Orët e tmerrit të Gërdecit
Silvana ka mbledhur dy kalamajtë në gji, të tre janë këmbëzbathur, ashtu siç kanë dalë nga shtëpia, e cila i është djegur nga shpërthimi i depove dje në orën 12:00 në Gërdec. Foshnjat qajnë, ndërsa gruaja rreth të 30-ve nuk di të thotë se si ka mundur të shpëtojë pa marrë plagë, ndërsa vraponte për t’u strehuar pas kodrave përballë vendit ku vazhdojnë të dalin flakët e një shpërthimi tragjik.
Zyrtarët thonë se më shumë se 240 persona kanë mbetur të plagosur nga katastrofa në Gërdec, ku më shumë se 121 banorë të zonës punonin në çmontim predhash në firmën shqiptare “Albdel”, e cila thuhet se është përfaqësuese e kompanisë amerikane “Souther Ammunition”, që duhej të bënte çmontimin e predhave. Ndërsa flitet për 5 të vdekur (banorë të zonës) dhe një numër ende të pakonfirmuar të humburish. Në operacionin gjigant të shpëtimit janë evakuuar 4 mijë persona deri në mbrëmje, ndërsa vazhdonte evakuimi. Dyshohet se ka qenë një shkëndijë ajo që i ka vënë zjarrin barutit brenda fabrikës dhe më pas gjithë depos, e cila vazhdon të digjet edhe pas më shumë se 12 orësh dhe nuk mund të thuhet se kur do të shuhet. Megjithëse specialistët thonë se nuk është përjashtuar mundësia e një gabimi njerëzor, apo e një aksidenti tjetër.
Askush nuk di të flasë për arsyet e shpërthimit që ka shkatërruar thuajse gjithçka në rrethinat e tij deri në Vorë, por dyshohet se bëhet fjalë për një pakujdesi në depot ku ishte grumbulluar municioni, i cili duhej të shkatërrohej si pjesë e punës për shpërbërjen e municioneve të tepërta dhe të vjetra.
Silvana ka qenë në arë kur gjithçka ka filluar. Ajo fillimisht ka dëgjuar zhurmën dhe pastaj ka parë bashkëfshatarët që vraponin. Instinkti e ka çuar në shtëpi, ku ka rrëmbyer në krahë vajzën dhe djalin pak më të madh dhe ka vrapuar në të njëjtin drejtim me të tjerët. “Unë nuk di gjë ku është im shoq”, - thoshte ajo, ndërsa qëndronte e ulur në bordurat buzë autostradës Tiranë-Durrës.
Mijëra persona kanë mbetur të pastrehë dje nga katastrofa në depot e municioneve, ndërsa qindra të tjerë deri në orët e vona të mbrëmjes e kishin të pamundur të mësonin, ku i kishin të afërmit. Tile Aliu, 60 vjeç, ndodhet ashtu si shumë banorë të Gërdecit në rrugë të madhe. “Unë nuk e di ku e kam djalin, nusen… Kisha një fëmijë të vogël me vete ma morën nga duart, nuk e di ku e kanë çuar”, - thotë Aliu. Ajo tregon se në momentin e shpërthimit ka qenë fare pranë vendit të ngjarjes. “Shtëpia jonë është ngjitur me vendin ku vinin çdo natë 10 makina me predha. Çfarë të thotë nona. Na vranë oj none”, - thotë gruaja. Në krah të saj ndodhet Vathe Aliu. E moshuara tregon se një nga predhat apo copa të tyre kishin rënë në një lokal ku ishte duke u organizuar një dasmë. 
Ajo nuk di të thotë nëse ka pasur të vdekur. “Kemi parë njerëz të gjakosur, por nuk dimë gjë…”, - rrëfen gruaja, ndërsa përsërit: “Na vranë oj none… na i sollën armët te dera e shtëpisë dhe tani nuk kemi më asgjë… Politikanët e kanë fajin, qeveritarët të gjithë, këta na kanë vrarë”.
Prej urës në fshatin Gërdec, ku ka zbarkuar Shtabi i Përgjithshëm i Ushtrisë dhe dhjetëra zyrtarë, pothuajse në çdo minutë të ditës niseshin ambulanca që përpiqen të çajnë deri në vendin ku ndodhen njerëz të izoluar nga shpërthimi. Helikopterët fluturuan thuajse gjatë gjithë ditës mbi fushën që ndan Tiranën me Durrësin, për të tërhequr nga vendstrehime në bunkerë a pyje ku ishin arratisur qindra banorë të zonës.
Mbi urën në fshatin Gërdec ndodhet Minja. Një e moshuar, 74-vjeçare që thotë se në nuk di ku i ka të afërmit. E ulur në cepin e rrugës, 74-vjeçarja tregon se ka djalin, nusen dhe nipin të cilët punonin në depo. “Kanë dy javë që punojnë në depo… Unë nuk kam asnjë njeri tani… Nuk di ku të shkoj…”, - thotë gruaja që tregon se ata paguheshin me nga 10 mijë lekë në ditë.
Deri në orën 20:00 dhjetëra njerëz vazhdonin të transportoheshin nga zona e shpërthimit dhe e rrezikut drejt kryeqytetit apo Durrësit. Helikopterët vazhduan fluturimet deri sa ishte e pamundur të shihej nga lartësitë për shkak të errësirës. Burimet nga shtabi i emergjencës bënë të ditur se aty rreth orës 18:00 ishte kryer transportimi i personave, që për më shumë se 6 orë kishin ndenjur të strehuar në bunkerët në kodrat rreth depove. Ky ishte kontingjenti i fundit i viktimave të shpërthimit, pjesa më e madhe gra e fëmijë. Të sapozbritur nga helikopteri ata thanë për “standard” se në kodrat dhe bunkerë të tjerë të zonës ishin strehuar edhe dhjetëra banorë të tjerë, por asnjë prej tyre nuk mund të konfirmonte numrin e njerëzve që mbeteshin të strehuar në pyje.
Gjatë gjithë ditës në një qendër që ishte improvizuar si shtab i përgjithshëm, kanë qenë të pranishëm disa nga ministrat e qeverisë shqiptare. Ndërkohë qindra ushtarë përfshi, forcat speciale të RENEA-s dhe ato të ushtrisë apo doktorë e shoferë ambulancash, kanë vënë gjatë gjithë kohës në rrezik jetën për të shpëtuar banorët e zonës. Dhjetëra mjete ishin vënë në shërbim të aksionit të shpëtimit dhe kanë qenë pikërisht këta që janë futur në zonën ku vazhdonin të fluturonin herë pas here predha dhe kanë bërë të mundur evakuimin e 4 mijë personave të rrezikuar dhe transportimin edhe të rasteve të veçanta. Gra shtatzënë dhe të plagosur të mbetur në rrënoja të shtëpive të shkatërruara apo gjysmë të rrënuara, të cilët janë transportuar nga njerëzit e ushtrisë që herë pas herë organizonin ekspedita me blinda, për të nxjerrë prej aty të plagosur…
Ne e lamë Gërdecin, ndërsa aty kishte rënë errësira, të ndjekur në mënyrë të vazhdueshme nga thirrjet në telefona që kërkonin njerëz të humbur dhe në mjaft raste linjat nuk kapeshin. Dhjetëra persona të sapozbritur nga helikopterët i dëgjoje tek flisnin duke përcjellë ankthin, frikën, tmerrin e kaluar. Pak minuta para se të niseshim prej vendit të tragjedisë, fiksuam fjalët e një vajze të vogël që thërriste në telefon: “Dajo hajde të na marrësh, jemi në mes të rrugës”. Vajza dhe një grup grash dhe fëmijësh të gjithë të zbathur i lamë të prisnin dajën, që ndodhej në kryeqytet, e që deri atëherë kishte jetuar me frikën se kishte humbur njerëzit më të dashur.
Municioni
Municioni që ndodhej në depon e çmontimit të municioneve luftarake në Gërdec të Vorës, ndodhej aty prej gati 40 vjetësh dhe përbëhej kryesisht nga municione artilerie, bënë të ditur specialistë që merret me çmontimin e tyre. Sipas tyre, fishekë nuk ka pasur dhe municioni i mbledhur aty vinte nga të gjitha depot e vendit. Lidhur me sasinë e municioneve që ndodheshin aty, burimet thanë se ai arrinte deri në 3 mijë ton predha të kalibrit 100-152 mm. Në këtë qendër punohej prej një viti dhe janë demontuar 6500 ton fishekë.
Vladimir Karaj
Gazeta Standard
16 Mars 2008 @ 1:28 am
Po shoh ate foton e pare ketu dhe nuk kam asnje fjale, njera dore tek buza dhe tjetra mbeshtetur ne toke.
ndihem e fyer deri ne thelb sepse mbetemi si gjithnje viktima te marrezise sone. jemi si nje familje qe babain e ka sarhosh e k*****, e nenen te shfytyruar nga mllefi e zemerata. qe kur kacafyten me njeri tjetrin, ne te vegjlit duhet te fshihemi poshte mindereve a bunkereve, (c’ndryshim ka), ndryshe mbetemi pa fryme…
nje mengjes me siguri do dalim te lypim tek pallati i kultures.
16 Mars 2008 @ 1:40 am
E ku mund te gjesh fjale ngushellimi per kete tragjedi te madhe?!Zoti t’i shpetoje nga ndonje plasje tjeter dhe te kete sa me pak viktima!Mjere njerezit e shkrete!Fatkeqesi qe nuk ke se cfare emri t’i vesh?E sa para bejne,mandej,ato fjale per fajtoret!Dhente Zoti sa me pak viktima!
16 Mars 2008 @ 2:53 am
http://youtube.com/watch?v=vsa_xWLOghg
16 Mars 2008 @ 4:27 am
Turp atyre qe kan perfituar nga kjo ngjarje shume e keqe per te vjedhur ne banaset ( shtepite ) e boshatisur. Meritojne te varen ne publik !
16 Mars 2008 @ 6:19 am
Vladimir, faleminderit për këtë kontribut tëndin për të na informuar.
16 Mars 2008 @ 7:12 am
Ngushellime familjeve te te demtuarve se pari, dhe nje falenderim te gjithe atyre qe u solidarizuan e dhuruan gjak ne ndihme te te plagosurve. Desha te dij nese dikush ka me shume informacion mbi firmen qe kish ngritur kete fabrike shkaterrimi municionesh ne mes te pothuaj metropolit Tirane-Durres me c’kushte punonte, si mund te ndertohej ajo fabrike ne mes te nje zone te banuar dhe c’fare kushtesh sigurie kishte. Dikur kam pase bere qitje me ato predha dhe e di shume mire se c’fare do te thoshte “rregullore e sigurimit teknik”….. eshte me te vertete shume trishtuese.
16 Mars 2008 @ 7:21 am
Pamje qe te bejne mos te ndihesh mire. Shpresoj qe te kaloje kjo tragjedi.
16 Mars 2008 @ 10:26 am
Ipari thotë:
Turp atyre qe kan perfituar nga kjo ngjarje shume e keqe per te vjedhur ne banaset ( shtepite ) e boshatisur. Meritojne te varen ne publik !
Sikur nuk po lajmerohet asnje vjedhje ne banesat e braktisura….me duket preokupim i kote.
16 Mars 2008 @ 10:31 am
Nuk e kuptoj fare pse e keni vene kete foton e nje grua te moshuar ne gjendje depresioni? Nuk ka foto te tjera??
Ne kohet moderne qe po jetojme cdo gje eshte imazh dhe marketing.
Nuk ka foto me forcat e Renea-s qe po shpetojne te plagosurit ne mese te predhave? Nuk ka foto te mjekve dhe ambulancave qe po shpetojne jete njerzish?
Foto te publikut qe po dhuron gjak? Foto ku te tregohet solidariteti i mbare popullit shqiptare?
