Shenime nga Kosova
Në Prishtinë bën shumë ftohtë. Kosovarët thonë se kanë vite që nuk kanë parë një të ftoht të tillë. Në shëtitoren kryesore të qytetit duhet të jesh i kujdesshëm kur hedh hapat se mund të gjendesh befas në ajër. Askush nuk e pastron. Fëmijët e vegjël, shitës ambulantë me kuti cingaresh në duar, improvizojnë pirueta që të ngrohen. Pak më tej, dy Baba Dimra të vegjël (Shën Vasila apo Santa Klausa më saktë), i urojnë Vitin e Ri kalimtarëve. Ngjitur me ta një kal i zhytur në mendime qëndron me durim para karros së tij. Në të majtë të karros shkruhet ‘Gëzuar Vitin e Ri’.Djathas ‘Pavarësia’…
Gazmend Kapllani
Shekulli
Ditët që unë isha në Prishtinë zhvillohej samiti i KS në Nju Jork dhe priteshin habere për pavarësinë e Kosovës. Megjithatë kam përshtypjen se banorët e Prishtinës ishin më të preokupuar me përgatitjen për festën e kurban bajramit se sa me problemin e pavarësisë. Me sa kuptoj, këtu njerëzit janë nginjur duke dëgjuar gjithë këto vite të njëjtën bisedë për pavarësinë. Dhe janë më shumë të ankthsur se çfarë do bëhet pas pavarësisë. Këtë të fundit megjithatë e konsiderojnë çështje kohe, por nuk e dinë se kur do ndodhë pikërisht. E dinë që kështu siç erdhën punët pavarësia do jetë e njëanshme. Që andej e tutje Perëndia SHBA dhe BE na ndihmoftë. Serbët nga ana e tyre, besojnë tek një Perëndi tjetër, tek Rusia, duke shpresuar se loja nuk është humbur njëherë e përgjithmonë. Sikur dikush të kishte rënë në gjum letargjik dhe të ishte zgjuar befas në Kosovë në vitin 2008, do kujtonte se Lufta e Ftohtë jeton e mbretëron. Dhe duke parë pasionin e Putinit për të ringjallur Perandorinë Ruse të mesit të shekullit të 19të, nuk përjashtohet që Ballkani të bëhet sërish pikënisje e një Lufte tjetër të Ftohtë. Fati i keq i Ballkanit, siç duket, të mbetet një jetë të tërë në udhëkryq, mes Lindjes dhe Perëndimit…
***
Kësaj radhe Prishtina m’u duk si e mpirë. Ndoshta për shkak të të ftohtit. Për shkak të ambjenteve që me zor ngroheshin ose duhet të qëndroje i mbuluar me batanije leshi që t’u rezistoje. Për shkak të dritave që ikin aq shpesh. Sa herë që iknin dritat, bashkëbiseduesit e mi më kujtonin historinë e Herr Trushlerit, drejtori i KEK të Kosovës. Një mashtruesi Gjerman që zhvati katër milionë e kusur euro. Këtu bisedat për korrupsionin, të të huajve dhe të politikanëve vendas, mbulojnë çdo lloj bisede tjetër. Akoma edhe ato për pavarësinë. Nuk është e rastësishme që teksti i gazetarit Suedez Maciej Zaremba ‘Mirëserdhët në Unmikistan’, i cili flet për Herr Trushlerin dhe për shumë gjëra të tjera, qarkullon mes të rinjve të Prishtinës si best seller informal. Sa për të tjerat, sa për bashkëjetesën e Shqiptarëve dhe Serbëve, të them të drejtën atë nuk e shoh gjëkundi. Mesazhet që merr për të janë kontradiktore. Kur pyes bashkëbiseduesit e mi, studentë në Universitetin e Prishtinës, pse nuk e mësojnë serbishten, sepse do t’u duhet në të ardhmen, ata heshtin. Nuk u pëlqen kjo bisedë. Më përgjigjen me një ‘t’a shohim’ ose ‘Serbët pse nuk e mësojnë shqipen?’. U them se në Shkurtin e kaluar në Gracanicë takova dy adoleshentë Serbë që mësonin shqip. Bashkëbiseduesit e mi habiten. Pastaj shtojnë se mbi 50% e tregtisë sot në Kosovë bëhet me Serbinë. Edhe pse sot jetojnë më keq se sa ç’jetonin me Serbinë. Por më sugjerojnë të mos e shkruaj më mirë diçka të tillë. Mandej një ndërprerje dritash risjell në bisedë sërish Trushlerin dhe të ardhmen e tyre. Dhe njëri prej tyre shton se ‘entuziazmi në Kosovë po pakësohet çdo ditë. Nuk mjafton pavarësia për të qeverisur mirë vehten. Por as atë nuk e kemi. Kush vjen të investojnë në një vend të tillë?’. Pavarësia këtu ngjan si një kufi për fillimin e një epoke të re. Disa shpresojnë se pas pavarësisë gjithçka do shkoj mirë. Të tjerë mendojnë se sfida e vërtetë fillon pikërisht atëherë. E pavarur ishte edhe Shqipëria për dhjetëra vite. Por nuk mjaftoi pavarësia për të siguruar një shtet demokratik dhe të begat. Të vërteta që dhembin, megjithatë diçka duhet mësuar nga historia. Bashkëbiseduesit e mi janë para së gjithash të ankthosur. Pasi të mbarojnë studimet, nuk dinë në sedo mund të gjejnë punë në Kosovë, apo do detyrohen të emigrojnë diku në Perëndim. I pyes për shifrat e papunësisë sot në Kosovë dhe përgjigja është e tipit ‘mos e ngit më mirë atë muhabet’…
