Ora e Arbrit dhe “profetët” e zymtë
Personalisht nuk kam qënë kurrë tepër i fiksuar pas mitit të Arbrit, në përfytyrimet fëmijnore të lashtësisë së kombit preferoja Ilirët. Arbrit më dukeshin si “underachievers”, që nuk e mbështetën krenarinë me veprat. Me gjithë shkëlqimin vetëtitës të Gjergj Kastriotit, të izoluar në 25 vjet, periudha e arbërit më dukej e vakët, dhe Arbëria e përçarë dhe e dobët, e pazonja t’u qëndronte osmanëve. Por po e quaj 17 Shkurtin “Ora e Arbrit” sepse po dua të shfaqem Tribal, e në qoftë kjo ndjenjë shenjë e pagdhendësisë, ashtu qoftë. Por them se të ngatërrosh civilizimin me sofizmat apo krenarinë kombëtare me tribalitetin janë njësoj gabim.
Po e quaj “Ora e Arbrit” sepse jam treguar i padrejtë me ta kur i kam vlerësuar aq dobët, sepse megjithë humbjen e lavdisë së dikurshme arbërit lanë pas diçka të mirë: shqiptarët, e një Zot e di sa krenarë jam për këta të fundit. Sidomos për Kosovën jam krenar sot, që më në fund u shfaq në hartat e botës e na mallëngjeu sikur mallëngjehet ai që papritur dallon në një turmë fytyrën e motrës që e dinte të humbur.
Zotërinjtë e shtypit metropolitan, buzë Lanës
100 vjet robëri zotërinj, 100 vjet ndarje ka vuajtur ky popull. Qindra mijra te vrarë, të interrnuar, të zhdukur, përdhunuar, sakatosur, degëdisur. Me sytë nga Shqipnia Amë dhe me buzën e plasur nga ultranacionalizmi më djallëzor që mbahet mend, ky popull ka të drejtë sot të gëzojë, të kërcejë dhe të dehet po të dojë. Zotërinj, si ju bëjnë gishtat të shkruani kështu? Shqetësimi juaj i molepsur me dëshirën për të qënë kontravercial shprehet më kollaj me një fjalë të vetme: Kontrapedal. Vallë vërtetë ju duken tribalë dasmorët e Prishtinës? Gëzojnë tepër primitivisht? Mos harroni që ishin po këta që ishin të parët që vuajtën atë që sot quhet “Pastrim Etnik”, a harruat zotërinj se kjo shprehje u formulua pikërisht më 1998 për të shprehur atë që po ndodhte në Kosovë. S’mbahej mend kur kishte ndodhur diçka e tillë më parë, madje as fjalë për ta përshkruar nuk kishte, Kosovarët vuajtën “Ethnic Cleansing”.
Këta që festojnë sot, që valëvisin flamujt e kuq të tribusë së Kastriotit ishin ata që nën thikat e përgjakura të Millosheviçit i morrën fëmijët në krahë dhe pleqtë në kurriz dhe kaptuan male për të shpëtuar jetën. Serbët ua grisnin Letërnjoftimet në kufi, dhe i përzunë nga votrat e tyre. As tribu nuk ishin më kur zbrisnin malet zbathur. Por qëlloi që gjysma tjetër e tribusë, megjithëse vuante orën e vet më të vështirë pas katastrofës së 1997, iu gjegj thirrjes, dhe at çapë bukë e ndau më dysh, e nën ato çati ku ishin katër u bënë tetë. Imagjino të mos ishim kaq tribalë, ndoshta do i kishim lënë shqiptarët e kosovës përjashtë, do ua vinim kufirin te thana, se ishim keq për vete. Apo jo?
Le t’i ulim ushtat e Don Kishotit, e tu japim ujë kuajve imagjinarë, relaksohuni. Mos u shqetësoni për ngjyrat e flamurit të shtetit të ri e aq më pak mos guxoni të zbehni lavdinë e këtij momenti historik me ogure të liga. Në disa nga shkrimet që u shfaqën në shtyp nga analistët e metropolit që përshkuhet nga Lana vihej re hëm mosbesimi i thekshëm ndaj kapacitetit të shqiptarëve të Kosovës për të ndërtuar një shtet model dhe një demokraci solide, hëm tendenca për ta zvogëluar rëndësinë e kësaj që u arrit më 17 shkurt, duke e vlerësuar të pavërtetë Pavarsinë e Kosovës.
Mustafa Nano:
“…Kosova nuk do të jetë de facto e pavarur), është megjithatë një shprehje e vullnetit europian për të mos lënë të tjerët (nënkupto: Rusinë) të futin hundët në punët e kontinentit të vjetër…Shqiptarët e Kosovës, ashtu si shqiptarët e Shqipërisë, madje më shumë se këta të fundit, janë të pastërvitur për të ndërtuar demokracinë e për të jetuar në demokraci. Shqiptarët e Kosovës dallohen qartazi për një mentalitet e qasje tribale në jetën e përditshme komunitare.”
Fatos Lubonja:
“…nëse do të gjykojmë nga festimi i djeshëm, shqiptarët e Kosovës, nëse do të ishin vërtet të lirë, nuk do të pranonin flamurin me gjashtë yje, por, sëbashku me shpalljen e pavarësisë, do të shpalosnin në Parlament flamurin kuq e zi. E kontradikta që buron nga ky kontrast besoj se do të shenojë kapitujt e ardhshëm të historisë së Kosovës dhe jo vetëm…rasti kosovar mund të kthehet në një bumerang për vetë projektin evropian, pasi mund t’i hapë rrugën një reaksioni zinxhir lëvizjesh nacionaliste e separatiste, ai është kundërshtuar jo pak në Evropë ose është trajtuar si një rast i veçantë.“
Uroj të jeni shumë, shumë gabim në këtë fjalinë e pjerrët Z. Lubonja. Së shumti jam i lodhur me këtë opinionin e bastarduar që Liria dhe Pavarësia e Kosovës ishin një Dhuratë nga Shtetet e Bashkuara dhe NATO. E them këtë sepse është rrënja e mendimeve të cituara më lart. Një Liri e falur, është më pak e vërtetë, gjoja e imponuar, në mënyrë Freudiane, e pamerituar.
Jam shumë mirënjohës për ndihmën vendimtare që dhanë ShBA dhe vende të tjera për çlirimin e Kosovës, por për asnjë moment nuk kam gënjyer veten se kjo festë do të ishte e mundur pa përpjekjet “against all odds” të UÇK-së, pa vetëflijimin, kurajon, gjakun, lotët, atdhedashurinë dhe Tribalizmin drithërues të shqiptarëve të Kosovës. Sepse zotërinj po të mos ishte për Dashurinë për Kosovën e Shqiptarinë që nënat kosovare i mëkuan çdo foshnje në djep, nuk do kishte asnjë lloj ndërhyrje ndërkombëtare në Kosovë. Liria nuk është asesi dhuratë, por burim legjitim krenarie kombëtare, po të mos ishte për shqiptarët e Kosovës, të jemi të sigurtë se vargonjtë do ishin ende të rëndë e të ftohtë sonte.
Shikojeni sot Luftëtarin e lirisë Hashim Thaçin dhe krenohuni me të zotërinj. Shiheni tribalistin dhe krenohuni me atë që mishëron këtë udhëtim të Kosovës për të cilin ky brez ka të drejtë të buzëqeshë deri në shtratin e vdekjes. Qëndron dy metra si Muji dhe shpall Kosovën Shtet të Pavarur, më në fund të vargonjtë u thyen. Shikojeni se pa këta kokëkrisur e pa bindjen e tyre të çartur, kjo ditë nuk do kishte ardhur kurrë. Nëse jeni skeptikë sot, nuk dua të imagjinoj sa skeptikë ishit kur UÇK ngarkonte mushkat me kallashët. Tash po e lëshojmë frymen si këngë, 100 vjet e kemi mbajtur. Po, po si Muji, se mu më pëlqejnë Përrallat e moçme shqiptare, edhe përralla qofshin gjej në to më shumë substancë se në gjithë çdo shkrujnë analistat e Tiranës. Lëreni ore këtë popull të qeshë se ka 100 vjet me fytyrë në hi! E të mos frigohet kush se do ketë raprezalje ndaj serbëve në Kosovë. Kush pati një gëzim të madh dhe i vajti ndërmend të vrasë?
Silleni brenda, jepini more ujë të lahet, shtrojini sofrën, thërrisni miqtë e të dashurit se kemi festë, thereni dashin më të majmë se u rigjet motërza e humbur.
Juve ju ka mbetur të kritikoni flamurin, që të gjithë e dimë se është thjesht formal? A ju ka rastisur të hyni në ndonjë odë kosovare? E mbajnë në mur flamurin kuqezi, ashtu siç në Tiranë do konsiderohej jashtë mode. Mos u tutni burra! Edhe në fushën e dizenjimit të flamujve ju jeni autoriteti ekspert? Ku e gjejnë mbështetjen ca njerëz të bëjnë sikur e duan Kosovën më shumë apo më mirë se Hashim Thaçi apo Fatmir Sejdiu? Cilët janë argumentat e kritikëve të Pavarsisë në këtë formë që erdhi? Pse qënka boll e mirë ta zëmë për Ramush Haradinajn, por s’ia mbush mendjen Nanos e Lubonjës?
Ora e Arbrit
A nuk ju duket pavend dhe pa argument teza e hedhur se Kosova do ta ketë të vështirë e thuajse të pamundur të formojë shtetin e vet demokratik? A nuk i ka dhënë provat disafish shoqëria kosovare që është një shoqëri e shëndetshme, që kërkon harmoni? Unë them po dhe po. Mjaft të kujtojmë si pas mbylljes me dhunë fizike por më tepër psikologjike të Universitetit të Prishtinës, arsimimi shqip vazhdoi, e odat u bënë klasa për studentët. Dija zotërinj është rrënja e Demokracisë, mos ia kini gajle Kosovës. Ajo po di me na trainu ne të Shqipërisë në leksione Demokracie. Mendoni se në Kosovën e Pavarur do kishin shanc për karrierë politike disa syresh që kanë bërë me kontrabandë nafte me Serbinë në kohë lufte, apo ata që ndoshta kanë pirë ndonjë xhin me Sllobodanin? Vështirë të ndodhë. Që nga nisja e rezistencës dhe kapitullimi i Millosheviçit, e gjatë 9 vjetëve shembullorë të arritjes së standarteve, 9 vjetët e bashkëpunimit të ngushtë dhe të fryshëm me ndërkombëtarët, ngritjes së shtetit nga rrënojat dhe hiri i luftës, besa e patjetërsueshme me amerikanët, tjetërsimi i tyre nga luftëtarë në udhëheqsa me popullin në mendje, e boll sende të tjera flasin se Lidershipi kosovar nuk është patetik si lidershipi i buzëlanës atje në Tiranën tash disi më provinciale. Udhëheqja kosovare është pragmatike, e kthjellët, patriote dhe energjike e tillë që kontraston fort me Mumjet tona politike që na udhëheqin qorrsokaqeve.
Nëse ka ndonjë mësim për tu marrë këtu, ne të Shqipnisë duhet të mbajmë shënim, së paku të nxëmë që ka ardhur Ora e Arbrit, më në fund. Faktori shqiptar u zgjerua, dhe bashkë me këtë lipset edhe një riballancim i dinamikave ndërshqiptare në Ballkan. Liria që rrezaton nga Kosova duhet të pasqyrohet në Shqipëri. Nuk kemi pse tu shesim mend shqiptarëve të Kosovës, çdo tu mësojmë, ç’shembull do u japim? Nihilzmin tonë patetik se do njeri. Jemi ne ata që shpresoj do shkunden mirë nga Pavarsia e Kosovës, që ta hedhim dhe ne zgjedhën tonë. Shqiptarët e Republikës së Shqipërisë duhet ti përgjigjen Pavarsisë së Kosovës duke bërë edhe ata një hap të rëndësishëm historik, t’i japin fund tranzicionit-kangrenë, që të mund të ngrejmë dhe ne të Shqipërisë kokën ca më lart e, mes vëllezrish të shihemi në sy.
Tani ka ardhur koha për të flakur psikologjitë e vjetra të nënvleftësimit të vetes, ka ardhur koha të çlirohemi nga komplekset që kemi se mos dukemi Tribalë. Ama shikoni ç’tribu e bukur jemi. Ca festuan me hundët të skuqura nga të ftothtët në Toronto, ca e skuqën Times Square në NY. E kush zemër shqiptare nuk u çua peshë, e cili sy nuk qau nga gëzimi? Urojini festën Kosovës, qeshni ca dreqi ta hajë. Se vetëm duke rënë rehat në lëkurën tonë, duke qënë të lirë, të bashkuar dhe me humor të mirë do ta bëjme Shqipërinë. Kini pakëz më shumë Besim tek shqiptarët zotërinj, dhe fare pakëz më shumë Respekt.
