O Tempora! O Mores!
“Kemi edhe titullare perfaqesish diplomatike qe nuk dine anglisht”
Tedi Çarçani
Prej gati dy vjetësh në vendin e largët aziatik me emrin Malajzi Shqipëria përfaqësohet nga një kolaudator elektrik. Thënë që në fillim dua të besoj se ky person është dërguar atje, prapa botës, për t’u treguar autoriteteve malaziane se toka e shqiponjave nuk ka as edhe më të voglin interes në atë vend mysliman e antiamerikan e se mbajtja e ambasadës aty është thjesht diçka e mbetur në dorë, peshqesh i mjaltit shqiptaro-islamik të fillimit të viteve ‘90-të. Nga faqja e internetit e Ministrisë sonë të Jashtme mësoj se Malajzia është ndër vendet e pakta që shqiptarët mund të hyjnë pa vizë, njëlloj si në Paraguai dhe Uruguai, por është e vështirë të gjesh se sa vetë e kanë rastin ta gëzojnë atë privilegj. Një mendje tjetër më thotë se ka mundësi që përfaqësuesi ynë t’i ketë shkelur në kallo ndonjë të partisë së tij, ndaj edhe e kanë çuar aq larg për ta hequr qafe, pasi as i prish as i rregullon punë ndonjërit në Shqipëri fakti nëse kemi ose jo ambasadë në Malajzi, as edhe kush është përfaqësues i saj e çfarë bën ai atje.
Larg këtyre hamendjeve, të kthehem tek ato që dua të them. Në dosjen që ai ka në Drejtorinë e Personelit të Ministrisë së Jashtme shqiptare ndodhet një CV e shtypur me makinë shkrimi “Oliveti”, nga ato që përdoreshin për të shtypur thirrjet e luftës guerile dikur. Ky jetëshkrim ka qarkulluar disa kohë si trakt nëpër korridoret dhe zyrat dhe ka mbajtur gjallë e me humor edhe bisedat rreth tavolinave në kafenenë e Nilës në Ministrinë e Jashtme. Ai është aq interesant dhe i veçantë sa mund të shërbente si një synopsus për një roman satirik. Jo vetëm për gafat gjuhësore të nivelit të një filloristi të shkolluar natën, por edhe për ato çfarë mban brenda. Pothuajse asnjë nga kolegët e ministrisë nuk e njeh këtë person edhe pse normalisht ai duhet të ishte një njeri publik. Ka qenë për një legjislaturë të plotë deputet i Partisë Demokratike në Kuvendin e Shqipërisë, ku ka përfaqësuar një zonë të Krujës. Thonë se e ka kërkuar fjalën vetëm një herë në atë kuvend kur është diskutuar për shpërblimet shtesë të deputetëve. Kolegët e pakët që e kanë njohur tregojnë se karrigen në sallën e parlamentit e kishte në radhën e fundit, nën errësirën poshtë lozhës e afër derës, zgjedhur enkas për t’i vënë ferrën seancës menjëherë pas shtypjes së butonit të prezencës.
Në zgjedhjet e vitit 2005 ky person nuk e mori bekimin e Berishës për të vazhduar pallën parlamentare në një mandat të dytë dhe, për një farë kohe e pa veten shpresë humbur e të braktisur edhe nga partia e tij. Por nuk thonë kot se partia edhe të lëshon, por nuk të harron. Në një nga veprimtaritë e partisë së tij i doli përpara si me marifet ministrit të jashtëm të asaj kohe, z. Mustafaj. Me pretendimin e vetëm që të kapte ndonjë vend pune në atë ministri, qofte si përgjegjës sektori apo shef administrate. Për çudinë e tij ministri e priti ngrohtë kërkesën. Ai i kërkoi një CV, të cilën e pati mbi tavolinë qysh ditën tjetër. Nga mënyra se si është formuluar jetëshkrimi duket se hallexhiu ishte përgatitur për ndonjë vend pune ndoshta edhe si llogaritar. Kjo pasi kishte nënvizuar se zotëronte programin e kompjuterit Exel, i nevojshëm vetëm për atë post. Por nuk ishte krejt kështu për titullarin e ministrisë. Ai e kishte konsideruar atë një CV vërtet konkurruese, të denjë për ambasador e jo për llogaritar apo përgjegjës administrate, që të jepte e merrte gjithë ditën me shoferët dhe pastrueset e ministrisë. Madje me idenë për ta emëruar në një vend anglisht folës pasi, përpos kualifikimeve të shumta, D.Q. tashme 60 e ca vjeçar një vit më parë rezultonte të ishte “titulluar” bachelor në një universitet që nuk do t’ia tregojë emrin që unë po e quaj Universiteti Fantazmë i New Yorkut. Ndërkohë vazhdonte studimet për master përsëri në një Universitet tjetër të Panjohur, po në Amerikë. Ai e meritonte të ishte ambasador, por, nga frika se mos do të mërzitej duke pritur deri sa të largohej Moisiu nga posti i Presidentit të Republikës dhe ministria e gjithë vendi rrezikonte ta humbiste këtë talent që po bënte edhe master në Amerikë, vendosi ta emërojë Shef Misioni në Malajzinë e largët. Kjo ishte kompetencë e ministrit e nuk mund ta kthente as topi. Dhe ashtu u bë. Me urdhrin e ministrit në dorë, pa humbur asnjë minutë nga koha e tij e çmuar, D.Q. mori rrugën drejt qytetit me emrin Kuala Lumpur, të cilin, për hir të së vërtetës, nuk kishte patur rastin ta dëgjonte ndonjë herë më parë në jetën e tij.
