Çfarë dinte Azemi për spiunët
Kreshnik Kuçaj (Korrieri)
Ish-deputeti i PD-së kërkon të hapen dosjet e bashkëpunëtorëve të huaj dhe thotë se politika shqiptare është e infektuar nga Shërbimet e Fshehta. Sipas Arben Meçes, “në PD ka bashkëpunëtorë të shërbimeve të huaja”. Një ndër themeluesit e Partisë Demokratike në dhjetor 1990, Arben Meçe, në bisedë me “Korrierin” thekson disa elemente të rinj që lidhen me veprimtarinë e bashkëpunëtorëve të ish-Sigurimit të Shtetit. Meçe shtyn debatin tek agjentët e huaj që ka në politikën e vendit qëkurse u themelua PD-ja e në vazhdim. Ai i rikthehet gjithashtu debatit të asokohshëm në PD për dosjet. I larguar nga politika, ish-kryetari i grupit të deputetëve të PD-së, nismëtar i veprimit të fraksionit “Lëvizja për reformim” para vitit 1997, shpjegon edhe akuzat e ndërsjella me mbështetësit e kryetarit të pandryshuar (të PD-së) Sali Berisha.
-Zoti Meçe, ju keni qenë një ndër themeluesit e parë të Partisë Demokratike. Megjithatë, keni pasur edhe një konflikt brenda saj për çështjen e dosjeve. Anëtarët e PD-së që ishin mbështetës të “Lëvizjes për reformim” u akuzuan si bashkëpunëtorë të Sigurimit të Shtetit, kurse ju akuzuat kryeministrin Berisha si bashkëpunëtor të Sigurimit të Shtetit dhe si bashkëpunëtor i shërbimeve të huaja. Si ishte e vërteta e atyre akuzave të ndërsjella mes jush dhe pjesës tjetër të PD-së?
Arben Meçe: “Kërkesa ime e atëhershme ishte, për të qenë i vërtetë, një kërkesë demagogjike. Unë isha i bindur që nuk ishte komisioni, i cili bënte zbardhje. Edhe tani po them, në rast se ngrihet një komision, nuk është një komision që do të bëjë zbardhje. Do të bëjë goditje klienteliste. Nuk kanë për t’u hapur dosjet në Shqipëri, çfarëdo ligji të bëhet. Shikoni seriozitetin: një person merr përsipër që të bëjë një ligj kaq serioz, natyrisht që nuk është ai person. Por janë manovra politike: mandatojmë njërin e mandatojmë tjetrin. Asgjë nuk ka për t’u bërë. Po kthehet situata e vitit 1996. Po bëhet rotacion, e njëjta gjë. Në momentin kur pushteti do të ushtronte presionin ndaj kundërshtarit, prodhonte një legjislacion për individë me begraund të dukshëm, jo të padukshëm, se për ata me begraund të padukshëm të jeni të bindur se nuk kanë për t’u hapur kurrë”.
-Po thoni që ishte një kërkesë demagogjike. Në çfarë kuptimi?
“Ishte demagogjike, sepse ne ishim të bindur që ky komision nuk kishte për të provuar gjë. Ne godisnin me të njëjtën skemë, me të cilën lëvizja jonë po goditej nga strukturat e PD-së. Zëdhënësi i asaj kohe dilte dhe deklaronte, se personat që janë marrë dhe po merren me këtë lëvizje, janë ish-bashkëpunëtorë të Sigurimit të Shtetit. Dhe ishte normale që ne të vepronim në të njëjtën mënyrë, por në mënyrë më transparente. Dhe për këtë ne ishim të ndërgjegjshëm që dosjet kurrë nuk kishin për t’u hapur. 13 veta të këtij grupi që prodhoi “Lëvizjen për reformim”, në mënyrë publike u paraqitëm para këtij komisioni dhe morëm pastërtinë e figurës, që e kanë marrë të gjithë”.
-Në atë kohë, ju keni akuzuar edhe disa anëtarë të kryesisë së Partisë Demokratike si bashkëpunëtorë të Shërbimeve të huaja Sekrete. Në të njëjtën linjë edhe juve iu kanë akuzuar pala tjetër.
“Unë për vete i kam marrë dy vërtetimet nga komisioni “Bezhani” dhe komisioni “Mezini”, të cilët vërtetojnë pastërtinë e figurës sime. Megjithatë, unë kisha dijeni të plotë me emër, mbiemër e pseudonim për anëtarët e kryesisë së Partisë Demokratike që ishin agjenturë. Në atë kohë kam thënë që janë agjenturë e shërbimeve lindore”.
-A ka figura të Partisë Demokratike që kanë dalë “të papastër” nga komisionet e Mezinit apo Bezhanit dhe që sot janë në politikë e në poste drejtuese të shtetit?
“Ata nuk janë të papastër. Kjo është një çështje subjektive. Unë di njerëz, edhe në nivel ministrash madje, që edhe pse janë “të papastër”, kanë marrë një kartë dhe kanë dalë të pastër. Kjo, sepse nuk është zbatuar ligji. Këtë po them, sepse ligji i parë dhe i dyti kanë qenë shumë seleksionues, dhe sot me ato dy ligje, po të zbatoheshin në politikën shqiptare, do të ishte plotësisht e pastruar”.
-I njihni mirë disa nga drejtuesit aktualë të PD-së? A ka në qeverisje apo në postet drejtuese të shtetit individë që kanë qenë “të papastër”?
“Të gjithë marrim përsipër të themi që ka apo nuk ka. Por duhet të kuptojmë një gjë. Në momentin kur skema e pastrimit nuk ka funksionuar, do të thotë që, kur ti nuk e ke bërë pastrimin gjatë rrugës, si mund të pretendosh se nuk ke. Dhe unë e thashë qartë, që sot shërbimet e fshehta të huaja, në momentet kur filloi dhe lëvizi situata, prodhuan edhe skema të tëra për të infiltruar agjenturë. Kjo gjë është normale, këtë e bën çdo politikë e huaj dhe nuk është se po bëjnë agresion mbi Shqipërinë. Edhe ne të njëjtën gjë bëjmë. Ky është shërbimi më normal, që shërbimet sekrete bëjnë në botë. Në mënyrë potenciale, Shqipëria duhej të prodhonte skema filtrimi. Dhe dy komisione të tillë tregojnë se nuk ka funksionuar, çka do të thotë se nuk ka bërë filtrimin. Të gjitha këto pa kusht të shpien jo më në alibinë, por në atë që sot politika shqiptare është më se e infektuar nga shërbimet e fshehta”.
-Nga i keni këto informacione zoti Meçe?”Gjatë viteve 1992-1996, çështja e sigurimsave u bë problem që diskutohej në çdo vend. Natyrisht ishte shumë e thjeshtë, që me bujari të ulje në tavolinë punonjës të sigurimit dhe nga një hobi për të marrë të dhëna sesi funksiononte. E dyta, unë kam pasur në dorë dy platformat sesi funksiononte Shërbimi i Fshehtë. Atëherë ishin sekret shtetëror. Numri i tyre ishte shumë i kufizuar dhe nuk ishte në dorë të çfarëdolloj njeriu. Kisha edhe lidhje të afërta me të ndjerin Azem Hajdari, i cili kishte natyrisht shumë informacione. Pastaj edhe nga njerëz që kishin informacione dhe i dispononin ato dokumente. Të mos i gënjejë mendja njerëzit, që ato dosje janë më në arkiv. Kush i mori dhe kush nuk i mori! Mua në dorë më kanë rënë dosje të tilla”.
-Cila është periudha, në të cilën ju thoni se është zhdukur arkiva?
“I gjithë procesi i tillë ka qenë. Nuk mund të themi që i ka hequr Saliu apo i ka hequr Azemi. I gjithë procesi i tillë ka qenë. Që të gjithë kanë futur dorën atje”.
