Në internet me Bamirin
Të gjithë ata lundrues të Internetit, shqiptarë e të huaj, që duan të dinë diçka më tepër për Presidentin e ri të Republikës Shqiptare, zotin Bamir Topi, mund të vizitojnë faqen zyrtare të Presidencës së Republikës, e cila përmban e shpalos të dhëna të larmishme për veprimtarinë e këtij institucioni të lartë dhe të titullarit të tij të sapozgjedhur.
Për fat të mirë të botës mbarë, faqja mund të shfletohet edhe në versionin anglisht.
Në një artikull agresiv të para pak ditëve, Kastriot Myftaraj i gazetës “Sot” analizoi gjërë e gjatë disa pohime të diskutueshme në jetëshkrimin e Presidentit; por mua hipotezat e Myftarajt më tingëllojnë edhe më të diskutueshme sesa informacioni në Curriculum Vitae të Presidentit. Nga ana tjetër, nuk mund të mos përmend një hollësi të vetme të cilën e kish vënë re edhe Myftaraj: këmbënguljen e jetëshkruesve të Presidentit Topi për ta theksuar prejardhjen e heroit të tyre nga një “familje autoktone tiranase me tradita qytetare”.
Natyrisht, sikur Presidenti shqiptar të qëllonte të ishte fëmija i shtatë jashtë kurore i ndonjë evgjitke epileptike dhe pak sifilitike nga Bregu i Lumit, nuk besoj se kalemxhinjtë do të vraponin t’ia shpërndanin këtë informacion publikut në faqen zyrtare; prandaj kam të drejtë të supozoj edhe unë se, në disa qarqe elitare, rrënjët krahinore të Bamir Topit, të qenët e tij tiranas “safi” e sidomos tiranas autokton (jo dibran, llacifac, pezak, malok, jabanxhi, fusharak, gollobordas; as i lindur befasisht në një familje oficeri të rreptë të xhenjos me origjinë nga Bënça e Tepelenës), e sidomos traditat qytetare, shihen si pluse të mëdha biografike.
Nuk di në është shkruar ndonjëherë për Sali Berishën, bie fjala, që rrjedh burrërisht nga një klan malësor me tradita rurale të theksuara…
Nga të gjitha grimcat njerëzore që ofron faqja, më fort spikat autoktonia e familjes Topi; sepse ne shqiptarët, pavarësisht prej traditave të lashta baritore e shëtitore, që tani së fundi i kemi ripërtërirë duke u dyndur të gjithë drejt Tiranës, e kemi merak të madh autoktoninë, veçanërisht tonën.
Megjithatë, familja e nderuar Topi nuk më duket se fiton gjë nga theksimi i autoktonisë qytetare, meqë autoktonët tiranas – të cilët i dua shumë dhe më kanë rritur e më kanë ushqyer me bukë me vaj e me sheqer kur isha i vogël – nuk i kanë dhënë gjë të madhe as politikës, as shkencës, as kulturës shqiptare; as pretendojnë t’i kenë dhënë.
As di të ketë ndonjë provë për epërsinë e autoktonëve ndaj të ardhurve në një qytet si Tirana, i cili u bë kryeqytet rastësisht e pa pasur asnjë meritë të shënueshme përveç pozicionit gjeografik anonim.
As ma merr mendja që Topi të jetë instaluar në Presidencë për të zgjidhur problemet e tiranasve autoktonë, të cilëve – si rregullisht gjatë shekullit të fundit – po ua marrin frymën të tjerët: të ardhurit, imigrantët, pushtuesit, shpronësuesit, çeçenët… këtë herë madje edhe duke ua derdhur betonin përsipër, siç ka bërë gjithnjë Mafia.
Po të isha unë qytetar i Republikës Shqiptare, nuk do të më bëhej vonë nëse Topi është me origjinë thrakase, apo pasardhës i Çenxhiz Kanit, apo i aristokracisë së shtetit të parë të Arbërit, apo edhe i Fundmi i Mohikanëve. Midis autoktonisë qytetare tiranase dhe detyrave që i cakton Presidentit kushtetuta e Republikës nuk gjej dot asgjë të përbashkët.
E di; jetojmë në një periudhë kur të gjithë duan të jenë krenarë jo për çfarë po përpiqen të arrijnë, po për çfarë janë e prej nga e kanë prejardhjen; prandaj edhe faqja e Presidencës nuk do të bëjë përjashtim, madje edhe sikur Bamir Topi vetë të mos e shfletojë dot kurrë, e të mos e marrë vesh se me çfarë po mburren të tjerët për të.
Dhe meqë ra fjala, më mirë të mos e shfletojë. Sepse, ruajna zot, i vete dora dhe klikon mbi butonin që të fut në seksionin anglisht, ku do të ndeshet ballazi me këtë paragraf të përkthyer nga fjalimi i tij përshëndetës gjatë vizitës në Regjimentin Komando të Zall-Herrit:
“I am not paying my very first visit to the Armed Forces structures as the President of the Republic by chance to one of the elite AF units, here at the Commando Regiment. I came here respecting the Constitution to share with you, the military and civil personnel of the Armed Forces, both the undeniable efforts and achievements and our concerns and responsibilities to fulfill the major objectives lying ahead of us.”
Lexojeni, o anglishtfolës në gjirin tonë; dhe qajani hallin përkthyesit, që do t’i kenë ikur dritat e mbetur puna përgjysmë.
Përndryshe këto nuk janë gjëra që u lëshohen ashtu lehtë vizitorëve të faqes e kureshtarëve gjithfarësh; meqë pastaj nuk kemi arsye të habitemi me botën që na qëndron larg e na druhet; as me ata të tjerët që, nuk na e duan të mirën e që janë gati të ngrihen nesër të thonë se Shqipëria nuk do të futet në NATO-n e madhe, pa mësuar më parë anglishten terxhumanët e dragomanët e Presidencës së Republikës Autoktone Qytetare Shqiptare.
nga Xha Xhai
8 Gusht 2007 @ 1:19 pm
Edhe shkrimi i xha xhait mua me duket se ka nota te forte kritike.Dhe deri diku me te drejte.
