujtua qe Valbona Hoxhes kur erdhi demokracia nuk i therrrsnin me "boi" si me pare por i gjujten me damote neper rruge po me sa di una Valbona ska vra ndo nji apo ishte faji i saj qe lindi ne vile dhe qe mbesa e nje diktatori. Me duket se ne hujme ne kontradita me veten me krijohet ne mendje nje ide e tipit ROMANOV dhe Revolucion.
ore shume hipoteza hidhen ketu. ne nje shtet demokratik cdo krim provohet ne gjykate, jo ky beri keshtu dhe le ta zhdukim.... pastaj ai tipi Abdiu ishte gjykates para 90s. Cfare eshte puna e nje gjykatesi??? te siguroi qe ligji zbatohet, apo jo. keshtu qe , me gjithe keqardhjen e madhe per sa ka ndodhur, nuk mund ta akuzosh si kriminel.
Pak a shume dhe une keshtu mendoj se te gjithe keta kane qene punetore te shtetit dhe ai qe se ka bo punen e ka honger pataten. Tani ajt te gjejme ata ropt qe kane qene ne skuadrat e pushkatimit se kshu i bie kane ly doren me gjak.
Jame dakorte te denohen per ata qe kane abuzuar me detyren si kane nxjerre inatie personale apo kane rrafe se sjua ka dhone gruja ke shpia dhe i binin robve kote ata duhen kapur nje anetare i larte qe ka dhene urdhra per inate personale dhe jo nje punonjes administrate.
Sa per muhabet kam ketu Skender Shehun dhe me ka dhene info te vlefshme dhe prandaj flas me kaq perpikt. Por te dalesh si MESILA KALAJA E DODES dhe te nxisesh urrejtje dhe me hapet shlesh se ka merre pjese ne protestat e dhjetorit...!
Kesaj i thone futi i dhalle se kosi mbaroi
Durim. Edhe 6 muaj dhe 2/3 e anetareve te Gjykates Kushtetuese do ta thyejne qaf... pardon do te largohen per skadim mandati.
Kujtim Puto, Fehmi Abdiu, Sokol Sadushi, Petrit Plloçi, Xhezair Zaganjori, Admir Thanza do ti shtohen radheve te pensionistave bashke me Myslym Pasha, Dhimiter Cico, Alfred Moisiu dhe here pas here do te na ndricojne me ndonje liber, editorial te "Shekulli" apo opinioniste te Top Channel.
gjujtso,
ke fillu me zbulu dhe ti grupet armiqesore...
beme baba te te ngjaj pavaresisht se te shajme nganjehere per tu duk si demokrat...
po ky referendumi do tbehet pasi te jete zgjidhur kriza.. apo po u zgjidh kriza vari lesht kush po e rruan per ilustracione e dosje
Perndjekja politike e intelektualeve ne Shqiperi nga injorantet e dhunshem ka nisur qe me rrezimin e qeverise Noli nga Ahmet Zogu. Noli e shume intelektuale demokratike iken, merguan. Shqiperine e mori nje njeri i dhunshem, autokrat.
Pastaj erdhi Enver Hoxha, nje njeri pa asnje gram shkolle, qe i perndoqi, burgosi e vrau me qindra intelektuale deri kur vdiq. Shume intelektuale iken (keta nuk mergonin dot.) Shtetin e mbajti nje njeri i dhunshem, autokrat.
Pas rrezimit te komunizmit, intelektualet, nga shtresa e ngritur e shoqerise, papritur u bene shtresa me e ulet se nje ish shiteseje bulmeti te ciles i ishte dhene dyqani per privatizim, se nje kokegdhe qe kishte hapur kioske ne terrenin e zaptuar, dhe fitonte 10 here ose me shume se rroga qe i jepte shteti nje intelektuali. Keta kokegdhete e dhunshem mbanin nje shtet te tere me ato para. Disa intelektuale pranuan te shnderroheshin nga intelektuale ne ryshfetexhinj, te behen te dhunshem. Ata qe s'e pranonin dot, merguan.
Tani ne vitin 2010, del nje deputete, nje qe supozohet te jete njohese e ligjit, e cila thote se kush ka qene gjykates ne kohen e Enverit, ka qene kriminel. Nuk thote "kush ka abuzuar me pushkatimet" ka qene kriminel.
Sepse abuzim, per nje gjykates, do te thote "te mos zbatoje ligjin. Ligji ne ate kohe ishte ai qe ishte, gjykatesi duhej ta zbatonte. Ku kishte gjykates qe benin numra e abuzonin ne ate kohe? Ne ate kohe vendoste vetem byroja. Pra, nese duhen hapur dosjet, duhen hapur per byrone.
Ku eshte logjika qe nje zbatues i ligjit te quhet kriminel?
Pra, faji i atij njeriu eshte qe ka dale me nota te mira ne gjimnaz, ka vazhduar shkollen e larte per juridik ne nje shtet stalinist dhe ka zbatuar ligjin e shtetit stalinist si gjykates? Pra faji i tij eshte se ishte intelektual?
