Perse ne shqiptaret nuk jemi më të mirësjellshëm?
Mjeku R. një mesoburrë i zellshëm e energjik, është ulur përballë meje dhe më sheh në sy ndërsa ma bën këtë pyetje. Ky njeri kur të kushton vëmendje, të kushton plotësisht vëmendje, dhe do që të shpërblehet njësoj nga vëmendja e bashkëbiseduesit. Batutat e mia të vogla, sjellin një nënqeshje aty-këtu, por vetëm aq. Sepse ai do një përgjigje: Perse ne shqiptaret nuk jemi më të mirësjellshëm? Përse pikërisht, u biem në qafë atyre njerëzve që na ndihmojnë më shumë, dhe nuk na kërkojnë asgjë mbrapsht?
Pyetja më vret pak, përse ta mohoj. Vjen pas një episodi të çuditshëm plot zhurmë e zëra të ngritura, që mjeku R. dhe unë sapo e kemi përjetuar në zyrën e klinikes së tij mjekësore. Një nga pacientët tanë, me një thes problemesh shëndetësore dhe financiare, na kërkon ilaçe me ngulm, jo për vete por për gruan e tij, të cilën nuk pranon ta sjelle për vizitë. Arsyeja, me sa marr vesh unë, është kursimi i parave për kuotën e sigurimeve shëndetësore që i kërkohet. Ai ngre tonin e zërit, jep e merr furishëm me duar e me këmbë, dhe nuk e pranon sugjerimin tim që të paktën ta çojë gruan në spital, nëse është rëndë me shëndet. Jo ai do ilaçet, se ka gjetur rehat me to. Fjalët që shkëmbejmë sot, nuk kanë asnjë gjurmë të ndereve të dikurshme, faturave mjekësore të falura, ose përpjekjeve jashtë orarit që kemi bërë për t’i siguruar këtij njeriu kujdes mjekësor. Ka vetëm ulërima dhe tendosje që përfundojnë në shkumë në cepat e buzëve dhe dalje dramatike të tij. Betohet që nuk do të verë më këmbë këtu, një betim që e ka bërë edhe tre here të tjera më parë.Unë e di që ne jemi popull mirënjohës. Më është thënë nga prindërit që mikun e duam dhe e respektojmë deri në fund, dhe që nderin që na bëhet duhet ta shpërblejmë sa më mirë që të mundemi. Më është gdhendur në tru që bashkëkombësit në nevojë duhen ndihmuar me aq sa është mundësia. Po si mund ta ndihmosh dikë që mendon se “shqiptarët ashtu e duan” dhe e sheh vrazhdësinë si përgjigje korrekte ndaj mirësjelljes profesionale?
Mjeku R. ka kaluar shumë vjet mes shqiptarëve të të gjitha trojeve. Ka ndihmuar atëherë kur ishte me rrezik të ndihmoje shqiptaret, e vazhdon të përpiqet me sa të mundet. Gjithnjë ka qenë avokat mbrojtës, mbështetës e përkrahës deri në fund për kombin tonë. Dhe gjithnjë është përballur me këtë shndërrim të çuditshëm të shqiptarëve, nga fasada e përulur deri në servilizëm në takimin e parë, në vrazhdësinë e pajustifikuar të takimit të dytë. Prandaj pyet për arsyen.Vras mendjen edhe unë për të parë çfarë na ndërzen trurin. Ka faj “edukata” mjekësore shqiptare vallë, me personelin shëndetësor më harbut që kam hasur ndonjëherë? Qëndron faji tek koncepti shqiptar i të vizituarit vetëm në “derë të vdekjes”, apo tek koncepti amerikan i “kontrolleve parandaluese” dhe vizitave të pafundme tek specialistët? Apo janë fajtorë mjekët e shkolluar dy herë, në shkollat shqiptare/evropiane dhe amerikane, të cilët janë dyfish më të butë me pacientët se mbartin edhe kompleksin e emigrantit me vete?
Sistemi shëndetësor amerikan është i bazuar tek parandalimi. Pacientët vizitohen çdo vit, dhe marrin “vulën” e shëndetit të plotë nga mjeku i tyre i përgjithshëm. Nëse është e nevojshme, ky mjek i drejton tek specialistët. Është vullneti i pacienteve të ndjekin apo jo këshillat e mjekut. Askush nuk i detyron t’u bien pas sëmundjeve të tyre. Dhe nëse kanë sëmundje e dhimbje akute, DUHET të shkojnë në urgjencë pa asnjë përjashtim. Por ne pacientët shqiptarë (të paktën këtu në Nju Jork) nuk e kemi shumë të qartë këtë mendësi. Për ne, mjeku është zgjidhësi i të gjitha problemeve. Për ne, mjeku është dhoma e urgjencës, farmacia, infermieria dhe sigurimet shëndetësore. Nuk e kuptojmë përse na duhet të paguajmë sa herë shkojmë tek mjeku, ose, nëse jemi të varfër e na siguron shteti falas, përse duhet të presim katër orë nëpër spitalet publike, megjithëse nuk kemi lënë takim para se të vinim. Nuk e kuptojmë përse mjeku nuk mund të na lexoje grafitë që i kemi sjelle nga Greqia ose Turqia, dhe të na japë ilaçe për familjarët tanë në Shqipëri. Nuk e kuptojmë përse duhet të na ndërrohen ilaçet, ose përse mjeku ngurron të na japë narkotikët e fortë që vërtet na qetësojnë dhembjet, por na humbasin trurin. Nuk e kuptojmë përse mjeku nuk na jep më ilaçet që na ka dhënë dikur farmacistja e lagjes që sot banon në Florida, ose përse nuk flet me farmacisten vetë ai, ne vend që të na çojë në njëqind specialistë. Dhe zoti na ruajt nëse mjeku është shqiptar. Nuk ka rëndësi sa shkollë ka bërë ky njeri, sa provime ka kaluar, e sa diploma ka varur nëpër mure. Nëse ai nuk sillet harbutshe, është doktor koti. E nëse na sugjeron diçka më ndryshe se ajo që mendojmë ne, ose nuk na jep ilaçet që na pëlqejnë, qenka bere një mendjemadh e shitmendes që e ka mendjen vetëm me na marrë paret. (të cilat i paguan sigurimi shëndetësor e jo pacienti). Moskuptimi na çon në irritim e arrogance. Ndërsa vërtet duhet t’i mbajmë sytë hapur e të shprehemi kur mendojmë se klinikat e mjekët na kane keqtrajtuar, lënë pas dore, shkelur në interesa apo na kanë abuzuar, është mirë të ndalemi më parë e të mendojmë nëse vërtet ka ndodhur vërtet ky abuzim, apo e ka fajin mentaliteti që kemi sjellë me vete. Mjeku R. është i paqartë. Kështu jam edhe unë.
