Jemi të gjithë grevistë
Një numër anëtarësh të Kuvendit të Shqipërisë janë futur në një grevë urie. U bënë më shumë se dy ditë që janë të ngujuar në sallën parlamentare, ku rëndom mbahen seancat plenare e ku dy partitë e mëdha janë bërë gati të miratojnë shpejt e shpejt një kod elektoral, që u vjen pas midesë veç atyre e që penalizon në mënyrën më të palogjikshme e më të papranueshme Lëvizjen Socialiste për Integrim.
E pikërisht për këtë arsye, kjo e fundit ka ndërmarrë këtë iniciativë spektakolare dhe ekstreme. Ilir Meta e të vetët asistohen në këtë ndërmarrje edhe nga dy a tri deputetë demokristianë.
Në gjithë këtë që po ndodh këto ditë e drejta është në anën e grevistëve. Të kuptohemi, nuk është ndonjë e pabërë ta përjashtosh LSI-në nga diskutimet mbi thelbin e kodit zgjedhor, pasi këto diskutime morën qysh në krye të herës formën e një loje "zero-sum", rrjedhimisht njëra palë do të fitonte atë që humbiste tjetra. Më fjalë më të varfra e më të qarta, për sa kohë që PS-së i ishte mbushur mendja për variantin spanjoll e përsa kohë që LSI-ja veç këtë variant nuk donte, diktati i të parës mbi kurriz të së dytës ishte një gjë e pritshme (për mua, ky diktat ishte dhe i udhës, pasi varianti spanjoll na e thjeshton pakëz skenën politike e na heq qafe ca lojtarë, të cilët nuk i duhen as dreqit. LSI-ja, për shkak të një peshe të madhe elektorale, por jo për shkak të ndonjë roli a funksioni të dëshirueshëm politik, nuk bën pjesë në këtë grup lojtarësh). E vetmja keqardhje ka të bëjë me faktin, që nuk u bë asnjë tentativë për dialog, nëpërmjet të cilit mund të afroheshin apo puqeshin qëndrimet.
Mirëpo, punët janë ndryshe me vendimin për ta përjashtuar LSI-në nga e drejta për të pasur anëtarë në komisionet zgjedhore të të gjitha niveleve. Në ndryshim nga diskutimet mbi thelbin e kodit zgjedhor, në të cilat mund të mendohej se çdo kompromis do të denatyronte e bastardizonte variantin gjenuin spanjoll, në diskutimet mbi komisionet zgjedhore çdo kompromis ishte i mundshëm dhe i këshillueshëm. Sa kohë që partitë e mëdha nuk kanë rënë dakord lidhur me kompozimin jo partiak të komisioneve zgjedhore, çfarë do ta gjente demokracinë shqiptare, nëse do të vendosej që komisionet zgjedhore të kishin në përbërje anëtarë të të gjitha partive parlamentare? Do të rritej kostoja e procesit dhe e procedurave? Apo do të bëhej më e vështirë vendimmarrja brenda komisioneve? As njëra, as tjetra; ndryshe, nuk do të binin dakord që në këto komisione të marrin pjesë përfaqësues të PSD-së e të PR-së. Hajde e merre vesh se pse këto dy partitë e fundit, pesha parlamentare e të cilave është fantomatike dhe e stisur, u dashka të jenë të përfaqësuara përpara LSI-së në komisionet zgjedhore të të gjitha rangjeve!
Është e qartë që Ilir Meta ka thjesht hallin e vet në këtë betejë, e në këtë kuptim personalisht nuk impresionohem shumë nga tonet idealiste të protestës së Ilir Metës. Përkundrazi, këto tone idealiste ta shpifin; ta shpifin po aq sa goditja që po i japin pas shpine të tjerët. Ilir Meta as që e vë ujin në zjarr për votën e lirë, për demokracinë, për shtetin e së drejtës. Por kjo s‘do të thotë, se ai s‘ka të drejtë. Ka të drejtë që ç‘ke me të, pasi dy të mëdhenjtë po i provojnë të gjitha me qëllimin për t‘i zvogëluar peshën elektorale. Po përpiqen t‘i minimizojnë ndikimin politik. Po përpiqen ta bëjnë këtë, jo atje ku mund e duhet të bëhet, d.m.th në fushën e mejdanit, por atje ku s‘mund e s‘duhet të bëhet, d.m.th në tavolinën e rregullave të lojës.
E përsëris, nuk është ndonjë hatá që penalizohet Ilir Meta e partia e tij (për këtë them gjithë ditën e ditës se teknikat spanjolle të ndarjes së mandateve parlamentare nuk kanë të sharë); por është hatá amá, që ky penalizim nuk bëhet në emër (apo për shkak) të synimit për të përmirësuar e bërë më eficiente demokracinë shqiptare; përkundrazi, bëhet në emër (apo për shkak) të interesave të një tandem-i, që po bën çdo gjë me mirëkuptim xhambazësh, nën rrogoz e duke na hedhur hi syve ne të tjerëve. Ajo që po ndodh, jo vetëm është shumë e dëmshme, por është dhe shumë e shpifur: gjithë procesi i vendimmarrjes në funksion elektoral, politik, institucional, legjislativ e nacional na është shndërruar në një udhëtim vajtje-ardhje në itinerarin Edi Rama-Frangaj&Fevziu - Sali Berisha. Dëshiron Rama/Berisha të marrë një vendim? Menjëherë merr në telefon dyshen Frangaj&Fevziu, dhe këta të dy marrin menjëherë takim me Berishën/Ramën, me të cilin kopsitin detajet. Më pas vjen vendimi.
Kjo situatë do të meritonte një përgjigje, por jo nga Ilir Meta e jo me Ilir Metën. E dini pse? Meraku i këtij të fundit nuk është ky itinerar me tre stacione që zëvendëson e by-pass-on procesin ligjor e kushtetues të vendimmarrjes në republikën tonë, por fakti që një nga tre stacionet nuk është ai vetë. E megjithatë, në ngjarjen e këtyre ditëve duhet të jemi me Ilir Metën për një numër arsyesh. Së pari, Ilir Meta nuk është në këtë mes viktimë e një gare (unë vetë do doja që ai të mundej për fare në një garë), por është viktimë e një hileje të pistë; së dyti, kjo hile nuk rëndon vetëm mbi të, por po synon të spastrojë fushën prej të gjithë agjentëve "armiqësorë"; e së treti, askush nuk e di se ç‘janë duke përgatitur dy të mëdhenjtë (edhe ata vetë nuk e dinë se si do të jetë fundi i kësaj odiseje elektorale, në të cilën Rama ka bërë atë që ka dashur Berisha dhe Berisha ka bërë po njësoj atë që ka dashur Rama. Kush do të fitojë?).
