Çfare nuk duhet të bëjë Serbia?
Para pak ditësh, pasi përshëndeta iniciativën e Komisionit Evropian për të nisur së shpejti negociatat për liberalizimin e vizave midis Serbisë dhe BE-së, një nga komentet që mora ishte: Mirë heqjen e vizave për Serbinë e bënë, po me ne shqiptarët pse jo? Pa dashur të zgjatem në arsyet shqiptare, mendova se një analizë më e thellë e perceptimit për këtë veprim ndaj Serbisë do të ishte e rëndësishme, aq sa dhe vetë adoptimi i qëndrimit politik si ndaj Serbisë, ashtu edhe ndaj gjithë fqinjëve në përgjithësi.
M‘u kujtua një takim vite më parë me ish-ministrin e Jashtëm të Rusisë, Sergei Ivanov, i cili nuk e përmbajti shprehjen e çudisë tek i thosha që kishim hequr vizat me Malin e Zi (në atë kohë pjesë e Federatës Serbi-Mal i Zi). “Po me Serbinë?”, pyeti me të drejtë ai, se kjo që keni bërë është njësoj si të heqë Rusia vizat me Kaliforninë, e jo me SHBA-në. Jemi në çdo moment gati, iu përgjigja, mjafton të pranojë Serbia që t‘i heqim vizat edhe me të.
Sigurisht, gjithçka më lart nuk ka të bëjë aq shumë me çështjen e vizave, sa me një filozofi të re të marrëdhënieve me fqinjët në përgjithësi, e me Serbinë në veçanti. Në themel të kësaj filozofie të re qëndron një dimension i ri i perspektivës dhe i zhvillimit të të gjitha vendeve tona, është pikërisht procesi i integrimit të tyre në Bashkimin Evropian. Integrimi evropian dhe sistemi i tij i vlerave duhet të përbëjnë pikat e referencës së politikave jo vetëm të brendshme, por sidomos atyre të jashtme të vendeve tona. Integrimi e bashkëjetesa, respekti reciprok, multietniciteti dhe sidomos ndërvarësia, janë ato vlera të cilat do të realizohen detyrimisht, ndërsa çdo vend i rajonit realizon edhe aspiratat si vend anëtar i BE-së.
Çështja është KOHA; nëse këto vlera kemi guximin t‘i përqafojmë TANI dhe përshpejtojmë ecjen tonë drejt BE-së; nëse kuptojmë TANI se ecja e rajonit drejt BE-së është një ecje e përbashkët e të gjitha vendeve; se vonesa e secilit vend të veçantë është edhe një kacavjerrje e tij në shpinën e gjithë rajonit tonë. Një filozofi e tillë integruese qëndron në thelbin e planit të Presidentit Ahtisaari për përcaktimin e statusit përfundimtar të Kosovës. Tashmë, në hapat e fundit të kurorëzimit të tij, statusi i Kosovës po siguron çdo ditë e më shumë një mbështetje ndërkombëtare, edhe pse ka në themel pikërisht këtë filozofi integruese.
Nisur nga kjo perspektivë, pavarësimi i Kosovës nuk mund të jetë një dilemë “humb ose fitoj” për Serbinë (zero sum game), por përkundrazi, një garanci për një zgjidhje “fitojmë të dyja palët” (win-win). Zgjedhja e secilës prej këtyre perspektivave do të jetë vetë fati historik i Serbisë dhe jo çështja nëse ruan apo jo sovranitetin mbi Kosovën. Zgjedhja e Serbisë domosdoshmërish duhet të jetë ajo integruese, ajo se me pavarësinë e Kosovës fitojnë të gjithë, edhe Serbia vetë. Ajo do ta shpëtonte Serbinë përfundimisht nga folklori arkaik që e ka mbajtur të mbërthyer pas të shkuarës, duke i errësuar të ardhmen.
Kjo zgjedhje historike, ajo evropiane dhe integruese, nuk lë vend për gabime. Kjo zgjedhje nuk e pranon të abuzohet me idenë se mund të ndalet pavarësia e Kosovës, një proces që nisi në Rambuje, kur Millosheviçi braktisi marrëveshjen, proces që përshkroi një rrugë të gjatë e parimore, mbi bazën e tri jo-ve (jo kthim në gjendjen e para vitit 1999, jo ndarje, jo bashkim me vende të tjera). Pavarësia e Kosovës nuk mund ta ndryshojë rrjedhën e saj nga çfarëdolloj retorike apo demagogjie elektorale që përdoret në Beograd. Ka zëra të guximshëm sot në politikën serbe që e pranojnë këtë, si ai i Ceda Jovanoviçit, i cili i bën thirrje politikës të mos mashtrojë me elektoratin se gjoja ekziston mundësia për ta mbajtur Kosovën. Kosovën, thotë ai me të drejtë, e ka humbur Millosheviçi.
Serbia gjithashtu nuk duhet të bëjë gabimin se mund të mbahet pas Rezolutës 1244 të Këshillit të Sigurimit, se ajo siguron gjoja sovranitetin e saj mbi Kosovën, ndërkohë që paragrafi i 11, pika “e” e saj, për përcaktimin e statusit përfundimtar i jep referencë të plotë Rambujesë, që ka në thelb respektimin e vullnetit të popullit të Kosovës për përcaktimin e statusit. Embargoja ndaj Kosovës nga Serbia nuk do të ishte as mjet presioni, as instrument ekonomik për ta kthyer pas procesin e pavarësimit, pasi humbësi i madh do të ishte Serbia vetë. Ajo do të humbiste një treg të konsiderueshëm të krijuar si traditë e marrëdhënieve ekonomike brenda ish-Jugosllavisë, ndërkohë që vakumi që mund të krijohej nga rritja e menjëhershme e kërkesës do të mbushej shumë shpejt nga vende të tjera fqinje. Humbësi i madh do të ishte Serbia.