Shqetesimin qe ngre autori qendron ashtu sic qendron dhe stili amatoreskt i stafit te Presidentit qe eshte marre me jeteshkrimin e tij.Verehet qarte amatorizmi me te cilin eshte formuluar curriculum-i i tij,teper i vaket dhe krejtesisht i padenje per te parin e shtetit.Madje ne paragrafin e dyte ndesh madje dhe gabime ortografike.
Tek e fundit mua me duket disi normale kjo situate.Duke u distancuar nga kritika direkte nga presidentit me duhet te theksoj qe shqetesimin perkates e ka shprehur nje pjese e mire e shoqerise.Madje dhe ketu te peshku ka patur nje debat mbi kete teme (kothere&me).Gjithsesi ne nje shoqeri anormale si kjo e jona keto detaje hyjne ne kategorine e normalitetit.
Sic mund te hyje ne kategorine e normalitetit fakti qe Presidenti i Republikes zgjedh per shef te kabinetit te tij nje profesor nga universiteti buqesor i Kamzes….
Valle mbi c’kritere ehte zgjedhur ky individ?!Mos valle kane ndermend “rimekembjen”e bujqesise shqiptare nga Presidenca e Republikes se Shqiperise?!
8 Gusht 2007 @ 1:39 pm
Kjo lloj Autoktonie eshte dicka qe s’ia vlen fare te diskutohet ne nivele te tilla. Sa per perkthimin, te vesh duart ne koke, po duhet te kene vene “kushte” te forta per tu punesuar aty, plus dhe paga e ulet qe ndoshta s’shkon perkthyes i specializuar. Sa e paskan llustru presidentin! E kane bere si top-modele.
8 Gusht 2007 @ 2:11 pm
“I am not paying my very first visit to the Armed Forces structures as the President of the Republic by chance to one of the elite AF units, here at the Commando Regiment. I came here respecting the Constitution to share with you, the military and civil personnel of the Armed Forces, both the undeniable efforts and achievements and our concerns and responsibilities to fulfill the major objectives lying ahead of us.”
===
Hiii, I name is Borat… I like you… do you like me?
8 Gusht 2007 @ 2:25 pm
Po të isha unë qytetar i Republikës Shqiptare, nuk do të më bëhej vonë nëse Topi është me origjinë thrakase, apo pasardhës i Çenxhiz Kanit, apo i aristokracisë së shtetit të parë të Arbërit, apo edhe i Fundmi i Mohikanëve. Midis autoktonisë qytetare tiranase dhe detyrave që i cakton Presidentit kushtetuta e Republikës nuk gjej dot asgjë të përbashkët.
—————————————————————–
Besoj dhe e mbeshtes fort kete qe do te them qe ka shume te beje se nga e ka preardhjen dikush, sepse sipas menyres qe eshte rritur dhe sipas shoqerise ne te cilen jeton do te veproje.Z.President vjen nga nje familje 100% tiranase, qe perkthehet (myslymane injorante denbabaden me citjane).Kam pershtypjen qe kjo eshte shume domethenese dhe per mendimin tim me mire i shkon te jete President i klubit te futbollit “Tirana” sesa i Republikes se Shqiperise.Ne vijim dua te shtoj qe ne fakt ne nuk kemi politikane te cilet t emund te krahason qofte edhe nga pamja Fizike e tyre me koleget ne bote si Blair apo Sarkozi, pale me nga ajo profesionale.Ne perfundim dua te shtoj dhe te mbyll :mjere ne per klasen politike qe kemi, mjere mjere mjere…”
8 Gusht 2007 @ 2:33 pm
Meqe ra llafi tek Sk.Tirana.A eshte akoma presidenti de juro i ekipit z.Topi?
Perfundimisht sistemi i vlerave (per ate te perzgjedhjes dhe daljes se tyre ne krye te shoqerise ) ne shoqerine tone ka mberdhif.Vleresimi me ane te kritereve te tille tregon situaten dramatike sociale ne te cilen eshte zhytur shoqeria jone.
8 Gusht 2007 @ 2:38 pm
….eshte shpejt akoma te gjykojme presidentin e ri….
…mesa e kam njohur nga larg Ai eshte/ka qene djale i mire - me shkolle e gjithe te mirat
…por ne (si kompetenta) do i gjejme cdo njeriu te meta edhe nga ato qe si ka…konkretisht ju qe e pergojoni, na thoni ndonje thashethem neve qe sdime….dhe sa per nga paraqitja cfare ka me pak se Bler apo ai hunderri i frances…..
….une mendoj qe Topi hyn ne brezin e ri te politikaneve….po e la sala kuptohet….le te presim dhe ca e pastaj flasim…
….une kom besim tek ky vllai mer jahu…hallall ja boft zoti….
8 Gusht 2007 @ 2:48 pm
Ju qe jeni jashte ja fusni edhe pak kote, se kam jetuar edhe une 17 vjet jashte dhe tani jam kthyer.Te jetosh keto cdo dite e kupton shume mire se nuk mjafton nota e mire ne Biologji qe te te beje burre shteti.Ne nuk kemi burra shteti dhe nuk kemi per te pasur ndonjehere, prandaj dhe vajten 20 vjet dhe nuk po behemi dot dhe per me keq po shkojme keq e me keq.Topi u zgjodh nga halli President jo eshte i klases se re politike, sepse klasa e re politike ne shqiperi as nuk arriti te krijohej sepse sapo u krijua vdiq.Mos gjykoni me nostalgji dhe me te degjuar mediat, duhet te jetoni ketu cdo dite te kuptoni qe Shqiperia perfundimisht zor se ka per tu bere po nuk i ktheu syte nga Zoti.Sa per Blair dhe Sarkozi, kot per kuriozitet sa piktura ka ne shtepi Topi, pervec atyre sixhadeve qe i vinin njehere e nje kohe ne mur?
8 Gusht 2007 @ 2:57 pm
ardo, jam me ty bro…. edhe une e kam njoh nga larg, kane qene nje brez siper nesh, po prap me sa e kam njoh eshte ashtu si thua ti.