Ka dhe një pikë të katërt që na hap barkun e që na risjell në mendje regjimin policor të Saliut të parë. Po na shohin sytë gardistë të partisë e të pushtetit që bllokojnë lëvizjen e deputetëve, po na shohin sytë shefin e gardistëve, që më të lehtë e ka të dalë e të na japë shpjegime në televizion (këtë i thotë Berisha), se sa të marrë kontakt me përfaqësuesit e popullit të ngujuar në Kuvend (këtë duhet t‘ia thotë logjika), po na shohin sytë që TVSH-ja dizinformon pa pikë turpi (grevistët duan të fusin ushqime -ky ishte një nga lajmet e dhëna nga ky televizion), po na shohin sytë pajisje të bllokimit apo të zhurmimit të sinjaleve të telefonisë celulare, fikjen apo gradimin në të ftohtë të kondicionerëve në sallën e parlamentit, e provokacione të tjera të kësaj natyre që mund t‘i pjellë veç mendja e atij që nuk la provokacion pa bërë ndaj një populli të tërë në periudhën 1992-1997.
Edi Rama, jo vetëm po e bën sehir këtë gjë, por edhe po bashkëpunon me Sali Berishën; po bashkëpunon me demek për ta mundur në zgjedhjet e vitit të ardhshëm. Po sikur të humbasë (dhe me siguri që do të humbasë në këto rrethana, pasi lojën e kontrollon Berisha)? Kjo është pyetja e parë që ngrihet. Dhe pas kësaj pyetjeje, vjen një arsyetim: edhe sikur të fitonte Edi Rama, i cili me sa duket s‘e ka për gjë të këmbejë një fitore zgjedhjesh me një heshtje totale ndaj korrupsionit të Sali Gërdecit e të familjes së tij, kjo fitore, tok me fituesin, nuk do t‘i duheshin askujt. Do të ishte një fitore e ngritur mbi kompromise të paprincipta, dhe mbi këtë bazë nuk mund të ngrihet gjë tjetër, veçse një pushtet korruptiv e i korruptuar.
Është koha që të kthejë mendje. Është koha që t‘i kthehet komunikimit me pjesën tjetër të opozitës e t‘i bëjë naftën bashkëpunimit me pushtetin. Askujt (as Ramës e të vetëve, as Berishës e të vetëve, as ne të tjerëve) nuk i duhet në këto momente një bashkëpunim në stil e në front të gjerë maxhorancë-opozitë. Nuk ka asnjë urgjencë për një bashkëpunim të tillë. Kanë mbetur tetë muajt e fundit të kësaj legjislature, e për këtë arsye opozita duhet t‘i kërkojë pushtetit thjesht përmbushjen e detyrimeve e premtimeve në funksion të mbarëvajtjes së zgjedhjeve. Vetëm kaq. Por përpara se të bëjë këtë, Edi Rama duhet të bëjë një hap prapa, e t‘i hapë rrugë ridiskutimit të mënyrës së kompozimit të komisioneve zgjedhore, të cilat ose duhet të jenë jo partiake (kjo do të ishte zgjidhja më e mirë), ose duhet të kenë në përbërje edhe përfaqësues të LSI-së. Çdo zgjidhje tjetër është për t‘u refuzuar.
Vlerëso këtë shkrim
Komentet e fundit
- eklipsi thote: 1) Për korrigjimin e parë mendoj se gabohesh ... Ashkla
- Bariu thote: Autoqefalia e Kishes Ortodokse Shqiptare (dhe jo te Shqiperi... Përshëndetje Imzot Fan S. Noli!
- vlonjati75 thote: Kjo maushaqja eshte manush me duket...pu pu na turperuan :P Ruzhdie di gje ku... Dedektiv privat ne Tirane?
- Monda thote: :). Me shijoi :). - U ngrinë ujëvarat mbi Donnersbach
- vlonjati75 thote: Jo eshte nje shprehje qe ka lidhje me te thenet, te shkoj diku ,pra urdheron ... Urdhëro e lodhu, ec vetë e prëju
- Dushku thote: Gjeneza - Naser Aliu Në fillim ishte Kryefjala... Një natë me ty
Postime të tjera
- Rrethimi politik i Berishës - 7 Sht 2009
- Zgjedhjet, tok me vendin, jane ne rrezik - 25 Jan 2009
- Kodi, 9 deputetë në grevë urie - 6 Nën 2008
- Ilir Meta në grevë urie, Topalli i heq ngrohjen - 11 Nën 2008
- Po sikur 28 Qershori të konfirmojë ZOGBY-N e prillit? - 11 Maj 2009
50 KomenteTrego/Fshih të gjitha përgjigjet ndaj komenteve
Shënim administrativ: të djathtë e të majtë, ju lutem shumë të mos t'a bastardoni temën me militantizma.
Po me c'fare ta bastardojme Penar? Me duartrokizma?
e vertete t_red. o militantizem, o duartrokizem... ah, ca na ka gjete. duhet me i mbush mendjen dhe ketyre taneve
Une jam me Mustafain. Nuk jam perkrahes i LSI-se, as nuk do votoj per ta vitin qe vjen, por qe t'u mohoet e drejta ketyre te kene perfaqesuesit e tyre ne komisionet zgjedhore (lokale) me duket e padrejte. Reduktimi i numrit te komisionereve, redukton ne fakt perfaqesimin e partive te vogla dhe njeheresh rrit prezencen e perfaqesimit te partive te medha ne keto komisione. Rrit keshtu edhe gjasat per pazare ne tavoline me voten time...
Nuk ka pse gjendja te degradoje deri ketu.
Ndihem i zhgenjyer qe nuk gjej ne politike asapak vullnet te mire per hir te Shqiperise. Aspak tolerance, "tjetri" thuajse nuk ekziston...
Le te kete votuar nje shumice per keto ndryshime te kodit, kjo nuk i ben ndryshimet te drejta. Kjo eshte tirani, sado te sheqeroset me argumentin e "shumica vendos" - nese nje shumice vendos qe te me vjedhe, une kesaj shumice i them shkurtimisht: F.U.!
Varianti spanjoll eshte...cfare? Prit kur te na mbije Katalonja me gjithe katallane ndonje dite.;(
Me duket se e kemi nje fare Katalonje ne ketu. Mos harro se minoriteti grek eshte i perqendruar vetem ne dy qarqe dhe sistemi i ri zgjedhor i siguron minimalisht 4 deputete, aq sa nuk ka pasur asnjehere.
Pavaresisht greva ka nje baze te drejte, se ne shqiperi po nuk pate njerez ne komisione, nuk te ngelet nje vote. E duhet gjetur nje zgjidhje qe cdo parti te ket mundesine te vezhgoj e ruaj voten e saj, se kjo ka te bej dhe me legjitimitetin e gjithe procesit.
Pavaresisht asaj qe shume nga keta qe jane ne greve jane njerez qe vete kane vdekur politkisht, e na kerkojne ne ti riciklojme.
Ndoka do qe sot deputet i PD e i sigur ne liste ne shkoder, po zgjodhi te hidhej nga Pollo te PDK, e tallej me te tjeret, e mirte poste. Sote ngeli pa gje faji i tije.
