Zv.ministrja kurohet në SHBA me 100 milionë lekë të qeverisë, njerëzit vdesin nëpër spitale
Nga Artur Hoxha
Gazeta Tema
07.05.2008
Para një viti, sorollatesha në spitalin onkologjik në Tiranë, ndërsa shoqëroja një të afërmin tim të sëmurë. Mungonin citostatikët, ilaçe me të cilat mjekohen të sëmurët me kancer, pasi nuk ishin bërë blerjet e nevojshme nga ana e Ministrisë së Shëndetësisë. Pas interesimit, mora vesh që zëvendësministrja e Shëndetësisë, Zamira Sinoimeri, prej kohësh mungonte në zyrën e saj për shkak se ishte e sëmurë. Për ironi të fatit diagnoza m’u tha se ishte kancer i gjirit dhe nuk mund të mos ndihesh keq kur dëgjon një lajm të tillë. Por, ndihesh shumë më keq kur merr vesh që zonja Sinoimeri nuk po trajtohej si gjithë qytetarët e tjerë shqiptarë pranë spitalit onkologjik në Tiranë, por në një klinikë të specializuar në Amerikë. Kjo u mundësua nga një fond prej 100 milionë lekësh, i vënë në dispozicion të saj nga qeveria shqiptare për kurimin në vendin ku mbijetesa e qytetarëve nga kjo sëmundje është më e lartë se kudo tjetër. Pikërisht kjo zëvendësministre ishte drejtuese e politikave në lidhje me spitalin onkologjik, si dhe e ngarkuar nga Ministria e Shëndetësisë për blerjen e citostatikëve, të cilët nuk arriti t’i blinte në kohë, pasi iu desh të fluturonte në Amerikë për kurim në kushte speciale, duke lënë pacientët në Shqipëri të vdisnin pa trajtimin e domosdoshëm me citostatikë.
Ndërsa i afërmi im e humbi betejën me kancerin, për shkak të vonesës në diagnostikim si dhe mjekimit të vonuar, krejt ndryshe ndodhi me zj. Sinoimeri. Më në fund, ajo u rikthye në zyrën e saj, pas një viti që mungonte në detyrë, e shëndoshur, por mbi të
gjitha e shëruar nga e keqja që i kishte ndodhur. Nuk mund të mos gëzohet gjithkush, por dhe të trishtohet njëkohësisht për fatin e pabarabartë të njerëzve dhe moralin e saj të shtirë.
Ajo, për ironi të fatit, drejtonte politikat kundër tumoreve në ministri, si dhe ishte drejtuese e grupit për blerjen e citostatikëve. Befasia ishte që kjo zonjë, në vend që të mjekohej si të gjithë pacientët në spitalet për të cilat kujdeset vetë e me ilaçet që duhet të ishin blerë nën kujdesin e saj iku larg, shumë larg. Natyrisht, pasi ilaçe s’kishte, pasi ajo nuk i kishte përfunduar blerjet dhe kujdesi këtu ishte i dobët. Ajo mori paratë tona, edhe të atyre kancerozëve të gjorë që nuk patën fatin e saj të mjekohen si ajo. Qeveria dhe ministri i Shëndetësisë i garantuan qëndrim të qetë në Amerikë së bashku me të motrën, jo vetëm duke i ofruar para për kurim në spitalin amerikan, por dhe duke i ruajtur vendin e punës.
Pas një viti, shumë njerëz vdiqën për shkak të mostrajtimit në kohën e duhur me citostatikë, pasi ikja e zj. Sinoimeri zgjati së tepërmi procedurat dhe vonoi blerjen e ilaçeve.
Kjo papërgjegjshmëri e drejtuesve të Ministrisë së Shëndetësisë dhe ky imoralitet duhet të marrë fund. Është indinjuese dhe e pamoralshme që zj. Sinoimeri, pikërisht zëvendësministre e Shëndetësisë, u mjekua jo në spitalet për të cilat ajo vetë harton politika, por në Amerikë dhe për më tepër, jo me paratë e saj, por me paratë tona dhe të atyre të mjerëve që sorollaten nëpër spitale e paguajnë mjekët nën dorë apo blejnë ilaçet me paratë e tyre për ta bërë mjekimin në spital ku shërbimi duhet të jetë falas. Do të kishin shpëtuar shumë jetë njerëzish me paratë e shpenzuara nga zj. Sinoimeri, pasi do ishin blerë më shumë ilaçe. Me çfarë morali moj zonjë do vazhdosh të flasësh për kujdesin ndaj të sëmurëve ne spitalin onkologjik, kur është evidente që shfrytëzon postin në shërbim të vetvetes dhe as që e çan kokën për fatin e njerëzve të thjeshtë?