Një kopje e CV së, sipas praktikës, duhet t’i jetë dërguar edhe shtetit pritës. Nuk mund të dyshohet se ajo i ka lënë pa mend malajzianët. Si mund të shkruash se, në moshën 60 vjeçare ke marrë titullin bachelor në një universitet (nuk ka gjetur asnjë emër të përshtatshëm universiteti) në New York? Është kjo meritë, naivitet apo mangësi, kur realisht kjo shkallë kualifikimi është as sa për një atashe? Është e sigurt se, nga dëshira për t’i dhënë vetes disa atribute, e ka zgjedhur gabim titullin. Kuptimi i parë i kësaj fjale në anglisht është “beqar”. Por bachelor është edhe shkalla e parë e kualifikimit universitar, që merret nga studentët që sapo kanë dalë në jetë. Të pretendosh në moshën e pensionit se sapo ke mbaruar për bachelor është njësoj si të shpallesh se filluan të të dalin dhëmbët e qumështit në pleqëri! Ja si është përkufizimi i kësaj fjale në Wikipedia: “Bachelors’ degrees in the United States are typically designed to be completed in four years of full-time study, although some programs (such as Engineering) usually take five”. Ka edhe një alibi tjetër që e vërteton falsitetin e këtij pretendimi. Nisur nga shpjegimi i mësipërm, marrja e nivelit të kualifikimit “bachelor” e ka kusht ndjekjen e shkollës me shkëputje nga puna për katër deri në pesë vjet. Zotëria thotë se e ka marrë atë “titull” në vitin 2005. Ta zëmë se asnjëri nuk ka të drejtë të mos e besojë. Vetëm se ka një përplasje të vogël. Në vitet 2001 – 2005 i takon të ketë studiuar me kohë të plotë në Universitetin Fantazmë të New Yorkut. Periudhë kjo që përkon me kohën që ai ka qenë edhe deputet i Kuvendit të Shqipërisë. Përfundimisht cila nga këto të dyja është e vërtetë, shkolla apo parlamenti? Se një njeri nuk mund të jetë në të njëjtën kohë në dy vende të ndryshme.
Ndoshta i është dukur pak bachelor ndaj pretendon se po vazhdon edhe për “master on line”. Por, nga ai pak informacion që jepet në CV e tij, çdo gjë është evazive: çfarë është ky “master on line”, edhe ky në Universitetin Fantazmë të New Yorkut ndiqet, për çfarë profesioni, kur ka filluar etj. Tjetër. Nga CV mësohet se D.Q. pjesën më të madhe të jetës së tij e ka kaluar në “Çelikun e Partisë” së Elbasanit dhe më pas është marrë me sahatet elektrike në Krujë. Sipas atyre që shkruan ai ka punuar në KESH qysh në vitin 1969, pra disa dekada përpara se kjo ndërmarrje të pagëzohej me atë emër. Meritë e tij përmendet edhe puna që ka bërë si inxhinier monitor në OJQ-në Aksioni Kundër Urisë(?!). Ndër veprimtaritë e tjera të përafërta me profesionin e diplomatit që nënvizohen në jetëshkrimin e tij janë edhe puna e tij si kolaudator i nënstacionit elektrik, specializimi për mbrojtjet me rele e gjysëm përçues, specializimi për komandim automatik në sistemin energjetik etj. Njëlloj si në rastin e universitetit amerikan, edhe institucionet ku ai i ka kryer këto specializime janë të gjitha pa emër. Në dosjen e personelit të Ministrisë së Punëve të Jashtme nuk ka depozituar as edhe një dëshmi të vetme për të vërtetuar këto kurse, përfshirë edhe dëshmite për “bachelor degree” e “master online”. Në ditët tona, çdo gjë është lehtësisht e verifikueshme. Mjafton emri i universitetit dhe një klikim e brenda disa sekondash të vijnë në ekranin e kompjuterit të gjitha të dhënat. Në botën e qytetëruar ku drejton shteti ka institucione të posaçme që merren me verifikimin e saktësisë së të dhënave në jetëshkrimin e punonjësve. Mashtrimet me informacione të rreme dënohen penalisht. Kur pranohen punonjësit në Ministrinë e Jashtme a bëhet ndonjë lloj verifikimi nga Drejtoria e Personelit i të dhënave që ata japin në jetëshkrimin e tyre apo është në fuqi varianti “futja kot se tanët jemi”?
Përfaqësuesi ynë pretendon se zotëron disa gjuhe të huaja, përfshirë edhe atë angleze, por në jetëshkrimin e tij nuk figuron të ketë mbaruar ndonjë kurs gjuhe. Megjithatë unë dyshoj se nuk i afrohet as nivelit të anglishtes së zotit Sallabanda, i cili u përfol shumë kohët e fundit e me të cilin, për hir të së vërtetës, D. Q. as që mund të krahasohet as për nga tradita e familjes, niveli kulturor e ai arsimor. Fakti që në përkthimin anglisht të CV së tij fjala deputet përkthehet “zëvendës parlamenti” mjafton për të gjykuar nivelin e zotërimit të asaj gjuhe.
Ky është një nga përfaqësuesit e shtetit shqiptar, kur po kjo Ministri e Jashtme ka flakur në rrugë ose ka emëruar në pozicione të dorës së fundit diplomate karriere me një përgatitje të lartë profesionale, përfshirë edhe ambasadorë të vjetër e me eksperiencë, të akredituar disa herë, me diploma e dëshmi reale (jo nga Universitete Fantazmë), që kanë përfaqësuar denjësisht Shqipërinë në vende, organizata e forume ndërkombëtare, që kanë dhënë leksione e kanë bërë biseda dinjitoze në universitetet e akademitë më prestigjioze të botës, deri edhe në Columbia, Oksford, Haruard e Kembrixh. Ka mes tyre që kanë marrë vlerësimet më të larta nga autoritetet e vendeve ku kanë shërbyer por që, tragjikisht, kanë përfunduar të denigruar nga autoritetet e vendit të tyre. Kjo është dukuria më e nxirë e diplomacisë sonë moderne e bashkëkohore. Pa injoruar vlerat e atyre diplomateve serioze që akoma e përkohësisht vazhdojnë të punojnë në Ministrinë e Jashtme aktualisht diplomati-kolaudator është fytyra reale e shtetit shqiptar të ditëve tona. Fatkeqësisht ai, në një farë mase është pasqyra e Shqipërisë në botë. Një pasqyrë e thyer që reflekton e përcjell pamje të shtrembra e krejtësisht të deformuara. Dhe pikërisht kjo pasqyrë ka marrë përsipër misionin për ta futur Shqipërinë në Evropë.
