Çamët, të trajtohen si çdo shtetas grek
Çamët, të trajtohen si çdo shtetas grek - Marrëdhëniet shqiptaro-greke të vendosen përfundimisht mbi baza dinjiteti. Eshtë cështje drejtësie, krimi i genocidit është i paparashkrueshëm. Dhe ajo që ndodhi mbi pjesën myslimane të popullsisë çame të Greqisë i kishte dhe i ka të gjithë elementët e genocidit, sipas Konventës për Parandalimin dhe Ndëshkimin e Genocidit të vitit 1948. Autorët greke, si Elefteria Manda, Jorgos Margaritis e krahasojne dëbimin e çamëve nga Greqia me atë të hebrenjve.
Nga fjala e deputetit Shpetim Idrizi, ne Kuvendin e Shqiperise, 24 qershor 2008
SHPETIM IDRIZI,
Deputet i Kuvendit te Shqiperise
Mos prisni që unë të lëshoj nga goja fjalë që duan të provokojnë keqardhjen tuaj. Por unë dua të provokoj vëmendjen tuaj; Do të doja të nxis reagimin e dinjitetit tuaj.
Do të doja të nxis veprim politik të arsyeshëm, që ka vetëm një synim:
Drejtësi për ata mijëra të mbijetuar nga genocidi i pranverës së ’44-ës deri në pranverën e ’45-ës, për pasardhësit e tyre, që janë me qindra mijëra, e që politika prej shume kohësh përpiqet t’i përdorë në rast zgjedhjesh…
Por, së pari, më lejoni të shpjegoj arsyet e kësaj ndërhyrjes time, jo mbi argumente që studiues, të cilët vijnë nga kjo popullsi martire kanë dhënë me shumicë, por mbi argumente të dhëna nga studiues të paanshëm amerikanë, anglezë, madje dhe vetë grekë, studiues grekë të arsyeshëm.
Po i kthej përgjigje pyetjes kryesore. Pse në fund të Luftës së Dytë Botërore, njësitë nacionaliste të Zervës menduan të shfarosnin të gjithë popullsinë shqiptare myslimane të Thesprotisë së sotme?
Pse ata, që menduan se e fituan luftën, e konsideruan normale që të shfarosnin, të përzinin nga toka e të parëve të tyre, rreth 30 mijë bashkatdhetarë tanët, të cilët popullonin viset e Çamërisë? Të kishin si plaçkë lufte qindra mijë hektarët tokë të tyre, miliona rrënjë ullinj, depozitat e tyre bankare, gjithçka?
Për ta bërë këtë ata nuk u ndalën as para masakrave të tmerrshme. Donin madje të shtyheshin dhe më: të merrnin gjysmën e Shqipërisë, sepse ishte Vorio Epir.
Mbi 2970 vetë, jo thjesht të rinj, por kryesisht pleq, gra dhe fëmijë, u vranë, qindra gra të tjera u përdhunuan në kampet famëkeqe greke në kufi me Shqipërinë, e pjesa që mbeti u përzu në disa valë drejt Shqipërisë, që posa kishte dalë e rrënuar nga lufta. 2430 vdiqën rrugës dhe pothuajse 30 mijë çamë mbërritën të dërrmuar në Shqipërinë e varfër.
Këto janë të dhëna të Misionit Anglez në ndihmë të njësive greke të Zervës, që nuk arritën të ndalonin masakrën. Drejtues të këtij misioni kanë pranuar në vitet e fundit të jetës, në librat e tyre me kujtime, masakrat e kryera egërsisht në kurriz të shqiptarëve myslimanë të Greqisë dhe indiferencën e tyre.
Të dhënat e këtyre librave mbështeten dhe nga shefi i Misionit Amerikan në vitet e para pas çlirimit në Shqipëri, Xhakobs, i cili vizitoi kampet e mbushura me çamë në kufirin e Shqipërisë: “Autoritetet greke kanë shumë t’i shpjegojnë botës për përzënien e mbi 20 mijë çamëve nga tokat e tyre, kryesisht pleq dhe fëmijë”, - tha ai. Në të njëjtën linjë me të ishte dhe ndihmësatasheu ushtarak amerikan në vitet ‘45-‘46, Uilliam Mek Nill.