As disintegrimi i dhunshëm i Kosovës nuk do të ishte një rrugëzgjidhje. Pasojat do të ishin zhvendosje e popullsisë, shtim i refugjatëve serbë në Serbi, ndërkohë që atje ndodhen mjaft të tillë të paintegruar që nga koha e konflikteve të mëparshme në Kroaci e në Bosnjë, duke shtuar kështu dozën e vuajtjeve të kombit serb, si viktima më e madhe e nacionalizmit ekstrem të udhëheqësve të vet.
Ndërkohë që mundësitë e serbëve për të jetuar dhe integruar në Kosovë janë shumë më të gjera e potencialisht shumë më të mira. Plani “Ahtisaari” siguron një diskriminim të tillë pozitiv për serbët e Kosovës dhe pakicat e tjera joshqiptare, të paprecedent në praktikën ndërkombëtare. Ai u siguron serbëve dhe pakicave të tjera një përfaqësim dhe pushtet politik asimetrik me përqindjen e popullsisë. Dhe mirë bën. Sepse respektimi i të drejtave të minoriteteve nuk është çështje përqindjesh të popullsisë, por është çështje standardi dhe vlere, që duhet të respektohet edhe nga vetë Serbia me shqiptarët e Preshevës, Bujanovcit e Medvegjës.
Nëse Serbia më thjesht do t‘i nxisë serbët e Kosovës të konfrontohen me shqiptarët e ndërkombëtarët, ajo do të jetë jo vetëm përgjegjëse për shtimin e vuajtjeve të tyre, por do të paguajë edhe faturën politike e ekonomike për këtë. Por nëse Serbia nuk e bën një aventurë të tillë, atëherë do të kishte një obligim të patjetërsueshëm të shtetit të ri të Kosovës dhe komunitetit ndërkombëtar për të siguruar një jetë më të mirë për serbët e Kosovës dhe për sigurinë e tyre. Një përpjekje ndarjeje, një Kosovë pa serbë, do të eliminonte çdo motiv për influencë të serbëve dhe të Serbisë në Kosovë, dhe bashkë me të do të rrezikohej edhe rëndësia e Kosovës në trashëgiminë historike e kulturore serbe, e propaganduar nga Serbia me shumë forcë, por jo me shumë realizëm. Do të tregonte se lidhja e saj reale me Kosovën nuk është aspak më e madhe se sa lidhja me Mitrovicën e Veriut. Dhe përsëri, humbësi i madh do të ishte Serbia.
Por Serbia nuk mund të bëjë as gabimin që të shohë Rusinë si alternativë ndaj BE-së dhe integrimit në të. Interesat aktuale politike Serbi-Rusi, bashkëpunimi me Rusinë në fushën ekonomike, nuk mund të ndryshojnë faktin se Serbia nuk është qëllim në vetvete i Rusisë, por një element në interesat e saj globale dhe një sfidë ndaj politikës perëndimore në përgjithësi dhe asaj amerikane në veçanti. Nëse do të ishte ndryshe, Rusia mund të kishte ruajtur edhe prezencën ushtarake në Kosovë, si pjesë e kontingjentit të sigurisë. E vështirë të imagjinohet se Serbia mund ta projektojë veten si një ishull destruktiv në hartën e Ballkanit e rrethuar nga fqinjët e saj anëtarë të BE-së? Ajo do të ishte një humbëse e madhe. Humbës do të ishte edhe rajoni dhe çdo vend i tij.
Prandaj, bëmë mirë që e uruam Serbinë për marrëveshjen për vizat me BE-në, bëjmë mirë që urojmë që më 3 shkurt të fitojë në zgjedhjet presidenciale përfaqësuesi i forcave reformatore pro-evropiane, Presidenti Tadiç, dhe mbi të gjitha ne shqiptarët bëjmë mirë që vazhdojmë të adoptojmë një filozofi të re në marrëdhënie me fqinjët, atë që e ka rrënjën në marrëdhëniet e civilizuara njerëzore, se e mira e fqinjit është edhe e mira jonë.
27 January 2008 @ 1:13 am
po ky cdreqin ka qe pellet per ‘pavaresi’ kur qenka tifoz i ‘ndervartesise’?
27 January 2008 @ 2:23 am
Diskriminimi pozitiv i serbeve ne Kosove eshte poshterim per shqiptaret, o politikan me mendime te trasha!
Pastaj, udhezimet e tua per serbet jane me te vertete qesharake dhe mos kujto se kjo retorike e zakonshme per te ashtuquajturit politikane shqiptare mund te fshehe ksenobythlepirjen tende bile deri tek idelologjizimi i kallashnikoveve si arma me vdekjeprurese ne bote.
Gjenerata e politikaneve me te paturpshem te botes!
27 January 2008 @ 6:04 am
Ilir Meta ka qene i shqiptari i vetem ne Komisionin e Trete Nderkombetar per Ballkanin (2 te paret na vendosen kufijte qe kemi sot). Komisioni kur mori vesh (me ane te sondazheve) qe populli si ne Shqiperi si ne Kosove do e shihte si gje te mire bashkimin e Shqiperise me Kosoven arriti ne konkluzionin qe populli shqiptar qenka ende i papjekur.
Ilir Meta e firmosi ate dokument. Po fundja s’ka faj. Tirana kurre nuk i ka artikuluar ‘interesat kombetare’ keshtu qe kollaret e Tiranes hedhin valle si te duan,.
27 January 2008 @ 6:31 am
Me pelqen.
“po ky cdreqin ka qe pellet per ‘pavaresi’ kur qenka tifoz i ‘ndervartesise’?
integrimi e bashkëjetesa, respekti reciprok, multietniciteti dhe sidomos ndërvarësia, janë ato vlera të cilat do të realizohen detyrimisht,”
Qafir, e vertetove qe akoma nuk jane pjekur me ne krye Koco Danajn qe na keshillon te imitojme serbet.
27 January 2008 @ 7:20 am
Kocoja thote qe te imitohet vullneti i popullit qe e gjen ketu.
27 January 2008 @ 8:05 am
Qafir, te papjekur jane shqiptaret perderisa Kosovaret mendojne se eshte me pozitive po te bashkohemi se sa shqiptaret e Shqiperise. Dhe edhe me te papjekur jane perderisa pozitiviteti i larte per bashkim nuk shprehet me nje mundesi edhe me te larte.