***
Që të gjesh Serbë në Kosovë duhet të shkosh jashtë Prishtinës. Në kryeqytetin e Kosovës, që ka arritur 500.000 banorë për shkak të emigrimit të brendshëm, Serbët e mbetur nuk e kalojnë numrin 300. Shumë prej tyre shitën shtëpitë dhe shkuan në Serbi ose në Mitrovicën e Veriut. Ata që kanë mbetur nuk kanë shumë dëshirë të flasin me gazetarët. Thënë më troç kanë frikë. Megjithatë gjërat duket se janë qetësuar. Ikja e Serbëve ka ndaluar. Në çdo rast, nuk kanë mbetur më shumë se 100.000 në të gjithë Kosovën. Disa Serbë, akoma të pakët, kthehen në shtëpitë e tyre. Serbët në Mitrovicën e Veriut, nën kontrollin e plotë të Beograit, jetojnë krejt të ndarë dhe kanë sajuar ‘një shtet brenda shtetit’. Në rast se Kosova shpall pavarësinë është e sigurt që nuk do t’a njohin. Mitrovica e Veriut do jetë një alibi për Serbinë se Kosova nuk u humb plotësisht. Dhe ndoshta një alibi edhe për politikanët e Kosovës për të justifikuar dështimet e tyre. Pa asnjë ‘ndoshta’ do vazhdojë të jetë parajsa e kontrabandistëve, Serbë e Shqiptarë bashkë. Sepse, me sa kuptova unë, i vetmi institucion ku bashkëekzistojnë për bukuri Shqiptarë e Serbë është kontrabanda. Në fakt kështu është ngaherë në Ballkan dhe jo vetëm. Sa më shumë urrehen mes tyre njerëzit e ndershëm dhe të varfër, në emër të nacionalizmit, aq më shumë begatohen kontrabandistët…
***
Në fshatin Talinovaç, pranë Ferizajt (Orasevaç) vizitoj shtëpinë e Milovanit. Talinovaçi është një një fshat i përzjerë. Shqiptarë e Serbë bashkëjetojnë këtu pa probleme. Gjesti i parë i Milovanit, pasi na fton brenda, është të na ofrojë një gotë raki të bërë vetë. Mes një ftohti të tillë si t’i rezistosh tundimit? Milovani flet shqip. Në mur, mbi televizor, shoh fotografitë e nipërve të tij. Më shpjegon që fëmijët e tij janë të martuar dhe jetojnë në Serbi. Nuk kanë ndërmend të kthehen këtu, shton. Këtu nuk kanë të ardhme. Papunësia në Kosovë hedh valle, uji i pijshëm shpesh mungon dhe rryma elektrike gjithashtu. ‘Këto janë problemet tona kryesore, të Serbëve dhe Shqiptarëve’ thotë. Milovani më rrëfen se si në vitin 1999, gjatë bombardimeve të NATOs, ushtarët Serbë deshën të përzinin Shqiptarët e fshtatit por ai iu kundërvu. Sa për ‘planin Ahtisari’ e ka dëgjuar por nuk e di me saktësi çfarë thotë. Di që sipas këtij plani Kosova bëhet e pavarur dhe atij nuk i pëlqen diçka e tillë. Çfarë do bëj në se Kosova bëhet e pavarur? ‘Ndoshta do iki’ thotë. Milovani nuk ka problem me Shqiptarët e fshatit, por me sa kuptoj ka frikë se në Kosovën e pavarur jeta e Serbëve do bëhet e padurueshme. Pas pak shton: ‘edhe tani ndihmat më të shumta nga Beogradi i marrim’. Milovani na përcjell deri tek porta jashtë. Në atë çast vjen një bashkëfshatari i tij Shqiptar, Ademi. Përshëndeten në shqip dhe pas pak diçka thonë në serbisht. Kuptoj që Shqiptarët dhe Serbët në Talinovaç bashkëekzistojnë pa probleme. Por problemi i statusit të Kosovës mund t’i ndajë përgjithmonë. Pyes vehten në se dikush nga politikanët Shqiptarë ka marrë ndonjëherë mundimin të vij të bisedojë me njerëz si Milovani. Nuk do t’a kishte dhe të vështirë, përderisa ai flet edhe shqip…
***
Në një fshat tjetër, në Pabljak, shtëpitë e Shqiptarëve dhe Serbëve janë ngjitur me njëra-tjetrën. Por Shqiptarët e Serbët nuk flasin me njëri-tjetrin. Sipas Ugres, një Serbi shtëpinë e të cilit vizitova, hendeku u krijua gjatë luftës. Pas ikjes së ushtrisë Serbe nga Kosova, shtëpitë e Serbëve në Pabliak u dogjën. Më parë, rreth e rrotull, në fshatra të tjera, por jo në Pabaljak, ishin djegur shtëpitë e Shqiptarëve. ‘Këtu në Pabljak nuk u prek shtëpia e asnjë Shqitari’ thotë. Ugre është nga Serbët që sapo janë kthyer. Bisedojmë nën dritën e qirinjve, sepse dritë elektrike nuk ka. E para gjë që më thotë ka të bëjë me shtëpinë. ‘Supozohet se do banonim katër veta në këtë shtëpi’ thotë ‘dhe ka vetëm një kravat. Ku të flemë?’. Pastaj flet për ikjen e rrymës, për ujin që vjen kur i teket, për ilaçet që kanë nevojë por nuk kanë si t’i sigurojnë. Megjithatë ai është i vendosur të rrijë në Kosovë edhe pasi të bëhet e pavarur. ‘Këtu linda, këtu dua të vdes’ thotë ‘më mirë i varfër dhe në Kosovë se sa refugjat në Serbi’. Shton që Serbët kanë 350 hektarë tokë në këtë fshat, por nuk kanë mjete që t’i punojnë. Ugre dhe njerëzit e tij shpresojnë në diçka më të mirë, por për momentin nuk e shohin. Duke u larguar nga shtëpia e tij i hedh një vështrim të fundit fshatit. I zhytur në errësirë, i rrethuar nga ngrica dhe bora e bardhë që arrin deri në gju…
*(Pjesa e dytë ‘Shënime nga Kosova’ do botohet të Djelën tjetër, në rubrikën ‘Ditari im i dashur’)…
23 January 2008 @ 1:17 pm
Edhe pse sot jetojnë më keq se sa ç’jetonin me Serbinë….