Por nuk janë vetëm të huajt që flasin, por dhe vetë grekët. Lexoni autorët si, Elefteria Manda, Jorgos Margaritis, që krahason dëbimin e çamëve nga Greqia me atë të hebrenjve, duke i konsideruar dy komunitetet si “bashkëkombasit e padëshiruar”. Pyesni për një aktivitet universitar në Athinë, që iu kushtua çështjes çame me sens realist pikërisht në 16 shkurt, një ditë para shpalljes së pavarësisë së Kosovës.
Dikush mund të thotë: “Pse ne sot duhet të merremi me diçka me karakter historik? Pse ne duhet të helmojmë klimën miqësore të marrëdhënieve midis Shqipërisë dhe Greqisë?”
Si anëtar i një partie politike, që ka bërë shumë për forcimin e këtyre marrëdhënieve, mendoj se kam të drejtë megjithatë të kërkoj që, këto marrëdhënie të vendosen përfundimisht mbi baza dinjiteti. Komshinjtë kanë të drejtë t’i marrin borxhe njëri-tjetrit, ata mund të kenë dhe histori konflikti me njëri-tjetrin, por sot duhet të jenë në paqe dhe duhet t’i shlyejnë borxhet e historisë, nëse nuk i falin me marrëveshje. Shqipëria e sotme nuk është Shqipëria e dalë nga konflikti civil i 1997-ës, por një vend që ka marrë ftesën për NATO.
Pretendimet për gjoja helmim të marrëdhënieve, nëpërmjet ngritjes së kësaj çështjeje, i kanë të gjithë ata, që duan të na kompleksojnë; të gjithë ata, që ngrenë gjoja shqetësimin se Greqia do të reagojë duke përzënë emigrantët, te cilët mbajnë në këmbë ekonominë shqiptare. Unë nuk e besoj këtë përrallë. Ka kaluar koha e përzënieve masive. Greqia e sotme nuk është Greqia e djeshme, por dhe ekonomitë tona janë aq shumë të ndërvarura nga njëra-tjetra, sa një veprim i tillë as që mund të mendohet.
Ne duhet jo thjesht të flasim apo të organizojmë përkujtimore, por dhe të veprojmë, brenda normave të së drejtës ndërkombëtare dhe rregullave të fqinjësisë së mirë.
Ne duhet të flasim, pra të mos heshtim për një çështje kaq madhore si kjo, aq më shumë pse për këtë çështje flasin të tjerët, madje dhe grekët. Duhet ta bëjmë këtë që tani, duke e konsideruar si një çështje të shtruar për zgjidhje.
Unë nuk po flas për rivendikime territoriale. Unë po flas për drejtësinë që autoritetet e vendit fqinj dhe mik duhet të japin në favor të ish-shtetasve të tyre me kombësi shqiptare. Atyre, që kërkojnë që ne të harrojmë, më duhet t’u them: Jo!
Nuk është thjesht amaneti i atyre, që u vranë barbarisht, i atyre që vdiqën në Shqipëri pa parë dhe një herë të vetme vatrën stërgjyshore.
Nuk është çështje sentimentale, por çështje drejtësie. Siç mund ta dinë ata që kanë minimum kulture juridike, krimi i genocidit është i paparashkrueshëm. Dhe ajo që ndodhi mbi pjesën myslimane të popullsisë çame të Greqisë i kishte dhe i ka të gjithë elementët e genocidit, sipas Konventës për Parandalimin dhe Ndëshkimin e Genocidit të vitit 1948.
Unë nuk propozoj të procedojmë Greqinë për genocid në Hagë. Por, ne kemi të drejtë të kërkojmë ndjesën e Greqisë për këtë vepër genocidale dhe pastrimi etnik.
Ne nuk mund të dëgjojmë prej atij, që na mori pronat, këshilla për t’iu drejtuar gjyqit ndërkombëtar.
Ne nuk mund të pranojmë arsyetimin, se gjithë popullsia çame ishte bashkëpunëtore e fashizmit. Ka plot autorë grekë dhe të huaj, janë diplomatët amerikanë, si ambasadori Mkweagh i viteve të luftës, që thonë se çamët nuk i shërbyen Italisë pushtuese, duke e zhgënjyer atë. Ka plot prova të luftës së partizanëve çamë në njësitë partizane mikste, e siç del dhe nga shtypi i kohës, ka shumë dëshmorë të rënë për liri.
