“Microsoft, miliona USD investime në Shqipëri”
Flet Rudina Seseri, këshilltarja e qeverisë për marrëveshjen e “Microsoft”
Gazeta Panorama
Robert Rakipllari
Sipas Rudina Seserit, këshilltares së qeverisë shqiptare për marrëveshjen me “Microsoft”, Shqipëria do ketë miliona USD përfitime në investime direkte, por edhe të punësuar.
Duke renditur përfitimet dhe detyrimet e qeverisë shqiptare ndaj kësaj marrëveshje, Seseri jep modelet e marrëveshjeve që “Microsoft” ka realizuar në rajon.
Znj. Seseri, ju e keni këshilluar qeverinë shqiptare për marrëveshjen e arritur me “Microsoft”-in. Cili është raporti mes përfitimeve dhe detyrimeve që ka qeveria nga kjo marrëveshje?
Marrëveshja parashikon vetëm një detyrim për qeverinë shqiptare: ndalimin e përdorimit pirat të programeve të “Microsoft”-it nga administrata publike. Pas kësaj marrëveshjeje, nëse qeveria zgjedh të përdorë produktet e “Microsoft”-it, ajo duhet t’i zëvendësojë programet e piratuara më programe të licencuara përkundrejt pagesës.
E vërteta është që ky detyrim, pra respektimi i pronësisë intelektuale, është A-ja e ekonomisë së tregut dhe shtetit ligjor e nëse Shqipëria përpiqet të konsolidojë ekonominë e tregut, një nga hapat e para që duhet të ndërmarrë është ndalimi i çdo lloj vjedhjeje apo piraterie të pronësisë intelektuale në teknologji, art, kulturë, mjekësi etj.
Në fakt, zbatimi i të drejtës së autorit që është përfshirë në Marrëveshjen Strategjike me “Microsoft”-in është në të vërtetë një detyrim dhe angazhim që Shqipëria ka ndërmarrë në Marrëveshjen e Stabilizim-Asociimit. Ai është gjithashtu rregulli kryesor i bashkëpunimit dhe tregtisë midis shteteve. Për këtë fakt, kjo marrëveshje nuk sjell asnjë detyrim të ri për qeverinë shqiptare.
Konkluzionet dhe shifrat e ofruara nga disa gazeta lokale ne lidhje me koston që do të paguajë qeveria shqiptare për të blerë licencat e programeve të “Microsoft”-it janë të pambështetura dhe të pavërteta. Të dhënat që janë botuar në këto gazeta bazohen mbi çmimet që paguhen nga konsumatorët individualë në vendet perëndimore, që praktikisht janë çmimet më të larta me të cilat shiten këto produkte në botë. Çmimi, dhe si rezultat kostoja totale që do të duhet të përballojë qeveria në respekt të të drejtave të autorit për produktet e “Microsoft”-it është shumë larg shifrave të servirura në shtyp. Përkundrazi, qeveria shqiptare do të përfitojë katër nivele uljesh në çmime:
1. Ulje për shkak të volumit (ose shumicës) të programeve që përdoren;
2. Ulje për shkak të vullnetit të mirë të treguar nga pala shqiptare për të respektuar të drejtat e autorit (ulje që do të përfitohet vetëm një herë për zëvendësimin e programeve pirate ekzistuese me versione legjitime të tyre);
3. Ulje për shkak të nivelit të ulët të fuqisë blerëse të Shqipërisë, si vend në zhvillim; dhe
4. Ulje si institucion publik, pra për faktin që programet nuk përdoren në aktivitete me qëllim fitimi.
Si rezultat i këtyre uljeve, çmimi që do të paguajë qeveria shqiptare për programet është një fraksion i vogël i shifrave prej disa qindra dollarë për program të servirura nga shtypi shqiptar.
Ndërkohë, avantazhet që përfiton qeveria nga Marrëveshja Strategjike me “Microsoft”-in janë miliona dollarëshe dhe afatgjata. Ato janë avantazhe të qëndrueshme dhe përtej çdo përfitimi të ngushtë politik.
Me lejo të vë në dukje dy prej tyre:
1. Ofrimi i 6000 paketave të produkteve të Microsoft për shkollat shqiptare me çmimin simbolik 5 euro për paketë, përfaqëson një investim të jashtëzakonshëm për arsimin që do të mundësojë akses në kompjutera dhe Internet për nxënësit, që ndryshe nuk do ta përballonin dot koston, pasi normalisht në tregun konsumator një paketë e tillë kushton rreth 300-500 euro. Pra, 6000 licenca me vlerë mbi 2 milionë euro po ofrohen me kosto prej 30 mijë euro.
2. Zhvillimi i portalit të qeverisë shqiptare nga ana e “Microsoft”-it, si dhe produkteve të sigurisë për të dhënat, do ta bëjnë komunikimin elektronik më efikas dhe të sigurt dhe do të rrisin gamën, cilësinë dhe sigurinë e shërbimeve që qytetarët përfitojnë nga qeveria.
Këto janë dy përfitime direkte nga marrëveshja, por akoma më të rëndësishme janë avantazhet e tjera që ajo ofron. Sipas mendimit tim, tri pika të saj janë largpamëse dhe me rëndësi strategjike:
1. Hapja në Shqipëri e filialit të “Microsoft”-it në varësi direkte nga kryeqendra evropiane e “Microsoft”-it. Ky fakt është i rëndësishëm për pozicionimin e Shqipërisë në biznesin ndërkombëtar, pasi historikisht filialet e kompanive të huaja në Shqipëri kanë qenë të varura nga filiale të vendeve fqinje, si Italia apo Greqia. Si rrjedhojë, këto filiale kanë qenë të ndërvarura nga shumë nivele burokratike të strukturave organizative të kompanive përkatëse. Rasti i “Microsoft”-it është një arritje shumë pozitive dhe domethënëse për vendin.