Sa per Kocon, ai thote qe Serbet si shume nacionaliste qe jane iua hoqi vizat Europa, prandaj edhe ne duhet te jemi shume nacionaliste.
27 January 2008 @ 8:24 am
Ky miku eshte pollitikan pa marre ajke. Dmth nga student qe merrej me nje sport burreror, iu ngjit majave gjer me kryeminister.
As qe i plas per Shqiperi a Kosove. Kete fjallim e ka per ambasadat ne Tirane, ne pritje te rradhes per t’a mjele perseri vence ate qene Shqiperi. Per te afruar kete dite, nuk eshte keq qe miqte te mendojne: “ky eshte gomar i mire, s’ka nevoje as per kapistall”.
27 January 2008 @ 8:35 am
mire e the ‘qene shqiperi’.
27 January 2008 @ 8:45 am
Mua me duket se Kocua eshte i qarte ne ato qe thote, te pelqen ose jo eshte tjeter gje. Por kete shkrimin me siper me thene te drejten nuk e kuptova se c’donte te thoshte. Mund te kishte ndonje kuptim para pese vjetesh te themi kur nuk dihej se c’do behej ende, por tani kjo lloj retorike eshte me shume se e dale boje. Rreshtimi perfundimtar gjeopolitik ne ballkan eshte aty - nuk ka me dilema. Serbia eshte rreshtuar qartazi me Rusine, dhe kjo ceshtja e vizave eshte vetem nje veprim i deshperuar i Europes per te mos humbur c’do gje qe ka vene ne tavoline me Serbine. Puna eshte se perse e pershendet Ilir Meta kete lloj marreveshje, qe nuk ka arritur te na e sqaroje dhe ne kete shkrim? Politika jone bashke me Ilir Meten kane frike nga ato lloj pyetjesh qe bene dhe Danaj, dhe prandaj thone kesi lloj budallalleqesh. E pershendet marreveshjen Ilir Meta a thua se ka qene ai qe ka punuar tere kohes qe te binde Europen per tu hequr vizat serbve. Se c’fare duhet te beje dhe nuk duhet te bej serbia lerua atyre dhe me duket se ata e kane vendosur, por shih se c’fare duhet te bejne shqiptaret. Apo do vazhdojne te mos bejne asnje gje?
27 January 2008 @ 2:54 pm
Duket me teper si stil i nen/kryetarit Pellumb Xhufi se e vete kryetarit Meta,
veshtire se mundet nje parti e vogel ne Shqiperi ti tregoje me realizem Serbise se cfare duhet te beje, ajo qe mund te beje eshte qe te sillet mire dhe te shfrytezoje urat dhe mundesite per biznes ne te dy anet e kufirit:)
tung
27 January 2008 @ 3:19 pm
kemo politikanet me demagogjik qe ka europa….
deksa lexoja artikullin me dukej sikur po lexoja shkrimin e nje gazetari serb… a nuk e kuptojne keto politikane qe kjo menyre tejet perulese si ndaj te mireve dhe te keqinjve thjesht na ben dem ne si komb. o zoti Meta nga cila ane e lumit je?
serbet dhe greket realisht, si popull dhe si politikane na kane zet, te pranosh kete eshte te pranosh realitetin, dhe per shume kohe, tashme qe kosova po merr pamvarsine nuk do te kete marrdhenie te fqinjesise se mire sepse idealin tone, nje kosove te pamvarur, ose nje shqiperi te madhe, ate e quajne tragjedine me te madhe te tyre…
27 January 2008 @ 5:25 pm
Sepse heqja e vizave Serbise tregon qarte se politika bythelepirese e kollareve qafederre te Tiranes tregon qarte deshtimin e tyre, dhe tregon qarte qe interesi i tyre eshte qe vetem ata te levizin lirshem. Duket qarte qellimi i tyre ne politiken tejet liberale te pasaportave diplomatike qe leshohen nga Tirana.
Vaso Cubrolovic e ka pasur mire kur shkruante ne tezen e tij ‘Shperngulja e Arrnauteve” se Tirana blihet shume lehte.
27 January 2008 @ 9:03 pm
per ata qe e njohin Meten, shkrimi nuk te cudit. Meta eshte nje nder drejtuesit kryesore te lobit proserb ne Tirane. Por keet here ka gjetur rrugen me te keq per tu faktorizuar.
27 January 2008 @ 10:38 pm
“Prandaj, bëmë mirë që e uruam Serbinë për marrëveshjen për vizat me BE-në, bëjmë mirë që urojmë që më 3 shkurt të fitojë në zgjedhjet presidenciale përfaqësuesi i forcave reformatore pro-evropiane, Presidenti Tadiç, dhe mbi të gjitha ne shqiptarët bëjmë mirë që vazhdojmë të adoptojmë një filozofi të re në marrëdhënie me fqinjët, atë që e ka rrënjën në marrëdhëniet e civilizuara njerëzore, se e mira e fqinjit është edhe e mira jonë.”
———————————————————
A e di Meta qe ky Tadic firmosi ne Moske marreveshjen e gazit me Rusine 2-3 dite me pare?
Si politikan qe eshte (apo mban veten), e kupton domethenien e ketij veprimi? A eshte ne dijeni per nje plan Serb ( qe edhe Tadic e ka miratuar) per embargo ndaj fqinjve Kosovare ne rast pavaresie?
Edhe ketu flasim per embargo ndaj ujit dhe energjise elektrike…
C’do bejme do tu tregojme “fqinjesine e mire” Serbeve?
Nuk kane qene kurre shqiptaret per fqinjesi te keqe ndaj fqinjeve Serbe, por historia ka treguar dhe e sotmja po tregon te kunderten..
Filozofine e re duhet ta adoptojne Serbet n.q.s. duhet te behen pjese e shtetit te ri Kosovar,perndryshe tu refuzohet pashaporta e shtetit te ri dhe te emigrojne ne Rusi..