Meta edhe ky, po te qe me i duruar, e ta mbante veten pak me me kembe ne toke, sot do qe ne PS e ndoshta drejtusi i saj pasi Nano te ikte, pasi qe e eshte akoma i ri.Vete beri vetvrasie nga qe ju rit mendia.
Mund te them se Pellumb Xhufi e Spartak Ngjela, jane nga te paktet deputet qe meritojne me plot goje te jene ne ate salle, e do jete keq ti leme te ikin.
Rama do bente mire qe te hapte nje dere per ata te LSI qe kane vlera, kane dale nga PS e jane prodhime te saj e sduhet humbur, e tu linte nje mundesi se psh njerez si Pellumb Xhufi e meritojne te perfaqesojne te majten ne parlament. Qofe dhe Meten po ndryshoi mendien ta kete nje mundesi nga PS, qe eshte e madhe e te tregohet si e tille.Kjo do forconte PS e do ulte vleren e revoltes se LSIse.
Kjo greve me kujton, greven e te ndjerit Arbnori, pikerisht per ate qe Mustafai thote pak me larte. Ceshtja eshte qe me sa po na shohin syte, Arbnori arriti dicka me greven (vetesakrifikuese per mendimin tim) qe beri, por nuk arriti qe te perconte edhe me tej, pikesynimin e tij. Dizinformimi i TVSH-se vazhdon...
Une besoj se LSI do arrije dicka me kete greve, minimalisht do te permiresoje kete fjali te Mucit: "E vetmja keqardhje ka të bëjë me faktin, që nuk u bë asnjë tentativë për dialog, nëpërmjet të cilit mund të afroheshin apo puqeshin qëndrimet".
Ceshtja ama ende qendron. A do te mund qe dialogu shumepartiak te arrije ate qe kerkohet, dmth. shanse te barabarta, apo do te kthehet ne nje skenar te dyte te greves se Arbnorit?
PS: Kjo eshte nje nga heret e pakta qe arsyetimi i Mustafa Nanos me gjen 100% te atashuar me te. Nuk eshte si disa opinione te tjera qe kam lexuar per kete ceshtje, te tipit: Mire ja bejme, se edhe ai si ne eshte.
LSI-ja pas mareveshjes Berisha-Rama kishte nje mundesi te madhe e nje shanc nga e majta.
Mendoj nuk e fshrytezoi, e thjeshte cdo gje vete si me pare, zenie e thjeshte grupesh pa asnje gje me teper ne politike. Kjo ndoshta tregon se ska asgje tjeter me shume per te afruar.
Meta eshte nje oportunist qe shanci e vuri ne krye te se majtes, po nuk eshte ideolog ose njeri te prodhoj politike majtas. Mburia e tije ishte qe si kryeminister qe njeri i veprimit, po te krijosh e mbash nje levize politike, e aq me teper nje historike si majtas do shume me shume.
Duhet thene dhe Rama eshte i njejte, e qenia te njejte ben kete perplasie koke me koke, e asnjeri nuk shfrytezon situaten. Rama kuptohet ka epersine se ka PS, partine kryesore te opozites, e me marveshjen me Berishen vuri monopol nga e majta.
Eshte per te ardhur keq qe e majta nuk shfrytezon mundesite e medha qe ka ne shqiper, e nga renia e saj gjithnje fiton nje njeri si Berisha.
Me nje te majte profesioniale e te afte, Berisha thjesht do qe i vdekur politikisht , qe nga 90tea e deri sot. Degjenerimi i te majtes solli dhe fenomenin Berisha, qe dhe vete eshte ishkomunist, e ca me ironi thone kemi tre te majta Berishen, Ramen, Meten.
Duke u bazuar ne historine e grevave te usise ne bote dhe ne historine postsocialiste te Shqiperise, ne opinionin time, ato jane forma me e trashe e luftes per demokraci te vertete. Njerzit politikane shpesh here i shmangen luftes se drejtperdrejte me kundershtarin pasi shohin tek greva e usise rrugen me te thjeshte per te fituar admirimin e njerzve "zemer pula". Kurdohere pas cdo greve urie nuk ka vonuar represioni ne forma nga me te ndryshmet.
Pavaresisht greva ka nje baze te drejte, se ne shqiperi po nuk pate njerez ne komisione, nuk te ngelet nje vote.
The falemiknderit Bledialb
Nuk e kam patur te qarte asnjehere kete greven e tyre Ju ma shpjeguar Sinqqerisht te faleimnderit
Ne shqiperi po nuk pate njeri ne komisjon nuk fiton asnje vote. Pra ne shqiperi vleren nuk eka populli votues por komisjoni i votimeve.
nenkuptimi se votat vidhen ne komisjon.
Atehere them se greva eshte e padrejte. Duhet nje greve per te mos vjedhur votat jo greve qe te kem nje njeri ne komisjon qe te vjedhe edhe vete ca vota.
KJo grene mund te jete shprehje e mos beismit ndaj procesit te demokracise se votimit por duke pare se kush e zhvillon ( bashkhajdutet e vjedhejve ne keto 20 vitet e fundit) aterehe nuk besoj se kjo eshte arsyeja. Arsyeja e kesaj greve eshte te mos u hiqet partive te vogla e drejta per te vjedhur njesoj si te medhate.
Grevat e urise ne Shqiperi jane te diskretituara (hiq ate te Pjeter Arbnorit).
Jane kthyer ne te kunderten e demokracise, mjet intolerance per presion e imponimi politik.
Nisur qe nga greva e pare qe u be per heqien e emrit te Enver Hoxhes nga universiteti, menjehere sa ndodhen ndryshimet e dhjetorit e studentet rierdhen ne Tirane. Pa i dhene kohe vendit te pertypte ndryshimin, e behej gjati e cdo gje behej me regull ne nje proces demokratik politik e qytetar, u futen ne nje greve qe ishte PURO PRESION POLITIK PER PUSHTET NGA OPOZITARET E RINJ, pa pyetur dhe po vente vendi ne anakri e prishje,ERA E PUSHTETIT I DEHU. Se emri i Enverit do ti hiqej e dihej me rruge demokratike, nga parlamenti i ri e sipas ligjeve e regullave, e skishte asnje dyshim per kete.
Te greva e 97 e studenteve ne Vlore ku e majta i ktheu reston PDse, e madie njerez u masakruan ne sallen e greves ne menyre barbare.
Beteja politike eshte e gjere, e ka shume mundesi pa vajtur ne ekstrem e pa perdorur greve urie per cdo gje.
Shume nga keto parti e individe kane humbur politikisht nga zgjedhjet qe kane bere ne te kaluaren e duhet te pranojne humbien, e te gjejne motive e menyra te rine ne politike, e mos vene te ekstremi, te greva e urise si menyra e vetme e gjetur ne Shqiperi per te keto raste.
