Flash II
Ime ‘më bën bakllavanë
me petët që s’po
i ecin
Im atë është me grip;
Kërkon përtueshëm një kanal
me muzikë popullore të pamodifikuar
gjenetikisht
e seanca parlamenti
(njëkohësisht)
…
Rula (mesogrua greke) qan televizivisht
për Franin (djalë i ri shqiptar)
që e la (pikë)
(Qysh k’shtu, or mec?!)
Ime ‘më propozon ta thërrasim
të heqë stresin
me pe’c
…
Zana paska djalë për të martuar
alamet çuni
me edukatë
dy metro i gjatë
(sa Frani )
dhe dorën, gati sa s’ma paskeshin kërkuar
…
News24 na lajmëron pa pushim
(interneti është i avashtë si truri im
i shpërngulur )
…
Bëj të flë, gjumi s’më zë
këndon duke tëhollur ime ‘më
…
…
…
Kafe, kafe, kafe…
anchora, anchora, anchora
perché io da quella notte…
…
Dielli nxeh mashtrueshëm gjelat marxhinalë
që ngelën pa shitur (dhe çmimet nuk ranë)
Daja im i papunë ankohet për luhatjen brendaditore
të motit në Tiranë
….
Krisma, krisma, krisma…
Fishekzjarre
Ora 12 e 31-shit vjen
e përpiktë
me drita, me ujë
me njerëzit që gëzojnë
për dritat, ujin
…dhe muzikën…
Unë laj përpikmërisht enët e darkës
familjare të zgjeruar
me anëtarë mungues
që kësaj here s’e mbytën dot
frikën nga epidemia e gripit imagjinar
dhe stresit familjar
që dolën, në fakt, të vërtetë.
njëzetetetë dhjetor dymijeshtatë - një janar dymijetetë
23 May 2008 @ 12:32 pm
akull…me kenaqe…
sh. sh. bukur.
I love it!!!
23 May 2008 @ 1:39 pm
Kaq te natyrshme keto rrjeshta, sa qe m’u duk sikur nuk i lexova po sikur i degjova te recituar. Shume bukur.
Gjithashtu, “gjelat marxhinale” eshte gjeniale dhe nje emer i perkryer per nje grup punk rock… “Hello, we are the Marginal Cocks and this next song is from our first album Meat Market. It’s called We can’t be bought… One! Two! Three! Four!”
23 May 2008 @ 1:52 pm
Nje kuader”natyre e qete”qe ka brenda edhe poezine,edhe muziken,edhe artin vizual.Merita eketij sinkroni te bukur eshte e autores qe e pershendes.
23 May 2008 @ 3:12 pm
Ditto me preparat. Falm. akvll!
23 May 2008 @ 5:06 pm
motive te gjalla te familjes shqiptare! fantastike!
24 May 2008 @ 12:08 am
Akull bre…
do pej dhe une copia-incolla te komentit te xhenius.me nje modifikim te vogel “motive te gjalla te familjes shqiptare! fantastike”
te cilat ka kohe qe kane ra n’gjume ne kujtesen teme.Sepse ketu ku jetoj i gjej te gatshme
Nr e tel Rules e ke,se njof i fran ktu ne M….na.
Krisma, krisma, krisma…
Fishekzjarre
Ora 12 e 31-shit vjen
e përpiktë
me drita, me ujë
me njerëzit që gëzojnë
për dritat, ujin
…dhe muzikën…
Unë laj përpikmërisht enët e darkës
familjare të zgjeruar
me anëtarë mungues
që kësaj here s’e mbytën dot
frikën nga epidemia e gripit imagjinar
dhe stresit familjar
që dolën, në fakt, të vërtetë
kete pjese JUST LOVE IT!!!!
24 May 2008 @ 1:01 am
Bravo Aklli! Fantastike!
Shiko cfare me ke kujtuar:
KAFEJA E MENGJESIT
Ai hodhi kafe
Ne filxhan
Hodhi qumesht
Ne filxhanin e kafese
I hodhi sheqer
Kafes me qumesht
Me lugen e vogel
E perzjeu
E piu kafene
Dhe vuri filxhanin mbi tavoline
Pa me folur
Ndezi nje cigare
Beri rrathe
Me ate tym
Shkundi hirin
Ne taketuke
Pa me folur
Pa me shikuar
U ngrit
Vuri kapelen ne koke
Veshi
Xhaketen e shiut
Sepse binte shi
Dhe doli jashte
Neper shi
Pa nje fjale
Pa me shikuar
Dhe une
Futa koken
Mes duarve
Dhe qava
Jacques Prevert
24 May 2008 @ 11:42 am
grazie kapiten! mgjs nganjehere e bej byrekun edhe ketu.
jemi shqipo apo jo?!
24 May 2008 @ 5:27 pm
O, Peshq e Peshkatarë, më bëhet qejfi shumë që ju ka pëlqyer dhe ju falemnderit për fjalët e mira!
Preparat, kam që dje që qesh me “Marginal Cocks”…U mundova dhe të bëj muzikën e këngës së parë (arsyeja pse s’po përgjigjesha), por nuk arrij akoma të integroj këngën e gjelave të detit ashtu si dua…:)
Blend, ajo fotoja jote është shumë e bukur. Rrofsh.
Kapitano, duhet me u lidhë me Top-in për nr. e Rulës, po shpejt sa nuk është prishë…:) Falemnderit!
PF, ta dish ti ça lidhje kam unë me atë poezinë; ajo është përgjegjëse pjesërisht për atë çka jam unë tani, biles nganjëherë ja lë gjithë përgjegjësinë. Ti e ke përkthyer shumë bukur. Unë për herë të parë e kam lexuar anglisht, nga 16 vjeç e kusur, dhe pata dëshirë ta lexoj origjinal, por s’dija frëngjisht. Dhe kështu fillova një kurs frëngjishteje, etj., etj., etj….
Përshëndetje!
24 May 2008 @ 8:38 pm
Roman i bukur, me ndjenje !
Kush me shan qofte dhe me men eshte i sha !
24 May 2008 @ 8:45 pm
Falemnderit!
E di vetë ti Koth!
25 May 2008 @ 10:12 am
Meqë ra fjala te Preveri:
FAMILJARE
Nëna bën triko
Djali bën luftë
Ajo e sheh krejt të natyrshme nëna
Po babai, ç’bën babai ?
Babai bën biznes
E shoqja bën triko
I biri luftë
Ai biznes
Ai e sheh krejt të natyrshme babai
Po djali po djali
Çfarë sheh djali?
Absolutisht asgjë nuk sheh djali
Djali e jëma bën triko i jati biznes ai luftë
Kur të mbarojë luftën
Do të bëjë biznes me të jatin
Lufta vazhdon nëna vazhdon bën triko
Babai vazhdon bën biznes
Djali vritet nuk vazhdon më
Babai dhe nëna shkojnë në varrezë
U duket krejt e natyrshme babait dhe nënës
Jeta vazhdon jeta me triko luftë biznes
Biznes luftë triko luftë
Biznes biznes biznes
Jeta me varrezë.
J. P.
5 July 2008 @ 5:59 am
Duket sikur eshte kuturu, po ne fakt eshte e lidhur bukur dhe e rrjedhshme.
Shume bukur akullnaja