Ky është njëri ndër interlokutorët bashkëkohore shqiptare (tipa si ky përgjithësisht janë emëruar nëpër përfaqësi) që bën lobing për Kosovën e Shqipërinë tonë, që prodhon e mbron ide, polemizon dhe “fiton” debatet me homologët e tij të diplomuar në akademitë diplomatike me emër në botë. Dhe, kur ata homologë, në të ngrysur të ditës, të lodhur e rraskapitur nga ky e të tjerët të ngjashëm me të (uroj të mos jenë shumë), ua tregojnë gishtin e mesit duke u thënë se, kur të hipni këtu do ta shikoni Evropën, në të tjerët nxehemi dhe nuk lemë fjalë pa i sharë dhe epitet pa u vënë. Megjithatë, edhe pasi e kanë marrë gishtin e mesit, këta përfaqësues pa shumë njohuri profesionalë, që edhe në shkresa zyrtare presidentit amerikan i drejtohen ‘kryeministri i SHBA”, qe Kondolesa Rajs e quajnë “Sekretarja e Përgjithshme e Departamentit të Shtetit”, kthehen gjithmonë triumfator në ekranet e televizioneve tona dhe fillojnë e na tregojnë dëngla pa fund se si ia kanë bërë tetë me dy x apo y përfaqësuesi të huaj. Për të na mbajtur moralin lart kërkojnë të na mbushin mendjen se gjerat nuk janë aq të thjeshta sa duken, por, po u bë ndonjë lëvizje përpara, siç ishte ftesa e NATO-s, p.sh, dijeni se prej nesh e keni. Dhe ne qetësohemi. Qetësohemi e i besojmë këto pasqyra të thyera dhe kthehemi nga njeri tjetri duke pëshpëritur plot mllef se “Shqipëria nuk bëhet”, se “Evropa na ka inat e nuk na do” e mbroçkulla të tjera bajate, tashmë të lodhura nga koha. Bashkë me në qetësohen edhe kolaudatorët e tipit D.Q. dhe, pasi marrin energji të reja, nisen prapë e gjithë qejf drejt Zullulandit, ku i presin mullinjtë e erës për beteja të reja. O TEMPORA, O MORES!
Gazeta “Albania” 29 Prill 2008
29 April 2008 @ 6:01 pm
Ke shume te drejte,pothuajse te gjithe jane te tille.Shume pak,pothuajse asnje nuk eshte i denje te perfaqesoje shqiperine jashte shtetit.
Sallabanda fliste anglisht me keq se Borati,por ky me kete PARLAMENT DEPUTY,paska lene koqen e e namit.Vetem fjalia PARLAMENT DEPUTY duhet te ishte e mjaftueshme qe egzistenca e tij si qenie njerezore te hidhej ne koshin e harreses ,e jo me gzistenca e tij si perfaqesues diplomatik.
Vaj me det thuaj.
29 April 2008 @ 6:29 pm
Po prandaj na vene punet kaq mire ne si ne diplomacine e jashteme ashtu dhe ne ate te brendeshmen. Sepse kemi keta DQte qe me partishmerine e tyre na drejtojne tere jetne e vendit. Prandaj kapitalzimi yne eshte ne trazicion pa fund se ne si ne kohen e komunizmit, i flakem jashte te speciaizuarit si “komuniste” ( borgjeze i quante komunizmi) dhe i zevendesuam me tekniket e kolaudimit elektrik ( mjelset ne kohen e komunismit)
Dhe te mendosh se keta DQte na “futen” ne NATO, ndihmuan Kosoven te fitoj pavarsine, na futen ne Konferencen e Vendeve Islamike, Luajne “politike te madhe” me shovinizmin Grek apo Serb, do te na futin ne BE.
E kam thene edhe me pare ne jemi komb me fat te mire jo se kemi DQte por se fati na ndihmon ti zgjidhim problemet tona edhe duke pasur DQte si drejtues
29 April 2008 @ 6:43 pm
Nga faqja e internetit e Ministrisë sonë të Jashtme mësoj se Malajzia është ndër vendet e pakta që shqiptarët mund të hyjnë pa vizë,
Thoni cfare te doni ju o njerez, po ky vellai, ashtu, pa Anglisht, me kembe e me duar, eshte marre vesh me Malajzianet dhe vizat i paska heq!!
:)
Please, preggo!! Per noi, Albanesi, please! No visa! We, Albania, Comunism, no soldi! Please no visa!
Rrini rrini ju Ambasadoret e tjere “si dini gjuhe t”huaj”!
29 April 2008 @ 7:04 pm
,,,ej ska noi gjo…se ky DoQja mund te jete shkr@@@te dhe merr nje perkthys qe i puno truni vetem fjalor anglisht shqip….dhe - qe baba!!!!
29 April 2008 @ 8:03 pm
Anonymus, vizat jane hequr qe ne 96 dhe nuk i ka hequr DQ, por Berisha gjate nje vizite atje.
29 April 2008 @ 8:16 pm
Ose Berisha ose Osli Jazexhiu kur studionte ne Malajzi ‘98-99
29 April 2008 @ 8:25 pm
Kush ka digitalb, le t’i hedhe nje sy kokave anglisht te lajmeve tek News 24 dhe topnews per disa dite dhe do te mesoje anglishten persembari.
29 April 2008 @ 8:28 pm
po lali po DoQja e pi kafen te petronas tower, e bo kokrren e palles, i paska ra bixha keti kadoshi, Deputy po, ambasador po, kolaudator po e po (se kolaudatoret palle ariu bejne).
O DoQe le te plasin ata te Min.jasht po s thone kot dielli qe ngroh duket qe ne mengjes e ti paske le ne mes te korrikut me duket.
29 April 2008 @ 8:45 pm
Këtë punën e vizave e dija, po ky artikulli nuk e di pse m’u duk sikur po fliste për Malajzinë si për ndonjë vend të humbur a ndonjë Zululand. Malajzia duket goxha vend po të gjykosh nga pamjet, nga historia e nga gjeografia. Dhe unë rrezikoj lëkurën duke kaluar kufirin franko-zvicerian pa vizë
… E gjeta ku do i kaloj pushimet e ardhshme!!
30 April 2008 @ 12:37 am
Profesionalizmi si parim eshte inegzistent, ky eshte evidentimi i rradhes. Mu me bo pershtypje menyra profesionale sesi shekspiri ketu paraqet Malajzine, sikur heroi yne dhe princesha e lidjes ta meritojne njeri tjetrin..
30 April 2008 @ 2:03 am
Per te qene i punesuar ne qeverine e shtetit shqipta eshte e detyrueshme te flitet gjuha shqipe. Gjuhet e tjera jane vetem plus por jo te detyrueshme.
Andaj ju lutem mos hidhni kaq shume pluhur lart sepse ju qe ju duket cdo gje e zeze per Shqiperine jeni shume gabim.
Ju jeni bukepermbysurit e SHqiperise.
