Partitë e krahut të djathtë në Britani, Austri, Hollandë apo Francë kanë rënë ndjeshëm vetëm në pak muaj që pas ardhjes në detyrë të Trump, dhe i tillë pritet të jetë rezultati edhe në zgjedhjet e ardhshme në Gjermani. Shumë parti të krijuara kohët e fundit kanë patur rritje të menjëhershme të pamenduara, duke shprehur në një farë mënyre indinjatën e njerëzve ndaj partive tradicionale.
Kështu për shembull, Le Pen mendohej të merrte 25-30% të votave pas raundit të parë të zgjedhjeve presidenciale në Francë, por numrat e saj ranë ndjeshëm në Janar. Ajo u mund nga partia e re e Macron, një ngjarje e pamenduar vetëm disa muaj më parë, duke rrëshkitur në vetëm 21% të votave në balotazh. Këtë fundjavë, rezultati në zgjedhjet parlamentare ishte akoma më zhgënjyes. Fronti Kombëtari i Le Pen mori vetëm 13% të votave, duke patur kështu shumë pak vende në Asamblenë Franceze, ndërsa En Marche, partia e qendrës e Macron do të ketë supermazhorancën me mbi 400 vende.
Në Mbretërinë e Bashkuar, lajm përbën ‘bixhozi i dështuar’ i Theresa May duke thirrur zgjedhjet e parakohshme parlamentare, pas dorëheqjes së Cameron pas referendumit për të dalë nga Bashkimi Europian. Në 2015 UKIP e Theresa May kishte marrë 13% të votave, dhe këtë vit ishte e gatshme të rriste votat dhe të konfirmonte May në krye të qeverisë. Por sondazhet filluan ta zbehin UKIP në vjeshtë, dhe rënia u bë më e madhe pasi u vendos të mbaheshin zgjedhje të parakohshme. UKIP mori akoma më pak vota se në 2015, ndërsa e madhe ishte rritja e Laburistëve.
Edhe Geert Wilders në Hollandë, i Partisë nacionaliste për Liri, PVV, përshëndeti fitoren e Trump në Amerikë, dhe pati rritje në sondazhe para zgjedhjeve në rreth 22 %, mjaftueshëm për ta bërë partinë më të madhe në parlamentin Hollandez. Por kjo rritje filloi të zbehej teksa zgjedhjet afronin, dhe shkoi deri në 13% në ditën e zgjedhjeve. Partia e qendrës së djathtë, VVD pro Europës mbetet ende partia më e madhe në Hollandë.
Ndërkohë në Gjermani, zgjedhjet do të mbahen në Shtator, por CDU/CSU e Angela Merkel duket e sigurt drejt fitores për shumicën e Bundestagut. Krahu i djathtë, Alternativa për Gjemaninë, AfD, sipas sondazheve ka pësuar tkurrje në 8%, nga 12-13 që llogaritej një vit më parë.
Interesant është edhe fakti se, sa më e afërt marrëdhënia me Trump e udhëheqësve botërore, rezultati në vendin e tyre ka qenë akoma më i keq. Kështu për shembull, Merkel është kritikuar shpesh prej Trump, por edhe përgjigja e saj ‘gjysmë me shaka’ nuk ka munguar. Kjo gjë ka rritur popullaritetin e saj në Gjermani dhe merr mbështetje për këtë ‘luftë’ në distancë me presidentin amerikan. Ndërkohë, nga ana tjetër, Theresa May në M.B. ka një marrëdhënie më të ngrohtë me Donald Trump. Ajo ishte udhëheqësja e parë e huaj që e vizitoi në Janar menjëherë pas Inagurimit. Por ajo është kritikuar në vendin e saj për faktin se nuk e ka kundërshtuar Trump për largimin e tij nga Marrëveshja e Parisit, apo për konfliktin që Donald pati me kryebashkiakun e Londrës pas sulmeve terroriste.
Nate Silver: (https://fivethirtyeight.com/features/donald-trump-is-making-europe-liberal-again/)