Blendi Salaj
peshkupauje.com
20 Shkurt 2008 @ 5:05 am
Blendi Salaj jo vetem Tribal po edhe humor sjell me tribin e peshqeve, ata/ato peshqit jane pothuajse ne karakteristikat e tibit me gridje dhe perqasje ndonjihere me teper se tribe, po ashtu nen emrin ‘peshku pa uje’ lehteson mentalitetin akademik nga komplekse teorike, per t’u bere cilesor ne gjuhen e kohes plot drame, qe aq shume nevoje per humor ka.
S’duhet te jesh akademik te jesh bij/bir i nje Shteti te Ri, mund te jesh sa shume si gjithe ata Kosovar-Arber qe festojne ne festen me te madhe per kombin e lire te tyre Shqiptar.
Dashuria e festes ka aq shume te jap jo vetem tek te urtet dhe luftetaret, por edhe ngaterrestaret qe dashurine e keqkuptuar kane rastin t’a takojne mes ketyre momenteve.
Pjesa e ‘akuariumit glob toksor’ qe jetojne peshqit eshte te notoj i lire dhe jo per taven e kujtdo peshkatari te ketij globi akuarium.
20 Shkurt 2008 @ 5:34 am
Blendi
Fryma e shkrimit tend eshte plotesisht e drejte. Shqiptaret duhet te jene optimiste dhe mendjekthjellet se u jane afruar kohe te nderlikuara. Them te nderlikuara, se jam i bindur qe te veshtirat i lame pas. Flamuri, stema, vula, himni jane gjera qe do vijne me pas. Per fat, si rrallehere eren e kemi pas, po ecim ne drejtimin e mbare,direket po na mbajne e tani duhet te perqendrohemi vetem tek timoni. Kur te bjere bunaca, do ulemi e do merremi me hartat e me flamuret.
Kosova rilindi dje e s’mund te pyetet femija i sapolindur se cfare do behet kur te rritet, ku do ti gjeje leket per universitet dhe a i pelqen ti kete dashnoret bjonde apo brune. Ajo qe te gjithe e dime eshte qe ky femije ka lindur ne kohe te veshtira dhe ne lagje te keqe. Le te perpiqemi te gjithe ti japim nje dore dhe ta rrethojme me dashuri, pa e paragjykuar (se as ne nuk na pelqen kur na paragjykojne, dhe nje Zot e di sa na kane paragjykuar) me shpresen se do te ece perpara. E po qe se larg qofte nuk ecen, prape faji do te jete i joni, dhe kopili po i joni do te jete.
Sa per analistet e gazetave shqiptare, mos e vrit shume mendjen o Blend. Shume prej tyre jane kaq te shkeputur nga realiteti, ose mbase nuk kane qene kurre te lidhur me realitetin sa te ze e qeshura, e po te mos kesh halle te tjera, edhe e qara. Ato ne vend qe te dalin e te shohin se c’behet ne mehallat e tyre e ne mehallat e botes, jane mbyllur zyrat e gazetave dhe te politikaneve e u bejne ketyre te fundit analizat e shurres, per te parashikuar kush eshte sot ne krye e kush do jete neser.
Ndaj dhe shkrimet e tyre shpesh qelben si ato halete e plazhit ne kohen e Enverit.
E meqe dolem prape te Enveri se s’na ndahet lugati, te kujtohet kur vdiq udheheqesi mo? Te kujtohet si qanin i madh e i vogel ” si do bejme tani pa Envere?”, “kush do na udheheqe tani?” e kush do na mbroje nga armiqte tani qe vdiq komandanti?!”. E ja ku jemi, gjalle akoma, me mire se c’kemi qene e me shpresen e madhe se edhe me mire do jemi.
E na qofte per hajer!
20 Shkurt 2008 @ 5:34 am
Shkrim i goditur.
Flamuri kuq e zi qe valvitej ne Prishtene kete te Diele,kishte ate shfaqen qe ka pasur kur eshte Valvitur ne Krujen nga Skenderbeu dhe ne Vlore ne Pavaresi nga Ismail Qemali.
Pa frike, ti tregonin botes kush jane, e ne te njejten kohe prap partner e pranus per standartet e pavaresise.
As e mendonim se Kosovaret do clironin veten nga serbet ne 90ten, po jo vetem e bene po sot shpallen dhe shtetin e tyre, e mos te kesh besim te ata?!
Kosova, aty ku lindi Lidhja e Prizrenit, e levizia per pavaresi, jo vetem fitoi pavaresine e saj, po ktheu balancen historike te faktorit shqiptar ne ballkan.
Neser shqiptaret do ta ndiejn veten me te forte e me me krah, e me te gjere ne rajon, e po keshtu me te forte e me te pasur, e brezi i ri do kete tjeter psikologji.
Kthese e madhe per gjithe faktorin shqiptar, moment historik, nje faktor shqiptar teper i fuqishem ne ballkan.
….Media…e…Bllokut…
Media jone eshte e papergatitur per kete moment historik.
Mjafton te lexosh shkrimet e ndryshme ne gazeta e shikon disnivelin midis momentit historik e nivelit te shkrimit e te kuptimit nga media-xhinjte.
Trazicioni coi ne siperfaqe njerez te rastesishem, e shumica e atyre qe perbejne mediaxhinjte , jane jashte cdo niveli , qofte per demokracine e kapitalizmin, e nevojen qe do koha, dhe aq me teper po ti krahasosh per ngjarie te tilla hisotrike.
Madie media jo vetem nuk ka qartesuar shqiptaret per kohen ku jetojme, per demokracine, po nga mosnjohja e rastesia e dilentantizmi i ka trazuar e ngateruar me shume , e cdo shkrim nje ngateres me teper.
20 Shkurt 2008 @ 5:39 am
E vetmia gje eshte qe shqiptaret te shfrytezojne momentin historik, te kuptojne ca mundesi te medha u jep koha, e te marin maksimumin nga to, e mos te harxhojne kohe me negativizma e zhgaravitje media-xhinjsh.
Edhe media po te qe ne nivel do shtronte mundesit qe hapen, e shtynte per ti shfrytezuar ato, e mos meret si kjo sot, qe ben ca zhgaravitie negativiste snobiste ne ‘murin” e pallatit mediatik.
20 Shkurt 2008 @ 5:53 am
Nje gje qe nuk po kuptohet, apo qe kane frike ta thone me ze te larte ne Tirane, eshte se Kosova nuk cliroi vetem veten por cliroi edhe pjesen tjeter te Shqiperise. Nje nevoje absolute per ta riformuluar krejte skenen politike, prioritetet ekonomike, kulturore apo sociale. Shqiperia dhe Kosova e kane shumatoren me te madhe se secila e marre vec e vec.
20 Shkurt 2008 @ 6:11 am
Thjesht shqiptaret e kosoves kane ndryshuar balancat ne ballkan, e peshen e fuqine e faktorit shqiptar.
Nuk do kishte mundesi as amerika apo europa po qe se shqiptaret e kosoves nuk do mirnin ate risk te madh ne 90ten, e madie ne kohen ku ne ishjugoslavine qe bere kerdia, e te shtynin proceset para.
Po te rinin ata urte,ne ndonje bllok prishtine me shkrime e kritika, asgje sdo qe bere.
Nje pjese e medias flet akoma apo mendon, nga pozitat e balancave ne kohen e ishjugosllavise, apo te serbise se madhe,apo nga bataku i pafuqise e mungeses se dijes e vizionit e rastesise trazicioniste etk, akoma pa kuptuar kohen, e as pret qe ti paraprine asaj, se i mungojne shume gjera.
Trazicioni e rastesi cnuk nxori .
Eshte per te pergezuar Peshku Pa Uje e Interneti e gjithe kjo mundesi e re komunikimi, qe u jep mundesine qytetareve te flasin, e ne shume forume shikon shkrime e debate teper cilesore nga ato qe shikon ne mediat shqiptare.
20 Shkurt 2008 @ 6:31 am
Blend, rrofsh. Nuk ndaj me ty krenarine as per iliret as per arbrit (keshtu ne abstrakt, ne pergjithesi them), por s’mund te mos jem dakord per kritiken ndaj Nanos e Lubonjes.
Anglishta ka nje shprehje te madhe: “those who can’t, teach”. Keshtu me duken dhe Nano e Lubonja, qe ne pamundesi te ndjejne ne shpirtin e tyre kenaqesine femijenore te nje emocioni kaq te papershkrueshem sa pavaresia, fillojne e japin leksione per te ardhmen vetem nje nate mbas festes.
S’e kuptoj pse duhet te jemi tani, sot, kaq skeptike ndaj te ardhmes se Kosoves, a thua se po pret njeri qe Kosova te rishpike rroten. “Çështja më e rëndësishme sot është se cilët do të jenë kapitujt pasardhës,” shkruan Lubonja. Jo vella, çeshtja me e rendesishme sot eshte se Kosova eshte me ne fund e lire. Jeta e nje vendi ka rrjedhen e vet, dhe sot e ardhmja duket miliona here me e ndritur se c’dukej para pak kohesh. S’kemi pse dyshojme te nesermen, kur e sotmja eshte jashtezakonisht e bukur.
“Shqiptarët e Kosovës dallohen qartazi për një mentalitet e qasje tribale në jetën e përditshme komunitare… Të gjithë folësit, në kapardisjen e ngutin patriotik për t‘i bërë homazh Ibrahim Rugovës e Adem Jasharit…,” shkruan Nano. Pak reflektim do i kishte treguar Nanos se çdo komb ka baballaret e vet, tribute e veta themeluese. Italia ka Garibaldin, Franca ka Napoleonin dhe Zhandarken, Amerika ka “founding fathers” (baballaret themeluese). Edhe Kanadaja, kombi me pak komb ne bote, i numeron vit per vit ndertuesit e kombit. (Televizioni publik, CBC, vendos reklama per promovimin e trashegimise cdo dite.) Te nderosh simbole patriotike, qofshin keto familje apo individe, eshte thjesht nje nga elementet e ndertimit te nje kombi. Kombi eshte nje “komunitet i imagjinuar” shkruan Benedict Anderson. Dhe keshtu jane te gjithe, si ato “tribale” ashtu edhe ato “moderne”. Me fjale te tjera, pa tribu themeluese nuk ka komb. (Dhe pa komb nuk ka bote moderne, nje fakt ky qe ve ne dyshim krejt dikotomine tribalizem-modernizem te Nanos.)
Keto persiatje ne dukje kritike jane thjesht shprehje te varferise intelektuale ne Shqiperi, sidomos persa i perket botes jashte. Si Lubonja, si Nano jane nga analistet me te sakte te tregut shqiptare, por ne nje treg tjeter, dhe sidomos persa i perket Kosoves, jane te dy nen mesatare. Nano thote, pa menduar, qe Kosova duhet te evitoje gabimet qe ka bere shteti shqiptar. Them pa menduar, sepse po t’i hedhesh nje sy historise se Kosoves keto 100 vjetet e fundit e kupton menjehere qe krahasimi nuk qendron, qe Kosova do te kete krejtesisht sfida te tjera nga ato tonat. Madje, mjafton t’i hedhesh nje sy historise se ketyre 20 viteve te fundit.
Dhe ne fund, e ke mbyllur mrekullisht, Blend. “Kini pakëz më shumë Besim tek shqiptarët zotërinj, dhe fare pakëz më shumë Respekt.” Respekt, fjala kyce. Ah sikur kjo elita jone te kishte pak me shume respekt per popullin e gjere…
20 Shkurt 2008 @ 7:11 am
Pergezime per shkrimin!
Sa per gazetarucet e memedheut, c’te thuash?
M. Nano perpiqet te shpalose sa me shume fodullekun. E ku ka shans me te mire te jesh kunder-rryme se sa ky i Kosoves.
Ndersa Lubonja, tashme u ka faturuar shqiptareve burgun e vet. Si rrjedhoje, shqiptaret jane sterre, ata nuk meritojne as nje fije merite historike, si ne rastin e mbrojtjes se hebrenjve, apo ndone shprese per te ardhmen, si ne rastin e Kosoves.
Megjithate, kjo nuk eshte elita, por edhita hypur sot maje plehut.
Elite eshte Kadareja, qe di ta vere emrin e penen ne sherbim te popullit te vet.