Ne nuk mund të pranojmë sot arsyetime banale se gjithë popullsia çame ishte bashkëpunëtore me fashizmin. Madje më vjen keq se arsyetime të tilla i përcjell dhe ndonjë përfaqësues i organizatave politike të grekëve të minoritetit. Këta përfaqësues, që jetojnë mes nesh, pra popullit shqiptar, e që asnjëherë nuk kanë provuar diskriminim të ngjashëm si të çamëve, nuk kapërcejnë me pozicionin e tyre, as grekët e arsyeshëm, as të huajt e paanshëm, por kanë qëndrime të pjesës më ekstremiste të politikës greke. Vërtet tragjike!
Dikush prej tyre mund të thotë se ka prova, se ka vendime gjykatash në dëm të çamëve. Ne nuk mund të pranojmë vendime gjykatash farse, si ato greke të Janinës së vitit 1946, që dënoi në mungesë me vdekje fiks dy mijë vetë, gati nga një për familje, madje duke përfshirë dhe fëmijë.
Ky gjyq është i pavlefshëm, sepse ai u parashkrua po nga ligjet greke.
Ky gjyq fars, që dënoi kolektivisht një komunitet të tërë, nuk ka vlerë, sepse aktet e tij janë zhdukur nga autoritetet greke, siç tregojnë dokumentet në arkivat tona. Por mbi të gjitha, askush prej çamëve që ka mbijetuar, nuk ka frikë prej atij vendimi. Çamët duan të kthehen të vendosin një tufë me lule në varret e të parëve të tyre.
Por çamët nuk duan thjesht të bëjnë një vepër humanitare.
Çamët kërkojnë që për ta të jenë të vlefshme ligjet greke të viteve ‘72 dhe të viteve ‘80, që u njohin të drejtën të gjithë atyre shtetasve grekë të larguar pas luftës për arsye politike, pra qofshin bashkëpunëtorë të pushtuesit, qofshin ish-komunistë, të kthehen në Greqi. Këto ligje përjashtojnë ata, që nuk janë me kombësi greke. A ju duken normale ligje të tilla, nga një vend që pretendon se është shumë më përpara nesh në standarde demokracie?
Nuk është kohë heshtjeje, por veprimi diplomatik. Ne nuk i kemi borxhe Greqisë, madje jemi treguar shumë zemërgjerë. Kemi hapur tregjet tona për kompanitë e tyre; në krye të kishës sonë ortodokse kemi një shtetas grek, që do të bëhet shtetas shqiptar; jetojmë në vëllazëri me minoritetin grek këtu. Por ne duam drejtësi, qoftë dhe të pjesshme, për vëllezërit tanë, baballarët e vrarë egërsisht në fund të luftës së dytë botërore.
Për ta mbyllur, kam zgjedhur disa fjalë nga një artikull i diplomatit të famshëm amerikan, John Bradley Kiesling, këshilltar politik i ambasadës amerikane në Athinë, duke iu referuar çamëve: “Çamët nuk janë krijime kolektive të perversitetit apo irredentizmit ballkanik. Ata janë qenie njerëzore të identifikueshme me dëshirën për trashëgiminë personale të nënkuptuar prej këtij identiteti. Ashtu si grekët nuk kanë harruar dhe nuk harrojnë kurrë asnjë centimetër katror të tokës greke apo një paragraf të vetëm të historisë greke, të njëjtën gjë duan të bëjnë dhe fqinjët e tyre që kanë shumë më pak apo asgjë për të humbur. Greqia si fituese e luftës duhet të jetë bujare, ndërsa fqinjët e saj jo”. Dhe më në fund, diplomati amerikan, mik i përbashkët i shqiptarëve dhe grekëve sugjeron: “T’i ofrosh çamëve një vend më dinjitoz në historinë e Greqisë është një hap i vogël, i realizueshëm drejt shndërrimit të Greqisë, në një pozitë më bindëse si metropol i një Ballkani më paqësor dhe më të begatë. Dhe akoma: “Derisa të plotësohen kërkesat e bashkësisë çame, asnjë politikan shqiptar nuk do të mundë të përfitojë maksimumin e përfitimit politik prej marrëdhënieve të mira greko-shqiptare”.
