Lajmërim për të gjithë ata që planifikojnë të vetvriten!!!
Të dashur lexues të Gazetës “Kë shau sot Politikani Filan, kë puthi seksbomba Fistekja, dhe Lajmi më i Zi nga Kronika”. Duke marrë parasysh numrin e madh të vetvrasjeve këto ditët e fundit, dhe si rrjedhim edhe rënien e interesit për to (është një ligj ekonomik që oferta e madhe sjell edhe uljen e çmimit) redaksia e gazetës ju këshillon që nëse doni të dilni në faqen tonë të parë, të ruajtur në ditët e zakonshme për “yjet e tanishme, dhe të vdekura të politikës”, “yjet e skenës”, dhe “yjet thjesht lakuriq” të ndiqni hapat e mëposhtëm:
1) Vriteni veten në mënyrë sa më të çuditshme, të paparë, dhe mundësisht të dhimbshme. Për shembull, fatkeqi, vdekja e të cilit na mbush sot një copëz të faqes sonë të parë, dhe rreth 60% të faqes sonë numër 12, e la këtë jetë duke u varur me një …. kabëll elektrik. Vini re ju lutem që po të ishte varur me një litar të zakonshëm ky do të ishte një lajm i konsumuar tashmë. E dini sa e varin veten me litar? Uhuuu, shumë prandaj kijeni parasysh këtë fakt. Ose nëse do të përdorni litar, të paktën zgjidhni një degë peme ku pasi t’ju gjejnë të jemi në gjendje të themi siç thoshte një gazetë konkurruese me ne, “Valevitet per 7 ore ne degen e pemes”. Zgjidhni pra, një degë të fortë që të mos këputet pas thjesht 2 ose 3 orësh.
2) Përpiquni që ti shokoni sa më shumë familjarët kur t’ju gjejnë. Për tu kthyer prapë tek fatkeqi ynë i sotëm, rastin e të cilit e përdorëm gjithë qejf për të mbushur atë copëzën e faqes së parë, a e vini ri se ç’themi mbi foton e tij? “E gjen gruaja” kemi thënë. A mendoni se do të kishte të njëjtën vlerë shokuese nëse do ta gjente, ta zëmë, një kalimtar i rastit? Ku do të ishte shoku, tragjedia njerzore këtu? Si do ta përçonim ne hidhërimin e tij tek ju pa përzier në këtë mes familjarët? Mos na kërkoni kot të lodhemi duke u përpjekur të gjejmë se përse ju zgjidhni ti jepni fund vetes, doni të dilni në faqe të parë apo jo?
3) Sigurohuni që keni lënë pas një fotografi. Nëse s’ka fotografi tuajën, duam fotografi të familjes tuaj të pikëlluar. Nëse s’ka as fotografi të familjes tuaj që vajton për fatkeqsinë, duam një fotografi të shtëpisë ku jetonit, makinës ose biçikletës me të cilën shkonit në punë, ose thjesht rrugicës ku ecnit çdo ditë. Nëse s’kemi të paktën 2 ose tre nga këto fotografi, atëherë si prisni që të mbushim faqen e gazetës me ju? Mos prapë ju gënjen mendja se do merremi me përse i dhatë fund jetës tuaj? Hiç ore, hiç fare se na mjafton një bisedë me “një tip rreth moshës X që thotë që ju ishit tip i mirë, dhe i urtë” për të bërë një shkrim mbi ju. Kaq duhet si tekst, por fotografitë, ah fotografitë. Ato vlejnë jo 1.000 por 1.000.000 fjalë.
Nëse do ti ndiqni këto udhëzime atëherë ne do të përpiqemi t’ju nxjerrim në faqen tonë të parë. Nuk e garantojmë dot që do të ndodhë kështu gjthnjë, pasi ka konkurrencë të fortë për atë faqen e parë. Për shembull, ndonjë seksbombë mund ti japi ndonjë puthje të përvëluar ose të mërdhifme (sipas rastit) ndonjë seksbombe tjetër dhe faqja natyrisht që do tu shkojë atyre. Megjithatë ne do të përpiqemi prandaj mos e humbni shpresën. Mund të mos ja kemi varur shumë halleve tuaja përtej nevojës për të marrë atë 200 leksh për gazetë, por ama në vdekje mund ta merrni më në fund vëmendjen tonë!
Faleminderit,
Redaksia e Gazetes.
***********************************************
Shkrimi i mësipërm vjen pas leximit të këtij lajmi të sotëm:
Borxhet, vetëvaret me kabëll elektrik tregtari në Laprakë
Dashamir Biçaku
Panorama
2 Shkurt 2008
Gruaja dhe fëmijët kërkuan ndihmën e komshiut për të hapur derën e njërës prej dhomave në të cilat ishte mbyllur Enver Tahiraj, 43 vjeç. Fqinji ka thyer derën e mbyllur nga brenda dhe bashkë me të afërmit e tregtarit ka gjetur 43-vjeçarin, i cili kishte humbur jetën. Ai ishte vetëvatur pasi kishte lidhur një kabëll në përcjellësin që furnizonte llambën e dhomës me energji elektrike që ndodhej në tavan. Ngjarja ndodhi në zonën në afërsi të Spitalit Ushtarak në Tiranë, ku ndodhet banesa e babait të dy fëmijëve të mbetur jetimë. Mbrëmjen e të enjtes policia e Komisariatit nr.3, është njoftuar se në rrugën “Lord Bajron”, një burrë është vetëvarur në rrethana të paqarta. Hetuesit kanë bërë verifikimin e vendit të ngjarjes dhe kanë marrë në pyetje anëtarët e familjes së viktimës. Policia ka mësuar se viktima ishte vetëvarur në kushtet e depresionit nervor. Sipas hetimeve, 43-vjeçari kishte në pronësi të tij një “Fast-Food” dhe një lokal pranë zonës ku banonte. Të afërmit e viktimës i thanë policisë se kishin konstatuar gjendjen e rënduar të tregtarit porse ishin habitur nga veprimi i tij vetëvrasës, pasi nuk e prisnin një gjë të tillë. Pas marrjes së deklarimeve nga të afërmit e viktimës, policia ka përqendruar hetimin në dy pista: vetëvrasje për shkak të borxheve që lidhen me biznesin dhe ndonjë problemi të brendshëm familjar.
Dyshimi për borxhet
Burimet zyrtare nga policia thanë se, nga hetimet e para borxhet për shkak të biznesit dhe problemet në familje dyshohet se janë shkaqet kryesore të vetëvrasjes. Policia po verifikon edhe pistën e ndonjë konflikti të mundshëm të viktimës me njerëz të tjerë jashtë familjes. Të afërmit i kanë pohuar policisë dhe hetuesve se më parë, Enveri, nuk kishte folur në shtëpi për ndonjë shqetësim. Burimet e policisë sqaruan se, disa muaj më parë, i vëtëvaruri kishte marrë një lokal me qira nga motra e tij por më pas ia kishte rikthyer atë biznes pasi nuk kishte ecur mirë. Hetuesit kanë mësuar se gjithsesi viktima kishte vazhduar të mbante aktivitetin në një lokal pranë shtëpisë dhe një “Fast-Food”, në Laprakë. Një fqinj i familjes Tahiraj, tha dje për gazetën “Panorama” se, e kishte parë të enjten Enverin të kthehej në shtëpi normalisht me autoveturën e tij, një “Mercedez”, në ngjyrë të kuqe. “Nuk dukej të ishte i mërzitur, por ndoshta mund të ketë pasur patjetër ndonjë problem që ka arritur deri në atë pikë”, tregon fqinji ndërsa familjarët e viktimës nuk pranuan të komunikojnë me median. Pasi ka parkuar qetësisht automjetin, tregtari ka hyrë në banesë, është mbyllur në njërën nga dhomat e shtëpisë dhe ka lidhur kabllin elektrik që kishte marrë me vete. Fëmijët dhe gruaja e viktimës tentuan të hapnin derën por ia arritën vetëm me ndihmën e komshiut, ndërsa mjekët ligjorë thanë se tregtari ka vdekur nga bllokimi mekanik i frymëmarrjes në grykë si pasojë e peshës së ushtruar nga trupi i tij mbi kabllin e lidhur në tavan.