-Që nga 1991?”
Po, në ‘91 u përdorën ato. U përdorën gjatë vitit 1994, gjatë referendumit dhe u përdorën shumë keq. U përdorën në vitin 1996 për të hequr një pjesë. U përdorën dhe në vitin 1998 dhe deri atëherë janë përdorur, sepse më tutje nuk janë përdorur më. Dosjet e sigurimit u zëvendësuan me dosjet e korrupsionit dhe nuk kishte më nevojë për to”.
-Azem Hajdari kishte dijeni vetëm për kastën e PD-së, apo për të gjithë?
“Kishte në përgjithësi. Azemi ka qenë shumë i informuar, sepse ishte edhe kryetar i Komisionit Parlamentar të SHIK-ut. Dhe në atë kohë kishte njerëz që vazhdonin të jepnin informacion. Ki parasysh se shumë punonjës të Shërbimit të Fshehtë kishin prodhuar dosje të tyre që nuk ishin zyrtarë me vulë të njomë, por që ishin dosje, që siç i përdorin tani, i përdornin edhe ndaj këtyre agjentëve për përfitime. Dhe më tepër kanë bërë këta presion mbi ata, sesa ka bërë politika ndaj tyre”.
-Gjatë bisedës, ju vëreni se më e rëndësishme është hapja e dosjeve për ata politikanëve që kanë qenë bashkëpunëtorë të shërbimeve të huaja. Pse mendoni kështu?
“Duhet të kuptojmë, që vetë shërbimet e huaja në skemën klasike të sotme ose moderne të uzurpimit të një ambienti, nuk veprojnë më me skema ushtarake, as me terrorizëm, as me diversion ekonomik dhe politik, sikurse i kemi njohur në kohën e Enverit. Por çfarë ka? Ka kapje të politikës, sepse një menaxhim i keq i ekonomisë në thelb, do të thotë sabotazh në ekonomi. Kështu që nuk ke nevojë që të angazhosh bomba andej e këtej, por merr liderin politik, vendose dhe po të ketë degradim të ekonomisë, do të thotë që e ka kryer misionin. Çfarë dua të them me këtë? Dua të them që në shoqërinë e re që u hap, i gjithë qëllimi i Shërbimeve të Fshehta të vendeve të huaja ishte të kapte kokat e politikës, të futeshin në krye të partive. Mirëpo ata kanë infiltruar. Procesi nuk ndërpritet në vitin 1991. Të mos harrojmë që lëvizja e fshehtë, aksioni i shërbimeve të fshehta në Shqipëri në vitin 1991 është aktiv edhe sot. Kjo është normale. Historikisht, unë jam që të mos ngacmohet Shërbimi Informativ. Unë nuk jam që të hapen dosjet e vendit, por jo dosjet e kundërzbulimit. Ato paraqesin rrezikshmëri më të lartë dhe ato duhet të spastrohen”.
-A janë aktivë edhe sot?
“Janë aktivë, sepse nuk është e rastësishme që kaluan pranë PD-së dhe nuk ishin ata që u instaluan, por i instaluan. Sepse shërbimet e fshehta vërtet dalin nëpërmjet njerëzve, por ka struktura të tëra që mbështesin prezencën e individit në politikë. Shpeshherë i sheh në media, shpeshherë i sheh edhe me katapultë në politikë. Dhe për këta që katapultohen në politikë fillon edhe pikëpyetja e madhe. Kush i solli në politikë? Për mendimin tim, persona të tillë sot PD-ja ka plot. Sigurisht që për këtë kam edhe informacione.
-Edhe të rinjtë që kanë ardhur në politikë?
“Kjo është e vërteta. Sot nuk ka më në politikë struktura të vjetra të Sigurimit të Shtetit. Ato janë neutralizuar, sepse dinamika e zhvillimit të vetë Shërbimit të Fshehtë i ka neutralizuar, dhe në fund të fundit nuk janë më aktivë. Dhe ç’është më kryesorja, këta të vjetrit kanë prodhuar brezin e ri dhe kanë trashëguar lidhjet. Dhe këto lidhje janë bërë më aktive, sepse brezi i ri e ndjen veten më të shfrytë dhe të çlirët nga ngarkesa e ish- Sigurimit. Në qoftë se ne do të hapim dosjet, ne duhet të shohim rrezikshmërinë e sotme të tyre dhe jo vetëm faktin moral të dosjeve që këta kanë spiunuar para 19 vjetësh. Mua më shqetëson rrezikshmëria e sotme dhe nuk më intereson pjesa morale e aktivitetit të Sigurimit të Shtetit”.
-Të rikthehemi tek bashkëpunëtorët e ish-Sigurimit të Shtetit. A mendoni se ka dosje për t’u hapur?
“Pas 19 vjetësh neve na u zhduk Arkivi i Shtetit dhe nuk dimë që ndonjë njeri të mbajë përgjegjësi. Janë zhdukur disa dokumente të rëndësishme, janë zhdukur deri edhe dokumente pronash. Atëherë, kush do të na garantojë ne, se kjo dorë e padukshme, që sot e kësaj dite kur një njeri shkon për të gjetur dokumentin e pronës nuk e gjen atë, të mos ketë zhdukur edhe dosjet?! Megjithatë, ka disa skema të mbajtjes së informacionit dhe sot politika menaxhon brenda lidhjeve të veta edhe opinione, si “dosjet i kemi ne dhe po të duam i hapim, por të mos duam nuk i hapim”. Sipas meje, kjo çështje nuk ka për t’u marrë me seriozitet për shumë e shumë arsye. Të jeni të sigurt që, ata njerëz të cilët janë gënjyer që çdo dosje e tyre është zhdukur, ato nuk janë zhdukur, por ato dosje ekzistojnë. Pra, problemi nuk është se ata njerëz do të gënjehen që ato dosje janë zhdukur dhe o burra të votojmë për projektligjin. Ato janë edhe në mënyrë zyrtare, edhe në mënyrë jozyrtare. Megjithatë, mendoj se kryesorja është nëse do të ketë seriozitet në këtë çështje kësaj herë apo jo”?
-Pse dyshoni në seriozitetin e kësaj çështjeje?
“Të jeni të sigurt që, pas pothuajse 19 vjetësh, nuk merret me seriozitet më. Ka të dhëna të sakta fare, se prindërit informatorë të Shërbimeve të Huaja, fëmijët e tyre sot janë futur rëndë në politikë. Edhe pse prindi i tij ka dalë nga politika, është biri i tij, i cili do të trashëgojë të njëjta lidhje nga i ati, por të padokumentuar. Dhe këtë pikë duhet ta fiksojmë mirë dhe ka të tillë në Shqipëri. Pra, 19 vite ishin të mjaftueshme që lidhjet e vjetra të zhdukeshin dhe të prodhoheshin lidhjet e reja. Sepse për 19 vjet këta njerëz me lidhje të vjetra u janë mbajtur, u arkivuan dhe u dha detyrë që të prodhonin lidhjet e reja. Këto lidhjet e reja praktikisht nuk ekzistojnë më të dokumentuara në dosjet e Sigurimit të Shtetit. Atëherë, çfarë do të hapet? Prandaj është demagogji pretendimi për të hapur dosjet dhe e ashtuquajtura luftë për të zbardhur politikën shqiptare. 19 vjet nëse kishin për të bërë efekte mbi Shërbimin e Fshehtë, të huaj apo të vendit në politikën shqiptare, e ka bërë. Pra, tashmë ka ndodhur që lidhjet janë trashëguar nga babai tek fëmija, pra është trashëguar lidhja, e cila nuk është e arkivuar. Kjo është e rrezikshme. Pse po bëhen?! Thjesht për politikë po bëhen dhe kjo është arsyeja e dytë se pse ato dosje nuk do të hapen. Në momentin kur një ligj prodhohet për efekte të mirëfillta politike, sikurse u prodhua në vitin 1996 dhe më vonë, asnjëherë nuk u bë për arsye të mirëfillta. Ne kemi dy komisione, të cilët kanë qenë realë, dhe nëse do të shihni median e asaj kohe, ka qenë po aq intensive sa është tani. Dhe atëherë argumenti i atyre që bënë ligjin, ishte ky që është tani. E vetmja gjë është se tani situata e re politike kërkon që nga politika të spostosh dikë”.