9 December 2007 @ 1:32 am
Mirësjellja vjen nga mirëqenia (jo vetëm financiare, por edhe mendore).
9 December 2007 @ 2:14 am
Ne jemi të sjellshëm, kush tha? Veç jo me njëri-tjetrin…
9 December 2007 @ 2:23 am
…sidomos mendore.
9 December 2007 @ 1:35 pm
Mire sjellja eshte komplekse,nuk eshte vetem formale.Evulon me sistemet socio-historike.Te silleshe mire para 50 vitesh ishte te beje ,mendoje ne nje menyre qe sot nuk eshte me adeguate.Mire ùsjellja eshte zhvillim eshte pune kostante mbi veten
9 December 2007 @ 1:45 pm
Une mendoj qe miresjellja eshte nje nga elementet baze (dua te them jashtezakonisht e rendesishme) per nje kulture komunitare. miresjellja eshte celesi i tolerances, komunikimit, dialogut konstruktiv, bashkepunimit, solidaritetit, dhe mbi te gjitha nje jete sa me te mire
9 December 2007 @ 2:08 pm
Blete, shume e vemendshme dhe shkruar mire. Ndoshta e ka fajin patriarkalizmi, ndoshta egoja e palatuar. Do shtoja, qe edhe femrat ju bashkangjiten burrave ne kete lloj sjellje te eger dhe ne perdorimin e fjalorit vulgar.
9 December 2007 @ 2:48 pm
Piksepari do te doja qe te percaktonim se ç’eshte miresjellja,çfare permbledh ajo.Me duket se po e reduktojme ne shume formalizem.
9 December 2007 @ 2:48 pm
…lexohet thjesht..well done BZZZZ
p.s–mjeku R, miku A, femra D..nuk na u ndane keto iniciale per te pershkruar nje anonim..Kadareja shkruante romane te tera per njerez alfabetik,apo qytete A,B. dhe njerez N,T…
E cuditshme!!
9 December 2007 @ 6:18 pm
shume pytje ke ti blete….
)
pse, thot; pse-ne s’e ka gjet as sterjo spasse…. (batut’ e paleozooikut kjo
Ore s’ka ktu gili-vili; tjetri tha: un’ du nusen, du kostumin!!!
9 December 2007 @ 6:22 pm
Dashke ne nuse ee ?
Ja te pershnes me i pizi :
Buzqesh dhondri
o nga dashuria
Buzqesh nusja
e ka zone rakija
9 December 2007 @ 7:12 pm
Te gjithe shqiptaret qe jane jashte shqiperise ,jane shume te sjellshem ,sepse atje ekziston nje sistem ,qe i detyron te jesh i sjellshem .Askush edhe qytetaret e vendeve ku jetojne shqiptaret nuk mund te beje ndryshe ,pra te jete i pa sjellshem perndryshe do te ngelesh pa sherbim ,ose do te perfundosh ne polici .
Mirsjellja eshte dhe duhet te jete e imponuar ,duhet te kete nje lloje sistemi ,qe te mund te bej imponimin e mirsjelljes tek shqiptaret qe te jemi te sukseshem ne kete drejtim .
Ne shqiperi nuk ekzistojne sisteme ,rregulla te tilla qe te imponoje miresjellje !
Tek mjeku nuk shkohet si capi tek kasapi ,duhet te kalosh disa shkalle ,te jesh i siguruar, i regjistruar si taxapagues ,duhet te lesh nje takim ,se pari me mjekun e pergjithshem ,te paraqitesh ne orarin e caktuar ,te presesh radhen ,pastaj te shkosh tek doktori , ky pastaj ben edhe percielljen ,me dhenie medicinash ,keshillash ose dergim tek specialistet ne Spital ,Atje vazhdon perseri nje procedure tjeter ,dhe kategorizohesh percaktohesh sipas problemit ,ne Waiting list apo ne nje rast emergence .
Pra jane disa etapa ,qe te ben te miresjellshem nga halli se s`ke ku shkon .
Privati ta mat koken.
Si ndodh ne shqiperi ,pse atje jane te pasjellshem pacientet ,qytetaret ?Sepse mungojne keto sisteme ,detyruese qe te bejne te mirsjellshem !
Edhe njehere mirsjellja behet me imponim dhe jo me vullnet !
9 December 2007 @ 7:16 pm
“Te gjithe shqiptaret qe jane jashte shqiperise ,jane shume te sjellshem”
Tobestafkurllah, po shqiptaret jashte pranej dallohen si parja kuqe se bertasin ne rruge, ne dyqan, kudo
Sherrin ne bark ere e kane
9 December 2007 @ 7:29 pm
Moza ,iku ajo koha e qenit ,kur doli nga zinxhiri ,vazhdoi per inerci ca kohe por te siguroj ,qeni eshte ber i urte dhe i trajnuar nga halli ! Tani nuk e kam fjalen per ata qene qe rrine pa shtepi qente e rrugeve !
9 December 2007 @ 7:33 pm
@Moza -
vazhdimi vazhdo kshu:
E lake, lake,
lake, bubulake,
e lalen tate,
o c’e bone merak-eee…..
e buzqesh goca,
hajde mi ke qershija,
e buzqesh goca,
e ka dashTunija…
e lake, lake … (10 here)….
9 December 2007 @ 7:42 pm
Moza, ene nji para se me hik, osht nga paeozooiku, per gjiF tironsit, kudo si te ndodhen:
Merita Halili me
“….jom i gjeg, i pervelu,
jom i joti prEp te du… “
http://www.youtube.com/watch?v=GJgsK6Ppzno
9 December 2007 @ 7:50 pm
Blete,
Duhet te kuptosh qe ajo pjese e emigranteve ne amerike qe Mjeku R.(apo ti) ke pas mundesi te perballohesh, jane pjese e varfer jo vetem ne amerike por edhe nga kane ardhe. Jane shume pak ose aspak te shkolluar.
Shto ketu edhe mentalitetin nga zona qe kane trasheguar, ku mjeku te shikon si nje kufome, ku mund te beje cdo gje, ndersa besimi mjek-pacient nuk ekziston.
Eshte vertet per te ardhur keqe dhe per kete te kuptoj drejt.
Por,mbase temperamenti mesdhetar ne shqiptareve nganjehere na ben te dalim nga vetevetja dhe na duhet te shpjegohemi me kembe dhe me duar.
Mbase edhe pse si shqiptare na duhet te luftojme me mish&shpirt edhe per gjera te vogla, qe vendasit i marrin per te padiskutueshme.
Mbase edhe nganjehere Mjeku R. dashje pa dashje, perballet me zemrimin dhe stresin qe i myt emigrantet dite e nate.