Nuk ishin fjalët e mia, por të diplomatit që deri para pak kohësh, përfaqësonte vendin, që përfundimisht u shndërrua në protektorin e shqiptarëve në Ballkan. Në një Ballkan që ka shumë probleme pa zgjidhur akoma.
Unë jam i bindur se zgjidhja e çështjes çame do të jetë vetëm në të mirë të marrëdhënieve shqiptaro-greke, si dy fqinj të mirë, që përveç historisë e vuajtjes së përbashkët në një Ballkan të trazuar, kanë dhe dy ura të fuqishme lidhëse: komunitetin çam dhe minoritetin grek…
24/06/2008
“Standard”
27 June 2008 @ 4:22 pm
Bravoz. idrizi. Te lumte ja bere fora per te trenten here! po mire vetem kete gje ben ti gjate gjithi vitit per camerine?! Flet ne Parlament nje here ne Vit????????? jepi mor Shpetim dhe bej cdo dite nga ndonje gje qe te ndryshoje situata!
27 June 2008 @ 5:01 pm
e vertete te jete kjo?
>
27 June 2008 @ 5:03 pm
e vertete te jete qe koloneli janullatos do e marre neshtetesin shqipetare?
27 June 2008 @ 5:47 pm
C’ja fut kot ky llazi…
Cilat ekonomi jane aq te varura nga njera tjetra mo? Je dhe deputet o te rente damllaja!
Ekonomia shqiptare varet gati rrenjesisht nga Greqia, por kurrsesi nuk ndodh e anasjellta. Greqia nga Shqiperia importon vetem emigrante te paligjshem. Kaq. Shqiperia nga Greqia importon edhe balte; e cila dhe po s’ju shit Greqise, nuk i behet vone fare.
Ura nderlidhese minoriteti grek me komunitetin cam?
Minoriteti grek te ngre flamur te Zerves mu ne mes te Shqiperise, komuniteti cam as ne Shqiperi nuk lejohet te flase; jo me ne greqi……..
Minoriteti grek nuk arrin as 30000 krere, Camet vetem ne Anadoll i ke mbi 500 000!
Greqia e sotme nuk eshte greqia e djeshme?
Greqia e sotme ka per te qene Greqi e djeshme, jo me larg se neser. Aq e ndryshueshme eshte greqeria jote.
Nuk ka asnje lloj vlere te besh me komente mbi shkrime te tilla.
Shko dhe ti Idrizo e lepij bythe greku sa te duash…
E kujdes, kur ta lepish, ta lepish me korrektese politike, se mos besh ndonje lepirje te nxituar dhe te qortojne ata te partise tende mo… Se keshtu kane ardhur kohet… do te te thoshte Nanoja me Berishne.
27 June 2008 @ 8:44 pm
Artikull sensibilues, qe do ishte mire te perkthehej dhe ne gjuhet perkatese te konsullatave aty.
27 June 2008 @ 9:12 pm
t i more djale ke bere shume mire qe kujtohesh dhe e ben te ditur problenin cam edhe ne parlament .Shume mire .Po e ke shkelur me te dyja kembet kur thuase:”POR ne duam drejtesi ,qofte edhe te pjeseshme”
Drejtesia djalooo nuk eshte kurre e pjeseshme ajo kerkohet e tere deri ne nje sic thote populli ose nuk kerkohet fare .Edhe dicka tjeter .Une jame shume kohe jashte atdheut .Jame i besimit kristian
Ju po shkruani qe janullatosi do te na behet me nenshtetesi Shqipetare???
PO mosni more vule humbur mos na e nxini faqen more te shitur
27 June 2008 @ 10:46 pm
ama per “drejtesi te pjesme” u beka gjith ky vorbull cam kaq e kaq vite?