Ky lajm ka bere buje ne gjithe Evropen..Shqiptaret duhet te tregojne vlerate tyre ne rast fatkeqesie.. Mediat e huaja i kane syte nga Tirana.
Pse duhet tu tregojme foto apo imazhe ku duket qarte primitivizmi shqiptare?
Kaq te zellshem jemi ti nxjerrim bojes vetes?? ju lutem adminit ta heqe te pakten ate foton kryesore se eshte vertet deshperuse dhe stresuse…
16 Mars 2008 @ 10:33 am
Oret e tmerrit ??? Do te ishte me e drejte te thuhej : Jete tmerri kur jeton ne Shqiperi Ne tibet njerezit vazhdojne te dalin ne rruge, nuk pranojne kompromis dhe pse ka me dhjetera te vrare deri me tani. Shqiptar, cohu mos rri po duku !!! Duron erresiren, duron papunesine, duron korrupsionin, po durove te te vrasin dhe brenda ne familje haram te qofte Kanuni e nderi qe do te mbrosh per familjen tende. Po qe se nuk je i afte te mbrosh jeten e te afermeve te tu, aterehere ti, une, ne, te gjithe si shqiptare i meritojne keto shtetare kriminele, vrastare, te korruptuar e te papergjegjshem :
Gërdeci, tregtia me jetët tona
Shekulli,
Politika shqiptare prej muajsh është kapluar nga ethet e NATO-manisë, duke kërkuar me ngulm një ftesë për anëtarësimin
Nga Arben Rrozhani
Die, 16 Mars 2008
Politika shqiptare prej muajsh është kapluar nga ethet e NATO-manisë, duke kërkuar me ngulm një ftesë për anëtarësimin e vendit në Aleancë. Por ndërsa ftesa është bërë promotori i paqes politike dhe shpejtimit të kursit të reformave demokratike, vendi nuk është as një vend i sigurt në kufijtë minimalë. Masakra e djeshme në zemër të zonës më të banuar dhe më të industrializuar të vendit, segmentit Tiranë-Durrës tregoi se ky vend po ngrihet me mund dhe sakrifica mbi një tokë të minuar. Fshatit Gërdec, afër Vorës, do t’i duhet shumë kohë dhe mund për t’u ringritur, qindra të mbijetuarve do t’u duhet shumë kohë t’i rikthehen jetës normale dhe siguria në vend tani nuk mund të quhet se ekziston. Shqipëria është një tokë që mund të kthehet në një varr masiv, qoftë edhe nga një gabim i thjeshtë njerëzor apo teknik. Po shteti?
Pak orë para se të ndodhte masakra e mesditës së 15 marsit, qeveria e Shqipërisë, nëpërmjet ministrit që ka në axhendë fushatën lobiste për anëtarësimin e vendit në NATO, deklaronte se vendi ka mbi 100 mijë tonë municione dhe eksplozivë që rrezikojnë jetën e shqiptarëve në mbarë territorin. Është kjo qeveri që ka detyrën dhe ekskluzivitetin, për të përdorur qindra-milionë dollarët e dhënë nga donatorët e huaj, për të çminuar këtë tokë të mbarsur me depo-bomba që mund të shpërthejnë nga çasti në çast. Është kjo qeveri, që ka në varësi edhe shoqërinë tregtare të armatimeve dhe municioneve që ka trashëguar vendi nga koha komuniste. Kjo ndërmarrje shtetërore (MEICO), është ajo që menaxhon dhjetëra-milionë dollarët e fituar nga tregtia me armët dhe municionet në vend.
Baza e Gërdecit, ku ndodhi dje masakra, ishte njëra prej atyre dhjetërave ku kjo ndërmarrje shtetërore bën llogaritë e biznesit qindra-milionë dollarësh. E ndërtuar në zemër të një qendre të mbipopulluar, pranë qindra bizneseve që i japin fytyrën kapitalizmit shqiptar, shumë afër Aeroportit të vetëm Ndërkombëtar të vendit. Qeveria e Shqipërisë, Ministria e Mbrojtjes, dhe ata që punojnë për ta, dje, në vend të mesazheve ngushëlluese dhe solidarizuese, duhet të kishin dalë publikisht për të kërkuar falje për këtë masakër njerëzore dhe materiale, dhe pastaj të jepnin dorëheqje kolektive. Sepse, në mënyrë të qëllimshme, ashtu si në shumë aspekte të tjera të menaxhimit të vendit, ligjet dhe vendimet janë shkelur me të dyja këmbët, qëllimisht, duke kërcënuar rëndë sigurinë në vend.
Baza e demilitarizimit në Gërdec, parë në aspektin ligjor dhe procedural, ka shkelur shumë prej pikave të Vendimit Nr.138, datë 14.03.2007, “Për Procedurën e Trajtimit të armëve, teknikës dhe pajisjeve të Forcave të Armatosura, të hequra nga armatimi dhe përdorimi”.
Në pikën 3, të këtij vendimi, thuhet tekstualisht se: “Procedurat e shitjes së municionit për çmontim dhe çmilitarizim, kryhen nga ndërmarrja MEICO, në bazë të kontratave. Në lidhjen e kontratave me subjekte të ndryshme, të mbahen parasysh: përvoja e ofertuesit në fushën e armatim-municioneve, kapacitetet teknike, lloji i teknologjisë së përdorur në procesin e çmilitarizimit e çmontimit, afatet, ndikimi në mjedis, respektimi i masave të sigurisë gjatë procesit të çmilitarizimit e të çmontimit”. Dje, vetëm 6 orë pas tragjedisë, në ekranet televizivë, për të shfajësuar shkeljen e ligjeve, doli një biznesmen që para disa viteve ishte dënuar për evazion fiskal dhe që nuk dihet se si ka hyrë sërish në lojën e tregtisë ushtarake. Doli edhe një drejtor, që thoshte se firma e tij ishte themeluar vetëm një vit më parë. Pak pas masakrës dëshmuan edhe punëtorë që ishin të pa specializuar.
Qeveria mund të vihet në bankën e të akuzuarve për mosveprim, sepse ka patur dijeni për
masakrat që mund të ndodhin në dhjetëra Gërdecë të tjerë, aty ku armatimet janë mbi kokat e mijëra banorëve dhe ministria që ai drejton, nuk ka marrë mundimin t’i largojë.
Avokatët cinikët të qeverisjes mund të fajësojnë sot, ata qindra shqiptarë që ndërtuan strehën e tyre pranë bazës së Gërdecit, duke fshehur qëllimisht krimin e bërjes së parave me jetët e njerëzve.
Kjo qeveri, nëpërmjet dikastereve përkatëse, duhet të kishte vënë në rresht gjithë logjistikën ushtarake për t’i larguar këto bomba masakruese në uzinat që janë të specializuara për këtë mision, si në Mjekës, Poliçan apo në Gramsh. Por në mënyrë paradoksale, kriminale dhe të qëllimshme, fabrika e demontimit në Gërdec vijonte të punonte, duke u shndërruar në një bazë të mbledhjes së arsenalit të armatimit dhe municionit të trashëguar nga koha komuniste.
Arsyeja? Të paktën njëra prej tyre (të tjera do ketë me siguri në ditët që vijnë) është shumë e thjeshtë. Municionet e riambalazhuara, të destinuara për t’u shitur për eksport, prej aty e kishin shumë të shkurtër rrugën për t’u imbarkuar në avionët që nisen nga aeroporti ndërkombëtar “Nënë Tereza”. Porta ku bëhet tregtia me jetët e shqiptarëve…
16 Mars 2008 @ 10:37 am
labi,
Nuk ka vjedh kush shtepi.. Eshte media idiote qe llap kot..
E pa Sokol Balla me dylbi nga studia e TCH qe po vidheshin shtepite e rrafshuara ne toke nga predhat..
Aty 1000 polica ne Vore nuk pane hajdut i pa Koli…
16 Mars 2008 @ 10:41 am
Leon, te mbeshtes krejtesisht persa i perket kerkeses tende per fotot
16 Mars 2008 @ 10:48 am
Ky zv.kryeministri Oketa (komplet injorant) thote qe nuk ka aq shume viktima sa ishin parashikuar…
Nderkohe jane konfirmuar 8 te vdekur dhe vazhdone numerimi…
Nuk e di sa quan shume ky?????????????
Kaq te papergjeshem fare,deri ne ekstrem…
16 Mars 2008 @ 10:56 am
Leon, akoma ti ? Nuk e ke kuptuar qe ne Shqiperi flitet per tragjedi kur kalon numrin 10 ? Nje here eshte nje skaf qe mbytet, njehere nje furgon me dasmore qe rrezohet ne humnere, nje tjeter here nje varke, por mund te jete dhe nje godine shkolle qe rikonstruktohet apo nje zjarr nga remonti i KESH-it … Vlera e nje jete njeriu ne Shqiperi, pfu, e c`eshte nje jete njeriu vecse mish e kocka per varrezat e Sharres ???
Jetojme ne nje tragjedi permanente aq sa jemi bere te paprekshem nga dhimbja e vuajtjet kolektive, secili prej nesh nje eshte viktime ne nje menyre a tjetren, viktime e injorances a ketij shteti kriminel.
16 Mars 2008 @ 10:59 am
Lexoni kete shkrim pa emer te Gazetes Shqip se si po perpiqen te manipulojne opinionin.
Me shumë gjasa një gabim njerëzor, shpjegon eksperti, i cili mund të vijë edhe si pasojë e një cigareje të vetme të ndezur. Një rrezik tjetër shumë i madh është edhe prania e rrjeteve elektrike në ambientet ku bëhet çmontimi i predhave dhe zbrazja nga baruti. Nga ana tjetër përjashton çdo mundësi që këto materiale të rrezikshme të jenë trajtuar nga duar jo eksperte, siç u raportua nga disa media, sipas të cilave në fabrikën e demontimit punonin gra e fëmijë. “Në të vërtetë, kompani të këtij lloji pjesën më të madhe të të punësuarve e kanë afruar nga radhët e ish- ushtarakëve, të gjithë specialistë të fushës së armatimit, madje disa syresh edhe me grada të larta, si kapitenë e majorë”.
Ndersa deri tani jane tre gra te pranuara zyrtarisht te vdekura edhe nga versioni zyrtar. Bile dhe 19 vjecare.
Nga shifra e priteshme ( 40 ) per te humburit apo te rrezikuarit qe mund te humbin jeten me shume se gjysma jane gra nga 19- 40 vjec.
Shtypi shqiptar ose me mire nje pjese e tij eshte shtyp bastard.
http://www.gazeta-shqip.com/artikull.php?id=38706
16 Mars 2008 @ 11:03 am
Nese do protestoni keto dite (qe besoj se eshte gjeja me e natyrshme qe mund te behet), kam nje ide per tju thene: Nxirrini foto te medha qiviritaresh dhe peshtyjini masivisht te sheshi i Tiranes.
16 Mars 2008 @ 11:05 am
koth,
Bastard ne ekstrem… Eksperti anonim jepka mende ne raste fatkeqesie kombetare… vetem ne Shqiperi ndodh kjo..
Shikoni kete videon.. aty qenka bere fushe cdo gje..
http://www.balkanweb.com/sitev4/newsadmin/video1.php?id=17995
16 Mars 2008 @ 11:07 am
Gabim njerëzor? Po sigurisht që gabim njerëzor! Kapitenë dhe majorë, sytë që t’u pëllcasin! Fshatarë me mëditje ishin punësuar aty! Ky është krim i organizuar!
16 Mars 2008 @ 11:09 am
kjo histori ka shum koincidenca dhe to jete nje prove per shtypin shqiptar qe te zbuloj pislliqet e gatuara nga Sali Berisha e i biri
16 Mars 2008 @ 11:10 am
Me interesantja eshte fotoja numer pese, ku fytyra mafiozesh shqiptare, shkaktaret e asaj qe ndodhi shohin nga larg cfare kane mbjelle me duart e tyre.
