Parku Kombëtar i Lurës po shkon drejt shkatërrimit. Nuk do të mund ta besonit, pasi kjo zonë normalisht duhet të ruhet nga shteti, por fotot e ardhura në redaksinë e Shqiptarja.com dëshmojnë krejt të kundërtën. Bashkorganizuesi i garës “Rally Albania”, Edvin Kasimati, denoncoi në Shqiptarja.com shkatërrimin ekologjik të Parkut Kombëtar të Lurës. Fotot janë realizuar ditën e djeshme, ndërkohë që pamjet shfaqin Lurën e dëmtuar, me pemët e prera e Liqenin e ndotur.