Po te behej ligji per byrone qe vendoste ligjet, do te isha dakord te hapeshin dosjet. Por Mesila thote qe jane te perlyer ata qe ishin gjykates, ata qe zbatonin ligjin...dhe e thote pa hapur asnje dosje. Se po t'i kete hapur, i bie qe i ka hapur pa leje dhe ka pasur mundesi t'i manipuloje.
Qe tani, mes grupesh militantesh te thekur te PD-s, qofte edhe keta qe kam lexuar ketu, po ta kesh pasur babane gjykates, avokat, ekonomist, apo cfaredolloj drejtuesi ekzekutiv ne ate kohe, qofte edhe drejtues te shtepise se pionerit, behesh automatikisht "kelysh komunisti." Vete Berisha e Jozefina, akuzojne si komuniste ata drejtues te rinj te PS-s qe kane pasur baballare intelektuale. Nje qeveri qe perbehet nga njerez qe i ndryshojne idealet politike brenda dites me rrotullim te plote, per interesa personale, merr persiper te hape dosjet e premton te mos gjykoje padrejtesisht armiqte e tyre... po pra! Nje qeveri qe drejtohet nga nje injorant autokrat.
Kjo hapje dosjesh nuk eshte per ata qe i kane rene popullit ne qafe.
Kjo hapje dosjesh eshte perndjekja e radhes qe i behet intelektualeve ne Shqiperi. Nje popull i destinuar qe t'i kete intelektualet ose ne mergim, ose ne burg, dhe ne token meme ligjin ta bejne vetem injorantet e dhunshem, autokratet.
Gjykatesi kishte nje kushtetute, ne boten ku kishte lindur ai, qe sipas shkolles, duhej ta zbatonte. Nese do ta denosh si "mjet diktature" ate qe zbatuan ligjin e drejtuesve komuniste, me urdher nga lart, duhet te denosh gjithe popullaten mbi 20 vjec. Edhe Sali Berishen.
Ata qe kane bere abuzime, po. Gjermaneve iu denuan kreret vendimmarres, jo zbatuesit.
Se pari, kjo qeveri nuk eshte e afte ta zbatoje sic duhet hapjen e dosjeve, t'i jape njerezve ate qe meritojne. Thjesht do te shperdorohet ne favor te interesave. Duhet nje qeveri e paster qe ta beje ate pune. Sic i ktheu ish-hajdutet ne te perndjekur politike, duke u dhene poste ne SHIK e ne vende te larta pune, duke i lene te perndjekurit e vertete ne greva urie, ashtu do ta shperdoroje edhe kete situate.
Do te godase armiqte e vet, vetem per faktin se kane qene intelektuale. Shembull eshte rasti i gjykatesit qe akuzojne. Per ata qe vertete kane pasur faj mund te mos kujtohet fare dhe as qe u rruhet. Harroje qellimin e drejtesise per popullin. Kjo qeveri e Berishes nuk e ben dot. Thjesht do ta perdore per hakmarrje personale.
E ke lexuar Qorrfermanin e Ismail Kadarese? Tek Qorrfermani, sulltani nxori ligj qe te verboheshin ata qe te hanin me sysh, qe kishin syrin e keq. Njerezit filluan te denoncojne kundershtaret e tyre ekonomike e politike e te thoshin "ai me pa shtrember, dhe u rrezova. Ai e ka syrin e keq, me hengri me sysh." Dhe sulltani i verbonte. Kjo ka per te ndodhur edhe me kete ligj. Nuk e kemi ende qeverine qe mund ta beje kete.
Dhe s'mund te quhet nje gjykates kurrsesi kriminel nese ka zbatuar ligjin e asaj kohe. Kriminel quhet ai qe ka bere ate ligj kriminel.
Ore, une jam edhe per penalisht, po qe per ate pune. Por per ata qe duhet, jo kot me kot. Kjo qeveri s'ben dot ate qe duhet. Di te beje vetem kot me kot. Ketyre nuk u besoj as qenin qe mbaj te lidhur ne oborr, e jo me jete njerezish.
Une nuk e di se ke konkretisht ka ndermend shkruajtesi i ketyre radheve, por nje veshtrim i shkurter i jetes politike, kulturore, arsimore na tregon se elita e sotme eshte pak a shume ajo e djeshma; se elita e sotme eshte pikerisht ajo qe ka pergatitur e djeshmja. Keta jane ata qe kane lidhjet, qe kontrollojne burimet, parane, qe dominojne jeten publike. I vetmi ndryshim nga dje eshte se kjo elite pozicionet ne dy llogore te ndryshme politike dhe se sot i eshte adaptuar situates se re dhe profilohet si desidente (e heshtur) e i thurr lavde vetes (bote virtuale).