Fqinji: Dëgjuam britmat por menduam se ishte ndonjë sherr
TIRANË - Enver Tahiraj banonte në një shtëpi, fare pranë shinave të trenit, në zonën pas Spitalit Ushtarak në Tiranë. Aty ai banonte prej më tepër se 10 vitesh që nga koha, kur bashkë me familjen kishte braktisur shtëpinë e tij në Kukës dhe kishte ndërtuar një të re në Laprakë. Një burrë rreth të 50-ve, që banon jo shumë larg nga shtëpia e familjes Tahiraj tregon se Enveri dukej njeri i qetë dhe punëtor. “Kishte dy lokale dhe merrej me to. Nga gjendja ekonomike nuk ishte keq sepse nga puna me biznesin nuk dilte keq”. Burri i cili qëndron në një dyqan lagjeje, tregon se ishte mbrëmje kur kishte dëgjuar ulërimat e njerëzve që vinin nga drejtimi i shtëpisë së Enverit. Fillimisht ai pohon se kishin menduar se ka ndodhur ndonjë sherr apo grindje në lagje. “Më pas mësuam se tek banesa e Enverit dikush kishte varur veten. Nuk po e kuptonim se cili ishte. Në fillim po thonin për një fëmijë, por më pas u mor vesh se Enveri ishte varur në shtëpi”. Sipas tij, një fqinj kishte hapur derën e shtëpisë pasi ai e kishte mbyllur nga brenda dhe ajo nuk hapej. “Dëgjova se ai e kishte gjetur të varur në dhomë, ndërsa e kishin kërkuar për ndihmë. Pastaj erdhi policia dhe ata nisën të merreshin me këtë punë”. Shitësi shton se kishte mbetur i habitur nga një veprim i tillë i fqinjit të tij, pasi Enveri nuk kishte probleme ekonomike. d.b
2 Shkurt 2008 @ 6:50 pm
he! e lezecme kjo! ca robsh kta njerzit mo plako …
2 Shkurt 2008 @ 6:53 pm
Me sa duket kjo eshte Shpresa e fundit e Shqiptareve drejt lumturis !
2 Shkurt 2008 @ 7:12 pm
Me te vertete e ka shkruar redaksia e gazetes ate lloj shkrimi? Me duket nje veprim jo vetem adoleshent, shume i ceket dhe cinik. Mbi te gjitha eshte shume lendues dhe i pameshirshem ndaj fatkeqeve qe viktimat kane lene mbrapa -femijet, grate, burrat etj.
Nuk jam pretendoj te jem psikologe, por nese nje individ arrrin te mendoj seriozisht per te hequr fundin jetes se tij, ai jo vetem ka rene ne nje depresione te thelle por dhe nuk ka me fuqi per ta perballuar veten dhe ata qe ka rreth e rrotul.
Ne vend qe kjo gazeta te diskutoj fenomenin e vetvrasjes me nje sy kritik, e te paraqes mendime dhe opinione te psikologeve, doktoreve etj, ose shoqata ku ata qe jane te depresinuar mund te shkonje- kjo gazeta ben reklama se si keta te varin veten ne menyre me sensacionale..E pabesueshme dhe shume e neveritshme!
2 Shkurt 2008 @ 7:13 pm
Kjo eshte nje fatkeqsi,vetevrasja eshte kthyer ne nje fenomen i zakonshem,sa kam degjuar se qarkullojne fjale si:
“i mbylli hallet”
“shyqyr shpetoi, mjere kalamajt”
ose kur ndodhin aksidente:
“Vdiqe,e?”
“po”.
“shyqyr,se po te ngelte sakat, do te shpenzonte shume,dhe do te vuante”
“po si ndodhi keshtu ,ai ishte burri i mire?”
“ja ka bo,mire s`rrihet ne ket vend”
Medoj se shqiperia duhet te zeje vendin e pare,ne Bote per vetevrasjet.
Ne komunizem njerzit ishin me te varfer,te diktuar nga qeveria -shtet,..DUKET SE PARTIA,me gjithmen ka qene ,NENA e tyre.
2 Shkurt 2008 @ 7:25 pm
Natyrishte qe shoket larte kane te drejte mbi kte fenomen qe eshte kthyer fatkeqsisht ne mode ne Shqiperi, fale kontributit te varianteve drejt lumturise jetes prej sektik berishian ne kete drejtim . Por te dashur peshq ky eshte pasioni i shumices se sh…….qiptareve, jo vetem ketyre gazetareve , shif a merret seriozisht te diskutohen problemet qe shqetesojne ate vend, ate shoqeri kurr !!! Shif temat qe kane te bejne me te huajt , problemet e ndryshme , aspak ne interese te shqipetareve, ke komente pa fuuuund , e cti thome un ketyre traperve ..MO !
2 Shkurt 2008 @ 7:31 pm
Parvarsisht se shkrimi dukej si ironik, ky sindrom ka marre perpjestime te tmerrshme kudo ne bote. Kete jave tv1 ketu ne Belgjik tregoi per nje grup a shoqate te rinjsh qe favorizonin vetvrasjet, ku te lidhur me emaile i frymezonin njeri-tjetrin per te drejten e tyre per te mos jetuar. Para 2-3 muajsh, ne Japoni, u vetvrane ne menyre kolektive disa persona, biles ne Japoni eshte kthyer ne diçka kronike vetvrasja ne menyre kolektive, me gaz apo mjete te tjera.
2 Shkurt 2008 @ 7:34 pm
Nuk duhen trajtuar me shaka mjetet e vetvrasjes.Ky fatziu ja paska dale me sukses por ne kohen tone kishte KONSULENCE per vetvrasjen se ja se c,ndodhi..
Nje burre i mbytur ne borxhe vendosi te vare veten..mirpo litari kishte qen i dobet …dhe u keput.Buri u shemb ne toke por dyshemeja prej derrase nuk e mbajti dhe vajti ra si deng me lesh mbi ca qelqurina guzhine te komshiut .Nuk mjaftoi renia e tavanit por edhe demi ne qelqurina shkonte shume.Fatures ju shtua edhe thirrjet e ndihmes se shpejte e “mos me keq “dit qendrimet ne spital.
Dhe ja vendimi gjykates e rendoi jo vetem me BORXHIN por edhe me anekset e tjera dhe tani nga kohae shkurter qe i denuari kishte zgjedhur te vente para ZOTIT ju shtuan dhe nja 15 vjet te tjera ne BURG.
Qe atehere ne kohen tone u krijuan “Zyrat e Konsulences per Vetvrasjet”
dhe si per fat ja pasojat,Askush nuk deshton as me plumb as me litar.
Shume nga Ju keto nuk ifutin ne arritjet e sukseseshme te qeverise por
-Faktet zotni jane mbi te gjitha .Asht e vetmja fushe ku ne pas energjise exportojme experte per konsulence.
2 Shkurt 2008 @ 7:35 pm
Malcolm Gladwell, tek libri i tij, The Tipping Point, jep disa statistika interesante që tregojnë një lidhje të mundshme midis rritjes së vetëvrasjeve kur ka lajme rreth vetëvrasjeve në gazeta e media të tjera. Shih rrushi rushin e digju.
2 Shkurt 2008 @ 7:53 pm
Po, po Dori pike shume e forte. Dhe vertet eshte “Acarim Nervash” te shohesh si ne shtypin e perditshem fatkeqsia, ne kete rast vetvrasja, eshte kthyer ne lajm fitim prures.
Ne faqet e shtypit gjen shume pak thellim ne shkaqet qe i shtyjne shqiptaret te vetevriten, dhe thuajse ne cdo rast fatkeq lexuesit i shitet nje sensacionalizim i veteverasjes, apo krimeve te familjes.
Kjo me con te besoj se shume nga keta qe marrin vendimet redaksionale ne te perditshmet tona nuk e kane kuptuar rolin qe kane marre persiper, ose e kuptojne por ia kane “dhene shpirtin shejtanit” dhe kane falimentuar profesionalisht per te shitur ca kopje me shume.
2 Shkurt 2008 @ 7:59 pm
Hë mer dhe ju, se ka pas vetvrasje dhe atëhere… e mbani mënd Mehmet Shehun?
2 Shkurt 2008 @ 8:20 pm
O Edrus!
:D
Vetvrasje ka pas edhe ne kohen e Franc Ferdinandit! Shvejku e pershkruan nje rast te tille me ate “fatziun”….
Ketu ,kam mendimin ,shtrohet ceshtja ne zgjedhjen e mjeteve!
Se ja p.sh po ta vrasesh veten me Arme zjarri (kallash apo kobure) pas vdekjes do arrestojne edhe te zotin e shpise ku u gjet arma pa leje :).
Nuk eshte cudi qe ceshtja te shkoje ne gjyq dhe viktima te marre edhe nonje gjobe qe duhet te paguaje Familja per armmbajtje pa leje..ndersa ne rastin e litarit mendoj se problemi qendron ne zgjedhjen e cilesise se tij..:D .
Jam i i nteresuar ne se keni raste te perdorimit te mjeteve te tjera te perdorimit per vetvrasjes …
P.sh a ndodh ?po te lexosh qe Gazeta qe dergon mesazhe te tilla ,ne situata e per popull te cekuilibruar per njemije e nje arsye,a ndodh qe te shtoje shitjet?
Une do ti propozoja si origjinalitet per te shtuar fitimet le te vere nje lajmerim per cilesine e GAZETES….