Ligji i ri elektoral ka kohe qe diskutohet dhe nuk eshte e vertete sic kerkon te mendoje autori i artikullit
.....dy partitë e mëdha janë bërë gati të miratojnë shpejt e shpejt një kod elektoral....
dhe nuk ka nevoje ti uli vlerat. Nuk eshte nje kod elektoral, eshte Kodi Elektoral, trajte emerore. Tjeter pune eshte se nuk je dakort, atehere eshte detyra jote qe te mbrosh pozicionin tend me analiza te verteta e jo me percmime baresh.
Nese autorit te artikullit nuk i pelqen forma e re e Kodit Elektoral, te mos ankohet pastaj per faktin qe parti inekzistente vazhdojne te vegjetojne ne krah te PD e PS, te mos ankohet qe PR ka 11 deputete (!) pa asnje merite, te mos ankohet qe shume politikan mbeten evergreen pa asnje baze elektorale dhe ideologji politike.
Ndryshimi i Kodit elektoral kerkohet si nga PD, si nga PS, si nga te huajt e mbi te gjitha nga nevoja per nje parlament sa me besnik opinionit politik te vendit.
Po pikerisht per kete nuk eshte e drejte greva, se ne te nuk kerkohet permiresim i demokracise, por ndarje e barabarte llokmash dhe kjo nuk na hyn fare ne xhep....
Nje greve do ishte e drejte nese:
A) Do te kerkohej komision votimesh administrativ, ne vend te atij politik...Mund te mendosh forma te ndryshme te ketij komisioni... por sigurisht ky do ishte nje hap perpara.
B) Te kerkohej numerin elektronik, qe do te permiresonte ndjeshem demokracine dhe zbrazte nje pjese te madhe te tensioneve...
Deri me sot komisionet e votimeve kane qene problemi me i madh i zgjedhjeve ne vend, vendi i konfliktit, vendi i krimit, i vrasjes i vjedhjes etj etj.. Ilir Meta dhe Nard Ndoka, nuk jane duke kerkuar drejtesi, por ushtarin e tyre te armatos qe do te tentoje te vjedhe, por edhe te mbroje me "pushke" ne dore voten e tyre... te cilen pergjithesisht e blejne apo e fitojne ashtu sic mund te fitohet pa ide, pa permiresim...
Une nuk mund te behem me nje pale thjeshte se kerkesa e tyre qenka "e drejte", kur sic thote Mustafai ata nuk po e kerkojne per te bere drejtesi, por per te perfituar nje llokme... Uqerit mund te kene te drejte te kene te njeten sasi te mishit, por kjo nuk me ben mua automatikisht ti jap te drejte ujkut, deri sa ne fakt une jam duke bere tifozllik per viktimen e tij....
Fakt eshte qe Ilir Meta ishte pjese e dushkut kur dushku u shpik dhe nuk doli ta kundershtonte... pse duhet ete besoj qe kerkesa e Metes apo e Ndokes nuk ka per qellim sot shpikjen e nje forme tjeter hajduterie??? Te dy kane dhene prova qe e bejne kete ne menyre mjaft te mire apo jo?
A do te ishte po keshtu e drejte qe duke u nisur nga kerkesa e Metes te gjitha partite politike shqiptare (qind e kusur) te kerkonin perfaqesi ne komision??? Sigurisht qe po... A do ta permiresonte kjo sistemin... Nuk e besoj...
Cfare rendesie ka per delen nese llokmat mes uqerve ndahen njelloj apo ne menyre te padrejte...????
Le te dalin sot dhe te bejne greve me kerkesa qe do et permiresonin sistemin zgjedhor dhe garantonin demokraci me te mire dhe do tu bashkohem pa piken me te vogel te dyshimit...
Kjo do te thote qe Meta nuk ka te drejte te ankohet, sepse edhe ai ua ka fut te tjereve. Ne te njejten llogjike edhe Berisha e Rama nuk kane te drejte t`ja fusin Metes, sepse edhe ata e kane bere me pare. Ne te njejten llogjike nuk duhet te behet asnje ligj, sepse politikanet tane e kane pas me te futur ndaj njeri-tjetrit. Keshtu qe te kalojme ne anarki. Une e di qe kjo i pelqen Krastes po nuk eshte zgjidhje...
Si nje nga pjesemarresit e ketyre grevave te urise (Gjirokaster ’97) e kam humbur besimin te kembengulja e antareve per te mos ngrene. Nuk ka asnje hall tjeter ne bote (dhe kete nuk e thksoj dot me teper) sesa kur te gerryejne zorret e stomakut. Duhet qe cdo problem qe te ka detyruar ty ti futesh greves te urrise te jete shume shume here me i rendesishem apo jetik per ty sesa vetja jote. Eshte akt shume vetmohues, e ate veti nuk e kane shume veta. Sidoqofte une me gjithe zemer shpresoj qe keta politikane ti qendrojne besnike greves te urise, e ta gjejne veten per here te pare ne poziten e asaj pjese te madhe te popullsise Shqiptare qe sot po vuan per buken e gojes. Mbase ashtu u vijne mend ne koke e ndergjegjesojne koleget per te luftuar per gjera qe vertet kane rendesi.Google,
Te ankohesh nuk eshte qellim ne vetvete. Rendesi ka perse ankohesh. Nese ankohesh sepse po ta fusin kjo eshte nje gje. Nese ankohesh se tu hoq e drejta tja u futesh tejtjereve sic ja u ke futur ne ketio 20 vjet kjo eshte nje gje tjeter.
Nuk ka moral per Meten apo keshtu dhe per Berishen dhe per Ramen qe te ankkohen per te futme kur kane 20 vjet qe ja u kane fut dhe po ja u fusin te tjereve (popullit) . Dhe ke te drejte kjo eshte anarnk po prandaj kemi anarki se asnje nga keta te futmit qe ja u kane fut nuk ka te drejte morlae te ankohen. Prandja ata duhen degdisur jashte vendint ku bejne greve , dhe sjelle disa qe e kane te futmen per turp ne ate vend qe eshte per tribune e popullit dhe jo vend per jashtiqitje nga ushqimet e grevave te urise.
Kete besoj ka thene Krasta kete kam then une diku me lart
Ish-punonjesi i PTT-se, Mustafa, tani anal-ist me fame, e bastardon shkrimin e tij me urrejtjen e papermbajtur qe ka per Sali Berishen dhe Ilir Meten, sa edhe ne kete rast qe jam dakort me te, ta ben shume te veshtire ta perkrahesh. Ne vend te nje opinioni per ceshtjen ne fjale, e kthen shkrimin ne nje trakt gjithe urrejtje qe nuk permban dot emocionet e tij prej nje njeriu provincial qe ka arritur ne metropol dhe ne rrethet e politikes dhe medias, pikerisht per kete gje, urrejtjen e tij qe i paguhet, per ta shprehur ne menyre bezdisese dhe acaruese ne shkrimet e tij dhe ne studiot televizive ku e ftojne, me keq se nje militant ordiner qe ne cdo rast dhe kudo nuk harron detyren per te share armiqte e betuar.