Cdo gje shqiptare ju duket e keqe, ju jeni njerez pa kurfar morali.
Ambasador Sallabanda eshte njeri nder ambasadoret me te mire qe ka Shqiperia.
Ndodhe qe gabime te bejne edhe udheheqesit e larte te shteteve qe per gjuhe zyrtare e kane anglishten andaj mos u beni ketu kaq naive e kaq injorante.
30 April 2008 @ 2:35 am
Sa shume e vriska ky palla qe ka shkrujt gjithaten romon per DoQen. Leje mer liktricistin rahat sa me dal n’pencion se s’ka galje.
Deri para 18 vjetesh kishit lopcare ne birone politike nashti dashkeni ne me gjuhe t’inglizit…
30 April 2008 @ 3:07 am
“Cdo gje shqiptare ju duket e keqe, ju jeni njerez pa kurfar morali.”
Reali pergatitu, se njoni ketu do te vi me ate pyetjen e zakonshme qe lesho sa here qe lexo xhevahire si ato te citimit :”cila nga ato te tute e ka vone doren ne zjarr?” Ai gabim do ta ket, po edhe ti o bur se ke fort mire..
30 April 2008 @ 4:17 am
Pikes i ka ra. Une jam student ne Universitetin islamik te Kuala lumpurit. Para disa kohesh ka ardh DeQeja ne universitet ne nje aktivitet qi u ba per pamvartesune e Kosovs.Foli edhe perfaqsusi shqiptar aty nja 15 minuta ne shqip, pa asnji perkthys. Gjysma e te pranishmve iken.Me thane te drejten na erdhi shum turp.
30 April 2008 @ 4:28 am
hajdarmozi shkruan:
.po lali po DoQja e pi kafen te petronas tower…
ktu esht hapur llafi se pi kafe dhe kerkon komisionet e bizneseve. E ka pak te veshtire ta kerkoj pa perkthys, ndoshta e ben vetem me makina llogaritese.
30 April 2008 @ 4:38 am
luanit. Edhe une kam qene i pranishem ne takim. Foli gjate aty, por noshta e kishte me ne shqiptart prandaj foli shqip. Te e pakta ky vjen shpesh me ne n’xhami e ne ziafete fetare, di edhe me u fale. Ato perpara nuk e kishin pa asnjhere deren e xhamise te shkolles tone. Prandaj nuk duhet me thane vetem fjale te kqija. Diplomacija behet ne cdo forme, gjuha e huaj duhet, por nuk eshte kusht kaq i madh.
30 April 2008 @ 4:53 am
Mos u mërzisni ju që dini anglisht se qeveria e ka studiuar që të hapë 400 ambasada të reja… bile kryeministri premton se mund të hapë deri në 800, prandaj lërini llafet dhe bëni kërkesat (dhe jo si për universitetet ku asnjë nuk kërkoi që të kthehej
)
30 April 2008 @ 5:32 am
po pse more byrazer po anglishten e BAN-KIN MON sekretari i OKB-se e keni degjuar ndonjehere te hape barkun ,per mos te thene per ate anglishte te kryeministrit tone
opo fajin e ka janullatos s na i ka njeri tjeter
30 April 2008 @ 7:27 am
Ky DQ qenka nje mashtrues kandidat per Ginis. kam shume qejf ta njoh. Ka bere loje fantastike me masteronline e me universitetet amerikane. Per kete e meriton te pje kafe e te beje qejf sa te doje ne twin towers petronas…..edhe nonje komision bisnesi do ta marre, kot nuk ka shku deri atje..
…ai mund te ishte edhe minister. Pse pak ministra kemi ne pa diploma e me diploma te bleme neper bote. Nje gazetar hengri dru ne mes te sheratonit ne tirane se denoncoi nje DQ deputet qe e kish ble diplomen ne Shkup…
….e forte ajo puna e PARLAMENT DEPUTY lol…obboboo, neser do jemi ne BE…
30 April 2008 @ 7:32 am
Ho, Ho, Ho, sa kom qesh. Hajde dru me pre!
30 April 2008 @ 12:03 pm
“CV e shtypur me makinë shkrimi “Oliveti”, nga ato që përdoreshin për të shtypur thirrjet e luftës guerile dikur”.
“pjesën më të madhe të jetës së tij e ka kaluar në “Çelikun e Partisë” së Elbasanit”.
Le të plasë armiku, moj kala e koqe
E ta bëjmë çelikun për dufeq e ploqe.
Etj, etje etj.
Për sa kohë kalemxhinjt trushpuar shkruajne dhe hedhin peshtyme mbi vendin e tyre ishsocialist (o sa fort ua ka prishur turinjtë e tyre te zgjuar). po per aq kohë janë te detyruar ta shtërngojnë fort llapën për ta lëpirë gelboqen e vet të hedhur. Është bërë e modës, po mos shave dhe ironizove vendin tënd, nuk ecën fjalim, artikulli, shkrimi, opo edhe shurra shkon shtrember pos pështyve. Ja kështu një pjesë shqiptarësh janë modernë. Syplasur dhe shurdhër! Kë keni parë dhe dëgjuar juve që te shajë dhe ironizojë vëndin e vet nëpër vendet ku jetoni? Mirë vendet kapitaliste po i justifikoni, po ishvendet socialiste, ashtu si shqiptaret gjykojnë njerzit e tyre?
Një shkrim mjaft kritik dhe real është artikulli i sjellë në peshk, por me habit që një intelekt i tillë nuk arrin të kuptojë se njerzimi dhe natyra ka kaluar nëpër miliona dhe miliarda vjet që te vijë në ditën që ti flet dhe pëllet sikur jeta ka filluar në Shqipëri në vitin 90 ose në ditën që linde ti o trushpuar nga propaganda shurdhuese e luftës për të mbuluar padrejtesitë më të fëlliqura që po ndodhin në Shqipëri.
30 April 2008 @ 1:06 pm
Kur qenkan hequr vizat ndermjet Malajzise dhe Shqiperise, pse nuk ia fusin per Malajzi shqiptaret qe duan te emigrojne jashte.