2. Ngritja e Qendrës së Inovacionit në Shqipëri, ku do të krijohen dhe zhvillohen produkte të ardhshme të “Microsoft”-it. Përsëri kjo përfaqëson një ndarje nga e kaluara, pasi do të thotë që burimet njerëzore shqiptare do të angazhohen dhe do të punësohen nga “Microsoft”-i brenda vendit. Për më tepër, kjo qendër nuk do të përqendrohet thjesht tek përshtatja apo adoptimi i produkteve ekzistuese të “Microsoft”-it, por gjithashtu do të angazhohet në kërkime dhe zhvillime të gjeneratave të reja të programeve kompjuterike për “Microsoft”-in. Pra, prania e Qendrës së Inovacionit e zhvendos Shqipërinë nga një vend relativisht i vonë adoptues i programeve kompjuterike dhe teknologjisë, në një vend zhvillues të gjeneratave të ardhshme të teknologjisë.
Gjatë seancave të diskutimeve në Edinburg, dëgjova kryeministrin Berisha që foli disa herë për “jetën dixhitale” dhe “konvergjencën e mjeteve të komunikimit”. Përtej surprizës sime për interesimin e kryeministrit në këtë fushë - pasi këto janë tendenca shumë të reja të fushës së teknologjisë dhe komunikacionit – një nga pikat e marrëveshjes synon të sjellë bashkë “Microsoft”-in me “IBM”-në, “Cisco”-n dhe “Hewlett Packard”-in në një bashkëpunim konkret në Shqipëri, për të krijuar mundësitë reale që konsumatori dhe bizneset shqiptare të integrohen në jetën dixhitale nëpërmjet konvergjencës së komunikimit dhe teknologjisë kompjuterike.
Segmente të opozitës këtu në Shqipëri e kanë kritikuar marrëveshjen, me argumentin se qeveria ka pranuar monopolin e “Microsoft” dhe se me nivelin ekonomik qe ne kemi, nuk kemi mundësi të blejmë programet e “Microsoft”, a keni kundërargumente rreth këtyre pretendimeve?
Nuk e kuptoj se si ardhjes së një gjigandi botëror si “Microsoft”-i mund t’i jepen ngjyra politike, ndaj nuk dëshiroj të përfshihem në çështje pozitë, apo opozitë. Në vend të saj, më lejo të adresoj çështjen e monopolit, që është ngritur nga shtyp.
Në dhjetë vitet e fundit qeveritë e ndryshme shqiptare de facto kanë përdorur produktet e “Microsoft”-it. Si rrjedhojë, në qoftë se flitet për “monopol” të përdorimit të produkteve të “Microsoft”-it në administratën publike, ky monopol ka ekzistuar në vite. Në realitet, diskutimi këtu nuk ka fare të bëjë me çështjen e monopolit, por me atë të respektimit të të drejtave të autorit dhe pronësisë.
Marrëveshja nuk sanksionon dhe nuk presupozon asnjë lloj trajtimi të veçantë të “Microsoft”-it. Qeveria shqiptare nuk i ofron asnjë lloj ekskluziviteti “Microsoft”-it dhe nuk ka asnjë detyrim për të blerë produkte të tij. Marrëveshja thjesht parashtron që nëse qeveria shqiptare zgjedh të përdorë produkte të “Microsoft”-it, ajo duhet të përdorë versionet e ligjshme përkundrejt çmimeve të ulura që shpjegova më lart.
Dëshiroj të them këtu edhe disa fjalë në lidhje me programet e ashtuquajtura “Open Source” (Burimi i Hapur), ideja e të cilave gjithashtu është ofruar në shtyp.
Programet “Open Source” zhvillohen për hobi nga individë të ndryshëm të komunitetit të zhvillimit të programeve kompjuterike dhe ofrohen falas për këdo që dëshiron t’i përdorë. Të rekomandosh në termat më absolut përdorimin e programeve “Open Source” si programe bazë të sektorit publik do të thotë që t’i vësh operacionet e qeverisë në varësi të hobit të këtyre individëve.
Për më tepër, pa pasur shërbimet (natyrisht me pagesë) për integrimin e sistemeve, asgjë nuk funksion nga produktet e “Open Source”. Nëse qeveria shqiptare do zgjidhte produkte të “Open Source”, ajo do të duhej që njëkohësisht të angazhonte firma private për t’i mirëmbajtur shërbimet e “Open Source” (të themi me qëllim që nëse keqfunksion rrjeti kompjuterik, administrata të mos ngelet e paralizuar). E vërteta është që kostoja e këtyre shërbimeve të mirëmbajtjes është shumë e lartë. Analizat kërkimore të specialistëve të pavarur të teknologjisë, si “Gartner” dhe “IDC”, tregojnë se kostoja e përdorimit të shërbimeve të mbështetura mbi programet “Open Source” është shumë më e lartë se sa ajo e alternativës së “Microsoft”-it. Kjo do të thotë që nëse administrata shqiptare do të përdorte shërbimet “Open Source”, kostoja finale e tyre (ajo që në botën e teknologjisë quhet “Total Cost of Ownership” - Kostoja Totale e Pronësisë) do të ishte më e lartë se ajo e përdorimit të produkteve të “Microsoft”-it edhe pa uljet e ofruara në marrëveshje. Faktet që mbështesin këtë analizë janë me bollëk dhe lehtësisht të verifikueshme nga çdokush.
Çfarë përfaqëson për Shqipërinë kjo marrëveshje përtej faktit që një gjigand i teknologjisë hyn zyrtarisht në Shqipëri? A ka modele të tilla marrëveshjesh që “Microsoft” ka nënshkruar me vende të rajonit dhe a kanë rezultuar ato të suksesshme?
Përtej pikave të marrëveshjes, mbërritja e “Microsoft”-it në Shqipëri ka një domethënie të rëndësishme për sektorin e teknologjisë. Prania e “Microsoft”-it do t’i japë një shtysë të vërtetë zhvillimit të këtij sektori dhe do të rrisë përfshirjen e firmave lokale në të. “Microsoft” operon si një ecosystem - që do të thotë se ka nevojë të krijojë marrëdhënie biznesi me shumë firma lokale të teknologjisë – mënyrë operimi që nxit krijimin e këtyre firmave dhe fuqizimin e aktivitetit të tyre.