——————————————————-
C’ja ke fute p*****s kot!!
23 January 2008 @ 4:51 pm
@Ados!A i di te ne Amerike keto pune ;a i dine ata qe jetojne atje.Nuk mund ta dish kur ja fut p…s ai ne Kosove.Mund te dish kur ja fut ti..
Me pelqeu shume….Ishte shume i vertete.E sollet ne kohen e duhur ,kur shume ketu shpupurishen kinse0 perdemek.
23 January 2008 @ 6:34 pm
@Zana
Me te vertete qe ata qe jetojne atje e dine me mire situaten se ne qe nuk jetojme atje, por shkrimi eshte thjesht nje mendim personal. Te thuash se jeta ishte me mire nen Serbine eshte absurbe, duke pare mundimet e Kosovareve per te qene te pavarur nga: Serbia.
23 January 2008 @ 7:34 pm
“…pse nuk e mësojnë serbishten, sepse do t’u duhet në të ardhmen…”
A ka njeri ti spjegoj ketij primati se toka eshte e rrumbullaket,njeriu e ka
prejardhjen prej majmunit,….Kosova veç eshte e pavarur?!
C’fare udhepershkrimi ne stilin e A.A. Gill-it.Se ç’kane disa qarqe qe sa me afer Kosova i afrohet pavarsise , gjithnje e me teper panikojne.
Kush e di ,ndoshta edhe duhet te panikojne….
23 January 2008 @ 8:36 pm
Shkrimi ishte interesant.
23 January 2008 @ 9:47 pm
Thuajse esht pershkrim i ndonje gazetari te Vecernji Novostit e jo i gazetes shqiptare.
23 January 2008 @ 9:58 pm
Me thon te drejten, edhe une e kam nigju kete qe me perpara jetonim me mire. Keq te vjen sa s’ka me, po ca ti besh, keshtu eshte demokracia. Kane te drejte te flasin dhe nostalgjiket e Serbise
23 January 2008 @ 10:03 pm
Nje tjeter perversitet qe vjen nga e ashtequajtura gazetaria Shqiptare. Deshtimin e tyre nuk lene dot pa ua veshur te tjereve. A thua se po shkruan per ndonje vend qe i ka ne vije punet e politikes se vete dhe si ka ngelur vec te kritikoje politikanet e tjeterkujt.
23 January 2008 @ 10:35 pm
Ky Kapllani eshte nje nga ato qe nen “tenxheren me presion greke” u be post-kombetar, ose me mire thene “supra-kombetar”.
Pasi bleu nje pale kepuce qe nuk fusin uje, pasi mbushi plencin me buke, tani i vjen marre nga provinicalizmi primitiv i njerezve qe i marrin seriozisht gjera “passe” si psh, puna e lirise, deshira per te mos qene “undermenchen” nen Serbi, dhe mosdeshira per te mesuar gjuhen e atij qe te ka share nje jete nga matane oborrit dhe gjate “bisedave informative”.
“Te duhet ne te ardhmen” eshte nje argument shume i cuditshem, dhe une jam kurioz, nese i ka shkuar ndermend qe ti pyese studentet, fjala vjen ne Qipro, ose ne Thrake Perendimore se “pse nuk mesojne Turqisht, se do ti duhet ne te ardhmen”!!!
Ruaju nga ai qe sapo ka nderruar fene, tha!
23 January 2008 @ 10:44 pm
Kapllani nuk shkruajti dicka per te humburit e luftes…me shume se 2000 ne number..apo thesaret te marra nga serbet…( flas per bankat..thesarin ..arin..ect ect) apo thesaret kulturore te shkrimtareve…
Zana..nuk jetoj ne USA, ne Gjermani( nuk e di pse flamuri me del ashtu) por ketu njoh shume kosovare,shumica po kthehen per te hapur vende pune …keshtu ajo qe thashe ne fillim qendron. Autori jeton ne Greqi, keshtu kupton vete si i vete puna. i lare dhe i shpelare nga greket 100%….keshtu heres tjeter fol me drejt…
23 January 2008 @ 10:45 pm
e di ky Gaz Kaplloni (qe eshtei greqizum me duket) qe Serbet e Serbise i konsiderojne ata te Kosoves si barbare te infektuar nga Shqiptaret?
23 January 2008 @ 11:10 pm
Nostalgjiket… Kjo fjala po merr kuptimin e m… une vete nja dy dite me pare u ofendova shume nga perdorimi i saj mbi mua… Tani qe ta marrim shtruar, miqte e mi nga Kosova (qe sqekan nostalgjike) nuk thone se jetonin me mire atehere… Kur atehere me mire…?
Kur policia bastiste shtepite, per teka kapitenesh… kur 4 klase shkolle ishin shume dhe beheshin ne bodrum???
Nese shqiptaret e kosoves kane qen me mire ne kohen e Serbise, atehere ne kemi qene me mire ne kohen e diktatures… dhe prape pune nostalgjikesh…
Po na semur kjo fjala…ndersa Kapllani ka percjelle thjeshte nje fjali te dikujt… dikush si ata qe mireqenien e identifikojne me nevojen imediate te tipit… Tani me shkohet ne tualet, po nuk ka tualet publik, atehere kishte, atehere ka qene me mire…
“Pas ikjes së ushtrisë Serbe nga Kosova, shtëpitë e Serbëve në Pabliak u dogjën. Më parë, rreth e rrotull, në fshatra të tjera, por jo në Pabaljak, ishin djegur shtëpitë e Shqiptarëve. ‘Këtu në Pabljak nuk u prek shtëpia e asnjë Shqitari’ thotë. Ugre është nga Serbët që sapo janë kthyer. Bisedojmë nën dritën e qirinjve, sepse dritë elektrike nuk ka.”