20 Shkurt 2008 @ 7:32 am
Te zgjidhesh ne mes shqiptaresh e te thuash kush eshte me pak apo me shume shqipetar, gabim, ata jane njelloj si bij shqipesh, por jo te gjitha shqipet jane njelloje, njeri eshte me i mire se tjetri, por jo gjith kohes, njehere njeri dhe njehere tjetri, mjaftone te jene, se sa te mos jene. Ne kemi nje trashigimni si shqipetar dhe jo te gjithe bejne te njejten gje me kete trashigimni, kjo shtone ne bukurine tone.
20 Shkurt 2008 @ 8:31 am
Shkrim shume i bukur Blendi, pergezime.
Une jam datlindja e 82 shit dhe mund ta them me plotegoje se brezi im jemi brezi i tranzicionit, i tranzicionit social, i tranzicionit politik, dhe i tranzicionit ekonomik.
Por qysh nga data 17 shkurt ne u beme gjithashtu brezi i tranzicionit historik.
Nese tranzicionet e larte permendur kan nje tingull negativ, i vetmi qe na jep shprese dhe pozitivizem eshte tranzicioni historik.
Fillimi i viteve 90 kur gjithcka filloi nga e para na gjeti 8 vjec, viti 1997 kur gjithcka rifilloi prap nga e para na gjeti 15 vjec.
Gjithcka po rifillon prap per ne ne moshen 25 vjec por kesaj rradhe nuk po degjojme me “Poshte Diktatura” dhe ” E Duam Shqiperine si gjith Europa”. Nuk po therrasim me as ” Duam paret tona” por po therrasim “Rrofte Shqiperia” dhe kjo na jep zemer, dinjitet dhe kurajo per kete rifillim te ri.
Nuk po shikojme me rrezime bustesh, firma piramidale dhe shtet te thyer, por po shohim mijra flamuj kuq e zi qe valviten dhe fytyra te qeshura shqiptaresh dhe kjo na jepe shprese dhe na mbush zemrat me gezim.
Kasandrat dhe Ogurzite nuk na kane munguar, ato ishin aty me 1444, me 1912, dhe me 1999 dhe mesa duket vazhdojne te jene me ne dhe me 2008.
Bota perendimore po i mbush faqet e gazetave me urime dhe fat per popullin tone, nuk me hiqet nga mendja fjalia e Bernard Kushner botuar ne NY Times, ai tha ” Kosovo’s Independence is a Victory of Common Sense”
Ta gezojme lirine ta gezojme te ardhmen, keto duhet te jene fjalet ne gojen e cdo shqipetari sot. Kush flet ndryshe nuk eshte gje tjeter vecse nje Ogurzi.
Rrofte Populli Shqiptare, Rrofte Shqiperia, Rrofte e Ardhmja Jone.
20 Shkurt 2008 @ 9:34 am
Cfere te thush..?!Ne nje fare menyre eshte e drejte ajo qe veren z.Lubonja, flamuri kosoves nuk ka as nje lidhje me flamurine e shqiperise ate flamur qe deri dje ushtaret e Uçk e valevisnin dhe e mbanin ne kapelet e tyre.Ate flamur qe deri minutat e fundit valeviste ne rruget e prishtines. Kjo gje kuptohet qe eshte ne nje fare menyre e imponuar, per te treguar qe ne nuk kemi as nje lidhej me shqiperine e madhe,mirepo nuk duhet harrur qe kosovaret kane lidhje me shqiperine…Vertet ata u ben shtet i ri, por ata kane nje origjine te vjeter, nje identit si komb i cili eshte i lidhur me ate flamur me ato simbole qe sot i mban dhe shiperia.
20 Shkurt 2008 @ 10:28 am
As nje presje nuk i hiqet ketij shkrimi. Ketyre te tiranes ia ka marre mendjen bota dhe paraja. Por le ta dine se Kosova do te jete Piemonti shqiptareve. Behuni gati burra per nje referendum pas ja 5 vjetesh.
Shqiperi Etnike!
20 Shkurt 2008 @ 10:40 am
Per mendimin tim asnje nga palet nuk ka gabim( me perjashtim te tonit te perdorur nga z. Lubonja). Blendi me te drejte sheh anen e bukur e 17 shkurtit.FESTEN. Jo vetem per Kosoven por per te gjithe shqiptaret kjo dite eshte nje dite feste. Eshte rilindja e dyte e shqiptareve por kete here eshte rilindje e fituar me gjakun e heronjve kosovar. Nje mbi te gjithe ADEM JASHARI. Nga ana tjeter opionistet te famshem dhe jo jane te projektuar drejt te ardhmes e cila pa dyshim shfaqet e mbushur me pikepyetje si per cdo shtet te ri qe kalon periudha transizioni. Vizioni i tyre eshte vizioni i te gjithe vendeve perendimore madje edhe i vendeve qe menjehere pranuan pavarsine e Kosoves si nje akt legjitim. Gjeja e vetme qe mund te bejme ne eshte te presim dhe ti japim shansin popullit kosovar ti tregoje botes se sa i afte eshte per te ndertuar nje shtet demokratik. Te presim para se te gjykojme dhe te jemi te gatshmen te ndihmojme nje shtet te cilit historia i ka mohuar shume.
20 Shkurt 2008 @ 10:40 am
Mos e diskutoni” konfiguracionin” e flamurit pasi pavarsia eshte rezultat i koncepti me te gjere te bashkejeteses,larg nacionalizmit ….e rendesishme eshte qe Kosoven e dominojne Shqiptaret te cileve u jane dhene mundesite te gezojne lirine e tyre te fituar me gjak,dhe te mendojne ndryshe nga Serbet per sa i takon vlersimit te minoriteteve.
Shqiptaret e kosoves e ndjejne me shume se cdo shqiptar,gezimin e pavarsise sepse pesha me e madhe e roberise kane qene ne shpatullat e tyre dhe ne shpirtin e tyre
…..per ne Kosova eshte nje motor qe mban gjalle patriotizmin dhe vlerat kombetare,pa Kosoven keto vlera do te zveniteshin.
Sot eshte zgjuar me shume se kurdoher ndjenja e madhe e patriotizmit shqiptar te njerzeve te thjeshte,nje patriotizem real i hapur,krenar dhe dhe dinjitoz.Shqiptaret ndjehen shume me afer me njeri tjetrin!
Ky patriotizem fatkeqsisht nuk reflektohet dhe nuk eshte reflektuar si duhet nga “lart” nga “kollaret”-ndoshta 17 shkurti po i zgjon nga gjumi letargjik,17 vjecar.. c`fare i mungon?
Kosova sot ka ndryshuar faqen historike edhe te Shqiperise. Sot fati i Kosoves eshte dhe fati i Shqiperise!
Nuk ka kthim mbrapa,Kosova eshte pjese e Shiperise ,gezimi dhe hidherimi ne cdo aspekt do te jete i perbashket..Fati i kosoves do te jete dhe fati i Shqiperise! Sot vemendja ndaj Kosoves per shqiperine do te jete nje detyre,nje obligim pa me te voglin dyshim!
20 Shkurt 2008 @ 10:56 am
Jam i ndare ne mendimin tim. Blendi ka tejet te drejte kur thote qe dy analistet e mesiperm duhet te kene me respekt por nga ana tjeter, dhe ata kane te drejte qe duhet te jemi te kujdesshem se e ardhmja nuk eshte aq e thjeshte per Kosoven. Por, fatkeqesisht ata e kane shprehur kete me nje arrogance te pafalshme per nje gazetar e krejt ne stonim me “inteligjencen dhe finesen” e Veton Surroit. Dhe ai i pranon sfidat, por ama kurre duke shperfillur rendesine e castit :
http://www.gazeta-shqip.com/artikull.php?id=37084
Besoj qe festimet nuk duhen prishur. Por ama per peshqit qe drejtojne anijen ne Kosove, te jeni te sigurte qe 17 shkurti eshte pjese e se shkuares. Tani, shpresoj, ata shohin perpara per te siguruar nje te ardhme sa me te denje per kete shtet te ri te sapo krijuar. Vete Hashim Thaci e tha ne parlament me dt.17 :
Kosova, në vitet e ardhshme, do të përballet me shumë sfida.
Por, asnjë sfidë nuk do të na zmbraps nga ecja jonë përpara në një frymë të bashkuar të një populli të bashkuar.
Sfidat tona, që nga ekonomia, arsimi dhe shëndetësia, infrastruktura dhe integrimi evropian, janë sfida të mëdha, por nuk mund t’u bëjnë ballë frymës pozitive të qytetarëve tanë dhe fatit tonë.
Ke te drejte Blendi, e marrte e mira e marrte, nje here ne histori vjen nje dite e tille. Une jam POPULL e si popull dua te festoj, dua te jem i dehur e i papergjeshem, i lumtur pasi me ne fund, historia po tregohet e drejte me ne.
20 Shkurt 2008 @ 11:13 am
Sesi më vjen të analizoj analistët…mendoj gjithësesi se dhe po s’gëzuan dot nga ngërçi analistik, duhet të shohin atë çka përfaqëson kjo pavarësi e Kosovës: një ngjarje historike të rrallë! Ngjarje që i jep shpresë, jo vetëm Kosovës, por dhe Shqipërisë vetë. Sa herë u ka shkuar mëndja që kjo do të ndodhte, në një rajon me kaq shumë lëvizje separatiste siç është Evropa? Gëzimi i ashtuquajtur tribal që pushtoi gjithë rrugët e botës të djelën që shkoi ka qënë nga gjërat e pakëta që më ka bërë të ndihem krenare për emrin “shqiptar”. Madje kurrë s’kam qenë aq krenare për mënyrën paqësore e të qashtër si u shpreh ai gëzim i pamatë. Dhe para gëzimit, u ndjeva krenare për “tre mosketierët” e Kosovës, që s’kanë asnjë mësim për të marrë për çështje politike, sepse 17 Shkurti flet vetë. Dhe sidomos nga Mustafa Nano, i cili nga fryma “skiç” e shkrimeve të tija s’duket ta zotërojë këtë artin e vyer të diplomacisë dhe nëse Zoti, apo natyra, apo Partia s’i kanë dhënë mundësinë të zotërojë ndonjë të vërtetë. Dhe u ndjeva krenare që krerët e Kosovës folën dhe sërbisht në Parlamentin e Kosovës, dhe që shpalosën atë flamur, dizajni i të cilit, s’rri dot pa thënë se më ngec në fyt , sepse këto janë shenja pjekurie politike, sinjale për perëndimorët të dëshirës për të bashkëpunuar me ta. Dhe u ndjeva po ashtu krenare që Kosovarët nuk harruan të kujtojnë figurat e asaj lufte të gjatë, gjë që mbase duhet të kujtojë ndonjë lloj sjellje më pak nihiliste, nëse gjithë s’arrin të ngjallë respekt tek mozotmakeq analistët tanë.
Falemnderit, Blend!
20 Shkurt 2008 @ 11:56 am
Blendo, respekt!
Ah sikur te ishin te gjithe te majtet si ju
20 Shkurt 2008 @ 12:06 pm
Eshte nje shkrim shume i mire!Biles kam ne mendje edhe disa pyetje idiote qe gazetaret tani i benin udheheqesve kosovare ne transmetimet online dhe pergjigjet etyre mjaft te kujdesshme,inteligjente dhe te matura,psh nje pyetje i behej Thacit online se kush shtet e njohu i pari Pavaresine,dhe pergjigja e tij ishte mjaft diplomatike,pak a shume “Ju e dini,-tha,ne edime, populli shqiptar e di,madje e gjithe bota e di se KUSH e njohu (konferenca zhvillohej fill kur pritej njohja pas njohjes nga SHBA-ja,Franca,Britania.