Më lejoni t’ju jap shembujt e fqinjëve tanë për të ilustruar këtë fakt. Sipas të dhënave zyrtare, si rezultat i prezencës së “Microsoft”-it, në Bullgari janë hapur mbi 15 600 vende pune, ose 56 për qind e punësimit total të sektorit të teknologjisë së informacionit (IT); në Kroaci 9 200 vende, ose 46 për qind të punësimit total të sektorit të IT-së; në Serbi e Mal të Zi janë krijuar 12 200 vende pune, ose 51 për qind e punësimit të sektorit të IT-së dhe lista vazhdon.
E parë nga një këndvështrim tjetër, gjithmonë sipas studimeve të pavarura të IDC-së, kompanisë kryesore të studimit të sektorit të teknologjisë, efektet e aktivitetit të “Microsoft”-it në ekonomitë lokale janë të jashtëzakonshme. Duke iu rikthyer të dhënave të vendeve fqinje, për çdo 1 dollar të shpenzuar nga “Microsoft”-i, të ardhurat e krijuara për ekonominë përkatëse të vendit janë 8.26 dollarë në Bullgari, 7.4 dollarë në Kroaci, 10.5 dollarë në Serbi e Malin e Zi.
Për më tej, “Microsoft”-i kontribuon në të ardhura tatimore për vendin. Në Bullgari, “Microsoft” paguan çdo vit rreth 38.9 milionë dollarë amerikanë tatime, ose 56 për qind të totalit të të ardhurave tatimore nga i gjithë sektori i IT-së; në Kroaci kjo shifër është 95 milionë dollarë, ose 45 për qind e totalit të tatimeve nga IT-ja; në Serbi e Mal të Zi 39 milionë dollarë, ose 38 për qind të totalit të tatimeve nga IT.
Mbërritja e “Microsoft”-it do të ndikojë gjithashtu pozitivisht për nxitjen e investimeve të huaja në Shqipëri. Prania e kompanisë numër një në botë, me një vlerë tregu prej 296 miliardë dollarë, është tregues se Shqipëria po bëhet tashmë një vend i sigurt për investimet e huaja. Dy nga kushtet më të rëndësishme që kompanitë serioze të investojnë në një vend të caktuar janë niveli i lartë i respektimit e zbatimit të ligjit dhe vitaliteti i tregut lokal. Pa asnjë dyshim, prania e “Microsoft”-it do të forcojë besueshmërinë e investitorëve të huaj, se Shqipëria i përmbush këto kushte, duke shtruar kështu rrugën për investime të tjera të rëndësishme nga kompanitë e mëdha ndërkombëtare.
* Marrëveshja parashikon vetëm një detyrim për qeverinë shqiptare: ndalimin e përdorimit pirat të programeve të “Microsoft”-it nga administrata publike. Pas kësaj marrëveshjeje, nëse qeveria zgjedh të përdorë produktet e “Microsoft”-it, ajo duhet t’i zëvendësojë programet e piratuara më programe të licencuara përkundrejt pagesës.
* Nuk e kuptoj se si ardhjes së një gjigandi botëror si “Microsoft”-i mund t’i jepen ngjyra politike, ndaj nuk dëshiroj të përfshihem në çështje pozitë, apo opozitë. Në vend të saj, më lejo të adresoj çështjen e monopolit, që është ngritur nga shtypi. Në dhjetë vitet e fundit qeveritë e ndryshme shqiptare de facto kanë përdorur produktet e “Microsoft”-it
Rudina Seseri, shqiptarja që ka arritur suksesin në SHBA
Seseri, karriera nga “Harvardi” në zemrën e “Microsoft”
Rudina Seseri është diplomuar me nderimet më të larta (magna cum laude) për Ekonomi dhe Marrëdhënie Ndërkombëtare në një nga universitetet më të mira të botës, Wellesley College (Madalaigne Albright dhe Hillary Clinton janë dy nga të diplomuarat e këtij universiteti, që njihen edhe në Shqipëri). Më pas ka kryer studimet Master për biznes në një tjetër universitet të shquar, ndoshta më prestigjiozin në botë, “Harvard University”. E lindur në Tiranë, pasi përfundon vitin e parë të Kolegjit Turk, në moshën 16-vjeçare e pikërisht në vitin 1994, ajo fluturon përtej oqeanit për të vazhduar shkollimin e mëtejshëm.
Ka pasur një karrierë të shkëlqyer profesionale. Fillimisht ka punuar si bankiere investitore në dy nga bankat më të rëndësishme të investimit në botë, “Credit Suisse” dhe “Goldman Sachs”. Gjatë punës në këto kompani ka drejtuar negociata dhe realizuar transaksione për kompani të rëndësishme botërore në fushën e teknologjisë, medias dhe telekomunikacionit, si “Siemens”, “Alcatel”, “Intersil”, “Texas Instruments” etj. Ndër të tjera, ka qenë një ndër arkitektet dhe drejtueset e ekipit që realizoi një nga sipërmarrjet investitore më të mëdha të fushës së telekomunikacionit, ristrukturimin dhe hedhjen në bursë të aksioneve të kompanisë kanadeze “Nortel Networks”, mes 5 kompanive më të mëdha botërore të prodhimit të pajisjeve të telekomunikacionit, transaksion me vlerë mbi 1.77 miliardë dollarë. Po kështu ka qenë drejtuesja e gjithë procesit të bashkimit mes “Intersil Corporation” dhe “Elantec Semiconductor”, me vlerë mbi 2.23 miliardë dollarë.
Më pas ka punuar në një pozicion kyç të korporatës “Microsoft”, menaxhere e Zhvillimit Korporativ, ku ka qenë një nga drejtueset kryesore të blerjeve të kompanive të teknologjisë nga ana e “Microsoft”-it, si dhe për investimet financiare të kësaj kompanie.
Që prej disa muajsh është drejtuese e një fondi investimesh prej 200 milionë dollarësh në fushën e teknologjisë dhe telekomunikacionit në kompaninë “TD Capital Ventures”.