Meta eshte oportunist dhe kete shkrim e perdore per tu treguar i “moderuar”.. Nuk ka arritur akoma ta kuptoj qe Partia e tij dhe ai vete si politikane nuk kane nje “qellim politik” me,pasi me ikjen e F.N. nuk ju ka ngelur me asgje per te fituar pike politike…
Si perfundim eshte shkrim shume i gabuar nga Meta…
28 January 2008 @ 7:36 am
Meta e paska lli!
——–
Me duket se shkrimi do ishte me mire tu postohej direkt “ministrive” neper ambasada mqs ju drejtohet atyre.
Ata qe nuk na duan si popull, ata qe kane friken e Shqierise dhe faktorit shqiptar ne Ballkan, nuk na duhen fare si miq.
Me mire si armiq, te pakten i njohim dhe i dime.
Rrofte Kosova e Pavarur!!!!
28 January 2008 @ 8:52 am
ka te drejte qafiri, Meta eshte nje nder autoret e raportit antishqiptar te Komisionit nderkombetar per ballkanin. Per ta ribere kryeminister, meta eshte gati jo vetem te beje shkrime si ky qe ka ardhur tek peshku. Ai mund te beje edhe te tjera veprime kunder shqiptare.
ndersa emri i koco danaj, eshte futur kot. jane emra dhe ide diametralisht te kunderta.
28 January 2008 @ 3:31 pm
Meta na con mallin e Anastasisos Nanos-it.Ai e mesonte Greqine si te sillet(se greket jane budallenj-e paska mbetur shqiptari ti mesoje si te sillen).
Kurse Meta tani meson serbet(u jep leksione politike-se serbet jane budallenje e nuk dine si te veprojne me shqiptaret).Greket e serbet i kane zgjeruar kater here teritoret e tyre (kryesisht ne kurriz te shqiptareve)… kurse keta i mesojne ..l??????????????
Hajde socializem hajde…’socializem ano 2008″..
28 January 2008 @ 4:55 pm
Emrin Danajt ja kane futur artistet:) perndryshe eshte mire te ballafaqohen dy ide diametrikisht te kunderta se eshte Ilir Meta qe del se flet percart.
28 January 2008 @ 5:05 pm
Qafiro, do ishte mire te kishe perdour kete ”
” ne vend te kesaj ” 
“
28 January 2008 @ 9:20 pm
ke vitrinat po jepet ne kete cast nje emision mbi serbine
28 January 2008 @ 9:21 pm
diskutues jane riza halimi, deputeti i vetem shqiptar ne parlamentin serb, edit harxhi, shaban murati, dhe albin kurti
28 January 2008 @ 9:25 pm
c’kanal lostt?
28 January 2008 @ 9:31 pm
kliko top chanel tek lista ne te majte te ekranit
28 January 2008 @ 9:48 pm
Shkrimi i Ilir Metes, ishte shum dipllomatik dhe kuptohet qe nje parti s’mund te gjykoje me gjuhen e rruges apo te forces, apo te hiqet super patriot , gje qe do ta ulte ne syte e opinionit nderkombetar. S’duhet te harrojm djema , se, te huajt nuk gjykojne si neve, apo me keq akoma si disa ketu. Ne fund te fundit, me fqinjin /komshiun, ke ose mundesi te zihesh/te tregosh forcen, ose te perpiqesh te kalosh mire, ndoshta jo si miq, por te pakten si partner. Nje sere faktoresh , nuk na lejojne te tregojme forcen, si pritja per ne Nato, prishja e ekulibrave makro-ekonomike, emigrimet masive, etj. Keshtu qe mendoj se gjuha e Metes, ndonse shum paqesore dhe dipllomatike, eshte me e mire se nje gjuhe e ashper.
28 January 2008 @ 10:19 pm
Ca thu o pjer ca thu?
28 January 2008 @ 10:25 pm
E mo Mete…e mbaruam ate ca do bejme ne….tani te vrasim mendien per serbine!
Serbia te bej ca te doje, te jete vetvetia, e te tregoj veten ca eshte, e rofte qe ben keshtu si e mare, se po te mos qe e tille me Millon e shoke, Shqiptaret e Kosoves do ta kishin te veshtire te harinin ca hariten ne gjithe keto vite pas 90tes.
Ne te vrasim mendien ca do bejme ne, se eshte poker,loje, serbine se komandojme dote, po veten tone e leviziet tona po.
Meta si politikan duhet te shikoj punet e tije, se sa me larg largohemi nga koha kur ai qe kryeminister, e nga 2005sa qe beri politiken ”po nuk me dhe pjesen te bej dem”. pra nuk ka garanci per fuqine e tije ne politiken shqiptare, ajo e cila ka rendesi.
Mendoj se ka rezik te madhe si force ne zgjedhjet qe vine….e leri megallomanite qe do beje politike rajonale..e te jashme…qe nuk bejne dhe ata qe e kane per detyre te bejne, po meren me interesin e tyre ne shqiperi.
28 January 2008 @ 10:27 pm
po ti bledo ca po thu se s’po t’morim vesh?
28 January 2008 @ 11:39 pm
O Qafo, ajo qe thote Bledi, por edhe Pjeri eshte se ne e kemi bere politiken kombetare loje, dhe mendime si i Pjerit dhe Bledit u mbushin mendjen edhe politikaneve qe me keto gjera mund te luash. Ne duhet te kishte nje komb me politike kombetare solide duhet te ishim ne se na duhet me shume se c’do kombi tjeter ketu rrotull. Pjero nuk eshte gjuhe as e ashper dhe as e bute, eshte gjuhe koti.
Kujdes se po sharrojme degen e pemes ku jemi ulur dhe do thyejme qafen, lerini pragmatizmat dhe taktikat e qelbta politike.
28 January 2008 @ 11:42 pm
O po ketyre as qe u pjerdh fare….
29 January 2008 @ 1:17 am
Marreveshja e tregtise me Serbine nuk u miratua, shih ketu Ministri i jashtem i Hollandes nuk ka pranuar ate pa permbushjen e detyrimeve qe Serbia ka ndaj Hages. Po tani do ta pershendesi edhe kete vendim Ilir Meta?