Citostatikët, drejtoria e QSUT-së s’di të zhvillojë tender
Të gjitha detajet e shkruara në letrën e dërguar dje në redaksinë e gazetës “TemA” dëshmojnë për pasigurinë dhe shërbimin katastrofik që ofrohet nga sistemi shëndetësor shtetëror. Një shërbim, prej të cilit edhe drejtuesit e këtij të fundit frikësohen. Ky fakt tregon qartë që drejtuesit e institucioneve s’kanë besim në trajtimin e sëmundjeve tek organet që ata vetë i drejtojnë. Rasti konkret është ai i zv.ministres së Shëndetësisë, Zamira Sinoimeri, e cila, me një vendim të posaçëm të qeverisë shqiptare, një vit më parë përfitoi kurim falas në një klinikë amerikane dhe të gjitha shpenzimet u mbuluan nga buxheti i shtetit, çka do të thotë që shpenzimet u mbuluan prej taksave të qytetarëve. Ndërkohë, siç shkruhet edhe në letrën përbri, zv.ministri është qytetar i thjeshtë si të gjithë të tjerët, ky është edhe shkaku pse nuk duhet të bëhen diferencime, sepse në të njëjtën kohë në spitalin onkologjik në Qendrën Spitalore Universitare “Nënë Tereza” vdesin çdo ditë njerëz nga kanceri, mungojnë citostatikët, mjekët s’lëvizin nga vendi pa ryshfete, etj.
Problemi kryesor është mungesa e citostatikëve, për të cilët ka rreth një vit që po shtyhet tenderi. Burime nga Ministria e Shëndetësisë shprehen se ky tender po shtyhet vetëm nga paaftësia e drejtuesve të QSUT-së, të cilët nuk janë në gjendje as të zgjidhin problemet më të vogla teknike, duke shkaktuar kështu vdekjen e shumë personave që kanë nevojë për këto lloj ilaçesh shumë të shtrenjta. Problemi nuk qëndron se zv.ministrja u trajtua në SHBA apo dikush tjetër në Angli, por për shkak të moszhvillimit të tenderit të citostatikëve, shumë persona kanë vdekur.
VENDIM PËR NJË SHTESË FONDI NË BUXHETIN E VITIT 2007, MIRATUAR PËR MINISTRINË E SHËNDETËSISË, PËR MBULIMIN E PJESSHËM TË SHPENZIMEVE PËR KURIMIN NË SHBA TË ZJ. ZAMIRA SINOIMERI
Në mbështetje të nenit 100 të Kushtetutës, të neneve 21 e 27, të ligjit nr. 8379, datë 29.7.1998, “Për hartimin dhe zbatimin e buxhetit të shtetit të Republikës së Shqipërisë” dhe tё neneve 8 e 12, tё ligjit nr. 9645, datё 27.11.2006, “Pёr buxhetin e shtetit, tё vitit 2007”, me propozimin e ministrit të Shёndetёsisё, Këshilli i Ministrave
V E N D O S I:
1. Ministrisё sё Shёndetёsisё, nё buxhetin e miratuar pёr vitin 2007, nё programin “Administrim, planifikim, menaxhim”, zёri “Shpenzime operative”, t’i shtohet fondi prej 10 000 000 (dhjetë milionё) lekësh, pёr mbulimin e pjesshёm tё shpenzimeve pёr kurimin nё SHBA tё zj. Zamira Sinoimeri.
2. Ky fond të përballohet nga fondi rezervë i Këshillit të Ministrave.
3. Pagesa tё kryhet pas paraqitjes sё faturave origjinale nga instituti që ofron shërbimin.
4. Ngarkohen Ministria e Shёndetёsisё dhe Ministria e Financave për zbatimin e këtij vendimi.
Ky vendim hyn në fuqi menjëherë.
7 Maj 2008 @ 11:49 pm
kjo te le pa fjale. si i ze gjumi naten keto njerez?
peticion?