1 May 2008 @ 11:13 am
Kjo histori me kujton shkelqimin dh e renjen e shokut Zylo.Mirepo edhe shkrimshkruesi me kujton gazetaret e Dulles.Dulla kur mbante fjalimet e tij patriotike per planet 5 vjeçare thoshte pllani ne vend te plani.Edhe ky perdoruesi i anglishtes ky siper shkruan CV.Profesioni i tij i jep te drejte qe jo vetem te ngopi me propagande por edhe te gjej kuptimin e fjaleve te huaja qe ai perdor.Nuk e di se çfare do te ndodhte sikur ne te fusim ne fjalorin tone fjale te atij vendi ku jetojme.Tung.
2 May 2008 @ 11:15 pm
“kolaudatorët e tipit D.Q. dhe, pasi marrin energji të reja, nisen prapë e gjithë qejf drejt Zullulandit, ku i presin mullinjtë e erës për beteja të reja…” e ke gabim o Tedi. ne zulluland nuk luftojne me mullinjte por flejnnn.. ia fusin nje gjumi dimeror dhe zgjohen kur vje koha per tu kthu ne shqipri prap.. dhe megjıthse kan 100 vjet qe jetojn ne ate vend s dine 1 llaf nga gjuha e vendit ku jane.. oj nene oj nene
3 May 2008 @ 3:31 am
Sa keq per Shqiperine qe perfaqsohet nkto nivele. Po erdhi dita qe Kosova te ket ambasade ne Malejzi per nji ambasador si ky ma mir jo. Paska pas te drejte Veton Surroj qe nuk e muar ne asnji takim me vete ku vizitoj Malejzine vitin qe shkoj.
4 May 2008 @ 10:12 pm
Pse me iniciale e nuk nuk thote qe emrin e ka Dilaver Qesja te birin e te cilit e ka arrestuar policia per fallsifikim te dokumentave zyrtare ne kohen kur ky ishte deputet
9 May 2008 @ 11:19 am
D.Q NE RADHE TE PARE NUK KA QENE KOLAUDATOR MOR TEDI CARCAFI , POR KA QENE ING DHE ESHTE ING ELEKTRIK , NE PARLAMENT DHE QE NUK KE PARE NDONJEHERE PARLAMENT KA QENE I PARI QE ESHTE NGRITUR PER TE ULUR TARIFAT E TELEFONISE CELULARE DHE NUK KA PUNUAR KURRE TEK ” CELIKU I PARTISE ”
POR NE TENSIONIN E LARTE NDERSA NE KRUJE KA QENE DREJTOR I KESH DHE JO KOLAUDATOR , OU ME FAL PO TI CFARE JE ??????
NEJSE ………………. E KUPTON VETE TI
BACHELOR DEGREE MERET ME KONVERTIM NOTASH , PO NEJSE KU DI TI NJE HERE
AH PO GJUHA SA PER SQARIM KY PERSON KA JETUAR PER DISA VJET NE AMERIKE DHE SKA SE SI TE MOS DIJE ANGLISHT ,
PO TE THEM DICKA O TEDI CARCAFI DUHET TE KESH TE NJEJTIN CURRICULUM ME DIKE QE TE KRAHASOHESH DHE TE KOMENTOSH ATE
PRA NA THUAJ C’JE TI ?????
9 May 2008 @ 11:23 am
o berat krasniqi shteti malajzjan e mbeshteti menjehere pavaresine e kosoves per shkak te nderhyrjes se ketij personi , po ku di gje ti ?
sa per Veton Surrojn interesohu me mire cfare pritje i kane organizuar ??
dhe sa per politikanet tane s’na kane thirrur asnje akome ne hage per krime lufte ok ????
apo kur te vdesi njeri si I.RR te tjeret te mos shkojne ne varrim po nejse sja vlen te merrem me ty
9 May 2008 @ 11:49 am
dhe sa per nivelin kulturor dhe familjar ???? te Zotit D.Q more carcafi na thuaj ti nga c’familje vjen dhe cili je ti apo cilido me te cilin ti po e krahason ????
pervec Adilit ndonje te famshem me mbiemrin tend skam degjiuar dhe ti e di shume mire se per cfare ka qene i famshem Adili ???
ja kshu si puna jote
9 May 2008 @ 11:55 am
Avash mer se u lodhe avash ! Merr fryme i here.
9 May 2008 @ 11:58 am
o canarto sa shume qeke interesu po pse nuk je interesu deri ne fund ???
si ka perfundu ceshtja ???
a i kishte fallsifiku ai dokumentat apo jo ????
9 May 2008 @ 12:05 pm
me sa mora vesht ti as emrin se ke tedi carcafi , kurse une jam Gazmend Qesja ose G.Q hajde tedush bejme nje debat bashke ti mer dokumentat qe jane shkrujt me oliveti kurse une do te te verifikoj te gjitha bachelor degreet e tim eti dhe masterat online e cfare te duash ???
gjithmone po je burre ????
po sma mer mendja
Tim ate e kane luftuar ne kohe e komunizmit , dhe ata qe e duan komunizmin e luftojne akoma ose ndonje person i i sh ambasadorit te atjeshem qe rri nr Malajzi akoma sepse …………………… e di ti me mire .
si perfundim tedush carcafi te pres ne debat ku te kesh qejf dhe si te kesh qejf ne dac edhe ne tv ok ???
po te jesh burre ????
sinqerisht e ve ne dyshim ……………
9 May 2008 @ 12:48 pm
kotho mire ca ke bo ti ??
a do mershe fryme ti ??? si thu ??
9 May 2008 @ 12:59 pm
Po shif tani !
Nese ti verte je djali i ketij robit qe kane pergojos ne kete shkrim ke te drejte te revoltohesh shume.
Po une te rekomandoj qe ta permbledhesh shume shkurt nje cv te personit ne fjale dhe lexuesit ketu i kane mend ne koke dhe gjykojne vete.
Tani edhe nje gje tjeter. Kjo Gazeta qe ka share babane tend ka qene nje gazete e finacuar nga SHIK-u i Gazidedes , tani vettfinacohet nga ca pune pallatesh.
Kjo gazete ka botuar ne advance shume gjera qe do benin vaki ne kohen qe Berisha mbante , pra sipas teje gjarprin ne gji.
Nga thirjet e kesaj gazete jane masakru rob aty nga viti 93-97, kjo gazete i ka bere te gjitha. Shkurt or ti mik i ri i peshkut ato po vazhdon te beje edhe tani sepse populli yne i mencur thote : huqi del me shpirtin.
Tani mu me vjen keq qe i ka ardh radha babes tat, por edhe ne shkrimet e tjera ka baba te djemve te tjere, ndaj mos e merr kaq perpjek.