Shiko, turqit kane nje fjale per pamjen e jashtme te njeriut: “çallëm”. Tani sa per ate pune Bamiri “çallëm” ka; shumica e udheheqesve shqiptare ka patur çallëm. Enver Hoxha, Mehmet Shehu (Ramizi dhe Tosi ne fakt nuk ka qene gje), Sala, Edi Rama…. te gjithe te kujtojne ate shprehjen “i zgjedhin komisaret, keta ja marrin mendjen popullit”. Pra edhe Bamiri, çallëmin s’e ka keq. Ishalla nuk e qelb muhabetin si bejne zakonisht kapot shqiptare…. ja uroj jo per gje, por meqe eshte “jo-katunar” - e di ti si polikums se per ca e kam llafin.
Pershendetje, ard!
8 Gusht 2007 @ 2:57 pm
Ketu nuk po shajme presidentin por ata servilet e tij qe ka perreth dhe qe ne vend te shkruajne gjera me vlere ne website shkruajne brockulla me rigon qe ta peshtirin. Jo eshte Tirans i vjeter jo eshte ashtu jo keshtu……. Po te jete per vlera tiransit kane vlera vetem per raki mani dhe gjize te veshur me brekushe…… Gjeni ndonje qe di mire shkrim dhe lexim ne Anglisht o qyqare se website i presidences e hapin edhe te huaj dhe qe aty ta vene noten dhe kuptohet cfare note te japin kur shikojne pacavuret e atij lolos se presidences……..
8 Gusht 2007 @ 3:01 pm
E. po pretendon se gjithëka që është e huaj qenka e bukur. Kam takuar anglez që shanin Toni Blair më keq se sa po shoni ju E. Topin. Edhe?
Unë nuk e kuptojë ç’të keqe paska të kesh sixhade në shtëpi. E keqja e vetme është se shumica prej nesh kanë kompleksin e inferioritetit.
Sa për temën, unë mendoj se nuk ka asgjë të keqe ta thotë që rrjedh nga një familje qytetare tiranase. Është pjesë e personalitetit të tij, dhe fakti që shumë nga ne nuk e kane, nuk do të thotë që është e keqe. Mjafton që kjo të mos jetë kredoja e vetme e tij. Shumë vargje kot po thurren në këtë temë.
8 Gusht 2007 @ 3:04 pm
ardi thotë:
8 Gusht 2007 @ 2:38 pm
….eshte shpejt akoma te gjykojme presidentin e ri….
===
E c’te mos e gjykosh nje president qe erdhi ne fuqi me votat e Fatos Nanos per ti prish pune Edi Rames?
E c’te mos gjykosh nje president me vetem nje artikull ne axhenden e tij: shkarkimin e Sollakut….
Jo se sala, nano, rama e sollaku jane me te mire, po ne momentin qe ky pranoi te futej ne pazarlliqet e ketyre e vuri vehten ne rangun e plehrave.
Dmth… fillon konsiderata si pleher… tani do te na duhet te shohim prova qe nuk eshte pleher e te fillojme te besojme. Por enderrat ngelen ne sirtar…
8 Gusht 2007 @ 3:05 pm
Jeton,
jam e te njejtit mendim.
8 Gusht 2007 @ 3:07 pm
Unë nuk e kuptojë ç’të keqe paska të kesh sixhade në shtëpi. E keqja e vetme është se shumica prej nesh kanë kompleksin e inferioritetit.
———————————————————————-
Nuk ka te beje fare me kompleks inferioriteti, por me perballjen me realitetin.Shqiptaret duhet ti shohin gjerat me me realitet dhe jo me budallallekun e nacionalizmit si Greket, dhe realiteti eshte qe ne jemi popull qe nuk e kemi edukaten e te kerkuarit te te drejtes sone dhe deri sa ta pervetesojme do na qeverisin njerez si Bamiri, Sala, Nano, Ruli etj.Sa per Blair nuk ak te beje me “e huaj bukur”, por me “rroten e shpiken ata dhe jo ne”, keshtu qe nuk kemi c’tu themi atyre nga Evropi, duam apo jo ne na e hedhin ne kthese.
8 Gusht 2007 @ 3:11 pm
NUk e kuptojë ç’hynë të huajt në këtë temë?
Apo të flasim për ato që mendojmë se dimë më mirë?
Anonim, falem nderit!
8 Gusht 2007 @ 3:13 pm
Bamiri eshte e keqja me vogel e mundshme. Ca prisni ne Shqiperi, ku plasen familjet e medha, apo ato pseudofamiljet e “njeriut te ri” qe krijoi socializmi.
Lexues, ata qe kishin kulture e shkolla qe nga stergjysherit ose s’merren fare me poltike (se dhe po u morren nuk i lene bastardet atje) ose ia kane mbathur jashte e kane mbledhur mendjen :))
8 Gusht 2007 @ 3:15 pm
…une vet jam me origjine nga jugu por kam lind e jam rrit ne tirane, por njerez me te ndershem, te dashur, mikprites dhe jo interesaxhi se tironsit nuk ka ne shqiperi….mendoj se keto cilesi i duhen politikaneve tane sot…
…sigurisht qe une flas nga larg, por lajmet dhe interneti jane njesoj edhe per ata qe rrine ne shqiperi….ah po, per thashethemet qe bohen tek kafja ato nuk i di…
….
….cfare po them une eshte ti japim kohe se asnjeri se di si do veproje topi ne pozicionin e presidentit…ku te jemi objektive…do e kete te veshtire me presionin sales mbi koke…
….tungjatjeta emigrant…( me kete nickun tend bro, me duket sikur i drejtohem edhe vetes time)…
8 Gusht 2007 @ 3:16 pm
NUk e kuptojë ç’hynë të huajt në këtë temë?
——————————————————————–
Ne nuk bejme dot gje vetem ne, kaq gje duhet te kuptosh ti Jeton qe jeton edhe ne atdhe.Keshtu qe mos ja fut kot.Dhe jam shume dokort me Girl.
8 Gusht 2007 @ 3:19 pm
@E ty te drejtohesha, nuk mbaja mend komentin dhe shkruajta Lexues
8 Gusht 2007 @ 3:20 pm
E. nuk besoj se ja vlen diskutimin me ju pa kësaj që the, por me që jam i lirë për momentim, hajde po flasim kodra pas bregut. Çfarë qenka kjo që nuk mund të bëjmë ne pa të huajt?!!! Ne po flasim për origjinën e presidentit? Mos don të thuash se nuk bohet kjo pa qenë të huajt?
Më fal që ja futa kot!