P.S. N.q.s. keni shume pacienta shqiptare, do ti sugjeroja mikut tuaj te bente disa udhezime ne gjuhen shqipe per pacientat, ku te tregoheshin qarte rruget qe duhet te ndiqen. Sigurisht duke bere disa “sugjerime ” te vogla per menyren me te mire te prezantimit. spesh here mungesa e qarte einformacionit sjell debate te kota.
9 December 2007 @ 7:56 pm
Altin Goxhaj thotë:
Une mendoj qe miresjellja eshte nje nga elementet baze (dua te them jashtezakonisht e rendesishme) per nje kulture komunitare. miresjellja eshte celesi i tolerances, komunikimit, dialogut konstruktiv, bashkepunimit, solidaritetit, dhe mbi te gjitha nje jete sa me te mire
________
Shume gjate i ke rene ti plako…
Duket me shume si pjese e natyralitetit… kujt i mungon i bie te jete paksa i denatyruar.
Pershendetje te gjitheve…
9 December 2007 @ 8:51 pm
Ky eshte nje problem kompleks, sepse ka te beje me sistemin , sigurine ne jete, punesimin, edukaten nga shkolla dhe prinderit, etj.
9 December 2007 @ 9:44 pm
Miresjellja eshte KOD komunikimi, eshte celesi i komunikimit. Pa komunkim ska asgje. Pra prandaj edhe miresjellja eshte kaq e rendesishme. Dhuna jone buron nga shume arsye, por miresjellja ka rolin e saj te rendesishem
9 December 2007 @ 10:42 pm
Eshte kompleks, kur nuk duam te japim nje pergjigje.
Ne Shqiptaret behemi cope per tu dukur nje fije,per te qene “ndryshe” nga te tjeret,(edhe vet mes Shqiptareve,jo vetem me te huajt).
Kjo sjell humbjen e “arsyes” duke pasur ne qender vetem veten.
Miresjellja nuk eshte prone e te pasurve,por e te diturve.
9 December 2007 @ 10:55 pm
Altin ,
9 December 2007 @ 11:25 pm
korigjim: dhuna buron per shume arsye por mungesa e miresjelljes…
9 December 2007 @ 11:39 pm
Mirsjellja vjen nepermjet hurit ,apo nepermjet mesimit te teorise se shkakut ?
10 December 2007 @ 12:03 am
ne fillim ishte fjala
10 December 2007 @ 12:12 am
Aty mbahu !
10 December 2007 @ 12:19 am
kur fjala nuk u degjua filloi huri
10 December 2007 @ 12:20 am
pastaj fjala u degjua
10 December 2007 @ 9:02 am
Miresjellja eshte pjese e edukates familjare dhe nese kjo nuk eshte transmetuar qe ne vogeli atehere eshte pak si e veshtire te presesh nga njerez te cileve ju ka munguar nje fjale e embel, nje falenderim, dhe nje mirenjohje, keshtu qe kur personat perballen ne ambjente shoqerore s’dine si te komunikojne dhe te sillen si qenie njerezore, pa qene e nevojshme te ngrene zerat ne kupe te qiellit, te shajne, apo te ofendojne.
10 December 2007 @ 10:02 am
Populli shqiptar ,ne diktature sillej mire ! As kush nuk e thyente ligjin ,madje edhe nje dege ulliri nuk e priste dot ,ndryshe do ti shkonin k.oqet ne maje te pemes se ullirit ! Te gjithe ishin te miresjellshem ! Keshtu kane bere edhe Franca edhe Anglia ne fillim ,kush thyente ligjin ,shkonte ne gijotine ,pastaj gjerat u zbuten vete ,por “miresjellja” vazhdon edhe sot e kesaj dite
10 December 2007 @ 10:26 am
qe te jesh i miresjellshem ,ne radhe te pare duhet te jesh njeri.Vetem kafsha mer vesh me kerbac.
10 December 2007 @ 10:57 am
Artan thotë:
10 Dhjetor 2007 @ 10:02 am
Populli shqiptar ,ne diktature sillej mire ! As kush nuk e thyente ligjin ,madje edhe nje dege ulliri nuk e priste dot ,ndryshe do ti shkonin k.oqet ne maje te pemes se ullirit ! Te gjithe ishin te miresjellshem ! Keshtu kane bere edhe Franca edhe Anglia ne fillim ,kush thyente ligjin ,shkonte ne gijotine ,pastaj gjerat u zbuten vete ,por “miresjellja” vazhdon edhe sot e kesaj dite…
Eshte paksa e cuditeshme kjo nostalgjia jote per diktaturen Artan. S’le rast pa e shprehur ne cdo koment, ne menyra te ndryshme.
Pastaj behesh kontradiktor. Francezet dhe Anglezet e vazhdojne miresjelljen per “inerci”, sipas teje, ndersa ne s’kemi “inerci” miresjellje. D.m.th. edukata jone diktatoriale s’kishte “inerci”.
Jam dakord me Blete-n qe familja eshte baza e edukates. Pergjithesisht sjelljet tona ne shoqeri kane qene me hipokrite se ne familje. Kjo ndoshta me teper per shkak te sistemit, qe i denatyroi njerezit.
Rrezimi i diktatures, vecse krijoi terrenin qe njerezit te shfaqeshin ashtu sic ishin ne te vertete.
Prej pervojes time me te huajt, ne pergjithesi te gjithe me kane vene ne dukje dicka: “shqiptaret presin qe miqte e tyre te huaj te bejne dicka per ta, sikur e kane te detyrueshme”.
Patriarkalizmi ekstrem mendoj se eshte nje nga aresyet kryesore te vrazhdesise tone. Koncepti “ligjin e ben me i forti” ka zene rrenje te thella ne ndergjegjen tone.
Veshtiresite ekonomike nuk linden keto 17 vjet. Kane ekzistuar vazhdimisht. Por dikur “mendonte” shteti per gjithshka. Tani gjithkush duhet te mendoje vete, e fatkeqesisht shteti s’luan rolin e tij rregullator.
Fjalet me te veshtira per t’u perdorur nga ne jane : te lutem dhe faleminderit. Sidomos nese keto duhet t’ua themi shokeve, miqve apo pjesetareve te familjes. Po e banalizoj paksa per te dhene nje ide me te qarte. Nuk e knoceptojme dot, fjala bie, t’i themi femijes: Te lutem me jep nje gote uje. E pasi e sjell t’i themi faleminderit.
Madje edhe me shoket ndodh kjo. Pasi te ka kryer nje sherbim nje shok a i johur, i thua faleminderit. Pergjigja: Mua me thua faleminderit ti, po ne jemi shoke.
Ndaj kthehem edhe njehere te pyetja: A ka qene vertet keshtjelle familja shqiptare, apo ka qene prej rere?