Ka një sërë publikimesh dhe kërkimesh shkencore, ndër të tjera me Bankën Federale të Bostonit, Universitetin Harvard etj. Një nga studimet ku ka qenë bashkautore është sot tekst studimor në Shkollën e Biznesit të Universit të Harvardit. Tashmë 29-vjeçare, e martuar me një shqiptar, menaxher banke, Rudina vazhdon të punojë në zemër të kompanisë së famshme të Bill Gates.
5 Shkurt 2007 @ 3:54 pm
Ejani tani flisni, ju o kritizeret e Microsoft-it.
5 Shkurt 2007 @ 4:10 pm
Goxha CV kjo goca, bravo.
5 Shkurt 2007 @ 5:55 pm
Kjo ka CV shume te mire dhe i lumte por i lumte per veten. Sic e paska thene edhe vete, paska punuar te MS me perpara. Te gjitha keto qe ka thene ajo jane fllucka sapuni, te bukura por qe nuk na hyjne ne pune.
Merr psh kryeministrin rumun, qe tani eshte pjese e Evropes dhe nje nga shtetet me IT shume te zhvilluar. Ai tha qe “pirateria kompjuterike na solli ketu ku jemi sot”!!! Plotesisht e kunderta e asaj qe thote kjo zonja ketu.
Respektimi i te drejtave te autorit na hyn kryesisht ne pune kur autori eshte vendas dhe te ardhurat nga aktiviteti i tij i investon ne punen e tij ketu (dmth ne Shqiperi) dhe jo te shkoje leku ne Amerike. MS nuk kishte asnjegje shqip deri vjet.
Edhe ajo puna e cmimit te lire eshte kot fare. Sic e thashe edhe me perpara te tema
http://www.peshkupauje.com/kthetrat-e-microsoft-it-me-se-fundi-ne-shqiperi/2007/01/31/
MS po mjell “faren” prandaj ato gjerat qe po ti jep kaq lire ne fillim do te kushtojne shtrenjte pastaj. Ajo shifra qe dhane gazetat nja $300-$500 shume por pa frike nja $100 do te jete per Windows dhe Office. Pse te harxhojme $100 per MS kur ne nuk kemi energji elektrike dhe buke per te ngrene ne zonat e thella malore?
Linux-i eshte falas dhe tani eshte bere shume i thjeshte per perdoruesin. Open Office po ashtu eshte falas dhe ben praktikisht gjithcka qe mund tu duhet ketyre taneve.
Mua me duket se kjo zonja ka kontaktuar punedhenesit e meparshem (ose eshte kkontaktuar prej tyre) dhe ka bere ndonje ujdi te tipit “me ne fitojne te gjithe”, perfshire edhe veten.
5 Shkurt 2007 @ 6:25 pm
Doja te shtoja dicka te vogel ne lidhje me kete teme.
Duhet te mbajme parasysh se Microsoft nuk eshte me ai qe ishte para 10 vjetesh sepse teknologjia, dhe kerkesa per teknologji po ndryshon vazhdimisht.
OS-ja (Operating System) nuk eshte me aq i rendesishem sa c’ishte dikur pasi perdoruesi po kryen shumicen e veprimeve ne rrjet tashme. Open Office qe eshte falas i kryen veprimet e MSOffice, me nje cilesi gjithmone ne ngritje. Firefox eshte shembulli se si Open Source mund edhe te tejkaloje cilesisht produktet e MS. Sot, me shume se 1 ne 10 perdorues zgjedhin Firefox ne vend te MS Internet Explorer.
Windows Vista qe sapo doli ne perdorim me moton “The Wow starts Now” beri fare pak buje, une qe punoj me XP nuk kam fare nderment te blej Vista, por do ta marr vetem kur te blej nje kompjuter te ri qe vjen me Vistan te instaluar. Njesoj si une shumica, nuk nxiton me te bleje keto OS pasi Aplikimet ne rrjet jane (me shpejtesi) e ardhmja. Kete vit ndertuesit e kompjuterave do leshojne versionet Linux qe anashkalojne Microsoftin komplet.
OS qe shiten me kuti kartoni te celefonuara i perkasin te shkuares. Microsoft ka beteja te medha perpara dhe rivale te eger nga cdo ane. Kjo nuk do te thote se Microsoft eshte per t’u hequr nga lista - pasi ai mbetet nje vigan - por duket se revolucioni i internetit nuk eshte ambient i pershtshem per nje gjigand qe preferon te kontrolloje gjithcka.
5 Shkurt 2007 @ 6:40 pm
Duhet te mbajme parasysh se Microsoft nuk eshte me ai qe ishte para 10 vjetesh sepse teknologjia,
———————————————————————-
Rendesi ka qe Rudina Seseri punon aty e merr qindra mije dallar rroge per te promovuar virtytin e Mikros. Hallall ja boft zoti asaj…Goldman Sachs, JP Morgan, Microsoft nuk duken keq fare ne resyme.
5 Shkurt 2007 @ 7:19 pm
Blendi, ajo qe shtove me lart nuk ishte “e vogel”; ishte “kapak i muhabetit”!
S’mora vesh c’hyn resumeja e R. Seserit ne kete muhabet….. Asaj i uroj te “terheqi” ne udhen e saj edhe shqipo te tjere. Por si perfaqesuese e Microsoftit, s’marr vesh si mund te jete e paanshme? Ju lutem mos me permendni fjalen “patriotizem”. Don’t belong.
5 Shkurt 2007 @ 7:23 pm
“Rudina vazhdon të punojë në zemër të kompanisë së famshme të Bill Gates” - kjo me shpetoi. Eshte njesoj si ti thuash nje shitesje ne ja vlen apo jo qe ti blesh dicka. Ta pret mendja qe POOO do thote.
Ne ketu te puna (IT) nqs na sjell ndonjeri kompjuter per ta rregulluar i fusim direkt Firefox dhe Thunderbird. Vista Business une e kam pa leke por nuk me merr malli ta instaloj. Edhe po qe se do blej ndonje kompjuter to ta instaloj me VMware.