-Ky i vete-quajturi politikan qe prek me kaq kujdes didaktik e diplomatik ceshtjen came ne parlament mendon ndoshta se i ka ardhur personalisht per risk te definoje permasen e borxhit kriminal qe i ka Greqia popullit shqiptar duke reduktuar problematiken deri ne ate mase sa ti lutemi Greqise te pranoje si qytetar te saje me te drejta te barabarta camet pasardhes pavarsisht gjenocidit monstroz dhe pasojat nacionale (shqiptare) te saje? Po pse o tutkun nuk thua troc se ne shqiptaret londineze jemi ekonomisht e politikisht aq bankrot sa edhe 5 serbet e kosoves qe po mbajne nje komb (shqiptar) e nje bote te tere ne tension per hic gje nuk po i kopjojme dot?!!!
-Nqs. camet ne shqiperi kerkojne vetem te jene shtetas Grek dhe rikthim te pasurive te te pareve te tyre atehere perse u dashka te behet cope politika shqiptare per nje grup popullsie qe i perkiska nje shteti tjeter kur ne paradoksin historik alla shqiptarece kane emigruar mbi 600 000 shqiptare atje ne 17 vitet e fundit?
a mund te ma shpjegosh pak faturen politike dhe ekonomike qe duhet te paguaj shqiperia per camet e sotem dhe Grekerit e neserm (ne rast suksesi) dhe cfare perfitimi kombetar sheh ti si politikan nga nje sukses i mundshem i cameve ne kerkesat e tyre te definuara / reduktuara nga ti zoti Idrizi ?
a mos valle deshironi te etabloheni si politikane te pergjegjshem e patriote tani pas 17vjet rrjepje mafioze dhe indirekt te na mohoni edhe per 17vjet te tera te ardhmen tone?
a mos deshironi te hyni ne historine came si deputeti me kurajo burrerore qe lexoi dikur disa citime dhe llafe “madheshtore” te disa ish-save politike e veterane qe flasin e shkruajne kur i mbarojne diten per hesap te drejtesise came?
Une i perkas atij grup-vrojtuesi qe analizoj fjalimet kalimtare me vepra boshe te pseudo-angazhimeve ne nje konteks me te gjere duke te matur edhe koken kur hapni sporadikisht gojen e nderuar popullore dashur deputete karagjoze…
Keto fjalime akademike ne parlamentin me banal te historise shqiptare i sherbejne me teper demoralizimit kombetar se sa zellit patriotik sepse te bejne akoma me te qarte, se akoma ne shqiptaret me ceshtjen came kemi ngelur hala tek A-ja dhe nuk dime se si shqiptohet B-ja pa le me C-ja, D-ja e deri tek L-ufta qe do te ishte edhe baza me e besueshme e dinjitoze te mardhenieve mes dy vendeve tona pas mijra e mijra ofendimesh kombetare qe na bejne Greket…!
Lypen vepra e jo parrulla diplomatike e patriote se u ngopem me dogma e lloqe qyqare. Ne shqiptaret jemi populli qe ulemi ne tavoline kafeneje si milionere dhe ngrihemi si lypsqare. Heroizojme bakshishin dhe bertasim me fort se papa…paguajme sa qimet e kokes per te emigruar me nam e nishan pergjithmone dhe bejme ne internet patriotin me te famshem…ku klith Nano dhe nuk pollet Sala, jemi paradoksi me i gjalle ne evrope dhe nuk na ben pershtypje fare…………..ah me falni se harrova edhe njehere Camet…?!
27 June 2008 @ 11:50 pm
eshte e vertete ceshtja came eshte lene pas dore per nje kohe te gjate dhe gjithashtu marredheniet me greqine kane lene shume per te deshiruar jo vetem per kete ceshtje por per shume ceshtje te tjera…
megjithate, mendoj se nisma te tilla (qofshin edhe vetem deklarata per momentin) duhet pergezuar. duket sikur ka filluar te formohet nje strategji se si mund te zgjidhet ceshtja came. dhe ndoshta keto kerkesa te paraqitura me lart jane nje kompromis i mire dhe i pranueshem.
E para, camet jane shtetas shqipetare prej 50 vjetesh keshtu qe eshte problem shqiptar qe forcon pozitat e shqiptareve ne rajon.
e dyta, duke e shtruar problemin ne kete menyre (kthimi i pasurive, kthimi i shtetesise, interesa dhe ndonje demshperblim) eshte nje strategji e mire sepse i tregon grekut qe ne po mundohemi ta zgjidhim kete ceshtje ne menyre sa me te drejte ne menyre paqesore.