E kam respektuar dhe e respektoj Kapllanin, pergjithe tentativen e tij luften kunder nacionalizmes ekstreme greke qe shfrynte dhune nder shqiptare dikur dhe ne nje fare menyre edhe urrejtjes se verber shqiptare nga ana tjeter, por ky paragrafi me lart dhe i gjithe artikulli eshte shembull i keq i njeanshmerise, ne tentativen e tij per te qene akombetare, fillon e shkruan kunder nje kombi dhe ky eshte kombi i tij… Cka pjell ky shkrim ne tre fjali:
A shqiptaret nuk jane te zot te kene nje shtet te pavarur dhe ta cojne ate drejt begatise, kete e benin vetem serbet
B serbet po mesojne shqip, shqiptaret nuk mesojne serbisht…
c…serbet i ruajten shtepite e shqiptareve ato te serbeve u dogjen…
Te genjesh vetedijshem apo se je i paguar si te “Antiwar.com” eshte nje gje, po te genjesh keshtu, duke tentu te jesh profesionalist ndersa perjashton krejt njeren ane te ngjarjeve dhe i meshon tjetres… me duket me e rende…
Ne fund ky shkrimi eshte katastrofe dhe nuk shkon pertej nje vezhgimi siperfaqesore edhe nje reporter pese ditesh do mund te kishte kuptuar me shume gjera se sa kaq… Madje edhe thjeshte ne nje bisede me nje mik te kosoves, kupton me shume se kaq…
E si na i paskan rujt keta shtepite e shqiptare, apo i ruajten per turmen tjeter te serbeve qe do vinte nga Vojvodina ne Prishtine, per te qene aty autokton 6 mije vjeçare… Pse nuk ka shku ne Raçak Kapllani… pse pasi ka vizitu kete serbin, nuk ka pyet verdalle sa vajza te perdhunume nga ushtria serbe ka pas fshati, sa te vrare, sa te therur, sa te humbur qe nuk u dihet nami dhe nishani… Si na u dashka keshtu ne shqiptareve te falim “tak fak” sikure te ishin fjale goje mizorite qe jane bere mbi ne… dhe te mesojme serbisht, kur ska as 9 vjet qe me kete gjuhe kemi degjuar te urdherojne mizorite me te egra mbi popullin tone… Dhe ne fund fare si mund te falesh dike qe nuk kerkon falje…
Kapllani eshte kundra kohe, eshte shume heret… Kapllani mund ta shkruante kete shkrim vetem kur nje Vili Brand serb (nese do ta kene ndonjehere) do te pergjunjet ne shtepine e Jashareve dhe ne varrezen masive te Raçakut duke lyp falje… Ateher kur cdo vit ne serbi te organizohen mitingje perkujtimore, per viktimat shqiptare te luftes ne Kosove… dhe kur Millosheviçi te kete fituar statusin e Hitlerit… por te falesh kur ne Serbi shumica sipas zgjedhjeve te fundit besojne se 10 mije (statistike e njohur nderkombetare sipas reuters) te vraret (gra femije, pleq e te rinj), ishin fajtore dhe jo viktima… ky eshte kulmi…
kapllani do bente mire te shihte edhe nje here cfare ka pare…
23 January 2008 @ 11:27 pm
Te njejtat argumenta qe lexuesit shqiptar i lexojne ne mediat e huaja nga ata qe po lobojne per pavaresine e Kosoves, qe nga New York Times dhe BBC e deri tek mediat serbe, nuk ka nevoje t’i ofrohen ne nje stil shume here me te dobet nga nje gazetar shqiptar. Gazetaret Shqiptar bejne mire te punojne per te sjelle ndonje gje te tyren edhe ashtu cale cale, por te jene argumenta qe dalin nga identiteti yne, se ato te tjerat i lexojme drejtperdrejt, nuk ka nevoje te na i perktheje Kapllani (shih Sokol Ballen).
Dhe si mund te ankohemi ne per politiken e jashtme shqiptare kur vete opinioni shqiptar nuk prodhon ide? Nga do t’i marri politika idete? Qeverite, e c’do krahu qofshin, ne fund te fundit u pergjigjen ketij opinioni.
E habitshme!!!
23 January 2008 @ 11:30 pm
Korrigjim, desha te thosha; “ne mediat e huaja nga ata qe po lobojne per te penguar pavaresine e Kosoves”
24 January 2008 @ 12:30 am
E po te na rroje per vere se per dimer qenkemi vete
24 January 2008 @ 1:18 am
E ndjek me vemendje kete teme, pra per Kosoven qe me ne fund do te behet e pavarur, por ky shkrim sikur me ngec pak si ato makaronat e dikurshme qe po mos t’i zieje shume te thyenin dhembet, dhe po t’i zieje shume te binin ne bark, e kam fjalen per makaronat made in shqiperia 84-86. G K shkruan mire, por kete rradhe sikur i qenka ftohur lapsi, apo nuk ishte i sistemuar ne nje hotel luksoz?
