12 maj 2008 - Kuvendi mblidhet në seancë plenare

Kuvendi u mblodh në seancë plenare ditën e hënë, më 12 maj 2008, ora 18:00, nën drejtimin e Kryetares së Kuvendit, Jozefina Topalli.

Në këtë seancë të radhës, Kuvendin e përshëndeti Kryetari i Bundestagut gjerman, Norbert Lammert, i cili ndodhet në Tiranë për një vizitë zyrtare.
Duke përshëndetur në gjuhën shqipe, z. Lammert falënderoi për ftesën e bërë nga Kryetarja Topalli për të vizituar Shqipërinë dhe për të përshëndetur Kuvendin.

Më pas, seanca vijoi me rendin e ditës, ku një ndër pikat më të diskutuara nga deputetët, ishte Kalendari Trejavor i Punimeve të Kuvendit për periudhën 12 maj – 2 qershor 2008.
Deputetët kërkuan shpjegime lidhur me kërkesat për interpelanca me Kryeministrin, të paraqitura nga Grupi Parlamentar i Partisë Socialiste, si dhe lidhur me futjen në procedura parlamentare të nismës ligjore të paraqitur nga i njëjti grup për kompensimin e të prekurve nga ngjarja e Gërdecit.

Në përgjigje të pyetjeve të deputetëve, Kryetarja Topalli tha se nisma ligjore në fjalë është dërguar në Ministrinë e Financave, e cila do të japë mendimin e saj meqënëse kjo nismë ka efekte financiare dhe më pas do të futet në procedurat parlamentare.
Lidhur me interpelancat e kërkuara, zonja Topalli tha se disa prej kërkesave të depozituara paraqesin shkelje të Rregullores së Kuvendit, ndërsa të tjerat do të shpërndahen tek ministrat përkatës sipas çështjeve, pasi është e pamundur që të gjitha interpelancat e kërkuara të përballohen vetëm nga Kryeministri.

Pas diskutimeve, deputetët miratuan me shumicë votash Kalendarin e Punimeve të Kuvendit.

Kuvendi vendosi të shtyjë për në seancat e ardhshme, diskutimin dhe votimin e projektligjit “Për një ndryshim në ligjin nr. 9380, datë 28.4.2005, “Për të drejtën e autorit dhe të drejtat e tjera të lidhura me të”.

Gjithashtu, Kuvendi miratoi edhe projektligjin “Për disa ndryshime dhe shtesa në ligjin nr. 9669, datë 12.12.2006, “Për masat ndaj dhunës në marrëdhëniet familjare”; projektligjin “Për disa ndryshime dhe shtesa në ligjin nr. 8102, datë 28.3.1996, “Për kuadrin rregullator të sektorit të furnizimit me ujë dhe largimit të përpunimit të ujrave të ndotura”, të ndryshuar”; projektligjin “Për një shtesë në ligjin nr. 9723, date 3.5.2007 “Për Qendrën Kombëtare të Rregjistrimit”; projektvendimin “Për miratimin e strukturës dhe organikës së Autoritetit të Konkurrencës si dhe kategorizimi i pagave për çdo pozicion”; projektvendimin “Për miratimin e strukturës dhe organikës së Inspektoriatit të Lartë të Deklarimit dhe Kontrollit të Pasurive dhe kategorizimi i pagave për çdo pozicion”, si dhe projektrezolutën “Për vlerësimin e punës së Këshillit Drejtues të Radio Televizionit për vitin 2007”.

Seanca i mbylli punimet rreth orës 19:40, ndërkohë që Kuvendi do të mblidhet sërish në seandcë plenare ditën e enjte, më 15 maj 2008, ora 10:00.

Zakonisht kundershtimet duhet te mbeshteten ne ndonje argument apo jo? Apo do thuash qe deputet dje kane punuar sa jane shqyer jashte zyrave duke takuar popullin dhe pastaj jane mbledhur per te perfunduar diten ne ate seancen 1 ore e 40 minuteshe?

Ll.

Zakonisht deputeteve ju llogariten edhe oret apo minutat qe shpenzojne ne komisionet parlamentare, pervec seances 1 ore e 40 minuteshe. Sidoqofte, nuk ka nje orar te caktuar per deputetet. Nisma e Cekes duhet te kaloje permes nje procedure, ne mos gaboj.

Por, thelbi i te gjithe asaj qe thashe s`ka te beje shume me punen dhe angazhimin e deputeteve qe gjithsesi le per te deshiruar, por me punen e devotshme qe beni ketu tek peshku ju mjaftistet ne sherbim te propagandes qe ben E. Veliaj.

1) Sic mund ta vesh re ne pergjigjen time te dyte, s’e kam lene pas dore ceshtjen e komisioneve. Gjithsesi, duke qene se jo te gjithe deputet kane qene ne komisione ne mengjes, s’e perfshiva si ore pune per te 140.

2) Ti merru me Erion Veline se me c’duket te paska ngrene buken Mua me pelqen me teper te flas per ata te cilet i mbaj me rroge.

Mua me pelqen me teper te flas per ata te cilet i mbaj me rroge.

Po edhe Erjonken e mbaje me rroge apo jo?? Apo kishte hik Veliu atehere kur vajte ti ke pularia MJAFT?

E tamam, tamam, me paret e taksave dhe tatimeve te mia personale