20 Shkurt 2008 @ 12:10 pm
ah,me kujtohet edhe nje episod tjeter,nje pyetje e Sokol Balles drejtuar Jakup Krasniqit;”mund te na tregosh nje sekret te vogel tani i tha se kush e shkroi deklaraten e pavaresise?! Pergjigja e Krasniqit ishte vertet per t,u mos u harruar,’Historia plot sakrifica e shqiptareve-tha,vuajtje dhe aspirata shekullore,Ne na u desh thjeshte ta hidhnim ne leter”
20 Shkurt 2008 @ 12:14 pm
Ndersa me beri pershtypje nje pyetje-koment teresisht pa vend dhe provokativ per te mos thene me shume i Reis Cicos tek Klani drejtuar nje analisti shqiptar ne Bruksel,’Dmth-tha-vetem orodokset nuk e kane njohur shtetin e Kosoves eee”???!!! Shume provokative,sepse ky zoteria lendon ortodokset shqiptare dhe rreshtohet ne te njejten llogore me ekstremistet megallomane greke qe pompozojne tezen se ortodokset shqiptare jane greke.Ne fakt duhet theksuar se ky gazetar i perket epokes se janullatosit
20 Shkurt 2008 @ 12:23 pm
Perfundimisht pasi ndoqja tere kete manifestim fitoreje ne Prishtine,tirane dhe akoma me shume ne te gjithe qytetet e botes ku jetojne shqiptare,nje deshmi e fuqishme shprehjeje aspiratash te kerkuara,patriotizmi,civilizimi etj kam krijuar bindjen eplote se politika zyrtare e Shqiperise se ketueshme ka qene dhe eshte shume larg nivelit mesatar te bashkekombasve te tyre.Jo vetem kaq por ajo cka duket si drita e diellit eshte fakti se ekonomia e ketueshme qendron ne kombe vetem si rezultat i mbeshtetjes qe japin bijte e shqipes kudo qe ndodhen.Keto ketu vetem sa dine t,i vjedhin.
Sa per komentatoret e medias qe citoni mund te them se jane edhe ata tashme produkt i kesaj dinamike,ndersa jam shume i bindur se asnjehere nuk e kane patur idene apo konceptet baze se si mund te arrihej Pavaresia.
20 Shkurt 2008 @ 12:30 pm
Nje shembull se sa aktiv po shfaqen shqiptaret.Dje gazeta “corriere de la sera” kishte hapur nje sondazh “A mendoni ju se shpallja e pavaresise se Kosoves do sjelle destabilizim ne Ballkan?!” rezultati i fillimit ishte jo ne favorin e shqiptareve por ne rezultatin ne vijim dhe ate perfundimtar arriti 79% ne favore te Pavaresise si nje gje shume normale dhe qe nuk sjelle asnje trazire.
Kjo tregon ne njefare menyre edhe shkallen e larte te te qenurit aktiv te shqiptareve dhe gjithashtu duhet shtuar edhe ne nivele te larta.
20 Shkurt 2008 @ 12:46 pm
Me pyeten dje se c’mendoja per Kosoven e nje dite me pas. Pastaj me pyeten se si i mendoja marrdheniet mes Prishtines dhe Tiranes. Pastaj edhe per flamurin blu me te harte te verdhe. Pastaj edhe per mundesite kosovare per mevetesi te vertete…..
Po ne deje me vlonte akoma shkrirja e -6 gardeshit te se dieles se 17 shkurtit ne Vlore, kur nuk rrija dot paveshtruar me admirimin me te madh qe kam ndjere per qytetin tim, kur shihja flamujt kuqezi te shtoheshin e valviteshin sheshit te Flamurit. Nuk e shkeputja dot perqendrimin nga stendat e medha “Vlora e pavaresise per Pavaresine Kosoves”; as nga nxjerrja ne ballkonin e shtepise ku u ngrit flamuri te fotos ku Isa Boletini puth kuqezine 95 vjet me pare. As nga grupet polifonike qe dritheronin qendren e Vlores “Jam Ismail Qemali, dua vatet e mia. Me Kosove e Cameri, eshte e jona Shqiperia. E duam te tere te lire, te na rroje Pavaresia”.
E desha aq shume Kosoven qe nga Vlora; i perjetova aq shume emocionet qe sollen kologet apo bashkepatriotet e mi nga Prishtina; u emocionova aq shume nga natyrshmeria e gjigandit te UCK-se Hashim Thaci, sa nuk doja fare te tregoja diplomaci fallco ne pergjigjet mediatike per ngjyrat e flamurit te ri apo gadishmerine kosovare per te nesermen.
Festova edhe ne radhet e pergjigjes sime. Dhe ndjehem e gatshme te festoj serish.
Blendi, faleminderit qe e mbajte ndezur deshiren per ta shijuar festimin!
20 Shkurt 2008 @ 1:22 pm
Po ky eshte kulmi! Ne fakt, po te mos jesh bujar, kjo eshte e poshter! Ne Tirane i hidhkan ujin ndonje substance alkimike qe s’ben cudira, as flori, por prodhon poshtersira. Tmerri eshte kur Lubonja ben “hapin e vockel te anadhistit dhe kercimin gjigand te poshtersise” nga ajo pune e flamurit, per te cilen ka te drejte, ne parashikimet zi e me zi, qe tani jane bere Specialite de Maison Lubonja! Analistet shqiptare duan te tregohen te mencur me cdo kusht. Me cdo cmim. Jane gati te kundershtojne ligjet e termodinamikes per tu treguar te ndryshem dhe te “Felle”. Nuk eshte rasti i pare. Per ta shkon shume aforizma mbi mbreterit qe po e pershtas: Kur analisteve shqiptare nuk u unteresojne aksiomat, ata perpiqen ti kundershtojne ato. Ky eshte mentalitet i kohes se Enver Hoxhes qe farketoi guximin idiot dhe delirin e shkuarjes kunder rrymes dhe neper shigje kot me kot.
Por ju lutem (Blend, ti i pari) mos bini pre e “poshterise analitike aLLbanze”. Te mos pelqesh flamurin nuk do te thote detyrimisht qe s’po feston! Dhe nuk po ngazellen! Ne fakt eshte pikerisht rezultat i festes! Ne mes te rakive rrush-safi doli nje shishe kocimare. Por duhet pire se e ka sjelle bash proto-miku. Pra suck it up! Me fund! Ja shendeti i mikut! E shplan ne raki qelibar 24 gradeshe me mbrapa! Se kshu en bloc dhe 100%-she nuk jane gjerat. Ate metalitet sikur po e lejme pas, apo jo?
Nje mike me tha qe kjo stisja e flamurit eshte “ashtu duhet, ashtu eshte eshte puna”. Qe nje flamur rregullohet me referendum ne kohe te pershtatshme etj etj. Qe eshte me se OK! Qe me bind dhe me qeteson. Ne qofte ashtu, kuptohet. Se ne qe jemi larg, nuk kemi nga e marrim “the underlying info”.
20 Shkurt 2008 @ 1:27 pm
Ke te drejte Emigrant.
Por sado jane lare e parfumos shqiptaret akoma i ha pleshti qe kane tek fanella e leshit.
Na ha mer, e kruhemi vazhdimisht.
20 Shkurt 2008 @ 1:32 pm
per plesh-tin
:
Pleshti
……me Xixellonjen
………………ra ne dashuri
Pleshti
……xhuxh
………dhe i zi
Ky emrin e kishte Plluc,
I thoshnin edhe Pleshtuc
I ati emrin e kishte Prreshtan
I thoshin edhe Pleshtan
I dashur peshk
…………..mos qesh
Kur emrin ne pleshta ta gjesh
Se xhuxhat jane te vjeter
Ndaj emri u duhet patjeter
E shihni si Plluci i zi
Ra brenda ne dashuri?
Filloi me teper te ligej
Ndaj nisi me shume te nxihej…
20 Shkurt 2008 @ 2:24 pm
Eshte e cuditeshme se si ne menyre jo edhe aq te kamufluar vazhdohet t’i thurren hymne Enver Hoxhes!? Dhe kur pa? Pikerisht sot ne pervjetorin e rrezimit te bustit te DIKTATORIT!!!
Shqiptaret e Kosoves kane qene pre e nje propagande te pafre’ te Diktatures, se Enver Hoxhes i digjej barku per Kosoven.
Po kur beri bashkimin doganor e monetar me Jugosllavine e Titos per ta kthyer Shqiperine ne Republike te shtate? Apo ato nuk quhen.
Po ata Kosovare qe arratiseshin per t’i shpetuar perndjekjeve e kur vinin ne Shqiperi binin nga shiu ne bresher sepse perfundonin burgjeve te Diktatorit si agjente te UDB-se?
Apo edhe kjo behej ne emer te Kosoves?
Ju lutem juve nostalgjike te DIKTATORIT, mos na e prishni FESTEN E PAVARESISE SE KOSOVES dhe pervjetorit te rrezimit te bustit te DIKTATORIT me prurjet tuaja.
20 Shkurt 2008 @ 2:43 pm
Blendi
Respekt shkrim shume i mire.
Peshku pa uje etj dhe Interneti po ringjallin komunikimin, qe eshte bllokuar nga ca media monopol e gazetaret e tyre pa nivel.
Me shume informacion mer sot nga keto forma te reja komunikimi ne internet, sesa media zyrtare qe duke shfrytezuar statusin per biznes, eshte larguar teper larg nga cdo princip i gazetarise.
Qytetaret po marin vete pushtetin e katert, tani ne kohen e internetit.
20 Shkurt 2008 @ 2:50 pm
30 komente me lart. Sipas shperndarjes gaussiane, ketu eshte momenti ku sfaqen me patjeter “outliers”-at e pare. U vertetu edhe nje here.
Kush gjen fjalen me te pershtatshme ne shqip per “outlier”?
20 Shkurt 2008 @ 2:56 pm
outlier = allasoj
shqiptohen edhe ngjashem
20 Shkurt 2008 @ 2:57 pm
devijim
20 Shkurt 2008 @ 3:00 pm
Shkrim interesant. Jam dakort me cfare pohoet aty. Natyrisht te gjithe kane te drejten per te shprehur opinionin e tyre ne baze te botkuptimit dhe realitetit ne cilin jetojne dhe ku gjejne dhe rastin per t’u shprehur.
Persa i perket komenteve mbi Enver Hoxhen, sigurisht qe nuk duhet te harrojme se flitet per nje nga diktatoret me te eger komunist, por gjithashtu nuk duhet te anullojme kontributin e tij persa i perket Kosoves, dhe kontributin e vendit, para se gjithash si “Shqiperi” dhe pastaj edhe “Komuniste”. Pra “kujdes” sepse gjate atyre viteve kane jetuar edhe njerez te tjere ne kete vend dhe jo vetem Zoti Hoxha. Disa prej tyre e kane paguar edhe me jete, kontributin e tyre. Apo jo?!
Pas dhenjes se autonomise se gjere Kosoves, ka pasur midis ketyre dy territoreve shqiptare nje shkembim te gjere akademik, universitar, kulturor dhe gjithashtu edhe te tjera zera “te nendheshem”. Keto kane qene esenciale per formimin e klases drejtuese te djeshme dhe te sotme te Kosoves.
Edhe ne kete rast, shqiptaret e Kosoves jane me te kthjellet dhe me pak te komplesuar se shqiptaret e Shqiperise persa i perket konsiderimit te rolit figures se diktatorit.
Evitoj pastaj te flase per parashikimet plotesisht te sakta qe i ndjeri Hoxha beri per te ardhmen e Jugosllavise deh per shperberjen e afert te saj. Por edhe Nexhmije Hoxha gjithashtu ka qene teper largpamese gjate viteve 85-90.
Numeroni deri ne dhjete para se te me sulmoni si “nostalgjik” apo ku ta di une se cfare tjeter. Nqs. jeni prape te te njejtit mendim riperserisni operacionin e keshtu me rradhe…
20 Shkurt 2008 @ 3:00 pm
Besoj se antidoda me e mire ndaj ketyre tipave si lubonja e Nano qe per fat te keq nuk jane pak ne Shqiperi, do te ishte injorimi i shkrimeve te tyre, qe i ngjajne gurit te budallait te hedhur ne lume.
Ajo qe ne shqiptaret duhet te bejme perballe ketyre rrealiteteve te reja e pozitive per Arberine, per Ilirine, te behemi nje e te punojme e kontribuojme kudo qe ndodhemi per atdhe (Shqiperi e Kosove) ne çdo fushe qe ta kemi te mundur. Historia jone eshte ajo qe ka bere flamurin, e jo flamuri ne.
20 Shkurt 2008 @ 3:03 pm
Ka nje tendence mes ca intelektualeve shqiptare per te shperfillur, perbuzur dhe zhvleresuar cdo shfaqje te patriotizmit, ne emer te kundershtise ndaj kombetarizmit (nacionalizmit).
Kjo deri ne njefare mase eshte e justifikueshme, sepse mendesi qe ushqehen nga nacionalizmi nuk lene shteg per liberalizem e per progres ne nje shoqeri. Eshte fare kollaj qe me tej, kjo mendesi justifikohet dhe perdoret neper degezime te tjera, duke u transformuar dhe duke ushqyer mendesine e klanit, mikut, dhe mbi te gjitha, kultin e individit.