Te krahasosh intelektualet e sotem me ata te viteve '30, me duket nje ngaterrese e madhe kontekstesh dhe faktesh: elita e sotme eshte e gjitha e pergatitur ne te njejten fabrike, si ata qe ngelen si ata qe iken. Per me teper, qe te jemi te sinqerte me veten, askush nuk e ka provuar se ata qe kane ikur e kane bere kete sepse ishin (jane) me te miret - ky eshte, ne opinionin tim, thjesht nje konstrukt, nje mit.
Nuk jane ish intelektualet e djeshem. Jane injorantet e dhunshem ajo elite qe thua ti. Te gjithe intelektualet e vertete ose jane shkeputur nga politika, ose s'jane futur fare, ose kane emigruar. Keshtu ka qene gjithnje ne Shqiperi. Jo vetem qe s'eshte bere gje qe te ndalohet kjo, por po shtohet edhe me shume me kete qe po ndodh.
Kujt i thua elite e djeshme intelektuale? Me thuaj nje nga kabineti i sotem qeveritar qe eshte nje intelektual i te djeshmes, nje i njohur.
Pastaj te them une intelektualet e vertete te djeshem qe s'jane fare gjekundi ne drejtimin e vendit.
http://www.keshilliministrave.al/galeri/September-17-15-41-43qeveria2.JP...
Ja paski ngene per muhabet..po tani mbas afro 20 vjetesh nuk hap njeri dosje kjo e para dhe e dyta jane ndryshuar pushtetet disa here dhe ne Shqiperi si rrumpalle qe eshte dosjen e vlefshme jane zhdukur ose jane "rregulluar"..cilat dosje do hapen apo te atyre qe kane vdekur..ose te disa "viktimave" pa vlere.
Po nuk e kuptoni se Sale katunari eshte mesuar me ate popull..sa hre e ka keq do hap dosjet thote..Po hapi mor qen bir qeni..e te shohim cdo te dale!
Po juve nuk po shqyrtoni dot dosjet qe i keni mbi tavonina neper zyrat..se mbajne ere te qelbur do na gjeni dosjet e komunisteve qe ju eshte haruar emri.Ah po ne jemi pisa dhe pisa do te mbetemi sa te ndrohen 1 apo 2 breza.
Tashme shqiptaret e dine mire se sa here qe gjykatat dhe prokuroria apo titullaret e ketyre institucioneve nuk jane ne linje me politiken e Sali Berishes, atehere ky i fundit i sulmon pa meshire duke iu vene epitete sa me te spikatura komuniste, si kripto komunist, punisto mafioz etj, per te cilat ka treguar se eshte mjeshter. E kunderta neqoftese vendimet e tyre i pershtaten qellimeve te tij. Pra, ne perputhje me keto qellime, ai perdor dy standarte te ndryshme per institucionet dhe individet.
Zbulohen eshtrat e 13 personave në Dajt, ishin pushkatuar
Vendi ku u gjetën eshtrat ndodhet në komunën e Linzës, rreze malit të Dajtit, 50 m larg arkives së Bashkisë së Tiranës në malin e Dajtit, ndersa germimi per nxjerejne e tyre ka zgjatur disa dite.
Ka qënë një person që duke kërkuar dite me pare eshtrat e babait të tij të vrarë nga regjimi diktatorial komunist ka gjetur skeletet e trupave njerëzorë. Pas kësaj u gërmua në zonë nga ekspertë të fushës të cilët varrezat e vogla me trupa të varrosur cdo 5 metra larg nga njëra-tjetra.
Gazetari i TVNews24, Besjan Ajazi raportoi nga vendgjarja se eshtrat në qese nuk ishin të lidhura as me pranga dhe as me ndonjë mjet tjetër lidhës, por thjesht kanë qënë të futura në qese të zeza. Ne disa prej skeleteve jane gjetur edhe sende personale si ore, varese etj.
Germimi i eshtrave pergjate disa diteve perfundoi sot dhe ka qene nje oficer i policise gjyqesore qe dergoi qeset me skeletet në morgun e spitalit të Tiranës për ekspertëzë të mëtejshme.
Dyshohet se eshtrat i perkasin personave te ekzekutuar gjate regjimit komunist per agjitacion e propagande.
Xhaferr Bregasi, roja i arshivës në Bashkinë e Tiranës i pyetur nga News24 për këtë zbulim shprehet se "zona ku u gjetën eshtrat njihet si zonë ku pushkatoheshin njerëz nga regjimi i egër komunist".
Nga Xhaferri mesohet se ekzekutimet ne kete zone jane nga viti 1975 e me pas. Te gjitha te gjyqeve politike, me perjashtime te rralla dhe pa gjyq.
(d.b/BalkanWeb)
o mati i ri akoma duke perseritur lajme qe vetem ne mendjen tende ende kane nje lidhje te vaket me temat e diskutuara? e c'sjell artikuj copy paste o njeri kur nuk je ne gjendje te zoterosh nje mendim tendin te pavarur?