28 June 2008 @ 12:15 am
cfare jane keto budallalleqe “Ju tregon Grekeve se ne po perpiqemi ta zgjidhim kete problem ne rruge paqesore”"Keshtu si po trajtohet nga ky parlamentar eshte ne rruge lypsare
28 June 2008 @ 12:23 am
Mos u bëni të trashë, Idrizi është vetë çam dhe di ça thotë.
Po i hidheni në grykë më kot. Foluni atyre 139 të tjerëve sesa e mbështesin Idrizin. Ai nuk o peshk llogjetar, flet si deputet. Edhe shumë mirë flet.
28 June 2008 @ 1:25 am
bodeci,
mua me duket me e arsyeshme keshtu. me duket sikur Idrizi po thote: ju na keni nje borxh qe heret a vone duhet ta lani, prandaj duhet ta adresojme kete pune dhe t’i ndajme borxhet.
me duket me mire se sa te thoshte: ju na rate ne qafe 60 vjet perpara dhe ne tani do t’ju biem e do marrim hak sa te mundim. Kjo eshte ideja qe dua te shpreh, dhe problemi i cameve eshte problem madhor dhe prandaj duhet te adresohet me seriozitet, qetesi dhe ekskluzivitet…mos e ngaterro me probleme te tjera jo Janullatos e cfare mutin tjeter greket i kane bere shqiptareve se mjegullon ceshtjen dhe e ben me te veshtire diskutimin
28 June 2008 @ 3:02 am
Bravo Idrizi, shume mire ka folur.
Mire i tha, po kujt i tha thuaj. Politikanet tane jane shumica prostituta; kane çmime jo parime.
28 June 2008 @ 3:28 am
Po qe se behet fjale per drejtesi te pjeseshme… perse nuk na thote se cilen nga te dyja pjeset kerkon.
28 June 2008 @ 3:55 am
Juve qe e kritikoni, mos harroni qe qellimi i Idrizit nuk eshte te nxjerre inatet me grekun te akumuluara nder shekuj, por ka nje qellim sa parimor por ama dhe praktik, dhe mer parasysh situaten ne teresi te mardhenies midis shteteve.
Zera dhe thirrje absolutiste si disa tek kjo teme qe e kitikojne Idrizin nuk kane dhene asnje fryt deri tani. Pra ai ka nje qellim konkret me mendje, dhe flet si politikan, jo si nje pjesmares i nje forumi ne internet.
28 June 2008 @ 5:54 am
Kur Hillary Klinton hodhi tezen se “Ajo ishte kandidatja me e mire nga Obama per zgjedhjet presidenciale” Amerikanet i thane se me perpara se te konkuroje per kampionatin duhet te fitoje ne ndeshjet ne grup, duke nenkuptuar se me perpara se ajo te konkuroje per zgjedhjet presidenciale duhet te fitoje ne konkurimin brenda Partise Demokratike te Amerikes.
Eshte mire qe Shpetim Idrizi kerkon te sensibilizoje politiken Shqiptare por me perpara duhet te sensibilizoje PS-ne (e njejta vlen edhe per politikane te PD-se.) Dhe kjo duhet bere ne vazhdimesi e panderprerje sepse perndryshe faktet e fjalimit ndonese te verteta do te kalohen si fjale te bukura dhe jo me shume.
28 June 2008 @ 6:53 am
Xhibo, une po e kritikoj Idrizne…
Cfare fryti dha Idrizua?
Cfare paska ne mendje Idrizua?
Cfare politikani eshte Idrizi? Kur u be Idrizi politikan? Apo meqe hyri ne parlament eshte dhe politikan?
Ja ato qe ka thene Idrizi, i ka thene gabim, ose audiences se gabuar, ose ne momentin e gabuar, ose i ka formuluar gabim, ose po ben lajka. Nje dicka aty nuk shkon. Eshte nje kombinim gjerash qe nuk te le shije te mire.
Me siper ti shkruan:
“…kujt i tha thuaj. Politikanet tane jane shumica prostituta; kane çmime jo parime”
Aty ndale hapin dhe peshoje pak Idrizin.