29 January 2008 @ 4:05 am
S’e lecite mire Ujko. Udhetimin pa viza sapo ja ofruan ne tabaka te argjente. Refuzimi i Hollandes ishte per firmimin e MSA (qenka ndryshe firmimi nga siglimi se siglat ja kane vu)
29 January 2008 @ 4:54 am
Qafir, ke te drejte! VOA nuk e kishte shume te qarte, por ne nje tjeter burim theksohej se pasi nuk kishin nenshkruar dot MSA, eshte formuluar nje pakete e quajtur “Political Agreement”
What follows are key extracts of the EU document:
- The European Union proposes a Political Agreement on cooperation between the European Union and Serbia, providing a framework for making progress on political dialogue, free trade, visa liberalisation, and educational cooperation, to be signed on 7 February 2008.
- Serbia has a crucial role to play in the Western Balkans, both for ensuring stability and as a motor for the economic development and prosperity of the region.
- The Serbian people are part of the European family. A deepening relationship between the EU and Serbia, leading to membership, will bring concrete benefits to the people of Serbia…
- The EU will continue to reach out to the people of Serbia and recognises the importance of making it easier for Serbians to travel in the EU. To this end, the (European) Commission will start a dialogue on visa liberalisation.
- The Stabilization and Association process remains the right vehicle to take forward this relationship. The EU is committed to sign a SAA as soon as the necessary steps have been finalised.
29 January 2008 @ 4:56 am
Me sa duket dikush ne Europe ka frike se do tu ngelet MSA-ja ne dore nese nuk fiton Tadic, prandaj jane terhequr. Edhe Belget ishin kunder, c’ka domethene shume.
29 January 2008 @ 4:31 pm
Belget dhe Hollandezet, pikerisht ato modele ku “politikat e kombit” nuk jane paresore.
Shiko kuhs mendoj une se eshte problemi. Mbi te gjitha nostalgjia romantike kombetare. E di qe do me shani. Por nuk me duket se e vetmja rruge per te ecur perpara, kalon mes nje kombi te bashkuar nen te njejtin shtet. Per aq sa gjithe pjeset e kombit, te shperndara neper shtete te ndryshme, jane te lire dhe te pavarur, nuk me duket se ka rendesi fare politika kombetare. Pikepyetje per kete liri dhe pavaresi mund te kete disi ne Maqedoni, ne Greqi nuk ekziston, apo edhe aq pak sa ekziston, eshte krejt e abuzuar (emigrantet e pas 90s dhe mbi te gjitha camet). Ndersa ne Kosove, raporti eshte krejt i ndryshem. Paresore eshte pavaresia. Kombetarizmi edhe ne qofte rruge e drejte, nuk duhet t’a nxjerri koken akoma, pasi strategjikisht prish pune. Meta me duket shume i qarte ne kete. Eshte mesazh direkt ndaj Serbise qe kjo e fundit te kete kujdes. Nuk eshte lemoshe, sic e quan Danaj, eshte krijim imazhi, imazh qe po te ndiqej vetem nje e njeqinda e keshillave te Danajt, propaganda serbe do t’a shnderronte ne imazh terrorizmi, ku dhe do te humbisnim partnere te fuqishem strategjik. Nderkohe qe Danaj me kujton Xhaxhin kur thoshte, ne nuk kemi frike nga imperializmi angloamerikan, nga revizionizmi sovietik, nga shovinizmi grekoserb, ne nuk kemi frike as nga shiu, dhe shqiptaret e shkrete qe ulnin cadrat e beheshin qull. Mirepo ne nuk i kemi kushtet te mos e kemi kete frike, vetem, na shqyejne.
29 January 2008 @ 4:43 pm
po s’qe i njejti shtet do jete e njejta korporate plako. trust me on this..the former is better
29 January 2008 @ 4:51 pm
ujku i zi
E ke kuptuar gabim shkrimin tim.
Une vetem shkrova se mu duk si ironi shkrimi ”ca duhet te bej serbia’, pak megalloman per Meten, i cili duhet te meret me punet e tija ne shqiperi si opozite, se nuk eshte minister i jashtem, e politika e jashtme duhet te jete gjitheshqiptare.
Po qe per mua ”ca duhet te beje serbia”….te thyej koken vete,mundesisht, qe ne ta kemi te lehte politiken tone, e as me ze halli ca duhet te bej serbia.
Titulli i shkrimit eshte sa ironik e qesharak.
Te thyej koken vete, ate te bej.
29 January 2008 @ 4:51 pm
Lulian, shkrimi i metes eshte te pakten pese vjet me vonese> Gjerat kane ndryshuar aq shume dhe ky lloj shkrimi ben me shume dem sesa ka ndonje te mire nga ato qe thua ti. Ne europe dhe ne perendim nuk ka njeri budalla dhe jane shume te ndergjegjshem se c’fare po ndodh. Lexo ate deklaraten e Vetvendosjes per te kuptuar se c’dem i ka sjell politikes dhe Kosoves ky qendrimi i “moderuar” dhe gjysmak ne negociata dhe eja flasim.
29 January 2008 @ 4:54 pm
Koco Danaj ka qene keshilltar i Ilir Metes kur ky ka qene kryeminister, e me sa e di per politiken e jashme e rajonale ne ballkan.
Ne shume shkrime Koco Danaj eshte kritik per Ilirin e qe e konsideron si amator, e aq me teper do te hiqet me teper i madhe sec eshte.
Personalishte e lexoj gjithnje Koco Danajt, i cili eshte nje nga analistet me te mire, cedo se gjithnje media vete pas atyre qe bejne buje partiake.
29 January 2008 @ 4:56 pm
Bledi, ke te drejte. E lexova me vone me kujdes postimin tened. megjithate ajo qe do thosha une eshte se dikush qe nuk e ka idene e politikes kombetare, apo flet me te tille gjuhe si Meta, nuk e meriton te drejtoje ndonje parti politike ne Shqiperi. Por ky eshte vetem mendimi im.
29 January 2008 @ 5:05 pm
Ndryshimi qendron.