“Ka vetine qe pas leximit ,mund te fshini edhe prapanicen, dhe do te gjeni nje vdekje te rehatshme sepse e kemi ngarkuar me nje lloj doze jo vetem per te MARRET sic ndodh me Gazetat e tjera” me Titull Fundor
Bleni Gazeten Panorama!
2 Shkurt 2008 @ 8:26 pm
U vra Memeti,dhe u futen njers ne burg,u be nje buje e madhe dhe cudi,populli shqeu syte.,u vra Azemi,u be nje rremuje e madhe deri ne grusht shteti,njerzit u cuditen dhe u turbualluan,u be buje e madhe,u futen njerez ne burg.
Kur varet nje njeri fatkeq,(KOHET E FUNDIT ESHTE BERE MASIVE)c`fare ben qeveria,..? po shoqeria..?
Nje vrim—-ne uje.
Askush—– nuk e ve ujin ne zjarr—-Nuk i behet vone—- kujt!
Neser—— kush e ka radhen???
Qeveria thote se po ——-ben reforma!!
Viti 2007 ishte —— viti me i mire ekonomik —-ne historine shqiptare!
Rrogat—- jane shtuar—2 here me shume,shqiptaret rrojne mire !!
Nese ne rruge=== nje tjeter ===aksident,nje tjeter==vetevrasje!
2 Shkurt 2008 @ 10:05 pm
Shume i bukur shkrimi i peshkut. Me beri te qesh pas nje dite te lodhshme pune, e te zihem me faj, se po qesh me fatkeqesine e tjetrit… (per pjesen e shkrimit te botuar ne gazete)
2 Shkurt 2008 @ 10:55 pm
3 Shkurt 2008 @ 12:00 am
Vazhdoni te blini gazeta!
3 Shkurt 2008 @ 12:03 am
Megjithate kulmi i habise qe kam arritur me keto “gazetat e famshme” ka qene kur kam pare dy gazetare qe shkruajne edhe per goxha gazeta me emer, te shkruanin artikujt e tyre ne nje qender interneti, plot zhurme, dhe te merrnin lajmet qe shkruanin, nga burimi me i besueshem, CELULARI.
Te pakten keshtu nuk shqetesoheshin te shkonin te pyesnin direkt ne vendgjarjen e lajmit.
“Hani, pini e rembeni, eshte koha e maskarenjve …”
3 Shkurt 2008 @ 12:58 am
Meqe ra fjala, une ka kohe qe pyes veten si si arrijne keto fletushka te mbijetojne ne treg. A e ka idene njeri? Marrin financime te paligjshme nga partite, fallsifikojne bilancin, si dreqin ja bejne?
3 Shkurt 2008 @ 2:52 am
ah sikur ti gjenim dot shkaqet e vetvrasjes! Shume nga keta horra qe vrasin vehten e bejne me qellim te keq se nuk mund te kete shkaqe per vetevrasje. Keta xhahila kerkojne qe me vetevrasjet e tyre ashtu si kamicatzet e Lindjes, te diskretitojne rendin e enderruar nga populli yne, rendin demokratik. Keta qafira duhen denuar me heqje lirie deri ne 25 vjet dhe po nuk e kuptuan krimin e tyre ti varim me karrike elektrike jo me kabell elektrik se kabllot jane te diktatures komuniste, kurse karrikja elektrike eshte e demokracise. Dalengadale do ta kuptoje populli dhe te heqe dore nga ky zakon i keq diktatorialo komunist i varjes pa pyetur fare per udheheqesit e tij humane sa dhe sadistet e Qinglave te Verdha. Keto s’jane gje tjeter vec reminishenca te diktatures Komuniste. Ah, cna bere o Loni!
3 Shkurt 2008 @ 9:54 am
Bravo Peshku i panjohur,… kete shkrim duhet t’ua dergoni patjeter atyre te gazetes ne fjale qe te mesojne se si shkruhet.
3 Shkurt 2008 @ 11:21 am
Lejeni shkrimin po shikoni se cfare behet perdite ketej nga shqiperia jone e dashur.Nje jete u shua ne ate familje po u shkatarruan dhe njerezit e asaj familje.
ngushellime familjes per njeriun e tyre te dashur.
3 Shkurt 2008 @ 11:48 am
Ne France cdo dite mesatarisht ndodhin 120-170 vetevrasje por asnje nuk publikohet me sa kam pare as ne shtypin Gjerman,Italian nuk publikohen vetevrasjet , ndonjehere kur vret veten ndonje VIP. Jepen zakonisht statistika vjetore por jo te publikosh gjera te tilla si tek ne. Me fatkeqesi shtypi_brashnje Shqiptar ka rene shume poshte , niveli zero.
3 Shkurt 2008 @ 12:38 pm
Mbeshtes ardin, ne çdo vend te botes, edhe ato me te “perparuarit” vetvrasjet s’kan fund, po nuk publikohen dit per dit ne faqe t’par te çdo gazete per t’ja ngrit leshrat njeriut sa t’i dal gjumi…
3 Shkurt 2008 @ 2:58 pm
ja nje artikull nga CNN sot per fenomenin e vetvrasjes. Qe nga titulli shikoni angazhim serioz te gazetarit dhe nxjerren ne pah te situates qe ka kapur trupat e ushtrise amerikane.
http://www.cnn.com/2008/US/02/01/military.suicides/index.html
Ps: Me vjen keq dhe turp te them qe sa here filloj te lexoj lajmet tek gazetat tona, me fillon nje lodhje nga menyra se si percillen lajmet dhe argumentat e dobeta. Akoma s’me besohet se artikulli i mesiperm eshte publikur ne nje gazete..jam sinqerisht e shokuar nga ky nivel kaq i dobet..
3 Shkurt 2008 @ 3:52 pm
Ky cinizem me te cilin trajtohet ky problem i mprehte ne Shqiperi eshte antinjerezor e flet gjate tek ajo klime kafshore qe mbreteron ne Shqiperi.A na shkrine fare……….
3 Shkurt 2008 @ 4:59 pm
Përshendetje!
E kam lexuar me vëmendje komentin e publikuar me lart për artikullin e botuar ne gazetën “Panorama”, në fakt e kam lexuar disa herë. Kam ndjekur më pas me vëmendje edhe komentet e vizitorëve dhe lexuesve të Peshkut lidhur me argumentin në fjalë. U përpoqa të mësoj autorin konkret të komentit mbi artikullin por i vetmi identifikim ishte njëfarë nofke a rubrike me emrin “Acarim Nervash”. Unë gjithsesi po identifikohem me qëllimin e mirë që diskutimit “virtual” këtu ti japim sadopak vlerë. Jam një nga punonjësit e gazetës që kam mbikëqyrur punën e reporterit, autor i artikullit të vetëvrasjes që citohet më lart. Pavarësisht anonimatit të komentuesit në krye të kësaj teme edhe një tjetër faktor më bëri që reagimin tim ta artikuloj me kaq vonesë. Ishin disa komente vizitorësh dhe lexuesish të nderuar të Peshkut, që artikulonin veçse sharje, fyerje, fjalë banale dhe të tilla të pavlera si këto. U habita në fakt kur pashë se si komente të tilla qëndruan “online” në faqe më shumë se tri orë (të shtunën në mbrëmje), pasi me aq informacion sa kam, editorët e Peshkut nuk i tolerojnë këto gjëra në çështje minutash dhe jo më orësh. Dhe në fakt mirë bëjnë që nuk i tolerojnë, sepse fakti se jam lexues dhe vizitor i rregullt i Peshkut dhe vlerësimi që kam për këtë dritare të këndshme informative dhe jo vetëm, më nxiti të jap edhe unw mendimin tim këtu. Është në fakt, më shumë një përpjekje për të sqaruar situatën, sesa një veprim që do të mohojë atë çfarë ka thënë ndokush. Pra është vetëm një përpjekje për sqarim.