Perdorimet e shfletuesave,
2007 IE7 IE6 IE5 Fx Moz S O
January 13.3% 42.3% 3.0% 31.0% 1.5% 1.7% 1.5%
Dmth megjithese Windows jane 90% e kompjuterave dhe IE e kane me detyrim, 3 ne 10 zgjedhin Firefox.
Ja sa te “mira” jane produket e MS. Plus qe ku e shikojne keta investimin ne Shqiperi? A do hapi ndonje kompani programimi MS ne Shqiperi? Jo! Atehere?
5 Shkurt 2007 @ 7:34 pm
Genti shume vizita paskeni me Fx, ne per vete kemi dicka me te perafert me tregun e pergjithshem:
1.Internet Explorer 6.0 - Windows XP 48.54%
2.Internet Explorer 7.0 - Windows XP 17.99%
3.Firefox 2.0.0.1 - Windows XP 10.06%
4.Firefox 1.5.0.9 - Windows XP 5.53%
5.Internet Explorer 6.0 - Windows 2000 4.03%
6.Internet Explorer 6.0 - Windows 98 1.67%
7.Firefox 2.0 - Linux (unknown version) 1.61%
8.Firefox 2.0.0.1 - Windows 2000 1.25%
9.Firefox 1.5.0.9 - Windows 2000 0.98%
10.Safari 419.3 - Macintosh Intel 0.71%
6 Shkurt 2007 @ 9:59 am
“Të rekomandosh në termat më absolut përdorimin e programeve “Open Source” si programe bazë të sektorit publik do të thotë që t’i vësh operacionet e qeverisë në varësi të hobit të këtyre individëve.”
Me gjithe respektin per CV-ne e kesaj Rudines, kjo na ben shume injorante me kete fjali. Te pakten te mos i permendte fare open source. Ca do ti thosh kjo femra iniciativave pafund te administratave shteterore ne Amerike dhe ne Europe per perdorimin e FOSS.
Per bashkine e Mynihut u fol me muaj per kalimin ne FOSS, per Kroacine ju solla nje link, ne Maqedoni ka iniciativa, etj etj.
Megjithate, larg skepticizmit ka nje gje te mire kjo histori. Qe per shqiperine nuk flitet me per kallashet, per lypesit, per trafiqet por flitet per Microsoft. Kjo per mua eshte pozitive. Dhe eshte nje sinjal pozitiv per kompanite e tjera per te hedhur ndonje lek tek. Dhe nqs ne zgjojme deri diku interesin e nje kompanie gjigande kjo eshte nje reklame shume e mire per vendin. Kini parasysh qe jemi nje vend i vogel, me pak fuqi konsumatore, dhe nuk eshte e lehte te terheqim vemendjen e kompanive te medha. Gjithesesi qeveria ka bere mire qe e ka kapur mundesine per ti bere reklame vetes dhe vendit, ne fundt te fundit kjo eshte koha kur mundesite do te ofrohen. Sepse bashke me shqiptaret ne nje Kosove te lire ne krijojme nje treg jo aq te vogel ne ballkan pastaj. Une mendoj se ceshtja e Kosoves eshte nje nixtese per investimet. Pavaresisht kufijve dhe statusit, shqiptaret shihen si nje treg i vetem.Dhe kjo eshte koha e duhur per te kapur mundesite ose per ti humbur ato. Pastaj per te pare kush eshte mundesia me e leverdishme per ne, kjo eshte ceshtje tjeter, dhe qeveria sduket sikur e vret fort mendjen per kete
6 Shkurt 2007 @ 10:10 am
Byrek! Tema i microsoftit hapet ketu per te treten here… Dhe mua me pelqen ta shoh keshtu sic e shpreh ti… Shqiperia terheq vemendjen… Bota na sheh si bleres kompjuterash dhe jo tregtare armesh apo femrash… E kam thene edhe me pare kete…
Pastaj… tjeter… Kush eshte ai burre qe nuk ja kane hedhur per here te pare ne treg… Digjesh nje here nga cmimet, meson hilete dhe provon te jesh me i kujdesshem here tjeter…
7 Shkurt 2007 @ 5:43 am
time is indeed money in tokyo! dhe llafet tamam qe jane fukarallek per shqiperine.
megjithate nuk mund te rime pa i thene dy llafe kur kemi kohe qe te bejme
pakez drite per ata shpirterat qe kane mbetur ne shqiperi (no offense
taken). te pakten per ca gjera qe mendojme se i dime.
me ben pershtypje se qeveria shqiptare mer keshilltare nje persone qe ….
punon ne MS, per te blere nga MS. nuk e di po me duket nje conflict of
interest shume i mprehte, duke pare qe politikanet aty ne albania jane si
arabet qe mund te shesin rere dhe ne mes te shkretetires (pa le idera dhe premtime, me kile) …
po nejse moj rudina (e di qe rezik nuk do ta shohesh kete post, po kjo ehste dedikuar per my fellow albanians)
mqs jam pjestar i ketijj Web 2.0 revolution te shekullit 21, po ta them si
fillim qe une DISLIKE MS products. ato jane per njeres qe jane akoma (nje
zot e di se sa kohe do jene po jam i sigurt qe do kete gjithmone) hooked up
ne kete giant MS Matrix. blinded for ever. jo per faj te tyre. anyway who
cares, ata jane shume weak per ta kuptuar dhe bere gje.
te jesh researcher aktiv per computers, do te thote te jesh rebel dhe te
pakten nje 51%shpirt hackeri (ndryshe edhe mer nje PhD per statistiken e
universitetit ku studion, po nuk te vlen per gje). This is the passion.
dhe jam i sigurt qe cdo kush qe ka qene i tille
ka mundur te KILL nje process running ne LINUX dhe nga fundi i dheut,
nderkohe qe ka gjetur te pakten nje HOLE ne kete MS operating system, ku ka mundur te pshure per qejf dhe i ka hequr power kompiuterit, duke share bosin e madh te microsoftit, kur his BOX eshte ftohur fare dhe as emr as jep … e di qe flasim gjuhe te ndryshme sepse jemi nga fusha te
ndryshme.