16 Mars 2008 @ 11:13 am
A eshte e vertete qe Ambasada amerikane ka pergenjeshtruar Kryeministrin shqiptar?A di njeri gje te sakte pse Berisha eshte fshehur pas “gaxhoit”?EuroNews edhe sot njofton qe punimet drejtoheshin nga nje firma amerikane.
16 Mars 2008 @ 11:19 am
Shekulli
Vetë kryeministri shqiptar Sali Berisha konfirmoi dje se çmontimi i predhave të ushtrisë po bëhej nga një kompani amerikane. Madje ai pohoi edhe emrin e saj, “Southern Ammonition”. Por një kontroll i thjeshtë në faqen e internetit të kësaj kompanie tregon se ajo është e specializuar në çmontimin dhe prodhimin e fishekëve të pistoletave dhe pushkëve të ndryshme, por jo të predhave të kalibrit të madh të ushtrisë shqiptare. Më pas, ishte radha e Ambasadës Amerikane në Tiranë që të mohonte çdo lidhje të firmave të SHBA-së me këtë çështje. “Nuk ka asnjë firmë amerikane që po merret me çmontimin e predhave në Shqipëri. Ky nuk është një projekt i Shteteve të Bashkuara të Amerikës dhe ne nuk kemi asnjë lidhje”,- pohuan burimet zyrtare të Ambasadës. Edhe vetë punonjësit që janë marrë me çmontimin e predhave, por edhe të afërmit e tyre në fshat, nuk kanë qenë të sigurt nëse bëhej fjalë për një firmë amerikane apo jo. Ata kanë shpjeguar se fillimisht aty janë paraqitur disa shtetas amerikanë, në rolin e ekspertëve. Por ata nuk kanë bërë trajnime për punëtorët. E vetmja gjë që kanë bërë ekspertët amerikanë, ka qenë të këshillojnë punëtorët që të mos pinin cigare pranë barutit.
16 Mars 2008 @ 11:24 am
Akell,
nuk eshte vetem aq. Une personalisht kam frike dhe per dicka me shume.
Hudhini nje sy Gazetes Sot se eshte me e drejperdrejte. Keni dhe nje Interviste tek Gazeta Shqiptare te Mihal Delijorgjit, presidenti i kompanise shqiptare te nen kontraktuar, ka qene ca kohe dhe President i Klubit Dinamo dhe i arrestuar nga drejtesia shqiptare per evazion fiskal, anatemuar nga Berish duarpastri si falange krimi ne duart e Nanos ( ky ne fakt e futi ne burg )
Provoni te beni lidhjet nese e gjykoni se mund te kene lidhje.
Dhe nese keni nerva kujtoni dhe nje term te perdorur ne fillim te mandatit te kesaj qeverie kur i kishin propozuar per te bere simbioze me krimin po ky nuk kish pranuar.
16 Mars 2008 @ 11:25 am
sa fat muti ka ky berisha
…ne muajin mars e ndjekin tragjedite gjithmone!kjo profeci e ka zanafillen qe ne 1997!
16 Mars 2008 @ 11:29 am
kikthi,
per momentin nuk ka njoftim zyrtar te Ambasades per kete ceshtje.
Deklaratė e Ambasadės sė Sh.B.A. (15 Mars 2008)
Ambasada e Sh.B.A. ka vėrejtur e shokuar dhe e shqetėsuar raportimet pėr aksidentin tragjik nė depon ushtarake pranė Gėrdecit. Mendimet dhe zemrat e popullit amerikan janė me ushtarėt dhe tė tjerėt e prekur nė kėtė incident tė tmerrshėm. Stafi i ambasadės do tė jetė nė kontakt me zyrtarė tė qeverisė shqiptare pėr tė vendosur se ēfarė ndihme mund tė ofrojmė.
Kaq eshte njoftimi per momentin.
Duhet te presim veprimet e prokurorise. Te shpresojme qe disa nga personat pergjegjes te mos jene larguar ne drejtim te paditur.
16 Mars 2008 @ 11:31 am
Jo vetem qe S.B. genjeu pa piken e turpit per firmen amerikane qe gjoja po bente c’minimin,por nga kryeministria dolen deklarata per marinsa amerikane te vdekur ne shperthim…
As nuk e kane idene fare se c’ndodh edhe as qe nuk duan ta dine…
Keta e kane mendjen per vjedhe paret e kontrates dhe tenderave..Ne mire kryeminister TRAP por edhe president si buf i fjetur….
16 Mars 2008 @ 11:36 am
Koth,
rrofsh për informacionin, së pari. Së dyti, kur them që njerëzor, mendoj që jo qiellor, pra është përgjegjësi njerëzish dhe s’duhet parë si Cunam. Nejse, unë po rrah ujë në havan…
16 Mars 2008 @ 11:41 am
Faleminderit Koth qe na drejtove drejt Gazetes Sot. Eshte llahtari kur lexon artikuj te tille :
Berisha vegël e mafies greke të municioneve dhe “11 shtatori” shqiptar
Saturday, 15 March 2008
Nga Kastriot Myftaraj - Tragjedia e Gerdecit është skandali i mafies të municioneve, që vepron prej vitesh në Shqipëri, duke siguruar fitime të mëdha, nga shitja e metaleve që dalin nga gëzhojat e predhave të artilerisë, që çmontohen në projektet e asgjësimit të stoqeve të municioneve, që zbatohen në Shqipëri me financimin e ndërkombëtarëve. Kjo mafie ka arritur të përdorë për interesat e saj dhe projektet dhe financimet e NATO, për asgjësimin e stoqeve të municioneve në Shqipëri.Kur Berisha erdhi në pushtet në 2005, ai e gjeti këtë mafie të krijuar pas vitit 1997, nga qeverisja e së majtës, dhe u përshtat shumë mirë me të, duke marrë pjesën e tij të fitimeve. Në faqen on-line të kryeministrisë jepet ky njoftim për ngjarjen: “Zyra e Shtypit e Kryeministrit njofton se nga dëshmitarë, të cilët kanë qenë në vendngjarje duke punuar, njoftohemi se numri i punonjësve në fabrikë sot ka qenë rreth 110 punëtorë. Sikundër po këta dëshmitarë pohojnë se midis shpërthimit të parë dhe shpërthimit të dytë ka pasur një distancë kohore prej 10 minutash, të cilën shumë prej punëtorëve e kanë shfrytëzuar për t’u larguar nga vendi i ngjarjes. Po bëhen përpjekje për t’u identifikuar një nga një të gjithë punëtorët, por situata është e vështirë dhe vazhdojnë shpërthimet”. Ky njoftim tregon papërgjegjshmërinë kriminale të qeverisë. Vetëm një qeveri absolutisht e papërgjegjshme dhe kriminale mund të lejojë që 12 kilometra larg kryeqytetit, pak larg superstradës kryesore të vendit, të ngrihet një “fabrikë” e vdekjes për asgjësimin e stoqeve të municioneve. Vetëm qeveritarë të korruptuar që marrin pjesën e tyre nga të ardhurat e kësaj afere të pistë, mund të tolerojnë që firma që ka fituar të drejtën për të bërë asgjësimin e municioneve, për të rritur fitimet e saj, të punësojë njerëz joprofesionistë, deri adoleshentë, për t’ u marrë me këtë veprimtari mjaft të rrezikshme. “Fabrika” për të cilën flet kryeministri është fabrika e mafies së municioneve. Në Shqipëri kjo është mafie greke. Administratori i firmës që ka fabrikën e vdekjes të Gerdecit është minoritari grek Mihal Delijorgji, i cili është përgjegjës për gjithë joprofesionalizmin me të cilin është punuar atje, për të siguruar fitime më të larta, nga të cilat sigurisht që kanë marrë pjesën e tyre edhe qeveritarët, që kanë mbyllur njërin sy. Mihal Delijorgji mund t’ i bënte i qetë këto gjëra, se Ministri i Punës, që duhet ta kontrollonte fabrikën e vdekjes është greku Kosta Barka, dhe shefi i Inspektoratit të Punës është po greku Thoma Miço. Kryeministri Berisha, Presidenti Topi, i gjithë shteti, shikojnë se si grekët në kamuflazhin e projektit të NATO, kishin ngritur fabrikën e vdekjes në Gerdec, pranë Tiranës, dhe ku punohej në kundërshtim me të gjitha rregullat teknike. Praktikisht ajo që ndodhi në Gerdec është atentat terrorist grek kundër Shqipërisë. Ngjarja e Gerdecit mund të përsëritet me depozitat greke të naftës në Portin e Durrësit, me përmasa katastrofike, si ato të Hiroshimës, ku mund të vdesin 200 mijë njerëz. Tunelet e Gerdecit janë një aspekt i të këqijave që bëjnë grekët në tunelet e Shqipërisë. Kryepeshkopi grek i Kishës Ortodokse në letë Autoqefale të Shqipërisë, greku Janullatos mori nga Edi Rama të drejtën të ndërtojë katedralen në lulishten mes selisë së Ministrisë së Mbrojtjes dhe selisë së PS, ku ka marrë nën kontroll nyjen kryesore të tuneleve nëntokësore të ndërtuara në Tiranë në kohën e komunizmit, që kalon pikërisht atje. Sot në tunelet në themelet e katedrales punojnë vetëm punëtorë grekë dhe nuk lejohet asnjë shqiptar. Atje përgatitën të këqija më të mëdha se ajo e Gerdecit për Shqipërinë. 15 marsi 2008 është “11 shtatori 2001” shqiptar, i bërë nga grekët me kolaboracionizmin kriminal të qeveritarëve shqiptarë. As në ditët e marsit të vitit 1997, kur shteti u shemb krejtësisht, nuk ndodhi në Tiranë një gjë e tillë. Shpërthimi i Gerdecit tregoi se shteti shqiptar është një fiksion, madje edhe më keq një fiksion që megjithatë funksionon mirë si një mekanizëm korrupsioni. Në faqen on-line të Këshillit të Ministrave, në orën 20 të datës 15 mars, lajmi i parë ishte: “Zyra e Shtypit e Kryeministrit njofton se Kryeministri Berisha ka pasur një bisedë telefonike me Kryeministrin e Greqisë Kostas Karamanlis dhe me Kryeministrin e Maqedonisë Nikola Gruevski”. Pra, lajmi i parë nuk është ngjarja që ndodhi, por telefonatat e kryeministrit Berisha! Kjo është provë shtesë e papërgjegjshmërisë qeveritare. Tragjedia kthehet në tragjikomedi kur tragjedinë e bëri mafia greke e municioneve. Vetëm pas njoftimit për telefonatën me kryeministrin grek, në faqen on-line të kryeministrit Berisha njoftohet më në fund diçka për atë që ka ndodhur në Gredec: “Forcat e Ndërhyrjes së Shpeshtë dhe të Mbrojtjes Civile nxorën nga një tunel në afërsi të vendngjarjes 25 banorë të zonës, ndër të cilët ndonjë edhe me plagosje të lehta. Transporti i tyre u krye me helikopter. Ndërkohë që repartet e Xhenios dhe Forcat e Ndërhyrjes së Shpejtë kanë gjetur në vendin e ngjarjes edhe një tjetër të plagosur në gjendje të rëndë. Ka ende pjesë të territorit të pakontrolluar, për shkak të shpërthimeve që vazhdojnë. Puna po vazhdon intensivisht. 4 të vdekurit kanë qenë punëtorë të fabrikës”. Është ironi tragjike që kryeministri njofton se ka ende pjesë të territorit të pakontrolluar, por nuk sqaron nëse Gerdeci ishte nën kontrollin e shtetit para se të ndodhte tragjedia. Pra, a e dinte qeveria atë që bëhej në “fabrikën” e atjeshme? Nëse po atëherë sigurisht që qeveritarët merrnin pjesën e tyre të fitimit, nëse jo ata duhet të japin urgjentisht dorëheqjen për paaftësi totale. Si për një tjetër ironi tragjike, ditën e katastrofës në Tiranë mbahej një takim për projektin SEEDIRET (Bashkëpunimi i Europës Juglindore në fushën e Industrisë, Kërkimit dhe Teknologjisë së Mbrojtjes), ku Shqipëria ka rradhën e kryesimit. Kështu Shqipëria demonstroi “industrinë e saj ushtarake” me mafien e municioneve. Ministri i Mbrojtjes është treguar krejt i papërgjegjshëm se edhe në orën 20 të mbrëmjes në faqen on-line të Ministrisë së Mbrojtjes nuk kishte asnjë njoftim për ngjarjen. Njoftimi i parë ishte: “Takimi i 6-të i Grupit të Punës për Projektin SEEDIRET”. Në këtë njoftim thuhet: “Sot paradite, në një nga mjediset e hotel ”Tirana International”, në kuadrin e kryesimit nga vendi ynë të projektit SEEDIRET (Bashkëpunimi i Europës Juglindore në fushën e Industrisë, Kërkimit dhe Teknologjisë së Mbrojtjes), u zhvillua Konferenca Rajonale dhe Takimi i 6-të i Grupit të Punës për Bashkëpunimin e Evropës Juglindore në fushën e industrisë, kërkimit dhe teknologjisë së mbrojtjes”. Këtu papërgjegjshëmria shkon deri në humor të zi! Kësaj i thonë: S’ kam turp, s’ ke ç’ më bën! Tragjedia e Gerdecit është një provë e faktit se shteti shqiptar është i kapur nga mafia e të gjitha llojeve. Tashmë Berisha dhe Topi janë në situatën kur ose duhet ta ndëshkojnë këtë mafie, ose të largohen, në rast se nuk duan të ndeshen me të, dhe nuk janë të implikuar me të, gjë që nuk duket e besueshme.
