Qeveria e Kosovës vendos që 28 nëntori të mos jetë festë shtetërore
Radio Europa e Lirë
19.05.2008
Qeveria e Kosovës miratoi sot Projektligjin për Festat Zyrtare në Republikën e Kosovës.
Në kalendarin festiv të Republikës së Kosovës janë përfshirë Viti i Ri, Dita e Republikës së Kosovës (17 Shkurti), Dita e Kushtetutës së Kosovës (9 Prilli), Dita e Punëtorëve (1 Maji), Dita e Evropës (9 Maji) dhe festat fetare të komuniteteve në Kosovë.
Në këtë kalendar nuk është përfshirë 28 Nëntori - Festa e Flamurit, si datë që është festuar në Kosovë në vazhdimësi, e po ashtu nuk është përfshirë as 12 qershori, dita e hyrjes së trupave të NATO-s në Kosovë, që deri më tash festohej si dita e çlirimit.
Kryeministri Hashim Thaçi tha se Kosovës i duhen festat e veta shtetërore.
“Kosova është shtet i pavarur, sovran, demokratik dhe multi-etnik, me territor të garantuar. Kosova është shtet, i ka festat shtetërore, por natyrisht se respektohen edhe festat kombëtare, ka Festën e Republikës, ditën e shpalljes së pavarësisë dhe festat tjera. Ky është vetëm fillimi”, tha kryeministri i Kosovës, Hashim Thaçi.
Projektligji për Festat Zyrtare tash do t’i procedohet Kuvendit për miratim.
20 May 2008 @ 8:56 am
Turp
Ata qe kane dhe jeten per kete shtet te ri dhe per flamurin kuq e zi nuk do te rrine te qete ne varrin e tyre!
20 May 2008 @ 10:08 am
Ik o Thac, se delenxhi paske qene dhe ti
20 May 2008 @ 10:21 am
pse nuk ve si feste shteterore apo kombetare ate te serbeve ky??!!
20 May 2008 @ 11:46 am
jo dilingji o i nderuari Tirons por idiot i idiotëve, enëlëpirs e i paskrupullt Fatmir Sejdiu i biri i Josip broz Titos, Jakup Krasniqi historiani i sllavistikës dhe se fundmi tradhtari i idealit dhe gjakut te komandantit Adem Jashari dhe gjithë dëshmorve Shqipëtar kosovar Hashim Thaqi.
20 May 2008 @ 2:17 pm
Sikur po fillojne t’ia ndjejne “lezetin” shtetit te ri
20 May 2008 @ 2:35 pm
Nuk pom pelqen ideja qe 28 nentori lihet anash kshtu.nuk besoj se osht ide e Thaqit kjo behet vetem fale politikes!
20 May 2008 @ 6:22 pm
28 Nentori eshte dyfish simbolik per shqiptaret : ai eshte 28 nentori i ngritjes se Flamurit Kombetar nga Skenderbeu ne Krujë; 28-ta, eshte po ashtu ngritja e Flamurit ne Vlore nga Islmail Bej Qemali.
te dyja datat historike ne fjale u perkasin edhe Kosovareve : a nuk kishte plot trima Kosovare qe shoqeruan Ismail Qemalin dhe qe ngriten bashke me te Flamurin ne Vlore ? Posi qe ka !
Qeveria Thaçi s’huhet te beje kete gabim trashanik, te leje pra 28 jashte. Ne ne Shqiperi s’po heqim dot 9, daten e Serbeve qe na e nguli Enveri per partizanet, kurse ju hiqni 28 ! S’ka kuptim
20 May 2008 @ 6:31 pm
Problemi është se qeveria Ceku ka provuar të aporvoj ligjin ku është përfshirë dhe 28 Nëntori, por kjo nuk është pranuar nga UNMIK-u. Ligji i është kthyer qeverisë dhe ata është dashur të bëjnë ndryshime, pra heqin 28 nëntorin. Tani ligj së pari duhet të aprovohet nga kryeadministratori i OKB-së dhe më pas shkon në Kuvendin e Kosovës. Ligji duhet të aprovohet nga qeveria, kryeadminstratori dhe Kuvendi i Kosovës për të hyrë në fuqi.