Artikulli është botuar më 1 shkurt 2008 në faqen (13 dhe jo 12), pas raportimit të reporterit për ngjarjen që kishte ndodhur. Artikulli mund të ketë të meta, mund të ishte shumë më profesional dhe i arrirë, por unë garantoj një gjë: se të gjitha rrethanat e ngjarjes janë përshkruar tërësisht sipas raportimit të reporterit. Është e palogjikshme të mendohet se ne, mund të publikonim një version tjetër qoftë edhe të një rrethane të vetme të ngjarjes ndryshe nga sa rezultoi nga ballafaqimi i të dhënave që u morën nga hetuesit, mjekët ligjorë dhe banorët e zonës. Ne nuk mund të mbajmë asnjë përgjegjësi për rrethanat në të cilat ka ndodhur ngjarja, do të pranonim çdo përgjegjësi nëse rrethanat e ngjarjes së përshkruar nga ne do të ishin ndryshe nga realiteti. Reporterit iu kërkua informacion për burimet ku mbështetej në gjithçka raportoi dhe ai, provoi se kishte komunikuar me hetuesit e çështjes dhe mjekët ligjorë që ekzaminuan kufomën. Përmes fotografive reporteri provoi se kishte shkuar në vendin e ngjarjes, kishte tentuar të fliste me të afërmit e viktimës por ata nuk kishin pranuar dhe si rrjedhim kishte marrë opinione nga banorë të zonës dhe fqinjë të viktimës. Unë jam dakord me kritikat që bëhen më lart për citimet e shitësit që ndodhej pranë vendit ku ndodhi ngjarja, por po sjell në vëmendje një shembull të gazetave amerikane. Rreth dy javë më parë një emigrant shqiptar qëlloi me armë dy prindërit e tij brenda në shtëpi dhe u arratis. Të gjitha gazetat amerikane që raportuan ngjarjen, cituan fqinjët e familjes shqiptare që thanë se autori i vrasjes së dy prindërve të tij, ishte dëgjuar disa herë të konflikohej me zë të lartë me babain për shkak të probleme financiare. Ky në fakt ishte motivi që artikulohej si shkak i ngjarjes.
Unë mendoj se mediat shqiptare kanë probleme serioze sa i përket etikës, profesionalizmit dhe shumë çështjeve të tjera. Mendoj se gjithashtu se diku më shumë, diku më pak, të gjitha mediat kanë probleme dhe të gjitha duhet të kritikohen, qoftë edhe në respekt të atij ndikimi që kanë tek lexuesit, cilido të jetë numri i tyre. Ndaj si rrjedhim mendoj se autori anonim i komentit mbi artikullin duhej ti hidhte një vështrim edhe artikujve të publikuar nga gazetat tjera për ngjarjen në fjalë ne menyre qe kritikat te ishin sadopak me perfaqesuese dhe objektive. Unë po sjell më poshtë artikullin e botuar nga “Shekulli” për të njëjtën ngjarje. Artikulli gjendet edhe në linkun:
http://www.shekulli.com.al/news/45/ARTICLE/20913/2008-02-02.html
————-
Taksisti vetëvaret pas kabllit elektrik
Klodiana Kotorri
02-02-2008
Enver Tahiraj i jep fund jetës në rrethana misterioze. Policia: Vuante nga depresioni
TIRANË- Depresioni shton numrin e të vetëflijuarve në kryeqytet.Dy ditë pas vetëvarjes së një 24- vjeçari dhe një fëmije 11-vjeç në Durrës, një taksist nga Tirana i ka dhënë fund jetës në të njëjtën mënyrë.Babai i dy fëmijëve, Enver Tahiraj, u gjet i varur me litar në kabllin elektrik nga familjarët e tij të cilët më kot tentuan t’i jepnin ndihmën e parë, pasi 42-vjeçari kishte ndërruar jetë. Efektivat e komisariatit të policisë nr.3, të sinjalizuar për ngjarjen nisën menjëherë hetimet për të zbardhur rrethanat e këtij vetëflijimi. Burime zyrtare nga policia e kryeqytetit thanë se nga hetimet e para rezulton se Tahiraj vuante nga depresioni psikik dhe në këto kushte ka ndërmarrë veprimin fatal.
Vetëvarja
Pasditen e së enjtes, Enver Tahiraj duket se ka kaluar ditën më depresive të jetës së tij. 42-vjeçari ka shfrytëzuar momentin kur banesën e tij, që ndodhet pranë ”Spitalit Ushtarak” në Laprakë të Tiranës, nuk ndodhej asnjë pjesëtar tjetër i familjes për të përgatitur vetëflijimin. Një litar i lidhur pas kabllit elektrik ka mjaftuar për t’i marrë jetën babait të dy fëmijëve, për t’u gjetur më pas nga të afërmit në gjendje të vdekur. Të alarmuar, këta të fundit janë përpjekur t’i shpëtojnë jetën, por ka qenë e kotë pasi 42-vjeçari kishte vdekur. Policia mbërriti menjëherë në vendin e ngjarjes për të bërë këqyrjen e provave. Burime nga policia thanë se në cilësinë e provës materiale u sekuestrua litari me të cilin u vetëvar Tahiraj, ndërsa u morën në pyetje familjarët e tij për të zbardhur shkaqet e këtij vetëflijimi.
Motivi
Mësohet se Enver Tahiraj punonte si taksist në kryeqytet, ndërsa vilte të ardhura edhe nga disa dyqane që kishte lëshuar me qira. Sipas policisë, gjendja ekonomike e 42-vjeçarit ishte normale duke hedhur poshtë pistën e vetëflijimit nga varfëria. Ndërkohë, para pyetjeve për shkakunqë ka detyruar Tahirajn t’i japë fund jetës, familja e tij ka ”ngritur supet” duke mos dhënë asnjë motiv që mund të justifikonte sadopak veprimin fatal të 42-vjeçarit. Megjithatë policia bëri të ditur se nga hetimet e para dhe nga deklarimet e familjarëve, rezulton se kohët e fundit Enver Tahiraj vuante nga sëmundja e depresionit, gjë e cila mund të jetë rënduar dy ditë më parë duke e çuar atë drejt varjes. Policia shtoi se po punohet për të zbardhur me saktësi shkakun e vërtetë që detyroi Enver Tahirjan t’i japë fund jetës.
———
Çështja e publikimit në faqe të parë të asaj ngjarjeje, mendoj se duhet parë në kuadër të traditës së medias shqiptare. Ky nuk është fare justifikim, madje është një problem serioz. Por unë mendoj se nuk është problem vetëm për gazetën që kritikohet në këtë temë, por për të gjitha gazetat pa asnjë përjashtim. Shkaku është se në Shqipëri nuk ka studime mbi tregun e gazetave, nuk ka informacion të saktë dhe profesional kush janë subjektet që duhet të reklamohen në faqe të parë në përputhje me interesin e publikut dhe që mund të ndikojnë në rritjen e numrit të kopjeve të shitura. Kjo përcaktohet në bazë të ideve dhe bindjeve që kanë personat përgjegjës vendimarrës për këtë çështje pa u bazuar në ndonjë manual apo përllogaritje të saktë. Në fakt edhe në teorinë e gazetarisë, të paktën në Fakultetin e Gazetarisë në Tiranë, si element i rëndësisë së lajmit cilësohet edhe personazhi i subjektit ndërsa përmenden edhe rrethanat në të cilat ndodh subjekti. Nëse ato nuk janë të zakonshme atëherë ato paraqesin interes. Është leksion i dhënë në Fakultetin e Gazetarisë (i cili edhe ai ka të metat e tij) që subjektet që kanë të bëjnë me borxhe, me para apo të tilla si këto, kanë interes për publikun. Analiza mbi shkaqet e vetevrasjeve nuk eshte bere pasi, ne tere gazetarine shqiptare cilesohet e ndaluar te behet koment ne nje artikull informativ qe flet per nje ngjarje dhe ky serish nuk eshte problem vetem per nje media.
Më duhet të them se unë e kam lexuar me shumë seriozitet komentin humoristik të bërë për artikullin. Nuk kam qeshur aspak dhe as kam ndërmend të qesh. Uroj që atë koment të mos e lexojnë persona më pak se 18 vjeç, sepse interneti është përhapur tashmë edhe në Shqipërinë tonë dhe të miturit kanë filluar të kenë akses. Në fund, më duhet të them gjithashtu, se komenti mbi artikullin e vetëvrasjes nuk shfaq ndonjë respekt për viktimën fatkeqe të ngjarjes në fjalë.
Faleminderit!
3 Shkurt 2008 @ 5:48 pm
T. Sokolaj, s’mund të presësh nga administratorët të fshijnë komentet për minutë. Janë vetëm tre dhe e bëjnë këtë punë vullnetarisht në kohën e lirë. Tamam, tamam, Llukani duket sikur përdor më shumë fshesën kështuqë është më tepër një njeri.
Tani për sa i përket artikullit, faleminderit që erdhe në diskutim. Ju jepni si kundërpërgjigje një vrasje në Amerikë, por këtu po flitet për një vetëvrasje. Gjithashtu pse bën keq Shekulli s’do të thotë se po bëni mirë ju (apo anasjelltas). Nuk mendoni se do të ishte më mirë të linit familjen e të ndjerit të merren me të keqen e tyre? Nuk mendoni se një artikull kaq i detajuar për një vetëvrasje është i tepruar? Çfarë arsyeje mund të ketë për një shtjellim kaq të imët të kësaj ngjarjeje? Sidomos kur nuk po trajtoni vetëvrasjen si fenomen në mënyrë që të jepni njohuri të duhura për publikun. Pastaj, ç’mendim keni për sa i përket mundësisë të shtimeve të vetëvrasjeve nga lajmet e vetëvrasjeve? Nuk mendoni se po bëni dëm përveçse mos pasjes së ndonjë përftimi të shoqërisë nga këto lajme? Lajme të tilla janë të tipit tablloid dhe ju s’keni dhënë asnjë arsye se pse po i jepni këto lloj lajmesh kaq të detajuara përveçse shitjes së gazetave. Cila është arsyeja e dhënies të këtij lajmi? Është informimi? Nëse po do të mjaftonte një paragraf tek seksioni ku botohen vdekjet (nuk e di nëse keni një të tillë, zakonisht në Amerikë një gjë e tillë bëhet tek Obituaries dhe shkruhet nga familjarët vetë).