C`rendesi ka se per cfare e ben Ilir Meta, hallin e tij apo te tjerkujt, e rendesishme eshte qe ka te drejte. Ka te drejte qe si partia e trete ne mos e dyta (pa dushk) te kete komisioneret e saj ne komisionet zgjedhore, qe nga qendrori dhe te tjeret me poshte. Thelbi eshte tek sistemi, nuk eshte tek personi apo partia qe po e kerkon. Ose duhet te kete komisione zgjedhore jo-politike, d.m.th. anetaret te jene jo te propozuar dhe emeruar nga partite, me anetare dhe perkrahes te tyre, por punonjes te sektorit publik, si mesues etj. Ose nese mendohet qe te vazhdojne komisionet politike, atehere LSI-ja duhet te kete anetaret e saj per te kontrolluar votat e veta.
Edi Rama nuk po e ben sehir kete gje, sic shkruan Mustafai per te, ne tentative per t'i ulur pergjegjesine per sulmin ndaj LSI-se. Edi Rama eshte strumbullari dhe shkaktari i gjithe kesaj, pasi ka frike fuqine elektorale te LSI-se, prandaj kerkon ta shkaterroje duke mos i dhene mundesine te jete pjese e kontrollimt dhe administrimit te zgjedhjeve ne nivele komisionesh zgjedhore. Normalisht kete po e ben ne bashkepunim me PD-ne, por goditesi i LSI-se eshte Rama.
Jo kjo do te thote qe mua nuk me hyn ne xhep nese Meta ankohet, do kisha te njejtin qendrim nese ankohej Rama, Berisha, etj etj (nese nuk jam theksuar i paanshem ne shkrim e kam bere thjeshte per ta konkretizuar, meta eshte ne greve per meten flasim, po te ishte Rama dhe Berisha aq me keq per ta)... Perderisa ankesa e tyre do te synonte ruajtjen e llokmes se tyre apo vjedhjen e llokmes se tjetrit dhe jo permiresimin e sistemit... A garanton anetari i LSI ne kqz, kzz, kkz etj, zgjedhje te ndershme...???!
Kush me garanton se PS, LSI, PD etj nuk do tentojne blerjen e anetareve te komisioneve reciprokisht (Psh blerja e strukturave lokale komuna, minibashki etj reciprokisht nderjmet LSI dhe PS eshte nje shembull se kjo mund te ndodhe edhe me komisionet apo jo) dhe vota ime dhe e jotja te shkoje per shkarpa...
Pikerisht pere keto arsye greva eshte nje kotesi boshe, qe nuk con drejt permiresimit, por synon vetem ndarje llokmash... dhe sa behet fjale per llokma ato sigurisht do i marre me i forti...
A shqetesohem per kete... po sigurisht, por kjo me ben thjeshte te distancohem nga llokmendaresit.... kaq
Shume dakord me ty. ke te drejte kur thua se Meta e ben per karrige, se nuk i intereson zgjedhja e lire, por zgjedhja e tij dhe e lsisteve te tjere, se thjesht do te ndaj torten me Ramen dhe Berishen, ndersa keta dy te fundit duan te ndajne llokmen me njeri-tjetrin dhe te lene jashte Meten.
Kjo ama nuk do te thote se Meta nuk ka te drejte te kerkoje, qe te kete nje anetar ne KQZ. Kjo nuk siguron zgjehdje te lira dhe te ndershme, por siguron qe zgjedhje te mos jene oligopol i dy personave, (a partive quaji si te duash).
Meta, Rama, Berisha, e aq me teper Ndoka, Gjinushi, Mediu, etj, jane "personalitete" qe duan karrige dhe jo demokraci. Por ne nuk mund te pranojme qe perderisa eshte keshtu "te drejten e karriges" ta kufizojme ne dy persona e jo ne tre, per shkak se ata duan te gjithe karrige. Kjo, sepse krijohet nje rrezik per ate fjalen e dyte "demokracine", e cila sa me shume te mbyllet horizonti i mundesise se perzgjedhjes, aq me shume zhduket ne emer te te keqes me te vogel.
Me lejo qe kete fraze ta lexoje: nuk me hyn ne xhep nese dikush mund te mbetet jashte nga garimi, duke ngushtuar mundesine e perzgjedhjes...(see above)
Nese Rama, Berisha e Meta jane te zgjedhurit tane, ne ata meritojme. Ku jeni ju 40 per qind e popullesise qe nuk doni asnje nga keta te tre dhe rrini shkruani te peshku ne vend qe te gjeni te katertin, qe do i vere fund kesaj llokmendarjeje?
Per aq kohe sa nuk "jeni" (political death) te pakten mbroni konkurrencen mes ekzistuesve, se vetem keshtu krijohet vetepastrimi.
Edhe dicka per keta te LSI-se, Rama more te nderuar shoke socialiste per integrim, po ja u ben mire! Po po, shume mire! Vete ju bete gomere per te kaluar lumin (kujto zgjedhjet lokale), vete u bete qen te terbuar qe ju perdori per te thyer karriget dhe tavolinat e parlamentit, duke lene nje shije shume te keqe te njerezit dhe tani, mund te merret edhe literalisht, pa ja u fut sa krahu...
Jo kjo do te thote qe mua nuk me hyn ne xhep nese Meta ankohet, do kisha te njejtin qendrim nese ankohej Rama, Berisha, etj etj (nese nuk jam theksuar i paanshem ne shkrim e kam bere thjeshte per ta konkretizuar, meta eshte ne greve per meten flasim, po te ishte Rama dhe Berisha aq me keq per ta)... Perderisa ankesa e tyre do te synonte ruajtjen e llokmes se tyre apo vjedhjen e llokmes se tjetrit dhe jo permiresimin e sistemit... A garanton anetari i LSI ne kqz, kzz, kkz etj, zgjedhje te ndershme...???!
Kush me garanton se PS, LSI, PD etj nuk do tentojne blerjen e anetareve te komisioneve reciprokisht (Psh blerja e strukturave lokale komuna, minibashki etj reciprokisht nderjmet LSI dhe PS eshte nje shembull se kjo mund te ndodhe edhe me komisionet apo jo) dhe vota ime dhe e jotja te shkoje per shkarpa...
Pikerisht pere keto arsye greva eshte nje kotesi boshe, qe nuk con drejt permiresimit, por synon vetem ndarje llokmash... dhe sa behet fjale per llokma ato sigurisht do i marre me i forti...
A shqetesohem per kete... po sigurisht, por kjo me ben thjeshte te distancohem nga llokmendaresit.... kaq
Edi Rama zoteri eshte pergjegjesi kryesor i situates se acaruar politike dhe greves se urise. Nuk eshte detyra e Berishes te ule partite e vogla opozitare per te gjetur konsensus persa i perket sistemit te ri zgjedhor. E majta perpara se te ulej ne tryeze duhet te kishte konsensus ne vetvete. Rama ka alienuar LSI ne menyre te paskrupullt qe ta zhduki perfundimisht nga skena politike shqiptare.