Unë them mirë është të shohim temën pasi të flasim. Tani debati do të dal te Nano-Berisha dhe Bleri e Sarkozy. Ose hajde të flasim për zjarret dhe energjinë te tema për birografinë e presidentit.
8 Gusht 2007 @ 3:24 pm
Me vjen keq qe te te them prape “mos ja fut kot”, as nuk ke arritur ti te kuptosh se cfare dua te them une me “te huaj”, per kete arsye mos e komento kot dicka qe nuk kupton ose qe mendon se kupton se padyshim qe do ja fusesh kot.
8 Gusht 2007 @ 3:25 pm
Te lumte Lawman!
Topi mund te jete cfare te doje por por vetem perdorja qe i beri Sala dhe perdorimi qe do ti beje ne te ardhmen si makina firmosese e tij ja kane ulur cdo vlere si njeri……. Presidenti eshte i gjithe Shqiptareve dhe jo vetem i Sales me Tosit.
Plehrat kane per te udhehequr ne Shqiperi derisa tju zene frymen si buburreci poshte bajges……..
8 Gusht 2007 @ 3:26 pm
E. qenke shumë i thellë, nuk të paskam kuptuar. Çfarë deshe të thuash? Një herë na the që tanët janë kot e nuk krahasohen me Blair e Srakozy, pastaj vazhdohe duke sharë sixhadet, duke shtuar se të huajt na e marrin krahun dhe në fund, pa të huajt ne nuk bëjmë dot gjë.
Konkluzioni? Më ndriço, të lutem!
8 Gusht 2007 @ 3:27 pm
K.E.SH.
8 Gusht 2007 @ 3:35 pm
jo, unë them Blair dhe Sarkozy
8 Gusht 2007 @ 4:46 pm
A nuk ke pak “double standard” ketu?
Pse, psh, nuk u ankua njeri kur Moisiu vinte “nga nje familje qytetare Kavajase”?
Une e kuptoj qe kjo puna e “autoktonise” eshte budallakek me brire, dhe per kulmin e ketij budallalleku “gugllni” nje artikull te Sokol Balles qe e konsideronte faktin qe Bamiri eshte tirons si evidence qe ky do te jete mbi vogelsirat krahinore(!!!). Ne ishim te supozuar t’a merrnim kete on “face value” pa ndonje shpjegim ndihmonjes.
Por mua ky nervozizem ndaj tironsave “t’trashe” nuk me pelqen, ashtu sic nuk me pelqen qe meqenese Topi eshte nominalisht mysliman, gati gati i vihet barra persiper qe AI te na provoje NE se nuk eshte praktikant i fese, gje qe nuk ju kerkua fjala vjen Moisiut, megjithese ai shkonte ne kishe e kendonte edhe psallm.
8 Gusht 2007 @ 4:52 pm
Me behet qejfi qe kjo teme e nisur ne blogun tim diskutohet edhe te Peshku; por dua te saktesoj dicka - Bamir Topi me siguri nuk e ka pare kurre se c’thuhet ne faqen e tij te presidences. As shkrimi im ka te beje me njeriun Bamir, te cilin e njoh personalisht, madje e kam pasur shok dhome per disa muaj ne Rome; dhe e vleresoj shume si korrekt, te shoqerueshem dhe te qyteteruar. Nuk them dot asgje te keqe per te, as kam pse. E keqja qe i kercenohet Bamirit eshte edhe kjo maske qe duan t’ia ngjeshin ne fytyre sikofantet, per ta kontrolluar me mire. Nga ana tjeter, mua me shqeteson edhe niveli per te ardhur keq i asaj faqeje zyrtare dhe jo vetem per anglishten qe e kane per faqe te zeze; sepse edhe ne shqipen pashe plot gabime.
8 Gusht 2007 @ 5:16 pm
jam dakort xha xhai që faqja e Presidentit kishte gabime drejtshkrimore, dhe kjo nuk duhet të falet. Për shembull: Presidenti Bamir Topi ka lindur…?!!! A djalë a vajzë e ka lindur Presidenti? A nuk do të ishte më mirë të thuhet u lind?
Nuk po përmendi mungesat e ë-ve. Kjo është për të ardhur keq.
Unë nuk jam dakord, e përsëris, fakti që ai është pasaradhës i një familje të vjetër nga Tirana, edhe me traditë qytetare.
8 Gusht 2007 @ 5:18 pm
paskam harruar të shtoj, Unë nuk jam dakord, e përsëris, fakti që ai është pasaradhës i një familje të vjetër nga Tirana, edhe me traditë qytetare, të mos përmendet. Shumë mirë që është. Ashtu qoftë pasi në fakt ndër ne mungon qytetaria.
8 Gusht 2007 @ 5:53 pm
Bamiri … po cberi ky bamiri se une nuk ja kam degjuar ndonjehere zerin.
Sala do ta perdori per te kaluar te gjitha projekt ligjet qe i ka qejfi dhe te minoje punen e socialisteve edhe nqs nuk fitojne zgjedhjet me vone.
Nga ana tjeter Bamiri nuk do tia harroje kurre kete nder qe i beri sala . Se nuk behesh president kaq kollaj ne shqiperi:)
8 Gusht 2007 @ 5:54 pm
jam dakort me ardin
8 Gusht 2007 @ 5:55 pm
Eshte e vertete qe as deshiroj fare qe t’i kundervihem mendimeve kritike ndaj cdo kujt per kedo e per cdo gje. Natyrshem, secili jep mendimet ne bisede qe eshte e hapur per nje teme ne kete rast per faqen e Internetit per Presidentin Bamir si e ritheksoi dhe vete autrori.
