Kur bëhet fjalë për zgjedhje, rezultatet e zgjedhjeve paraardhëse janë gjëja më e përafërt që mund të marrësh për bazë për të bërë dhe një parashikim në vija të trasha. Nuk do fokusohemi në detaje shumë, sepse këtë e kanë bërë tashmë, nëqoftese ju interesojnë detajet ose një analizë më e hollësishme do ju sugjeroja shkrimet e Z.Gjergj Erebara, i cili ka bërë nga një artikull ku shpjegon me detaje, situatën në cdo zonë zgjedhore.
https://www.reporter.al/autor/erebara-gjergj/
Ne nuk do të bëjmë të njëjtën gjë si Z. Erebara por do fokusohemi më shumë tek rezultatet bashkë me partitë e vogla dhe konfigurmin politik, sigurisht duke marrë për bazë votat e zgjedhjeve të vitit 2013.
Votat e zgjedhjeve te vitit 2013, Konfigurimi politik i vitit 2017
Gjërat kryesore që duhet të kemi parasysh:
Ndryshimi i mandatëve të zonave zgjedhore?
- Berati, Korca dhe Kukësi këto zgjedhje kanë nga një mandat më pak.
- Durrësit i shtohet një mandat
- Tiranës i shtohen dy mandate.
Si ndikon mos pasja e koalicionëve në llogaritjen e mandateve?
Në kodin zgjedhor llogaritja e mandatëve ndërmjet koalicioneve dhe partive që janë vetëm bëhet dukë pjesëtuar votat e subjektit politik me numra natyrore të njëpasnjëshëm. (1,2,3,4…) Në llogaritjen e mandatëve brenda partive të koalicionit bëhet duke pjesëtuar votat e subjektit politik me numra natyrore tek të njëpasnjëshëm ( 1,3,5…).
Duke përdorur si pjesëtues vetëm numrat tek, kjo ju jepte partive të vogla një avantazh te madh në marrjen e mandatit të parë. Mjafton të kishe pak më shumë se 1/3 e votave te partisë kryesore në koalicion dhe merrje mandatin e deputetit.
Konfigurimi Politik
Cdo parti është e regjistruar e vetme në zgjedhje, e për rrjedhoje mungesa e koalicioneve e bën llogaritjen e mandatëve jo me dy metoda, por vetëm më nje, pa pasur nevoje për llogaritjen e mandatëve brenda koalicioneve.
Votat e partive që janë regjistruar vetëm ne zgjedhje apo kane qene pjese e koalicioneve ne 2013 por qe jane regjistruar ne zgjedhje, do i shkojne te njejtit subjekt politik, me përjashtimin e rasteve si Partia Republikane, e cila marrëveshjen me Partine Demokrative e ka bërë pasi është regjistruar në zgjedhje, e për rrjedhojë votat e saj do i shkojne Partise Demokratike.
Votat e partive që kanë qenë pjesë e koalicioneve por që nuk janë regjistruar në zgjedhje, do i shkojne partisë kryesore të kolacionit ku ka berë pjese me përjashtimin e rasteve si PBDNJ që në 2013 ka qenë pjesë e koalicionit të majtë, por që tani mbështet Partinë Demokratike.
Ne figuren e pare kemi zgjedhjet e vitit 2013
Nuk po merremi shumë me analizen e 2013, thjesht me mandatet sepse kjo eshte bere dhe sterbere.
Partia Socialiste - 66 mandate
Levizja Socialiste per Integrim - 16 mandate
Partia Bashkimi per te Drejtat e Njeriut - 1 mandat
Partia Kristian Demokrate e Shqiperise - 1 mandat
Partia Demokratike - 49 mandate
Partia Drejtësi, Integrim dhe Unitet - 4 mandate
Partia Republikane - 3 mandate
Keto rezultate tani do t’i konvertojme, sipas konfigurimit politik aktual. Duke pasur parasysh ndryshimet qe permendem me lart sic jane:
Faktin qe partite e regjistruara jane vetem.
Ndryshimin e mandateve te ca zonave zgjedhore
Partite qe nuk jane regjistruar ne zgjedhje votat e tyre do i shkojne Partise se pare te koalicionit ku kane bere pjese ne 2013 me perjashtimin e rastese kur dime te kunderten .
Me keto parametra panorama e 2017 eshte e tille:
Sipas ketyre te dhenave rezultatet jane keto
Partia Socialiste - 68 mandate
Partia Demokratike - 60 mandate
Levizja Socialiste per Integrim - 11 mandate
Partia Drejtësi, Integrim dhe Unitet - 1 mandat
Ajo qe bie ne sy eshte rritja e Partise Demokratike nga 49 mandate ne zgjedhjet e kaluara ne 60 mandate. Sigurisht nje faktor eshte fakti qe ajo ne listat e veta ka dhe kryetaret e aleateve te saj , por sic shihet qarte nuk eshte vetem kjo. Sepse PD bashke me PR ne 2013 mori 53 mandate , Si duket nqs Partia Demokratike eshte e afte te marre votat e aleateve te saj si dhe spektrit te djathte qe nuk jane regjistruar ne zgjedhje , nje konfigurimi i tille i jep asaj nje avantash ne krahasim me 2013.
Humbeset ne kete mes jane partite e vogla dhe kjo ne shumicen e rasteve thjesht per faktin qe tanime menyra e llogaritjes se mandateve ndryshon ne krahasim me 2013.
Duhet pasur parasysh qe ne shum zona zgjedhore rezultatet jane shum afer dhe mandatet mund te shkojne nga te 3 partite kryesore.Nuk 5 apo 6 mandate jane ne loje sipas ketyre shifrave por mjaftueshem per te bere nje diference te madhe ne keto zgjedhje. Kemi parasysh ketu qe duhet faktorizu edhe impakti i levizjeve politike sic jane partite e reja , konsumimi i qeverise , a do jete e afte Partia Demokratike te marre nje pjese te votave qe humbi ne 2013.
Me kete si dhe me cfare thone numrat per cdo zone zgjedhore do merremi ne ndonje artikull tjeter.
Nqs jeni kurioz edhe doni ti perpunoni vete te dhenat ose konfigurimin politik mund te leni nje adrese emaili ketu poshte dhe une nuk do hezitoj te jua dergoj.