3 Shkurt 2008 @ 6:17 pm
I nderuar Dori!
Faleminderit per tentativen tende per ta shtruar diskutimin ne rrafshin ku une mendoj se duhet te jete. Shembulli i sjelle nga une per rastin ne Amerike, nuk ka per qellim fare te justifikoje rastin tone, eshte thjesht nje ilustrim per te thene se edhe gazetat amerikane i perdorin atehere kur jane te kushtezuar, komshinjte e personazheve te “kronikes se zeze” si burim informcioni dytesor ne artikujt e tyre. Parimisht une besoj se gazetat amerikane duhet te vleresohen per sensin e maturise dhe vertetesise. Gjithashtu shembulli i sjelle nga gazeta tjeter per menyren se si ajo e ka trajtuar te njejtin lajm, nuk eshte perpjekje per te thene se “kemi shoke” ne rastin per te cilin na adresohet kritika humoristike. Mendimi im eshte se behet fjale per nje fenomen, nje tradite, sipas meje e gabuar dhe e pabazuar ne aspektin etik dhe profesional, qe shfaqet ne gjithe median shqiptare per tu marre me ngjarje te tilla, per tu dhene atyre peshkrim dhe hapesire. Une mendoj se duhet te diskutojme per kete si nje fenomen i tere mediave dhe te mos merremi me emra te pervecem. Keshtu besoj do te krijojme nje ide me perfaqesuese ne diskutim dhe do te respektojme te gjithe ata lexues qe u besojne ne masen respektive seciles prej mediave shqiptare. Pasoje e ketij mentaliteti qe sic thashe mendoj se eshte i gabuar, eshte edhe fakti se ketu, gazetat u japin me shume hapesire raportimeve te tilla per aktin e vetevrasjes sesa shkrimeve, opinioneve apo komenteve qe rreken te analizojne fenomenin apo te ndikojne sadopak qe njerezit te largohen prej tij.
3 Shkurt 2008 @ 6:40 pm
ore trashegim… se po na mahnit fare tani.qe artikulli ishte cope cope ti kete e di por te mos i hyjme problemit ne koncepte personale sepse s besoj se eshte vendi dhe le ti permbahemi etikes se profesionit, ate ca une dhe ti e dime shume me mire se sa te tjere kolege bashkeshkruajtes ne kete forum.a nuk do ishte me mire per ty ta redaktoje ate lajm dhe ti jepje pikerisht hapsiren qe meritonte pa i lene dashit shume dore te lire te referonte komshijte ne nje rreth prej 3 kilomtrash te gjere te viktimes?apo duhet mbushur gazeta thuaj me radhe dhe bjeri ti biem…
P.S u veteidentifikova edhe une meq trashgimi e paska bere dhe meqe e kerkon fryma e dialogut ne kete forum.
3 Shkurt 2008 @ 6:50 pm
ore eldri, kush eshte perpjekur te mburre artikullin ketu? Mbase nuk jam shprehur ne menyre te qarte, por gjithsesi prape po e them se nuk kam per qellim te mbroj artikullin, ai mund te ishte shume me profesional, me etik dhe me i “mbledhur” ne hapesire. Duhet te sqaroj edhe nje gje tjeter, qe nese ka ndonje njeri te pakenaqur nga jo vetem ai shkrim por edhe artikuj te tjere, une jam nje prej tyre. Sepse mendoj se gjithmone mund te behet me shume, me mire dhe me teper kujdes ne kete punen tone. Une jam perpjekur te shpjegoj pse ndodhin fenomene te tilla dhe kam dhene nje ide si mendoj se do te ishte e efektshme ti bisedojme keto gjera.
PS: Faleminderit qe u identifikove!
3 Shkurt 2008 @ 10:30 pm
Pershendetje T. Sokolaj,
dhe faleminderit per kurajon e mare per te diskutuar mbi kete shkrim.
Une do te shtoja se ne fakt ketu kemi te bejme me shume me nje ceshtje etike sesa me nje problem saktesie apo pasaktesie informacioni.
Mund te them se pervec kesaj ka edhe nje nenvleftesim apo me mire nje tallje me inteligjencen e lexueseve tuaj, pasi nje lajm i tille ne faqe te pare, per mendimin tim te jep pershtypjen se kjo gazete u drejtohet me shume nje publiku perversesh e manjakesh sesa publikut te gjere Shqiptar.
Nuk e di se sa kopje keni shitur ate dite, por mund te them se une kurre nuk kisha per ta blere nje gazete qe ka ate faqe te pare, pasi ajo fatkeqesi eshte dicka personale e atij fatkeqi, ku nuk kam pse ti fut hundet, dhe kam aq besim ne mencurine e bashkombasve te mi sa ta di qe shumica e mendojne keshtu si une. Gjithsesi shpresoj ne te ardhmen qe te kete sa me pak faqe te para te tilla ne gazeten time me te dashur.
me respekt Gjergji
3 Shkurt 2008 @ 11:22 pm
Edhe une doja te nenvizoja saktesimin qe beri gjergji.
Ajo qe po kritikohet ketu eshte menyra sesi vetevrasja instigohet tej mase madje ne nje menyre ka nje perfitim morbid por gjithaq te drejtperdrejte nga fatkeqsia. Shfrytezimi i saj, per te mbushur mbui gjysmen e faqes, dhenia e detajeve intime, qofte tek panorama ashtu edhe tek Shekulli te kujton ato gjeraqinat qe presin te humburin te vdese.
Ne nuk veme ne dyshim saktesine e detajeve, apo punen e reporterit, por ate qe a jane te nevojshme keto pershkrime deri ne peripeci te nje tragjedie familjare. A po i sherben gazeta publikut ashtu sic pritet te beje cdo gazete? Apo po shfrytezon fatkeqsine?
Dhe faqosja eshte pune tjeter pastaj. Vendosja e fotos se te ndjerit perbri “gallates” qe bejne keta VIP-at mund te interpretohet si mungese ndjeshmerie. Ne kete rrafsh pra eshte kritika.