Megjithate, ka nje ndarje, nje dallim, nje ndryshim mes nacionalizmit dhe patriotizmit. Eshte per t`u cuditur sesi keta intelektuale, te cilet duhet te ishin te paret qe duhej te benin kete dallim, e per me teper ta shfrytezonin ne punen e shkrimet e tyre, jane te prirur te shohin gjithcka me syrin shperfilles, e disa here ate te mllefit, gjithcka qe permban vlera patriotike. A thua se kombi per ta nuk eshte nje entitet i gjalle, me unitetin e identitetin e tij, por thjesht nje kah per te vertetuar ca teori intelektualiste, mbi te cilat keta analiste kane lene leshte duke i studjuar…
20 Shkurt 2008 @ 3:43 pm
Blendi!Jo vetem i ke ra se vertetes mu ne lule te ballit,por,njekohesisht,ke”qeruar shapin nga sheqeri”kur ke vene perballe dy analiste qe,c’eshte e drejta,une i kam dashur.Por kot nuk thone:mendja ben kalane,mendja ben hatane!Dhe me c’shkrujane,kane bere hatane.Te kuptohemi,jo per Kosoven(se ajo c’u krye,eshte e pakthyeshme,se le t’ureferohemi vargjeve te nje kenge popullore qe i ben jehone pavaresise se Shqiperise,ku permjet Ismail Qemalit del vendosmeria per t’u shpallur me vete:”… po do mos doje Turqia?/Do doje se s’eshte pune/Sazani me Karaburun jane vatanet e mia/”.)Ja qe keshtu ndodhi dhe me Kosoven qe,vec luftes me arme,diti te mbeshtetet tek faktori Nderkombetar dhe,ne radhe te pare,tek Amerika.S”kam pse zgjatem,analistet qe kam dashur une,i ben hatane vetes:rrezuan prestigjin e tyre.Ka,sic e kutpoj une,pak egoizem te semure tek ta.Mendojne se vetem zilja e tyre duhet degjuar.Edhe atehere kur kjo zile ka tingull te shurdhet qe te cjerre veshet,si ne kete moment te madh historik.NE Spanje ka nje proverv te bukur:”Milingona kur provoi te vinte flete,ra dhe ngordhi.”Te lumte,i dashur,per kete prurje!
20 Shkurt 2008 @ 4:00 pm
Fillimisht ,përgëzime për Blendin, për pasionin me të cilin ka hedhur në letër ndjenjat.
Së dyti, një pyetje e cila besoj se nuk kërkon përgjigje: A thua, M.Nano e F.Lubonja, ta duan Shipërinë dhe Kosovën më pak se ndokush tjetër?!
Jam i mendimit, njëkohësisht se, fjalia me të pjerrëta e Lubonjës, është keqkuptuar kryekëput!
20 Shkurt 2008 @ 4:05 pm
Blend!
I ke ra mu n’koke sot!
Bravo t’qofte qe pate nerva me u ul’ e n’menyre elokuente, e vune n’fjale ate qe ne, “naivat” qe gzohemi tu tunn flamurin mes robve i’ lloj si vetja, e shprehim me menyra mo’ pak t’edukume!
N’Shqipni o’ bo industri m’vete kjo puna e kontraversit. Nuk do shum menn me e pa se rob t’paspecializum n’asi far’ fushe, por me i’ far talenti natyral me fol e mos me e hum fillin e mennimit kur jane duke fol 10 veta per i’ here , kane arrit’ me u da nga turma e t’urtve.
Por tashi qe pluhni po bi prap’ poshte, ene gjonat po kristalizohen, m’duket se nuk mjafto’ me qene thjeshte i gojes, ene me dit emrin e Comskit.
Koha do i leje onash kto skorpionsat e Bregut t’Lanes!
20 Shkurt 2008 @ 4:35 pm
Faleminderit te gjitheve per leximin, komentet, mbeshtetjen.
N.Ago, as une nuk mendoj qe Nano e Lubonja (dhe plot te tjere ne mediat shqiptare, se nuk kam asgje personale me keta) e duan Kosoven me pak. Kurrkund nuk kam dashur te percjell idene se kjo eshte mungese dashurie ndaj Kosoves. Fundja kush jam une te ve ne dyshim atdhetarizmin e tjetrit?
Ceshtja eshte qe keta dhe te tjere jane udheheqesit e opinionit publik. Cfardo qe te mendojme ne per ta, e verteta eshte se Muçi (qe eshte nga te preferuarit e mi si analist shtypi) ka nje editorial ne gazete dhe nje program televiziv te suksesshem, ka influence mediatike te pamohueshme. Edhe Lubonja shkruan ne gazeta dhe shfaqet ne ekrane - pra idete e tyre detyrimisht do penetrojne te nje pjese e audiences relativisht te madhe. Prandaj eshte e nevojshme te kerkojme prej tyre standartin me te larte te mundshem.
Nese kane shqetesime reale per te ardhmen e Kosoves le t’i argumentojne ato ashtu sikur eshte e nevojshme, dhe jo t’i leshojne “si lopa bajgen”, pa marre as kohen as mundimin te mbeshtesin ato qe thone. Mosbesimi tek aftesite e Kombit per te ecur perpara eshte nje fenomen mutant snobizmi-anakronik. Eshte hem “avant guard”, hem i vjeteruar.
Mediave shqiptare po u kalon Historia nen hunde dhe nuk diten te bejne me shume se te ngrefosen sa endaj kendej per t’i vjedhur pak nga lavdia Kosoves martire. Me bezdis fakti qe shume media shqiptare me nje absurd te pashpjegueshem kane marre ca pikeveshtrime te habitshme ditet e para te Pavarsise.
Nje gazetare e re nga Tirana psh me shkruante sesi shefi i ka kerkuar te shkruaje nje artikull ku te krahasoje festimet me kosovaret e bukur, gjatosha ne Prishtine me shqiptaret e rrudhur, shkurtabiqe ne Tirane. Kjo eshte ne vija te trasha linja qe kerkon redaksia, “ATA vs. NE” dhe une per ate Zot nuk kuptoj se c’vlere do mbartte nje shkrim me kete krahasim banal.
Dje edicionet qendrore te lajmeve ne Tirane u hapen me zjarr dhe flake. Serbet dogjen pikat e kufirit, ububuja - plasi lufta ne Kosove. Iku stabiliteti, iku pavarsia…media e sensacionit, e papjekurise. Nuk ka asnje arsye te mire per ta pasqyruar Kosoven sikur eshte ne goje te ujkut…Lajm i rendomte huliganesh serbe ishte, nuk kishte pse te hapte edicionin qendror.
20 Shkurt 2008 @ 4:43 pm
Nje birre nga mua Blendit.
Te kisha thene njehere per Muc Nanon…ky ka qejf te kete diktature se vuan nga mania dhe deshira per tu persekutuar.
Dalja ne dukje apo te qenit ndryshe, qenka me e rendesishme se pavaresia e Kosoves. Keshtu qe kjo e M. Nanos ishte nje kombinim klasik i pordheve te medhaja brekeve te reja.
Ndersa Lubonja po vjell lugen e prishur qe ka ngrene gjate komunizmit. Per kete me vjen keq se eshte goxha i zgjuar.
Por sidoqofte, qenie hibride po mbizoterojne ne shtypin shqiptar me pene te rende. Ay koketopi Cani duke bere snobin e oreve te vona dhe “kopjuesi i vogel” Balla plotesojne tablone.
Te nderuar shkronjes te gazetave shqiptare!! Filtri neper te cilin kaloni, nuk kufizohet te nje ekran i vogel qe transmeton ne Shqiperi, as nga nje gazete qe shitet vec ne Tirane. Duhet te futeni edhe ju ne BE zoterinj! E deri tani NUK i plotesoni standartet. Ulu, 4.
20 Shkurt 2008 @ 4:47 pm
…
… cool!
20 Shkurt 2008 @ 5:00 pm
Ljubonjka ne fakt nuku tha ndonje gje ‘kushedi se cfare’…po Mustafa i Vogelith…o nene o nene!!!
20 Shkurt 2008 @ 5:24 pm
Qafir,
thuaja njerezve emrin tamam. Eshte teper e ulet kjo tendenca jote per t’i denigruar duke filluar qe nga emri. Eshte e drejta jote te mos te te pelqeje dikush, por ka disa rregulla elementare te sjelljes ne nje diskutim dhe njera nga kjo ehste respektimi i tjetrit. Diskutojme idete dhe jo njerezit ketu.
20 Shkurt 2008 @ 5:29 pm
anonim, amen!
20 Shkurt 2008 @ 5:29 pm
Bledi,
Me 17 shkurt nuk fituan vetem Shqiptaret e Kosoves nga Serbet, por edhe Shqiptaret e Shqiperise nga injoranca dhe “diktatura” e varferise qe i ka mbuluar per 17 vjet..
Gjerat shume shpejte do ndryshojne per me mire..
Fakti qe disa “analiste” po kercasin dhembet eshte shembulli me i mire.
Shqiptareve ne Ballkan ju duhet arsim dhe ngritje ekonomike sa me shpejt qe te jene sukses.
Dituria dhe ekonomia do te largoje nga vetja pisllekun intlektual.
20 Shkurt 2008 @ 5:41 pm
Bukur Blendi, Urime
qendrimi yne ne keto dite do ta tregojne kete.
…as une nuk mendoj qe Nano e Lubonja (dhe plot te tjere ne mediat shqiptare, se nuk kam asgje personale me keta) e duan Kosoven me pak. …
E drejte.Mendoj se duhet hequr dore nga ideja se ne qofte se dikush mendon ndryshe nga ne eshte armik, spiun, tradhetor. Ne fund te fundit jemi te gjithe vellezer, qe e duam nenen tone njesoj Vec disa e mendojne te miren e nenes tone ndryshen nga si e mendojme ne. Per kete vlen debat,i per kete vlejne shkrime si ky i Blendit.
Une nuk e njoh dike qe e do shqiperine me shume apo me pak se une. Jam i bindur qe ka te tille por une nuk njoh. Mbase SHISH apo Presdenti njeh te tille por kjo eshte puna e tyre dhe jo timja. Keshtu qe une do ti konsideraj te gjithe ata qe mendojne ndryshe nga une vellezer me te cilet debatoj si mund te jete me mire per nenen tone.
Dhe ne keto momente me shume se kurre duhet te bashkohemi si vellezer se pavarsisht nga pikpamjet tona te ndryshe. Rendesia e diteve te sotem eshte mbi idete tona,mbi pikpamjet tona politike.
E bjeme dot kete pa fyer vellezerit tane, pa luftuar mes vetes, pa treguar me gisht sa i “vockel” sa “idiot” sa “naiv” sa “allasoj” sa “fodull” sa “me kollaro” sa “armik” sa “spiun” sa “tradhetor” etj etj ( me falni nese kam haruar ndonje ) eshte vellaj tone qe mendnndryshe? Ne rast se duam te fitojme ne keto situata, ne rast se duam te tregojme se nuk vijme nga “maxhypikistani lindor” por sic e “tregon” edhe ne DNA tone, vijme nga “Evropa Nordike”
Mendimi im ky qe mbase ndryshe nga ndonje vella apo moter timja ketu tek Peshku apo gjetke, por eshte i imi dhe nuk po e them per te hapur lufte me ju vellezer e motra por per te debatuar si vellezer e motra te nje nene
20 Shkurt 2008 @ 5:42 pm
Lubonja ka rreshkit pak tek flamuri. Nuk e di, mund te arrij deri aty sa t’a justifikoj duke thene se asnje njeri nuk e dinte ngjyren e flamurit deri nje dite perpara, gje qe mund te kete krijuar pak konfuzion. Por nuk e besoj se ka njeri qe po i plas zemra per flamur sot. Dy shtete shqiptare jane identifikuar me simbole te ndryshme natyrisht. Ne fund te fundit simbolit i jepet aq vlere sa deshiron. Nuk besoj t’a kete njeri emrin njesoj me te vllain ne kete bote. Njesoj me duket edhe kjo puna e flamujve.
Ndersa Muci, Uff, jo cdo formalitet qe Muc Nano nuk eshte ne gjendje te kuptoje eshte tribalizem. Nuk vuan as Kosova, e asnje shqiptar sa vuajne familjet e Jasharit apo te Rrugoves per humbjen e te afermeve. Kjo mund te jete nje perkushtim ndaj familjes qe nxorri keta njerez, nje dhenie zemer atyre njerezve qe kane humb te afermit, por jo tribalizem edhe klanizem or ti Muc. Do tribalizem edhe klanizem ti, studio historine e dhomes se lordeve ne angli deri ne ditet e sotme, apo Bush babain dhe Bush birin, apo Clintonet. Aty luftoje tribalizmin edhe klanizmin po qe se qeke kaq i indinjuar nga kjo plage, mos u merr me mustaqet e robve, se mustaqe, lesh jane, e nuk je as berber. Perndryshe or ti Muc, meso se njeriu del nga familja, dhe kjo nuk do te thote klanizem.