Mua me duket shume me e rendesishme sensibilizimi i opinionit nderkombetar dhe se cfare do te bejne shqiptaret ne 120 ditet per Pavarsine e Kosoves sesa kritikat per te metat ne ate faqe qe edhe ato jane te verteta. Topi pati bisede me Presidentin e Kosoves dhe u shpreh ne menyre krejt te dukshme se ne e perkrahim Pavarsine e Kosove. Sot ne marrim vesh reagimin e ashper te shtetit serb ndaj Presidentit te te gjithe shqiptareve. Une mendoj se anetaret e blogut duhet tu vihet ne dispozicion kjo deklarate dhe ne te gjithe si shqiptaret e tjere te bashkojme zerin tone me zerin e Presidentit Topi per Pavarsine e Kosoves. Ne duhet qe ti kundervihemi deklaratave dhe perpjekjeve te serbeve per rikolonizimin e Kosoves. Kam mendimin se keto 120 dite kane filluar dhe ndersa diplomacia dhe serbet kudo ne bote po bejene punen e tyre, ne po vazhdojme te qendrojme ne kritika shume pak me te rendesishme se ceshtja Kombetare. Shanset e ketyre koheve per Kombin Shqiptar nuk vijne perhere prandaj mendoj qe duhet ti leme menjane disa kohe bisedat tona te zakonshme dhe te bejme ate qe u perpoqem edhe per emigrantet e rrahur ne Greqi. Dhe kete rradhe nuk eshte puna per nje rrahje te nje apo dy shqiptareve, nuk eshte puna per nje grup shoqeror apo pakice; eshte koha per te ngritur zerin e fuqishem kunder padrejtesive qe shkaktoi historia mbi kombin tone dhe aspak per fajin tone sic mundohen ta paraqesin disa kalemxhinje te fuqizuar nga teknikat moderne te kohes. Ne se ndokush mendon se nuk kemi se c’te bjme ju kujtojo se ne jemi te “armatosur deri ne dhembe”me teknikat moderne te amplifikimit te zerit, me intelektuale te mirfillte, me perkthyes te shkelqyer ne drejtim te shqipes dhe sidomos ne drejtim te anglishtes, me njerez patriote qe u vlon gjaku per te mbrojtur Identitetin nga valet kercenuese te vandaleve dhe huneve te rinj.
Ne se dikur gjyshrit tane u therrisnin vajzave dhe djemve te vet: Ne mos kini arme, gjeni/ Ja rrembeni atij qeni,
nesot nuk kemi nevoje t’i rrembjeme armet ndokujt, ne jemi te paisur shume mire sot dhe neser s’kemi pse te qahemi e kishte fajin ky apo ai.
Ndofta dola shume nga tema por keshtu mendoj.
8 Gusht 2007 @ 6:34 pm
Për kolltukun e Bamirit
u bë e majta përshesh
socialistët në çdo anë
prisnin zgjedhje morën lesh
për zgjedhjet e parakohëshme
priste Shqipëria ime
por dy vjet përmbi kurriz,
do mbajë thesin me mashtrime
punët morën keq
skemi si kalojmë natën,
kur të zbresë Saliu nga kali
e ka marrë ferra uratën
Për kolltukun e të parit
e majta keqas u grind
se kolltuku ishte një
dhe rivalet qenë njëqind.
Per kolltukun e Bamirit
krejt e majta u shkërmoq,
Sala kapërceu lumin
me një gur vrau dy zogj.
Kampi roz më i fuqishmi
këtë herë mori të çara,
mezi priste LSI-ja
priste të dilte e para.
Socialistët cirren nduken
ndërsa vendi po jep frymë,
LSI-ja nis mitingjet
s’ecën vendin me Salinë.
Pas kolltukut të Bamirit
o shok u bë baderdia,
në krye të opozitës
po na vihet LSI-ja
Lsi-ja është e prerë
asnjëherë s’qëndron e qetë
vetëm se në tre korrik,
pruri Salën në pushtet
Pruri Salën në pushtet
për inat të socialistëve,
Lsi-ja ishte fati
demoktratëve dhe ballistëve
Se Saliut i ndriti fati,
i ndritit në tre korrik
po mos donte LSI-ja,
Sala do ishte opozitë.
Por përçarja prap u shfaq
dhe më keq se tre korriku
tani Sala s’ka rivalë,
s’mund të bjerë me nga fiku.
Si çifut në shkretëtirë
socialistët cirrën bredhin.
Fiku Salës është i tharë
po s’ka duar që ta hedhin.
Sala do ish opozitë
dhe do ulëriste rrugës
të ik Nanua te ik Rama,
të ngrihet kazani i supës
Sala do ish opozitë
dhe do bërtiste me bujë,
në njëzet e katër orë
ju jap 48 orë ujë
Po mos ishte LSI-ja
Sala do ishte opozitë
dhe pa Salen në pushtet,
do të kishim me shumë dritë
Sala do ish opozitë
e do çirrej me furri,
gjithë njerëzit e korruptuar
do t’i mbyll nëpër qeli.
Do t’i mbyll nëpër qeli
vjedhjes do t’i vë kapakun,
burgjet do t’i populloj,
do ta filloj me Sollakun.
Sala erdhi në pushtet,
erdhi dhe fletën e ktheu
për ato ç’ka na premtoi,
u gënjyem na genjeu…
Sala erdhi në pushtet
erdhi bashkë me Xhuvelin
e majta ka humbur rrugën,
dhe po shkon qiqra në hell
E majta është e përçarë
diçka ngec e dicka s’shkon,
divizioni i socialistëve
po kthehet në batalion
sharje, sharje të pafundme
kampi rozë nuk është i qetë.
O Sali të lumtë dora,
se do mbretërosh përjetë !
O Sali të lumtë mendja,
u lodhe dhe u përpoqe
dhe të majtën tash e ktheve
ca në kashtë e ca në koqe
O Sali që s’e ke shokun,
komunist që nuk shteron
dhe si komunsit qe je,
i përçan dhe i sundon!
O Sali ia more dorën
Shqipërinë ti e ke hak
50 vjet të qeverisësh,
përsëri për ty është pak.
50 vjet për ty është pak
që të themi të vërtetën,
sepse komandant Enveri
diti kujt ia la stafetën !
O Sali të lumtë dora,
se mbete në vend të parë
sa të grindet Rama Nano,
edhe Fjerza është tharë
O Sali të lumtë dora
do ndriçosh siç ke ndriçuar
sa të kujtohen të majtët,
dhe burimet kanë shteruar!
Me c’po ndodh e me c’po shohim,
kjo është koha e Berishës.
Sa të thahet uji i Fierzës
kemi bishtukët e pishës.
O Sali të lumtë dora
të majtës po i bën gropën
edhe shokut Neritan,
Nën sini ja vure kokën.
