Peshku pa uje » Tasqebap i importuar

Tasqebap i importuar

1 February 2008 @ 2:25 pm · në Mos Humbisni, Opinion, Shqipëria · postuar nga t_red

Sigurisht që takimi nuk po shkonte sipas parashikimeve. Ç’kuptim do të kishte po të ishte kështu? Të brendshëm e të jashtëm i shesin mend njëri-tjetrit për arritje që janë të shënuara vetëm në letër. “Po, shkëlqesi”- servilosen konsulentët që duhet të kthehen në shushajnër (shoe - shine - er) të palës shqiptare që ka në dorë miratimin ose jo të fazës tjetër të projektit. Në tre fazat e para të tij, përveç shpenzimit të 4.5 milionë eurove, asgjë tjetër nuk është e sigurt.

Por, ato janë shpenzuar. Dhe janë shpenzuar për Shqipërinë. Sigurisht duke paguar në shifrat më të larta ditore ekspertët ndërkombëtarë që vijnë nga fshatrat ku mbajnë për hobi tufa delesh, dhe transferohen në Tiranë në periudha dyjavore për të hartuar strategji që nuk vihen kurrë në jetë.

Mirë, u lodhën palët. Ja edhe ministrat që sillen sikur kanë mbledhje dikasteri. Shumica e këtij bordi nuk i është përgjigjur ftesës për pjesëmarrje. E përse të vijnë? Shpërblim financiar nuk ka. Iku koha e të lumturuarit, kur pjesëmarrja në çdo takim shpërblehej me 1/10 e pagës. Kryeministri vetë ishte anëtar në 10 borde, kurse të gjithë ministrat, zëvendësit e tyre dhe zëvendësit e zëvendësve, ishin anëtarë të po kaq bordeve fantazëm që mblidheshin vetëm për të justifikuar shpërblimin 10% x 10 mbledhje në muaj = dy rroga në fund të tij.

Pushteti antikorrupsion i c’ligjëroi shpërblimet për mbledhjet e bordeve dhe na vuri edhe ligjin që një nëpunës civil nuk mund të jetë anëtar në më shumë se dy borde. Po bashkë me të, hoqi edhe çdo lloj interesi dhe motivimi që dynjaja e administratës që ka përgjegjësi mbi supe, të mblidhet e të miratojë ndryshimet që shtyhen, shtyhen e shtyhen, po nuk kanë ku të venë më.

Pushim. Jo, jo, s’ka pushim, se na pret mbledhja tjetër. Takim, takim, prape takim. Edhe një tjetër takim. “Aha, Po. Tani e kuptova gjendjen, por, ups, me erdhi dita te nisem, kaq ishte misioni im në Shqipëri.”

Janë shtuar fluturimet dhe destinacionet nga Tirana. Shqipëria 1 euro. Por edhe 500 euro në ditë. Bonot do marrin udhën. Strategjitë hartohen, rishikohen, dhe bëhen edhe një herë që nga fillimi. Secila kushton miliona euro që vijnë e ikin nga Rinasi me shpejtësinë e erës së ndryshimeve.

Teksa miratimi i mendimeve të ligjit shtyhet për në mbledhjen tjetër, që ka gjasa të bëhet pas gjashtë muajsh, (e deri atëherë reformat le të presin siç donë vetë), ekspertët dhe pushtetarët e lodhur pinë kafe antikorruptive. Dy sekretarët ndajnë përgjysmë faturën që e ka zënë fushata e shkurtimit në shpenzime. Paguajnë nga xhepi i tyre për 20 funksionarë që ose lëngëzohen për copën e madhe 2 milionëshe që po vjen në horizont, ose bëjnë të mençurin edhe kur iu duhet thjesht të pretendojnë sikur janë të tillë.