28 June 2008 @ 7:00 am
Ose ne duhet te mesohemi te gjykojme cka thote nje person dhe jo te arrijme paraprakisht ne konkluzion qe e ka gabim, pavaresisht ca thote, dhe pastaj te kthehemi mbrapsh te hamendesojme argumenta pse e ka gabim
Une s’e kam haberin fare kush eshte Idrizi dhe ca ka bere. Une iu referova ketij teksti, pra ca ka thene ai, dhe kontekstit te ceshtjes Came ne kontekstin me te gjere te mardhenieve midis dy shteteve (se keto jane gjera te lidhura, duam apo s’duam ne) dhe duke e gjykuar si fjalen e nje parlamentari, pra politikani.
Kaq.
Pse duhet tani ti bejme rezymene e gjithe jetes Idrizit apo gjyshit te tij?
Pse te mos merremi me cka thene Idrizi? Ku e shikon ti gabimin tek cka thene ai? Si do ta adresonte me mire kete ceshtje nje politikan?
28 June 2008 @ 12:22 pm
jam me xhibin kur shtron pyetjen: “Si do ta adresonte me mire kete ceshtje nje politikan?”
28 June 2008 @ 1:15 pm
Si do e adresonin këta e??
Ua them unë mer.
“O grek…nëm çamërinë të çafsha ballin, me sqepar të hapsha varrin! Je i sharë me nënë e motër po nuk ma dhe! Maskara!”
28 June 2008 @ 1:53 pm
O Xhibo… Edhe une per artikullin po flas; nuk kam gje me Idrizin une.
Idrizi flet shume mire, po te duash ta kuptosh; puna eshte se kujt po i flet.
Eshte njesoj si te ngrihesh ti dhe te shkosh fshatrave te humbura e te harruara te Shqiperise e t’u besh kuvend fshatareve ne anglisht. Aty nuk ka rendesi me cfare thua, e sado te drejte te kesh, nuk eshte as vendi, as momenti, as ambjenti, as njerezit e duhur e as gjuha e duhur.
Keshtu e shoh une ate te Idrizit.
Po mire une nuk do ia hedh fare poshte, se te pakten ai e mori fjalen; po ka 139 deputete te tjere qe as e rruajne fare pallen.
Une kundershtite i kam kur me aludon per nje Greqi mike.
Greqia eshte armiku numer nje i Shqiperise dhe shqiptareve ne bote.
Nuk mund te krijojme iluzione tani.
Greqia ka ligj lufte me Shqiperine, dhe ate nuk e mban kot.
Greqia, sic i prishi pune Maqedonise per ne Nato, ashtu na ka prishur pune ne shqiptareve qe ne 92 ne Strasbourg, ne parlamentin Evropian.
Nuk ka patur seance qe te merrte fjalen ndonje deputet greq e te mos fillonte te cirrej kunder Shqiperise, sesa keq i trajtojme ne minoritaret, se sa shtet te ndyre kemi qe e tkurr me ndergjegje te plote numrin 300 000 te minoritetit grek ne Shqiperi, per fanatizmin myslyman e arabo-islamik qe ka Shqiperia, per kriminalitetin barbar e te pafrenueshem shqiptar…
E ne nuk na priteshin vetem ndihmat, por as nuk guxonte kush te vinte te investonte ndonje kacidhe ne Shqiperi… E keshtu e hapi tregun vetem per vete Greqia; e tani e ka blere gjysmen e Shqiperise.
e theksoj dhe njehere:
Greqia eshte armiku numer NJE (uno, uno, eins, one, un, bir, ena, jek, een, adin, jeden, jedam) i Shqiperise, dhe me i betuari!
Nuk ka marredhenie te shkelqyera midis vendeve tona. Vendet tona jane ne lufte, akoma, thjeshte kjo lufte nuk ka marre karakter te armatosur ende.
Kete Idrizi, ose nuk e di, ose nuk e ka kuptuar ende, ose e di e po lepin bythe greku e salinjsh.
28 June 2008 @ 3:59 pm
O zotrules,
lufte te armatosur nuk eshte pergjigje, aq me teper ne kuvend..