4 Shkurt 2008 @ 2:32 am
Kjo tema eshte e ligshte dhe une nuk desha te komentoj ketu, por shoh se si gjithmon e merrni me ngut tu ju sul sa mundeni Gazetarit/Gazetes dhe Gazetarise…madje me aq ngut, sa ngaterroni letren e sajuar per ironi dhe sarkazem me shkrimin poshte saj… Aq ligsht ngaterroheni sa besoni se nje gazete mund te botoje ate komentin sarkastik… ndoshta ngaqe nguteni te vijoni menjehere te pjesa… Ua sa e temerrshme… Keta jane idjote…Keta…. keta keta… Fajtoret u gjeten.. Jane gazetaret … atehere mbylleni diskutimin… dhe jepni verdiktin…
Tani Lexojeni kete
JU FLAS SI PERSON QE E KA PRANUAR DHE E PRANON SE GAZETARI NE VENDIN TONE ESHTE PER BETERR DHE MEGJITHATE DUA TU THEM…:
Seriozisht eshte e lodhshme te degjosh predikime nga maja e deges se thanes, se sa e bukur do ishte bota sikur gjerat te shkonin mire… Ju ketu beni te njejtin gabim qe bejme ne… flisni per gjera qe nuk i dini (jo se nuk keni te drejte, te drejten me pashe merreni dhe vazhdoni), por thjeshte nuk na thoni asgje te re, nga e cila mund te mesojme…
Me lart lexova se ne France paska 200 vetevrasje ne dite dhe kurrkund asgje nuk shkruhej per to perveç statistikave… Tua them une pse nuk shkruhen ne france (nuk e besoj kete per gazetat lokale, por sigurisht nuk shkruhet ne ato kombetare) sepse atje nuk perben lajm vetevrasja… E di eshte makabre… eshte vuajtje e madhe te pranosh se per Le Monde, lajm eshte vetem shperthimi i nje bombe kamikaze ne Irak, ku humben jeten ta zeme 8 femije shkolle dhe jo qe nje parisien borxhli u vetevar ne banjo…., po nuk eshte faji i Le Monde dhe as i Panorames, qe prioritet shkojne tjeterkund…
Nuk besoj qe Media boterore ka menyre tjeter per te paraqit dhunen e njeriut kunder vetes apo tjetrit, mjaft te shohesh World Press Photo, per te kuptu se trupat e hedhura kapice nga Cunami, jane makabre jo etike, por jane menyra se si funksionon media, menyra per ti bere njerezit te therrasin ndergjegjes dhe te rregjistrohen vullnetare te kryqi i kuq, apo te dergojne para me poste ne Çad, ku ndodhet ajo nena me gjij te thare dhe ai femija skeletik, qe realisht jane fotografu ne menyre joetike…
Tani ne Shqiperi Misionet jane pak me driteshkurtra, ne kujdesemi pergjithesisht per te terheq vemendjen te femijet jetim te bathoristit apo alidemsit dhe te vuajtja ekonomike e kesaj shoqerie qe i detyron keta njerez te shkojne drejt vendime fatale… Dhe menyra e vetme per ta bere kete eshte duke treguar dhimbjen… Tani (une uroj qe askujt prej jush te mos i kete ndodhur asnje fatkeqesi, mundesish asnje semundje te mos keni), vec do te doja te ishit qofte edhe nje here te vetme ne terrenin e nje gazetari kronike, per te kuptu qe ai qe e vini ne gjyq aq lehte, jo vetem qe nuk do, por vuan te qenit i detyruar te raportoje mizori…Dhe po une do isha i lumtur te shkruaja per kandrat dhe lulet ne vend te vetevrasjes se kujdo…
Kjo ishte per arsyet se perse botohen…
Tani te etika dhe menyrat e raportimit…
Kjo eshte teme shume e gjere, sidomos etika dhe ka qindra interpretime dhe sigurisht nuk ka kufij perveç atyre personale… DMTH… ajo qe ti gjykon te ndershme (heshtja) per mua eshte krim (prandaj flas)… Per ta bere Lajmin e keq qe eshte lajm te pranueshem per sa me shume njerez Anglezet shpiken menyren e raportimit te ftohte dhe objektiv, cka ne Shqiperi eshte e veshtire te aplikohet ne menyren me te mire, per shkak te nje tradite te shkurter mediatike, trajnimi te dobet gazetaresh, mungese fondesh, mungese stafi, mungese kualifikimesh dhe nje sere mungesash prej te cilave vuajne njera pas tjetres te gjitha profesionet (te lira) ne kete vend, qe nga profesorlleku e deri te kepucarlleku… Veç pikerisht keto gjera do ta benin te qarte dhe jo revoltues informacionin e mesiperm… Por perpara se te shqyrtohet kjo si pazotesi a e gazetarit, b e redaktorit dhe c e gazetes, duhen pare mundesite e ktyre njerezve per ta bere kete pune me mire dhe ne fund edhe per te mos na revoltuar ne kete menyre…Dhe keto mundesi jane te kufizuara, per arsyet qe vura ne peshe me lart, duke fillu nga pagesat deri te kushtet teknike (lexo mundesia me mbush faqen)….
Tani nje diskutim te gjere, ne nje ambjent laborator psh studentet e gazetarise do ta gjykonin shume me ashper se ju kete lajm, por ky eshte diskutim ne laborator… Eshte ajo pjesa kur ti thu po une mund ta shpetoj boten dhe do ta bej kete… Por ja qe kur del jashte laboratorit, ekpserimentet behen me te tjera kushte dhe kushtet laboratorike jane te paperseritshme…
Realisht jemi ne kushte krejt te ndryshme… jemi ne kushte kur behemi gjeraqina ne pritje te viktimes se rradhes… dhe keto kushte diktohen nga ca gjera me te lashta se gazetaria ne shqiperi dhe se gazeta ne fjale…
Eshte e kote analogjia… pasi krimi sigurisht qe do mbetet mbi ne…
Por gjykoni psh BIlD (gazeta me e shitur ne Evrope)… Lajmet e Faqes se pare ne web momentalisht ne bild.de, ku Girl von Seite 1 eshte e shoqeruar me lajmin e nje iks profesori qe blen e shet lekur te koservuar njeriu (me falni per detajin) dhe sigurisht diku eshte britni qe shkon ne psikiatri dhe ne diku ne krah te ketyre, eshte vrasja e nje bande, ne fund te faqes pikerisht poshte pjeses “kaq e zhveshur ishte java e modes” eshte lajmi mbi Homoseksualin Moster, qe dyshohet te jete vrasess serial… Mund te gjykoni gjithashtu prej The Sun poshte thesun.co.uk, ku lajmi per vrasjen e 8 vetave ne nje shperthim (titull i vogel) eshte ne te njeten faqe me “Naomit i zbulohet nje gji ne brazil”…
Nuk dua te me merrni si justifikues te ketij modeli gazetarie ( te cilin e quaj te demshem, te ceket dhe te kote), pasi une nuk e pranoj personalisht dhe sigurisht me qef nuk do doja te isha pjese e kesaj gazetarie.. Me qef gjithashtu do te eleminoja gjithcka te kesaj natyre dhe me qef te madh do merrja per model NY TIMES/ Frankfurter Allgemeine apo Times etc etc… dhe po ashtu kjo ndikon ne ate qe une lexoj, perkatesisht heq dore nga tabloidi apo çdolloj gazetarie e perafert…
Tani problemi jone eshte qe ne Shqiperi gjerat jane mishmash, per arsye tregu dhe problemesh te tjera dhe tabloidi nuk eshte nje profil me vete si Bild te cilin zgjedh te mnos e lexosh, por eshte gjitheandej neper media… Ajo qe ndoshta duhet permiresuar, eshte thjeshte te shmangim tabloidin dhe te presim sa tregu te coje gjerat ne vend, pra gazeten serioze te seriozet dhe ate jo serioze te jo seriozet… Por kjo me vjen keq tju them do te kerkoje kohe…
Gjera per tu pranuar… Po eshte e vertete raportimi i pakontrolluar dhe jo etik e brenda normave i vetevrasjeve, con ne shtim te numrit te tyre…
Shqiperia ka nje kod etik qe nuk zbatohet dhe qe mund te shmangte shume telashe…
Por Shqiperia nuk ka per momentin asnje studim socioologjik/ psikologjik/ statistikor apo kriminalistik, te cilit nje gazetare mund t’i referohet per te shpjeguar vetevrasjet… (qemtimi me i thelle dhe racional i ceshtjeve personalisht nga gazetari, eshte ketej pari humbje kohe, per arsye sepse atij (gazetarit) i duhet te zbatoje ca ritme qe levizin mjaft shpejt, ku pesha e informacionit ndryshon… A duhen shkruajtur dhe si duhen shkruajtur, lajmet mbi vetevrasjet… ??? Kjo eshte dicka qe ja vlen ta diskutoojme, por ju lutem mos perfshini ketu skema, emra dhe njerez apo tituj… ajo qe mund te bejme ne persepari ne diskutime, eshte te jemi ETIKE se er kete po flasim…
4 Shkurt 2008 @ 2:40 am
Ps: Nuk mund te cilesoj as shkrimin me lart, as te dytin pas tij… Ka gjera qe jane mire, ka gjera qe mund te permiresohen…
Ne te dy rastet ndoshta teprohet me detajin…
4 Shkurt 2008 @ 2:49 am
Dhe e fundit…
Ky komenti u shkrujt ne nxitim e siper… arsyetimi mund te jete i dobet… do perpiqem tju sjell nje me te forte me kalimin e diteve…
T.Sokolaj… Jam dakort me pjesen me te madhe te gjerave qe thua…
4 Shkurt 2008 @ 2:49 am
Kraste, e kuptoj që të bie ty (dhe gazetarëve të tjerë që lexojnë peshkun) mbi kokë, por ti po na thua se gjërat ashtu janë prandaj të mos kritikojmë? Me atë arsyetim i bie të mos kritikojmë asgjë.
Sa për pyetjen në fund, “A duhen shkruajtur dhe si duhen shkruajtur, lajmet mbi vetevrasjet” unë do të thoja se vetëvrasjet do ishte mirë të shkruheshin në përgjithësi (ku edhe të përmended statistika) dhe kur të përmenden raste konkrete të mos jepen emrat (përveçse në raste kur është ndonjë person publik). Për të lajmëruar të njohurit mjaftojnë shpalljet e vdekjes, dhe siç thashë këtu në Amerikë obituaries shkruhen nga familja ose në emër të familjes.