Po presim, ne ketu, pavaresine e Kosoves. A do te vije? Apo duhet qe te pritet edhe Zapaterushi qe te zgjidhet? Se Taduçi e humbi davllane, dmth, ndeshjen…
24 January 2008 @ 1:40 am
Shkrimet që ja fusin gjoja kot dhe që kanë një qëllim, më pëlqejne jashtë mase sepse kanë një mundësi të shkëlqyer për tu fshehur nën petkun demokratik të shprehjes: - Kam mendimin tim dhe dëshiroj ta çfaq për arsye se kam të drejten e pamohueshme te fjalës- Ky shkrim kaq patriotik më kujtoi biseden që kam pasur me zotin Sanço kur bridhnim pas çupave te Universitetit të Salamankës. Më tregonte me qejf të madh sidomos kur shtinte në dore ndonjë çupkë që kish ardhur ne universitet që nga rrethinat e largëta të Tobozës. Jë se ç’më tregoi një ditë:
-Ustai im, kur më dëgjon që them ndonjë gjësendi me thelb, se s’flas vetëm bujashka, më mburr dhe më thotë: - Ti, o Sanço, s’të mbetet tjetër veç të marrësh kathedrën nden sqetull dhe të bredhësh botën, që t’u robërosh mëndjen dhe shpirtin njerëzisë me predikimet e tua; kurse unë them se kur zë ustai im i arratisur dhe rrjedh sentenca dhe jep këshilla, ay atë kathedrën nën sqetull e ka pak, se do të duhej të paktën dy syresh në çdo gisht e të zinte e të spurdhjakste dynjanë! Në krye pandehja se merrte vesh vetëm nga punët e kalorësisë, po duallç gabuar, se ka të thotë i biri i botës fjalën e tij per çdo punë dhe s’i rrihet pa e futur hundën e kërshërisë në një mijë vrima-
24 January 2008 @ 1:41 am
Kuptoj qe ndoshta ky gazetar ka dashur ta jape nje pershkrim te jetes ne Kosove nga nje kendveshtrim tjeter dhe per kete e uroj si nje profesionist qe nuk tkurret te shkruaje ndryshe.
Ama te thuash se shqiptaret sot jetojne me keq se ne kohen e Serbise eshte nje pohim shume i coroditur. Jam i sigurt qe ky vellau yne nuk ka qene asnjehere ne KS gjat kohes se S Milosevicit! Le te me pyes mua se cfare jete benim ne nen Serbine ultranacionaliste, ku jeta e nje shqiptari ishte me e lire se nje pako cigaresh. Nuk e ka provuar ky kerbacin e tyten e Slobes.
24 January 2008 @ 2:41 pm
Kam pershtypjen qe gazetari nuk ka konstatuar vete qe shqiptaret e Kosoves jetonin me mire ne kohen e Serbise, por ka marre vetem mendimin e nje personi i cili edhe mund te kete jetuar me mire ne ate kohe. E verteta qendron qe ka njerez qe vertete kane nostalgji per ate kohe.
Mua shkrimi nuk me pelqeu per disa arsye. E para sepse eshte marre nje kendveshtrim i njeaneshem. Kur gazetari u kerkon “llogari” qeveritareve te perkoheshem ne Kosove se perse nuk kane biseduar me perfaqesuesit e minoritetit serb ne lidhje me gjendjen e tyre, duhet ne rradhe te pare te mendoje se a ka patur ndonje perfaqesues te qeverise serbe qe ka shkuar ne Krushe te vogel te bisedoje me 40 a me shume vejusha qe kane mbetur pa baballare, burra dhe vellezer dhe te pyesnin se si po ja conin dhe si po mbanin familjet, ose dhe larg qofte te kerkojne falje per ate qe ka bere regjimi i tyre?
E dyta, gjendja ekonomike e popullates se Kosoves eshte njesoj per te gjithe, gjendje e dobet dhe e varfer. Nuk jane vetem serbet qe po vuajne situaten e veshtire. Nuk kuptoj se ke do te veje ne “seder” gazetari me shkrimin e tij? Shpresoj te mos jete populli shqiptar i Kosoves, sepse ne kete rast gabon shume rende.
Perfundimisht them qe per te kuptuar sadopak ne thelb situaten dhe gjendjen ne Kosove duhet te jetosh ketu te pakten 1 vit, dhe pastaj edhe mund te shkruash.
24 January 2008 @ 3:03 pm
Degjoni o vellezer se ju shkeputet nje fraze se jetojne me keq sot nga ana ekonomike besoj e ka fjalen dhe e pertypni si chewing goom.. Dhe ne se jetojne me keq sot, si t’ja bejme? Te gjejme shkakun por jo te themi “Jo nuk eshte keshtu sepse nuk me pelqen mua”. Shiko cfare shkruan tjeter: “Mandej një ndërprerje dritash risjell në bisedë sërish Trushlerin dhe të ardhmen e tyre. Dhe njëri prej tyre shton se ‘entuziazmi në Kosovë po pakësohet çdo ditë. Nuk mjafton pavarësia për të qeverisur mirë vehten. Por as atë nuk e kemi. Kush vjen të investojnë në një vend të tillë?’. Pavarësia këtu ngjan si një kufi për fillimin e një epoke të re. Disa shpresojnë se pas pavarësisë gjithçka do shkoj mirë. Të tjerë mendojnë se sfida e vërtetë fillon pikërisht atëherë. E pavarur ishte edhe Shqipëria për dhjetëra vite. Por nuk mjaftoi pavarësia për të siguruar një shtet demokratik dhe të begat. Të vërteta që dhembin, megjithatë diçka duhet mësuar nga historia. Bashkëbiseduesit e mi janë para së gjithash të ankthosur. Pasi të mbarojnë studimet, nuk dinë në sedo mund të gjejnë punë në Kosovë, apo do detyrohen të emigrojnë diku në Perëndim. I pyes për shifrat e papunësisë sot në Kosovë dhe përgjigja është e tipit ‘mos e ngit më mirë atë muhabet’… Kush e mohon qe rinia sot ne Kosove eshte e coroditur dhe e zhgenjyer. Prandaj edhe nuk shkojne me njerezit te votojne. Ne se vazhdon keshtu t’a dini qe ne zgjedhjet e tjera 20% kane per te shkuar te votojne, vetem anetaret e partive. Kapllani me guxim dhe pa u cjerrur jep alarmin per gjendjen ne Kosove ne te gjitha drejtimet, tek te huajt, tek politikanet vendas. Patriotizmi burra e gra eshte I mire por nuk haet dhe pune u gjen vetem disave. Cfare thote Kapllani pra: “Pa asnjë ‘ndoshta’ (Mitrovica e Veriut) do vazhdojë të jetë parajsa e kontrabandistëve, Serbë e Shqiptarë bashkë. Sepse, me sa kuptova unë, i vetmi institucion ku bashkëekzistojnë për bukuri Shqiptarë e Serbë është kontrabanda. Në fakt kështu është ngaherë në Ballkan dhe jo vetëm. Sa më shumë urrehen mes tyre njerëzit e ndershëm dhe të varfër, në emër të nacionalizmit, aq më shumë begatohen kontrabandistët…”. Ndonje kundershtim?