16 Mars 2008 @ 11:41 am
Koth
e di qe njoftim zyrtar tip deklarate nuk ka
por shekulli thot qe burime brenda ambasades e konfirmojne
me sa kuptoj une delijorgji merte predhat bosh si skrap nderkoh qe qeveria merte barutin e tritolin. skan lidhje amerikanet ne kete biznes
nderkoh qe flitet se ne kete ceshtje fshihen trafiqe te rendesishme armesh
16 Mars 2008 @ 11:42 am
Firma me me e Delijorgjit aktivitet kryesor ka pasur : Prodhim gozhde dhe tel gabian. Nuk eshte shaka.
Ja kush eshte firma qe bente demontimin e ketyre predhave :
REPUBLIKA E SHQIPERISE
Ministria e Rendit Publik
Njoftim për shtyp
Tiranë, 29 / 04 / 2004
DURRES
Me date 28.04.2004, u ekzekutua Vendimi i Prokurorise Rrethit, per sekuestrimin e 3.582.180 kg. hekur, te firmes “Perparimi S.A.”, me president Mihal Delijorgji.
Akell,
te kuptova fare mire qe ne postimin e pare. Mos na vin ne prove inteligjencen qe ne mengjes.
16 Mars 2008 @ 11:50 am
Te gjithe artikujt, bloget etj flasin per nje “krim shteteror”. Ndonje qe e njeh ligjin me mire se une mund te na shpjegoje se si ne te drejten penale shqiptare dikush mund te denohet per “vrasje pa paramendim”.
16 Mars 2008 @ 11:54 am
Shikon ate fotografine e asaj nene e ulur buze rruges, dhe te thahet.. zemra. Sa akoma do vuaj ai popull
16 Mars 2008 @ 11:55 am
LIGJ
Nr.7895, datë 27.1.1995,
KODI PENAL I REPUBLIKËS SË SHQIPËRISË
SEKSIONI II
KRIME KUNDËR JETËS SHKAKTUAR ME PAKUJDESI
Neni 85
Vrasja nga pakujdesia
Vrasja e kryer nga pakujdesia dënohet me gjobë ose me burgim gjer në
pesë vjet. 30
SEKSIONI II
KRIME KUNDËR JETËS SHKAKTUAR ME PAKUJDESI
Neni 85
Vrasja nga pakujdesia
Vrasja e kryer nga pakujdesia dënohet me gjobë ose me burgim gjer në
pesë vjet.
SEKSIONI IV
VEPRA PENALE KUNDËR SHËNDETIT TË KRYERA
NGA PAKUJDESIA
Neni 91
Plagosja e rëndë nga pakujdesia
Plagosja e rëndë e kryer nga pakujdesia përbën kundërvajtje penale dhe
dënohet me gjobë ose me burgim gjer në një vit.
Neni 92
Plagosja e lehtë nga pakujdesia
Plagosja e lehtë e kryer nga pakujdesia përbën kundërvajtje penale dhe
dënohet me gjobë.
16 Mars 2008 @ 11:56 am
Personalisht mendoj se numri i viktimave eshte shume i vogel sepse i ka shpetuar Zoti. Nese shperthimi i madh do te kishte ndodhur menjehere dhe jo pas 15 minutash, do te kishim pare tragjedine me te madhe te degjuar ndonjehere ne Shqiperi: te pakten (te pakten) 500 te vdekur (qe sdo tu gjendej asnje gjurme se do te ishin vaporizuar krejtesisht) dhe mijera te plagosur. NJerezit i ka shpetuar ngadalsia e procesit zinxhir te shperthimit qe i ka dhene mundesi te gjithe atyre qe kane qene prane qe te largohen. Numri i te vdekurve eshte shume i vogel ne raport me cmund te kishte ndodhur! Na ka shpetuar Zoti!
16 Mars 2008 @ 11:57 am
Besoj qe rasti i sotem mund te futet padyshimin me te vogel ne kategorine e pare. A nuk eshte pakujdesi nga ana “shtetit” shqiptar, (Ministrit te mbrojtjes) te kete lejuar ndertimin e nje “fabrike” te tille ne nje zone kaq te populluar ?
Shtoji kesaj dhe :
Vendimit Nr.138, datë 14.03.2007, “Për Procedurën e Trajtimit të armëve, teknikës dhe pajisjeve të Forcave të Armatosura, të hequra nga armatimi dhe përdorimi”.
Në pikën 3, të këtij vendimi, thuhet tekstualisht se: “Procedurat e shitjes së municionit për çmontim dhe çmilitarizim, kryhen nga ndërmarrja MEICO, në bazë të kontratave. Në lidhjen e kontratave me subjekte të ndryshme, të mbahen parasysh: përvoja e ofertuesit në fushën e armatim-municioneve, kapacitetet teknike, lloji i teknologjisë së përdorur në procesin e çmilitarizimit e çmontimit, afatet, ndikimi në mjedis, respektimi i masave të sigurisë gjatë procesit të çmilitarizimit e të çmontimit”.
16 Mars 2008 @ 11:57 am
kikthi,
nuk e ve ne dyshim argumentin tend lidhur me amabsaden, perkundrazi.
Vetem se mendoj qe eshte shume heret per prononcim perfundimtar.
Ajo fabrike atje ishte e nje firme nen kontraktore shqiptare eshte thene deri tani.
16 Mars 2008 @ 11:59 am
C’mëngjes mo Kothe, erdhi dreka!
Di njeri vënd tjetër veç vitrinave (që s’funksion) ku mund të shihet tv?
16 Mars 2008 @ 12:00 pm
A ka dijeni ndonjeri se ç’po ben “Silvia Konti” e Saliut?
Mos eshte pare tek ndonje parukeri?
16 Mars 2008 @ 12:03 pm
Ice-naja: Euronews jep cdo 30 min lajme..Ka rreth 2-4 min per ngjarjen ne fjale… Gjithashtu perpara lajmeve jep nje blic qe quhet :NO comment …jepte filmime nga ngjarja..Une ketu bazohem , pasi nuk kam satelit dhe vitrinat nuk hapet…si per cudi!!
16 Mars 2008 @ 12:06 pm
I drejtohem Mjaftit : doni ti beni nje nderi ketij vendi ? Hyni ne kontakt me ndonje familje ne te cilen ka humbur jete nje pjestari i tyre ashtu sic bete me familjen e minatoreve te Bulqize. Jepini ndihme ligjore per te hedhur nje gjyq ministrine e mbrojtjes per neglizhence dhe vrasje nga pakujdesia. Ky djall qe ka 17 vjet qe luan me jetet e shqiptareve, Sali Berisha, nuk mund te dale i duarlare nga kjo tragjedi… nje grua shtatezene u gjet e vdekur sot ne dreke…mjere ne….
16 Mars 2008 @ 12:11 pm
Shperthimi i dyte eshte ai qe shfaqet ne media si ‘bombe atonike’ i cili ka ndodhur 10-15 minuta mbas te parit , pra punonjesit ishin larguar nga vendi sepse prej atij shpethimi nuk shpetonte asnje.
16 Mars 2008 @ 12:12 pm
Ados, rrofsh. E pashë Euronews që me mëngjes, po përsërit gjithë kohën të njëjtën gjë. Dhe pamjet e tmerrit i kam parë. Desha të di çfarë shohin prindërit e mi në TV. Kaq. Dhe në ç’fazë është gënjeshtra dhe deri ku ka mbërritur apatia.
16 Mars 2008 @ 12:13 pm
Firma amerikane thote qe kontarten e ka perfunduar me dhjetor 2007.
Eshte bere dhe ceromonia e lamtumires e cila eshte dhene nga shtypi shqiptare.
Pyetja lind kush dhe pse per 3 muaj dhjetor-mars eshte bere c’minim???
Firma thote te verteten e di ministria e mbrotjes….
16 Mars 2008 @ 12:13 pm
http://youtube.com/watch?v=-L05bTJJcVQ
http://www.youtube.com/watch?v=6WkWa0vlb0s&NR=1
16 Mars 2008 @ 12:14 pm
Ore, një kureshtje pa lidhje: ka filluar të ritransmetohet gjë Oktapodi në mëmëdhe?
16 Mars 2008 @ 12:14 pm
Malok ( ce ke kete nick heu bree )
Ja pergjigjia ne advance e Silvanes :
Prokuroria po ben hetime per ngjarjen dhe kur te kemi rezultatin e hetimit do ja u bejme te ditur. Faleminderit.
P.S Dje raportohen mbi 5 vjedhje makinash ne Tirane , policia ka harru qe hajdutet do ta shfrytezonin kete punen e terheqjes se vemendjes nga Tirana ne Vore. Kjo nuk eshte shenje e mire, ndaj vemendja duhet te jete maksimale tani me shume se kurre.
16 Mars 2008 @ 12:16 pm
kane rinisur shperthimet ne Gerdec minuta me pare
16 Mars 2008 @ 12:17 pm
Po Akell,
e jep TV Koha. Ka mbi 1 muaj e gjysem.
16 Mars 2008 @ 12:19 pm
Ema,
jane shperthime qe i provokojne xhenjeret e ushtrise sepse vetem keshtu mund te asgjesohen ato qe jane te shperndara andej kendej. ( dmth njera nga menyret )
16 Mars 2008 @ 12:19 pm
TCH ne sondazhin on-line pyet kush e ka fajin Qeveria apo firma amerikane???
Cila Firme amerikane ??????????????????????????????????
16 Mars 2008 @ 12:19 pm
O Koth, o gazeta ime mbi Shqipërinë! Rrofsh!:)
16 Mars 2008 @ 12:23 pm
Po se me sondazh vendoset kush e ka fajin… A iu mbylltë e mëndjes TCH!…
16 Mars 2008 @ 12:25 pm
babai im thote qe ne depon tjeter te perfolur (qe mund te shperthente) jane grumbulluar predhat dhe rraketat e nendeteseve tona, dhe rraketa toke-toke.
ai ka qene shef nderlidhje ne marine
por kjo depo eshte e izoluar nga tuneli ku ka ndodhur shperthimi
16 Mars 2008 @ 12:25 pm
Leon,
nuk jane mediat Kombetare ato qe po thone te verteten. Bubro andej kendej neper mediat e vogla nese ke mundesi se thone detaje .