10 December 2007 @ 11:03 am
Artani ka te drejt , ather kishte e zbatohej ligji, por kto 17-vjete ne Shqipri u stimulua gjithcka tjeter cka te beje me ligjin ,shtetin, ku ligji i me kafshes , behej i pasur,drejtues institucionesh,pse jo shef pol,deputet,minister, historian,publicist hajvanist etj,etj qe tashme te gjithe i dime mire , pra nji kaos te vertete qe normalishte per nji shoqeri Normale , provokon rreaksion , - por cedo ….kjo shoqeri nuk rreagon , se i mungon lenda e pare me sa duket !
10 December 2007 @ 12:04 pm
Vetem derra paska ky pylli yne?
10 December 2007 @ 3:00 pm
mir mer, ka t’ja fillojm’? ja per shemull, sikur ne or’ t’edukates qytetare (pse si thojn edukat katunare ksaj, e keni menu naj her’?), pra ne ate ore te bohej i tem’ pak a shum kshu: cuna dhe goca, te jesh i mirsjellshem, nuk do te thote qe je as hipokrit, as rrenacak, as me dy faqe, me dy mesalla, as gay, as cun mami, as humbameno, as psiko… do me thon thjesht, vetem dhe mbi te gjitha qe je… i miresjellshem, pra ke i far shonci me tregu edhe me mire qyteterim, kulture, dhe edukate…. se, nxones te dashTun, kto te treja jon te ndryshme, jon si puna e trejoncave revolucJonar’ qe kena pas msu dje, pune - prodhim - kalitje apo korr-shi-grumullo pa firo…. po me i ndryshim te vogel, qe nuk jon mrroklla si ato….
10 December 2007 @ 3:46 pm
Syri i omel thote :
Jo ,!Pasi demokracia eshte kuptuar gabim !,si liri e shfrenuar ,qe cdo kush mund te zer pronen e tjerit ,cdo kush mund te bej nje krim monstruaz ,vrasje dhe vjedhje , ofendime ,dhe mjafton te kesh nje mik “antar partie ose ne pushtet ose para ,dhe mund te dalesh nga burgu ,Mund te vjedhesh energjine elektrike ,bile edhe ti biesh me kallac ,elektricistit qe vjen e te pret dritat kur ti nuk e paguan energjine ,Ka shume forma te tjera te abuzimit me pronen e shtet dhe ate private ,por askush nuk ka frike ! Frika eshte crar ne shqiperi !
Syribukur vazhdon :
Po eshte e vertete ,por vetem ne sensin e zbatimit te ligjit ,me anen e frikes ,SHqiptareve u ishte imponuar ndjenja e frikes me dhune .,ne raste se thyeje ligjin .A e mendon ti se vetem per nje prerje te deges se ullirit te rasnin ne burg ? vetem per nje aksident automobilistik te rrasnin ne burg dhe nuk e shifje me patenten ?vetem per nje vrasje ,do te pushkatoheshe ? ,Pra miresjellja vendoset me dhune ne zbatimin e ligjit !
Vetem ne kete aspekt e kam qef ta permend diktaturen !
Sot jo vetem deget e ulliri por mijra hektare ,pyje jane prere maskruar ne menyre te paligjshme,malli i shtetit ,prone dhe pasuri e te gjtheve shfrytezohet ,si kur te jete prone private ,Lumenje te tjere jane shfrytezuar pa kriter ,dhe kane shkaktuar permbytje te tokave ,vetem e vetem se jane prishur drenazhimet etj tej …
Si thua ti syri i omel ,eshte mire keshtu ,ti biem me topin e allamanit ,vetes tone duke mos patur frike ,nga ligji ?!!
10 December 2007 @ 4:02 pm
O Artan nostalgjiku!
Se ku e pe ti qe une them rrofte anarkia, vetem ti e di!!!
Fjala eshte te MIRESJELLJA. Po flasim pse jemi te VRAZHDE. Pse nuk i drejtohemi njeri-tjetrit me EDUKATE. Per kete po flasim. Dhe te gjitha ato qe ti konstaton jane pjelle e asaj DIKTATURE! Denatyrimi i njeriut erdhi prej “Atij Zbatimit te Ligjit” qe zotrote ke nostalgji. Se ku e shihje zbatimin e ligjit atehere, Ti qofsh!
Por nese do mendimin tim, ME MIRE KESHTU SIC ESHTE TANI SESA NEN THUNDREN E HEKURT TE atij QE ndricoi BOTEN MBARE!
Hajde shendet!
10 December 2007 @ 4:12 pm
…kjo qe thuhet mund te jete rast i rralle, te pakten ketej nga nohija qe jetoj une….por ashtu si mund te kete edhe doktore qe tallin by…en me emigrantet e bejne eksperimente….
…prandaj ti grenxe mos i pergjithso gjerat me ndonje rast te rralle…plus qe shqiptaret ne pergjithesi nuk i harrojne te mirat qe i behen….mund te jemi pak te vrazhde dhe jashte shqiperise mund te na dallosh, por me te huajt gjithmone kemi qene te respektueshem endoshta edhe me shume se cduhet…..
..por disave i duket vetja me edukate e miresjelleje vetem se kane mesuar gjuhen e huaj mire dhe shoqerohen me te huaj, dhe keshtu i duket vetja se nuk bejne pjese ne ata shqiptare te thjeshte duke mos e kuptuar edhe nevojen e tyre….
10 December 2007 @ 4:30 pm
Nuk jom nostalgjik ,jo !
Por pse gjithshka dhe as gje nuk eshte e sigurte ne shqiperi ,qofte i pasur qofte i varfer ?
Vetem sepse na mungon Edukata ! Si vjen kjo Edukata ? Na mungojne SHkollat ,universitet ? Na mungon inteligjenca ? (”Intelektualet “)?
Pse ndodh kjo pasiguri e madhe ?
Qofsha une i gabuar . Duhet te jesh doc i docereve te mbijetosh ne shqiperi !
10 December 2007 @ 5:03 pm
Shqiptaret JANE te sjellshem!!
Megjithese ne nuk i themi pernjehere “faleminderit”, “gezohem qe u njohem, mua me quajne…”, kjo nuk eshte e rendesishme! Cdo i huaj qe ka qene ne shtepi te shqiptareve mund t’jua thote kete!
A keni pare ndonjehere ndonje te huaj qe te abuzohet ne Shqiperi ne ndonje bar, ose ne rruge?
Ne jemi thjeshte nje popull i permbajtur dhe me pak delikatese ne te folur. Por harbutlleku eshte i huaj per ne! Si ne shtepi edhe ne rruge.
Seriozisht, kur ka qene hera e fundit qe ju keni pare dy shqiptare qe shahen apo rrihen ne rruge? Kur ka qene hera e fundit qe ju keni pare shqiptare te dehur qe “pick a fight” me nje jabanxhi?
Epo, nese kjo nuk tregon “miresjellje”, une nuk e di se cfare do te thote kjo fjale!!