-Pra, ju nuk e shihni si serioze nismën e PD-së?
“Partia Demokratike gjëja e parë që duhej të bënte kur të vinte në pushtet, ishte që të pastronte infiltrimin. Këtë e bën në fund të mandatit të vet 4-vjeçar, që do të thotë se tenton të pastrojë politikën nga kundërshtarët për fushatën e re elektorale. Me çfarë morali e ka mbajtur deri tani? Me ç’të drejtë për tre vjet ajo nuk e ngriti këtë çështje”?
-Pse mendoni se nuk do të funksionojë edhe kësaj here hapja e dosjeve?
“Sepse Shqipëria ka një problem serioz me legjislacionin. Deri tashmë nuk po shoh një fushë në të cilën legjislacioni të kurorëzohet. Legjislacioni në Shqipëri prodhohet për t’u shfrytëzuar nga pushteti dhe jo për t’u zbatuar. Çfarë dua të them me këtë? Kemi kaluar dy komisione për verifikimin e figurave dhe natyrisht e vërteta është se pas dy komisioneve, politika shqiptare është e mbushur më tepër me bashkëpunëtorë. Të dy komisionet e mëparshëm, “Bezhani” dhe “Mezini”, janë keqpërdorur, njëri për të spostuar kundërshtarin politik dhe tjetri për të mbuluar kundërshtarin politik dhe veten e vet”.
9 July 2008 @ 12:45 pm
Arben Mece! Mos ka qene gje vegel e bindur e Sales? Dhe pastaj kur Sala ka mbaruar pune e ka flakur? Nqs eshte keshtu, atehere dhe ky e ka ngrene nje luge corbe te prishur, ndaj do te vjell tere jeten. Nuk merrem me thenjet e tij.
9 July 2008 @ 1:35 pm
”Nuk ka agjentura te huaja ne shqiperi”
Kishte thene Berisha (sipas gazetes panorama) ne mbledhien e PDse. Dekonspirim ta quash, pasi dihet agjentura ka , e eshte normale, madie kane dhe perfaqesus te tyre ne Tirane.Po Bollano me shoke ca jane, e parate qe pothuaj paguhen hapur per ta.
Po Berisha te kujton 90ten.
Nuk ke nevoj te shkaterosh nje vend, me mijera agjent, mjafton ne nje kohe ndryshimi te kapesh kreun e politikes, qe eshte e lehte ne ate kohe, e pastaj shkateron ekonomine e madie e bombardon si ne Gerdec.
Ne 90ten Jugosllavia filloi shperberien, qe nisi nga Kosova, e plasi lufta, ne shqiperi doli ne krye papritur nje njeri (Berisha), qe shkateroi industrine,ekonomine e ushtrine shqiptare e qe futi ne vendin ne nje zinxhirr sherresh politike e krizash, duke e bere te paafte te reagonte ne mbrojtie te shqiptareve ne ishjugosllavine qe po shperbehej, qofte per ti mbeshtetur ata ne kerkesen e drejte per pavaresi apo ne kushtet e nje gjenocidi (qe erdhi me vone) te reagonte forte. Shqiperia nga udheheqia politike nuk qe me faktor e problem. Pa fole per naften qe u dha serbeve.
Po , nuk ka agjentura te huaja, Berishe ???!!!
O burra, u tha Berisha turmave ne 90te, qe ishin te zemeruara me qeverine e meparshme, shkaterojeni shqiperine e ekonomine shqiptare e shtetin shqiptar…..e lehte te manipulosh njerez ne momente te tilla..e ti hedhesh benzine zjarrit…sidomos kur te dikton nje nga jashte.
Berisha kur plasen demostratat e studenteve, qe jashte shtetit, se kishte pashaporte diplomatike ne ate kohe, e ishte perfaqesusi i shqiperise ne OBSH.
9 July 2008 @ 1:56 pm
Berber,
Pavarsisht nga Arbeni, Azemi etj etj mendoj se ky shkrim ka disa fakte te rendesishme per hapjen e dosjeve
1.Të mos i gënjejë mendja njerëzit, që ato dosje janë më në arkiv. Kush i mori dhe kush nuk i mori! Mua në dorë më kanë rënë dosje të tilla”….
Cila është periudha, në të cilën ju thoni se është zhdukur arkiva?
“I gjithë procesi i tillë ka qenë. Nuk mund të themi që i ka hequr Saliu apo i ka hequr Azemi. I gjithë procesi i tillë ka qenë. Që të gjithë kanë futur dorën atje”.
2.Që nga 1991?”
Po, në ‘91 u përdorën ato. U përdorën gjatë vitit 1994, gjatë referendumit dhe u përdorën shumë keq. U përdorën në vitin 1996 për të hequr një pjesë. U përdorën dhe në vitin 1998 dhe deri atëherë janë përdorur, sepse më tutje nuk janë përdorur më. Dosjet e sigurimit u zëvendësuan me dosjet e korrupsionit dhe nuk kishte më nevojë për to”.
3.Të rikthehemi tek bashkëpunëtorët e ish-Sigurimit të Shtetit. A mendoni se ka dosje për t’u hapur?
“Pas 19 vjetësh neve na u zhduk Arkivi i Shtetit dhe nuk dimë që ndonjë njeri të mbajë përgjegjësi. Janë zhdukur disa dokumente të rëndësishme, janë zhdukur deri edhe dokumente pronash. Atëherë, kush do të na garantojë ne, se kjo dorë e padukshme, që sot e kësaj dite kur një njeri shkon për të gjetur dokumentin e pronës nuk e gjen atë, të mos ketë zhdukur edhe dosjet?! Megjithatë, ka disa skema të mbajtjes së informacionit dhe sot politika menaxhon brenda lidhjeve të veta edhe opinione, si “dosjet i kemi ne dhe po të duam i hapim, por të mos duam nuk i hapim”.
4. Pse dyshoni në seriozitetin e kësaj çështjeje?
“Të jeni të sigurt që, pas pothuajse 19 vjetësh, nuk merret me seriozitet më. Ka të dhëna të sakta fare, se prindërit informatorë të Shërbimeve të Huaja, fëmijët e tyre sot janë futur rëndë në politikë. Edhe pse prindi i tij ka dalë nga politika, është biri i tij, i cili do të trashëgojë të njëjta lidhje nga i ati, por të padokumentuar
———-
Mendoj se jane disa pika qe mund te diskutohen, vec faktit qe kush ka qene Arbeni etj etj.
Psh ne vitet 93-94 dojset qarkullonin brenda PD si revistat qe shiteshin tek kioskat e bulevardit. Po te kishe nje mik ne PD mund ti shkoje ne zyre dhe ai duke te bere nder te madh mund te te tregonte si relike nje doje sigurimsi. Kam pare vete nje te tille, te nje personi fare pa rendesi por ama me bind se ato mbaheshin neper sirtaret e PDse si revistat e “Playboy”.
Po keshtu faktet si jane perdorur dosjet, si jane kercenuar njerezit per pune dosjes. Me kujtohet kur grupi i mocionisteve u shkeput nga PD , brenda PD u perhap thashethemi ( nga Berisha etj) se mocionistet te gjithe ishin me dosje, PD kishte dosjet e tyre. Kjo per te ndaluar gjakun PD qe mund te ridhte jashte saj drejt Mocionisteve, dhe pati efekt.