Ligji pret miratimin që prej tij të nisë funksionimi ndryshe i gjërave. Pastaj vendimet që rrjedhin prej tij do të botohen në fletoren zyrtare, dhe hiç nuk po pres me padurim të shoh sërish guximin e rebeluar të gazetares sypatrembur të fiksit që do të përplasë duart e saj mbi xhamin e një institucioni shtetëror, ku kërkoka “me të drejtë informimi” përgjigje zyrtare për nj VKM të pabotuar. Përgjigjia zyrtare kërkon pyetje zyrtare, jo rrahje gjoksi fiks-pa-arsyetonjëse.

Po prandaj nuk botohen VKM-të, e as miratohen ligjet, e as ecin në asnjërin krah punët, qoftë edhe mbrapsht, sepse mënyra se si monitorohet ky shtet nga media dhe nga shoqëria civile është e atillë (pranohen përjashtimet J); një-syshe, e orientuar egër nga interesi, luhatëse dhe aspak profesionale apo e përgjegjshme, sepse gishti tundet për të drejtë informimi kur asnjë takim nuk është kërkuar e kur asnjë shkresë paçavure nuk është dërguar, as marrë për shqyrtim.

Pas ditës tejet të lodhshme të mbledhjeve, zyrtarët shqiptarë hyjnë për drekë tek lokali luksoz i maqedonasit që ende nuk ka vënë kushte hyrje për këtë pjesë të tijën në Tiranë; kurse ekspertët e huaj hyjnë të hanë një tasqebap në qebaptoren më fatlume të lagjes pa ngjarje në kryeqytet.

t_red

1 shkurt 2008

25 Komente

emigrant thotë:

1 February 2008 @ 2:39 pm

t_red, ti shkruan vertet mire! (ndajfolja e menyres eshte “e vertete” ketu - pra it is not the “usual peshku llogje” and no pun intended).

Shqipëria 1 euro. Por edhe 500 euro në ditë.

Yep! Dieta eshte nje fjale me dy kuptime, apo jo? South Beach Diet. Buono per Albania Diet. Gjithnje kam pyetur veten, po princ Vidi, monark me rroge (diete) ka qene ketej nga ne? Dhe a i vajti mendia me u be synet? A e dini pse nje vend tek ne quhej Menca e kinezeve? Po Pallatet e italianeve, i dini?

Ll thotë:

1 February 2008 @ 2:48 pm

Si do ta ndryshoje sistemin e perdorimit te konsulenteve te huaj po te mundje?

akull-naja thotë:

1 February 2008 @ 2:58 pm

shushajnër… :))))

është për të qarë, por përfundimisht dhe për të qeshur. më kujtoi një barcaletë që tregonte Edrusi te blogu i vet mbi konsulentët. Marrë pa leje, vijon kështu:

Urtësia e bariut apo teknollogjia e Ypisë

Një bari po kulloste tufën e tij të deleve në një lëndinë mes malesh dhe larg ‘qytetërimit modern’ kur papritur shikon që të afrohet drejt tij një BMW e vizllueshme.
Nga makina zbriti një djalë i ri, elegant, i veshur me një kostum Versace, këpucët Gucci, syzet Ray Ban dhe kravatë Yves Saint Laurent , që pasi përshëndeti bariun i tha:
- “Po të të them se sa dele ka tufa jote, a ma fal njërën?”
Bariu e shikon i çuditur dhe i përgjigjet me qetësi:
-”e pse jo, provoje”

Pasi mori përgjigjen, djaloshi nxori kompiuterin e tij portatile të Dell dhe e lidh me celularine A T&T. Lidhet në internet, shkon në faqen e NASA-s, zgjedh një sistem navigacioni satellitar GPS për të gjetur me saktësi pozicionin ku ndodhej dhe këtë të dhënë, ja nisi një sateliti tjetër të NASA që skansionoi zonën dhe bëri një fotografi me rizolucion shumë të lartë.
Më pas hap programin për fotot digitale të Adobe Photoshop dhe ‘esporta’ këtë foto në një laborator të Hamburgut në Gjermani, që pas pak sekondash i dërgon një e-mail në palmarin e tij Palm Pilot, në të cilën konfermohej që fotografia ishte elaboruar dhe të dhënat ishin memorizuar në banka dati.
Nëpërmjet një koneksioni ODBC hyn në një databaze MS-SQL dhe nëpërmjet Exce, me qindra formula komlekse, i merr të dhënat që i interesonin nëpërmjet një e-maili direkt në Blackberry-n e tij.
Pas disa minutash, të gjitha këto të dhëna , nëpërmjet stampantes HP LaserJet super-teknologjike dhe të miniaturizuar, stampoi një raport prej 150 faqesh dhe i qeshur ju drejtua bariut:

- Ti ke plot 1732 dele.
- Tamam, ju përgjigj bariu, dhe tani mundesh që të marrësh delen që të takon.

Djaloshi zgjedh atë që ju duk më e bukur dhe e ngarkon në makinë.

Ndërkohë dëgjohet bariu që thotë:

- “Hej, po sikur unë ta gjej se ç’punë bën, a ma jep prap delen?”
Yuppie mendohet një çikë dhe thotë:
-“Okay,pse jo?”
-“Je një konsulent” thotë bariu.

- Ke të drejtë…. po si e gjete?
- Kollaj fare sepse:
“erdhe pa të të kërkuar
do që të paguhesh për një përgjigje që unë e dija
për një pyetje që askush ta bëri
dhe që s’di asgjë rreth profesionit tim!”

…dhe tani, ajo që more, s’është dele, prandaj… kthema qenin.

justice thotë:

1 February 2008 @ 3:40 pm

“Je një konsulent” thotë bariu.

- Ke të drejtë…. po si e gjete?
- Kollaj fare sepse:
“erdhe pa të të kërkuar
do që të paguhesh për një përgjigje që unë e dija
për një pyetje që askush ta bëri
dhe që s’di asgjë rreth profesionit tim!”

…dhe tani, ajo që more, s’është dele, prandaj… kthema qenin.

e bukur, e gallates, reale, por e dhimbshme ama…

Perparim Hysi thotë:

1 February 2008 @ 3:47 pm

Mire t_red!Ke qelluar ne shenje.Kur thone”zente basubeja jote!”,po sikur nuk ma ha mendja.Sidoqofte,ai postimi”pa leje”i akull-najes qe me teper sse sinjifaktiv qe te bene,njeheresh,edhe te qash,edhe te qeshesh.

t_red thotë:

1 February 2008 @ 4:14 pm

Ll. thote:
“Si do ta ndryshoje sistemin e perdorimit te konsulenteve te huaj po te mundje?”

Jo shume me ndryshe nga ti, besoj, Llukan. As jo shume me ndryshe na c’duan ta bejne te gjithe koleget shqiptare qe kane mbi 15 vjet qe “trajnohen nga konsulentet e huaj per kompentenca kyce”. Nuk them qe trajnimet nuk jane te nevojshme, por nuk mund te perseritet 100 mije here e njejta teme trajnimi “per manaxhimin e kohes” e zeme, ne 100 mije menyra te ndryshme nga cdo konsulent.

Keta zoterinj kerkojne te gjithe nga nje jave kohe per kete cope trajnimi nje ditor. Ne raportin e tyre 140 faqesh per aktivitete e nje jave (qe eshte vetem trajnimi) shkruajne: Takim me stafin per te identifikuar nevojat per trajnim, takim per analize trajnuese, takim per vendosjen e temave te trajnimit, takim per te biseduar drafti 1, 5 e 105 te trajnimit, takim me shefen e projektit per te folur mbi axhenden e trajnimit, kerkim ne internet mbi trajnimin!!!!!…..”

5 dite pune nga 500 euro per brockulla te tilla, e ne fund te javes i ka dhene stafit nje mal me dokumenta te printuara nga interneti; “time managment” kopjuar vetem ne faqen e pare te kerkimeve qe i ka dale ne google.