10 December 2007 @ 5:11 pm
blete,
Cila eshte pyetja e pare ( pasi shpjegon shpejt e shpejt problemin qe ka te recepsionistja) qe i behet pacientit ne Amerike?
Mu me rezulto se eshte: ‘A keni karte mjeksore dhe nese po clloj karte keni ?..’
Me korigjo ne mos gaboj por egziston nje numer infinit menyrash se si do te trajtohet pacienti; fati i tij do te varet nga lloji i kartes.
Hence pyetja: ”Perse ju doktoret nuk jeni me te njerzishem?”
A qendron kjo pyetje? qendron aq sa edhe ajo e doktorit.
Ps: As qe diskutohet qe duhet te punojme shume po shume fare ne drejtimin e, respektimit te te tjerve dhe vetvetes, mirsjelljes.
10 December 2007 @ 5:17 pm
Miresjellja e mirefillte, qe mos behemi hipokrite, pergjithesisht na mungon (na pelqen ky fakt apo jo). Cfare dua te them me kete, eshte qe ne pergjithesi sillemi mire se mos na degjojne te tjeret se po bertasim, apo themi “faleminderit” e “te lutem” se keshtu duhet, jo sepse e kemi te “kultivuar” qysh ne femini.
Te vjen zor ndonjehere te degjosh njerez qe shajne me dhembe e dhemballe, ¿¿aq kemi arritur sa te mos merremi vesh me te mire, por dhe per gjene me te vogel duhet te kalojme ne sharje apo fyerje??!!
Dhe sjellja me te huajt me duket ndonjehere si e shtirur, si per t’i thene atij tjetrit; “Hej, une nuk jam si keta te tjeret!” dhe perbrenda cfare nuk thone.
Une jam e sigurt qe te gjitheve ju ketu nuk do t’u pelqeje kjo qe thashe, por personalisht e shoh ne nje spekter tjeter dhe nga kendveshtrim tjeter.
Tung!
10 December 2007 @ 5:20 pm
” apo themi “faleminderit” e “te lutem” se keshtu duhet, jo sepse e kemi te “kultivuar” qysh ne femini.”
INA qe i flet Psiqollog Peshkut..
10 December 2007 @ 5:21 pm
or cuna, por kur une qesh ne Shqiperi heren e fundit, isha ne nje si pune rradhe, dhe thashe s’di pse falemnderit; u kthyn ca koka sikur pane ndonje alien, mer! Ose sikur i shave nga nona! Lejeni tani ate pune; se cfare jemi e si komunikojme, e dime shume mire ne.
uou uou uou, e ku vete ashtu o te QQQQ motren….
10 December 2007 @ 5:26 pm
”uou uou uou, e ku vete ashtu o te QQQQ motren…. ”
emigranto, c’deshe ne Vlore ti mer?
10 December 2007 @ 5:28 pm
Mu kujtua nje shoqja ime qe ju drejtohet me “Zonje” apo “Zoteri” tipave qe ju kerkon ti sherbejne me ndonje gje, qofte edhe rojes tek dera apo pastruses.
Dhe perhere mbaj mend qe ata shqyejne syte sikur ajo po flet arabisht
10 December 2007 @ 5:31 pm
Cim,
mire e ke ti e shof une. Ke fol gabim ne ven te gabum !
Po tani me thuj muve tina, ku ti cojme ca fjale te fjalorit ne qe banojme ne memedhe kur ta sjell na njin ne maje te hundes, por kur them ne maje te hundes ??
Ja cer do beje ti sikur te rrije ke ajo radha qe te zu belaja nja kater ore, dhe kur te mbi=rije i pari ke rradhe , andej matane sportelit te te thote :
Vajti ora ! Hajde neser ! Zyra haper ne oren 10 te sabahut !
Faleminderit do i thoje MO ? Bashke me ndonje diten e mire MO
Se nuk i bi ne mire pa jo per gje.
:)
10 December 2007 @ 5:34 pm
mbrije i pari ke rradha
10 December 2007 @ 5:40 pm
Cheney,
Se te dergova ca nga ato gocat qe kam njohur dikur ne konvikt. kur fillonin shanin ato dhe cunat skuqeshin le une, qe mbuloja koken me batanije.
10 December 2007 @ 5:43 pm
Pak “outdated” ky shembulli qe do them, por mu duk i gjetur:
Jane Austen ka thene qe arsyeja kryesore pse “mileti” flet me fjale te zgjedhura eshte prania e nje (ose disa) personave nga nje “klase me e larte” dhe deshira per t’i bere pershtypje ketyre te fundit. Etiketa, si qellim ne vetvete ishte nje fenomen i huaj per njerezit qe nuk i duhej.
Ne vendin tene, ku njerezia nuk aspiron per te ngjitur shkalle sociale (meqenese ne jemi te gjithe bejlere dhe asnjeri nuk eshte vegjeli), etiketa eshte thjeshte e panevojshme. Sigurisht, etiketa do te vije me kohe, per arsye te tjera (burokratishtja, tv-ja, cuni qe do me zone goce), por ne mungese te klasave per tu imituar, kjo pune do haje kohe.
Si perfundim, ju lutem vini re qe ka nje dallim midis etiketes dhe miresjelljes!
E para eshte tregues i se dytes, por kjo nuk do te thote qe ti nuk mund te keshe MIRESJELLJE pa pasur ETIKETE!! …tha!
Pu-pu-pu! Si qekam sot! Filozofi-hone e gjalle! Gjynof qe s’kom laps e leter me shkrujt!
10 December 2007 @ 5:43 pm
INA,
Koken e mbuloje nga qefi ti e jo nga halli..
Po u ule te kolltuku lekurte i Psiqollog Peshkut, zbraze thasin, mos mbaj gje brenda
10 December 2007 @ 5:55 pm
hej emigranto se mu kujtu mu..
Ka pas qen i here i biri katallanit me i disko me te bijen e Flash Royalit..
Shoqeri e perbashket me duket, nji konsumuese sheqeri llokumesh..
Se di se c’ka pas qen shkendija, me duket se DJ lute me shume kenget e njones pale sesa te tjetres, po kane fillu tu u pershendet me nga ato fjalet lavderuese qe edhe Kothja si gjet dot ne fjalor, as ne tirane e as ne Vlore..
10 December 2007 @ 5:56 pm
INA, dakort me ty e disa te tjere. Sa per miresjellje te mirefillte, pjesa me e madhe e shqiptareve jane zero, megjithese ndonjehere kur ua do puna i shtojne zeros ndonje xhufke. Shume shqiptare e barazojne faktin e te qenurit i miresjellshem me te qenurit i mefshte, i atille qe “ia merr pula buken nga dora”, dhe sigurisht ne te njejten menyre barazohet te qenurit i shkathet me te qenurit harbut. Ne Shqiperi, ne shume raste nxjerr me teper ne drite me harbutllek sesa me miresjellje, e njerezia mesohen ta konsiderojne kete si gje normale. Behen njerezit si ata kalamajte qe e kuptojne se te cirrurrat e perplasjet e kembeve u japin ate qe duan, e kujtojne se e njejta sjellje do u jape rezultat nga te gjitha anet. Te vjen hidhur kur e mendon, po ky eshte realiteti.