Po keshtu jane perdorur ne konferancat e partive ne rrethe kur beheshin zgjedhjet per kryetare. Sa here ndonjeri qe ishte jo i perkrahur nga qendra kishte mundesi te zgjidhej hidhej ideja se ai ishte me dosje, Kryetari i SHIK thirej ne keshillin drejtues te PD dhe ai mbeshteste kete ide. Kandidatura hiqej nga lista.
Me dosjet eshte abuzuar shume, dhe vazhdon te abuzohet. Pajtohem me
Arbenin kur thote se ceshtja e dosje eshte ngortur tani perseri me te … “vetmja gjë është se tani situata e re politike kërkon që nga politika të spostosh dikë”. Duke menduar ngjarjet e fundit Gerdecin, heshtjen e Rames, kakaperet e LSI, G99 etj etj me lind pyejta:
Kush e ka radhen tani?
9 July 2008 @ 2:07 pm
Toko, shtjelloje ca me shume kete.
Dhe isha kurioz ta di kur thua qe personi qe i pe dosjen ishte i parendesishem. Ca niveli ishte ne parti dhe ne qeveri ai qe te dha akses, pra qe posedonte dosjen, dhe te njejten gje per ate per te cilin ishte dosja
9 July 2008 @ 2:08 pm
Kjo e dosieve me teper hapet, se Berisha e PDja mendon se ky debat e ve ate ne pozite superiore, si ne vitet 90te, e mund te akuzoje kedo , sidomos PSne qe eshte ish PPSH.
E harohen problemet e perditshme, e PD-Berisha jane ne pozita si te 90tes qe sulmojne e akuzojne te tjeret. Po te qe serioz PD-Berisha, do ta kishte mbyllur kete pune qe ne 1992-shin.
Spiunet gjithnje me nderimin e regjimeve, kane nderuar pronar, e ne shqiperi kjo ka ndodhur, Berisha vete ka perdorur keta njerez me dosie, se mendonte se i kishte te kapur e skishin nga i leviznin..madie shume ne PD jane ankuar per kete…pasi me shume karrier benin ata me dosie.
Po nga nje ane, nuk ka shtet pa spiune, e te kesh spiune qe spiunojne per shtetin, TE PAKTEN KE SHTET….po ne as kete nuk kemi sot.
Ne pas 90tes, kemi gjithe kasten politike qe eshte e shitur te agjenturat e huaja, ose ben marveshie me to per pushtet ne shqiperi, duke shitur interesat e atdheut.
Ka ardhur koha te hapen dosjet e PAS 90-TES….PRA TE ANALIZOJME KETO 18 VJET.
9 July 2008 @ 2:18 pm
toko thotë:
Po te kishe nje mik ne PD mund ti shkoje ne zyre dhe ai duke te bere nder te madh mund te te tregonte si relike nje doje sigurimsi.
………………………………………………………
Kjo puna e dosieve, pikerisht se nuk u be nje ligj qe ne 1992shin (per te cilen PDja u zotua se do ti hapte), eshte bere MINIERE ABUZIMI….e qe mund te perfundoj po u hapen…ose ishin hapur…nje fllucke sapuni.
Ne ato vite ne PD, kishte TEPER SPEKULLIME, kush ishte kundra, ose kush konkuronte per dicka me nje tjeter….PLASTE LOJA E SPIUNEVE…e ka aq llafe e pseudonime qe jane hapur pa baze…vetem nga grupet e individe kundershar ne luften brenda PDse…..Sa qe u harit qe per cdo gje menjehere u vinin njerezve ne PD, ”Ky ka qene agjent i sigurimit”.
E PDja nuk i hapi dosiet.
Edhe sote gjithe ky debat, eshte vetem per nevojat e momentit te Berishes, se mendon se ky debat e ve ate ne pozita superiore..si dikur ne 90ten.
9 July 2008 @ 2:30 pm
xhibi
Kam permendur Gerdecin me hamenjden se kjo loje behet per te terhequr vemendjen nga Gerdeci , ose per te frikesuar ndonje qe ben shume gam gam per Gerdecin. njesoj sic mund te perdoret kunder ndonjerit ne LSI, G99 apo ndonjerit qe ben shume Gam gam kunder heshtjes se Rames ( Berisha e ka blere shume shtrenjete kete heshtje keshtu qe nuk do
te lejoj qe per hir te ndonjerit qe nuk i pelqen kjo heshtje te sakrifikoj investimin e tij) ashtu si mbase mund te perdoret per ndonjerin brenda PD etj. Thjesht besoj se sjellja ne rend te dites te hapjes se dosjeve eshte demogogji per terheqje vemendje apo “black mail”.
Per pyetjen e dyte e di qe do te duket jo e sinqerte por kij parasysh qe jemi ne blog, sjellim ndonje ide dhe perpiqemi ta mbrojme me ndonje fakt qe dime, duke mos dhene shume informacion per faktin ( per shume arsye personale dhe shoqerore) keshtu qe supozojme se lexuesi do te mare si te besushem kete fakt, ne te kundert duhet pranuar qe nuk kemi besim tek njeri tjetri , shume e mundeshme kjo deri sa nuk njihemi dhe shkruajme me pseudonime. Por nga ana tjeter nuk jemi ne gjyq qe jemi te detyruar te tregojme tere faktet sic jane. Me fal vella vec kaq mund te them. Nese nuk me beson terhiqem dhe zere se nuk e kam thene ate qe thashe per dosjen qe kam pare
9 July 2008 @ 2:32 pm
Po Ben mecja po. i di mire ti keto gjona!
9 July 2008 @ 2:34 pm
Toko, jo mo nuk eshte ceshtje besimi; thjesht isha kurioz te di ne pergjithesi sa te aksesueshme dhe te shperndara kane qene keto dosjet neper zyra partish
ironia e situates eshte qe kjo gje eshte bere praktike ne politiken shqiptare dhe nuk njeh kufij partish apo idealesh, dhe eshte veshtire te dish te verteten per sa te gjithe mbulojne gjurmet dhe akuzojne njeri-tjetrin per kete gje.
9 July 2008 @ 2:39 pm
Qe te kesh”sigurimsa ” ne VIJUSHMERI ne nje shtet eshte nje proces i PANDERPRERE…..
:( 
Qe ketu del plotesisht FALSITETI i ketyre ulurimave tip MIXHIZMI.Pra cdo lloj klase politike qe vjen ne PUSHTET i lind e drejta te inkriminoje klasen paraardhese me klithma te tipit
Sigurimi i Shtetit
SHIU i Gazidedes
Shish i Klosit …….e me rradhe.
jane te njejtat PLATFORMA qe realizohen me NJEREZ as famkeq as fatkeq
Me se shumti cfaqet Personaliteti i drejtusit qe monopolizon politiken e Kuadrit nepermjet spekullimeve me platformen ,se sa aftesite individuale te punonjesve .
Dhe ne kete kuader”masivizimi” i ketyre organeve gradualisht shndrohet ne edukate qytetare per informimin ndaj te “dyshimtave”
Aq e vertet eshte kjo sa qe USA e shfaq hapur. Ne cdo vend vendos Lajmerime KAPITALE ku ben thirrje:
-Ne se sheh dicka ……Thuaj dicka!!!!!!!!
E cdo te sjell kjo HAPJE..?? Per mua vetem . “U mbars mali e polli nje MI”.
Thone qe do pastroj politiken nga rradhet e ish sigurimsave!!!!
E kush i pegon ta bejne pa ulerima..vet i kane dosjet !?!?!?
Po nga informatoret e tjere te sherbimeve Gaziu..e Klosi kush do i Pastroje?????
Po nga spiunet me te ndyre te te gjitha kohrave ata PARTIAKE sidomos te PD qe bejne e leshojne karakteristika , rekomandime e deri URDHERA, kush do i pastroje…??????