O Sali je i gjithanshëm
u lojte njerëzve fiqirin
që të mbretërosh për jetë
bere dalje dhe Bamirin…
O Sali të lumtë mendja
mbretëron ti në çdo skaj,
e majta s’merret me ty,
merret me veten e saj.
O Sali seç u përpoqe
pa gjum natën pa gjum ditën
s’ka nevojë të qeverisësh
Po shkatërrove opozitën.
Kur të vdesësh qoftë larg
e majta ti bjerë legenit
ti pushtetin do t’ja lesh,
o Argitës, o Shkëlzenit
O Sali yll i pashuar
mbretëron në këtë vend
për drita s’kemi nevojë
se na ndricon ylli tënd.
Nuk na thua o tribun
që dhe këtë herë e tunde,
ç’borxh të ka ty Shqipëria
që e ktheve thes me krunde.
8 Gusht 2007 @ 6:38 pm
Ej edhe une jam dakrot me lawman. Te pranosh presidence nen kushte do te thote ti heqesh vize vetes. Berisha pa u shpall reluztati i votimit per presidentin deklaroi jashte kuvendit se tashme priste shkarkimin e kryeprokurorit (a thua ti per keto pese vjet qe ka qene sollaku u be nami ne shqiperi se para tij kemi qene me mire dhe mbrapa ti do jemi me mire). Nqs Topi e ka pranuar kushtin ateher ai ka shenuar edhe reputacionin e tij. SA per traditat e tij tiranase per mua tingellon edhe si nje diskriminim qe u behet qyteteve te tjera. Gjate gjithe periudhes se rilidnjes shqiptare madje edhe menjehere pas shpalljes se pavarsise dy kane qene qendrat kulturore ne vend Shkodra dhe Korca. Tirana u be e famshme pse sulejman delvinen nuk e lane te futej ne Durres (kryeqyteti i atehershem i vendit) dhe pastaj Zogu e beri kryeqytet zyrtarisht se ishte afer matit dhe ne raste trazirash mundet qe te vini shpejt besniket e tij. Tani i bie qe personta qe jane nga qyetete te tjera dhe jo nga tirana nuk jane te afte apo nuk kane zotesine mencurine dhe traditen e tij. Megjithate prape mendoj se i duhet lene kohe, ta tregoje veten.
8 Gusht 2007 @ 7:29 pm
Bregdetari thote: Tani i bie qe personta qe jane nga qyetete te tjera dhe jo nga tirana nuk jane te afte apo nuk kane zotesine mencurine dhe traditen e tij.
Ne fakt Bregdetar, kjo eshte hera e pare qe ne krye te Shqiperise po vendoset nje “tirons”. Jo se kjo pune ka rradhe, e aq me pak rendesi, por asnjehere me pare nuk kishte ndodhur. Fatos Nano qe eshte i lindur ne Tirane eshte ne fakt i vetmi “tirons” tjeter qe ka qene kryeminister, por nga keta “safite” asnje nuk ka qene, Tosi ishte “first generation”. E perseris, kjo nuk ka pike rendesie, por themi qe themi, t’i themi tamam.
8 Gusht 2007 @ 7:43 pm
Anonymus pavarsisht se shte hera e pare qe vendoset nje tirons ne postin e larte te presidentit kjo sdo te thote asgje. Nuk eshte prejardhja ajo qe ka rendesi primare. rendesi ka sa integritet, moral, personalitet, aftesi vendimarrje ka nje person. Prandaj prejardhja nuk ka fare erendesi dhe per kete jam dakort me ty, por me duket se ato i japin shume rendesi prejaedhjes se deri tani ndonje gje konkrete dhe merite te vecante ky person nuk ka, prandaj tentojne te ngrejne dicka. Se si ky person do te drejtoje institucionin e tij kjo nuk varet fare nga e ka prejardhjen. Megjithate e perseris se duhet te presim ne lidhje me komenete te tjera me te. Une tek nje funksionar i larte dua te shoh aftesine dhe jo prejardhjen.
8 Gusht 2007 @ 8:39 pm
ajde cuna mos u merzisni se ne jemi ato maloket apo ata qe hane gjise keshtu qe edhe politikanet prej nesh dalin keshtu juve qe mendoni se keni piktura neper shpia dhe qe keni pasur me perpara uroj qe te beheni e ardhmja se ne te tjeret mbanim kanoce tek bufeja ha ha hapastaj te gjithe politikanet shahen puna eshte qe ai ishte i zoti te arrinte presidencen kurse ne emigrimin
8 Gusht 2007 @ 9:55 pm
Mire qe e thote qe eshte “nga nje familje autoktone tiranase me tradita qytetare”, po ne kete stil mund te shtonte diçka dhe te gjendja civile, duke thene se a eshte besnik apo jo dhe se ku e ka takuar gruan, ose detaje te tjera “humane” si keto…
Ajo fjali s’eshte veç e shkruar ne internet; pershkrimi i familjes, ne te njejten fryme, hengri me shume se gjysmen e 10 minutave gjate te cilave Z. Topi u paraqit ne s’di cilin kanal TV para fillimit te zgjedhjeve per President. Ndoshta keshilltaret ne PR te Z. Topi jane po aq te keqpaguar sa dhe perkthyesit…
8 Gusht 2007 @ 10:44 pm
Xha Xhai ka te drejte.Faqja zyrtare e Presidences kishte mjaft gabime ortografike ,gje qe nuk lejohet ne kete nivel.Ajo qe me ra ne sy ishte CV e z.Topi:” gjendja civile I Martuar me dy femije ”
E drejte sipas mendimit tim do te ishte: “I martuar,me dy femije”.
Perndryshe ashtu si eshte e shkruar ,njeriu mund te nxjerre konkluzione te gabuara e akoma te mendoj se behet fjale per nje pedofil poligamist.
Edhe perkthimi ne gjuhen angleze ishte skandaloz(i gjasonte Tarzanit).
Perndryshe kjo zemer kosovare i deshiron z.Topi dhe familjes tij shendet dhe gjithe te mira ne jete.Suksese dhe si e thote populli te ne:”ta kemi lane Shqypnine ne amanet”
8 Gusht 2007 @ 10:57 pm
Duke qene se nuk e di arsyen e mos daljes se postimit tim disa ore me pare, po perpiqem te jap nje ide me te shkurte te asaj qe doja te thosha.
