Gazeta Sot
Plehrat po e mbysin gjithnjë e më shumë Tiranën. Kjo është e vërteta e hidhur metropolit, një vend që fare mirë do të mund ta krahasonim me vendet me të humbura të Afrikës. Edhe pse i dhimbshëm ky është realiteti që shqiptarët hasin çdo ditë e më shumë, pa u bërë i mundur një përmirësim sado i vogël situatës së plehrave. Po të vazhdojë kjo situatë në kryeqytet me kazanë plehrash të tejmbushura që të krijojnë përshtypjen se nuk boshatisen asnjëherë. Gjërat nuk janë fare mirë dhe problemi bëhet më emergjent dhe më i rëndë në sezonin e nxehtë që po hyjmë.Edhe pse ende pranverë temperaturat janë shumë të larta edhe era e keqe e plehrave qytetarët shqiptarë hasin përditë sa vjen dhe përkeqësohet situata. Nuk do të ishte fare çudi sikur në tiranë të shpërthente ndonjë, jo epidemi, por pandemi nga era kundërmuese që kanë kazanët e plehrave. Kështu shqiptarët përveç rrugëve që të kujtojnë ato të stër, stër gjyshërve tanë dhe pluhurit që përditë e më shumë po rëndojnë mushkrit e tyre, u shtohet dhe problemi tjetër që është ai i mbetjeve të konsumit të përditshëm. Dikur por dikur ama, sepse që prej asaj kohe ka kaluar aq shumë kohë sa nuk mbahet mend, vendet e plehrave spërkateshin me klor për të zhdukur mikrobet, dhe për të ndaluar epidemitë e ndryshme nga era e keqe e kontenierëve të plehrave dhe nga temperaturat larta të pranverës apo verës. Po sot çfarë masash po merren për të parandaluar epidemitë ndryshme kur jemi në prag të verës? Asnjë masë. Bashkia që ka në dorë këtë fenomen dhe që është organi i vetën kompetent për këtë problem që duket se është mjaft shqetësues për të gjithë kryeqytetasit, nuk ka marrë asnjë masë për këtë gjë. Nuk mund të specifikojmë një lagje konkrete që nuk pastrohen dhe nuk zbrazen koshat, sepse e gjithë Tirana ka po të njëjtin problem. Kështu qytetarët u duhet të durojnë për kush e di sa kohë kazanë të tejmbushur dhe erë kundërmuese që vjen si pasojë e këtyre të fundit.
Bashkia
Realisht situata e plehrave në rrugët e metropolit është shumë shqetësuese për dy arsye ajo që është e para dhe më themelorja është se plehrat po vënë në rrezik shëndetin e njerëzve, dhe pika e dytë është se nuk është aspak dinjitoze që kryeqyteti të ballafaqohet me këtë situatë aspak të këndshme. Shqipëria pretendon që të hyjë në bashkimin evropian po si ka mundësi që mendohet një gjë e tillë? Kur në kryeqytet njerëzve po u zihet fryma nga papastërtia e rrugëve. Bashkia nuk mund të zgjidh dot kështu një problem fare të vogël siç është zhdukja e papastërtive në rrugë. Nuk është çudi që Shqipëria ka pak turist të cilët edhe pse aq të paktë në numër ikin me sa më shpejt që të munden. Normalisht që për këtë fakt ekziston dhe arsyeja rrugë gjithë plehra, ku përveç kontenierëve që janë plot. Anash tyre gjenden dhe male plehrash të hedhura përtokë kjo për arsyen e thjeshtë se njerëzit nuk kanë ku ti hedhin se ata i gjejnë ata më shumë plot sesa të boshatisur. Kështu ky është imazhi jonë, që për fat të keq që përcjellim në botë. Një pastrim më i shpeshtë i rrugëve dhe kazanë plehrash të boshatisur dhe pa erë të keqe do të ishte zgjidhja që të gjithë njerëzit kërkojnë nga bashkia. Kazanët boshatisen vetëm një herë në ditë , kjo gjë është shumë pak për popullsinë që ka Tirana, dhe duke ditur që të paktën një qytetar flak në ditë të rreth 5 kilogram plehra në ditë e shumëzuar kjo me numrin e banorëve ka kryeqyteti, del se pastrimi nuk bëhet i mjaftueshëm.
Pastrimi dhe mosdizinfektimi
Pastrimi i rrugëve , nëse vërtet mund të quhet i tillë zëre se nuk kryhet fare në rrugët kryeqytetit. Pastrueset e bashkisë duket se këtë profesion e kanë sa për të thënë se për të pastruar as që bëhet fjalë. Realisht i sheh me fshesë në dorë, por kjo e fundit më shumë sesa mjet pune u shërben atyre si mjet “dekorativ “. Pastrimi i tyre është aq i mirë sa për 10 minuta e gjithë puna e tyre quhet e mbaruar . më shumë sesa një pastrim mund ta quanim një shpërndarje të plehrave. Me temperatura e larta që ka sjellë pranvera këtë vit dhe me ato më përvëlueset që pritet të sjellë vera, plehrat po rrezikojnë rëndë shëndetin e të gjithë njerëzve. Era e tmerrshme, gati e padurueshme që plehrat çlirojnë nëpër çdo cep rruge ku hasen dendur kazanët do të shkaktojnë ndonjë epidemi këtë verë të nxehtë që dot ketë 2007. pasi kazanët boshatisen nga plehrat nuk spërkaten me asnjë lloj solucioni dezinfektuesi. Dikur vendet e vendgrumbullimeve të mbetjeve të qytetarëve spërkateshin me klor të presuar, për të shmangur epidemitë e mundshme. Sot ç’bëhet ? asgjë do të ishte përgjigja, për të ndaluar shpërthimin e ndonjë epidemie , bashkia nuk po bën asgjë. Të pyetur për këtë problem punonjës të bashkisë pretendojnë se nuk përdoret më klori i presuar pasi ai lë gjurmë, por ne përdorim një tjetër kimikat dezinfektues, emrin e të cilit nuk e thonë. Kjo gjë nuk është aspak e vërtetë sepse të gjithë ne jemi dëshmimtar të përditshëm të situatës. Është e pamundur të kalosh pranë plehrave, duhet të mbyllësh hundët pasi era e keqe është padurueshme. Kjo tregon se mbetjet jo vetëm që nuk spërkaten por as që bëhet fjalë për një gjë të tillë.