O Kraste !
Kur ta lexosh kete thirrje qe po te bej tregoju peshqve dhe lexuesve te gazetes tende ca pamje te asaj pjeses se rruges nja 150 - 200 m ne hyrje te spitalit ushtarak dhe qe mund te kalohet vetem me diagac, tanks , autoblinde se me mjete te tjera normale nuk mund te kalohet.
16 Mars 2008 @ 12:27 pm
KRIM SHTETEROR!
Ky eshte as me pak dhe as me shume por nje KRIM MAKABER SHTETEROR!
Qeveria jo vetem qe duhet te jape urgjentisht doreheqen por duhet te marre pergjegjesite dhe gjukata Europiane per krime kunder njerezimit duhet te marre si te pandehur Kryeministrin,Ministrin e Mbrojtjes,Ministrin e Rendit dhe ministrin e Punes si shkaktare te kesaj ngjarje makaber.Nese heshtet ne Shqiperi per te sherbimit qe politika i ben kesaj mafie nuk duhet te heshtet ne Europe.Shqiptaret e Europes duhet te bashkohen ne proteste perballe Parlamentit Europian, gjykates nderkombetare te krimeve kunder njerezimit,per hapjen sa me shpejte te dosjes kunder krimineleve te qeverise shqiptare
16 Mars 2008 @ 12:34 pm
Administratori i firmes amerikane SAIC, hedh poshte deklaratat e kryeministrit se eshte kjo firme qe vazhdon punen ne Gerdec. Ne nje interviste per NEWS24, McFadden deklaron se kontrata ka perfunduar qe ne dhjetor te vitit 2007….
koth,
Media te jete edhe kineze nuk me intereson fare… Une anglisht di dhe ky amerikani anglisht foli dhe tha me 7 dhjetor kemi mbaru pune ne…
Tani pse TCH me kryeministrin duan te fusin ne kete mesele kete firmen amerikane do shume pak tru ta kuptosh..
16 Mars 2008 @ 12:35 pm
Katastrofa e Gërdecit, 3000 ton barut hedhin ne ere fshatin; Orët e tmerrit në flakë
Vladimir Karaj
Gazeta Standard
16/03/2008
Zyrtarët thonë se më shumë se 240 persona kanë mbetur të plagosur nga katastrofa në Gërdec, ku më shumë se 121 banorë të zonës punonin në çmontim predhash në firmën shqiptare “Albdel”, e cila thuhet se është përfaqësuese e kompanisë amerikane “South Ammunition”, që duhej të bënte çmontimin e predhave. Ndërsa flitet për 5 të vdekur (banorë të zonës) dhe një numër ende të pakonfirmuar të humburish. Në operacionin gjigant të shpëtimit janë evakuuar 4 mijë persona deri në mbrëmje, ndërsa vazhdonte evakuimi. Dyshohet se ka qenë një shkëndijë ajo që i ka vënë zjarrin barutit brenda fabrikës dhe më pas gjithë depos, e cila vazhdon të digjet edhe pas më shumë se 12 orësh dhe nuk mund të thuhet se kur do të shuhet. Megjithëse specialistët thonë se nuk është përjashtuar mundësia e një gabimi njerëzor, apo e një aksidenti tjetër.
Askush nuk di të flasë për arsyet e shpërthimit që ka shkatërruar thuajse gjithçka në rrethinat e tij deri në Vorë, por dyshohet se bëhet fjalë për një pakujdesi në depot ku ishte grumbulluar municioni, i cili duhej të shkatërrohej si pjesë e punës për shpërbërjen e municioneve të tepërta dhe të vjetra.
Silvana ka qenë në arë kur gjithçka ka filluar. Ajo fillimisht ka dëgjuar zhurmën dhe pastaj ka parë bashkëfshatarët që vraponin. Instinkti e ka çuar në shtëpi, ku ka rrëmbyer në krahë vajzën dhe djalin pak më të madh dhe ka vrapuar në të njëjtin drejtim me të tjerët. “Unë nuk di gjë ku është im shoq”, - thoshte ajo, ndërsa qëndronte e ulur në bordurat buzë autostradës Tiranë-Durrës.
Mijëra persona kanë mbetur të pastrehë dje nga katastrofa në depot e municioneve, ndërsa qindra të tjerë deri në orët e vona të mbrëmjes e kishin të pamundur të mësonin, ku i kishin të afërmit. Tile Aliu, 60 vjeç, ndodhet ashtu si shumë banorë të Gërdecit në rrugë të madhe. “Unë nuk e di ku e kam djalin, nusen… Kisha një fëmijë të vogël me vete ma morën nga duart, nuk e di ku e kanë çuar”, - thotë Aliu. Ajo tregon se në momentin e shpërthimit ka qenë fare pranë vendit të ngjarjes. “Shtëpia jonë është ngjitur me vendin ku vinin çdo natë 10 makina me predha. Çfarë të thotë nona. Na vranë oj none”, - thotë gruaja. Në krah të saj ndodhet Vathe Aliu.
E moshuara tregon se një nga predhat apo copa të tyre kishin rënë në një lokal ku ishte duke u organizuar një dasmë. Ajo nuk di të thotë nëse ka pasur të vdekur. “Kemi parë njerëz të gjakosur, por nuk dimë gjë…”, - rrëfen gruaja, ndërsa përsërit: “Na vranë oj none… na i sollën armët te dera e shtëpisë dhe tani nuk kemi më asgjë… Politikanët e kanë fajin, qeveritarët të gjithë, këta na kanë vrarë”.
Prej urës në fshatin Gërdec, ku ka zbarkuar Shtabi i Përgjithshëm i Ushtrisë dhe dhjetëra zyrtarë, pothuajse në çdo minutë të ditës niseshin ambulanca që përpiqen të çajnë deri në vendin ku ndodhen njerëz të izoluar nga shpërthimi. Helikopterët fluturuan thuajse gjatë gjithë ditës mbi fushën që ndan Tiranën me Durrësin, për të tërhequr nga vendstrehime në bunkerë a pyje ku ishin arratisur qindra banorë të zonës.
Mbi urën në fshatin Gërdec ndodhet Minja. Një e moshuar, 74-vjeçare që thotë se në nuk di ku i ka të afërmit. E ulur në cepin e rrugës, 74-vjeçarja tregon se ka djalin, nusen dhe nipin të cilët punonin në depo. “Kanë dy javë që punojnë në depo… Unë nuk kam asnjë njeri tani… Nuk di ku të shkoj…”, - thotë gruaja që tregon se ata paguheshin me nga 10 mijë lekë në ditë.
Deri në orën 20:00 dhjetëra njerëz vazhdonin të transportoheshin nga zona e shpërthimit dhe e rrezikut drejt kryeqytetit apo Durrësit. Helikopterët vazhduan fluturimet deri sa ishte e pamundur të shihej nga lartësitë për shkak të errësirës. Burimet nga shtabi i emergjencës bënë të ditur se aty rreth orës 18:00 ishte kryer transportimi i personave, që për më shumë se 6 orë kishin ndenjur të strehuar në bunkerët në kodrat rreth depove. Ky ishte kontingjenti i fundit i viktimave të shpërthimit, pjesa më e madhe gra e fëmijë. Të sapozbritur nga helikopteri ata thanë për “standard” se në kodrat dhe bunkerë të tjerë të zonës ishin strehuar edhe dhjetëra banorë të tjerë, por asnjë prej tyre nuk mund të konfirmonte numrin e njerëzve që mbeteshin të strehuar në pyje.
Gjatë gjithë ditës në një qendër që ishte improvizuar si shtab i përgjithshëm, kanë qenë të pranishëm disa nga ministrat e qeverisë shqiptare. Ndërkohë qindra ushtarë përfshi, forcat speciale të RENEA-s dhe ato të ushtrisë apo doktorë e shoferë ambulancash, kanë vënë gjatë gjithë kohës në rrezik jetën për të shpëtuar banorët e zonës. Dhjetëra mjete ishin vënë në shërbim të aksionit të shpëtimit dhe kanë qenë pikërisht këta që janë futur në zonën ku vazhdonin të fluturonin herë pas here predha dhe kanë bërë të mundur evakuimin e 4 mijë personave të rrezikuar dhe transportimin edhe të rasteve të veçanta. Gra shtatzënë dhe të plagosur të mbetur në rrënoja të shtëpive të shkatërruara apo gjysmë të rrënuara, të cilët janë transportuar nga njerëzit e ushtrisë që herë pas herë organizonin ekspedita me blinda, për të nxjerrë prej aty të plagosur…
Ne e lamë Gërdecin, ndërsa aty kishte rënë errësira, të ndjekur në mënyrë të vazhdueshme nga thirrjet në telefona që kërkonin njerëz të humbur dhe në mjaft raste linjat nuk kapeshin. Dhjetëra persona të sapozbritur nga helikopterët i dëgjoje tek flinin duke përcjellë ankthin, frikën, tmerrin e kaluar. Pak minuta para se të niseshim prej vendit të tragjedisë, fiksuam fjalët e një vajze të vogël që thërriste në telefon: “Dajo hajde të na marrësh, jemi në mes të rrugës”. Vajza dhe një grup grash dhe fëmijësh të gjithë të zbathur i lamë të prisnin dajën, që ndodhej në kryeqytet, e që deri atëherë kishte jetuar me frikën se kishte humbur njerëzit më të dashur.
16 Mars 2008 @ 12:40 pm
Koth, mendon vertete qe Gazeta Shqip e Topi nuk po japin informacione te pavaruara ???
16 Mars 2008 @ 12:42 pm
Koth dhe te tjeret.. Ka informacione per nje skandal super te madh me armet ne Shqiperi… kjo merrej me mend, por po ju bej me dije qe eshte Ny Times dhe nje media shqiptare qe kane hetuar per 10 muaj me rradhe skandalin.. Ka detaje rreqethese qe do tregojne edhe pse Delijorgji, ishte i vetmi nenkontraktor shqiptare qe merrej nga firmat amerikane dhe pse punesohej pikerisht ai qofte per te paketuar arme qe dergoheshin jashte qofte per te cmontuar… etj etj
Nejse detaj jashte asaj qe dihet deri tani nje specialist ne fushe me konfirmoi se ne 6 muaj firma pergjegjese ka bere 18 milion euro me rreth 6 mije ton skrap (Plumb, bronx, hekur)… te cilat dilnin nga shqiperia permes maqedonise… Do ta konfirmoj shifren dhe do tju them… se sa eshte e vertete prej saj.. Po kam frike se eshte e gjitha e sakte…
Koth… cfare te thote vellai rruga per ne spitalin ushtarak nuk eshte rruge… Eshte e mbushme me buldozere dhe gropa…Se ka nja tre muaj qe eshte ne punim e siper… PO katastrofa eshte me tutje katastrofa eshte ne tentativen per ta fsheh te verteten… Atje ka pas adoleshente ne pune, ka njerez qe e deshmojne kete… ka pasur gra fshatare qe kane qene shumice dhe burra qe paguheshin per pese pare spec…
Dhe askush nuk kontrollonte si punohej….Ka deshmi njerezish qe thone se merreshin direkt nga rruga dhe viheshin te punonin dhe keshilla e vetme ishte te mos ndiznin cigare…
Hapni syte, duan tja hedhin pa lagur si ne 97 dhe si ne gjithe rastet e tjera kur e mbulun kete vend me gjak…
Peshku te hape peticion me kerkese dorehqje per kryeministrin dhe ministrin e mbrojtjes… Hapeni dhe nenshkruajeni…. Nuk duhet me i lene te bejne si te duan me ne…
16 Mars 2008 @ 12:45 pm
Llukan po ben perseritje…
Hudhni Delijorgjin ketu… Koth ti e kishe gjet… hidhe ta lexoje njerezia…
16 Mars 2008 @ 12:47 pm
Flet pronari i firmes shqiptare te nenkontraktuar nga amerikanet
Balkanweb
16/03/2008
Presidenti i firmës Përparimi sh.a. Mihal Delijorgji, e kontraktuar nga firma amerikane SAIC, jep disa të dhëna sesi punohej në firmë dhe çfarë dinte ai për ngjarjen e ndodhur ditën e djeshme. EKSKLUZIVE NEWS24 Version multimedial i ketij lajmi
Alba-Deniel, është firma shqiptare e kontraktuar nga firma amerikane që kishte marrë përsipër procesin e deminimit. Minimalisht, në firmë, gjatë ditës së djeshme, punonin të paktën 80 punëtorë. Sipas informacioneve të mbledhura, 5 prej tyre, deri në orën 22.00 nuk kanë dhënë asnjë konfirmim dhe nuk përgjigjen, mes të cilëve, edhe një cift burrë e grua. Ndërkaq, punëtorët, sipas burimeve, punësoheshin me 10 mijë lekë të vjetra ditën. Pasi kryenin një kurs trainimi, këta të fundit, fillonin menjëherë punën në repartet përkatëse.