10 December 2007 @ 6:02 pm
Moza ke bo mire qe je mbajtur tek populli .Ja nje shprehje e urte e nje populli (eshte njecik Francez thone):
“Mirsjellja (Respekti) eshte nje vend BOSH ku duhet te ishte (mungon) DASHURIA per njeri tjetrin”.
Je i detyrum ta kesh……ose i ke zene venin Zotit dhe Namik Hotit.
10 December 2007 @ 6:32 pm
Kur humbet vlersimi per njeriun mos kerko miresjellje !
Respekto qe te respektojne !
C`fare do te hedhesh ,do te presesh !
10 December 2007 @ 6:50 pm
Blete, po une nuk e kuptova mire e kishe pse nuk ishim te mirsjellshem me mjekun apo ashtu ne pergjithesi, …mo?
-
Tani ai robi qe pershkruan ti ka pasur hall, dhe si shume te tjere (shqiptare) do me ja “fut” shtetit/privatit.. se keshtu eshte mesuar … te vjedhe ne arrat e kooperatives, te pervetesoje ndonje gje tek nderrmarrja, etj, etj. Kete lloj mentaliteti nuk e kemi vetem ne por gjithe lindja qe ka kaluar ne probleme te ngjashme me ne.
Shume mund te kembengulin qe ne mblidhemi me dajak se keshtu jemi mesuar! Une nuk e di sa e vertete eshte kjo por besoj se nuk eshte e vetmja dhe me e mira rruge.
-
Problemi i shendetesise pastaj (nese do ta trajtosh edhe si te tille shkakun e sjelljes se atij mikut), eshte me kompleks e i koklavitur. Me tregonte nje miku im mjek se nje tip (ndoshta vellezer te atij qe ke takuar ti) qe kishte thyer kemben, nuk shkulej nga spitali pa “ecur me kemebet e tij si me pare”. Dhe qe te mos keqkuptohemi ky miku i malesise nuk eshte se e njihte konceptin e “health insurance” dhe as qe donte ta njihte per sa kohe qe mund te sillej ne ate menyre… por ky eshte muhabet teper i gjate, keshtu qe ajo qe doja te thoja une eshteqe nuk ka pse dalim ne pyetje te tilla kaq te pergjithshme si : Pse shqiptaret nuk jane te miresjellshem??
10 December 2007 @ 7:00 pm
”Kete lloj mentaliteti nuk e kemi vetem ne por gjithe lindja qe ka kaluar ne probleme te ngjashme me ne.”
Pse jfkt? Ky ‘mentalitet’ eshte pjes e natyres njerzore!! E ke ene te ato librat e shenjte.
Qyli jashte kornizes ligjore, aka vjedhja, eshte e institucionalizuar ne USA & SHBA. Mund tju jap me dhjetra raste, kur njerez te edukuar, te ngritur ne nivele senatoresh, kongresmenesh, eurodeputetesh, kryetar bashkish kane lozur me fleksibilitetin e ligjit gjer ne ate pike sa vetem leku i ka shpetuar.
Nganjehere ‘morali’ eshte themeli i ligjit, por here te tjera eshte pesha qe e thyen ate. Mos i ngaterroni gjerat. Nuk jemi perbindsha, jemi te vuajtur e te lodhur.
10 December 2007 @ 7:15 pm
Cheney,
eshte ca “far fetched” te krahasosh popullin me ate perqindje shume te vogel qe ka pushtetin e larte ne duar e arrin ta vertite ligjin sipas qejfit. Ketu nuk flasim per korrupsion te shtresave te larta, po per miresjelljen dhe edukaten elementare te njeriut, ate qe te ben te thuash “te lutem, faleminderit, me fal” etj etj atehere kur eshte e duhur, ate qe te ben te kuptosh se asgje s’ta ka njeri per detyre, se liria jote perfundon atje ku fillon ajo e tjetrit, se duhet respektuar tjetri ashtu sic do doje te te respektonin.
Ne me rrezimin e komunizmit morem serish shume te drejta, mungesa e zgjatur e te cilave e cungoi shpirtin e njeriut. Por edhe kur keto te drejta u moren perseri, u kuptuan se prapthi, u interpretua liria e fjales si liri qe te thuash fjalen e fundit (apo qofte edhe ate qe s’thuhet) ne fillim, liria e veprimit si liri e pakufizuar, qe s’pyet per tjetrin apo per ligjin. Dhe ky mentalitet vazhdon ne te njejten menyre edhe pas 17 vjetesh.
10 December 2007 @ 7:25 pm
Ftjkt,
Me vjen keq qe mendon se ka si ne apo me keq nga ne. Dakort, ka, por perse te mos themi qe ka shume me te mire nga ne? Jo per gje po kur ndeshemi me nje te huaj e kemi ne maje te gjuhes te themi: “E ku marrin vesh keta, ne jemi te zgjuar!”. Kam hasur shume raste te tilla, dhe habitem me ca njerez qe s’e kuptojne ironine e atyre qe shprehin!!!
Tek problemi ne fjale. Problemi qendron se mjeku nuk mund te japi ilace pa e kontrolluar me pare apo pa ditur se cfare ilacesh te tjera merr pacienti, mjeku ne kete rast pervec pacientit mbron dhe vetveten.
Perse duhet perdorur gjithmone si arme, fakti qe ne kemi ardhur nga nje sistem diktatorial per te justifikuar jo-miresjelljen qe na karakterizon sot?
10 December 2007 @ 7:28 pm
…ore kneja ku jom u, po pagove $ per cdo sherbim sigurisht nuk pertojne te thone flmndrit….heh, por mos pagu po ta majti, doc te vret dhe sigurisht qe paret ti merr anyway….emigrantet mren e kane per cdo sherbim, sepse nuk i lexojne dot dot ato “sherbimet” me shkronja te vogla….
edukata ketu egziston per te te marr no i lek, se perndryshe hipokrizia eshte ne kulmin e vet…po ti shikosh me kujdes ne fytyre kur thone - thank you, te duket sikur they mean - fuck you…..
10 December 2007 @ 7:34 pm
WASU,
Te lutem, lexoje ate qe shkruajta si pergjigje kundrejt asaj qe tha FTJK.
