18 Dhj 2008 | Letërsi

Tundim

Postuar nga spiritus

     Medet,

     Më plagosi sërish shigjet  e Kupidit ,

     Gjak i përpurt trëndafilash

     celur në një stinë të re tundimesh,

     prej  plagëve të vjetra të zemrës  pikon.

   

     Cdo ditë ndjej

     se si rrëzohet brënda  meje

     ajo arkitekturë ditësh të bukura me ty,

     Endem si Uliksi në vise  të reja dëshirash.

     Ulërijnë  sirenat në brigjet e harresës.

     Mes  pasqyrash  të thyera kujtimesh,

     si mijra vezullime  maja thikash

     që  kërcenueshëm

     dhe ëmbëlsisht shpirtin ma coptojnë,

     ricfaqesh ti, Zahir...

   

        

     S” mundem    të të rikrijoj sërish

     prej pluhurit të kujtimeve

     dhe  të  vrapoj  dëshpërimisht

     pas imazhit të ëndrrës që vetë e krijova.

     

     

        Tani janë dy sy

        djallëzisht të ëmbël ,

         Më tundojnë,

        Shigjet   e Kupidit serish me plagosi ,

        gjak i përpurt trëndafilash

        prej  zemre  pikon.

        

                  

       Rruga për në qiell  e vështirë...

    

     Ajme,

     Ati im   që je në qiell

     U bëftë vullneti yt !

     Vërtet nuk jam një  Don Zhuan i vonuar

     Por s jam as shenjtori Jezu Krisht.

     

    

Postoi: spiritus

31 Komente
Trego/Fshih të gjitha përgjigjet ndaj komenteve

zbutja_e_kryeneçes - 18 Dhj 2008 - 12:12pm

Ruaj mendte e kokes spiritus Smile

Hi !

Poezi e bukur!

no_nickname - 18 Dhj 2008 - 12:45pm

Poezi e ndjere spiritus.krijimet e tua qe kam hasur ketu me pelqejne te gjitha pa perjashtime....madje madje dhe komentetet e tua Big Grin :D

komplimente.

melard - 18 Dhj 2008 - 2:12pm

Ouuu, madherishem!

Me sinqeritet po ta them qe kjo eshte poezia e pare nga ty qe me pelqeu shume. Kjo poezi do lexuar ne mesnate.

Jashtezakonisht e mrekulluar nga ndjeshmeria dhe vargje fisnike. Je kaq i plote ketu.

 

10 me yll

tropizma - 18 Dhj 2008 - 2:55pm

Kjo mund ta kishte titullin edhe 'martese' Smile

Spiritus, ideja eshte e vlefshme. Por edhe ketu gjen vend verejtja e abcyzzh-se per trinitetin monoton emer - mbiemer - emer, si vijon:

Gjak i përpurt trëndafilash

stinë të re tundimesh

vise  të reja dëshirash

pasqyrash  të thyera kujtimesh,

vezullime  maja thikash

 

Me pelqeu perdorimi i Uliksit, rikrijim/krijimi (atribut qe nuk ia merr dot te madhit) dhe rruga e veshtire. Ka mendim poezia.

losttext - 18 Dhj 2008 - 9:09pm

tropizma,

nuk mendoj qe "problemi" eshte dhe aq trinomi i perfolur emer-mbiemer-prapemer, sepse ketu kemi te bejme me nje ndertim figurativ metaforik i cili, per vete natyren e tij kapercyese ndaj thatesise gramatike te formulimit, mund dhe duhet ta coje lexuesin ne ato nivele emocionale qe synon dhe autori.

Eshte e vertete, ky ndertim behet ca "vetevrases" kur perseritet me shume se duhet, dhe shume "vetevrases" kur nuk eshte i gjetur. Kjo e fundit, mendoj, eshte edhe matesi me cilesor i nje poezie.

sol-nocturnus - 18 Dhj 2008 - 9:28pm

Nuk mund te isha me dakord se kaq me losttextin.

macia_blu - 18 Dhj 2008 - 3:07pm

Poezi e bukur! ka mendim ka ndjenje dhe  strukture.!