Në dhjetor të vitit të kaluar, në baret dhe restorantet e zonës përreth uzinës, e cila është në pronësi të Ministrisë së Mbrojtjes, ishte vendosur një shpallje ku kërkoheshin punëtorë që do të paguheshin me 2500 lekë ditën. Pra, nuk ka qenë staf i specializuar për çminimin.
Por presidenti i firmës Përparimi sh.a. Mihal Delijorgji, për Gazetën Shqiptare jep disa të dhëna të tjera sesi punohej në firmë dhe çfarë dinte ai për ngjarjen e ndodhur ditën e djeshme.
Z.Delijorgji, firma juaj ishte ajo që ishte duke bërë ç’aktivizimin e predhave apo jo?
Po, ishte firma amerikane në bashkëpunim me firmën time. Ishin duke kryer ç’aktivizimin.
Nga sa keni folur ju me njerëzit tuaj, çfarë ka ndodhur që ka nisur shpërthimi?
Unë fola me inxhinierin teknik të firmës dhe ai më konfirmoi se shpërthimi i predhave ka nisur në momentin që punëtorët kanë qenë duke ngrënë bukë. Aty ka plasur një zjarr dhe nga zjarri ka nisur shpërthimi. Më pas ju e dini, predhat shpërthejnë të gjitha, marrin të gjitha një nga një.
Nga sa jeni në dijeni, nga çfarë është shkaktuar ky zjarr? Ndonjë cigare apo çfarë?
Këtë nuk mund ta them me siguri. Ndoshta cigare e ndezur, ndoshta diçka tjetër.
Sa punëtorë të firmës suaj ishin gjithsej brenda ndërtesës?
Ishin rreth 70-80 punëtorë të firmës sime.
Çfarë municioni ka qenë brenda në fabrikë?
Ka qenë municion artilerie, vetëm i tillë. Kanë qenë rreth 3 mijë ton municion. Kanë qenë predha nga 100-152 milimetra.
Prej sa kohësh punohej në këtë fabrikë?
Ka nja një vit që punohet, është demontuar nja 6500 ton fishekë dhe nuk ka pasur asnjë problem. I vetmi problem që mund të ketë ndodhur është që është një municion shumë i vjetër dhe ajo ka një veti që edhe baruti edhe djegoret që nga koha mund të kenë humbur rezistencën. Edhe mund të ketë ndodhur vetvetiu zjarri në momentin që është hapur një arkë.
Mendoni se ka pasur viktima?
Deri në momentin që pas zjarrit e deri tek shpërthimi, ka pasur një 10 minutësh kohë dhe njerëzit mund të jenë larguar. Edhe aty pranë është një ndërtesë e vjetër që mund të kenë vajtur për t’u ruajtur.
Kjo ndërtesë besoni se nuk është shembur nga shpërthimi?
Jo, jo. Në fakt, predhat aq sa janë të gjitha mund të hedhin në erë edhe Tiranën e jo më Gërdecin, por nuk janë të montuara djegoret që të kenë kontakt me tritolin.
16 Mars 2008 @ 12:48 pm
Prokuroria e Përgjithësheme ka ngritur grup hetimor që nga dita e djeshme ,15 Mars 2008 rreth ngjarjes më të fundit në fshatin Gërdec të Vores.Në perberje të grupit hetimor janë disa prokurorë ,oficerë policie dhe eksperte.Gjate ditës së djeshme janë marrë disa deklarime të personve që kanë qënë pjesë e kësaj ngjarje dhe që janë ndodhur pranë saj,persona të cilët ishin në gjëndje për të folur dhe mund të pyeteshin në spitale.Te dhënat e para janë mbledhur nga dëshmitarët e gjendur në spitalet e Tiranës dhe Durrësit.Eshtë mbledhur një pjesë e dokumentacionit,dhe pritet që të merren të tjera të dhëna që janë me interes për hetimin e kësaj cështje.Ajo që pritet është që grupi i ekspertëve ti afrohet vend ngjarjes ,pasi deri ditën e djeshme (e shtune )ka qëne e veshtire depertimi apo dhe shkuarja në vend ngjarje.Pritet që dita e sotme të jetë më aktive ,për te mbledhur më shume detaje rreth ngjarjes .Në keto kushte janë duke u ndërmarrë veprime për të hetuar cdo pikë të mundshme që i sherben hetimit të ngjarjes. Grupi hetimor drejtohet nga Prokurori i Tiranes Genti Xholi dhe zevendësi i tij ,bashkë me prokurorinë e Tiranës është duke punuar edhe Prokuroria e Durrësit .Mbledhjen e të gjitha veprimeve atje është duke e kryer Prokurori i Durrësit Arjan Ndoi. Cdo veprim po kryhet në bashkëpunim me policinë e shtetit.
Holta Zhiti
Zëdhënëse e shtypit
16 Mars 2008 @ 12:49 pm
Njoftim per shtyp
Policia e Shtetit siguron qytetaret se nuk ka me shperthime masive ne Gerdec
Drejtoria e Përgjithshme e Policisë së Shtetit siguron qytetarët në Vorë dhe banorët e zonave rreth saj se nuk ka më rrezik për shpërdhime masive.
Policia e Shtetit njofton se shpërdhimet në këtë zonë do të jenë vetëm sporadike dhe të nxitura nga ekspertët e xhenios.
Drejtoria e Përgjithshme e Policisë së Shtetit përgënjeshtron të gjitha informacionet e dhëna për shpërthime masive në këtë zonë dhe fton median të mos japi informacione të pakonfirmuara, duke krijuar kështu panik te banorët rreth kësaj zone.
Në këtë zonë aktualisht ndodhen drejtues të lartë të qeverisë shqiptare, si dhe rreth 1000 punonjës të tjerë që punojnë për cmontimin e predhave.
Policia e Shtetit në këtë rast fatkëqesie kërkon mirkuptimin e qytetarëve dhe mediave që të mos nxitohen në informacionet që japin.
Gjithashtu policia i fton të gjithë qytetarët se në dispozicion të tyre nga Policia e Shtetit janë vënë dy numra telefoni pa pagesë 126 dhe 129.
Drejtoria e Përgjithshme e Policisë së Shtetit
16 Mars 2008 @ 12:50 pm
Krasta Krau, nuk i heq nje presje fjales tende. Ketu fshihet nje e vertete qe e tmerron klanin e berishes. Po, Peshku ka mundesi te behet katalizator per te akuzuar keta kriminele. Peticionet nuk jane te mjaftueshme ama. Duhet menduar dicka. Mjafti ka shume ne dore nese kane “kellqe” per t`ju futur kesaj valleje…
16 Mars 2008 @ 12:51 pm
Per informacion nuk ka pasur vjedhje ne zone…. Asnje vjedhje… Eshte lajm i rreme… Ka njerez qe jane te interesuar te terheqin vemendjen… Mos u besoni ketyre gjerave… Neve do te na shpetoje dora keto dite dhe do nxjerrim edhe traplliqe… i neglizhoni… Kryesore eshte qe te dalin pergjegjesit e kesaj tragjedie dhe te vihen para pergjegjesise… Te kembengulim ketu
16 Mars 2008 @ 1:08 pm
O te dhjef,sha surratin moj Holta Miss Prokuroria !
Po si moj shtame na sjell kete idiotlluk ketu ?!
Grupi hetimor drejtohet nga Prokurori i Tiranes Genti Xholi dhe zevendësi i tij ,bashkë me prokurorinë e Tiranës është duke punuar edhe Prokuroria e Durrësit .
Nderpirtini te gjitha hetimet e tjera dhe coni atje Prokurorine e Krimeve te Renda dhe prokuroret me te mire qe ka Shqiperia, se me Rende se kaq nuk ka .
Uffff, Uffff !
Moj Ina, moj shtame balte !
16 Mars 2008 @ 1:09 pm
Tani Berisha me shoket ti keputin vendit Bomben Berthamore se gje tjeter nuk i ka ngelur pa bere ketij vendi.
Papergjegjshmeri totale, tragjeti e katastrofa.
16 Mars 2008 @ 1:19 pm
Kraste ,
kape kete nga faqja e internetit te Ministrise se Mbrojtjes se mund ta heqin se shpejt .
…Në këtë ceremoni foli edhe ambasadori i SHBA-së në Tiranë, John Withers II.
Projekti i Asgjesimit të Armëve të Rënda është zbatuar në bazë të “Marrëveshjes Teknike” midis Ministrisë së Mbrojtjes të Shqipërisë dhe Departamentit Amerikan të Shtetit, i cili i detajuar në programin e përbashkët me kompaninë kontraktore SAIC filloi zbatimin në maj 2007 dhe përfundoi në dhjetor 2007.
Në përfundim të këtij projekti u asgjesuan 2772 ton municione detare dhe të aviacionit, 5781 mina detare dhe bomba aviacioni, 307 silura, 39785 djegore dhe detonatorë, gjithësej mbi 46 mijë artikuj. Nga asgjesimi i municioneve u dogjën 701 ton eksploziv TNT, duke bërë të mundur të përfitohen 1875 tonë skrap për shitje dhe të reduktohen 11 grupdepo municionesh që nga Gjadri, Porto Romano, Kuçova, Pashalimani, Sazani dhe deri në Sarandë, disa prej të cilave ishin pranë qendrave të banuara dhe përbënin një rrezik eminent për banorët e tyre…
http://www.mod.gov.al/index.php?crd=0,0,0,0,0,1,Lng1
16 Mars 2008 @ 1:22 pm
“Na vranë oj none… na i sollën armët te dera e shtëpisë dhe tani nuk kemi më asgjë… Politikanët e kanë fajin, qeveritarët të gjithë, këta na kanë vrarë”.
E TMERRSHME, me duket ende e pabesueshme, si bomba e Hiroshimes. Jam shume e tronditur nga kjo ngjarje. Ngushellimet e mia per familjaret qe kane humbur njerezit e afert ne kete tragjedi. Shpresojme mos te kete me shume viktima. Fotot qe keni vene jane vertete shume te dhimbshme, flasin me shume se fjalet.
Une nuk e kuptoj si mund te heqe pergjegjesine nga vetja qeveria ne ate menyre? Ky ishte shperthimi i dyte i madh. C’eshte kjo tallje??? Po c’do me thene kjo qe Ministria e Mbrojtjes u morr me transportimin e tyre dhe pastaj ia la nje kompanie private??? Ku ia la kesaj kompanise??? Ne Hene??? Ca i la kesaj kompanise??? Thase me patate???