8 Maj 2008 @ 12:19 am
Cfare peticioni l.shi kerkon ti o mik i dashur?Ku ishte ky ushtari i Meros kur nga parate e taksapaguesve kurohej GRATIS nje mik i ngushte i vete Kryeministrit ????
Ne te tilla raste te ngrihen vertet kacabunjte e te vjen te ulerasesh…..NUK BEHET AI VEND,JO !!!!!!!!
Ptuuuu maskarenjte…..
———————————–
VENDIM
Për
NJË SHTESË FONDI NË BUXHETIN E VITIT 2006, MIRATUAR PËR MINISTRINË E SHËNDETËSISË, PËR MBULIMIN E PJESSHËM TË SHPENZIMEVE PËR KURIMIN, NË ITALI, TË Z.BASHKIM GAZIDEDE
Në mbështetje të nenit 100 të Kushtetutës, të neneve 21 e 27, të ligjit nr.8379, datë 29.7.1998, «Për hartimin dhe zbatimin e buxhetit të shtetit të Republikës së Shqipërisë», dhe tё neneve 8 e 12, tё ligjit nr.9464, datё 28.12.2005, « Pёr buxhetin e shtetit, tё vitit 2006 », me propozimin e ministrit të Shёndetёsisё, Këshilli i Ministrave
V E N D O S I :
1. Ministrisё sё Shёndetёsisё, nё buxhetin e miratuar pёr vitin 2006, nё programin « Administrim, planifikim, menaxhim », zёri « Shpenzime operative » t’i shtohet fondi prej 4 000 000 (katёr milionё) lekësh, pёr mbulimin e pjesshёm tё shpenzimeve pёr kurimin, nё Itali, tё z.Bashkim Gazidede.
2. Ky fond të përballohet nga fondi rezervë i Këshillit të Ministrave.
3. Pagesa tё kryhet pas paraqitjes sё faturave pёrkatёse.
4. Ngarkohen Ministria e Shёndetёsisё dhe Ministria e Financave për zbatimin e këtij vendimi.
Ky vendim hyn në fuqi menjëherë.
K R Y E M I N I S T R I
SALI BERISHA
27/11/2006
http://www.keshilliministrave.al/index.php?fq=brenda&m=news&lid=5902
8 Maj 2008 @ 12:29 am
lexuesi s’po e marr vesh kete punen e dates. 27/11/2006 Kryeministri sali berisha…? sikur ishte president ne ate kohe ai apo jo?
8 Maj 2008 @ 12:37 am
Mos u ngaterro kot o AR31,me 27/11/2006 ishte vetem Kryeminister….sot eshte Kryeminister,President,Kryeprokuror,mjek, etj (vetem kryetar Parlamenti nuk behet dot,se te merr gjak ne vetull Topalli per ate pune).
8 Maj 2008 @ 12:38 am
8 Maj 2008 @ 12:45 am
AR31
Faktikisht nuk eshte aspak per te qeshur.Lexo shkrimin,te dy vendimet e keshillit te ministrave pastaj krahasohe me sherbimin qe u behet prinderve tane…..
8 Maj 2008 @ 1:00 am
ky tipi qe e shkaterroi shqiperine qe nga renia e komunizmit deri ne 1997 kur i vodhi shqiptaret dhe i vuri dhe zjarrin perfundimtar vendit tone, ky tipi fiton zgjedhjet ne 2005. nuk eshte per te qeshur sipas teje??? me siguri po ata njerez qe presin ne rradhe te pafundme si kafshe, qe behen pre e korrupsionit, qe fyhen cdo dite zyrave te shtetit, qe injorohen ambasadave te huaja, qe vriten neper gerdecra e neper komisariate, jane po te njejtet qe prape do ja japin voten ne 2009 ketij idiotit. eshte nje situate kaq absurde! dhe dukemi kaq mazokist!
8 Maj 2008 @ 3:44 am
Ne nje tregim per Stalinin thuhet se per ti treguar disave se cte presin nga populli morri ne dore nje pule. Filloi ti shkulte pendet nje e nga nje. Pula perpelitej por nuk kishte fuqi e tru ti shpetonte merthimit.
Mbasi mbaroi pune e hodhi pulen ne toke. Pastaj i hodhi ca grure. Pula ndoqi gurin dhe shkoi dhe u fsheh te kembet e Stalinit.