Ne fund te fundit cer do mbjellesh do te korresh thote ne nje vend tjeter populli yne i mencur dhe puntor.
Keto gjera i ka gatuar prej kohesh shefi i babes tat.
P.S. Mire plako mire, ti si ke qene, po i cike me nerva qeke sot !
9 May 2008 @ 1:16 pm
nuk e kuptoj pse shkoi e peshkoi Ate person dhe me ate gjuhe une jam vetem i indinjuar o koth dhe jo me nerva ne radhe te pare po te nervozohem bie ne nivelin e ketyre botuesve anonime gjenetikisht meshkuj , por moralisht femra
dhe me ben pershtypje stili hidh gurin e fshih doren i ketyre sepse njeriu identifikohet dhe thote per kete aresye une jam me i afte se ai ambasador dhe si politikan , intelektual , jam me lart edhe si rang familjar etj etj .
Por c’e do eshte i keqinformuar me dashje dhe larg c’do te vertete te mundshme , por me pelqen gjysme guximi qe kane ti shkruajne kete gjera , sikurse dhe urrej dhe mungesen e gjysmes tjeter te guximit per te thene se kush jam e c’arsye kam a me kupton ????
Sinqerisht nuk kane pse shpifin per asnjeri per aq me teper kur jane te pabaza
gjithsesi neve farefisnisht komuzmi na ka perndjekur , por me c’po shoh edhe pinjojt bastarde po na perndjekin , duhet te mesohem edhe me kete .
10 May 2008 @ 3:32 pm
Une kuptoj se artikullshkruesi nuk ka patur per qellim te atakoje personin, por nje fenomen aq te dukshem per administraten aktuale shqiptare ku njerez te paafte jane emeruar ne pozicione te rendesishme. Per ilustrim ai ka perdorur nje rast tipik, por duke vene vetem inicialet. Duket se ai i qendron strikt asaj qe shkruhet ne nje jeteshkrim qe eshte ne nje dosje zyrtare. Si nje person i brendshem qe edhe kafene e mengjesit e pin ne bufene e ministrise (keshtu del ne shkrim) ai, po te kishte qellim te merrej me personin nuk besoj se do ta kishte te veshtire ta ilustronte me shembuj te tjere qe besoj se nuk i mungojne. Ndoshta edhe kete mund ta beje po qe se do ti kerkohet debat i metejshem edhe ne tv. Kush mendon se artikullshkruesi ia ka fute kot, le ta sjelle cv e vertete te personit dhe te gjykohet nga lexuesit. Faktet flasin me shume se llafet. Mjafton te dish se “parlament deputy” ne anglisht nuk don te thote deputet, mjafton te dish se gjuha angleze nuk mesohet vetem duke shkelur Ameriken cdo vit per te ruajtur green card, mjafton te dish…. eh, sa gjera duhet te dish ne kete bote. Ndoshta ne te ardhmen z. Carcani (jo Adili) do na rrefeje shume gjera te pathena akoma. Te faktuara, kuptohet. Kesaj radhe me emer e mbiemer dhe jo me iniciale. Le t’i permbledhe ne nje liber qe mund te titullohej: “Cfare nuk duhet te beje nje diplomat”.
12 May 2008 @ 8:50 am
Ne radhe te pare duhet te kesh parasysh se nje njeri qe fsheh identitetin e tij nuk mund te luftoj ato qe ti i quan dukuri , dhe ne qoftese ti di te kuptosh se cfere eshte shkruar lart e kupton se ky tedi a ku e di une eshte mare pikerisht me personin , qe per fatin e keq te tedit nuk ka qene asnje dite kolaudator , por ing. ne zbatim , asnjehere nuk ka ndenjur ne erresiren e parlamentit , por ka qene mjaft aktiv per kete ka arkiva qe zoterinjte Carcaner mund ti faktojne fare lehtesisht , nuk ka punuar asnje dite te vetme tek ” Celiku i partise ” se konicerave ose carcanerave por po ta shikosh me kujdes CV e mer vesht lehte dhe ka punuar per nje periudhe disa vjecare tek ojf Action against Hungry ku sa per te shuar injorancen e kujdo konkurohet ne anglisht dhe komunikohet vetem anglisht .
Dhe mor i dashur sulmues sa per te shkelur vetem vizen ,Personi ne fjale ka dynenshtetesi pra ka dhe ate Amerikane ku , nqs nuk ke minimalisht 35 muaj te faktuar rezidence ne U.S.A nuk e mer , pra na bie edhe teoria e shkeljes se vizes.
tashti konice i dashur ne kemi filluar nje gjyq kunder gazetes Albania dhe do te jete kjo gazete qe do te na e beje te njohur Tedushin tone a me kupton , personi ne fjale e ka mesuar anglishten pas viteve 85 sepse partia e kanoicerave dhe e tederave kishte gjuhe baze rusishten , me vjen shume mire qe doni te kapeni pas atyre qe i quani te padrejta , por me me shume kujdes sepse kur shpif mund edhe te burgosesh per shpifje , nuk e di nqs jam i qarte dhe pasi te denohesh me sakte nuk ka shume rendesi se ku e ke pire kafen e mengjesit pastaj .
dhe te jesh i sigurte Z. konica & carcani or whatever se nuk e kemi nisur gjyqin per demshperblim moral , por per te denuar qofte dhe me heqje lirie shpifesit.
Me demaskim publik , per minj te ndryshem zyrash , qe kane mbetur aty akoma qe nga 97 si tedi e te tjere .
Ne fakt do , isha shume kurioz te shikoja pak se kush eshte Tedushi i vertete dhe ti hidhja nje sy CV se tij sepse dreqi e mori i m ate e ka mare shkollen ne ate periudhe ku nuk kishte shume diploma fallco , ndersa per tedin sma mer mendja , megjithate ne sallen e gjyqit dhe Tedushi do kete mundesi ta shohe CV e D.Q .
Tedush sensacionalizmat te kushtojne shume ndonjehere dhe , per kete Tedush i lutem Zotit te fitoje ai qe ka te drejte qofsh dhe ti qe ke te drejte , por s’ma mer mendja .
Keshtu pra i dashur Konice pasi qe nuk e di me clloj miu kam te bej c’origjine ka ky njeri qe na thoshka se origjina ime familjere eshte keshtu apo ashtu , duhet te jete ne te njejtat pozita familjare dhe shoqerore me mua , dhe ne te njejtat pozita intelektuale me ato te tim eti jo ndonje person te cilit akoma i fall mami ndonje lek per te dale tek blloku.