Ketu po behen gabime, cfare te them, konceptuale. Partite politike ne cdo vend te botes garojne per te marre pushtetin. Garimi i tyre ben te mundur funksionimin e sistemit pluralist. Edhe ne kete rast, LSI-ja kerkon qe te kete te njejtat rregulla ne kete gare, dhe ketu nuk ka asgje te keqe. Kerkon qe nese dy partite e medha kane komisioneret e tyre dhe do te kene komisionere edhe parti te tilla, qe jane shume te vogla edhe ne krahasim me LSI-ne, si PSD-ja dhe PR-ja, atehere LSI-ja ka te drejte plotesisht qe te jete pjese e kontrollit dhe administrimit qe te mbroje voten qe do t'i japin qytetaret shqiptare. Do te ishte edhe ne te mire edhe te procesit zgjedhor nese do te kishte kontroll sa me te madh, qe pas zgjedhjeve mos ta dalin as LSI-ja apo dikush tjeter dhe te thote qe me vodhen votat partite e medha.
A qe te mos harroj... Po ta shohesh kete teme dhe njekohesisht ate qe eshte direkt poshte saj me montazhin e fotove, te behet me dije se llokma jane ata njerezit me thase guresh ne shpine... dmth eshte 5 lekeshi qe nxirret nga trasta e gureve, djersa dhe gjaku i atyre njerezve ne te cilir Ilir Meta dhe Nard Ndoka duan medoemos te kene pjese... Sigurisht kjo nuk me ben mua simpatizant te asnjeres pale qe ka tashme pjese ne kete llokem gjaku (PD-PS, por edhe Liri e Nardi kane pas pjesen e tyre dikur apo jo) dhe te asnjeres pale qe e kerkon nje pjese ne kete llokem gjaku...
Imagjino ne nje interviste te vetem para pak kohe Nard Ndoka deklaronte se Shqiperia po kthehej ne nje shtet Islamik, qe nuk rrespektonte te Kristian Demokracine e Nardit (Pjesa me e madhe e anetareve te partise se tij jane myslimane dhe dikund edhe myftij, por kjo nuk ka rendesi) dhe se kete po e bente Berisha... qe po e kthente vendin ne talibanizem sipas Nardit... Tani me gjithe faktin se une nuk e shoh dot me sy Berishen, une e di shume mire qe kjo nuk eshte e vertete. Por eshte thjeshte nje goditje e ndyre e ulet inatcore, per llokmen qe nardit ja hoqen nga goja... Kjo me ka bere mua te besoj se ky njeri eshte gati te shese kedo per ate cope llokem eshte gati ta beje shqiperine nje shtet terrorist vetem qe me kete shantazh partia e tij "demokristiane" te marri nje cope te llokmes... A mund t'i besosh ketij njeriu... A mund te besosh se qellimet e tij jane te drejta ?????????????
Ti do zgjedhje me vote elektronike. Hajde hapim nje teme te "pyet peshkun" me kete ceshtje dhe jam i sigurt se te gjithe do jene pro mendimit ne fjale. Po ta kisha une ne dore sistemin do ia kisha luajtur fene, po ta kishe ti ne dore do ia kishe luajtur fene, po ta..., po ta..., po ta....
Ne zgjedhjet e ardhshme gjej ke te votosh dhe votoje, perndryshe ambjentohu me kete realitet politik (makaber) qe kemi, sepse vete e kemi zgjedhur, (edhe ne rastet kur si une edhe ti nuk kemi votuar, pra kemi bere nje zgjedhje te heshtur). Realiteti eshte ky qe eshte, nese ti do te kontribuosh per ndryshimin e tij beje, perndryshe shih brenda kufijve te ketij realiteti, se si ai mund te jete me i mire.
As une nuk jam as pale e as simpatizante. Por, ne vend qe te flas ne ajer mbi Shqiperia cka qene, ceshte, e si me do mideja te jete, preferoj te flas per menyren se si do te mund te rregullohet realitet, and that is: konkurrence, qe i bene llokmendaresit te zihen per pjesen e llokmes, e te shporren nje nga nje. Ekziston edhe nje mundesi e dyte qe quhet revolucion. Ndonese i majte, nuk mund ta pranoje, sepse eshte vertetuar qe eshte kundraproduktive.
Fotot ne Bulqize jane te tmerrshme, tregojne se ne cnivel te ulet shoqeror jemi e per kete e ka fajin politika, e per politiken qe kemi e kemi fajin ne. Por, kur nuk ke pare qe te japesh ne Bulqize, e kur nuk ke aftesine a deshiren te dalesh ne proteste per te berrtitur per ta, apo aq me teper per disa gazetare qe i injorojne protesta te tyre per shkak te linjave editoriale te gazetave, atehere kthehu te menyra se si mund ta besh politiken, qe te mos e kete mendjen per te ndare llokmen, por ta kete mendjen te marre voten. Dhe llokma nuk ndahet kur jane shume pretendent per te se plas xhelozia, atehere kthehet mendja te vota, qe sjelle nje llokme legjitime kesaj radhe, shume here me te rendesishme dhe te vlefshme per politikanet qe quhet: rizgjedhje. Rizgjedhje eshte e pasigurt vetem kur jane shume konkurrent per te, se kur jane dy, sic do te bej Rama e Berisha, atehere llokma do ndahet egerzi.
Une nuk jam as me Meten, as me Ramen, as me Berishen. Por, kjo sdo te thote qe jam njeri apolitik (e ka thene platoni ne fund te fundit zoon politikon). Per kete me intereson zhvillimi i politikes, qofte edhe kur ajo eshte bajate si ne Shqiperi, sepse politika zhvillohet dhe zhvillon shoqerine, ashtu si shoqeria zhvillon dhe zhvillohet nga politika. Kur bejme ndarje me thike mes shoqerise dhe politikes, atehere hyjme ne vorbullen, qe te flasim o per njeren o per tjetren dhe sndihmojme askend.
Po Politike eshte o derebardhe!!!!
Per mendimin tim politika shqiptare ka bere hapa prgresiv sepse po kalon nga mitingje te armatosur me arkivole ne krah e nga sherre banale me grushta ne parlament ne greve urije!!!
Greva eshte e pranueshme ne nje shoqeri demokratike!!!!
Ndoshta e ke me shaka, po sipas vendit dhe kuvendi. Nuk behet demokracia brenda dites, dhe kjo per nje arsye shume te thjesht. Arkivolin atehere se mbajti vec Berisha, por ishin me mijra qe i mesyn institucioneve. Sot, eshte shume me demokratike dhe ky eshte progres. Gjithsesi i kemi votuar? O te dalin e te kerkojme doreheqje, o te mos pipetijme!
nuk e di sa mund tè bèj rama pèr tè zgjidhur krizèn....pasi ka provuar shumè herè tè bisedoj me ilir metèn,dhe ky i fundit kujton se ps duhet ti pèrulet atij qè tè fitoj zgjedhjet...gjè qè nè fakt nuk èshtè e vèrtet,dhe edhe kjo krizè pikèrisht kètè tregon pèr mendimin tim!..por mendoj sinqerisht se LSI èshtè forca e tretè nè vend...dhe tè paktèn mè shumè se PSD e PR meriton tè ketè pèrfaqsuesin e saj nè komisionet zgjedhore!!!