Nuk ka me nevoje per konsulence te tille mediokre dhe burokratike. Stafi do te punoje, Ll, dhe keta konsulentet po deshen te bejne pune, eshte mire t’i motivojne shqiptaret, jo t’ju marrin kohen atyre duke i perdorur si objekt te justifikimit te parave te tyre. Se nese motivimi financiar nuk e diskriminon palen shqiptare,te shohesh ti kur ta bejne diten nate shqiptaret deri sa te dale ligji ne mejdan.

Po paradoksi me i madh eshte qe i emertojne “ndihme per shqiperine”. 95% e buxhetit te projekteve shpenzohet vetem per te paguar konsulentet, my dear, ata qe shkojne ne Dajt, ne Theth, ne Llogora, ne Voskopoje e ne Velipoje bashke cdo te premte, pasi kane ngrene 5 dite rresht tasqebap per dreke.

P.S. Po c’pate qe me nguce kot, se ne te vertete inatin e kisha me ate trimereshen e fiksit qe perplaste doren mbi deren prej xhami duke kerkuar nje drejtoreshe botuese te VKM-ve. Garipe e madhe ishte. Kerkonte pergjigje zyrtare goca, “se kishte te drejte informimi”.
Po shkoj t’i ze deren Topit une. S’e le te dale nga presidenca sot. Kam te drejten time informative qe ma garnaton kushtetuta ime, qe te di pse ajo VKM-ja e tij nuk eshte botuar?! Dhe do te doja qe Z.Topi te me sqaronte teresisht per qejfin tim prej publiku perse Znjs. Ina nuk i pelqen teoria nepotiste e kryeministrit? Kam te drejten time une. Do me bjere rruga nga presidenca sot dhe kam per t’ia thene ca llafe Bamirit. Meqe do ta bjerë hera, po i qahem pak edhe per 500 eurot konsultative.

Qafir Arnaut thotë:

1 February 2008 @ 4:14 pm

Prandaj u shqepen duke na ardh ne Toronto ‘nepunesit civile’?

Pushteti antikorrupsion i c’ligjëroi shpërblimet për mbledhjet e bordeve dhe na vuri edhe ligjin që një nëpunës civil nuk mund të jetë anëtar në më shumë se dy borde.

Danieli thotë:

1 February 2008 @ 5:19 pm

Me mire tia kishe vene titullin “Tasqebap me koqe demi”
se keshtu ecin punet ne administraten Shqiptare……

Ll thotë:

1 February 2008 @ 6:37 pm

Frymen e pergjigjes qe desha e shprehe, tani do te te ngacmoj edhe per anet praktike Praktikisht, praktikisht si do te behej?

Permende diskriminim financiar. Ok, atehere duhen rritur rrogat e Shqiptareve? Apo duhen ulur rrogat e te huajve? Ose praktikisht, cila eshte me e mundur?

Tjeter, si te kontrollohet cilesia e ndihmes qe i jepet Shqiperise nga jashte? I takon institucioneve vendore qe ta bejne kete apo jo? Dmth, kur pranohen ndihmat duhet kembengulur me shume qe te jene me me vlere, dhe te mos lejohen tallje te ketilla.

Tjeter, ………….

Nuk po bej replike per hir te replikes, e ndjej acarimin dhe lodhjen me ate qe thua prandaj pyes per zgjidhje te mundeshme.

Ll.

P.S. Une s’e kam pa kete Fiks-in por po me ben ta kerkoj tek faqja e Top-it

edrus thotë:

1 February 2008 @ 7:29 pm

Llukan, praktikisht… ato programet që vijnë të spjegojnë specialistët e huaj, i dinë dhe specialistët shqiptarë…
Ke dëgjuar ti që ti “marrin mëndje” ndonjë specialisti shqiptar???
Dhe vetëm këtu tek peshku, kemi kokrra që atje ku punojnë KONSIDEROHEN të rëndësishëm (dhe mos më bëj që të them emra).