Me tmerroi ajo pergjigje e pyetjes se fundit qe dha ai fare Delijorgji:
“Në fakt, predhat aq sa janë të gjitha mund të hedhin në erë edhe Tiranën e jo më Gërdecin…”
Pergjegjesit duhet te vihen para pergjegjesise.
Plotesisht dakort me te gjitha shkrimet e Aiglon. Mjaft-i duhet te beje dicka per kete tragjedi. Ju lutem dilni ne rruge dhe percillni tere irritmin tone.
Shume faleminderit Koth, Krasta Krau dhe Ll per informacionet. Peshku eshte e vetmja faqe shqiptare ku mund te marrim informacione cdo minute.
16 Mars 2008 @ 1:33 pm
Njoftim i “Saliut dhe Mediut”
Kemi degjuar se ju peshqit doni te na dergoni para drejtesise gjasme per pasivitet e ku ta dijme ne;se ne kemi bashkepunim me mafien e armeve dhe kemi vene pasuri te papare me gjakun e bashkekombesve.
Natyrisht ne i pergenjeshtrojme tere ulurimat e peshqeve pa uje dhe te atyre te ujrave te embla e te krypura.Faji eshte i duhanit dhe tangerllekut qe kane shqiptaret per te pire duhan vend e pa vend.Shteti ka nxjerre edhe ligjin antiduhan e ka botuar ne gazeten zyrtare dhe “me rrove te rrova brisku i berberit.”Ju doni qe te kthehet e kaluara kur per tu futur ne depot ushtarake duhet te dorezoje mjetet ndezese dhe cigaret.Jo ne tashme jemi nje vend demokratik,kemi hapur vende pune mu tek dera e shtepise me 1000 leke ne dite…
Dhe tani besoj se do ta lini duhanin.Ne per te miren tuaj e kemi.
P.S. Duke u nisur nga pervojat e fundit qeveria do te krijoje edhe Ministrine e Ngushellimeve.Eshte prioritet i qeverise sone,prioritet…..qe do te na shpjere me shpejt drejte vendeve Euro A….
16 Mars 2008 @ 1:34 pm
Mjafti te mos perzihet me kete histori.
Ajo qe mund ti rekomandoj atyre cunave dhe gocave eshte :
te marrin kontakt me shoqaten e ish ushtarakeve dhe t`ju kerkojne qe keta te fundit te ngrene nje ekip ndihme xhenjere per t`ju ardhur ne ndihme forcave te ushtrise qe po krehin zonen.
Sa kohe qe qeveria nuk e ka kurajon t`ja u beje kete thirrje se nuk ka lene gje pa thene kunder tyre , atehere le te negocioje Mjafti.
Te mos u shkojne si Mjaft , por ne emer te dhimbjes se kesaj tragjedie te papare.
16 Mars 2008 @ 1:43 pm
Koth si nuk te shpeton gje o burre!
Po nga Ina se kuptoj ca lesh mund te prese njeri…
Ajo u vu aty per te bere kukullen (apo kukudhen??).
16 Mars 2008 @ 1:44 pm
a di ndonjeri nese eshte hapur ndonje llogari bankare per te mbledhur ndihma per te demtuarit? nese po, ju lutem na e beni te ditur. ka shume shqipetare e danez kendej, qe jane gati te ndihmojne, por nuk dine se si.
zoti i ruajt shqipetaret kudo qe jane.
16 Mars 2008 @ 1:51 pm
TV Klan dhe TCH censurojne konferencen per shtyp te Kryeministrit per situaten me te fundit nga tragjedia dhe ku njoftohen viktimat e reja.
TV Klan po jep film ndersa TCH Formula Uno !
16 Mars 2008 @ 1:51 pm
Kothere, kësaj here më ke pëlqyer më shumë se kurrë!
Djemtë dhe vajzat e mjaftit, t’ju bëjnë thirrje gjithkujt që ka kaluar shërbimin ushtarak në xhenio…. ose në POLIÇAN, ku me të vërtetë mund të gjejnë njerëz 100 herë më specialista se specialistët amerikanë për përdorimin e armëve dhe municioneve.
16 Mars 2008 @ 1:55 pm
he pra ate po shifja dhe une iqfudh formula dhe i film gjerman. Hallall, thash po e lan gjoben T-C. Travesti!
16 Mars 2008 @ 2:00 pm
Duke pare se sa keq doli mbreme ne konference ai me siguri do te kete kerkuar qe te mos transmetohet direkt. Kjo duhej te ishte nje dite zie. Topi e Klani po e kalojne sikur asgje nuk ka ndodhur, sikur jeta rifilloj normalisht, me filma e gara formula UNO. Urdheri u dha : nderroni faqe … censure politike per mendimin tim. Ajo gjoba disa milioneshe, sa shpejt qe e harruam qellimin e saj real
16 Mars 2008 @ 2:07 pm
Kryeministri ne konference shtypi:
Mbi ceshtjen e punetoreve te paregjistruar: Po, mund te kete pasur pasi sic e dini ky eshte nje problem shume i madh ne Shqiperi. (Kjo pergjigje e le hapur ndaj akuzes se firma s’eshte kontrolluar sic duhet, dhe si mund te lihet e pakontrolluar nje firme qe merret me nje ceshtje kaq te rendesishme????????)
Mbi ceshtjen e kontrates se firmes: Sipas te dhenave qe kam une nga Ministria e Mbrojtjes, Kompania ka bere kerkese per shtyrjen e afatit te kontrates, biles nje perfaqsues i kompanise do te vinte nga vendi i tij per kete ceshtje. (Kjo bie ne kundershtim me ate qe thuhet ne faqen e Ministrise se Mbrojtjes se “Projekti në fjalë, i nisur në maj të këtij viti dhe i finalizuar në dhjetor 2007, është detajuar në programin dypalësh me kompaninë kontraktore amerikane SAIC.”
Konferenca e plote do te hidhet ne faqe sa me shpejt.
16 Mars 2008 @ 2:12 pm
Llukan,
e lexove ate rekomandimin me siper ?
16 Mars 2008 @ 2:13 pm
Kryeministri thote qe kontrata ka qene me Southern Ammunition —- pra jo me SAIC e cituar ne informacionet ne Ministrine e Mbrojtjes. Mbase mendon qe SAIC eshte “Southern Ammunition”
16 Mars 2008 @ 2:16 pm
100 mije ton eksploziv, vetem 2 muaj shperthime te perdtishme duan, andej nga veriu me shume propabilitet, dhe ja ku u shpetume, na ngelen vetem fishekzjarret e vitit te ri.
16 Mars 2008 @ 2:17 pm
Dikush ti ruaj keto dokumente se mos ndodh si me kalimashin qe kontrat ne internet u zhduken…
16 Mars 2008 @ 2:21 pm
o Llukan po hiqe ate foton kryesore te asaj gruas se moshuar ne distres… Mos u beni dhe ju fare tani… e kam permendur dhe me larte..
Ti vije turpe edhe atij qe e ke bere kete foto…
Ajo grua plake eshte e shokuar ka nevoje per nje shishe uje dhe mbeshtetje jo ti besh foto….
Lihet nje grua plake ne mes te autostrades ashtu…
16 Mars 2008 @ 2:23 pm
Eshte nisur…
16 Mars 2008 @ 2:27 pm
O Leon,
Nuk mund te shprehet tragjedia e kesaj dite pa fotografi te atilla!!!!!!!!!!
16 Mars 2008 @ 2:29 pm
ate thashe edhe une me siper.. Shikon ate nene ne buze te rruges dhe te thahet zemra…Ajo e din se cpo heq..Ah mjerim, mjerim
16 Mars 2008 @ 2:32 pm
Lere foton rehat se eshte super, Leon !
Kete foto duhet ta shikoje me vemendje dhe Aklli dhe te me pyese nje here tjeter pse e theksova kete pikerisht tani . Bile do i rekomandoja ta pikturonte ne proze . Sepse jam i sigurte qe do prodhonte nje perle !
16 Mars 2008 @ 2:33 pm
Detonimet e fuqishme jane degjuar edhe ne Shkup. Shqiptaret e Maqedonise ndajne dhimbjen me viktimat e kesaj tragjedie kombetare
16 Mars 2008 @ 2:34 pm
C’fare fotosh llukan si lihet nje grua plake ne mes te autostrades dhe robte qe i ben foto???
Ajo mbase nuk di ku ndodhet ka humb njerezit e shtepise…
Vendos foto te njerezve qe dhurojne gjak.. Mjekve qe shpetojne jete njrezish…renea qe eshte fut ne mes te plumbave per te shpetuar njerezit..
Po rri tani se nuk eshte justifikim ky… do te vesh vetullat dhe nxjerre syte…
Ti tregojme botes sa kafshe robe dhe primitiv jemi…
Nejse, se kupton se c’domethene ajo foto per ne qe e shohim me syrin e jashtem, nuk te keshilloj dot..
16 Mars 2008 @ 2:37 pm
a di ndonjeri nese eshte hapur ndonje llogari bankare per te mbledhur ndihma per te demtuarit? nese po, ju lutem na e beni te ditur. ka shume shqipetare e danez kendej, qe jane gati te ndihmojne, por nuk dine se si.
16 Mars 2008 @ 2:41 pm
anna,
ja do interesohem une, por sot eshte e Djele dhe nuk di nese do jete e mundur. Sa te me bjere ne dore nje e dhene mos ki merak se do ta bej menjehere publike ketu ne peshk.
Ju lumte juve per solidaritetin !
16 Mars 2008 @ 2:44 pm
Po shihja videon e vendit te shperthimit ne Balkanweb dhe nuk u cudita aspak kur ne mes te germadhave dallohen 2 bunkere pothuajse te paprekur. E pabesueshme, cmenduria shqiptare dje dhe sot…
16 Mars 2008 @ 2:46 pm
Ajo nene me dhimbset shume
Keto foto e shprehin shume qarte tragjedine dhe permasat e saj. Kur i shoh keto foto ndjej dhimbje, pikellim, shqetesim, frike, zemerim, irritim, pesimizem…
16 Mars 2008 @ 2:49 pm
fotoja e gruas plake ne rruge mund te jete kudo, aktualisht, duke njohur muret anesore te autostrades do thoja qe eshte nje aksident rrugor dhe jo me shume, gjithmone ne rast se do identifikohej “nje problem” ne foto, sepse me shume plaka duket sikur po pret furgonin, gje qe ndodh rendom ne shqiperi.
16 Mars 2008 @ 3:00 pm
Sot doli e lajmi i fillimit te projektit te centralit atomik.
Moment i papare.
Lejini ne dore Berishes ndonje gje me te madhe per te shperthyer
16 Mars 2008 @ 3:01 pm
Llukan, pse ma hoqet komentin? Ku qendronte e keqja.
16 Mars 2008 @ 3:11 pm
ZMK HEDH NE GJYQ SHTETIN SHQIPTAR PER TE DEMSHPERBLYER TE DEMTUARIT E GERDECIT
ZMK konstaton me dhimbje ngjarjen tragjike të Gërdecit dhe solidarizohet me familjet e të vrarëve duke i shprehur atyre ngushëllimet më të sinqerta. Gjithashtu familjeve të të plagosurve i uron një shërim sa më të shpejtë ndërsa familjeve të dëmtuara materialisht i shpreh dëshirën e sinqertë për rehabilitim sa më të shpejtë keonomik.
Gjithashtu ZMK shpreh solidartietin me të gjithë punonjësit dhe specialistët që nën kushtet e një rreziku permanent po përballen me vështirësi të jashtëzakonshme për ti ardhur në ndihmë të gjithë banorëve të zonës.
Një përshëndetje të vecantë ZMK e shpreh për gazetaret femra të medias shqiptare që janë përballur me një sfidë të paparë profesionale duke krijuar një precedent të ri mediatik, ku janë femrat ato që kanë bërë gazetaren e luftës (sepse sipas të gjitha standarteve, raportimi në terren ka pasur parametrat e raportimit në luftë)!
