Raundi i dytë i Botërorit sapo ka mbaruar dhe nuk besoj të ketë ngelur kush me dilemën nëse po shohim futboll tashmë apo jo.

Sa më shumë kohë që kalon, të gjithë tifozët janë përfshirë brenda mekanizmave që ofron loja e bukur, bashkë me ankthin sesi do dalë skuadra e zemrës. Gëzim duartrokitje, zhgënjime, pësime, surpriza... aq sa nuk mund të numërohen.

Didier Drogba pritet të jetë në 11-shen e startit për Bregun e Fildishtë në ndeshjen përballë Brazilit. Ekipi afrikan ka vetëm një barazim me Portugalinë deri tani, ndërsa Brazili mori 3 pikët përballë Koresë së Veriut në ndeshjen e parë. Komentet këtu nuk do të reshtin. 

Kam besim (dhe shpresë) tek Italia e Marcello Lippi-t. Sigurisht, që barazimi me Paraguay-n nuk ishte bindës, po kush ka qenë bindës deri tani? Anglia? Jo. Franca? Më pak se jo. Spanja? Të shpresojmë. Hollanda? Me fat, po, po bindëse, akoma jo.

Sot ka tre ndeshje të forta: Argjentinë - Kore e Jugut, Greqi - Nigeri dhe Francë - Meksikë. Ndiqini këtu nqs nuk keni mundësi të tjera.

Të gjitha ekipet kanë luajtur të paktën një ndeshje, dhe kjo më jep mundësinë që të bëj një përmbledhje të shkurtër të këtij botërori deri tani. Njëkohësisht, në komente do ndjekim dhe ndeshjen Afrikë e Jugut - Uruguaj.

Korea e Veriut, thuhet, ka luajtur vetëm 6 herë jashtë territorit të shtetit të vetë nga 1966 deri më 2009. Unë për vete jam shumë kurioz të shoh se çfarë do të bëjnë përballë Brazilit. Nëqoftëse, ekipi sekret dhe i panjohur i diktaturës më të tmerrshme në botë sot, arrin të fitojë ndaj Brazilit, habia do ishte e jashtëzakonshme (dhe do ishte, me shumë gjasa, surpriza më e madhe e të gjitha kupave të botës).

"Fotografia flet shqip" është një ekspozitë fotografësh shqiptarë, organizuar nga grupi Fotografë Shqiptarë në Flickr. Ekspozita do të jetë ditën e premte, 18 qershor, në orën 19.00, tek galeria FAP në Akademinë e Arteve.