Blendi, tani me ty. E qeshura eshte e mire. Shume e mire. Por mos na verboje. Politikanet kosovare, deri me date 17 shkurt kane qene me te lire nga gjykimi i jone se sa politikanet shqiptare. Sespe kane qene te perqendruar tek pavaresia, i kane pasur duart e lidhura ne keto pune, etj. Tani nuk ka me justifikime nga asnje njeri. Erdh ora eshqiptarit thua ti, dhe me kete jam dakord.
20 Shkurt 2008 @ 5:57 pm
Kur jena bo kaq menefregista per flamurin ne mer? Kaq kozmopolit? Kaq aliene e modeRRne!!!
Ja cer bo vaki ne USA, bash ne shtetin ku jetoj vete, per kesi gjonash. Jam deshmitar i dores se pare, i kam pa vete keto debate!
http://atlanta.about.com/cs/historicalsites/a/gaflag.htm
Katolike bohuni, por jo me shume se papa!
20 Shkurt 2008 @ 6:14 pm
Kush ka bërë zbor në kohë të Dullës, do t’i mbajë mend tabelat e qitjes me fytyrën e Reaganit dhe të Brezhnjevit. Duke qëlluar mbi këta armiq të fëlliqur të diktaturës së proletariatit, përgatiteshim shpirtërisht për t’u dhënë dërrmën ushtrive të NATO-s dhe të Traktatit të Varshavës në fushë të betejës.
Meqë asnjë festë shqiptarësh nuk ka lezet pa “qitë pak pushkë”, propozoj që të krijohet te Peshku një seksion i veçantë dhe permanent, për të gjithë ata peshkatarë që e kanë të nevojshme të vjellin vrer çdo mëngjes kundër “analistëve”, ose të gjithë atyre që u kontrollojnë orificet anale, me gishta të mveshur në lateks.
Burrat e vërtetë nuk lënë kënd t’ua prekë rektumin, tha.
20 Shkurt 2008 @ 6:16 pm
Emigrant,
po më çudit, sidomos pasi lexova se merreshe me marketing kohët e fundit. Ai flamur është komunikacion i dëshirës së mirë për të qenë pjesë e Evropës e për të bashkpunuar me të, simbol i një shteti ku gjashtë etnitë kanë të drejta të barabarta, ashtu siç është dhe lajtmotivi i shtetit të ri Kosovar. Dhe pa të kuqe e të zezë që do të konceptoheshin si shenja provokacioni ndoshta. Dhe në këtë anë, ai flamur është mëse i arritur, biles kulmi i diplomacisë. Mua më ngec në grykë ajo bluja dhe e verdha kimike, po kjo s’është çështja. Cështja është se s’është momenti për të diskutuar flamurin, ajo punë është e mbramja punë. Ca gjëra, siç është pasioni për të kuqen, e humbin vlerën para një ngjarje kaq të madhe sa Pavarsia dhe punëve që presin shtetin e ri për t’u bërë VËRTET i pavarur dhe vetëvendosës.
20 Shkurt 2008 @ 6:36 pm
Blend shkrim i goditur… gjithashtu verejtje me vend per edicionet e lajmeve…
Shohim se si analiste te njohur ne Shqiperi, si A. Cani, F. Lubonja dhe M. Nano tregojne nivelin e ulet te tyre ne keto momente kur heta po na sjell ndryshime, qofte edhe te shumepritura. Nuk mund te themi qe ata jane me pak patriote (dhe kjo eshte nje teze qe une e mbroj per cdo shqiptar), po mund te them qe jane pak konfuz. Ne gjithe kete situate ka nje rradhe veprimesh per te cilen politikanet kosovare jane shume te qarte dhe po i bejne te gjitha gjerat me perpikmeri…
E para, 17 shkurti eshte nje lehtesim per te gjithe ne sepse gjerat po ecin perpara. Gjithashtu eshte dhe kurorezimi i nje perpjekjeje shumevjecare ku persona si Rugova, Jashari e shume te tjere luajten rolin e tyre dhe eshte normale ti nderojme. Gjithashtu eshte nje kurerozim i perpjekjeve te gjithe shqiptareve te Kosoves qe arriten pas shume kohesh te realizojne vullnetin e tyre. Megjithe ndihmen e pacmuar te vendeve si USA, Shqiperia qe me heret dhe vendeve te tjera Europiane (dhe vendeve qe do ta njohin ne vazhdim), te gjithe e dime se sa u hapej barku psh fuqive Europiane per ceshtjen e Kosoves. Biles dihet hapur qe ata kane qene kunder ceshtjes shqiptare dhe pro asaj serbe. Por vullneti i shqiptareve ndryshoi realitetin ne Ballkan dhe 17 shkurti ishte kurerozimi i ketoj mundimi…
Deri tani gjerat kane ecur shume mire per mendimin tim dhe politikanet kosovare kane nje merite shume te madhe. Pavaresia u shpall dhe dominoi qetesia dhe gezimi. Serbeve iu zgjat dora e miqesise dhe bashkepunimit dhe kjo gje u reklamua si duhej. Eshte mbajtur gjakftohtesia ndaj provokimeve ( te pritshme) dhe keto gjera po respektohen nga faktori nderkombetar. Kjo po reflektohet nga numri ne rritje i vendeve qe po e njohin dita dites. Kuptohet sa me mire te menazhohet gjendja aq me shume vende do ta njohin Kosoven e pavarur. Kjo eshte kryesore per momentin dhe kjo po behet. Duhet theksuar qe politika kosovare (dhe populli i Kosoves) ka qene ne lartesine e duhur.
Ne vazhdim, zhvillimi ekonomik dhe ndertimi i nje shteti demokratik do jene me rendesi te vecante per uljen ne minimum te tensioneve nderetnike dhe legjitimitetin perfundimtar te Kosoves edhe nga vende si Rusia apo dhe vete Serbia. Kjo nuk pritet te ndodhe ne ndonje kohe te afert, por nese gjerat shkojne mire ka per te ndodhur dikur. Zhvillimi ekonomik dhe demokratik do te marre vemendjen me te madhe ne kohen e duhur dhe do te jete kyc ne ardhshmerine e shtetit kosovar, por per momentin menazhimi i situates ne vend dhe njohja e pavaresise nga sa me shume vende eshte paresore. Kjo i jep legjitimitet dhe optimizem zhvillimeve te metejshme dhe nuk krijon boshlleqe qe do te pengonin funksionimin normal te Kosoves si shtet i pavarur.
Per mendimin tim kjo eshte radha e veprimeve, po Lubonja dhe Nano jane konfuz, te paformuar drejt dhe dalin me shkrime mediokre qe tregojne vecse nivel te ulet. Shpresoj qe ne te ardhmen keta apo analiste te tjere te ndihmojne ne pasqyrimin e drejte te situates dhe ne mireinformimin e publikut.
20 Shkurt 2008 @ 6:40 pm
Blendi komplimenti!
Nga të paktat shkrime të tuat që lexoj pa të gjetur “kleçka”, por për këtë të heq kapelen dhe me gjithë zemër të them të lumtë!
20 Shkurt 2008 @ 6:59 pm
Asterion, me ato rruge anale qe propozon po merret Muc anal-isti kesaj rradhe me duket. Muhabete zbori nuk di une, po e ka bo si puna e atij pijanecit qe nuk gjente dot brimen e celsit dhe i tha te shoqes veri pak lesh aty siper qe t’a gjej kollaj. Ne qofte se kam pas repsekt per shpirtin revolucionar qe ka treguar duke i bere thirrje robve te gjujne me domate te prishme makinat e politikaneve, po me ben te mendoj se edhe ate llaf e paska thene vetem sa per te folur, se vete s’paska pas ndermend t’i bjeri.
Emigrant, ca te them une ty? Une te them eshte momenti me dhene nje performance me te larte se mesataren, ti vazhdon e me tregon se si hipnotizohen robte mesatar nga simbolet. Simbolet kane aq vlere dhe aq domethenie sa i japim. Pse shkrujme me pseudonime? Ca vlere ka emri qe mbartim ne lidhje me identitetin? Simbolet jane konvencione, asgje me teper. Ca lidhje ka kozmopolitanizmi ne kete mes? E vetmja gje qe shpreh flamuri i Kosoves eshte se eshte krejtesisht i pavarur nga shteti shqiptar. Ku eshte e keqja ketu?
Me vjen keq vetem qe ato yjet nuk jane te kuq. Eshte ngjyre primare se bashku me blune dhe te verdhen, dhe mjafton vetem perzjerja e ketyre tre ngjyrave qe te kapet e bardha, ngjyra e paqes.
20 Shkurt 2008 @ 7:10 pm
Epo c’u ben iso shtazeve qe kullosin Lanes?
Per ta e kishte fjalen kur Abdi Baleta deklaroi hapur ne Vizion Plus ne emisionin Logos, qe
`atyre “intelektualeve” dhe “politikaneve” tane qe deklarojne “kur do te behet Kosova komb i pavarur qe t’i mbyllim keto muhabete njehere e mire” u them qe, nese Kosova behet komb i pavarur, atehere une nuk jam me shqiptar, por jam i kombit Kosovar, dhe kete ua them te gjithe atyre “politikaneve” tane qe flasin shqip e mendojne greqisht e serbisht.`
Dhe po ketyre plangprishesve bukeshkale, qe e keqja, por nga nje ane edhe e mira e do qe te jetojne si gjarperinjte ne gjirin tone, me se miri ua dhjet shpirtin deklarata e hapur e ministrise se jashtme te Tajvanit:
“Self-determination is a right recognized by the United Nations, and it is the people who are masters of their nation’s future; In no way should the independence of one nation be denied by another.”
” - The Ministry of Foreign Affairs of the Republic of China (Taiwan) congratulates Kosovo on its independence,” read the statement of recognition which now opens the door for diplomatic relations between these two breakaway states.
” - Despite a multitude of barriers, the people of Kosovo have insisted on an ideal that they believe in, which is to peacefully pursue independence, without being threatened or scared away. Their determination in achieving this lofty ideal is truly admirable,” read the Taiwanese statement.
” - Taiwan is a member of the international community that cherishes democracy and freedom, and the government is delighted that the people of Kosovo have the fruits of independence, democracy and freedom to look forward to. May Kosovo enjoy a bright and prosperous future. “”
Te bekojne te huajt e te tute nuk dine te thone nje fjale te mire.
Ua dhjefsha shpirtin qelbesirave.
20 Shkurt 2008 @ 7:15 pm
Blendi,
Shkrimi ishte shume i bukur. Po te lutem a mund te na japesh linkun e shkrimit te Lubonjes (nqs e ke dhene diku tjeter kerkoj falje) Se nga ajo pjesa qe ti citoje interpretimet mund te jene te ndryshme. Une personalisht ndashta nga deshira per t”i pare gjerat si do me pelqente mua te ishte, e shof ate si nje menyre per te thene se historia e ardhshme e Kosoves do shkruhet ne funksion te deshires se atyre qe mbanin flamurin kuq e zi, pra bashkimin me Shqiperine.
Sigurisht qe ti qe ke lexu tere shkrimin ke nje vizion me te sakte te frymes se tij. Po nqs do ta botosh kete shkrim (po deshe une mund ta dergoj te Shqip-i) une mendoj se mire eshte te citosh nje pjese me domethenese nga shkrimi i Lubonjes, ne menyre qe edhe ata qe s’e kane lexuar ta shohin si duhet.
Kurse me butesine tende Toko, une kam tre dite qe nuk po gjej karar. E vlersoj shume, si shume ide tuat, po nuk e di se sa frut-dhenese eshte ne disa raste. Debati me njerez qe kane opinione te ndryshme per nje teme te caktuar eshte konsrtruktiv edhe per vete se te ndihmon per te korrigjuar gabimet apo per edhe per te gjetur menyren me te mire per te shprehur opinionet e tua. Por kur perballe ke nje njeri qe nuk ka bindje por thjeshte i sherben dickaje te fshehur (nuk po nenkuptoj komplote e tradhtira po thjesht interesa te ulta personale apo ide fikse), atehere i bie qe te lodhesh kot me te.