Nuk mendoj qe eshte koha per te diskutuar ortografine dhe aureolat qe i vendosin sherbetoret e cdo regjimi kryetareve te shteteve. Bamir Topi ka bere nje deklarate qe nuk e kam degjuar nga goja e ndonje politikani per 16 vjete rresht. Shteti serb i eshte pergjigjur me kritika te ashpra dhe une mendoj se cdo shqiptar brenda Ballkanit dhe te gjithe ata qe jetojne dhe punojne ne Europe, ne Amerike dhe kontinentet e tjera duhet ta bashkojne zerin me Zerin e Presidentit shqiptar ne deklaraten e tij ne mbeshtetje te Pavarsise se Kosoves.
Mendoj se sot jane castet vendimtare per fatet e kombit tone. Le ta bashkojme zerin te gjithe per Pavarsine e vellezerve tane te Kosoves Martire.
8 Gusht 2007 @ 11:14 pm
Zevzeke, komshije duhet te jemi me siguri.
S’po e shan njeri Bamirin, une i shava marketingun. Nje shembull: uji i Qafes se Malit, “Lajthiza”, eshte fantastik: i lehte sa te pish dy litra njeheresh dhe te le ne goje shijen e rrumbullaket te ahishteve nga ka kaluar. Por, shishen e ka prej materiali te dobet, duket si e vjeter, dhe etiketen ne po ate lartesi, me nje vizatim medioker e leter te dobet. Ai qe s’e njeh, nje i huaj p.sh. s’e prek me dore; preferon ndonje uje maqedonas apo malazez. Keshtu…
Ja, na pushofte shiu!
8 Gusht 2007 @ 11:41 pm
Jo, zevzeke, jemi dy goca, po kjo s’eshte arsy per te mos pire kafe, sidomos turke.
9 Gusht 2007 @ 12:14 am
Audienca ndoshta ka nevoje per kete theksim te faktit qe z. Topi eshte Tiranas autokton.
9 Gusht 2007 @ 1:19 am
kraste po flisnim per presidentin ketu perqendrohu te tema
9 Gusht 2007 @ 1:34 am
C’te thuash per Presidentin? E keni bere fertele. Ky etiketimi i Tiranasve si injorante eshte i papranueshem. Ai eshte se pari Bamir Topi (Burri, njeriu) - dhe neqoftese keshtilltaret ia kane meshuar pakez kot me autotonizmin, le te tregohemi ne me mendjehapur dhe te mos paragjykojme Tirnocit den baba den, sepse me te vertete ka patur ne Tirane familje te medha dhe per edukim dhe vlera qe (pound per pound - se tirana ka qene e vogel) rivalizojne traditat e familjeve shqiptare kudo gjetke.
Shkrimi vete ishte shume i kendshem dhe i sakte, por ca komente kunder presidentit ishin “kot nasi koti” dhe per rrjedhoje te merzitshme.
9 Gusht 2007 @ 1:51 am
o blendi…. nuk e di pse revoltohem sa here te lexoj. Kjo, edhe kur jam dakort me ty.Mbase nga menyra sesi i perdor fjalet ose nga fryma qe pershkon shkrimet,ose nga nje nervozizem i pakuptueshem qe ke qe mbase mund te jete thjesht temperamenti yt … ose ngaqe ti pret nga ne te flasim e te shkruajme ato qe mendon ti…(sepse ashtu eshte patjeter) nuk e di.
Me qete Blendi. me frikson keshtu se ne fund te fundit njerez te thjeshte jemi nuk kemi asgje ne dore lol
dhe e dyta per tju futur perseri temes Njerezit ketu po thone qe nuk eshte ndonje grade shkencore te jesh nga tirana sepse kjo ishte nje nga vlerat kryesore te toipit qe ngriti lart sala kur e prpozoi si president. Nejse,
Kush do rroje do te shikoje thote populli:)
Po edhe ti ama mos mu nervozo tashi edhe mos mu kthe me ndonje nga ato pergjigjet termet se do ta printoj edhe do ta coj gjykates per te drejtat e forumisteve per mobing qe me ben sa here te lexoj . ciao he qesh nje cike:)
9 Gusht 2007 @ 2:20 am
Yyyyyy sa ronde u ndjeva. ma fute bukur tamam kur si Malvolio po thurja plan te te fitoja zemren. C’te komentoj? Se ti je teper mizore, dhe per revoltimin tend me jep disa arsye te paqarta qe nuk jane as fqinje njera me tjetren. Cudi, sidoqofte se une me c’kam lexuar nga ty kam qene pergjithsisht dakord.
Ishte hera e pare qe shkembyem bashke dhe e nisem me kemben e mbare.
9 Gusht 2007 @ 2:35 am
muaaaah blendi Paqe:) E cuditshme si bredhin keto energjite
9 Gusht 2007 @ 2:40 am
O ‘Flamure shqiptare’,
shkoni pak te ’si filloi protesta’, e me ktheni pergjigje…
~pak fjale, shume pune~
Dante Alighieri (1265-1321) tha:
“The hottest places in hell are reserved for those who, in time of great moral crisis, maintain their neutrality.”
9 Gusht 2007 @ 2:40 am
E kam te qarte qe ndonjehere komentet mund te tingellojne keq, dhe une ngjaj si pallë, po keto jane reziqet e komunikimit virtual - nuk eshte i perkryer.
ciao
9 Gusht 2007 @ 3:14 am
O Laura, ato turrat per ne ferr i gje ketu http://www.peshkupauje.com/militarizimi-politik-i-shoqerise-civile/2007/08/08/
9 Gusht 2007 @ 3:41 am
Malvolio?
uh c’me kenoqe…. po ku e gjete… e ka pas lujt Bert Ndrenika heret…. e kam pare kater here brenda javes te teatri kombetar… adoleshente hesapi…
Nuk di c’behet me teatrin kombetar sot, po ne ato kohe ishte qender e vertete kulture…. eh ne ato kohera, ne ato vite, s’kishim buke, hanim simite….
Rrofsh Blend, pa e dit as vete me lujte nje tel zemre qe kish vite qe kish rene ne qetesi…. Malvolio…. bwwaahhhh!
9 Gusht 2007 @ 9:02 am
Rrofsh parulla, artikulli i goditur, ja tha po kujt ja tha… politikaneve?