Mustafaj kur shkruan ka nje stil te veçante.
Te krijon pershtypjen e nje pijaneci qe i bere tape therret," botes i erdhi fundi,çdo gje ka mbaruar,etj".
Edhe Muçi shkruan me nje patetizem te alkolizuar, se politika Shqiptare mendon vetem te vjedh e perfitoj.
Ne qofte keshtu si thote Muçi jemi dakort me Pd e Ps se te pakten ulet numri i hajduteve.
Pse duhet te mbajme ne kurriz edhe Ndoken, Meten me shoke, na mjftojne Berisha e Rama.
Nje analist sido qe te jene fjalet e popullit, nuk duhet te bije pre e ketyre llogjeve te vjedhjeve e makabrave,duhet te analizoje situaten ne syrin e nje qytetari qe beson ne istitucionet Shqiptare, edhe pse politika e jone eshte "hajdute" kemi instituzionet qe jane per mbrojtjen e pasuris e te drejtave te Shqiptareve.
Sipas Muçit ne Shqiperi jo vetem politika ben pazare te pista por edhe prokuroria, gjykatat, gjithe organet kompetente jane te korruptuara.
Ateher ç'fare mbetet te besojme se keto i rregullon vetem Iliri me Nardin.
Muçi te pelqen shteti rrumpall, ku ti me shoket tuaj rrumpalli jetoni ne bollekun e kotesis e te pisllekut. Gazetar ( keshtu thojne) si Muçi e Mero qe urrejn shtetin e shoqerin kam pershtypjen se Shqiperia ka pak.
Koha i largon nga maja e plehit qe kane hypur e kendojne.
Kesaj greve qe behet ne mbrendesi te Parlamentit me duket se eshte e paligjshme.
Parlamenti eshte nje institucion qe i perket popullit, e vetem atij, ne mbrendesi te tij nuk mund te organizohet asnje aktivitet ,apolitik apo tjeter, perveç se formimit diskutimit e votimit te ligjeve.
Jam me se i bindur se ketu grevistet kane thyer ligjin, duke perdorur istitucionin legjitimit me te larte qe ka populli, per shfaqjet e tyre.
Ca jane keto greva urie qe na degjojne veshet? Vetem ne Shqiperi ndodhin gjera te tilla. Ne bote ne qofte se nje politikan nuk eshte i zoti qe te zgjidhi apo te luftoje nje problem te caktuar politik jep doreheqjen nga politika. Jo, ne kemi zgjidhje me te mencura: Ne futemi ne "Greve Urie" dhe i tregojme botes qe vazhdojme te kemi ende "0" Kulture politike.
Ca jane keto greva urie qe na degjojne veshet? Vetem ne Shqiperi ndodhin gjera te tilla. Ne bote ne qofte se nje politikan nuk eshte i zoti qe te zgjidhi apo te luftoje nje problem te caktuar politik, jep doreheqjen nga politika. Jo, ne kemi zgjidhje me te mencura: Ne futemi ne "Greve Urie" dhe i tregojme botes qe vazhdojme te kemi ende "0" Kulture politike.
Me vrap erdhi fshesa e Peshkut...dhe i fshiu postimet e paligjshme
Flamenderit peshk
Pastaj ca thash une qe ishe kaq ofendusese sa duheshe fshire menjehre nga Fshesa?? Apo s'leojhen postime ilegale qe nuk aprovohen nga Buroja??
Ahh...fjala e lire pra :)
Thash thjesht...qe Muci...si shpresa jone e fudnit...te futet dhe ai ne greve urie. Dhe qe 5 dite pa ngrene...kta Heronjte e Vigut...qenkan me te forte se mua...se une 1 dite e zgjata ne "greve urie".
Peshkatare apo fshesaxhinj? Shkrimin tim prej 5 germash pse e hoqet?
Aty te vdesin se per vete po e bejne greven e urise. Te pacipe kush u jep leje te bejne greve urie ne ambjentet e parlamentit, ne ambjentet e populit. Parlamenti nuk eshte per grevat e urise se ilir palles por eshte per te diskutuar problemet e popullit shqiptar, te veje ta beje greven tek lsi fakiri.
Prandaj thash...ne cdo vend tjeter demokratik e modern...kta karagjozat do ishin nxjerre me shqelma ne prapanice nga salla e kuvendit. Kta karagjoza s'dine as te respektojne ligjet me ordinere ne bote...sic eshte per shembull mos-bllokimi i salles se parlamentit...dhe pastaj na hiqen si "demokrat"
Si s'mesun njehere Shqipot te respektojne ligjet?? Edhe ata te "rinjte" e MJAFT-it...vec jasht ligjit i bejne ato karagjozlleqet e tyre...edhe kta "te vjetrit"
Lum Shqypnia qe ju ka ju...
SHBA: Te zgjidhet kriza me konsensus
Top Channel
SHBA kane bere thirrje per nje zgjidhje te drejte dhe konsensuale te krizes me te fundit politike ne Shqiperi, ku, si pasoje e saj 10 deputete jane ngujuar prej gjashte ditesh ne greve urie.
Me ane te nje deklarate per “Shqip”, ka reaguar zedhenesi i ambasades amerikane ne Tirane. Pyetjes se a ka pasur kontakte me greven e urise se 10 deputeteve, zedhenesi i ambasades se SHBA-se, iu pergjigj: “E ndjekim situaten nga afer dhe nxisim nje zgjidhje nepermjet konsensusit”.
Nderkaq, ne lidhje me komentin per ceshtjen e Kodit Zgjedhor, zedhenesi i ambasades deklaroi se rregullat, rregulloret dhe aspektet teknike te zgjedhjeve dhe procesit zgjedhor kane nevoje per nje diskutim nepermjet mjeteve te hapura dhe bashkepunuese.
Gjithashtu, selia diplomatike e Uashingtonit ne Tirane, ka theksuar qendrimin zyrtar qe “zgjedhjet e ardhshme ne Shqiperi, do te jene nje prove e vertete e nivelit te demokracise se saj, nderkohe qe Shqiperia vazhdon rrugen e saj per nje integrim te plote euroatlantik”.