Mos i shif gjerat ne kuadrin e “Peshkut” ku te gjithe kane pak a shume te njejten peshe fjale. Sic e thote edhe Blendi, njerez si Muci kane nje akses mediatik qe u jep mundesine te influencojne shume njerez, dhe te lirine absurde te shkruajne c’te duan. Gje me te cilen ai shpesh abuzon.
Mos harro qe edhe njerzit qe ndjekin emisionet e tij apo lexojne shkrimet ne shumicen e rasteve nuk kane opinion kunder qe te kene mundesine e zgjedhjes.
Pastaj ti e di mire qe per disa raste kur ai e ka shkelur vertete i jam pergjigj ne po ate gazete ku ai shkruan. Cili qe rezultati i atyre oreve te harxhuara per te tentuar te rregulloj imazhin e keq qe ai jep per Shqiptaret? Ky shkrim ku ai fyen Shqiptaret e Kosoves, diten e Pavaresise. Pra me kete njeri nuk ka vend per debat vellazeror e bindes. Ketij i duhet “rene” aty ku i djeg. Pra i duhet bere presion atyre qe ja botojne shkrimet qe ne te ardhmen t’i lexojne e t’ia censurojne. Se pas botimit nuk ka me vlere habia e drejtorit te tij kur une i them se car ka shkrujt.
Kurse ne kuadrin global te mediave, desha te sjell edhe nje rast tjeter flagrant te asaj qe ngre Blendi, krahasimin NE vs ATA. Mania e protagonizmit “te lagjes time”. “Lajmetari” i Klan-it te dielen mund te kete permend na 4-5 here faktin se Vlora kishte festu me bukur se Tirana dhe i thoshte regjise te lutem ritransmeto pamjet. Me fal po keto gomarlliqe a i monitoro kush?
20 Shkurt 2008 @ 7:23 pm
Per Lizander, ky eshte linku.
20 Shkurt 2008 @ 7:31 pm
Very well done!
I’m proud of being in the same tribe with you.
20 Shkurt 2008 @ 7:38 pm
Eh mor djema e vajza ju paça, veç me mend ne koke
Blendi kishte dhene mendimin e tij, te drejte, ashtu si ai e sheh, por kjo s’do te thote te egersohemi me penat/analistet e Shqiperise, se dhe ata njerez jane, gabojne 
Ju paça te gjithve.
20 Shkurt 2008 @ 7:44 pm
Rofsh Blendi!
Qeka vertete skandaloz ne mbyllje! E njejta fryme me M. Nanon, o burra te theksojme problemet. Paçka se kjo çon uje tek mulliri i serbve.
E vetmja keshille qe do te te jepja do ishte qe si citim te fusje nje pjese si kjo :
“Është po ashtu e qartë se BE po tenton të ndërtojë një shtet ideal multietnik në një territor ku realisht mbizotëron kultura nacionaliste dhe shumë urrejtje e frustrime etnike….. Është po ashtu e qartë se vetë Evropa ka brenda saj sfida të forta me tendencat nacionaliste e separatiste që e godasin brenda saj projektin ideal që ajo ka për veten dhe Ballkanin. Madje mu sepse rasti kosovar mund të kthehet në një bumerang për vetë projektin evropian, pasi mund t’i hapë rrugën një reaksioni zinxhir lëvizjesh nacionaliste e separatiste, ai është kundërshtuar jo pak në Evropë ose është trajtuar si një rast i veçantë.”
Mua me duket shume me e rende.
Po me e keqja eshte qe une nganjeher emendoj se sikur te mos kishte pas shume entuziazem nga njerzit, keta mund te ishin te paret qe te kritikonin mungesen e tij. Kesaj At Zef Pllumi do t’i thote “Rrno(jne) vetem me kritikue”!!!
20 Shkurt 2008 @ 7:51 pm
ne e kemi te keqen nga brenda. e ka fain salaqe nuk kerkon dorheqjen e ati koktasit
20 Shkurt 2008 @ 8:01 pm
Shkrimi i Blendit me pelqeu shume. Ne lidhje me flamurin besoj se eshte flamur shume i gjetur politikisht: harta e kosoves ne flamur tregon se kosova nuk mund te ndahet! Ne 10 Mars kur te ngrihet flamuri para trupit diplomatik nderkombetar do te konsolidohet pergjithmone mosndarja e Kosoves! Nese Thaci do te quhet tribal do te doja te quhesha edhe une i tille!
20 Shkurt 2008 @ 8:03 pm
Flm. Lizander, ide e mire.
Shume veta me kane uruar per kete shkrim, prandaj ndjej detyrimin te them se nuk kam ndonje merite te vecante, keto jane gjera te thjeshta qe c’do shqiptar i ndershem i ndjen. Prandaj dhe ju ka pelqyer, jo nga cilesia kushedi çë, por ngaqe identifikoheni me mendimet qe ndava.
20 Shkurt 2008 @ 8:27 pm
Lizander, nuk ben gabim Lubonja qe e ngre ceshtjen e reaksionit zinxhir te levizjeve nacionaliste dhe separatiste. Kjo eshte pikerisht frika qe po mban shume shtete t’a njohin Kosoven, prandaj eshte nje frike qe duhet adresuar. Duhet folur per te. Nuk eshte puna kalova lumin te dhjefsha kalin. Plus qe lumin nuk e ka kaluar akoma. Duhen percaktuar qarte kufinjte e rastit te vecante qe Kosova paraqet. Nga ana tjeter, politikanet Kosovare duhet te bien menjehere ne kontakt me politikanet Kineze, Spanjolle e te tjere. Jane shtete shume te fuqishem, mbeshtetjen e te cileve nuk e ka Kosova pikerisht per frike te reaksionit zinxhir. Me shume se sa ceshtje zymtesie, kjo eshte nje ceshtje praktike.
Sinqerisht, une besoj se Lubonja ka dale ne nje konkluzion po aq te shpejte, sa shpejtesia e flamurit. Ne qofte se ceshtja e flamurit do te ishte zgjidhur nje muaj me pare, dhe do te ishte bere publike nje muaj me pare, atehere ajo kuqezia qe ka pare Lubonja neper sheshe nuk do ishte aq dominuese, por do ishte e shoqeruar bindshem edhe me verdhe e blune. Nga ana tjeter, fakti qe pati dhjete vjete kohe per te rene dakord per simbolet e Kosoves, dhe hipnoza emigranteske nuk e lejoi, e justifikon Lubonjen dhe me keq akoma, ata qe s’na duan te miren, (se s’na vjen e keqja nga Lubonja, mos kini merak), te thone se kombetarizmi i verber akoma vazhdon. Ky kombetarizem, krijon probleme, ne dac e pranoni, ne dac jo, ne dac e godisni ate qe i sjell ne tryeze keto probleme, ne dac jo.
Lizandri thote se keta opinioniste kane per detyre pasi kane ze dhe platforme me teper. Une jam dakord, por sipas mendimit tim, ne qofte se Blendi do te kete mundesine e kesaj platforme, do te bente mire te mos i vinte nen nje kandar mustaqet e Mustafait me kritiken e Lubonjes, perndryshe do te ish nje tjeter abuzim me zerin. T’a kam sinqerisht Blend. Eshte gabim.
20 Shkurt 2008 @ 8:30 pm
Lulian, atë thashë edhe unë. Dikush duhet ta bëjë atë punë, të futë gishtin në vrima përndryshe të pakëndshme e të kërkojë për rreziqe. Këtë mundohen të bëjnë anal-istët, t’i pikasin rreziqet dhe problemet që në farë, para vdekëtarëve të tjerë; pastaj të ngrenë alarmin e të ndërgjegjësojnë, me shpresë se kështu po u ndihmojnë zhvillimeve. Nuk mund të presim nga murgjër të mediave si Nano ose Lubonja të mbulojnë kerret me flamur, të shkrepin alltitë e të xurxullepsen në tryezat e festës. Këtu po më kujtohet një personazh episodik i Kadaresë - mbase Emigranti më ndihmon ta gjej veprën – i cili e kish për detyrë të inspektonte mbishkrimet në nevojtoret publike, për të kuptuar se ç’thuhej poshtë e lart.
Lulian Kodra shkruan:
20 Shkurt 2008 @ 8:31 pm
Bravo Blendi! Me kete shkrim me ben akoma me krenare per faktin qe jam shqiptare dhe me shume per ate qe ka njerez mendjendritur dhe shikojne me kthjelltesi sesi jane gjerat dhe dine te arsyetojne me mprehtesi. Te lumte se “Ora e Arbrit” ka ardhe dhe te gjithe ata qe ne venat e tyre kane gjak shqiptari kane gezuar dhe do gezojne per diten me te madhe per popullin vella te Kosoves.
20 Shkurt 2008 @ 8:33 pm
Po Asterion, vetem se Muc Nano po gjen kenaqesi tribale neper brima te tilla, nderkohe qe jam dakrod qe shqetesimi i Lubonjes eshte real.
20 Shkurt 2008 @ 8:37 pm
Ceshtia eshte se te ky problem madhor del e pazbuluar gjendia e medias, se per shume gjera te tjera e shtyme.
Te besh kritik, nuk eshte te mermeritesh llafe kunder, po me te vertet te kesh njohuri, e nje kenveshtrim te mprehte e te peshosh gjerat e ngjariet ne gjithe teresine e tyre.Me kujtohet kur jep nje studim per nje grade shkencore, ata qe te bejne kritike jane njerez qe kane njohje ne fushe,e te bejne kritike, e jo thjeshte te mermerisen ca llafe kundra. Pra keshtu duhet te jete kritika qe me te vertete te jete frutdhenese.
Nje nga arsyete e corodities se njerezve e mos orientimi i tyre, eshte se ata qe duhet te qartesonin njerezit, jane me te paqarte vete, te hidheruar e deshperuar e pa pike vizioni.
Personalisht, dikur lexus i rregullt i Lubonjes, tani jo me ka merzitur po me lodh ta lexoj, e as e lexoj me.Kur lexoj, dua dicka me shume jo nje qarie apo ankim emocional, e asgje me shume.17 vjet e njejta gje.Kjo qe ne 90ten, vetem komunizmi te iki, pa le kush vjen, artikuj teper emocional e kritikus e vetem nga nje ane.E njejta gje ne 97ten, e njejta gje dhe sote, e ne biem nga nje e keqe te nje tjeter, se nuk eshte e nevojshme te kritikosh e besh shkrime emocionale pa fund per nje gje qe iku ose ka probleme, po e rendesishme eshte te japesh nje vizion e nje kenveshtrim e nje shpres te re.
Pra tu hapesh mendien njerezve dhe horizontin, jo ta nxish ate me keq sec eshte, madie shume vizionar ne nje pike kane pare mundesine e shpresen e me te kane ndertuar gjithe te ardhmen.
20 Shkurt 2008 @ 8:41 pm
Une nuk e kam te qarte, se pse problemet qe do shoqerojne njohjen e Shpalljes se Njeanshme te Pavaresise se Kosoves jane shqetesuese per publikun shqiptar!
Ti shkruante keto artikuj-”party-pooper” ndonje gazete spanjolle apo qipriote hajde de!
Por c’i ha palla Fatos Lubonjes per reperkursionet e pranimit te separatizmit ne Korsike e ne Flander?
Lere pastaj Muc-s’jam tribu-s’jam tribu-Nanon!
Me ato paragjykime per kosovaret qe jane skandaloze!
Po hajt mo!
Sic thote edhe frengu:
Parveny-ja i ka kepucet me te shtrenjta ne ballo!
20 Shkurt 2008 @ 9:16 pm
Ne rralle te pare oservoj me keqardhje qe tezat qe na servir M.Nano eshte e njejte me ate te proklamuar nga serbet, dmth qe kosovaret jane te mbrapambetur, jane nje tribu qe nuk mund te krijojne shtet e si rrjedhim kane nevojen te qendrojne nen ombrellen e serbise !!!!!
Une dua te kujtoj qe te gjitha zgjedhjet e zhvilluara ne kosove nuk jane kontestuar nga asnjera pale, nje leksion demokracie per Shqiperine.
Dua ti kujtoj gazetarit Nano qe kam me shume arsye te besoj qe ai si Skraparli qe eshte te kete beneficuar nga mbeshtetja e bashkpatrioteve te tij.
P.S. Per Nanon e paska patur fjalen Topi ne ”Opinon”
20 Shkurt 2008 @ 10:11 pm
Blendi mendoj se si Nano,si Lubonja nuk mund ti hedhim poshte,ne fund te fundit jane ata,qe te bene ty, te shklruash plot ndjenje dhe patriotizem per emrin e nderuar te Arberit.
Jane ata pa jemi ne ..
Ne media nuk duhet te kete emer te pervecem.