Le të shpresojmë se Kuvendi i Kosovës do ta bllokoj miratimin e këtij ligj, të pakten deri pas hyrjes në fuqi të Kushtetutës së Kosovës dhe atëherë do të ketë procedura tjera për miratimin e ligjeve.
Qeveria e Shqipërisë duhet të reagoj pasi që Shqipëria është shteti ikombit shqiptar dhe shqiptarët janë shumicë në Kosovë.
Pa marr pasrasysh se a aprovohet apo jo ky ligj, 28 Nëntori do të jetë ditë pushimi në Kosovë. Nëse kjo ditë nuk përfshihet në ligj, atëherë kjo ditë do të përfshihet në një dekret apo ndonjë rregullore.
20 May 2008 @ 7:41 pm
Hajt ku je Hashim Thaci!Rregullove frizuren,fillove ti pastrosh rregullisht dhembet,kreve fakultetin madje u bere edhe kryeminister.Definitivisht e deshmove se je me i miri ne katundin tend.Tash shkelja,..se na morre ftyren.
20 May 2008 @ 7:47 pm
Kto jane ligje te impnuara…nuk eshte se i beri Hashim Thaci. A-ja e thot tamam.
28 Nentor 1444 ishte lidhja e Lezhes ne mos gabohem…se s’ka pas flamur kombetar ne ate kohe
20 May 2008 @ 8:48 pm
28 nentorin nuk guxoi ta hiqte as Italiani e gjermani, e as Tito, dhe na bejne shqipet. Nuk eshte justifikim fakti se nuk e pranoka bota. boll leshime i jane bere botes. Nuk mund ti ulim breke sa here na e kerkon europa. Duhet me u tregu burra ne ato pika qe nuk tolerohet. Trimat e UCK kane luftuar per ate flamur e jane varrosur per ate flamur. Nuk ka burr nene te mohoje 28 dhe as hashima e as unmika nuk do ti pengojne shqiptaret ta festojne ate date. Thaci eshte vetem nje individ kalimtar ne historine e popullit tone. Njerezit ikin e vijne, por kobmi simbolet mbeten. Por ajo cka kam frike eshte se po kerkohet me ngulm te krijohet nje identitet kosovar duke i kthyer shpinen atij shqiptar. Kujdes bre, se ate çka nuk e beri shkjau po ia bejme vetes!
20 May 2008 @ 9:20 pm
A do ta festojne Serbet e Kosoves apo komunitet e tjera diten e flamurit e caktuar nga Thaci? TRIM ;nuk eshte pune brekesh, une te kuptoj se c’do te thuash, por nuk duhet te cjerrim syte sepse po lyejme vetullat. RROFTE DITA E FLAURIT. 28 NENTORI.
20 May 2008 @ 9:33 pm
Trim 100% me ty…po dhe kjo eshte dicka kalimtare qe s’besoj se do zgjasi as nje vit! Megjithate pajtohem me ty kur thua se ka disa qe mundohen te krijojne nje identitet “Kosovar”…kjo me shqehteson…dhe per kte kane faj dhe Shqiptaret e Shqiperise
PS: Vertet Titoja lejonte 28 nentorin?? Nuk e dija
PPS: Taljonet dhe Gjermonet na kishin xhan…
20 May 2008 @ 9:39 pm
28 Nentori eshte dita e pavaresise se Shqiperise. Po dita e pavaresise se Kosoves kur eshte? Une besoj se eshte ne diten kur deklaruan pavaresine tani ne Shkurt 2008 (data nuk me kujtohet). E pra ata nuk mund te kene dy festa zyrtare per te njejten aresye. Mos haroni gjithashtu se ata jane nje shtet multietnik. Prandaj atdhetarizmat dhe shtirjet si patriota apo si trima luftetare ruajini per raste te tjera dhe mos shpertheni kot me kot si shashka.