Keshtu edhe kjo pune me pulat.
8 Maj 2008 @ 4:40 am
Po te kishte pas pak tru pula ca do bote? Cila do ishte strategjia e pules?
8 Maj 2008 @ 6:20 am
Mua menyra e mendimit te ketij artikulli nuk me bind. E di qe po shkoj kunder rrymes, po s’me pelqen ky lloj fajesimi. Titulli i artikullit te duket ne fillim kuptimplote, por po ta gervishtesh pak siperfaqen e kupton qe kurimi i zv. ministres nuk shkaktoi vdekjen e njerezve neper spitale. Ja disa arsye:
1) Shteti shqiptar, si shume shtete te tjera, nuk ka para per te mbajtur sistemin shendetesor. 100 milione leket e harxhuar per zv. ministren ne fjale, nuk do e shpetojne sistemin. Ja, e zeme se i kurseu qeveria ato 100 milione leke dhe i hodhi drejt sistemit. Efekti do ishte zero. Sepse shendetesia ne ate vend ka nevoje per shume me teper. Keshtuqe ideja qe sugjeron titulli i artikullit eshte mbrapsht.
2) Autori shkruan:
Kjo fjali fajeson Sinoimerin per vdekjen e shume njerezve ne Shqiperi. Po cfare beri Sinoimeri? Shkoi te kurohej. Perseri, kauzaliteti i implikuar nuk ekziston. Supozo per shembull qe Sinoimeri te kishte ikur ne SHBA pa fondet e qeverise. A do ishte ajo prape fajtore? Sigurisht qe jo.
3) Sikur Sinoimeri te ishte artiste e popullit, pak njerez do ishin ngritur per te kundershtuar ndihmen e qeverise. (Madje, shume njerez kane kerkuar qe shteti te shpetonte kete apo ate artist.) Sigurisht qe zonja ne fjale ka miq te larte ne pushtet. Por ajo eshte dhe punonjese e shtetit. Po te ishte ministre, bie fjala, a nuk do kishte detyrim shteti ndaj saj? (E di qe kjo eshte “slippery slope”, e di, po thjesht po them qe ndaj punonjesve te larte, shteti ka pak me teper pergjegjesi.)
Kuptohet qe ketu nuk behet fjale per te ndihmuar thjesht nje nepunese. Zonja ne fjale, me shume gjasa, ka miq te mire ne pozita shume te mira. Ama, edhe autori i shkrimit, paradoksalisht (apo per ironi), ka per zemer interesin e te afermit te vet mbi te gjitha. Kjo eshte normale. Por, kur autori flet per moral te rreme, ne ate thes duhet te fuse dhe veten. Sepse nga njeri krah mbron njeriun e thjeshte “te pergjithshem”, nga tjetri flet per te afermin e vet.
Lexuesi mendon te njejten gje: pse te shpetoje zonja ne fjale, e te mos shpetoje familjari im? Pyetje me vend. Por moralisht ky lexues nuk eshte as me lart, as me poshte se ai pushtetar qe firmosi vendimin. Sepse po te ishte ne ate pozicion, do bente te njejten gje. Aq me teper po te ishte e afermja punonjese e shtetit.
4) Kjo eshte pika me e rendesishme: Cdo shtet i varfer ndodhet perballe zgjedhjesh te pamundura. Ku t’i shpenzoje ato pak leke qe ka? Te shpetoje te semuret? T’u jape buke te varferve? Te investoje ne ekonomine e vendit? Te paguaje borxhet?
As ne nje bote ku nuk ka korrupsion, nuk ka pergjigje te kenaqshme per nje shtet te varfer. Shto dhe korrupsionin, dhe pergjigjet behen tragjike. Ama, te krijosh paralele si ky i artikullit eshte gabim. Sepse cdo element i buxhetit te ketij shteti mund te kundershtohet ne te njejten llogjike, ca me shume me teper sukses sesa rasti me siper. Udhetimet e pafundme te deputeteve ne vende qe s’kane pike lidhjeje me ate tonin, per shembull. (Kur po shikoja para ca kohesh faqen ne Internet te tenderave te shtetit, shumica ishin per udhetime turistike per punonjes zyrash dogane. Shume me teper para se 100 milione leke, dhe asnje jete e shpetuar, asnje veprim diplomatik.)