Nqs Meta e shume politikan shqiptar, bejne te mirin per te fituar aleanca te jashtme per karriket ne shqiperi, pa patur ne refene interesin kombetar.
Kujtoj Meten kur qe kryeminister qe na beri mik Xhinxhiqin e gjasme politike e re, qe me teper qe per protagonist vetiak, sesa duke bere avokatin e interesave shqiptare.
Serbia ndryshe ben lojen e interesave te saj, e ato qe thote Meta jo se si dine ne beograd, po ata luajne forte, e perfitojne me shume se ne, e keta ”yesman”-et tane…..qe per hire te karrikeve shesin cdo gje.
Sic e ka thene dhe Koco Danaj serbia me kete loje fiton me shume qofte nga Europa e cila ne cdo rast pas tekave serbe i afron me shume e heq regullat per te, qofte dhe nga rrusi nga ana tjeter.
Politika serbe eshte pak me e vjeter, se pjekuria e 30 e ca viteve te Metes.
Gjithnje serbia ben teka, e luan fort, e gjithnje europa i ul kushtet ne negociata me te.
Kesaj i thone te luash politike, e jo atyre yesman-neve tane , qe bejne si te perulur para botes, e jo vetem nuk na ben europa asnje leshim, po na shton dhe kushtet gjithe kohes se ne ulim pazarin tone ne fund.
Kuptohet pazari i vendit ulet, sepse politikanet tane se kane per gje ate, shikojne vetem interesin e karikes, po nga qe jane te rinj e te papjekur, e demokracia jone 17 vjecare eshte feminore, e profesionalizmi ne politike eshte pothuaj joegzistetn, ne fund dhe keta politikan humbin dhe vete ne interesat e tyre te karrieres.
29 January 2008 @ 5:06 pm
21:00/24.01.08 Nje milion e gjashteqindmije ultranacionaliste…!! (Nga Koço Danaj)
…ftohen të qarkullojnë pa viza nëpër Evropë!!Eshtë një realitet. Por që ka nevojë për disa sqarime. Sqarimi i parë: Shifra e mësipërme është sasia e votave që arriti të fitojë kandidati presidencial serb i Partisë Radikale, Nikolic …Eshtë shifër e rrumbullakosur sepse në fakt janë edhe 50 mijë më shumë, por nuk e mbante titulli. Dhe në fakt nuk janë vetëm militantë partie, thjesht janë votues serbë. Ka kohë që këta votues dhe kandidatin e tyre, një pjesë e botës dhe ne shqiptarët së bashku me atë pjesë i konsiderojmë ultranacionalistë. Pra, ju kemi vënë një etiketë. Ndërsa në përqindje, këta ultranacionalistë janë 40 për qind e qytetarëve serbë që morën pjesë në zgjedhje ose 10 për qind më shumë se sa në vitin 2004. Sepse si shifër janë shumë herë më tepër. Janë 700 mijë më shumë ultranacionalistë!! (Në zgjedhjet presidenciale 2004, Nikolic fitoi në raundin e parë 945 mijë vota). Pra, paskemi një popull, i cili pranon të integrohet në Evropë, por së bashku me Tomisllav Nikolicin. Një popull që nuk pranon të bëjë lëshime para Brukselit!
Një sqarim tjetër që duhet bërë për një pjesë të botës që i konsideron 1.6 milionët serbë si ultranacionalistë. (Në këtë pjesë të botës, apriori bëjmë pjesë edhe ne shqiptarët). Cili është sqarimi? Ku jetojnë këta miliona qytetarë që votuan për Nikolicin? Në fshat? Në rajonet me pakica etnike si Vojvodine, apo Luginë të Preshevës? Apo kudo? Shifrat na thonë se: Ultranacionalisti Nikolice fitoi 42 për qind në Beograd, nacionalisti demokrat Tadic fitoi 39 për qind në Beograd. Nikolic fitoi 40 për qind në Novi Sad, fitoi 72 për qind në Bujanovc, fitoi 56 për qind në Kosovë, fitoi 39 për qind në Kragujevac. Pra, fitoi në qytet dhe në fshat, në qendër dhe në periferi. Duke i hequr 50 mijë votat që i mori për herë të fundit në Kosovë, i mbeten edhe fiks 1.6 milion vota ultranacionaliste të shpërndara në gjithë territorin serb. Dhe duke bërë pak teori, mund të konkludojmë se kemi të bëjmë me një shmangie të traktateve politike që vijnë nga Metropoli-Bruksel, sipas të cilave, nacionalizmi dhe ultranacionalizmi lindin në qendra rurale, të varfra dhe të pazhvilluara. (Vështirë se mund të thotë dikush nga autorët e Traktateve Politike se Beogradi, Novi Sadi apo Kragujevaci janë të pazhvilluar!)
Sqarimi i fundit që duhet bërë por edhe më kryesori për shqiptarët. Cili është ai? Solana i përshëndeti zgjedhjet në Serbi, indirekt përshëndeti edhe 1.6 milion ultranacionalistët që votuan për Tomisllav Nikolic. Ndërsa disa drejtues të lartë të Brukselit, si Ren apo Frattini u deklaruan se janë gati të heqin vizat për popullin nacionalist dhe ultranacionalist serb!! Konkluzion për sqarimin e fundit: Domethënë, po të jesh nacionalist dhe ultranacionalist siç etiketohen serbët, atëherë mund të qarkullosh lirshëm në Evropë, atëherë Brukseli është i gatshëm t’i heqë vizat!!
Ndërsa po të jesh internacionalist apo integrist si shqiptarët, nuk ka viza për në Evropë, bile edhe FYROM të ashpërson regjimin e vizave. Po të jesh nacionalist dhe ultranacionalist siç etiketohen serbët, edhe mund të thuash se nuk pranoj të nënshkruaj MSA-në me Brukselin, por që edhe askush nuk ta merr për keq. Ndërsa po të sillesh si internacionalist edhe kur lutesh të refuzojnë. Sepse liria e lypësit është lëmosha. Analiza është e tepërt pas sqarimeve të mësipërme. Prandaj, votuesit shqiptarë duhet të kërkojnë që Sali Berisha ta plotësojë deklarimin e tij duke thënë se Rruga Durrës-Kukës është Rruga e Shqipërisë natyrale. Prandaj votuesit shqiptarë duhet të kërkojnë që Edi Rama ta plotësojë deklarimin e tij duke thënë, se përtej të Majtës Klasike është e Majta Nacionaliste. Prandaj: Poshtë Internacionalizmi-Rroftë Shqipëria.