20 May 2008 @ 9:41 pm
O Grupi, kam frike se ja ke fut kot me kot per ate punen e kongresit te Lezhes !!!
Lexoje kete, e ke tek Historia e Shqiperise, tek Shqiperia.com :
20 May 2008 @ 9:43 pm
Ja dhe vazhdimi, per punen e kongresit te Lezhes :
20 May 2008 @ 9:44 pm
Shteti Kosovar ka (zyrtarisht) flamurin e tij.
)
Është e turpëshme që të fillojmë tani se si dhe pse nuk e festojnë(do të ishte ndryshe po të mos linte popullsinë që ta festonte për qejfin e vet
20 May 2008 @ 9:49 pm
Lefto kshu e di dhe une. 28 Nentori eshte dita e “Lirine nuk ua solla une ate e gjeta mes jush”
Thaci e kishte justifiku shume mire keshtu kete punen e festes dhe para nderkombetareve, po kushedi se per cafare e ka myll gojen. Ishalla merret Ramushi me kete pune tani
20 May 2008 @ 9:53 pm
Lefto…une s’bej gabime me historine. E ka gabim historia atehere
E mire mire…e kisha gabim une.
1. Kosova nuk eshte shtet multietnik. Te pakten ne Shqiptaret te mos biem ne ate kurth dhe ate zhargon qe eshte vetem per konsumim per “nderkombetaret”. Kosova eshte nje shtet monoetnik po aq sa cdo shtet tjeter Evropian. Me nje minoritet qe shkon deri ne 7-8%…Kosova eshte me pak multi-etnike se Anglia, se Franca, se Italia, se Greqia, se Serbia apo kushdo tjeter.
2. Kosova shpalli pavarsi me 28 Nentor 1912 si pjese e Shqiperise. Eshte nje ofendim ndaj Isa Boletinit, Bajram Currit dhe shume te tjerve nga Kosova qe kjo dite te mos kujtohet ZYRTARISHT ne Kosove si dita e pavarsise se Shqiperise (ku Kosova ishte pjese). 17 Shkurt 2008 mund te kujtohet shume kollaj si dita e Republikes…dhe 28 nentor 1912 si dita e pavarsise.
20 May 2008 @ 11:16 pm
21 May 2008 @ 12:31 am
Kuvendi kërkon që 28 Nëntori të jetë festë shtetërore
Zijadin Gashi
Radio Europa e Lirë
20.05.2008
Asnjë grup parlamentar s’e ka përkrahur propozimin e qeverisë, që në kuadër të festave zyrtare të Kosovës të mos përfshihet 28 Nëntori, Dita e Çlirimit të Kosovës dhe Dita e Dëshmorëve.
Kuvendi i Kosovës ka miratuar sot në parim gjashtë projektligje që burojnë nga plani i Ahtisaarit. Ndër ta edhe projektligjin për Agjencinë e Kosovës për Inteligjencë dhe atë për festat zyrtare në Republikën e Kosovës.
Ndonëse është miratuar në parim, grupet parlamentare paralajmëruan qeverinë se projektligji për festat zyrtare në Kosovë nuk do të kalojë nesër në shqyrtimin e dytë, nëse një komision ‘ad hok’, që merret me shqyrtimin e vërejtjeve të deputetëve, nuk përfshin si festa zyrtare edhe Ditën e Çlirimit të Kosovës, Ditën e Dëshmorëve dhe 28 Nëntorin, Festën e Flamurit.
Sponsoruesi i këtij projektligji, ministri Arsim Bajrami, tha se projektligji ndan festat zyrtare të Kosovës dhe ato kombëtare, duke i përcaktuar ato si festa memoriale.