Me pas viziton Serbet dhe regjistron fjalet e nje Serbi te Kosoves: “Papunësia në Kosovë hedh valle, uji i pijshëm shpesh mungon dhe rryma elektrike gjithashtu. ‘Këto janë problemet tona kryesore, të Serbëve dhe Shqiptarëve’ thotë”. Cfare te keqe ka ketu. Dhe ju qe flisni akoma per Miloshevicin. O burra Slobon e coptuan Perendimoret, Kosova nuk eshte me pjese e Serbise dhe tani neve do na kerkojne te japim provim tani keta Perendimoret cfare kujtoni? Po vazhduam nje jete te presim faljen e Serbise e te flasim vetem per krimet e Slobos rrezikojme te mbesim ne klase. Ne se nuk e keni kuptuar kuptojeni, marreveshja per pavaresine e Kosoves eshte qe Shqiptaret te shohin para jo pas. E padrejte, e pamundur, e nxituar nuk e di por ata qe kuptojne kuptojne. Ata qe nuk duan te kuptojne rrine e flasin me vehte…
24 January 2008 @ 4:44 pm
Klaudia, te analizosh hallet ekonomike te Kosoves, dhe te besh lidhjen e ketij raliteti me shkaqe qe jane pertej ekonomike dhe dihet boterisht qe kane rrezikuar ekzistencen dhe jo thjeshte ekonomine e asaj popullate qe G.K. shqetesohet jane dy gjera te ndryshme, te perziera, ne rastin me te mire, shume keq ne artikull.
G.K.-se nuk po i kerkon njeri te bej patriotin, por te flasi drejt! Nuk e di se c’lidhje ka papunesia me shqiptaret qe nuk mesojne serbisht - a thua se nuk u mjafton aq sa dine per te kuptuar urrejtjen, e vetmja gje qe ofron pala tjeter - apo qe nuk komunikojne me serbet (edhe ky nje zbulim tjeter), apo se si politikanet shqiptar na e perdorkan Mitrovicen per te mbuluar deshtimet e tyre, kur dihet po boterisht se kush po e perdor Mitrovicen per te mbuluar deshtimet - moderator e radikal ne Beograd!
Keto gjepura, nese nuk je ne dijeni jane argumentet qe serbet kane perdorur dhe po perdorin kunder pavaresise. Pamundesia apo deshtimi i Kosoves per te qene shtet funksional eshte ne rreshtin e pare te shqetesimeve atyre qe jane te impenjuar me zgjedhjen nese Kosoves i duhet dhene pavaresi apo jo, dhe qe perdoret si mjet frikesimi per ato qe jane konfuz dhe indiferent ndaj ketyre gjerave. Sa me pak te dallohen problemet qe i ka shkaktuar qenia nen regjimin e Beogradit, nga ato qe shkaktohen si pasoje e nje gjendje as mish as peshk, qe jane po ashtu rrjedhim i se pares, aq me shume balte hidhet mbi suksesin e mundshem te nje shteti te pavarur.
Sa per ate qe ne rrikemi dhe priskemi faljen e Serbise dhe nuk dikemi te shohim problemet e Kosoves se ardhshme, une do thosha qe nuk eshte fare e vertet - thjeshte nuk nxitohemi t’i falim para se vete ata ta lypin kete!
24 January 2008 @ 5:03 pm
ujku i zi, shpreh simpatine per analizat dhe mendimet e tua lidhur me artikullin e mesiperm, te njejten gje deshiroj te shpreh edhe per anonimin -suelita-. Kam mendimin se shqiptaret qe duan Kosoven e pavarur duhet te bashkohen ne gjerat madhore te kombit dhe te lene menjane luften e paprincipte per ceshtjet brendaperbrenda kombit. Nuk ka arsyje te besojme se disa renegate, qe e fshehnn qellimin e tyre nen breket e grisura te demokracise se rreme, na dashkan te miren tone duke shpirfur dhe denigruar situaten fort te pjekur per Pavarsi ne Kosove.
24 January 2008 @ 8:52 pm
O GAZMEND KAPLLANI, JA PASKE FUT KOT E ZOTI T’MARROFTE. NA PASkE BA PERSHKRIMIN E JETES NE KOSOVE, JO SI SHQIPTAR PO SI ME QENE NDONJE I HUAJ QE NUK JETON AS NE EVROPE PO NE NDONJE KONTINENT TJETER. O MUT PO CKA T’U KA DASHTE ME SHKRU NE KLLAPA EMRIN E FERIZAJT NE GJ. SERBE. NUK NA DUHEN GJE KOMENTET TUA TE PSHURRTA PER KOSOVEN, MBAJ PER VETE, O QYRR!!!!