 Vargu i fundit fare, eshte delkarate  e asaj qe ke thene gjate gjithe poezise. Mund ta mbyllesh tek vargu"nuk jam Don zhuan" , se ate qe nuk je jezus, e thote poezia  gjate gjtihe kohes.  Keshtu duke mos e permendur jezusin , i jep  forcen qe duhet te kete realisht vargu:

Nuk jam don zhuan i vonuar...

..Ati im qe je ne qiell

u befte vullnesa jote

Amin!

 (pra ti nuk je don zhuan, por vullnesa e atit  edhe mund edhe te te beje .)

...

Nejse se po me duket vetja si abc-ja. Smile

Ky krijim eshte POEZI!

Urime!

 

 

zarathustra - 18 Dhj 2008 - 3:28pm

Mire qe u ktheve ne identitet, se andej nga Saviano m'u duk sikur kishe pi ndonje dopje._nice_

Per te dhene nje mendim me objektiv per poezine , can 'u tell, how old 're 'u?

Idris - 18 Dhj 2008 - 4:04pm

Poezi me ndjenje dhe bote.. urime..Jam aty me macen ....mund te mbaronte me "shenjtor" pa e permendur jezus ose tjeter...Kam edhe nje paqartesi te vogel.."""""Zahir""""- nuk po i jap dot dum . Ne se eshte Zefir- fryu si fllad , si zefir.. OK...ne se eshte dicka tjeter  ki miresine te me sqarosh.

emigrant - 18 Dhj 2008 - 4:27pm

You never make a saint of me, tha...  :) 

spiritus, dua te ve ne dukje mbidozen e deklamacionit ne krijimet qe te kam pare ketu. C'ka nuk eshte domosdoshmerisht nje gje e mire apo e keqe; eshte thjesht konstatim dhe nje fare alert-i (syceltesie) per sensin e mases.

Pa ndonje lidhje kushedi ce, thjesht ngaqe jemi tek menyra (rhetorika) e shprehjes, me erdh ne mendje ajo puna e kafes qe thote diku driteroi. Pak a shume, edhe per te pire nje kafe, thote devolliu, ka lloj lloj menyrash, sipas rastit; kur nuk e njeh fare dike, thua "a mund te pime nje kafe bashke, zotni?", kur e njeh dhe e nderon shume dhe ka distance mes jush: "do ishte kenaqesi te pinim nje kafe se bashku"; dicka me shume afersi: "a mund te pime nje kafe?"; dora jone: "(h)ec ta pim' i kafe"; por, vazhdon agolli, ne asnje rast nuk themi "perpara shoke, te pime nje kafe!".

danida - 18 Dhj 2008 - 4:33pm

...eshte zahir, si zahiri i Paolo kOEHLOS, dmth gur i çmuar.... me verte e thelle kjo pune, ene e shof qe ju ka thellu ne ju t'gjithve.

Gjithsesi e un menoj zoti i rujte mend e krese, amen !

 

sol-nocturnus - 18 Dhj 2008 - 9:28pm

Zahiri i Coelhos nuk eshte gur i cmuar, eshte koncept i huazuar nga kultura arabe-islamike, qe ka dimensionin e vet filozofik-teologjik, por dhe dimensionin e vet poetik-letrar...

Idris - 18 Dhj 2008 - 5:05pm

Tani kembengul Smile qe duhet ta zevendesosh patjeter sepse ... ndersa po kerkon nje relax shpirteror (si flladi) nuk mund ta shndrrosh ate ne "material" qe eshte nje cilesim i shkeputur ose parandjesor (si floriri etj gure te cmuar) ...As mos e ver ne pulle kemnguljen time Smile. Prape e kendeshme dhe ndjere.

Perparim Hysi - 18 Dhj 2008 - 7:07pm

Dhe une,pak vone,te pershendes ,spiritus,per poezine aq te bukur.