Ll thotë:

1 February 2008 @ 7:39 pm

Edi, s’e paske lexuar T-ne, shikoje se c’thote:

Takim me stafin per te identifikuar nevojat per trajnim, takim per analize trajnuese, takim per vendosjen e temave te trajnimit, takim per te biseduar drafti 1, 5 e 105 te trajnimit, takim me shefen e projektit per te folur mbi axhenden e trajnimit, kerkim ne internet mbi trajnimin!!!!!…..

S’eshte problemi qe s’pyeten formalisht, eshte problemi qe ata qe vijne e dine qe s’ja kontrollon njeri punen dhe merren me kotesira si ato qe permend T.

Sa per emrat, permendja se na behet qejfi

edrus thotë:

1 February 2008 @ 7:50 pm

Ç’emra do të të them?
Që ne flasim për energjinë në Shqipëri dhe Swed e Cheney u çanë duke punuar në të gjitha kontinentet?
Që Shqipëria mendon të hedhë eurobonot në treg dhe PjerThomas, Preparat dhe Kopetenti rrezik e kanë ditur dhe para Bill Gate që Mikrosoft do blinte Yahoo-në ?
Që ne kënaqemi që statikisht kemi pensionet më të rritura të botës vitin e kaluar… dhe staticienët tanë merren me letërsi??

Idris thotë:

1 February 2008 @ 7:54 pm

Edrus …..
E ke parasysh si shtanget njeriu para nonje gjeje te mahnitshme…as mund te qesh as mund te qaj…
Ne se eshte krijim i “paster”ti ja kalon dhe fantazise se atij qe krijoi historine e :
Kshilltareve dhe mesusve qe prune gershere per qethjen e siseve te LOPES se …i shtohej qumshti ??????
Je madheshtor…Ate e di une! :D :D :D

Idris thotë:

1 February 2008 @ 8:06 pm

Z. EDRUS !
Me lejo te te tregoj nga pervoja e nje miku ne ish administraten tone kur nepunesve te ministrive u kerkohej …PLAN PUNE DITOR..Ja plani
7.00-7.30..bej planin e punes
7.30-8.00 ja paraqis shefit per miratim..
8.00-830 sistemoj verejtjet e ndryshimet e shefit
8.30-9.00 e ricoj planin e punes ditor per miratim-
9.00-9.30 risistemoj verejtjet e shefit
9.39-10.00 koordinoj punen ne zyre me shoket per detyra te perbashketa
Dhe e bukura e kesaj pune ishte se e gjitha kjo orientohej si praktike TRAJNIMI per “organizimin e vogel te puneve”!!!!!!!!!!!!!!!!!!!!!!!!!!!!!!!!!!!!!

Blendi Salaj thotë:

1 February 2008 @ 8:08 pm

t_red

Ditto me pyetjen e pare te Llukanit. Praktikisht, cdo behej ndryshe - sepse me dufin tend simpatizohem kollaj, por nuk na the si? duan ta bejne ndryshe koleget shqiptare.

edrus thotë:

1 February 2008 @ 8:20 pm

E di mer Idris e diiiiii!
Por shko e spjegoja Llukanit dhe Blendit .
Pse mer Blend, Ke nevojë për specialistë të huaj(!!), nuk të pëlqeu modeli i atij shokut të Idrisit për trajnim??

Artian thotë:

1 February 2008 @ 8:31 pm

Pas ditës tejet të lodhshme të mbledhjeve, zyrtarët shqiptarë hyjnë për drekë tek lokali luksoz i maqedonasit që ende nuk ka vënë kushte hyrje për këtë pjesë të tijën në Tiranë; kurse ekspertët e huaj hyjnë të hanë një tasqebap në qebaptoren më fatlume të lagjes pa ngjarje në kryeqytet.

Jetojne si ne Amerike,kodoshet i zgjedhin zyrtaret..

“Po per popullin”- si i behet,Kapter Ramiu?!?
“Popullin? si theeeee,poooopuuullin,po populli iiiiishte looooojaaaaa,ha,ha,ha,ha,”
Zyrtaret rrojne si ne Amerike ,dhe populli rone si ne Afrike!Bravo ju qofte kur kane nje popull kaq te urte..