me kuptoni drejt. ka ikur koha kur MS e dinte se cfare me duhej mua si
konsumator. aktualisht nuk e kane as idene me te vogel se cfare me duhet mua (mos filloj me privacy, e shume gjera te tjera se na le pa ngrene ata peshqit e tsukijit)
ky blog eshte ndoshta shprehja me e qarte se sot politikat e zhvillimit
duhet te mbeshteten mbi shumatoren e zerave te njerezve (open sources
forums to start with), se sa mbi politika globale te cave qe i hartojne dhe
qe kujtojne se dine cduan masat (po vetem mbrojne sekretet e microsoft conspiracy).
me beso kjo nuk ka mundesi perderisa une jam nje individual ne kete realitet. microsofti nuk mund ta beje dot.
again rudo no offence taken, po jam shume i sigurt qe average of
intelligence fluide e ketyre grupeve po prape jane fluide on the net, e tejkalon IQ timen e tenden
bashke, prandaj ehste e veshtire te besh policies per te ardhmen e ketyre
njerezve. qofte dhe ne gjera te tilla, si operating systems and OEM
softwares.
jam gjithmone i lumtur kur arij te override MS ne implementimin e asaj qe
dua te bej. and mark my words, e ardhmja nuk ehste microsoft, per ata qe e kane pare, sic e pa billi ne 70ten.
e mos e zgjat shume kur me jepet rasti (sic ehste dhe ky blog) jap edhe une nje dore per te sqaruar gjerat, gjithmone ne disfavor the MS, por kjo ehste me e pakta.
at least I do what I belive sepse jam FREE, and you do what you are told to do.
ta nis kete komentin para se te na beje ndonje film winXP, se kush ri shkruan dhe nje here ne Linux, pa per privacitet as qe behet fjale fare …
PS. mqs merem me shkence, mjafton te te Google oj rudine per te mare vesh qe aksidentalisht je gjendur ne nje fragment research (i korporates, per korporaten and no offense taken again). dhe keshtu qe nuk jemi njesoj se mua me pelqen research i fokusuar dhe shume i thelle, po nejse ti je aty per te bere money. Win vista perseri do blihet e sapuni do vazhdohet te hahet per djathe, no doubt about … ceshtja ehste how long?
7 Shkurt 2007 @ 11:29 am
cluephone,
Ashtu gjys shqip gjys anglisht, ti thua gjera te drejta.
Por mos harro qe kur ti qe e ke kaq te hapur mendjen dhe prape ke XP ne PC tende, mos prit kaq shume nga shqiptaret.
Ne fund te fundit qeveria jone nuk eshte lidhur per brekesh me MS. Nje marreveshje ka nenshkruar dhe jo nje kontrate. Dhe ishte koha qe qeveria te bente dicka perpara per piracy. Te gjitheve na shijon te mos harxhojme asnje lek per software qe perdorim. Ama, eshte koha ti nenshtrohemi ligjeve.
Sot lexova qe Gorbacovi i kish shkruar nje leter Gates qe te falte nje mesues rus qe e kishin degdisur ne nje burg siberian sepse kishte blere per shkollen e tij kompiutera me software te licensuar. Dhe per ta denuar, e kish denua nje gjykate ruse. Sigurisht qe MS i kishte thene qe ne sna rruhet fare dhe kemi besim tek drejtesia ruse.
Por ti imagjino ca behet ne shqiperi. Kompanite partnere te MS dhe qe shesin produkte te licensuara te MS , per veten e tyre perdorin kopje pirate. Epo dikur dhe kjo duhet te marre fund. Edhe shqiptaret e varfer paten kohen e mjatueshme 17 vjet per tu kenaqur me programe pirate, per te mesuar, per tu zhvilluar, per te eksperimentuar. Tani duhen stade te tjera zhvillimi prandaj eshte mire qe qeveria merr iniciativa te tilla per respektimin e standarteve. Pastaj pjesa e marreveshjes , nuk i dihet, ta shohim sesa do respektohet.
7 Shkurt 2007 @ 11:31 am
sorry desha te thoshe
“me software te palicensuar”
7 Shkurt 2007 @ 12:11 pm
Big brother,
Dua vetem te te terheq pak vemendjen tek kjo qe thua:
Edhe shqiptaret e varfer paten kohen e mjatueshme 17 vjet per tu kenaqur me programe pirate, per te mesuar, per tu zhvilluar, per te eksperimentuar
————————————————————————
Mendoj se ketu gabohesh!
Gjate ketyre 17 vjeteve shqiptaret jane te fundit ne evrope per sa i perket zhvillimit apo mesimit te PC!
Jemi shume larg vendeve te ballkanit lere me te krahasohemi me vendet e zhvilluara ne bote!
Eshte fakt se vetem nje minoritet banoresh ne shqiperi kane internet ne shtepit e tyre dhe vetem keto vitet e fundit kemi nje perpjekje per shkollat me PC!
Ne vendet evropiane edhe kopshtet jane me PC per kalamaqt!
Persa i perket artikullit mua me duket pak e ekzagjeruar te thuash se Microsoft do investoje “miliona” ne shqiperi apo se mijra njerez do punesohen!
Ky eshte thjesht biznes!
Microsoft vjen per te fituar “miliona” nga xhepat e shqiptareve dhe punesimi i njerezve do te varet nga fitimi qe do nxjerre kjo kompani ne shqiperi!
Keshtu qe, le te mos ta ekzegjerojme por sigurisht edhe nenvleresuar!
Ka ikur koha e “Cekut te bardhe” ne shqiperi!
7 Shkurt 2007 @ 12:38 pm
Leon,
jam dakort qe ne jemi shume mbrapa ne mesimin e PC. Por smund te pretendosh akoma qe ne 2007 kur ne nenshkruajme marreveshje me EU te mund te tolerohen gjera te tilla. Edhe aq sa ckane mesuar shqiptaret ne keto 17 vjet i kane mesuar fale piracy. Dhe shyqyr qe kemi pasur programe pirate.