Av - 18 Dhj 2008 - 7:35pm

Spiritus, poezia shume fisnike.

vetem keto ndajfoljet kercenueshem, deshperimisht etj e bejne disi te larget perceptimin, e vrasin intimitetin, qe poezia e do me domosdo.

miqesisht

xheni - 18 Dhj 2008 - 8:09pm

ç'paskeni qene per poezi ju meshkujt! e vetmja gje qe beni shkelqyshem:-))

shkrepse,kujdes mos digjesh!

emigrant - 18 Dhj 2008 - 8:22pm

xhen, ne jena si mjerimi, nuk dona mshir', vetem te drejte...  :P  :P   (mos me na e honger hakun, m'i llaf... asigjo mo shum... hihihiii  )

edrus (jo-anëtar/e) - 18 Dhj 2008 - 9:41pm

Në mungesë çokollatash (pallati 176) të gjithë djemtë "frymëzohen"... ke parë ti të bëjë poezi ndonjë që mund të ofrojë çokollata?! ;)

Ksanthipi - 18 Dhj 2008 - 8:15pm

ç'paskeni qene per poezi ju meshkujt! e vetmja gje qe beni shkelqyshem:-))

Hajdar Bukuroshi - 18 Dhj 2008 - 8:29pm

poezi koti, lol. 

xheni - 18 Dhj 2008 - 8:38pm

EM,e thash shume sinqerisht per ato ç'ka kam lexuar,vertet ju heq kapelen,per te tjerat ......s'di gjo .

emigrant - 18 Dhj 2008 - 8:44pm

thone qe ignorance is bliss... harrojne me shtu: or missed opportunity...  ec e gjeje, xhen. po c'na e zu, thuj, e s'e hoqem  :D  

xheni - 18 Dhj 2008 - 9:03pm

 adhe ti  missed opportunity o çuno.incredibìììle hi,hi

emigrant - 18 Dhj 2008 - 9:06pm

:)  :)  he me se ashu themi....  nga goja s'vjen gje...  thone...  Wink    :P  :P 

PS do na beje lanet autori i prurjes. Na e bej hallall...

xheni - 18 Dhj 2008 - 9:16pm

eshte shpirt ai e kupton ha ha

sol-nocturnus - 18 Dhj 2008 - 9:32pm

Me pelqen trajtimi i mungeses dhe boshllekut si burim frymezimi, si dhe alternativa joshese e rimbushjes se boshllekut (rigjenerimit te brendshem)

Vetem fjala medet dhe ajme nuk me tingellojne mire, si dhe pershtatje e Atit Tone (lutjes), thjesht per faktin se jane teper te perdorura gjetiu nga shume krijonjes.

Poezia shume e mire, historia po ashtu shume e mire Smile

spiritus - 20 Dhj 2008 - 12:28pm

Flm te gjitheve per leximin, komentetet dhe sugjerimet shume dashamirese.

Kam qene ne udhetim dhe s pata mundesi te jem pjese e diskutimit .

Komentet analitike per tekstin i gjej shume te dobishme .Vrejtjet per njefare doze  deklamacioni (Emigrant),per  ndertimin e metaforve dhe shkallen e percjelljes se emocionit (Losttext) ne raport me mendimin, per   mbylljen (Macja) ,per trinitetin emer-mbiemer-emer(Tropizma) i marr ne konsiderate jo thjesht per te bere modestin por si vrejtje qe vijne prej lexuesit me sqime dhe egzigjent. E kuptoj. Nuk mjafton vetem te percjellesh nje mendim.Duhet dhe veshje artistike fine dhe e kadifenjte.