Cdo shtet harxhon para per gjera jo-esenciale. Shpetimi i jetes se nje punonjesi te larte te shtetit nuk eshte nje prej tyre.
8 Maj 2008 @ 6:29 am
Kur leket e taksapaguesve perdoren per te shpetuar qofte edhe nje njeri te vetem jane pare te harxhuara mire,e kushdo qofte ky njeri.Nuk ka nje graduatorie ne shendet se me mire te kurohej zv.ministrja apo nje njeri tjeter qe nuk eshte ne qeveri.Uroj qe te jete sheruar plotesisht.
8 Maj 2008 @ 7:14 am
Zana moj,
a te ish socialiste kjo zevendes ministresha pa te shihnim si do flisje ti!!!
Ketu nuk diskutohet a eshte mire te shpenzojme leket e taksapaguesve per te kuruar semundje vdekje prurese. Ketu diskutohet per padrejtesine e kanalizimit te parave te taksapaguesit per te vizituar e kuruar nje njeri nderkohe qe shume te tjere qe vuajne ne te njetat kushte nuk furnizohen me barnat e caktuara per te luftuar e mposhtur semundjen.
Ti thua qe kjo pune ska kandar. Une mendoj te kunderten. Nuk e di ne te kutjohet por kemi diskutuar shume raste femijesh qe vuanin nga semundje qe mund te kuroheshin vetem jashte. Keto diskutime kane ndodhur gjate 2 viteve te kaluara dhe mesa duket ne paralel. Me kujtohet ata 2 binjaket qe qeveria nuk i ndihmoi as me viza e jo me me mbeshtetje financiare.
Pafytyrsia ka shume emra..
8 Maj 2008 @ 7:16 am
Ptuuuu pisat qe flejne mbi kufoma dhe thithin ajer plot grimca shqiptaresh!!!
8 Maj 2008 @ 8:59 am
Hajt ishalla Keshilli i Ministrave mer dhe ndonje vendim tjeter te ketij lloji, por kete radhe per Saliun.
8 Maj 2008 @ 10:10 am
Ej,
kjo semundja qe ka qo nruja ne gjuhe te popullit si quhet : majasell ?
Dmth i ka dale i gja ne vend te keq ??
Artur Hoxhe Efeniu i Gazetes Tema !
ju ka bere Mero te gjitheve profesioniste per shantazhe.
Me thoni , ose me mire le te me thote Mero, po i bini pragut te degjoje dera per gruan e ndonje Ministri qe te beni paralelizma kur te planifikoni gjoben e rradhes ?
Nuk ju beson njeri mer.
Asaj zonje i qofshin vuajtjet e lehta se kur u ndane 5 lekshi i kismetit ra nga ata qe kane ka i cike pushtet.
P.S. Arturi i Hoxhajeve, pyet MEron, ka pas ca afera korrupsioni andej nga Telekomi qe fillojnee mbarojne me Dhimiter Raftin, Arben Ahmetajn, Bert Manen dhe Yll Panaritin. Dy te paret PS dy te dytet PD. Pse hoqet dote nga botimi i materialeve te tyre ?
8 Maj 2008 @ 11:13 am
Penari shkruan :
Penar e ke kuptuar gabim nderhyrjen time.Nuk kisha per qellim kurrsesi te ngrija nje parelelizem kaq primitiv per te komentuar ngjarjen ne fjale.Qellimi im ishte denimi i ketyre akteve selektive nga ana e keshillit te ministrave i cili vetem ne dy raste paska dhene me VKM 140.000.000 leke (te vjetra).Pra,kemi te bejme me nje absurditet alla shqiptarce qe nga njera ane kemi shtresen e dobet ekonomikisht (kryesisht moshen e trete,prandaj dhe une dhashe si shembull “prinderit tane”) qe nuk perballon jo vetem jeten sociale por detyrohet te marri akoma dhe medikamentet e nevojshme me liste…
Nga ana tjeter kemi zonjen e nderuar (njerezisht me vjen keq per cka ka kaluar,dhe prape njerezisht gezohem qe paska kaluar me sukses mbi nje problem kaq te madh) qe ne menyre krejt selektive perfiton nga shteti nje perkrahje ekonomike kaq te fuqishme me argumentimin e vetem qe na qenkish punonjeses e administrates.