Deklarata, edhe pse ka qene qendrimi i pare i ambasades amerikane pas nisjes se greves se urise, perben nje deklarim konstant te Uashingtonit zyrtar, i cili ka kerkuar nga Shqiperia qe te ece ne rrugen e integrimit, duke zbatuar te gjitha standardet nderkombetare ne zgjedhjet e ardhshme parlamentare.
duhet ta dime se ky meta u be kryeminister me genjeshtren e nanos se do ti kthehen paret e piramidave popullit dhe asnjehere nuk kerkoi te falur pse u be kryeminister me genjeshtrat e shefit te tij. shihni kush jane ne lsi te gjithe ministra e zevendesministra te kohes se peshngritesit meta.ky eshte nje karrierist qe punon vetem per karrigen e tij
Me konsesus i bie...90% pro...10% kunder. Mua me duket si konsensus i madh bile...
...Dhe pastaj u bene 10
Dike shume ti Aldonaldo . Dike qomet . Qeke per zv i shikut te Berishes. Jepja keto te dhena ambasades amerikane se mbase i vlejne te ndryshoje qendrim
Mo u be kot dhe ti Idriz....Ambasada tha gje normale...te zgjidhet me dialog dhe me konsensus. Dialogun nuk e pengon njeri...pervec greves te urise si nje veprim injorant, anti-demokratik, anti-llogjike dhe teresisht Arnaut. Konesus 90 me 10...nuk gjen dot me te mire. Pike puna...
Kokemadhi dhe barkderrat e tjere...nese duan te diskutojne e te dialogojne...le ta bejne. Po ata futen ne greve dhe thone..."O beni sec themi ne, o do vdesim!!" Po vdisni ore...
Kta jane plehrat qe vene ne rrezik zgjedhjet e arrdhshme dhe pamjen e Shqiperise ne bote...
Ne fakt propozimi i fundit (nga dy gjithsej) per komisione teknike duket si nje pike qe i le mundesi seciles pale nga situata. Me c'duket grevistet jane trembur nga mosperfillja zyrtare, ndersa PD/PS jane trembur nga mbeshtetja ne dukje ne rritje qe qendresa po i siguron greves. Po qe se qendrojne edhe nja 3-4 dite mund te arrijne dicka.
hajde liri te shprehuri ketu te peshku hajde,po sa per zemer e keni shokun Idriz mor amon...
Ambasada, ne na do te mire, duhet t'i mbushe menjen gjithe parlamentit e co. te hyje ne greve urije, me mire fare, te mbyten me bar miu or something.
Një grup intelektualësh, pedagogësh, gazetarësh, artistësh, njerëz të kulturës e letrave i kanë dërguar një letër të hapur udhëheqësve të shtetit si Presidentit Bamir Topi, Kryeministrit Sali Berisha, Kryetares së Kuvendit, Jozefina Topalli, Kryetarit të PS-së Edi Rama dhe ambasadorëve të SHBA-së, BE-së dhe OSBE-së në mbështetje të deputetëve grevistë. Në letrën e tyre ata shprehen të shqetësuar për zhvillimet aktuale në vend, veçanarisht për krizën politike si pasojë e mungesës së konsensisit të gjerë për reformën zgjedhore. Gjithashtu në letër shkruhet qartë për mbështetjen e grevës së urisë së 10 deputetëve të parlamentit shqiptar për të hartuar një kod zgjedhor gjithpërfshirës dhe të mundësive të barabarta të partive politike në konkurimet zgjedhore, të sanksionuar edhe në dokumente themelore të OSBE-së, konkretisht në dokumentin për Konferencën e Kopenhagenit për dimensionin njerëzor të OSBE-së. Në letër gjithashtu shkruhet se ky grup intelektualësh është i ndërgjegjshëm se sakrifica sublime e deputetëve ka të bëjë me liritë themelore njerëzore të çdo qytetari për të zgjedhur e për t'u zgjedhur dhe se liria është në themelin e integritetit njerëzor dhe profesional dhe ajo administrohet me vullnetin e lirë
Edhe 3-4 dite thu ti Llukan?? Per 3-4 dite behen 10 dite pa ngrene
Sa te forte qe i kemi deputetet ne...celik fare!
Ej...u peshuan kta deputetet para se te futeshin ne greve? Jo per gje...po kot kshu si per kuriozitet...kush humbi me shume peshe
Ja si mbahet peng nje shtet...nje vend...nga interesat personale te Ali Babes dhe 11 hajdutve. Ja se si funksionon injoranca dhe primitivizmi qe e ka pushtuar ate vend per 18 vjet.
Megjithate dikusht qellimisht i le ata ne greve ne ato ambjente...se po te donin...i kishin nxjere jasht parlamentit me shqelma. Po ka interes...dikush...ti mbaj e ti reklamoj...dhe prandaj nuk nxirren nga salla.
Gjithsesi shpresoj se ligji i ri ti jap fund lojrave te ktyre karagjozve dhe vampirave te vegjel barkmedhenj...
Greva, mijera mbeshtetes para Kuvendit
17/11/2008 17:30 - TOPCHANNEL
Mijera njerez iu pergjigjen sot pasdite thirrjes se partive te perfshira ne greven kunder Kodit te ri Zgjedhor.
Ata u mblodhen ne sheshin para selise se Parlamentit shqiptar, ku jane te ngujuar ne greve urie qe prej nje jave dhejte deputete te LSI-se dhe Partise Demokristiane.
Deputeti Spartak Ngjela, qe mori fjalen para protestuesve, tha se kjo nuk eshte nje lufte per pushtet por nje lufte per parime dhe mbi te gjitha per demokracine, e cila kushtezohet nga e drejta e votes.
Foles te ndryshem ne podiumin e improvizuar bene thirrje per bashkimin e shqiptareve ne kete proteste per te mos lejuar, sipas tyre, qe dy njerez te behen pronare te votes se shqiptareve.
Ata bene thirrje per gjitheperfshirjen e faktorit politik ne diskutimet per reformat e rendesishme politike. Folesit iu referuan zgjedhjeve ne Shtetet e Bashkuara, ku vullneti i lire i popullit solli ne pushtet nje njeri me ngjyre qe arriti te imponoje eren e ndryshimit.
Edi Rama eshte pergjegjesi per te gjithe kete zhvillim negativ jo vetem per zgjedhjet, por edhe imazhin e Shqiperise ne Evrope. Diktatori i bashkise dhe i PS-se, nuk mund te duroje apo te pranoje te bashkejetoje me aleate qe nuk jane ushtar te bindur te tij, prandaj kerkon perjashtimin e LSI-se nga procesi i kontrollit dhe administrimit te zgjedhjeve.
Nuk ka asnje reagim nga Rama (megjithese Dritan Prifti u ngjir duke i kerkuar te reflektoje dhe te flase), qofte edhe per te kundershtuar ato qe kerkojne grevistet, ka vetem heshtje turpi. Vetem heshtje nga personi qe perben nje rrezik per demokracine shqiptare. Shikoni se cfare diktature ka vendosur ne bashkine Tirane, edhe me keq e ka bere PS-ne, nderkohe qe eshte ne rruge e siper per te bere te paqene partite e te majtes qe nuk jane ushtaret e tij te bindur.