24 January 2008 @ 8:53 pm
Askush nuk pergjigj atyre qe shtrova . Shqiptaret kemi nje te keqe qe ja themi vetes, sikur jemi vetem ne bote. Kur thote Kapllani qe nje gazetar Suedez qe shkruajti artikull Mireserdhet ne Unmikistan lexohet nga rinia eshte e vertete apo jo? Ne se po, pse? Kur thote qe Mitrovica e Veriut, e thekson nen kontrollin e plote te Beogradit, eshte parajsa e kontrabandisteve, eshte e vertete apo jo? Kur thote se ne Kosove njerezit, Shqiptare dhe Serbe s’kane drita, uje dhe pune, eshte e vertete apo jo? Kur thote pse politikanet Kosovare nuk vijne te flasin me Serbe qe flasin shqip dhe jetojne me Shqiptaret cfare te keqe ka mund te me thote kush? Keto jane pikat kryesore te shkrimit. Juve doni gazetari gjoja patriotike por e pam ne Shqiptaret se ku na coi gazetaria patriotike. Cfare doni qe te shkruaj bahce me lule kur njerezit nuk kane drita dhe nuk kane te hane? Aspak nuk shoh ndonje tendence kunder pavaresise se Kosoves. Shoh vec konstatime. Pavaresine e ben pune te kryer Kapllani, lexo me kujdes. Ajo qe del nga shkrimi eshte realiteti, sic e sheh ai dhe nga realiteti pyetja cfare do behet me pas. Juve qe I keni dhene dum kesaj pune kaq absurde ju duket kjo pune? per patriotet e minderit. Kapllanin kam fatin ta lexoj edhe ne greqisht. Ata qe urrejne me gjithe shpirt shkrimet e tij jane nacionalistet dhe fashistet greke te cilet e shajne, kercenojne ne gazetat qe kane. pse? se shkruan te verteten. Ne Ballkan duam perralla me mbreter, prandaj dalin te fituar kucedrat. gazetaria or mik nuk eshte as kombetare as antikombetare, eshte e ndershme dhe e pandershme, e talentuar dhe e patalentuar. Argumento dhe mos kelthit thoshte nje njeri i urte qe kam njohur. Kush ka qejf per gazetari gjoja patriotike te shkoje te lexoje Zerin e Popullit nga 1945 deri ne 1990 te kenaqet, te shikoj edhe filmin Udhetim ne Pranvere te kenaqet akoma me shume
24 January 2008 @ 10:07 pm
Klaudia, une nuk e di se si e beka G.K.-ja pavaresine te kryer, sepse heren e fundit qe kam lexuar lajmet nuk ka qene keshtu. Por mbase ai ka marre vesh ndonje gje andej nga Greqia, e cila mund te kete nderruar mendje per Kosoven dhe ne nuk e dime. Nese eshte keshtu, mire do bente ta thoshte! E dyta une nuk e di ku i degjon t’i te bertiturat (ne kompiuter?), dhe ku e lexon mungesen e argumentit. Te argumentosh te kunderten nuk eshte mungese argumenti. Pse ty te duken shkrimet e te tjereve te bertitura eshte nje ceshtje qe t’i duhet ta konsumosh me veten, dhe jo ketu. Eshte praktikisht e pamundur qe dikush te bertasi ketu! Mund te shaje, te ofendoje, por jo te bertasi.
Ti thua;
Shqiptaret mund dhe duhet te lexojne shume edhe ato qe thone serbet, dhe arsyet mund te jene te ndryshme. Perse shqiptaret lexojne blogjet serbe? Mos do dali G.K.-ja apo ju me teorine se i lexojne se jane dakort me to?
por thote edhe se;
Në rast se Kosova shpall pavarësinë është e sigurt që nuk do t’a njohin. Mitrovica e Veriut do jetë një alibi për Serbinë se Kosova nuk u humb plotësisht. Dhe ndoshta një alibi edhe për politikanët e Kosovës për të justifikuar dështimet e tyre.
Shih se si ate qe u takon Serbeve, G.K. me nje ndoshta, jua vesh Shqiptareve - alibine e deshtimit. Per te mos folur per te ardhmen e zymte qe parasheh G.K.-ja nese Kosova fiton pavaresine.
Ti thua;
Por thote edhe se;
Edhe pse sot jetojnë më keq se sa ç’jetonin me Serbinë.
Ti thua;
Kjo qe thuhet per politikanet kosovar kam frike se ne rastin me te mire eshte nje gjysem e vertet, dhe nese G.K. do ta paraqesi per te vertet ben mire te shkoj edhe te pyesi se pari politikanet Kosovar.
Sa per ate argumentin e gjuhes, as qe dua ta diskutoj sepse eshte dhjetefish me keq se te thuash perse shqiptaret nuk mesojne greqisht se do t’u duhet. Ne ka komb ne ballkan qe eshte i hapur ne mesimin e gjuheve ata jane shqiptaret - sigurisht te rrethuar nga monstra ksenofobike qe edhe anglishten e flasin me zor. Shqiptaret do bejne mire ta kanalizojne ate talentin e tyre per te mesuar gjuhet me mire ne nje gjuhe si Kinezcja qe e flet nje e gjashta e botes dhe superfuqi ekonomike, sesa te mesoj gjuhet e lloj lloj dallkautesh fqinje. Mbase do kene me pak “xixa” ne koke duke vepruar keshtu.
Dhe te lutem mos hidh balte mbi patriotizmin, duke na treguar edhe patriotet e minderit. Koha e patrioteve te pushkes ishte me 1999, mbase edhe nje arsye per t’i nderuar me shume ata andej nga tema tjeter. Tani e ben patriotin edhe nga minderi, dhe s’ka asgje te keqe nese e ben ne emer dhe ne te mire te kombit tend. Une nuk e di se c’fare ndryshimi kane ato levdatat qe ju i beni G.K.-se per merita ne promovimin e bashkejeteses - qe ne kete rast nuk eshte gje tjeter vecse heqjae baltes qe ka xhelati ne fytyre dhe hedhja asaj viktimes - nga ato qe mbajne dekorata patriotesh per t’i thene tjetrit “qepe gojen”?