29 January 2008 @ 5:12 pm
Ujku pershendetje
Ne nje mendie me ty.
Shkrimi i Kocos mesiper flet me qarte e me mire, ish keshilltari i Metes kur qe kryeminister.
29 January 2008 @ 5:14 pm
Pershendetje gjithashtu Bledi.
29 January 2008 @ 5:32 pm
Ka qene e vlefshme para pese vjetesh kjo retorike, eshte e vlefshme edhe sot. Platforma e Metes e ka integrimin qe ne titull, keshtu qe nuk mund te thuash se Meta “duhet te meret me punet e tija ne shqiperi si opozite, se nuk eshte minister i jashtem”, Bledi. Ne qofte se Meta nuk e paska bere kete deklarate qe perpara 5 vjetesh, mos e kane fajin keshilltaret qe ka pasur atehere? Danaj mund te di shume fakte, shume njerez, shume politika, por ideologjia e tij per mendimin tim eshte e gabuar, sepse nuk i trajton realisht keto fakte. Shqiperia eshte e vogel, dhe shqiptaret jane te vegjel, dhe kemi nevoje per miq. Nuk jam kunder vetvendosjes, por Danaj e con retoriken e vetvendosjes ne ekstrem, pasi retorika e vetvendosjes fillon dhe mbaron me vullnetin e atyre qe kerkojne pavaresi, kosovareve, nderkohe qe Shqiperia e pavarur eshte. Nuk mund te thuhet nje llaf nga ana e Shqiperise i cili nuk eshte ne gjendje te vihet ne zbatim. Dalin e teprojne premtimet boshe ne politikat e brendeshme, aq shume sa qe jemi mesuar me lugen bosh dhe nuk mund te bejme pa te, por nuk mund te mbajme te njejtin qendrim demagogjik edhe me retoriken e jashtme, t’a plas surratit tjetri lugen bosh.
29 January 2008 @ 5:43 pm
Aman o lulian!!! Meta ben mire te vrase mendjen se cduhet te bejme ne nqs Serbi hyn para nesh ne BE, qe ka shume gjasa. Se sa per ate qe ne jemi per integrim e di gjithe bota. Ti ketej thua qe jemi te vegjel e s’kemi kellqe per me shume, ketej thua qe u dashka ta reklamojme me te madhe qe jemi dakort. Nuk ke pse ore e minut i thua tjetrit qe une jam langaraq dhe jam dakort. Pak me shume dinjitet
29 January 2008 @ 5:45 pm
Pak me shume dinjitet dakord, por retorika e Danajt nuk eshte dinjitet, por fodullek.
29 January 2008 @ 5:56 pm
O Lulian, e di qe e kap me Danajn, por lexoje me me shume vemendje. Tek ai shkrimi tjeter permend nje thenie te Berishes ne seline e Natos qe duket sikur e ka lene evazive pergjigjen per deshiren e bashkimit te shqiptareve. Ajo qe thote Danua sot jo vetem qe eshte politka reale ne kete moment, por duhet te kishte qene ne krye te heres. Po nejse, keta politikanet tane i ndihu situata, pa me byth lepirje nuk arrihet asgje. Integrimi behet me vlera dhe jo me shkrime fallco. Minimalja qe duhet te kerkonte Shqiperia dhe Meta bashke eshte ajo qe kane kerkuar Hollanda dhe Belgjika mbreme, prandaj mos me thuaj se eshte per integrim. Ky shkrim eshte per turp.
29 January 2008 @ 5:59 pm
Danaj nuk eshte kryeminister apo minister potencial. Ai ben detyren qe i takon. E ngre pazarin shume lart qe dicka tu ngelet ne mendje ketyre tocave tane dhe qe edhe ne si popuul te mos rrime si dele. Ky eshte nje proces ne te cilin Danaj po kontribuan shume. Per kete e pergezoj dhe e cmoj shume. Kur ne ta ngreme zerin, sic po jepen ca shenja ketu, edhe Meta nuk do mundet te perdori “integrimin” si reklame per vete e tu serviloset aq shume te huajve. S’ke pse thua qe jam dakort kur nuk te ka pyetur njeri akoma. Edhe kur i ofrohet nje vend pune, dreqi e hengert, njeriu me mend ben sikur i duhet te mendohet e nuk jep pergjigje menjehere.
29 January 2008 @ 6:16 pm
Eh po pike e zeze! A mund te ma shpjegoje kush, se c’lidhje ka pavaresia e Kosoves, e cila nuk eshte arritur akoma, me bashkimin e shqiptareve nen nje shtet? Ky i fundit eshte pazari i Danajt, jo i pari, pazar qe eshte aq i larte, sa qe nuk i ka kembet ne toke fare. Perndryshe nuk kam asgje kunder Danajt. Sikur te ofronte te njejtin opinion, por pa e ngaterruar me idene e Shqiperise se madhe, respekte. Por keshtu sic e ka, edhe te tjerat i bien poshte.
Por cfare te thote Meta kur nuk e ka pyetur njeri, nuk jam dakord? Po kush e pyeti?
29 January 2008 @ 6:25 pm
O Lulian, ato qe thote Danaj nuk kane kuptim pa nocionin komb, dhe nocioni komb nuk ka kuptim pa Kosoven apo shqiptaret e Maqedonise. Ajo qe thote Danua eshte doktrine nuk eshte politike momentale. Politikat pastaj ndertohen mbi doktrina, si pershembull “globalizmi”, “internacionalizmi”, “the free world” e G.W.Bush, apo ajo amerikane ku te “gjithe njerzit jane te barabart para zotit”. Ti do thuash per kete te fundit se nuk jane vertet te barabart por ama ka ndikuar per te vendosur nje lloj mardhenie midis ketyre turlilloj njerzish. Eshte si te thuash princip. Kurse une pyes; kush eshte doktrina e Ilir Metes?