Gjithashtu, nuk mund te pergjithsohet ne kete menyre more shokeni sepse ne paralel dua tju kutjoj se asnje nga ju ska aq kellqe qe ta beje ne kembe nga saberbia ne qender te qytetit, sepse jo vetem qe ju fyejne por edhe ju vjedhin e ju rrjepin.. etj etj Megjith kete fakt te pamohueshem, A na lejohet te themi se Amerika vlen e gjitha 50 Cent? Sigurisht qe jo. Prandaj jini pak me te relaksum ne fushen e kritikes dhe disi me te sinkronizum ne fushen e autokritikes. Po te perpiqeshim te gjith ne kete drejtim, fjalori yne sdo te kish ne voje per fjalen miresjellje.
10 December 2007 @ 7:39 pm
Te jap te drejt por edhe me vjen per te qeshur ,se jemi me te vertete te tille por edhe te ndergjeshem qe arrijme te percaktojme edhe veten ,edi qe ndonjehere kur shikoj ,shqiptaret ne Tv ,ne programe te ndryshme ,diskutime ,humore ,ngjajme shume me njeri tjetrin nga menyra e gjesteve ,mentaliteti ,temperamenti ,padurueshmeria ,per te kthyer pergjigje shpejt e shpejt ,gjaknxetesia ,tek te gjitha gjejme pak veten tone ,edhe tek politikanet e gjejme pak veten tone ,Ne fund te fundit keshtu e kemi kulturen ,gjakun dhe fatin tone ,jemi lindur te ecim ashtu raka pjekthi ,por gjalle ama,akoma gjalle ,Shqiptar qe i q ..motren kujdo qe na merr neper kemb ,packa se shahemi e zihemi me njeri tjetrin, e di qe jemi mesu keshtu dhe eshte nje terapi ,e mire kjo ! cdo gjo do te bohet me mire ,e keqja eshte se ne i duam gjerat shpejt !Po po te hedhesh nje veshtrim mbrapa 100 vjeteve ,qe nuk jane shume ,krahasuar me kombe te jera, nuk jemi keq ,pikerisht nga ky temperament ,Jemi te mrekullueshem ,te miresjellshem sa ska me ,te durueshem sa ska me !
Vetem nje gje te “keqe” e kemi i japim mend shume njeri tjetrit ,nuk edi pse ! Ju uroj shendet dhe gjithe te mirat te gjithe peshkut pa dallim ideje ,krahine ,dhe arsimi !
10 December 2007 @ 11:04 pm
Chenney mos u trego “i pasjellshem”
. Ate e thashe ne kontekst (te vjedhe ne arrat e kooperatives, te pervetesoje ndonje gje tek nderrmarrja, etj). Ketu nuk e kisha per perlyerjen e moralit ne pergjithesi por per mos-respektimin e prones kolektive (per shkak edhe te mbijeteses kolektive) dhe per mosnjohjen e koncepteve e sigurimit privat te riskut (ne kete rast shendetesor). Nese ti je njohes i mire i librave te shenjte dhe mund ta pergjithesosh pastaj…
-
INA, Une nuk thashe vetem qe ka si ne… dhe as desha ta mbroja ate person per ate veprim… thashe thjesht nje fakt dhe aq (qe per vete mendoj se eshte i vertete). Personalisht mendoj se s’eshte e vertete qe jemi te pasjellshem … po fare ama… po ashtu sic mendoj se faktore te tille si e kaluara izoluese, prapambetja e disa zonave te Shqiperise, rrunpallhana e memedheut, dhe keqkuptimim i shume prej rregullave te “ekonomise se tregut” kane peshen e tyre ne sjelljen tone… por kjo nuk mjafton per te na ngjitur etiketen “I PASJELLSHEM”.
10 December 2007 @ 11:27 pm
FTJKT,
nuk na degjon njeri.
Nuk them qe jemi te gjithe te pasjellshem, por ato kokrra qe kemi bertasin aq shume, sa ne te sjellshmit
Dhe pikerisht sepse ishim nje vend qe doli nga nje izolim 45-vjecar, dhe pikerisht sepse kishim nevoje per “parate” e botes, dhe pikerisht sepse kerkonim nje jete me te mire, duhet ta kishim prezantuar veten me me dinjitet.
Ne nje klase kisha nje exchange student nga Gjermania, sillej mire, kur beme nje projekt ne grup na erdhi rasti te flisnim; ta shihje ti si u sikletos (duhet te kisha prove, se ishte shume i cuditshem ndryshimi i mimikes se tij) ai sa i thashe une qe isha shqiptare, dhe me vone me shpjegoi se si ne Gjermani ishte krijuar tashme stereotipi per shqiptaret si njerez qe merren vetem me gjera te pista (kuptohet jo te gjithe). Problemi nuk qendron ne faktin se ata vete nuk kane kokrra te ketij lloji, por ne jemi te vajtur dhe po u prishim shtepine, aq me teper qe shume jane pa dokumenta dhe ndjekja e tyre ligjore behet me e veshtire. Ai gjithashtu shprehej se shqiptaret kane nje tendence te mendojne se meritojne dhe ato qe s’u takojne dhe sillen ashper. As diskutohet qe nga ana ime ai nuk mori O.K per te gjitha ato qe thoshte, pot gjithsesi mua s’me erdhi mire kur degjova ato mendime.
11 December 2007 @ 12:34 am
blete, se nuk te pyeta e nuk me the: e kuja je ti a te keqen….
11 December 2007 @ 12:47 am
emigrant, e nenes dhe babes biro:)
11 December 2007 @ 1:20 am
nuk e them, se jom ananime…
seriozisht, desha te sqaroj nja dy gjera per pjesen e mesiperme:
1. shqiptaret per te cilet flas me lart, jane paciente te rregullt, dhe me sigurime shendetesore te mbuluara. edhe kur nuk mbulohen sherbime te caktuara, paralajmerohen te pakten 90% te rasteve nga personeli yne.
2. mjeku te cilin permend me lart, ka nje pervoje te pakten 10 vjecare me shqiptaret e kosoves, malit te zi dhe shqiperise, brenda dhe jashte trojeve shqiptare. fakti qe e permendi kete gje, me tregoi sa i lenduar ishte, dhe i shqetesuar qe nuk po e gjente ende gjuhen e duhur.
3. nuk dua te bej pergjithesime te kota, por meqe ky shqetesim me ka ardhur nga disa njerez te ndryshem ne fushen e shendetesise, mendoj qe eshte me i zakonshem sesa mendojme ne.
4. kam besim te plote ne kritike dhe autokritike, nga kushdo qe te vije.