12 May 2008 @ 9:07 am
Me siguri ti Tedi ke mbaruar per anglisht , por fatkeqesisht nuk e kupton se , per ate shkolle qe ke bere ti mjafton nje kurs dhe ja .
Njerezit edhe mund te gabojne , por pervec perkthimit tete ore e gjysem ne dite here pese dite ne jave cfare mund te besh ti ??????
aaaaaaaaaaaaaaa po te rremosh neper sirtaret e ministrise ??? po po
tipike komuniste kjo , Tedi me i zgjuar se ministri i jashtem po tedi vezhgon ministi fle apo jo si duhet te jete kjo pune .
Eh mor Tedi c’i ke hyre telasheve kot me shpifje , po mire se mund t’ia hedhesh se nuk denohet arma , por dora dhe me ca po shof una ti ske shance kurre te jesh dore po nje arme e vjeter e ndryshkur relike ministrie
te cilen pa problem do ta flakin kur te mos u duhet me ?
tedi te falenderoj per senzibilizimin e mases , por nuk eshte me koha e proletareve si ty dhe e luftes se kllasave ku ti mund te shpifesh se te mbron partia , kete ta ka mesuar keq babai yt ish sigurims , i cili ka leshuar qenin tashti per sulm , por ja qe koherat kane ndryshuar shume qe nga koha e Reiz Maliles tend tedi .
tediiiiiiiiiiiiiiiiiiii…………………..
12 May 2008 @ 2:10 pm
Beme baba te te ngjaj! Kjo eshte shprehja qe ka perdorur gjyshi im Konica kur shkroi esene e famshme “Nje perralle per nje ambasador nga Zululand”. Germo Tare, germo!
12 May 2008 @ 5:17 pm
Konica jam shume dakort te demaskohet ,te masakrohet dhe te shkarkohet im ate sikur ato qe shkruhen aty te jene te verteta qofte edhe nje meqe ti qenke nipi i konices , kujtohu dhe per ate qe ka thene Noli per tet gjysh ” do ngrihet kemba ti bije kokes ”
Ps : mos e ngaterro Malajzine me Zululandin
13 May 2008 @ 6:43 pm
wonderer. E shikoj qe je shqetesuar se dhe une te njejten gje do te beja nese dikush do te permendete babain tim. Une jam nje lexues i rregullt i ketij forumi dhe gjej shpesh materiale qe i interesojne profesionit dhe nivelit tim. Hyra ne blog pak me vonese. Njoh mire artikullshkruesin dhe mund te jap dhe ndonje opinion…
Nja dy sqarime do m’i lejosh t’i bej, jo per fyerjet se ato jane pjese e fjalorit dhe formimit njeriu e merr qe ne vogeli. Tedit, ashtu si mua, i dashur mik, parate e kafes nuk ja jep mami, por e pi me parate e tija, qe i dalin e teprojne jo vetem per kafe por dhe per ndonje pije te shtrenjte. Ceshtje shijeje. Kafen nuk e pime tek blloku, sic paske marre te dhenat por me miqte e koleget tane te shumte, tek Bar West ose Fideli, ku mblidhen gazetare, politikane, ish-diplomate te rinje e me pervoje, te lene papune etj. E pime kafen atje ku flitet per politiken, administraten, dhe nganjehere dhe diplomacine.
Per dijenine tende Tedushi, sic te pelqen ta quash nuk eshte ndonje radhiko, por nje intelektual me shume kerkesa ndaj vetes, qe ka mbaruar ne nje nga kolegjet me te mire te atij vendi, ku anglishtja eshte gjuha e origjines. Shkollen e mbaroi me vonese, ne vitet 90 pasi ishte vertet i persekutuar e regjimi komunist i mbylli cdo shteg diturie. Babai i tij aktualisht invalid i atij regjimi, edhe sot pa asnje ndihme e perkrahje nga shteti demokratik, ka sakrifikuar gjithe jeten per femijet e tij. Krejt ndryshe nga babai yt qe ti e konsideron viktime te komunizmit, por qe mbaroi universitet e gjeti pune te mire. Jetojme ne nje shoqeri paradoksesh. Eshte fatkeqesia e diplomacise sone, qe paverisht diplomes e gradave te Tedit, nuk preferoi ta marre ne gjirin e saj, por parapelqeu militante.
Wonderer, ti mos u shqeteso per artikullin qe Tedi ka shkruar per babane tend. Kjo ben pjese ne gazetarine investiguese. Eshte shkruar e mund te shkruhet edhe per ambasadore te tjere qe kane hyre ne kete fushe per shkak te militantizmit. Pjesa e pare per secilin eshte CV-ja, konributi i tyre per te merituar kete post; pjesa e dyte, do te jete se si perfaqesojne shtetin jashte, cfare bejne e me se merren. Pra duro se ka edhe me. Ne shtyp tashma kane dale disa raste nga vete diplomate ambasadash. Ambasada jone ne Washington dhe ajo ne Stokholm ishin shtysat e kesaj inisiative.
Natyrisht qe nje gazetari investiguese flet me fakte, se ndryshe nuk do te ishte e tille,. Sa per ate punen e gjyqit me gazeten mendoj se idene e ke te mire. Se keshtu ndoshta do te kesh rast ta njohesh nga afer edhe mikun tim, Tedin. Por mbase do te ishte mire te presesh edhe pak, qe te kesh nje arsye me shume se, sipas Tedushit, ndoshta shpejt mund te botohet edhe ndonje artikull tjeter investigativ. Per nje gje jam i sigurte, ai qe shpif, mashtron e akuzon tjetrin pa fakte do te denohet, qofte ky Tedi e i jati, babi yt apo imi, une e kushdoqofte. Nga kjo nuk e shpeton asgje, as dyshtetesia.
Me shpresen se te lehtesova sadopak. V. Tollko
15 May 2008 @ 12:17 pm
shume shpejt do qartesohen te gjithe Tedushat ….
15 May 2008 @ 12:50 pm
a e di cfare ore njeri kushdoqofshi mos u fshihni pas gishtit nese e ke inatin me sistemin duhet te dish te dallosh se kush eshte militant e kush intelektual .
Edhe Bushi more zoteri ka bere gafa sa me s’ka .