20 Shkurt 2008 @ 10:12 pm
Me falni per gjatesine e komentit. Nuk e perseris me kete Kabim.
DAVID BROOKS:
I guess I — I shared a sense, pre-September 11, a ’90s sense, that the central story of the day was globalization. It was about the convergence of peoples and markets and communications and that human beings were fundamentally the same. We had different cultures, but we all wanted the same thing.
I think, since 9/11, I have become much more aware of how different human beings are, how in — because they need identity, they form tribes. And those tribes are solidified by hating other people. They need not only freedom, but they need a sense of moral order. And those moral orders sometimes contradict each other.
Ben Andoni te MAPO:
Ne vandalët e shekullit t’ri
Grupi sakral monumental i vëllezërve Frashëri në Liqenin Artificial në Tiranë është dëmtuar dhe zhgarravitur turpshëm. Bri tyre edhe Konica, pa asnjë identifikim, që dikush i ka shënuar me spray “O Çajup..”. Por njësoj vuajnë dhe 680 objekte të tjera kudo në Shqipëri. Duket se një dorë kujdesisht e përbashkët i prish qetësinë figurave, që kanë bërë historinë e shqiptarëve
Një nga kryeqeveritarët shqiptarë, ndërsa po futej në grykën mahnitëse para Hidrocentralit “Mao Ce Dun” i mbetën sytë në kishën e bukur aty pari. “…akoma këto…”, u tha njerëzve që e prisnin gjithë sy e veshë. Kaq duhej. Servilët e kthyen syrin ‘e mprehtë’ të Partisë në realitet. Po atë natë të vitit 1974, njerëzit e hidrocentralit do e hidhnin në erë. Kisha e Vaut të Dejës, në altarin e të cilës mendohej se ishte varrosur princi Lekë Zaharia, u rrëzua nën vete. Ishte objekti i vetëm religjioz i stilit romanik, që mbahej deri më atëherë. Mbështetja e gjerë që gjetën komunistët në anatemën e tyre anti-fesë tregoi se diçka nuk shkonte me shqiptarët. Dhe vërtetë, kjo nuk u fashit edhe kur në vitin ’90, shqiptarët shpallën pjekjen me sistemin e tretë ekonomiko-shoqëror në harkun e 100 vjetëve. Rrënimi i objekteve të kulturës ishte dhe është i pamëshirshëm. Pak ditë para Pavarësisë, varri i Ismail Qemalit i kishte gërmat e hequra, ashtu si varri i Avni Rustemit në Vlorën historike, sot e kësaj dite mbetet i paidentifikueshëm. Ashtu si varri i Konicës, që habitërisht është vendosur ngjitur me tre vëllezërit Frashëri, varret e të cilëve janë të dëmtuar frikshëm. Ndërsa, një dorë idiote i ka bashkuar rilindësit me një mesazh “Shtypi i Ditës. Uh…sa kam qesh”. Në bazamentin e Konicës ka shkruar :”O Çajup je si shpirt”…Gratë e pastrimit, që janë përditë aty, pak rëndësi u tregon ky fakt, ashtu si pakkujt i bën përshtypje kjo situatë. Pak ditë më parë, në të njëjtën situatë, një korrespondent i Gjirokastrës vuri SOS-in për varret e pesë rilindësve të shquar, të vendosura në kodrën e lagjes “Manaj”. Sipas përshkrimit të tij ato janë objektet më të shpërfytyruara dhe më të dhunuara në këtë qytet. Gurët e varreve, shkallëve dhe mureve rrethuese, janë të shkulura e të thyera, memoriali në formë obelisku në qendër të këtij objekti rreth 4-5 metra i lartë është i nxirë e rrënuar, ndërsa shqiponjës në krye të obeliskut i kanë dalë hekurat. Njësoj si varri i Abdyl Frashërit, që erdhi me aq bujë në përkujtim të 100 vjetorit të Lidhjes së Prizrenit apo mungesa e Jeronim de Radës në Tiranë. Sikur të mos mjaftojë dhunimi i kështjellave, kishave, xhamive shqiptarët prekin deri objektet sakrale. Gurët e varreve ku dikur saktësoheshin emrat e atdhetarëve Andon Zako Çajupi, Bajo e Çerçiz Topulli, Pandeli Sotiri dhe Koto Hoxhi, ishin të shkulur deri së fundi. E këtu ka një vend për paradoks. Aq sa të thyer varret e njerëzve tanë, aq të rregullt varret e të huajve. Çuditërisht askush nuk guxon të prishë varret e ushtarëve britanikë, që në vijë ajrore janë 70 metra tutje, vëllezërve Frashëri. Mjafton tabela “Commonwealth war graves”, që edhe shqiptari më injorant ta kuptojë se nuk duhet ta prekë. Sepse ajo ka rrethim. Sepse ata janë të huaj. Njësoj me ushtarët gjermanë të Luftës së Dytë, që janë po aq të mbrojtur. Gratë e pastrimit, që duhet të kujdesen vazhdojnë lloqet e tyre. Njëra tregon sesi nuk ka ikur asnjëherë me furgon në Elbasan. Ndërsa kunata e tjetrës ia ka shpifur.
Kur dhunimi do ndodhte një ditë me varrin e Migjenit në Shkodër, njerëzit do të shqetësoheshin. Jo sepse po afrohej një afsh i ri vandalizmi, por sepse memoria e shqiptarëve është e vogël. Migjeni sot e kësaj dite nuk e gjen më vendin në qytetin e tij. “Respekti ndaj monumenteve përkujtimore është respekt ndaj vetvetes. Dhe, siç duket popujt e tjerë e kanë, ne jo”, shprehet me dhimbje Ing. Artan Shkreli, një nga ish-titullarët e Monumenteve.
20 Shkurt 2008 @ 10:46 pm
Por ka gjet vend ne Prishtine, kembekryq e me mikrofonat e “the British press” para surratit. E kam per Migjen Kelmendin. Duhet shtuar edhe ky ne surreterit e tabelave te qitjes (sic sugjeron urtesisht Asterioni)
20 Shkurt 2008 @ 10:58 pm
C’ka pershkruan B. Andoni eshte e permasave biblike! Ajo puna e flamurit eshte vetem nje ekstrapolim i vogel. Rrjedhim teoreme.
Kurse sa per tribalizmin, besoj qe syte e NYTimes, megjithese me syze imperiale, shohin me gjere se “Shqip”-i.
20 Shkurt 2008 @ 11:06 pm
“devijim” i thonë prapë.
20 Shkurt 2008 @ 11:25 pm
stimmt!
20 Shkurt 2008 @ 11:50 pm
Blendi, mqs te gjithe te kane pergezuar une do te kritikoj pak :), jo per shkrimin qe nuk kam ç’ti heq e ç’ti shtoj por per nje pjese te komentit tend:
Ti kerkon te perdoresh nje gjuhe “politically correct” per te pasur nje gjoja objektivitet dhe dukesh sikur heziton te thuash ate qe mendon.
Fakti eshte qe Lubonja ne vazhdimesi ka shkruar dhe shkruan shkrime per te nxjerr ne pah dhe per te vertetuar teorine e tij se kombi shqiptar nuk ekziston, se shqiptaret nuk i kane mbrojtur hebrejte, se shqiptaret vetequhen tolerante por nuk jane te tille (ne kete shkrim ai flet ne veten e trete shumes). Lubonja eshte ideolog i shperberjes. Disa shkrime te tij te pikasura me tematike sociale dhe politike nuk mund ta fshehin kete.
Ndersa Nano rregullisht perdor nje gjuhe fyese dhe i drejton sulmet e tij ndaj ndonje feje te caktuar, ndaj diaspores, ndaj trevave shqiptare qe rrethojne Republiken e Shqiperise, ndaj provinces, ndaj periferise se kryeqytetit, ndaj shqiptareve te cilet nuk e meritojne nje mendimtar si pune e tij. Dialogu i tij imagjinar dhe stili i tij arrogant jane bere vertete acarues.
20 Shkurt 2008 @ 11:57 pm
Nuk mendoj se eshte tamam keshtu Blend. Shume veta mbase nuk identifikohen me mendimet, por me patosin. Eshte patosi — revolta qe vlon nga fillimi deri ne fund e mbartur me citime historike, retorike te forte, venie shpatullash mbas murit — qe terheq pashmangshmerisht postuesit. Supozoj se nje pjese e mire e kesaj revoltes nuk ka fare te beje me Nanon dhe Lubonjen, por eshte revolta e diteve e fundit qe ka gjetur nje kanalizim.
Ti ke perdorur nje patos kaq te forte dhe ke thirrur ne emer nje ndjenje kaq te thelle, sa eshte e veshtire te te pergjigjesh pervec se me admirim per ndjenjen. Sigurisht, eshte shkrim elokuent, prekes, por nuk eshte ftese per diskutim.
Kete kritike e kam miqesore. Nuk eshte e mundur te te kunderpergjigjesh me nje ton si ky, edhe pse une, per shembull, nuk mendoj se eshte e pavend te thuash qe Kosova do ta kete te veshtire ndertimin e shtetit. Ne kete pike ne mendojme ndryshe. Une mendoj se do ta kete teper te veshtire, por kjo s’do te thote per faj te kosovareve apo ngaqe jane tribale. Faktoret jane te shumte dhe te njekohshem; ca s’kane lidhje me kosovaret fare. Nuk eshte e habitshme qe faktori shqiptar nuk mendon i gjithi njesoj; askush ne bote nuk mendon njesoj vetem si rrjedhoje e kombesise. Mbase duhet ta kanalizojme revolten atje ku ka pergjegjshmeri politike dhe aftesi vendim-marrjeje.
21 Shkurt 2008 @ 12:05 am
Re: Vandalët e Shekullit të Ri.
Dëgjoj që Ministria e Kulturës do të thërresë specialistë serbë për të na mësuar si të kujdesemi për monumentet me vlera kombëtare.
21 Shkurt 2008 @ 12:07 am
minator, kjo ishte ngjarja e shekullit. Ky ishte super-sukses. Suksesi respektohet. Dy analistet (i kam pelqyer te dy dikur!
) duhet te linin vend per “benefit of doubt”. Me e pakta!
Ndersa koha kur jane shkruar artikujt (19 shkurt!!!) eshte e “ububushme”! A mund te shkruhej psh me 13 Shtator 2001 nje artikull promovues per linjen e re te Victoria’s secret?
PS Ajo ideja ime fikse per flamurin (te me ndjeni ne e kam tepruar), ishte after the fact! “U kry” dhe nuk zhbehet me. S’ka me doubt, dmth.
21 Shkurt 2008 @ 12:10 am
Kjo eshte e vertete, kam shkruar diku,ne nje forum shqiptaresh per ndryshimin e qendrimit te shqiptareve ,ndaj monumenteve historike, perkujtimoreve,figurave te shquara historikedhe pikerisht ne kodrat e liqinet artificial.Kam qene ne veren e 2006 tek kodrat e liqenit dhe me ka rene ne sy, perkujtimorja e te reneve anglese ne shqiperi ,per bukuri te zotit, me lule te fresketa dhe me nje livadh bari te bukur,po keshtu edhe perkujtimorja tjeter e te reneve gjermane ,me lule te bukura dhe te rrethuar,te mire mbajtura.
Por c`te shikoje midis tyre, monumenti i vellezereve Frasheri ishte i masakruar sic thote edhe Andoni,dhe i pa mire mbajtur, tek nje koderine e vogel,ne te djathte nje lapidar perkujtimor”Debatik” dikur shume i bukur dhe simpatik,qe ja shtonte bukurine edhe vendit ishte zhdukur dhe masakruar,i pa mirembajtu….
Ky eshte vertet nje vandalizem primitiv, i nje brezi primitiv te rinjesh politikane ,qe pretendojne se njohin” vlerat” por qe ne fakte nuk kuptojne se jane pjelle e ketij vandalizmi…
Si duket paraja dhe pushteti nuk i kane erresuar syte.. dhe mendja i eshte bere si e strucit ..
21 Shkurt 2008 @ 12:13 am
Bravo Blend..emocionues dhe i kthjellet nga fillimi deri ne fund kjo qe ke sjelle…
ndihet shpirti i paster shqiptar brenda saj dhe kemi nevoje ne keto kohe te mrekullueshme …Shkrime si ky i joti na ndihmojne qe era e kermave mos te na pengoje te ndiejme flladin e ngrohte te lirise.
Eshte nje shkrim ne lartesine e kohes kur jetojme dhe te ngjarjeve te medha qe po na ndodhin si komb.
21 Shkurt 2008 @ 1:04 am