11 December 2007 @ 2:00 am
Blete nuk me duket se historia qe ke treguar ka te beje aq me te qenit shqiptar te pacientit, se sa me veshtiresite e emigranteve (sidomos atyre ne moshe madhore) per t’u mesuar me struktura te reja, qe nga rregullat e trafikut qe ne Shqiperi nuk para kane ekzistuar per mungese automjetesh, e deri te rregullat e lojes shendetesore qe ne Shqiperi ka qene pa pagese, relativisht e thjeshte dhe mjaft informale. Megjithese ti mund te jesh pershtatur me lehte me sistemet e reja ne Amerike per arsye te moshes dhe kohes se shkurter te kaluar ne Shqiperi (madje nuk e di nese ke qene aty deri ne moshe madhore), mund ta kuptosh qe per shume te tjere, ne varesi te ekspozimit qe (nuk) kane pasur neper shkolla, institucione dhe ambjente metropolitane, pershtatja mbetet e veshtire. Shtoji problemeve edhe ndjesine e te qenit si peshku pa uje dhe niveli i stresit ngrihet aq sa te shkaktoje ngritjen e zerit.
Sa per shqiptaret ne Shqiperi, jam dakort me shume te tjere me siper qe shkaterrimi i nje sistemi kontrolli total sjell amulli te natyrshme ne shoqeri, refklektuar kjo ne pikepyetje dhe rebelim ndaj kodit moral, gjuhesor e me rradhe. Nje tranzicion i veshtire ku shkathtesia eshte tipari kryesor i nevojshem per mbijetese le vend per nje fleksibilitet te tepruar midis miresjelljes dhe harbuterise. Gjerat nuk kane qene gjithmone keshtu, e as do te mbeten keshtu per nje kohe shume te gjate.
Pozitivizmi im i koheve te fundit (avitja evolucioniste qe me vinte re Ujku i Zi) mund te jete pak i ekzagjeruar.
11 December 2007 @ 2:01 am
Hmm ajo fjalia e pare duket sikur ka nje kontradikte te brendshme - dua te them qe edhe nje jo-shqiptar ne kushte te tilla emigrimi drejt nje shoqerie mjaft te ndryshme do te kishte veshtiresi amjentimi te ngjashme me ato te xhajes se tregimit.
11 December 2007 @ 3:12 am
tropizma, vertet qe kane goxha ndikim dhe faktoret qe nxjerr ti. po une nuk flas per ambjentim, por per keq-sjellje pothuajse te qellimshme, e cila nxjerr koken edhe tek njerezit e shkolluar.
jam dakort qe e panjohura nxit pothuajse gjithmone reagime te forta. por kur nuk eshte me e panjohur, perse vazhdon te sjelle vrazhdesi?
11 December 2007 @ 3:39 am
Blete, une jam dakort per arsyet me shume prej diskutanteve. Por duke i lexuar me duhet te ve re se dy ne kemi besimin - te paargumentuar dhe te tepruar do thosha une - se edukata eshte dicka qe vjen natyrshem, jo mbjellje artificiale. Une besoj ne te kunderten, sidomos ne nje ambient urban ku gjithcka eshte artificiale dhe te krijon ate pasigurine qe thote Tropizma, edukata duhet te jete e kultivuar. Per fat te keq ne shoqerine tone ne nuk bejme aq sa duhet per ta kultivuar ate. Nuk e di nese shpjegohem mire, por po e them keshtu: keto njerez duke besuar se “edukata” e tyre eshte e natyrshme ne momentin qe humbasin ekuilibrin natyror (shqetesohen, nervozohen etj.) humbasin edhe edukaten qe eshte nje mjet aq i domosdoshem ne shoqerite komplekse (moderne/postmoderne) pavaresisht se ndonjehere edhe artificial.
11 December 2007 @ 3:42 am
Me falni per lapsusin: ne fillim duhet “me duhet te ve re se ne kemi besimin - ” ne vend te “me duhet te ve re se dy ne kemi besimin - “
11 December 2007 @ 4:03 am
Biles do shtoja qe eshte edukata ajo qe na ndihmon te lundorojme e te negociojme ne keto situata te veshtira e te pasigurta. Ah sikur te ishte semundje ngjitese edukata.
11 December 2007 @ 4:11 am
P.A. thuaj shyqyr qe nuk eshte se do na gjente si indianet e amerikes qe bashke me qyteterimin moren lloj-lloj semundjesh. Rezultati dihet. Me mire ta marrim me tableta apo duke u vaksinuar, ashtu nen kontroll.
11 December 2007 @ 2:17 pm
Edukimi eshte rruga qe kemi zgjedhur ndermjet kaosit dhe rregullit. Per te perdorur nje fjale nderkombetare: miresjellje sinonim i edukim.
Ne kete rask, etimologjia e fjaleve eshte ndihmuese. Edukim vjen nga latinishtja “educere” (fjala e plote e-dux-ia) qe ka kete kuptim: udhehiq(nxir) ate qe ke brenda. (per nostalgjiket e luftes se dyte dux “duce”).
Cdo njeri nxjer ne menyre te “pavetedishme” ate qe ka brenda, sepse edukimi nuk eshte nje mesim,dhe nuk fitohet nepermjet artit te disiplines.
Prandaj, ne menyre te pergjitshme: nuk jemi shume te edukuar sepse jemi pak te eger dhe ne krahasim me popuj te tjere jemi me pak te zhvilluar.
pershendetje, Akiro.
12 December 2007 @ 3:48 am
Lexo e lexo keto komentet ketu m’u kujtua ajo qe tha Shylock, me ca ndryshime te vogla:
Na duhet pak me teper butesi, na duhet te lemohemi pakez.
Cheers!!!
12 December 2007 @ 1:36 pm
Ne boten Perendimore miresjellja eshte e imponuar prej mekanizmave te ekonomis se tregut …n.q.s nuk i trajton klientet me edukate nuk te afrohen . Jo shume larg por para 50 vjetesh ne Gjermani e vendet Anglosaksone miresjellja u kthye ne kafsheri me torturat dhe genocidin ndaj cifuteve apo ne lufterat qe ndodhen ne vitet 90-te ne Jugosllavi. Ne Shqiptaret jemi shume okej perpara ketyre masakrave .
20 December 2007 @ 3:40 pm
Mirsjellja=Kulture,Edukat=Zgjuarsi,Inteligjenc, Civilizim. Megjithese ne kete artikull, do citoja pak edhe “Kulturen e mjekut” i cili edhe pse kishte te ndrejt, ndoshta duhet te arsyetonte perpara se ti perfshinte te gjithe me nje “perse ju shqiptaret”. Dakord qe civilizimi edhe kultura nuk perfshin pjesem me te madhe te popullsis, por mjeku duhet ta kuptoj qe ne kemi qene te mbyllur ne kafaz per 50 vjet, edhe jemi ne evulim e siper, jo te gjith “speciet” evulojn me te njejtin vrull, kshu qe pak mirkuptim ne kete aspekt s’do ishte keq. Me vjen keq qe po bej kshu krahasimesh, po s’do ishte mir mos te ishim te sinqert, edhe te genjenim veten akoma edhe per shume vite me rradh.