Une po pres akoma se c’thone flamujt shqiptare ketu te peshku, deri tani asnje s’pipetiu.. thua valle perse?
9 Gusht 2007 @ 9:20 am
as mos prit, shqiptaret kane me cfare te merren, shoqeri, kafene, bare. Nuk ke kohe ne Shqiperi, per te kaluar kohen ne internet :), ah kur je ne zyre poooo.
9 Gusht 2007 @ 9:45 am
Laura, ke lexuar gjë nga pjesa e sipërme për postime e flamujve shqiptarë?
9 Gusht 2007 @ 8:33 pm
Saliu ia ka perkthyer ato paragrafet ne anglisht?
9 Gusht 2007 @ 9:19 pm
Artikullshkruesi mendoj se kishte te drejte, sepse si rregull per personalitetet, jepet vendlindja dhe rritja, (lindur ne Tirane me……dhe rritur po ne Tirane, p.sh.) , si dhe jepet CV, per eksperiencen dhe shkollen. Mendoj se ka ardhur koha qe nallbanet qe ka mbledhur Berisha , te zevendesohen me njerez me shkolle dhe eksperiencen perkatese.
10 Gusht 2007 @ 2:32 am
ndersa faqja e presidentit ka gabime ortografike, ministrja e integrimit ka link te vecante per fotot e saja ku te jep pershtypjen qe eshte nje website personale dhe ajo po pozon per tu reklamuar nje kompani mode…
http://www.mie.gov.al/?fq=galeriok&mt=showalbum&albumID=28&gj=gj1&kid=147
kto qeveritaret tone jane ftof krejt more popull…bobo ku kujtojne se jane kshtu kto…nuk u beka fjale per common sense dhe modesti…
10 Gusht 2007 @ 3:44 am
@ola: mu m’pelqeka me ato rrobat blu…. miiiire aty!
PS jo per gjo, po mqse naj pune s’po bojn’, t’kullosim syt’ t’pakten…
10 Gusht 2007 @ 5:49 am
Ola kam qesh me ate link-un me te madhe.
10 Gusht 2007 @ 9:27 am
@ Ola: Po te kishte dhe nonji foto me rroba banjo, do ishim integru me shpejt
10 Gusht 2007 @ 10:56 am
O Zot sa e bukur, sa e bukur. Megjithëse te kjo foto te Këshilli i Ministrave ka dal pak zi e zëne kaps (ndjesë po nuk gjeta fjali më përshkruese).
Sa bukur, sa bukur,…
10 Gusht 2007 @ 6:07 pm
Shyqyr, tani kemi te pakten me c’te mburremi per qeberine Berisha, ka njerez te bukur ne krye… lum si ne per kete popull te bukur
11 Gusht 2007 @ 6:45 am
President qe u zgjolle me rrumbuje apo lemshe poara porte.QELLOJ SALA ME NANON DHE BENE gOL PRESODENTIN.Per mua eshte pak frikacak dhe do ta marin shpjete neprkembe ata qe evune.Shqiperis i mungojne prej motesh BURRAT.jA LEME KOHES…
11 Gusht 2007 @ 3:15 pm
Presidenti i Republikes - Biolog (por ne degen e vetenarise)
Ministri i Brendshem -Mbaruar Juridikun me korrespodence
Ministrja e Integrimit -Punonjese sociale
Etj etj etj etj…..
Perfundimisht specialiste ne kete qeveri/shtet dalin vetem J.Gjana me Xhuvelin.
11 Gusht 2007 @ 8:27 pm
Paj si mbas mendimit tim une thëm se Presidenti z.Bamir Topi i nevoitet Shqiperisë sidomos kur është ne këtë gjendje kur Parlamentaret e Kuvenditë te shqiperisë nuk mund te bien ne nje mendim per ta zgjedhur Presidentin.
Une e pershendes z.Bamir Topi dhe i urojë pun te mbarë, sepse nuk e ka te letë te merret me Parlamentaret e K.Sh
12 Gusht 2007 @ 4:41 am
E. thote:
“…vjen nga nje familje 100% tiranase, qe perkthehet (myslymane injorante denbabaden me citjane).”
Na thuaj pak kush e thenka ket?? Sepse me injoranti se ky “perkthim” sme kan zen syte
12 Gusht 2007 @ 4:51 am
Danieli thote:
“Po te jete per vlera tiransit kane vlera vetem per raki mani dhe gjize te veshur me brekushe…… ”
Duket qe sja ke haberin fare kshuqe me mire hesht se do dukesh me i zgjuar
12 Gusht 2007 @ 7:41 pm
NJE PRESIDETE E KENI PASUR JU NJEHER POR FATKEQSISHTE TASHE NUK ESHT ENE JETE AJE ESHTE ENVER HOXHA AJE VETEM AJ MUNDE TA KTHEN SHQIPRIN PER TE MIRE TE QYTETARVE TE VETE E JO SALA TOPI NANO RAMA PO TE ISHTE ENVERI NE JETE JU NUK DOTE LUANI KESHTU SE EDHE JU POPULLI SHQIPTAR I SHQIPRIS NUK JENI PER LAFDATA JU JENIATA QE MBRONI SHTETIN POR JU E VJETHNI NUK E KOSIDERONI SI PASURI TE JUAJENE SHTETIN TUAJ PA KEQKOPTIME ; NUK I TAKOJ SHQIPRIS POR KOSOVES LINDORE:
13 Gusht 2007 @ 8:16 pm
O flori,
Si pas kesaj llogjikes tende ne duhet te themi mire jua ka bo serbi ju kosovareve…..
14 Gusht 2007 @ 11:26 am
lika, mos u çudit me florin. Aq di i shkreti aq flet.
flor djali, shyqyr qe nuk da ti emrin e plotë se do të kisha nxjerr në listën e padëshiruar të interpolit :). Po si u lavdëroka Enveri more trim? Ke lexuar ndonjë libër, përveç “Lugjeve të Verdha” dhe “Kecit bardhosh”?
21 Shtator 2007 @ 8:42 pm
Nderime per te gjithe:per bujkun-per ujkun;per mjekun-per lejlekun,per arsimtarin-per te ngratet e per ke jo per te gjithe nderime