ZMK tërheq vëmendjen se sipas normave juridike aktuale, dëmi i shkaktuar, pavarësisht cdo lloj rezultati hetimor, është përgjegjësi e drejtpërdrejtë e shtetit shqiptar i cili ka lejuar kryerjen e veprimeve të demontimit dhe shkatërrimit të lëndëve plasëse dhe municioneve në kushtet e rrezikimit të jetës së qytetarëve të vet. Për këtë arsye, ZMK konstaton se dëmi material dhe fizik është shkaktuar nga kryerja e veprimeve dhe mosveprimeve nga ana e shtetit shqiptar. Pavarësisht se dëmi është shkaktuar në mungesë të plotë të veprimit të qëllimishëm, dëmi është real, konkret dhe jashtëzakonisht i madh. Ai ka ndodhur dhe përgjegjës është vetë shteti shqiptar, sepse edhe vetë shërbimi i ofruar nga biznese private është i kontraktuar nga shteti për qëllimet e vetë shtetit.
Për këtë arsye ZMK i kërkon institucioneve qeveritare të shprehin publikisht marrjen e përgjegjësis së plotë për zhdëmtimin e viktimave si për rastet e vdekjeve, plagosjeve dhe vetë shkatërrimin e pronës.
Çdo punonjës apo familje të të dëmtuari në këtë rast duhet të dëmshpërblehet nga shteti apo kompanitë private përgjegjëse për shpërthimet të kontraktuara nga shteti (se kush mban barrën e dëmshpërblimit, kjo është një çështje që duhet të zgjidhet midis shtetit dhe kompanive private).
Trajtimi rehabilitues psikosocial është një detyrim urgjent i shtetit shqiptar prandaj ai duhet të sigurojë subjekte të specializuara në ofrimin e këtij shërbimi, në mënyrë të veçantë për personat e traumatizuar dhe sidomos për fëmijët që janë përbalur drejtpërdrejt me shpërthimet, panikun dhe çorientimet e mundshme gjatë kohës së kaosit.
Cdo banor i dëmtuar fizikisht apo psikologjikisht duhet të dëmshpërblehet nga shteti si përgjegjës i drejtpërdrejtë i dëmit të ndodhur.
Në vlerësimin e dëmit duhet të merren në konsideratë dëmi material që i është bërë objekteve private (banesave dhe lokaleve të biznesit) duke ofruar dëmshpërblimin apo rehabilitimin e drejtpërdrejtë (forma e dëmshpërblimit duhet të përcaktohet në marëveshje individuale apo kolektive me pronarët e objekteve përkatëse).
Një element shumë i rëndësishëm që duhet marrë në konsideratë në mënyrë shumë të qartë, është se pretendimi se “godinat janë të paligjshme dhe s’mund të dëmshpërblehet shkatërrimi apo dëmtimi i tyre” nuk funksionon në këtë rast.
Godinat edhe nëse janë të paligjshme, për shkatërrimin e tyre nuk shtë zbatuar proçedura ligjore e paralajmërimit të pronarëve të tyre për shkatërrim sipas afatit ligjor të përcaktuar çka e bën edhe dëmtimin apo shkatërrimin e tyre të paligjshëm. Gjithashtu, të gjitha godinat e konsideruara pa leje, janë në proçes legalizimi duke i konsideruar ato subjekte të një procedure njohjeje faktike.
Në vlerësimin e dëmit që i është shkaktuar pajisjeve dhe sendeve të tjera shtëpiake apo të pajisjeve dhe sendeve të tjera në objektet që funksiojnë për qëllime të tjera (biznese private) duhet të bëhet vlerësimi i drejtpërdrejtë i dëmit financiar dhe kompensimi duhet bërë në formë financiare.
Në vlerësimin e dëmit që I është shkaktuar automjeteve (të cilat kanë qenë në zonë të parkuara apo në ecje) shteti duhet që në marëveshje me kompanitë përkatëse të sigurimit të ofrojë zgjidhjen më optimale.
Në vlerësimin e dëmit që i është shkaktuar kafshëve shtëpiake, dëmi duhet të llogaritetet me çmimin e tregut të gjësë së gjallë (përcaktimi i çmimit është në kompetencë të Ministrisë së Bujqësisë, Ushqimit, dhe Mbrojtjes së Konsumatorëve).
Gjithashtu pjesë e dëmit duhet të konsiderohen edhe veprimtari të ndërprera me pasojë dëm material si pasojë e ngjarjes së ndodhur (psh kryerja e pagesave të pakthyeme për veprimtari të planifikuara në atë zone sic mund të ketë qenë edhe ceremonia e një martese).
Një element shumë i rëndësishëm që është në fokusin aktual të punës së Ministrisë së Mbrojtjes përfshin edhe bonifikimin dhe pastrimin e zonës nga të gjithë mbetjet e rrezikshme për të garantuar një jetesë dhe veprimtari normale në këtë zonë.
Në mënyrë të qartë dhe krejtësisht të njohur sipas ligjeve shqiptare (në mënyrë të veçantë sipas Kodit Civil) dhe të drejtës ndërkombëtare, duhet pohuar qartë nga vetë Shteti Shqiptar se ai është përgjegjës për shkaktimin e dëmit ndaj qytetarëve të tij dhe po ashtu është i detyruar të ofrojnë dëmshpërblimin e plotë material.
Për këtë arsye, Zyra për Mbrojtjen e Konsumatorëve, në kuadër të Ligjit aktual për Mbrojtjen e Konsumatorëve (Nr.9135, datë 11.9.2003) si dhe duke iu referuar apriori edhe Draft Ligjit të ri për Mbrojtjen e Konsumatorëve (I sapo miratuar nga Këshillimi i Ministrave), do të nisë në marëveshje me të dëmtuarit procedurat e përfaqësimit gjyqësor për të garantuar përfitimin e dëmshpërblimit në të gjitha format dhe përmasat e tij për të gjithë banorët e dëmtuar.
Për këtë arsye, ditën e Hënë, dt. 17 Mars 2008, ZMK do të paraqitet pranë Avokatit të Popullit për të marrë mbështetjen e nevojshme institucionale konform Ligjit për Mbrojtjen e Konsumatorëve dhe Ligjit për Avokatin e Popullit (Nr.8454, datë 4.2.1999, plotësuar me ligjin nr.8600 datë 10.04.2000, ndryshuar me ligjin nr.9398, datë 12.05.2005) .
Duke shpresuar se Shteti Shqiptar do të bëjë të panevojshëm një zgjidhje gjyqësore në favor të një zgjidhje jogjyqësore për të dëmshpërblyer plotësisht të gjithë të dëmtuarit nga kjo fatkeqësi, ZMK do të angazhojë paraprakisht të gjitha burimet e saj për të garantuar një zgjidhje gjyqësore sa më të sigurtë dhe të pëlqyeshme për palën e dëmtuar.
Me respekt
Altin Goxhaj
Drejtor i ZMKsë
P.S. ZMK për arsye të kësaj ngjarje fatkeqe, anulloi gjatë ditës së Shtunë 3 aktivitetet e parashikuara në Tiranë dhe Durrës me rastin e Ditës Ndërkombëtare të të Drejtave të Konsumatorëve që këtë vit i kushtohej ushqimit të papërshtatshëm për fëmijët. Një ndër aktivitetet e anulluara ishte edhe kinoforumi “Super Size Me” që do të shfaqet në javët në vazhdim.
16 Mars 2008 @ 3:12 pm
Nje nuse e re e vdekur 25 vjec , shtatzene e vdekur, e deklaruar si punonjese e Fabrikes.
Sipas llogjikes se qeverise kjo mund te kete qene specialiste e trajnuar per demontimin e armatimit te rende qe kishte sjelle qeveria komuniste dhe qe ky proces do nahapte rruget per antarsim ne NATO.
Nuk di si do e kete perjetuar kete fakt Kryetarja e Parlamentit qe i do kaq shume grate dhe perpiqet aq shume per emancipimin e tyre si dhe per integrimin e tyre ne shoqerine shqiptare.
16 Mars 2008 @ 3:29 pm
Ore njerez, eshte shume e thjeshte:
Bajram Kanani,nje ish ushtarak (i reformes se Berishes) i specializuar ne kete fushe deklaron: “Shpërthimi ndodhi, sepse punohej si në kovaçhanë e jo si në bazë ushtarake”
16 Mars 2008 @ 3:29 pm
krim krim nuk kuptoj ca te keqe kemi bere qe te meritojme kete fat. na thoni nese ka ndonje llogari ku mund te ndihmoje familjet ne nevoje.
16 Mars 2008 @ 3:32 pm
Kryeredaktori i TCH Sali Berisha paska ber lajme shum te mira sot
16 Mars 2008 @ 3:38 pm
po ju pse ju vjen cudi qe mediat censurohen
kur bie fjala me sha pronaret e medias jeni te paret
kur i vihet gjoba tch apo i priten dritat a1 te fundit
e pra kto jane mediat qe meritoni
16 Mars 2008 @ 3:41 pm
Berisha po fillon tja fus gradualisht Mediut
Po shkelzenit si do ti bej dalje nga kjo ceshtje??
16 Mars 2008 @ 3:52 pm
Pas gjithe ketyre tragjedive qe po ndodhin ne Shqiperi keto vitet e fundit ndodhet lufta e eger per para e MAFIES POLITIKE se TIRANES.
Natyrisht,Ne shqiptaret e thjeshte nuk dime gje se cfare behet me pasurine qe u krijua gjate 50 vjeteve dhe si shfrytezohet ajo.
Ushtria ka rene ne doren e blegtoreve dhe shteti ne doren e bujqerve.
Mbaj mend ne 1994-1995,thuajse cdo dite vinte nje avion i madh ne Kucove dhe largohej prape.Thoshnin se merte arme qe vinin edhe nga uzina e Policanit.Ku shkonin keto arme???
Shume gjera kane ndodhur qe ne nuk i dime dhe s’kemi per ti mesuar kurre.
Ata te ndyret-berisha,nano,topi,meksi,angjeli dhe shume te tjere duhet ta pesojne nje dite.Shpresoj ajo dite te jete sa me afer,per te miren e te gjitheve ne.
ZOTI U DHENTE FUQI ATYRE QE PO KALOJNE KETO CASTE TE VESHTIRA!
16 Mars 2008 @ 3:52 pm
Kane shkuar tani te vendi…kjo fabrike paska 6 muaj qe eshte ndertuar.
Kane gjetur dhe 4 kufoma te tjera deri tani. “Kam pare njerez te ndare ne dysh” thote njeri. Dolen banore te fshatit dhe thane qe aty punonin edhe femije nga 14-15 vjec e gra, njerez te pakualifikuar fare per ate pune.
Kane qene ne te zeze te punesuar nga fabrika thote Berisha. Fajin e ka privati gjithmone, se Ministria e Mbrojtjes u morr vetem me TRANSPORTIMIN, se c’behet pastaj eshte pune e privatit.
16 Mars 2008 @ 4:06 pm
TV Klan asnje deshmi nga banoret.
Ky TV eshte krejtesisht i manipuluar.
Linja e ashper manipulimi !
Skalionet OJF prane qeverise qe duan te monitorojne ne emer te viktimave problemet qe linden nga kjo menxyre.
Akoma asnje deklarim per masat qe ka marre prokuroria per hetimin e ngjarjes, vec faktit qe na solli ajo Miss Prokuroria qe hetimet i kane fillu njekohesisht dy prokurorite Tr dhe Dr.
Kraste,
se mos harrosh !
Mihal Delijorgji, ky presidenti i demontimeve eshte qytetar nderi i Gjirokastres.
Popull !
Ju kujtohet i here kur desh ra ai helikopteri i Xhoit te Nan