29 January 2008 @ 6:27 pm
A mund te ma shpjegoje kush, se c’lidhje ka pavaresia e Kosoves, e cila nuk eshte arritur akoma, me bashkimin e shqiptareve nen nje shtet?
Pavaresia e Kosoves eshte hapi i pare drejt Bahkimit te Shqiperise me Kosoven.
29 January 2008 @ 6:37 pm
Hej, ka dy ane te drejtesise, percaktimi i ndeshkimit, dhe rimbursimi i demit te shkaktuar. Rimbursimi i demit te shkaktuar eshte pavaresia e Kosoves pa kushte. Nga ana tjeter, percaktimit te ndeshkimit, cka eshte edhe ne kontekstin hollandez, i kushtohet shume pak vemendje ne retoriken shqiptare. Kam nje pyetje per ju: duke qene se shqiptaret jane ata te cileve u eshte shkaktuar demi prej serbeve, cfare qendrimi duhet te mbajne shqiptaret ne luften per drejtesi, gjithmone ne terma te percaktimit te ndeshkimit dhe rimbursimit te demit?
29 January 2008 @ 6:47 pm
Keta politikanet tane, keta matufer te rrezikshem, pasi rregulluan gjithcka ne Shqiperi, tani i japin leksione dhe Serbise, dhe Ballkanit dhe Europes, Amerikes, gjithe botes se cfare duhet te bejne. Po kush ta degjon mendimin ty o gdhe? Ti qe nuk meriton asnje respekt, asnje perkushtim, ti Meta dhe shoket e tu, pozitare/opozitare qe rripni cdo dite shqiptaret dhe Shqiperine.
29 January 2008 @ 7:26 pm
shpjegoje dhe ca se s’po e mor vesh ku do me dale.
“cfare qendrimi duhet te mbajne shqiptaret ne luften per drejtesi, gjithmone ne terma te percaktimit te ndeshkimit dhe rimbursimit te demit?”
29 January 2008 @ 7:30 pm
Lulian, ketu nuk ka rimbursim. Shqiptaret po kerkojne nje te drejte te tyren (vetvendosje) qe u ka lindur nga e drejta morale qe ata kane per te kerkuar dnimin e krimit te kryer nga Serbia. Serbia me kryerjen e krimit ka humbur te drejten morale jo vetem per te vendosur mbi Kosoven, por edhe me gjere ne mardheniet me fqinjet dhe komunitetin europian dhe boteror. Eshte kaq e thjeshte! Ato qe thote Meta, jane brockulla dhe jane kunderargumenti i asaj qe thash me siper.
29 January 2008 @ 7:39 pm
Vetvendosja ka lindur nga e drejta morale per te kerkuar denimin e krimit te kryer nga Serbia? E sigurt qe nuk eshte nga krahu tjeter?
O Tirons, Nuk du me dal asgjekundi une. Eshte e thjeshte. Ndaj kosovareve eshte bere nje krim, dhe pasoje e ketij krimi eshte qe ata nuk kane pavaresi. Per cfare duhet te luftojne shqiptaret, per te rimarre pavaresine kosova, apo ndeshkimin serbia?
29 January 2008 @ 7:45 pm
O Lulian! Milloshevici dhe serbet kryen pastrim etnik. Ata e kane humbur te drejten per ta qeverisur kete popullate sipas te drejtes Europiane qe u njeh pakicave veteqeverisjen. Kurse problemi i denimit te krimit eshte me i gjere dhe nuk mund te mbyllet me pavaresine e Kosoves. Sinqerish nuk e marr vesh perse eshte kaq e veshtire per tu kuprtuar? Kaq shume ju ka indoktrinuar Ilir Meta?
29 January 2008 @ 7:50 pm
Lajmin per Belgjiken dhe Hollanden qe nuk e kishin firmosur marrveshjen e asocim-stabilizimit me Serbine , e lexova sot ne mengjez, dhe mendoj se dhe vendet e tjera te industrializuara te EU , nuk do ta firmosin marrveshjen.
Persa i perket vizave me EU djema, kjo eshte çeshtje 4-5 vjetesh , por kjo s’ka shume rendesi, kur EU i ka hequr taksat per prodhimet shqiptare dhe te mos harrojme se produktet bujqesore dhe ushqimore (perveç alkolit) nuk kane akcize.
29 January 2008 @ 8:03 pm
Per te dyja mo lulian duet te luftojne shqiptaret. Meqenese po e merr ne terma “sentencing” dhe “remedy” po te pyes une ty. Largqofte neser sikur dikush te djegi shtepine tende dhe gjykata ta detyroje ate te te paguaje demin ty, do ishe ti i kenaqur me kaq? Nuk do kerkoje dhe denim ti per ate?
Dhe ajo qe ben Meta ne kete rast eshte qe i thote vete gjykates, he mo lere se gjynof se jena komshinj. Ku e gjen Meta kete te drejte njehere?
29 January 2008 @ 10:34 pm
Viza per serb nuk ka nevoje sepse serbet qe 100vjetet e fundit nuk kan emigrue nga venlindja fallco (ne tokat e arberit)d.m.th .serbet pa atedhe te vetin e krijuan atedheun ne tokat tona)E per shqiptar duhet vizat,sepse shqiptaret kan e po emigrojn neper shtete dhe kur ti merr malli me pare atedheun e okupum nga serbet,maqedonet e tjere u nevoiten parat(leket tona),pse jo mos me ua marr shqiptareve!Thelle e ma thelle eshte problemi i shqiptareve ,sepse bota eshte mesuar nga shqiptaret te ndertoje e tju prejm drunje,tu nxerrim derivate,tu pastrojm WC,tu behemi servila,e tua shesim millin e bardhe e tua majm qeverit e shtetve!!!Dhe ne fund pse me na pare te bashkuar ???!