24 January 2008 @ 10:19 pm
Klaudia tha
mos kij gajle Klaudia…Kosova do jete e pavarur vetem perkohesisht;)
24 January 2008 @ 11:06 pm
Ujku i zi une nuk kuptova ndonje nga pergjigjet e tua. Lexojne Shqiptaret artikullin e Suedezit qe te informohen? Kaq shume se s’kaane ca bejne? Sa artikuj shkruhen per Kosoven ne bote, ata merren me artikullin e Suedezit. Deh pasi e lexon artikullin flet apo nuk flet rinia ne Kosove per korrupsionin? Apo edhe per kete flasin qe te informohen. Ajo qe kuptoj une eshte qe ju doni te beje hartime te gjimnazit gazetari. Sa per perspektiven e Kosoves pavaresia eshte shume e veshtire keshtu si po vjen dhe ne kushtet qe po vjen, pa njohje nga OKB dhe me papunesi ne kup te qiellit. Gjithe keto vite u pasurua nje grusht njerezish dhe te tjeret mbeten me gisht ne goje. patriotizem i them une qe mos te kete korrupsion vella e te kete drejtesi, te tjerave ja kemi pare hajrin ne andej nga Shqiperia. Sa per ate qe thua Qafir Arnaut nuk e di dicka duhet te dish ti, me pare se te bashkohemi mire eshte te kemi drita, ju e pune e mos te mbetemi rrugeve te botes si emigrante, ketij i them patriotizem une, ai tjetri eshte qe te mbushin xhepat disa e te mbeten ne kashte shumica. Une nga gjithe pergjigjet tuaja kam kuptuar se artikulli ngacmoj ata qe nuk duan te shohin te verteten. Sa per ty vella Kosovar nga menyra se si e trajton gazetarin e kuptoj se je njeri i dialogut dhe une jam njeri i lire dhe ve cilin flamur te me doje qejfi, neser do ve flamurin serb, per ato 6% serb qe jane pro pavaresise se Kosoves, qe te bjeri damlla, nuk e ben flamuri njeriun o njeri, njeriu ben flamurin.Hajde naten e mire dhe ne se vazhdoni me keto ment shume shpejt do vije nata e thelle, tung
24 January 2008 @ 11:30 pm
Klaudia, me pelqen me mire keshtu, qe ti nuk i kupton ato pergjigje sesa te vazhdosh sic edhe vazhdon me poshte, duke na sjelle argumenta per te vrare dicka qe s’ka lindur akoma sic jane ato argumentat se pa njohje te OKB-se ne Kosove do u beka nami! Po ne Taiwan c’fare po behet?
Sa per ato hartimet, nuk kam ndonje peng - vazhqoj i shkruaj pa problem per sa kohe i besoj ato qe them.
24 January 2008 @ 11:40 pm
Ore gjysma e robve qenkan se prapthi sot
25 January 2008 @ 3:15 pm
“Kapllani me guxim dhe pa u cjerrur jep alarmin per gjendjen ne Kosove ne te gjitha drejtimet, tek te huajt, tek politikanet vendas.”
Me vjen keq por ai nuk u jep dot alarmin atyre qe kane nisur zjarrin vete. Pershkrimi i gazetarit nuk eshte asgje vecsje nje permbledhje situate e cila mund te nxirret nga cdo gazete e perditshme ne Kosove.
Guximi i tij i vertete si gazetar do ishte te jepte alarmin per standardin e dyfishte qe mbizoteron ne administrimin e Kosoves. Ai po eshte lajm me spec, sepse djeg ne cdo shtrese.
25 January 2008 @ 4:31 pm
Kosova thote: O MUT PO CKA T’U KA DASHTE ME SHKRU NE KLLAPA EMRIN E FERIZAJT NE GJ. SERBE.
Hallall plako! E ke vene gishtin mbi plage!
Eshte kjo mungese sensibiliteti e autorit ndaj vuajtjeve te shqiptareve ne Kosove, ky “naivitet” i tij kur habitet pse shqipot nuk mesojne gjuhen e VRASESIT, kjo deshire per te gjetur shenja Serbie ne Kosove (Urosevac etj) qe s’me pelqen.
25 January 2008 @ 8:52 pm
Vellezer uroj mos t’i lexojne Perendimoret keto komente se ndoshta do ta mendonin prape ate punen e pavaresine. Ore vella anonymous e di ti qe Ahtisari plan e ben Kosoven shtet dy gjuhesh apo jo dhe te gjitha qytete do jene ne dy gjuhe? Dua t’a shoh Kosovarin cfare do bej, do shkuli tabelen ne serbisht? Do i hapi lufte Perendimit sic bene Shqiptaret e Enverit apo Serbet e Slobos? Historia tregon qe shoqerite i cojne perpara ata qe shohin realitetin jo ata qe tregojne perralla, ata qe tregojne perralla kombetare pasurohen dhe shumica mbeten pa breke ne bythe, shkrimi vazhdon ngacmon sepse thote te verteten qe askush nuk do t’a shoh, deri sa t’u bjere njerezve mbi koke dhe ti lere shakull, shpresoj vetem qe ne Kosove te ekzistojne njerez me logjike me te matur se sa ketu ne blog
25 January 2008 @ 9:36 pm
Klaudia, nese ndihesh lindore sigurisht ke te drejte te flasesh, por vetem per veten. Te lutem mos kerko te na fusesh edhe ne ne ate kategori. Mbaji ato komplekset sic i ke se te bejne mire.
25 January 2008 @ 9:38 pm
me duket se klaudia esht vet autor kaplani hahahaaaa
25 January 2008 @ 9:44 pm
Jo tiranalb, nuk me duket se eshte ashtu se stili eshte i ndryshem. Klaudia shkruan shume here me mire se Kapllani.
26 January 2008 @ 2:39 am
Klaudia, moter!
Vertet nuk e kupton ndryshimin midis lejimit (te detyruar nga nderkombetaret) te tabeles se rruges ne serbisht qe thote “Urosevac” ne vend te “Ferizaj” dhe perdorimit te emrit Urosevac ne nje artikull te shkruar nga nje shqiptar, ne shqip, per nje gazete shqiptare??!!
Ne ketu nuk po flasim se c’duhet te bejne kosovaret, ne ketu po telendisim (dhe mbrojme) Kapllanin dhe artikullin e tij “mendje-hapur”.
Por ti kete e dije apo jo?