Dhe futja ne labirinte te tilla eshte pa hyrje e pa dalje….dhe ………
i xhveshur Plotesisht problemi eshte thjesht ;
Demagogji e Mjet PRESIONI ne duart e POLITIKUAJVE me k/hamshorin
SALI ne krye….
Dhe tani o burra te hutojme miletin me detaje teknike..e lagu se lagu
tu hedhim gurin se rrathet i bejne vet..
9 July 2008 @ 2:43 pm
Mire Idriz mire, te drejte ke.
Po mos boj kshu dhe ti, sikur ske qene i cike spiun ne kohen tende
9 July 2008 @ 2:51 pm
O Moza!
:D 
te vetmen gje qe se kam dashur duke patur mundesi zgjedhje shkollimi ku te doja….
:D 
:P 
Me sinqeritetin me te MADH
Po miq e shoke kam PLOTE sa te dush nga te vjetrit sa qe ne kohe te “shkurter” te gjej edhe nonje “nik” ke peshku si e ka nik-un e vertete…
Po ti mos ki frike ,se dhe sikur ti vet te duash…. NUK THEM gjo per ty ,se cu kuptua …..do te perjashtojne nga Peshku…e PASTAJ?????
Do merremi me LEFTIN dhe POLICET qe jane figura te “pastra”
E kupton se cfare po ndodhe me ate vend…
9 July 2008 @ 2:54 pm
PASTAJ do m’rrujne trapin !
9 July 2008 @ 3:02 pm
Ne PD, kjo puna e spiuneve eshte perdorur per presion…e te gjithe kishin friken po dolen kundra…nje nga emrat qe do mernin qe dhe ajo e spiunit te sigurimi…..njelloj si dikur ne kohen e komunizmit…qe ai qe konsiderohej se doli kundra partise qe dhe spiun i imperializmit amerikan e social imperializmit sovietik dhe i udb-se jugosllave etj.
Pavaresisht, se shume me kartele kane bere karriere ne postet me te larta te PDse, madie nga ata qe e kane pranuar dhe vete se kane hedhur firmen.
Berisha eshte bere mjeshter qe hap debate kote e qe ne fund nuk sjellin asgje.
9 July 2008 @ 3:15 pm
Ate po thosha dhe une….po pa trap
:D 
9 July 2008 @ 3:19 pm
Jo po ta dish,
Qe mos kujtosh se bajne efekt kercenimet e tuja prej qelpsine komuniste me komplekse katunari periziere me gjasme-ntelektual-bolshevik
Une jam qelibar, e kullume, edhe cke asnji mut gjeje ca te me spiunosh.
Emrin e kam te nerum !
Veprat akoma ma te nerume !
!
Tamam qe me rrun trapin, ti dhe kush me do te keqen !
9 July 2008 @ 3:20 pm
O Bledi!
ka qene taktikwe e vjeter ajo e “cfryrjes se valvolave”…vetem gjuhet dhe faktet ndryshojne….
Mjeshtri me i madh i “cfryrjes se valvolave” ne Shqipri ka qene R.ALIA…
Edhe ky “kallamoqi” ka mesu nga ai ..po me se shumti eshte per metoden e “terheqjes litarit”, pranej si kane lezet e dalin “mufka” se me litarin kujton se kercehet si PELIVAN ,gje qe s’ja mate b@tha as Ramizit se e dinte qe duhen ekuilibra te forte……
9 July 2008 @ 3:20 pm
Nuk qendron problemi vetem tek Berisha apo tek Nano apo tek Rama, as per kete gje, as per te tjerat.
Puna eshte qe kjo eshte bere praktike pune ne qeverisje, sic eshte bere korrupsioni dhe mungesa e transparences per cdo gje. P.sh. shume eshte folur dhe hedhur faje nga te gjitha anet politike, per perfshirje me qellim te figurave qeveritare per interes te ndonje qeverie te huaj ne skemen e firmave piramidale, apo/dhe ne rremujat qe ndodhen me pas, dhe ne te tjera gjera qe mund te ndodhin qe per fat te keq te ca komshijve tane dhe per fat te mire tonin, jo te gjitha planet e tye u realizuan
Tani lind pyetja: Nese nuk ka per te patur efektivisht transparence ne kete gje, nga tu kesh besim dhe nga ta dish qe disa nga qeveritaret tane vertet punojne per Shqiperine dhe qe nuk kane shitur veten e tyre dhe punojne per ndonje vend tjeter, fjala vjen?
Apo dhe disa prej OJQ-rave ne keto raste dhe individe brenda tyre, nga ta dish qe nuk jane dhe ato kuklla dhe vegla te perdorura nga ndonje interes i huaj?
Sikur vertet te kishte insistim nga media dhe nje interes te organizuar nga populli dhe ta vinin transparencen e dosjeve dhe qeveritareve ne perparesi dhe ta benin kusht (o e ben transparencen o s’ta japim voten) mbase behej dicka.
Apo eshte e pashprese fare situata? Nese po, atehere le ti bejme nje peticion ambasades amerikane qe ta zbardhin ata situaten, se jam i sigurt qe ata i dine mire kush ne qeveri apo parti punon per ke sigurim dhe qeveri.
9 July 2008 @ 3:23 pm
Sipas konspiratoristit tim mo t’preferum, Kac Myftaraj, dosjet ene jon zhduk ene s’jon zhduk. Hekr Isai i paska bo do kopje qe ia paska ngec n’dor Kadares. As Tos Lubonja s’po gje dot dosjen e vet, e jo mo kto karafilat e tjere.
9 July 2008 @ 3:26 pm
Qafir, fukslleku ishte dhe eshte infrastruktura me e zhvilluar ne Shqiperi, keshtu qe nuk besoj se jane zhdukur dosjet. Perkundrazi, rrezik kushedi ne sa shumefish kopjesh dhe duarsh egzistojne. Hajt te gjesh variantin zyrtar te dosjeve pastaj.
Will the real arkiva zyrtare e dosjeve please stand up, please stand up.
9 July 2008 @ 3:26 pm
Sa m’perputhen shijet me ty Qafir, sidomos ne lidhje me gjallesat me lesh shume ose krife dhe koke te madhe
Une gati pata rane n’dashni me Kacin. 
Po ke vu re qe eshte zhduk dreqi keto kohet e fundit ?
Na la thate mer, skemi cer qyfyresh te lexojme gjithe diten. Nuk shtyhet pa KAcin !
As ne TV nuk del, as ne gazete.
A thu ta kene vra ?
Apo ja kane zene gojen me leke ose me mish te bardhe ?
9 July 2008 @ 3:30 pm
Idriws thotë:
9 Korrik 2008 @ 3:20 pm
O Bledi!
ka qene taktikwe e vjeter ajo e “cfryrjes se valvolave”…vetem gjuhet dhe faktet ndryshojne….
……………………………………………………………………..
Kam qene ne nje takim ne 90ten, kur disa te djathte te irrituar i kerkuan Berishes pse shume ish-sigurim u jane dhe poste….Berisha tha qe smund ti hidhnim poshte…e vazdhoi me ”llogjiken” e tije.
Problemi, eshte se jo vetem dosiet nuk u hapen, jo vetem politika nuk u pastrua..TANI SKA VLERE SE PASOJAT I HENGREM KETO 18 VJET……po shkateruam dhe institucionet e sigurise kombetare.
Nuk ka shtet pa spiuna e organet e sherbimit informativ, pa to eshte veshtire ta mbash shtetin vetem me polici a ushtri……e ne vrazhden e shkaterimeve te gjithe pjeseve te shtetit….vazhdojme.