Tani vjen rradha ime per te ngritur ca pyetje:
A nuk ishin dhe prinderit tane (te mijte,te tu,te Cheney-s,te Koth,te Etruskut etj etj) ata qe punuan per ndertimin dhe konsolidimin e shtetit (pavaresisht sistemeve)?
Po nje i ri qe nuk ka privilegjin te punoje ne poste kaq te larta te administrates publike a ka privilegjin qe ne rast fatkeqsie te perfitoje me VKM nje shume te tille per kurim jashte shtetit?
Cila eshte diferenca mes nje drejtuesi se administrates publike dhe nje qytetari te thjeshte nga pikpamja e rendesise se gjese me te cmuar per njeriun,jetes?
Pse duheshin 140.000.000 leke te vjetra per kurim te punonjesve te administrates te kesaj “Qeverie se dietes” kur dihen mangesite tragjike ne sistemin shendetsor?
A mos ndoshta Jeta e qytetarit te Republikes se Shqiperise eshte kthyer ne prone publike,ku Keshilliiministrave ne menyre selektive perzgjedh njerezit qe duhet te marrin kurim te specializuar me fonde publike?
Jo,Penar thelbi i problemit nuk qendron as tek paralelizmi im as tek shkrimi i ushtarit te Meros.Thelbi i problemit qendron tek 2 VKM-te dhe tek situata reale ne Shqiperi.Fokusohu tek keto 2 te fundit dhe pastaj me kenaqsi debatojme.
8 Maj 2008 @ 1:22 pm
Lexues, ne fakt nuk po te pergjigjesha ty direkt, po tani po e shoh qe ai paragraf eshte konfuz. Kur them “Lexuesi mendon..” e kam fjalen per lexuesin ne pergjithesi, jo per ty ne vecanti. Dmth, kushdo qe e lexon… (S’me shkoi ne mendje fare nick-u yt, megjithese e lexova komentin tend.)
Pyetjet e tua jane me vlere (njesoj dhe permendja e VKM per Gazideden, qe eshte shume me keq se kjo e zv. ministres sepse ne ate kohe Gazidede nuk figuronte fare si punonjes i shtetit, ne mos gaboj). Po investimi i shtetit tek shendeti i punonjesve te vet te larte, qofshin keta edhe militante, mua me duket veprim me i pranueshem se ca shpenzime te tjera. P.sh. (opinion personal ky) mua me duket humbje me e madhe reklama tek CNN (qe kushtoi tre here me shume). Jo se nuk duhet te reklamohet, por sepse me 100 spote 30-sekondshe nuk ndertohet turizmi ne vend. Duhen shume me teper dhe duhet strategji e gjere, etj etj. Nejse, muhabet tjeter. Ideja eshte qe situata ne Shqiperi eshte keq per cdo lloj shpenzimi qe nuk eshte esencial…
8 Maj 2008 @ 1:59 pm
Nganjehere Perendia dergon te ftohtin sipas rrobave qe ka secili prej nesh,e keto jane rastet me fatlume.Edhe nese kushdo tjeter do te mundej te kurohej me paret e shtetit do isha njesoj e lumtur.Per fatin e saj kjo zonje u gjet ne momentin e duhur ne vendin e duhur.Nuk mendoj se te semuret me cancro ne Shqiperi vdesin nga mungesa e kurave dhe e kujdesit.Apo sepse kjo zonja mungoi nga puna per nje kohe relativisht te gjate.Eshte semundje terribile njerez.Mos kerkoni te gjeni alibi idiote.
8 Maj 2008 @ 1:59 pm
“Koth thote:
P.S. Arturi i Hoxhajeve, pyet MEron, ka pas ca afera korrupsioni andej nga Telekomi qe fillojnee mbarojne me Dhimiter Raftin, Arben Ahmetajn, Bert Manen dhe Yll Panaritin. Dy te paret PS dy te dytet PD. Pse hoqet dote nga botimi i materialeve te tyre ?”
O Kothere, pash nerin leji kto gjujtjet me qitje te larget. Ti a ke nej material ose thashethem te na e sjlesh neve qe jemi larg muhabeteve te kafeneve te TR ketu? Arturi I Hoxhajve nuk harxhon kohen tek peshku. Ne ke miresine te na ndricosh ca me teper per ato akuzat me siper, faleminderit. Do na hapesh syte dhe s’do na lesh te lodhemi duke vrare mendjen se perse e ke fjalen. Tung.