Pyetjes se Idrizit per domethenien e Zahir i eshte pergjigjur Danida dhe Sol.Me  fjalen "Zahir" mund te luhet: si Zefir (nje fllad perkedheles aty ku  ka humbur cdo ndjesi)  si Zeher ( se dashuria eshte e embeleee, por do na hidherojeee:)

Megjithate po citoj shpjegimin e bere ne hyrje te romanit Zahir te Cohelo:

"Sipas shkrimtarit Jose Luis Borges, ideja e Zahirit vjen nga tradita islamike dhe mendohet te jete cfaqur rreth shek.18.Zahir ne arabisht do te thote i dukshem, i pranishem, qe nuk mund te kalosh pa u vene re.Dicka ose dikush qe, si ka vendosur nje kontakt me ne me pare, vjen e  pushton dalngadale mendimin tone, deri ne ate pike sa nuk mundemi te perqendrohemi ne asgje tjeter.Dhe kjo mund te konsiderohet si shenjteri ose si cmenduri".

Faubourg Saint Peres, Enciklopedia e Fantastikes, 1953.

Zahir, Uliks, Don Zhuan -jane tre nyjet lidhese te struktures se poezise. AJO qe dikur ishte  dikush tashme per unin poetik eshte kthyer ne "Zahir" ."Uliksi" pasi ka lene mbrapa "Trojen" e shkateruar( mijra pasqyra kujtimesh te thyera  ) endet ne brigje te reja deshirash dhe tundohet nga dy sy(kam njohur sy , oh ata sy. :) Te kalosh neper kete bote permes  ciklonit femror, te  besh te shenjtin dhe te mos tundohesh nga  shigjtat e Kupidit, a nuk do ishte nje   heroizem dhe privim i padrejte?Smile Dashuria kshu vjen, si cmenduri dhe shenjterim njekohesisht.

Flok ke te drejte kur thua: Zoti qofte meshireplote me ty Spiritus:) Mendjen ne koke!!

Ju pershendes, miqt e mi.

Bulkthi - 20 Dhj 2008 - 5:23pm

mbase: cdo dite ndjej sesi rrezohet ajo ngrehine (tempull) ditesh te bukura me ty.  Arkitektura? nuk e di! Tjeter here futi tjeter boje, beje si Edi, e mos prish gje. Ndrysho emrat, pa perjetimet njesoj jane!

Mesa duket enden akoma romantike mbi fytyre te tokes!

Zana - 20 Dhj 2008 - 11:54pm

Spiritus!Pergezimet e mia me te mira per poezine...Edhe te angazhuarit i kapka Zahir-i  :)Une nuk ndjeva aq deklamime,perkundrazi nje fare dhimbjeje qe Kupidi perseri.....Zahir -sipas Coelho-s eshte nje fare dashurie ossessive,pa shpetim,qe nuk e shmang dot;qe ne menyre natyrale ul çdo lloj barriere para saj e thua :""u befte vullneti yt"....Nuk do kisha dashur kurre te isha ne vend te bashkeshortes tende ne kete periudhe.... Smile :) Smile

spiritus - 21 Dhj 2008 - 12:35pm

 

Bulkthi

Mesa duket enden akoma romantike mbi fytyre te tokes!

Pse jo mer Bulkth .Mbase jo si ata romantiket e dikurshem por perseri  njeriu modern ka caste qe ndjehet roomantik .Edhe kur Kupidi vjen permes sinjaleve kibernetike:)

"Tempulli" asocion me dicka te shenjte, me frymen dhe shpirtin dhe mbase ke te drejte.  "Arkitektonika" e diteve me tingellon me njerzore dhe tokesore.

Zana , edhe te angazhuarit jane mekatare, mish e gjak, endra e pasion padyshim:) Ti je "infektuar" nga propaganda antikomuniste qe i paraqet revolucionaret si njerez pa ndjenja , automate dhe instrumenta ne sherbim te nje ideali suprem Smile Jo moj Zana , une nuk jam E KUQJA Smile

Perendia eshte dashuri dhe dashuria na con  prane Atit qiellor

Luka-Dhiata e Re Smile

edrus (jo-anëtar/e) - 21 Dhj 2008 - 12:52pm

Sapo qënke kthyer nga kisha?

E kush tha që nuk mund të gjëndet frymëzimi kudo dhe në çdo gjë? :P

Identifikohu ose regjistrohu për të dërguar komente