Jo vetem qe duhet te pastronim politiken…PO AJO QE KISHTE ME TEPER RENDESI…te kishim nje ORGAN TE RI TE SHERBIMIT INFORMATIV….aq i nevojshem per nje shtet…edhe ketu Berisha me pervojne e SHIK-ut tregoi se qe KOMUNIST ME TRUP E ME MENDIE…E ME KONCEPTE ETJ
E vazhdojme bejme debate…per nevoja politike te dites…kur nuk kemi shtet…e kur nuk mendojme se eshte e nevojshme nje Organ i Sigurise Kombetare e publiku duhet ta mbeshtesi ate..se eshte ne te mire te sigurise se tije….po vazhdojme shkaterojme shtetin e konceptet e tije…ROFTE RRUMPALLA…VAZHDOJME RRUMPALLEN.
9 July 2008 @ 3:30 pm
Kjo buke ate brum ka O XHIB!
Ky popull ate kapacitet ka o XHIB!
Me shtimin e fjaleve te reja ,pershtatjen e te huajave ne shqip e te tjera variacione NUK NDRYSHOJNE POLITIKAT e DREJTIMIT dhe MBAJTJES se SHTETIT o XHIB!
Ne dac shko voto ne dac JO,…te gjithe ata qe do te shfrytezojne kete,me te marre karriket do bejne te njejten gje vetem se do te ndrojne pikat e referimit.
Te paret therrisnin : E SHIKONI na Perkrah edhe IDRISI
Te dytet do therrasin: E shikoni na perkrah edhe XHIBI
Eshte thjesht demagogji e paster…
Qe nga koha kur gjyshi im dhe i Mozes raportonin se kush nga fisi ju shmang UJKUT….tek Sterghyshi….nuk ka ndryshuar GJE…dhe nuk do ndryshoje GJE sepse nuk mund te kete JETE nje ORGANIZEM pa INFORMACION ..gje qe e realizojne INFORMATORET dhe te cilet per hir te kohes se LLapaqenizmit ndahen ne
Famekeq dhe FAMEMIRE.
9 July 2008 @ 3:49 pm
Idrizo, sic tha dhe Bledi, nuk pretendon njersi se sherbimi informativ eshte negativ; perkundrazi pa te nuk ben dot sot si shtet. Puna eshte qe te jene gjerat ne vendin e duhur dhe jo te merren qeveritaret dhe politikanet me dosje dhe kercenime dhe gjera te tjera.
Problemi qendron qe tek ne gjerat jane anapulla; njerzit qe s’kane breke te veshin bejne gjithe kohes muhabete politike, politikanet bejne muhabete biznesesh, qeveritaret merren me dosjet dhe spiunat merrem me politikanet jo me ata qe duan te merren. Rrumpalle Shpk me nje fjale.
9 July 2008 @ 5:22 pm
Shembulli tipik i rrumpalles eshte dhe ky shkrim, bashke me gjithe farsen e rradhes per punen e dosjeve.
Pra nje ish Salihist, i prish me ustain e vet per pune kockash-me-lepi, del e nep leksione agjentesh. Bile jo vetem te brendeshem, por dhe te jashtem. Dhe te gjitha keto ja ka thone i vdekmi, dhe ketij te fundit shpirti i shenjte!
Ky s’ka turp te thote qe dikur ka berrtit per hapje dosjesh, dhe kete e ka bo per demagogji. Por demagogjia e tij ka qene e mire, sic ishin dhe certifikatat e virgjerise se tij, kurse te tjeret i kane fallco, dhe prap, kte ja ka thone i vdekmi ktij.
Pacavure te tilla eshte turp per ata qe i botojne, si dhe per Peshkun qe na i sjedh ketu.
9 July 2008 @ 5:32 pm
Rob,
Opinioni tuaj eshte opinioni tuaj. Shkrimin e kam propozuar une per ta sjelle tek peshku, dhe e pashe te arsyshme jo per faktin se kush e ka shkrojtur por se brenda tij une pashe ca te dhena qe deri diku i kam jetuar vete. I kam shprehur ato tek komenti i 9 Korrik 2008 @ 1:56 pm. Pavarsisht nga opinioni tuaj une perseri mendoj se ja vlen te diskutohet nisur nga fakti se Gerdeci po harohet pasi tani doli problemi i dosjeve, nisur nga fakti se opozita po behet langaraqe, dhe nga fakti qe kur jane zhdukur tapite e shtepive nga arkivat si mund te kene mbijetuar dosjet qe preknin direkt keta qe sot ulurijne sot per hapjen e tyre.
9 July 2008 @ 5:44 pm
Toko,
Cfare faktesh sjedh shkrimi? Cfare i ka thene ketij Azemi, dhe ketij te fundit zoti vete!
Ta thashe qe ne fillim te komentit tim se marrja me dosjet eshte farsa e rradhes. Po per te thene kete nuk ka nevoje per nje shkrim te tille.
9 July 2008 @ 5:44 pm
U hap problemi i dosieve…se Berisha drejton axhenden politike…dhe e futi me qellim kete debat….opozita….ku eshte ?!…po e gjetet dorezojeni ne kuvend.
Ne cdo vend qeveria do qe komode po ta linte opozita e publiku te drejtonte axhenden ne biseda pa fund e kote vetem qe te ikim nga problemet reale.
9 July 2008 @ 5:48 pm
Rob-terneti thotë:
Cfare i ka thene ketij Azemi, dhe ketij te fundit zoti vete!
……………………………………………………………………..
Pas 90tes u fol per pastrimin e politikes, po ne PD u mbull se dolen shume nga te PDse ne ish listat e sigurimit…..keta mbase dinte Azemi.
Tani ai iku e u be si legjende…dinte kete apo ate.
Po te dinte me shume Azemi…do qe gjalle sote. Pa fole qe dhe per Azemin kishte shume llafe ne PD, plus dhe shiku i Berishes e kishte ndjekur ca kohe.
9 July 2008 @ 7:09 pm
o rob-terneti, sa vjec je se dukesh shume i vogel per ta kuptuar situaten e pare 1997. lexo me teper dhe mundohu se mos kupton ne mes rreshtave ate qe eshte shkruar….
Situata e dosjeve eshte e tille… nuk egzistojne. Interviste shume interesante me duket, ndryshe nga intervistat e ketyre politikaneve qe dalin cdo dite dhe flasin brockulla…
9 July 2008 @ 7:23 pm
bore,
Ti rrofsh per ate punen e moshes …, megjithse s’osht puna jote, po s’ka gjo, shqiptaret e kane sport popullor te bojne hesapet e te tjereve.
Sa per dosjet, sa here duhet me thone qe jane tym, qi t’i nish eren, ti i lexushmi midis reshtave.
Interdhista ishte vertet interesante, vecse mungonte magjistari me u lidh me Azemin m’dynjon qeter.
9 July 2008 @ 7:27 pm
Robo interneti, ca konkretisht te bezdis ty me debatimin e kesaj ceshtje apo me intervisten ne vecanti?
Keto jane gjera teper te rendesishme, dhe nuk mund te anashkalohen me nje “kjo pune nuk rregullohet” apo “kot e ben pd apo ps per largim vemendje”.
9 July 2008 @ 7:38 pm
xhibi,
Mua nuk me bezdis fare debati per kete pune. Por e di qe ceshtja dosjet eshte farse. Spiunet ka 18 vjet qe gelojne ne parlament, qeveri, partite, e gjithandej. Prap spiunet jane te preferuerit e bosave te politikes, se i komandojne e perdorin si kamikaxe per cdo rast.
Jo vetem spiunet, por edhe shefat e tyre te deklaruar mbreterojne ne te 14 anet e politikes e pozitave te tjera ne Shqiperi. Fut ketu Saliun, komunist me flamur, Nanon, delfinin e Nexhit, e po deshe vazhdo dhe tek me te rinjte, qe jane cunat e nipat perkates.
