“i dënuari vuan nga çrregullime depresive dhe idete pesimiste për jetën… dhe qëndrimi në burg e acaron, e shqetësojnë dritat dhe zhurmat natën, zgjohet pas orës 1 të natës…!!
E ACARON:) Nuk e mban burgun dot i shkreti, aman nxirreni.

- “i dënuari paraqet rënie peshe, moskujdesje për veten… dyshime për ambientin dhe mendime depresive, ndaj rrezikohet jeta e tij në burg…!!”

RENIE PESHE Mendime depresive ndaj i rrezikohet jeta ne burg.

- “i dënuari paraqitet i ngathët… me gjendje paniku, e quan veten të pavlerë…”
I NGATHET, E QUAN VETEN TE PAVLERE:) ca te shtoj aman, gjynah…

Te pikon shpirti, sikur s’i kane futur ne burg por sikur shkuar turiste edhe s’u pelqen hoteli e duan ta nderrojne.

Komisioni Hetimor “Sollaku” lexoi raportin e Ministrisë së Drejtësisë për të liruarit nga burgu me raporte falso

Xhaferri: Fakte të mjaftueshme për shkarkimin e Sollakut

Kryetari i Komisionit Hetimor për shkarkimin e Prokurorit të Përgjithshëm, Ferdinand Xhaferri, deklaroi dje se komisioni ka prova të mjaftueshme për hartimin e raportit përfundimtar për shkarkimin e Sollakut. Pas leximit të dy raporteve të Ministrisë së Drejtësisë, Xhaferri është shprehur se tashmë komisioni i ka provat e nevojshme për raportin përfundimtar të këtij komisioni, që do të dërgohet në Kuvend, ku do kërkohet dhe shkarkimi i Prokurorit të Përgjithshëm. “Nga këto dy raporte kanë dalë fakte të mjaftueshme dhe prova të mjaftueshme për të përgatitur raportin përfundimtar në këtë frymë, që legjislatvi të kontrollojë se si ka dështuar sistemi”, është shprehur Xhaferri, duke bërë të ditur se në shumë qytete të vendit janë evidentuar një numër të liruarish me rrezikshmëri të lartë, me raporte mjekësore falso. Po ashtu, Xhaferri ka bërë të ditur se Prokuroria, gjatë vitit të kaluar, nuk i ka zbatuar të gjithë urdhrat e arrestit. “Në Shkodër, Durrës, Tiranë kemi një numër të liruarish me rrezikshmëri shumë të lartë, me anë të raporteve mjekësore të falsifikuara apo dhe me moszbatim të urdhrave të arrestit”, nënvizoi Xhaferri, duke shtuar se legjislativi ka për detyrë të kontrollojë sistemin qendror të Prokurorisë së Përgjithshme, për veprimet apo mosveprimet e saj. Më tej, ai theksoi se gjatë vitit 2006, sistemi i Prokurorisë së Përgjithshme ka patur defekte të shumta që, kanë ardhur për shkak të punës së kryeprokurorit, i cili nuk ka zhvilluar asnjë kontroll dhe nuk ka zbatuar ligjin. “Ne kontrollojmë se si funksionon sistemi dhe sikurse e patë, sistemi u pa në gjithë biografinë e tij, nga veriu në jug, dhe ky sistem që kontrollohet nga pushteti legjislativ si i tërë, eksportoi në biografinë e Shqipërisë prokurorët si pasojë e mosveprimit apo veprimit të Prokurorit të Përgjithshëm, si pasojë e mungesës së kontrollit të Prokurorit të Përgjithshëm dhe moszbatimit të ligjit nga ana e Prokurorit të Përgjithshëm sistemi kishte ekspozuar defekte të rënda, ku diku prokurorë të caktuar në Shkodër, Vlorë, Durrës, Tiranë falën dhe liruan të dënuar për arsye banale apo diku prokurori bashkëpunonte me të dënuarit dhe të dënuarit i arkivohej çështja”, nënvizoi Xhaferri, i cili theksoi se sistemi i Prokurorisë së Përgjithshme demonstron dështimin e tij në lirimin e të dënuarve me raporte mjeko-ligjore. Më pas, Xhaferri bëri të ditur se publikimi i fakteve të djeshme është një dëshmi e qartë se prokurorët janë bërë palë me të dënuarit. “Në këtë frymë, Kuvendi si institucion kontrollon pushtetet e tjera dhe nuk dublon pushtete të tjera, pasi ne nuk kontrollojmë prokurorë të veçantë, por nga këto raporte po konstatojmë se si ka dështuar sistemi i drejtësisë”, vijoi më tej kryetari i Komisionit Hetimor