4 Shkurt 2008 @ 3:00 am
Dori jo mo vlla nuk them mos kritikoni… Une i pari e ve gazetarine time, faqen time ne thike te kirurgut dhe jam gati ta shoh te shkaterruar dhe shpresoj te mesoj prej saj… them mos kaloni ne ofeza, mos vini etiketa… sidomos ne diskutime parimore…
“Ky eshte turp” etj etj apo ku di une, nuk mund te vijoje me nje diskutim mbi etiken…
Plus ajo qe them une eshte se ju duhet te dini te pakten pese gjera mbi menyren si funsionon kjo pune ketu te ne, keshtu kritikat, do te jene te qarta, te sjellin dicka dhe fundit fare edhe te na mesojn ndonje gje…
Sa per ate qe thua, une jam dakord vec eshte e veshtire te lesh jashte gazetes ketu te ne,, informacione te kesaj natyre, per arsye te permasave qe po marrin… detyrimisht me e mira per tu bere eshte gjetja e nje menyre te ftohte dhe sa me profesionale e etike e te raportuarit… Por kjo do doje kohe ketu te ne, perfshi krijimin e nje sere kushtesh te caktuara…
Pershendetje…
4 Shkurt 2008 @ 3:29 am
Krasta, kur shkrimi kalon kufire morale (për disa) kuptohet që do marri edhe ofeza personale. A është shkrim i moralshëm të japësh të dhëna personale për një ngjarje të rëndë kur këto të dhëna s’i interesojnë lexuesve përveçse si mënyrë dëfrimi? Për shembull, nëse ka një vrasje nga një vrasës serial dhe tregon se në çfarë kushtesh ndodhi, lexuesit kanë interes pasi mund t’i shpëtojë jetën ky artikull. Në raste vetëvrasjeje si kjo çfarë informacioni të dobishëm po merr lexuesi? Të mos hyj në borxhe pasi ka rrezik t’i vijë dëshira për të vrarë veten? Siç thashë i vetmi informacion i dobishëm është tipi i shpalljes, dhe me sa shoh, shkrimi i mësipërm s’jep të tillë informacion (kur/ku priten vizita, kur/ku bëhet varrimi). Ti thua “gjetja e nje menyre te ftohte dhe sa me profesionale e etike e te raportuarit”, prapë dalim te shpallja e vdekjes, dhe s’ka nevojë pse të vihet në faqe të parë për karshi Ingrit Gjonit duke u puthur. Por kjo mënyrë nuk sjell lexues, s’është dëfruese, prandaj s’ka për të shitur shumë gazeta. Ma ha mendja se këtë duhet ta dinë gazetarët apo redaktorët apo jo? Apo e ke fjalën për një hibrid që edhe do të japi dëfrim për të sjellë lexues, edhe do të jetë profesional dhe etik që të mos fyej të afërmit dhe të mos sjelli neveri tek të tjerët. Për mendimin tim s’është e mundur, ose do jesh gazetë e tipit tabloid dhe do zbavitësh disa e neverosësh të tjerë, ose do jesh e tipit serioz. Ti do thuash s’është e mundur në kushtet e Shqipërisë, duhet t’i bësh të dyja se aq takat kanë gazetat dhe duhet të bëjnë pare. Dakord, por atëherë duhet të pranosh neverinë.
4 Shkurt 2008 @ 4:21 am
E nderum Kraste!
:D 
:D.
Je mire sot ….Eshte e treta prurje qe te lexoj TE PLOTE
I qarte …me krahasime nga jashta dhe brenda shtetit…
Kjo siper qe pjesa e humorit ne se se kam te pelqyshemm…..Futi nonji plum qorr …me “kallash “:D
Sipas rradhes Tek: “Qyteterimet…” me pelqeu qartesia dhe prakticizmi i te parit e analizuarit te problemit .
Tek “tjetri” elokuenca
Tek “vetvrasjet “Ligjerata e gjate……Une po rri tek kjo e treta sepse ai eshte palce humori sipas 14 vjec dhender ….eshte stil “nekrologjie”…
Ky artikull nekrofil nuk na genjeu po per mua mu duk si “vend pune” sepse zoteroj shume metoda vrasjeje e vetvrasjeje dhe me to mund te hao nje KONSULTORE ne Memedhembje.Nga ky vend pune te gjitha rastet qe mund te paraqiten mund ti paraqise ne redaksine e Gazetes dhe keshtu bojme lek.
Pak seriozisht….
Mos po bohet metode kjo “S’me keni kuptu se cfare doja te thoja!” thote x…..dhe me pas me komente vazhdon me shume se prurja per te sqaruar se c’donte te thonte.
Si qenie njerezore te edukuara me menyre te drejteperdrejte te lexuari ,te menduari e te reflektuari BOJU NONJI THIRRJE GAZETAREVE te thone qe ne fillim si ti kuptojme pastaj “te na e fusin”.Te pres me kenaqesi.
4 Shkurt 2008 @ 11:26 am
shume bukur! Nje shkrim tipik i peshkut… Me pelqen ironizimi qe i behet mediave te tjera - te cilat te nisura nga fitimi e shitja e gazetave po ulin cdo dite e me shume cilesine…
4 Shkurt 2008 @ 2:42 pm
gjynah jane VIP-at e politikes more njerez. i keni vene re ne c’situtata fatkeqe vdesin:
“…..landroveri perplaset se shoferi (vete VIP-i) eshte me shpejtesi te larte pasi nga hallet e shumta ka vajtur te relaksohet me gruan …. e tjetrit. ne kthim pasi jane bere te dy dru dhe ja kane futur shtylles me te pare qe kane gjetur me shpejtesi 200 km/ore, duke ikur nga kjo bote me shume shqetesim per hallet e shumta qe nuk munden ti zgjidhnin miletit…”
4 Shkurt 2008 @ 5:42 pm
Idris!
Nuk e kuptoj pse ke nje tendence per ta personalizuar diskutimin. Secili ketu artikulohet ne menyren e tij dhe une nuk dua fare te ndikoj ne kete, ashtu sikurse ti nuk mundesh te ndikosh aspak ne mendimin tim, se sharjet, fyerjet dhe te tjera si keto, jane pa ndonje vlere ne nje diskutim. Nese une kam shprehur konsideraten time per “disa komente” qe permbanin te tilla si ato qe permenda me lart dhe nese ti gjendesh i atakuar prej kesaj, ky nuk besoj se eshte faji im. Une perkundrazi kam shfaqur qendrim per permbajtjen e ketyre komenteve pa konceptuar ndonje etikete per autoret e tyre te cilet i respektoj njesoj ashtu si edhe zoterine tende.
Sa i perket komentit “te gjate” qe kam bere une, te kerkoj ndjese mik, mund te jete i merzitshem dhe i lodhshem, por te garantoj dhe besoj se eshte e qarte se nuk shpreh dhe nuk tregon asnje grime arrogance nga ana ime. Perkundrazi eshte shprehje e vleresimit dhe seriozitetit me te cilin une u perpoqa te marr pjese ne diskutim.
PS: Une humorin e lashe per ne fund, nuk e di se si ndodh ne Gjermani ku mendoj se shteti eshte ne nje nivel organizimi qe prodhon me shume kontroll, pushtet dhe autoritet, por ketu ne Shqiperi, nuk ta sugjeroj ate “Konsultoren” sepse edhe pse autoriteti i shtetit eshte i diskutueshem, nuk te fal njeri…
Gjithe te mirat!
Faleminderit!
4 Shkurt 2008 @ 6:40 pm
Te betohem Sokolaj qe s’kisha lexu asnje rresht nga prurja Juaj. nuk me intereson se nuk je i “zhanrit” .Po vazhdoja me qejf tim me Krasten dhe ne veten e pare kur “jam ne linje” drejtepersedrejti . E ndjek kete metode qe te mos marr atribute “mesimdhenesi”.
Kjo nuk me pengon te te lexoj me kenaqesi tani me pas, dhe po te kem nonje gje them te bashkebisedojme. Ne se e ke kuptuar ose rastesisht sheh ndonje qasje me prurjen tende kaperxeje dhe tallu.E pres me shume qejf.Relax.
5 Shkurt 2008 @ 3:43 pm
Nuk e kuptoj kete tendencen e vetekrahasimit me gazetat e tjera si nje menyre per te justifikuar te metat. E kam me T. Sokolaj kete, megjithe respektin dhe vleresimin qe kam per te. Pra, i nderuar, nuk ke pse perdor te metat e difektet e te tjereve per tu vetekenaqur me ato qe ti i percepton si defekte pak me te vogla ne median ku punon.
Jo per gje, por nuk eshte hera e pare qe e lexoj, (jo vetem nga ti) se mediat kane probleme, s’kane etike dhe nuk jane as profesionale. Atehere kur ne i dime keto te meta, perse nuk i rregullojme. Perse kemi tendencen te mbetemi ne vend numero, duke u justifikuar me pjeset e erreta te te tjereve? A nuk do ishte me mire secili gazetar te luftonte per etiken profesionale qe ne mos e ka mesuar ne shkolle, e ka mesuar gjate praktikes se punes? Te gjithe jemi te vetedijshem per kete te shkrete “etike” dhe “profesionalizem”. Nese gazetaret do ta kishin sado pak ego profesionale, atehere gazetat nuk do te ishin ne kete nivel. Por sic e thashe edhe me lart, tendenca jone eshte te justifikohemi, duke marre shembullin e me se keqes. Kete bere edhe ti me lart, duke sjelle nje tjeter moster shkrimi qe ta lexojme. Sepse ti shpresove se duke lexuar shkrimin e dyte, do te zhvendosej vemendja nga shkrimi i pare, pra shkrimi qe e ke redaktuar ti.
