Prokuroria ndonjëherë më ngjan me një kafshë letragjike që vetëm sa hungërrin tek shtriqet mendueshëm në televizion një herë në disa vjet, kur premton se po heton dosje zyrtarësh të lartë. “Dosje leshi” mendoj unë, ndoshta sepse kafsha që përfytyroj është gjithë lesh, si Gruffalo i librit për fëmijë. Por duket se sot bisha e butë ishte zgjuar kur ju përgjigj Kyreministrit hazër-xhevap lidhur me ca komente të tij të mëherëshme në mëngjes. Dhe kështu nisi një ping pong, Kryeministri-Prokurori, e cila s’ka asnjë dobi për sa i përket drejtësisë. Nuk kuptoj motivimin e prokurorëve për të komentuar komentet e kryemintrit, të cilit në koment nuk ia dalin dot.
Aq gjatë sa mbaj mend Prokuroria ka premtuar se “së shpejti” do bëjë arrestime. Asnjëherë nuk erdhën arrestimet, përkundrazi, prokurorët e korruptuar gëlojnë - ndaj sot Prokuroria, për kredibilitet nuk ka më shumë se politika.
“Prokuroria për Krime të Rënda ka pasur kënaqësinë, disa kohë më parë, të dëgjojë përvojën e homologëve të saj në Kroaci, hetimet e të cilëve, të nisura për një orë dore, përfunduan me arrestimin e më tej me dënimin e ish-kryeministrit të atij vendi. Gjithashtu, përvoja të ngjashme të suksesshme ka pasur edhe në vende si Rumania”, - thoshte deklarata e Prokurorisë për krime të rënda. Duke marrë si shembull Sanaderin e burgosur në Kroaci.
Më herët dhe sërish pas deklaratës, Rama e akuzoi prokurorinë për përfshirje në politikë, duke i thënë se nuk ka lëvizur as gishtin, që kur ka lindur. Në të vërtetë, ne s’kemi parë kurrë asnjë arrest njerëzish me fuqi politike nga prokurorët shqiptarë, as edhe një të vetëm. Ndaj zelli tingëllon i huaj, si dikush kur nuk është vetvetja. Sikur të ishin të gjithë ata që thonë se janë, do t’i imagjinoja tigra.
Ndërkohë Rama ka nxjerrë Saimir Tahirin nga grupi parlamentar i PS dhe forumet, duke thënë se mund të rikthehet pasi të ketë provuar pafajsinë i vetëm para drejtësisë. “Boll e kam bërë avokatin e Saimir Tahirit për 4 vjet në gjyqet politike e mediatike. E kam bërë me vetëdije të plotë, pa dyshuar kurrë në integritetin e tij, e kam bërë me pasionin për të ndryshuar Shqipërinë. Uroj që të mos e kem pishmanin e jetës time politike, gjithçka kam dhënë dhe gjithçka kam marrë nga Saimir Tahiri”, tha kryeministri Rama.
ndekaq , sot shfaqet gjithandej si nje biznesmen apo person me legjitimitet dhe integritet ne shoqeri…