8 Maj 2008 @ 3:29 pm
Po jo mer Dajosh se nuk gje te re nga Fronti i Perendimit !
Gazeta e Meros , ne ditet e para te pas qeverise Nano , per tre muaj rrjesht kishte ne faqen e pare te cdo numri kete bshke me thirrjen Kur do arrestohet Dhimiter Rafti shkruante :
Nė dispozitėn 27, thuhet se Albtelekom deklaron dhe garanton se, do tė trajtojė shoqėrinė “Hermes” si klientin mė tė favorshėm, pra kompaninė e Fatos Nanos. Kjo ėshtė konkurrenca nė Shqipėri dhe e firmosur poshtė nga Arben Nano (Ahmetaj) dhe Dhimitraq Nano (Rafti)”.
Tre muaj rrjesht. Pastaj heshti Mero sepse e gjitha kjo me siper kaloi ne duart e KOP-steve Bert Mane dhe Yll Panariti dhe kete kalim e ka bere ai i politikave fiskale te Politikes pertej te Majtes dhe te Djathtes.
Ndersa Dhimitri i Rafteve u kollit thuhet.
Kaq mer.
8 Maj 2008 @ 4:30 pm
Do ti thonte Stalinit “Cben o burre? Nuk ka lezet keshtu!”
Ose mbase mundohej te mos u kapte ose te pakten ti pickonte doren.
8 Maj 2008 @ 4:45 pm
Penar idea eshte qe per nje qytetar te shtreses se mesme qe nuk ka lluksin te ndjeki gjithe lajmet e gazetave e as akses ne internet per informin me te detajuar kjo ngjarje kalohet si pa zhurme…
Prandaj po ta marresh keshtu shtruar fare i bie qe shteti i ka DHURUAR kesaj zonjes 100.000.000 leke te vjetra.Pyetja ngrihet:
A do e bente per cdo qytetar kete xhest kjo “Qeveri e dietes” ?
Kesaj pyetje ti pergjigjej dhe kjo Zana jone e nerume….e mos na leshonte finte alla italjonce.
8 Maj 2008 @ 5:31 pm
Lexuesi ke shume te drejte.
Une jam shume dakort qe zonja te shkoje te kurohet ku te doje sepse ne te tilla raste njeriu mendon per jeten dhe ndihma e shtetit ndaj qytetareve duhet te jete akordimi me shtete te ndryshme ne lehtesimin e vizave ne menyre qe qytetaret shqiptare te kurohen ku te deshirojne ne qoftese i kane mundesite dhe jo ti paguaj kurimet zonjes.
8 Maj 2008 @ 6:02 pm
Edhe nese nuk i marrim parasysh aludimet e Koth-it (qe jane logjike, fatkeqesisht, sepse “whistle-blowing” ne Shqiperi eshte kthyer ne biznes prej kohesh), mendoj se artikulli vuante nga lidhjet kauzale qe bente, sic thote Penari. Mund te ishte percuar mendimi shume here me mire pa qene kaq primitiv ne arsyetim. Ne jemi gati ti sulemi “shtetit” ne cdo moment, por kritikat duhen bere me mend.
Cdo pune - private apo shteterore - ka privilegjet e veta. Sigurimet shendetesore per kongresmenet ne Amerike nuk jane njelloj si per ata qe punojne ne supermarket. Eshte edhe e drejte qeveritare te akordohen fonde te vecanta kur eshte e nevojshme.
Por! Problemi duhet gjithmone te mbetet shendetesia dhe te mos personalizohet. Ornela Vorpsi e ka quajtur “vendi ku nuk vdiset kurre,” por sot per sot mbetet vendi ku vdekja eshte e garantuar. Eshte gjeja me turpshme, me e dhimbshme, me acaruese. Edhe korrupsioni edhe papergjegjshmeria kolektive falen, por te vdesesh njerezit neper spitale nuk falet. Ti mbyllin gjithe karrakatinat qe i quajne spitale, dhe te akordojne fonde per koke qe ti cojne njerezit te gjithe jashte.
Shqiperia eshte kthyer prej kohesh ne nje shaka; te pakten ne kete aspekt te mos tallet dhe t’a “out-source” shendetsine komplet.