Po nuk ka mundesi qe ky tedushi te jete i persekutuar si edhe une e im ate e te na sulmoje po neve sepse i thone lufte brenda llojit .
Cudi qe qenka kaq i kamur sepse tim eti , nuk idel ta pije kafen atje ku pretendoni se e pini ju .
aty me rri o tollko cfare arritjesh kane keta ambasadore sepse do me ngelesh me gisht ke goja .
megjithate tollko po te them se im ate mori burse ne ate sistem se e ka mbaruar te mesmen me medalje ari .
dhe atje ke gjygji o tollko do e shofim se cfare faktesh kane ato minjte e zyrave qe ti mi quan te nderuar .
dhe tashti mos na bezdisni me o i njjti person frikacak me shume pseudonime te ndryshme tashme per mua qente ( juve ) le te lehin karvani ( neve ) do eci perpara .
dhe sa per edukaten qe kam marre une ne femijeri ti smund as ta shohesh ne endren tende me te bukur o mjeran i dores se trete , personazh i Hygoit.
burri qe eshte burre tregon identitetin dhe perballet ne debat se po skeni ju burreri te dilni nga vrima e miut ku rrini do t’u nxjerrim ne me ane te drejtesise .
tashti kini miresine ( gje qe s’ben fare pjese ne tipin e kafsheve ) te na lini te qete ne punet tona , nese jeni te zotet mbrojeni veten ne gjyq .
15 May 2008 @ 12:55 pm
a e di cfare nqs jini pa pune kjo qenka shume e drejte me behet shume qefi se e meritokeni sepse me cpo shoh ska me nevoje per minj zyrash kjo qeveri .
Jeni thjesht guricka qe rreshqitni ne muret e kohes .
Do harroheni dhe ju sikurse te kishit vdekur.
16 May 2008 @ 3:55 pm
Po edhe une e kam lexu pergjigjen e Z. Qesja ne gazeten Albania te Dt.14.95.08 dhe mu duk serjoz sic eshte edhe zoterija Ambasdaor.
Une kam qene ne takimin qe mbajti ne IIUM dhe me pelqeu , natyrisht qe do fliste shqip se takimi qe me ne studentet shqipetar. Pas takimt ne nje banket te thjeshte qe u shtrue me ate rast , Ambasadori qendroi ne nje tavoline prane nesh me Z/V rektorin e do profesore dhe per ma se nje ore komunikoi me ta ne anglisht dhe une nuk pashe ndoj mangesi te tij .
Kur ka ardh z.Surri Ambasdori e ka prit ne ajroport bashke me ne nje grup studentash kosovare dhe i ka kriju gjitha lehtesite e duhuna , por takimi i vetem qe z.Surroi ka pas me nje personalitet te qeverise malajzjane ka qene privat-konfidencjal dhe jo zyrtare madje asht mbajt koke me koke ne ambjentet e nje hoteli dhe jo ne ndonje zyre . Keshtu qe nuk kish se si te ish dikush tjeter aty as nga pala malajzjane e as tjeter njeri zyrtaar .Ne takimin qe z. Ambasador na mundesoi neve studentave kosovare , ne ambjentet e ambasades me z. Suroi , ky i fundit na foli me superlativat me te mira per mbeshtetjen dhe pritjen e ngrohte qe z. Qesja i kish ofruar gjate qendrimit te tij ne Malajzi.Madje i bani nje falenderje ne prezenc tone .
Si student per IT dalloj se artikulli anonim dhe shume shkrime jane nisur nga Malajzia.Keshtu qe z. Qesja ka te drejte kur thote ne artikullin e tij te dt.14.05.08 “Te jetosh me fantazmat ” Verte ketu ne Kual Lumpur ay qe meret me keto anonimate eshte nje fantazem qe vjen nga nje bote e vdekun.
26 June 2008 @ 1:10 pm
Pasaporta e Aristidhit dhe një problem diplomatik
Astrit Lika thotë:
24 Qershor 2008 @ 4:40 am
Dilaver Qesja (http://www.peshkupauje.com/o-tempora-o-mores/2008/04/29/) eshte ambasador ne Malajzi. Ai shkoi ne ate vend me mendimin se do te kthehej gjel me pupla. Por Malajzia nuk eshte as Greqi dhe as Itali, qe shqiptaret te mbajne radhen per veprime konsullore.
Shqiptaret e pakte qe jetojne aty apo ne vendet e rajonit qe mbulon ambasada, jane te varfer e mezi mbledhin parate per te paguar pullen konsullore e jo me te paguajne per te shuar orekset korruptive. Kjo e ka merzitur aq shume shefin e misionit sa ka marre nje vendim qe cudit edhe njeriun me skeptik ne bote: asnje vize, asnje veprim konsullor nuk do te kryeje kjo ambasade.
Gjashte muaj eshte sorollatur emigranti shqiptar E.SH. qe jeton prej vitesh ne Tajlande per te siguruar nje vize shqiptare per bshkeshoreten e tij tajlandeze, me te cilen eshte martuar prej shume vitesh dhe kane edhe femije. Dhe Dylaveri ia ka hequr asaj te drejten te shkoje e te shikoje prinderit e burrit ne Lushnje. Se nuk ia don qejfi, se E.SH nuk ka para ekstra te paguaje. Ambasadori eshte shume me kurajo kur mund te mos zbatoje edhe urdherat e ministrise se jashtme, te cilat i ka kundershtuar disa here, perfshire edhe ne rastin konkret.
…. Nuk e kuptoj se per cfare mbahet ajo ambasade e cfare bejne punonjesit e saj gjithe diten (ne stafin e ambasades ka edhe minister fuqiplote (!)), kur nuk te leshojne as edhe nje certifikate per nje femije qe lind, nuk bejne nje vize per gruan me te cilen shqiptari ka zgjedhur te ndaje jeten. Ambasada nuk eshte ciflig i askujt. Ajo duhet te jete ne sherbim te njerzve.
….ne Kuala Lumpur qarkullojne edhe shume fjale lidhur me ato qe ben Dylaveri, perfshire edhe thenien se nje emigrant shqiptar ka bere edhe nje raport policie e se ka ngritur edhe nje padi penale kunder perfaqesuesit shqiptar per shpifje me qellim denigrimi. Uroj te jene vetem goje te liga, perndryshe keq per te dhe per shtetin qe perfaqesohet prej tij.