Dhe nashi del Sala per te n-ten here, per te mulu gropen e hales ku ka ra m’Gerrdec, e thote na myten spaunet. Ene une i them, ik mer 10 m’rek, rrei nei qeter. Bile perdor ne kte qe flet me t’vdekmit po deshe.
9 July 2008 @ 7:57 pm
Ene i gjo tjeter xhibi, meqe ti ishe kurioz per (pa)anesine e Peshkut.
Pse Peshku sjedh artikuj mediumesh qe flasin me te vdekmit, e refuzon, bile dhe shpjegimin, artikuj te tjere me dokumenta e shifra, prap, per pune spaunesh?
9 July 2008 @ 8:05 pm
Nuk e di vallai per Peshkun robo, po ti ja na sill ndonje link te ndonje artikulli tjeter ne lidhje me kete ceshtje, dhe i lexojme dhe ato artikuj, i ve apo nuk i ve Peshku.
Po gjithashtu nuk jam dakort me arsyetimin tend qe ta anashkalojme kete debat (qe ne fakt duhet te jete nje dialog kombetar dhe nje nisme e mirfillte) per inat te Sales.
Plus qe dhe Gerdeci po perdoret tani si prostitute nga shume segmente. Nuk mund te anashkalojme gjerat e tjera meqe ndodhi Gerdeci.
9 July 2008 @ 8:07 pm
Enver Hoxha e tungjat jeta, sa keto male e sa keto shkrepa,……………………………… i thoshin njehere me nje kohe te gjithe ne kore keta qe sote jane ne politke, por me sa kuptoje qe edhe vece e vece vazhdojne ti thone edhe sote e kesaj dite.
Nuk e lexova te gjithe artikullim dhe ju keshilloje te mos lexohet se eshte shume e lodheshme……….. per asgje.
9 July 2008 @ 8:10 pm
Ka efekte anesore, si pagjumesia dhe zenia e barkut dhe vdekja?
9 July 2008 @ 8:16 pm
xhibi,
Debati ishte shume i rendesishem. Por (1) terheqja zvarre per 18 vjet, dhe (2) fakti qe davane e kane fitu boset e spiunave me gjith spiuna bashke, ben kete debat farse. Po te kishte halla rrota … tha.
Tashti debati mund te vazhdoje per sport, por jo me keto artikuj idiote. Kaq.
Shko ke MAPO iher, t’kuptosh pse nuk kane per tu hap neiher dosjet.
9 July 2008 @ 8:24 pm
çeshtja e atyre te sherbimeve te fshehta te inkuadruar ne politiken shqiptare eshte vertet per tu shqetesuar. Artikulli ne pergjithesi kishte disa kontradikta, megjith te dhenat interesante qe Ben Meçja na sjell. Ky emer, me kujton nje biznesmen nga Fieri qe na furnizonte me birre, ne magazinen ku punoja une tek frigoriferi, nje njeri shakazhi qe kishte nje respekt te jashtezakonshem per mua, per shkak te kaluares time si disident.
9 July 2008 @ 10:34 pm
9 July 2008 @ 10:36 pm
… dosjet jane ne vend te sigurt(Tritan Shehu)
9 July 2008 @ 10:40 pm
… dosjet jane ne vend te sigurt(Tritan Shehu)
——–
Ato pune i di partia
9 July 2008 @ 10:46 pm
Po mire, do behet dallim mes ‘informatorit’ dhe agjentit operativ, se mua me duket se keto te fundit jane me te rrezikshmit.
10 July 2008 @ 12:48 am
Qafir mos u merakos se dhe po hodhen dyshime per ty te japim ne nje peticion qe te nxjerr te pafajshem.
Dosjet duhet te hapen jo domosdoshmerisht qe cdo njeri te dije per cdo spiun qe ka pasur, por qe te pastrohen rradhet e qeverisjes nga keta qe jane aktualisht neper keto valle.
Jam i bindur qe Mjafti do je duke pergatitur ndonje nisme per kete, qe te sensibilizoje popullin dhe ti kerkoje qeverise ti beje keto gjera. Apo nuk u intereson atyre kjo gje?
11 July 2008 @ 4:21 am
INTERVISTA/ Shkrimtari dhe Ish-deputeti i PD-së, Izet Shehu: Fati i Dosjeve të Sigurimit në magazinën e pluhurosur
Fati i 120 mijë Dosjeve të Sigurimit
Shkrimtari dhe ish-deputeti i Partisë Demokratike Izet Shehu, në një intervistë për gazetën “Telegraf” shtjellon analizën e debatit për hapjen e Dosjeve të Sigurimit, për fatin e tyre dhe deri tek domosdoshmëria e finalizimit me sukses të këtij procesi në kuadër të anëtarësimit të Shqipërisë në strukturat europiane.
Sipas jush, cila është gjendja e dosjeve të sigurimit për të cilat politika shqiptare në këto momente ka shprehur shqetësimin e saj?
Sipas deklaratave të dhëna në media nga specialistët e mirëfilltë të Policisë Sekrete kemi dëgjuar thënie dhe kundërthënie në lidhje me problemin e hapjes së dosjeve dhe numrin e bashkëpunëtorëve, strehuesve dhe denoncuesve. Kemi parë, dëgjuar dhe lexuar në media se, ish-kryetari i SHIK-ut për vitet 1992-1997, z. Bashkim Gazidede, ka deklaruar se sigurimi kishte mbi 120 mijë informatorë. Shifër kjo e ububushme për një popull të vogël me tre milionë banorë. Madje, ai thotë se një shifër e përafërt prej 10 mijë dosjesh qenë asgjësuar në atë periudhë, pra nga ‘90-‘92. Në këtë shifër përfshihet edhe një pjesë e konsiderueshme e dosjeve që ishin djegur, sipas Gazidedes, nga pararendësi i tij, Irakli Koçillari, në atë kohë shefi i SHIK-ut. Po kështu duhen marrë në konsideratë edhe thëniet e Nënkryetarit të SHIK-ut të periudhës ’92-‘97, zotit Bujar Rama, i cili është ndër specialistët më në zë të kësaj fushe (doktor i shkencave të Policisë Sekrete, Gjeneral Brigade në rezervë). Të dy këta bien në një mendim se janë asgjësuar 10 mijë dosje sigurimsash. Por, zoti Fatos Klosi, ish-kryetari i SHISH-it nga viti ’97-‘99 e deklaron të minimizuar këtë shifër. Për problemin e Agjentëve të Shërbimit serb në Shqipëri Z. Klosi deklaron se “dosjet janë në arkivë. Ndonjë kopje e dosjeve ka shkuar andej. Mjafton të jepen emrat e tyre dhe kjo është një ndihmë shumë e madhe”.
Së fundi zyrtarë dhe politikanë të lartë të shtetit shqiptar kanë deklaruar se debati për hapjen e dosjeve është fals, sepse ato nuk ekzistojnë për shkak se janë shkatërruar më herët. Cili është mendimi juaj për këtë çështje?