Por smund te presesh derisa PC dhe interneti te shkojne shtepi me shtepi qe te jesh ne rregull me ligjet. Pastaj shqiperia ne zonat urbane nuk eshte sic thua ti. Perqindja e popullates qe perdorin PC nuk eshte fort e vogel. Dhe Microsoft ne keto zona urbane do te nxjerre ndonje lek, dhe jo atje ku ska as rruge makine. Ne gjithe farefisin tim, qe i perket shtreses se mesme (dhe nuk jane te gjithe ne tirane) kane PC ne shtepi. Dhe do cuditesh qe tezja ime 65 vjec, mamaja ime 60, burri i halles time 70 perdorin PC-ne. Dikush shkruan , nje tjeter perdor aplikacione grafike dhe nje tjeter perdor software per kontabilitetin. Nje miku im ka familjen e vet ne nje qytet shume te vogel verior. Te gjithe kalamajt e vellezeerve dhe motrave te tij ne ate qytet te humbur mbase nuk e kane ne shtepi por dine ti perdorin shume mire PC-te, djegin CD me muzike dhe i shesin :-), bejne DJ, luajne, shkruajne. Le te themi nje gje, jeta e shqiptareve ka pas perimeresim keto 17 vite. Jo ne gjithe aspektet. Sidomos jo ne ate kulturor dhe edukativ. Ama disa gjera bejne diferencen dhe keto jane : Ushqehen shume shume me mire, vishen shume shume me mire, mobilojne shtepite shume shume me mire, shohin shume shume me teper TV dhe .. perdorin PC-te dhe internetin. Ti mos pretendo qe ne ne kete fushe te jemi njelloj si vendet e tjera, por me ler te them nje gje : qe ne kete fushe jemi me afer me vendet e tjera sesa ne fusha te tjera. Pra relativisht me zhvillimin e vendit, perdorimi i ICT-ve le te themi qe eshte ok.
Qeveria ka per detyre te vendose rregulla. Lere ta beje detyren e vet. Pastaj behet fjale per administraten shteterore. Ehuu kam punuar dhe une aty dhe me beso, ka fonde per kete pune. Aty jane, mos kujto se do shperdorohen para te tjera. Ka projekte, ka financime, ka grante. Me ler te them qe administrata shqiptare ka para qe ato kopje softesh qe perdor ti kete me license. Absolutisht po! Ti se di sa leke mund te kursehen nga shperdorimi i fotokopjeve te shtrenjta, te printerave te panevojshem me ngjyra, te skanerave qe blihen per qejf, per flat screen totalisht te panevojshem, per laptopat qe ja japin kalamajve ne shpi, per web camerat, kufjet, mikrofonat, DVD writerat, etj etj. Nuk e vret qeverine investimi ne softe te licensuar. Edhe perbindeshi Microsoft ka skema te buta te tipit corpoate license. E di ti qe firmat ketu po luftojne kush e kush i shet me lire licensat e Microsoft? E di ti kompanite shqiptare po investojne qimet e kokes per te blere ERP. E di ti qe Oracle ka mbi dy vjet qe ben reklame lart e poshte per te shtuar numrin e klienteve ne Tirane? E di ti qe minsitria e brendshme ka ne projekt te implementoje SAP? E di ti sa kushtojne keto gjera. Prandaj le ta marri shturar dhe cdo gje ne kohen e vet. Une personalisht jam partizan i Open Source. Por mos bejme sikur ne do na gllaberoje Microsoft dhe do na shtrydhe xhepat. Nqs qerveria ka gabuar do ta tregoje me mire koha. Dhe mos kujto se gjithe shqiptaret jane kaq te pagdhendur e kaq te bindur sa te shkojne e ti binden qorrazi kryeministrit. Edhe ne ketu e dime qe ka alternativa te tjera ndaj MS. Dhe ashtu me perpjekje modeste perpiqemi te bejme zgjedhjen e duhur. Por mos kujto se eshte e lehte per ate nivel zhvillimi qe kemi . Kur kane ngelur vende shume me te zhvilluara peng te MS, mos prit nga ne te marrim flamurin.
Dhe per ta mbyll e perseris edhe nje here. Fakti qe flitet per Micosoft eshte reklame e mire per shqiperine. Jemi ne nje moment kur presim te hidhet ndonje lek ne kete vend. Dhe keto zera qe perhapen (lajmin e dha BBC) kontribuojne fort ne permiresimin e imazhit. Kemi shume nevoje te permiresojme imazhin ne menyre qe te bindim ndonje te hedhe leke ne shqiperi.
7 Shkurt 2007 @ 3:35 pm
Fakti qe flitet per Micosoft eshte reklame e mire per shqiperine. Jemi ne nje moment kur presim te hidhet ndonje lek ne kete vend. Dhe keto zera qe perhapen (lajmin e dha BBC) kontribuojne fort ne permiresimin e imazhit.
Kjo mund te jete e vertete!
Por si cdo gje tjeter edhe kjo puna e imazhit eshte me shkalle! Lexoni me poshte ne paci nge!
http://www.theage.com.au/news/breaking/microsoft-backs-belgrade-for-centre/2005/09/28/1127804510544.html
A mund te me thote ndonjeri se PSE ne jemi dy vjet (te pakten) mbrapa Serbise ne kete pune? Dhe … A ka ndikuar prania e Microsoftit ne permiresimin e imazhit te Serbise? Hmm….
Miq te dashur, nese mundohemi te shikojme nganjehere pikturen e madhe, hic gje e keqe nuk ka gjen.
7 Shkurt 2007 @ 3:46 pm
Serbia i dashur anonymus nuk ka pas neihere imazh te keq ne lidhje me investimet e huaja. As ka bere ‘97. Edhe lufta u be ne Kosove, Serbise nuk i hyri gjemb ne kembe. Italianet kane investuar atje qe ne vitet ‘80.
Serbia ka qendra rajonale per maqedonine, shqiperine, malin e zi, te shume kompanive te medha, nder to dhe kompani IT. Plus ka nje popullsi me te madhe se e jona.