“Ligji, në fakt, parasheh tri lloj ligjesh në Republikën e Kosovës: festat zyrtare, festat kombëtare apo memoriale dhe festat komunale. Ligji liston festat zyrtare duke përfshirë dy datat historike të popullit të Kosovës, datën e 17 Shkurtit, Ditën e Pavarësisë dhe Ditën e Kushtetutës, dhe festat zyrtare ndërkombëtare duke përfshirë edhe festat fetare”, tha Bajrami.
Por, me propozimin e qeverisë, përkatësisht ministrit Bajrami, nuk janë pajtuar asnjë nga grupet parlamentare, madje edhe ato në pushtet. Shefi i Grupit parlamentar të PDK-së, Ramë Buja, tha se PDK-ja do ta përkrahë këtë projektligj gjatë seancës së nesërme, kur bëhet shqyrtimi përfundimtar i tij, vetëm nëse ai plotësohet me vërejtjet e grupeve parlamentare.
“Kemi vendosur që ta përkrahim në parim këtë projektligj vetëm me mundësinë që besojmë se është ekzistente që të shtohen, apo të amendamentohet me 3 data, që janë Dita e Flamurit Kombëtar, Dita e Çlirimit dhe Dita e Dëshmorëve, në të kundërtën, ne do të jemi të rezervuar”, tha Buja.
Një qëndrim të ngjashëm ka dhënë edhe deputeti i LDK-së, Sabri Hamiti, i cili propozoi që Dita e Kushtetutës të hiqet nga kalendari i festave zyrtare.
“Mendoj që Dita e Kushtetutës nuk ka pse të jetë festë, sepse ka pasur këtu kushtetuta edhe më herët të Republikës së Kosovës që janë festuar tradicionalisht, por nuk janë përfshirë. Mendoj se nuk kemi pse ta bëjmë festë nacionale ditën kur është miratuar një kushtetutë, një variant”, theksoi Hamiti.
Një pajtim të plotë me pozitën në këtë pikë, kanë shprehur edhe partitë opozitare. Shefi i Grupit parlamentar të AAK-së, Ardian Gjini, ndonëse e ka përkrahur në parim projektligjin, tha se nesër nuk do të përkrahet miratimi i tij, nëse nuk përfillen vërejtjet e deputetëve.
“Do t’i bashkëngjitëm mendimit se duhet të diskutojmë se a duhet të jetë Dita e Kushtetutës festë kombëtare. Në të njëjtën kohë, mendoj se duhet të shtohen edhe data tjera dhe komenti i fundit është se kur shpallen festat kombëtare, qeveria nuk guxon t’i shpallë ato, por duhet t’i shpallë Kuvendi”, tha Gjini.
Ndryshe, qeveria ka propozuar që Kosova ti ketë 11 festa zyrtare, përfshirë Ditën e Pavarësisë, atë të Kushtetutës, si dhe festa që përkojnë me Vitin e Ri, 1 Majin, Ditën e Evropës dhe festa fetare. Kështu që nesër ka mbetur që aty të përfshihen dhe festa tjera, siç janë Dita e Çlirimit, Dita e Dëshmorëve dhe 28 nëntori – Dita e Flamurit shqiptar.
Po në seancën e sotme, Kuvendi miratoi edhe projektligjin për Agjencinë e Kosovës për Inteligjencë, projektligjin për azil dhe draft-ligje tjera. Miratimi i këtyre projektligjeve është bërë me procedura të shpejtuara. Në shenjë pakënaqësie me një formë të tillë të punës, grupi parlamentar i AKR-së e ka lëshuar seancën, pasi që këto ligjet u janë shpërndarë deputetëve gjatë ditës së djeshme.
Sidoqoftë, pas miratimit në parim, pritet që nesër Kuvendi t’i miratojë në leximin e dytë këto projektligje. Deri më tash, Kuvendi ka miratuar 19 nga 34 ligjet që burojnë nga plani i Ahtisaarit. Këto projektligje hyjnë në fuqi pasi që të fuqizohet edhe Kushtetuta e Kosovës, më 15 qershor.