Për sa i përket dosjeve jam i mendimit se ato ekzistojnë. Në lidhje me dosjet e Sigurimit të Shtetit më i saktë, më shkencor e më bindës më duket në argumentat e tij ish – Kryeministri i Shqipërisë në vitet ‘92-‘97, zoti Aleksandër Meksi. Madje, jam i një mendjeje me të kur deklaron se “mëkatarët e dikurshëm në asnjë mënyrë nuk duhet të jenë në qeverisjen e vendit”. Pavarësisht nga loja që bëhet për hapjen dhe moshapjen e dosjeve të Sigurimit të Shtetit, në kohëra të ndryshme dhe në rrethana të ndryshme ato janë përdorur nga politika, sipas mendimit tim, për të nënshtruar kundërshtarët, rebelët, tersitët. Gjithmonë jam shprehur me bindje të plotë se dosjet e Sigurimit të Shtetit, edhe pse herëpashere hidhet tymnajë rreth tyre, edhe pse herëpashere janë bërë përpjekje për t’i fshehur, fshirë a lënë në pluhurin e arkivave, ato ekzistojnë. Me teknikë bashkohore, me zell e përkushtim, edhe kur janë të gërricura e të lëna mënjanë në formë fosilesh, ndaj tyre mund të hidhet dritë. Zvarritja e hapjes së dosjeve në këto 18 vjet është bërë e qëllimshme, vetëm e vetëm për t’i shpëtuar nga ndëshkimi ata që ushtruan genocid, mbi kundërshtarët e komunizmit, si: operativët e sigurimit, instruktorët e komiteteve të partive dhe veglave të tyre. Ata që u kalbën qelive dhe në kampet e internimit vazhdimisht kanë denoncuar dhe denoncojnë në media dhe në librat e tyre me kujtime për torturat që hoqën për vite me radhë. Anëtarët e Partisë së Punës e kanë pasur për detyrë të tregojnë në organizatën e partisë, ato që kanë parë dhe dëgjuar. Kështu, dhe këta, kush më shumë e kush më pak kanë ndikuar në persekutimin e kundërshtarëve të regjimit. Për këta dhe për operativët e sigurimit dosja është e hapur. Ata njihen dhe tregohen me gisht. Po këtu, ndërkohë, shtrohet problemi i hapjes së dosjeve të bashkëpunëtorëve, strehuesve dhe denoncuesve, të cilët ende kanë mbetur anonimë. Zakonisht, dëshmitarët, duke dalë në gjyqet politike, janë djegur përfundimisht, janë përdorur si plumba të shkrehur dhe më pas janë hedhur si limona të shtrydhur në koshin e plehrave.
Si shpjegohet që ka pasur një numër kaq të madh dosjesh dhe “informatorësh” në shërbimin sekret të periudhës së errët komuniste?
Është bërë tashmë e ditur nga shumë specialistë të kësaj fushe, se në vitin 1989-të, kur u pa hapur kapitullimi i ngrehinës komuniste të kalbur nga themeli në çati, u shumëfishua numri i agjentëve me elementë të rinj, të cilët i ndesh sot në organet e drejtësisë, në politikëbërje, në media etj. Pra, nuk janë të paktë ata të rinj që futen në këtë rrjetë merimange dhe vazhdojnë edhe sot e kësaj dite të kryejnë misionin e ngarkuar nga shefat e tyre.
Këta mëkatarë të rinj të mos luajnë me kartën e vjetër lojën e re në post diktaturë. A s’kemi parë e dëgjuar se vetë disa politikanë a drejtues të shtetit kanë deklaruar hapur se kanë bashkëpunuar me Sigurimin e Shtetit për të përfituar, fjala vjen, një të drejtë studimi. Dhe tipa të tillë, të krekosen sot ndër tribuna, në parlament e në media, duke na dhënë leksione demokracie.
Si janë përdorur dosjet e Sigurimit nga politika shqiptare në këto vite tranzicioni?
Hapja e dosjeve është bërë tashmë një lojë kungulleshkash. Herën e parë, i ashtuquajturi komisioni Mezini në vitin 1995-së na paskësh qenë një shoshë e shqyer. Përse po e përdor këtë metaforë? Nëse do të ishte kryer mirë në atë kohë pastrimi i sigurimsave nga jeta politike, nuk do t’i kishim sot këto duna me pseudonime, madje, edhe për ministra, për deputetë, apo për gjyqtarë.
Ndërhyrja e politikës më bën të besoj se nga kjo shoshë paskan shpëtuar kokrra të zeza, që janë përdorur dhe përdoren verbërisht për të mbajtur peng demokracinë e brishtë.
Po kështu, Komisioni i dytë, i ashtuquajturi Bezhani. I biri i të ndjerit Nafiz Bezhani na thotë se i ati paska hapur 6 mijë dosje sigurimsash. Madje, ai thotë se babait të tij i është bërë katër herë atentat për shkak të detyrës.
Në deklaratat e të ndjerit Bezhani, sipas të birit, thuhet se “ka hapur 6 mijë dosje” dhe se “hapja e tyre do të shkaktojë pasoja të rënda sociale”. Me dosjet dhe me deklaratat e personave që i kanë pasur në dorë juridikisht ato, më duket se është luajtur dhe vazhdon të luhet poker. Po të donte politika megjithëmend, do të ishin pastruar sigurimsat nga pushteti. Por asaj i janë dashur për t’i përdorur kundër atyre që rivalizonin apo kundërshtonin drejtimin katovician të saj.
Zjarri i hapjes së dosjeve është ndezur dhe është shuar dy herë. Qoftë ky rast e treta e vërteta! Nuk është e vështirë të kuptosh se sa herë hipën dhe zbret njëri apo tjetri lidership nga kali, shfaqen tipa të dalë boje, që të kujtojnë atë operativin e sigurimit me çantën e shpinës të hedhur në krahë, që nuk linte gurë pa lëvizur e njeri pa e goditur. Një tip i tillë më ka bërë përshtypje kohët e fundit. I gjori tip! Sa vetë ka parë ajo “magazinë e mykur”, në të cilën ai tipi merr një rrogë të majme, duke u shërbyer me servilizëm shefave të tij, për t’ua fshirë mëkatet.
Shumë herë janë lakuar emra dhe pseudonime përkatëse si bashkëpunëtorë të Sigurimit të Shtetit. Si e shpjegoni heshtjen e vetë personave që lakohen se kanë pasur një eksperiencë të tillë vrasëtare për shqiptarët?
Në parlament e në media kemi dëgjuar një mal me pseudonime. Pse personi, i cili është titullar në një institucion të rëndësishëm të vendit nuk i përgjigjet akuzuesit, të paktën me një shkrim në një gazetë apo me dy fjali në median vizive. Heshtjen unë për vete e kuptoj kështu: personi që nuk kthen përgjigje, i ka ngecur pështyma në gojë.
Një burrë i moshuar, një ish – i burgosur politik, kur u akuzua padrejtësisht, iu përgjigj vetëtimthi shpifësit duke i nxjerrë dokumentin përkatës në gazetë. Me ç’fytyrë mbeti ky trillues i fëlliqur?
Integrimi ynë në Evropë, medoemos e kërkon dekomunistizimin e politikës.
Se ndryshe, mbetemi atje ku qemë.
BISEDOI:
Orget ISALLARI
12 July 2008 @ 10:15 pm
Une kam bere spiunlliqe per sistemin dhe bej akoma, ku te mund. Dikush mori rrushfet, plot 10000 leke, … une shkruaj. Dikush ben kurveri, tradhetoi grua e dashnore, … une shkruaj. Dikush i futi dy viza, ne cante ka kusurin, mbase per me vone, … une shkruaj. Nje tjeter guximtar, vret ortakun e vete, … une shkruaj. Dikush me poste informacion diku jashte con, … une shkruaj. Dikush ketu shkruan, cfare une po shkruaj, … une prape shkruaj, vetem shkruaj. Dikush tjeter shkruan per mua, une shkruaj se cfare ai per mua shkruan, dhe ai shkruan ate, qe une shkruaj, te tjere shkruajne, cfare ne shkruajme, cdo gje shkruhet, nga ata, per te cilet shkruet.
Nje fotokopje gjigande kopjon cfare shkruhet. Nje flete karboni nen letren time. Nje fotoaparat mbi kryet e mia, dy sy siper shpatulles, tre kamera perbri, kater siper, tre majtas, dy djathtas, njeri mban driten, dhe nje tjeter poshte meje. Une shkruaj!
14 July 2008 @ 5:17 pm
hallal qe shkruake te pakten…….. kjo ka rendesi…..po cfare shkruan?!