E mirave e te mirave do te ishte qe gazetaret te kishin konkurrence mes tyre jo vetem per menyren e te shkruarit, por edhe ne detajet dhe menyren se si ata dine ta kapin dhe ta trajtojne nje ngjarje te caktuar. Per sa kohe qe gazetaret punojne ne grup, dhe jane me mendje te fjetur se neser nuk do ia terheqe veshin shefi, sepse kolegu i tij ka ndonje detaj tjeter me shume se ai, atehere nuk mund te flasim per konkurrence.
5 Shkurt 2008 @ 7:22 pm
Me vjen mire qe me pjesemarrjen time ne kete diskutim dhe sigurisht me kontributin dhe qendrimin e padiskutueshem korrekt te komentuesve te tjere duke perfshire edhe editoret e Peshkut, kemi ndikuar sadopak qe tema te merret seriozisht edhe nga ata qe ne fillim po qeshnin me cfare shkruhej ne artikull apo ne komentin per artikullin qe ne thelb kishte ngjarjen e vetevrasjes. Me te cilen une dhe gazetari mund ta kemi tepruar, por ne asnje moment nuk kemi qeshur. Tani mua me vjen keq sesi anashkalohen disa situata qe i dime te gjithe, me vjen gjithashtu keq per mungesen e mirenjohjes se disa kolegeve ndaj gazetarit qe ka shkruar artikullin i cili shpeshhere i ka ndihmuar keta kolege te cilet une vazhdoj ti vleresoj njesoj si para dhe pas qendrimeve qe mbajne ne kete rast. Gjithsesi kjo e mirenjohjes eshte ceshtje e atij dhe jo e imja.
Me duhet te sqaroj se me shembullin e sjelle nga e perditshmja tjeter, per artikullin mbi te njejten ngjarje, nuk kam pasur fare asnje iluzion qe te shperqendroj vemendjen e ndokujt. Eshte fakt se edhe ne komentet e mia, pjesa derrmuese e hapesires i kushtohet diskutimit mbi artikullin qe kemi bere ne. Gjithsesi une vazhdoj te ushqej idene se nuk kemi pse te merremi me nje gazete te vetme apo nje media te vetme kushdo e cfaredo qofte ajo, kjo nuk do te ishte produktive. Sepse edhe nese arrijme te ndikojme tek kjo media, mangesite dhe problemet do te shfaqen tek te tjerat dhe cfare rendesia ka pastaj diskutimi?!!! Qenia e njeriut eshte e tille qe ne pergjithesi perpiqet te gjeje justifikim per cfaredo qe ndodh, por une kurrsesi nuk mund te pranoj se jam perpjekur te justifikoj cfare ka ndodhur. Perpjekja ime nese kam qene i qarte ka qene nje tentative per te sqaruar pse ndodhin keto fenomene te ekzagjerimit te medias me rastet e izoluara te vetevrasjeve. Duke e fokusuar diskutimin ne shkaqet kam menduar se mund te arrijme ne nje ide per te ndryshuar dicka. Me vjen mire gjithsesi, qe tani e tutje, une personalisht do te jem me i kujdessshem me te tilla ngjarje edhe per shkak te diskutimit ketu, por jo cdo gje eshte ne doren e nje njeriu te vetem!
Faleminderit te gjitheve!
5 Shkurt 2008 @ 7:31 pm
Me vjen mire gjithsesi, qe tani e tutje, une personalisht do te jem me i kujdessshem me te tilla ngjarje edhe per shkak te diskutimit ketu, por jo cdo gje eshte ne doren e nje njeriu te vetem!
———————
Te pershendes per kete qe ke thene. Kjo eshte e gjitha qe ky diskutim tenton te realizoje, nje ndergjegjesim me te larte nga ju si redaktore, dhe nga stafi juaj, per te miren e profesionit ne pergjithesi dhe mbi te gjitha per interesin publik te cilit i sherbejme. Ketu nuk behet fjale vetem per “Panoramen”, apo “Shekullin” por per “shtypin shqiptar” ne pergjithesi pasi jemi te vetedijshem qe problemet nuk jane te izoluara ne nje gazete apo dy, por gjenden tek te gjitha. Por korigjimi fillon nga vetja, e kur njera Gazete e ngren standartin e cilesise, te tjerat do ta ndjekin detyrimisht, ose do vuajne ndeshkimin e lexuesit.
6 Shkurt 2008 @ 8:42 pm
Prsh te gjitheve.
Eshte hera e pare qe shkruaj ne kete forum dhe besoj se do te jete e fundit. Gjithsesi s besoj se do te jete diskutimi i fundit qe ngrihet per shkrime dhe lajme te raportuara nepermjet emrit tim. Se pari falëminderit, administratorit qe ka hapur kete teme. Ata qe planifikojne te vetevriten duhet ta falënderojnë seriozisht atë person qe ka pergatitur rregullat e cituara sipas numrave. Mundesisht une propozoj qe te te blejne edhe te drejten e autorit dhe ajo nuk duhet te shumefishohet te fotokopjohet apo t’i nderrohet autoresia. Pasi tashme ka edhe nje ligj te ashpet mbi te drejten autorit. Ky person une propozoj qe duhet te rregjistrohet edhe prane entit perkates dhe te kerkoje edhe ndeshkimin e vjedhesve te mundshem.
Sa i perket menyres se informacionit te percjelle. me lejoni t’u them edhe une pak gjera, nese do te mundem. Se pari dihet qe ne forume, te tilla niveli i debatit ka shkalle te larte pergatitjeje intelektuale te papare. madje akademike do te thoja. Kuptohet po t’i bashkangjitesh edhe ato keshilla te dhena nga autori, qe ne kete rast ka preferuar te fshihet pas emrit redaksia e gazetes, kjo e ben debatin edhe me shterrues.
Sa i perket temes se debatit dhe menyres se si eshte ndertuar ai mund te thuhet me bindje te plote se kush e njeh shkrimin si proces, leximin dhe ne teresi informacioni, pra debati ne kete rast eshte ordiner dhe nga nje nivel banal. Njerez qe s marrin ere fare se si trajtohet nje lajm nje ngjarje dhe nje informacion, marrin persiper te japin definicione dhe perfundime qe nuk i kane arritur shkencetare te tjere me pare shume here me te lexuar dhe me te ndritur. Ne kete drejtim pjeses me te madhe te shkruesve iu jap te drejte aq dine dhe aq flasin.
Kur dikush nuk ka informacion e duhur mbi nje fushe qe nuk i perket atij eshte me mire te heshte se ndihmon te verteten mendoj une. ne kte rast organizatoret e debatit, por edhe ata qe kane marre pjese ne debat sa per te thene dicka.
Ne lidhje me vetevrasjet dhe menyren e percjelljes se informacionit:
Gjithkush prej jush di ta perdore internetin deri sa futet te peshku dhe po kaq thjeshte mund te gjesh literaturen e duhur. Ne te kundert shkoni mesoni ne fakultetin e gazetarise ose kerkoni leksione me pagese nga pedagoget e shume nderuar. Gjithkush prej lexuesve qe s dine s e c eshte informacioni mund ta paragjykoje, kete lloj informacioni, por ju siguroj se kjo eshte pjese e historise se ç do populli. brezat duhet ta dine se c’ka ndodhur ne nje kohe te caktuar, qofte edhe per kabllin elektrik me te cilin eshte varur ky njeriu. Ju siguroj qe do te kete elemente te lajmeve te sotme te vlefshme per studiuesit dhe brezat.
Deri ne ate kohe edhe peshku do jete merzitur nga debate te tilla, por qe ne fakt jane te nevojshme per ata njerez qe jane te pa pune dhe gjejne mundesine te humbin kohen ketu, si une per kaq kohe qe shkrova.
uroj qe peshku te ngrihet per nga niveli i debatit qe do te perzgjidhet dhe diskutohet ne faqet e tij.
Administrorit Peshku ruan të drejtën të fshijë ose zbehë komentin që po dërgoni, sidomos nëse:
1) komenti fyen autorin, komentuesit e tjerë apo persona publikë
2) komenti është jashtë teme
3) komenti është shumë i gjatë
Nuk kemi qejf të censurojmë askënd, por ama diskutimet në faqe duam t’i mbajmë civile dhe të sjellshme.