Idrizi ka gjetur nje menyre per ta adresuar ceshtjen came dhe kete duhet ta bejne dhe 139 deputete te tjere dhe institucione te tjera shteterore, akademike, shkencore, etj. per mendimin tim kjo eshte menyra e drejte se si ta adresosh kete ceshtje dhe shpresoj te degjojme me shume per te…
28 June 2008 @ 5:18 pm
//europa.eu/
siti/sajti i EU
28 June 2008 @ 5:44 pm
O Gre… Ata 139, behen 140 me Idrizin. Ta ngrene zerin sa te duan; nese e bejne duke hapur fjalimet duke deklaruar se jemi vende mike me Greqine, le t’i bien legenit.
Keto gjera te mos na i shesin ne.
Une nuk thashe gjekundi “lufte te armatosur”, e cila, faktikisht vetem pasi te jete kryer i jep rezultatet, pergjigje me vend, apo pa vend.
Ede sikur shteti jone te ndjeke rrugen me demokratike, ate te gjykates nderkombetare te Hages; (zyrtarisht kesaj rradhe) nuk mund te ngresh padi duke patur si paranteze nje lepirje qe quhet “miqesia shqiptaro-greke”. Per ashtu, dei ne gjyq me Judy Scheindler.
Por, kur deklarata te tilla behen ne kuvend, dmth qe kuvendi o nuk eshte shqiptar, o nuk ia ka idene per cfare behet fjale, o eshte vasal i grekeve dhe lepirash.
Greqia, nga ana tjeter, nuk ka treguar ndonjehere ndonje dashamiresi te madhe ne lidhje me marredheniet dykombeshe; e aq me teper irritohet po te permendet fjala Cameri, jo me ceshtja Came.
Greqia edhe sikur te tregohet e permbajtur publikisht me “Tiranen” (little Athina), te punon 1001 te zezat ne keshillin e Evropes dhe ne kongresin amerikan. Keshtuqe ata dine te ta fusin edhe pas shpine… (flamurin e pederastise vete e kane ngritur ne Evrope); por dhe kalane te ta marrin nga brenda po dhe me forcat e tua qe i ke jashte kalase.
Nje fjale “little Athina” qe irriton Athinen, dhe fap, fillon operacioni fshesa; dhe hajde mbaji e gjeju vend 600 000 shqiptareve(1 miljon?) te tjere ti, gjeju pune, merru me familjet e tyre qe s’kane mjet tjeter MBIjetese… Dhe keshtu, “little Athina” heq breket.
Te zgjohemi, te ndergjegjesohemi, e Grekun ta therrasim ashtu si na eshte… e mik ai nuk na eshte. Kaq.
28 June 2008 @ 5:50 pm
eshte e rendesishme pjesmarrja ne tubime e protesta te vet popullsis came.
30 June 2008 @ 4:36 pm
Camet te formojne parliamentin e tyre ne Greqi
Te u jepen pashaportat te gjithe Shqiptareve qe jetojne ne Greqi, dhe pastaj te flasim per nenshtetesine e Anasatasit
Dhe greqia nuk mund te “fshije” shqiptaret atje, se jane rreth 20% e fuqise puntore te greqise …keshtu qe do i bjera skapamenta pertoke greqise
1 July 2008 @ 8:56 am
mua me duket qesharak ky muhabeti i ringjallje se ceshtjes came. tregon qe nuk jemi me kembe ne toke perderisa vazhdojme me keto endra te se kaluares. pas luftes se dyte boterore jane debuar kushedi sesa miliona njerez mbi 15milione gjerman e nuk jane kthyer kurre nga evropa lindore. po keshtu jane debuar edhe italianet e istrias ne jugosllavi e nuk jane kthyer. e po shpresojme ne te gjoret me kete shtet te lodhur qe te kthejme ata pak cam ne greqi pas gjysem shekulli.
1 July 2008 @ 12:38 pm
ardito ik se te marresh pensionin ne date 5. se s’ka gjykate qe te mohoje te drejten e prones jo me keta arixhinjte e evropes
1 July 2008 @ 11:56 pm
Dicka e re ne kete drejtim,
dje mijera maqedonas kane demonstruar kundra genocidit grek te ushtruar ne te njejten kohe si kundra popullsise came…
Fatkeqesisht greket s`kane ndryshuar shume qe nga koha e Fishtes “Te rrefej greket”…