Se kuptoj fare lidhjen me serbine. Kur une fola per imazh, e kisha llafin qe ne shqiperi investitoret kane ngurruar shume te vijne se ju dukej si vend i llahtarshem, me njerez me bisht. Dhe prandaj kur Microsoft interesohet do te thote qe tregu ka arrit nje fare potenciali, qe ekonomia eshte futur nje cike ne shina, qe ka ligje, qe ka loje tregu, qe ka marreveshje e bashkepunime. Qe eshte me e sigurte te investosh e ti kthesh syte nga shqiperia sesa me perpara.
Dhe une jam i bindur se kjo vjen kryesisht nga nenshkrimi i MSA (se kshu ka ndodh ne vendet e tjera perpara nesh) dhe nga rritja e potencialit shqiptar ne rajon (krijimi i shtetit kosovar)
7 Shkurt 2007 @ 4:22 pm
Jemi ne(Shqiperia ) ne nivelin e standarteve,d,mth te kemi nje sistem bankar,te fuqishem, siguri ,stabilitet politik,shoqeror,standart jetese kuture etj etj por ne nuk mund te kopjome vendet me standartet te larta si Gjermani, Angli,Itali, Spanje etj :
Ne se dine parrallen me “Plaka,plaku,pula dhe gjeli ” U nda placa me plakun dhe plaku si me i zgjuar i mori pulen, (pula ben veze -plaka mori cfare i ngeli, gjelin qe nuk ben pule ,,,,,e pastaj nje dite gjeli u merzit dhe iku,,..(. ka histori por po tregoj fundin ) gjeli na vjen ne shtepi dhe i thote plakes :”merr nje shufer dhe me bie ne kurriz ..,por dua me pare te shtrihem ne krevat, ashtu beri plaka, dhe he ,plaka shkopa dhe dheli flori,plaka shkopa dhe gjeli flori , u bo nje dore e mire me florinje ,….
Plaku e mori vesh, dhe i shkon pules (por pula budallaqe ,) ” e shikon i thote plaku, gjeli iku nga shtepia, dhe ka sjelle florinje, e ti ,!.., vetem veze .. “..shko ,se te ngordha e, na gjej florinj,- i thote plaku pules .. ”
Vete pula tek gjeli, dhe i thote : ” .. aman o gjel c`fare bere ti ,qe prure kaq florinje, ne shtepi … ” une, hengra hardhuca,zhapinje, bretkoca,” e genjeu GJELI ,
Umbyt pula me gjarperinje ,bretkoca,zhapinj dhe shkon tek plaku dhe i thote ashtu sic beri edhe gjeli :
Plaku e besoj pulen, dhe beri si plaka, por nuk mori florinj,por zhapinj,dhe brektkoca ne vend te tyre ,, Pula ishte budallaqe, nuk i thone tru pule..
Besoj se kontexin e kuptoni :
Lexoni kush mund te shpalle nisma inisiativa si SHqiperia :
http://www.investing-in-uk-land.com/?gclid=CMeF7OzBnIoCFQY9Zwodg3oDhA
Por jo SHQIPERIA. (Pula dje plaku )…
7 Shkurt 2007 @ 4:32 pm
Shikoni ketu nje ofert http://www.bbc.co.uk/insideout/east/series7/free_land.shtml
por pse kopjome kaq keq?,edhe nje fermer, ka me shume tru se ai qe pretendon “shqiperia nje euro “?
Por fermeri atje, ka nje siguri se mbi koke ka nje infrastrukture te lehete per tua plikuar ,nje siguri ne vedin e tija , .. Po Shqiperia nje euro ? cfare sigurie u ofron investimeve,dhe eshte KRYEMINISTRI pronar toke i shqiptareve ???Zgjidheni ju kete ceshtje //
7 Shkurt 2007 @ 4:34 pm
@kujtesa:
ku e ka shtepine ajo plaka
7 Shkurt 2007 @ 4:39 pm
Thone qe peshku nuk ka tru,(mos te merzitet peshku )se ka edhe me keq ,kemi Pulen dhe plakun ..
7 Shkurt 2007 @ 4:42 pm
Kujtesa, e keqja eshte se ne jemi OK me tru vec e vec, por kur “behemi bashke” na firasin fare ato te shkreta mend….. don’t you think?
7 Shkurt 2007 @ 4:52 pm
Do me na cu prap, tek kooperativat, ti ?
..:) e provume nji here ..po provojme ket tjetren, po QEVERIA kujt osht , i her ..? e jona pra e jona , e kemi bashk,me paret e shtepise e kena ble .. 
7 Shkurt 2007 @ 4:55 pm
eh koopertaivat, c’mi kujton,… atehere hante qeni petulla …
16 Mars 2007 @ 6:44 am
ne lidhje konfliktin e interesit, negociatat jane bere pasi rudina seseri eshte larguar microsoft-i per te menaxhuar nje fond investimesh institucionale per teknologjine (duke perfshire web 2.0). roli nuk perbente konflikt interesi sepse ajo nuk ishte e kontraktuar nga asnjera pale. ne biografine e saj, gazetari ne fillim ka thene qe eshte larguar pastaj flet per qenien tek microsofti. ky ka qene konfuzimi i tiji dhe informacion i pasakte kronologjik.
open source eshte nje ceshjte qe u ngrit si nga gazetaret ashtu edhe nga teknologjistet ne lidhje me marreveshjen. qeveria shqiptare eshte e lire te marri dhe te perdori open source; asgje ne marreveshjen me microsoftin nuk eshte ekskluzive.
16 Mars 2007 @ 4:16 pm
Faleminderit per sqarimin. Suksese.
11 Prill 2007 @ 5:28 pm
iku dhe Billi.
Esteri11 apr 17:32 Spazio: Bill Gates pensa al turismo spaziale
NEW YORK - Bill Gates potrebbe diventare il prossimo illustre turista sulla Stazione Spaziale Internazionale. A dirlo, il cosmonauta russo Fyodor Yurchikhin, che cita le parole di un altro “turista spaziale” della Microsoft, Charles Simonyi, boss del software di Edmonton e attualmente a bordo della ISS. “Bill Gates - afferma - sta pensando se venire nello spazio”. (Agr)