Arbëria dhe Kosova!
-Nuk më zë gjumi natën. Kam ecur nga më kanë shpënë këmbët, rrugicave të Tiranës. Ndjej një forcë të jashtëzakonshme… por, mendimet… ah mendimet…
Sapo ka pushuar lufta, Kosovarët i boshatisën kampet sa hap e mbyll sytë, por Qendra jonë, nuk është braktisur akoma. Tre psikologët francezë bashkë me përkthyeset dëgjojnë historitë e tmerrshme të luftës.
Arbëria, pikërisht sot, don të flasë. Herët e tjera fliste për gjera të parëndësishme, apo siç thoshte ajo, që nuk lidheshin me dhimbjen e saj. Sot, e pi një cigare në heshtje dhe fillon. Tregon për luftën. Se si e lanë New York-un, ajo dhe i fejuari i saj, pasi u trajnuan nga forcat amerikane, për të marrë pjesë në UÇK.
-Na gënjyen amerikanët! Na kishin premtuar forca e të paktën armatime… Na lanë vetëm fare përballë makinerisë Serbe.
Pastaj një cigare tjetër.
- Kishte tre ditë qe s’kishim dëgjuar për Çlirimin, të fejuarin tim. E ndjeja se ata po më fshihnin diçka. Më nuk durova edhe iu vërsula komandantit me kallashin te koka. E kërcënova se do ia hidhja trutë në erë nëse s’do më thoshte të vërtetën. Ma tregoi me lot në sy. Kishte rënë tre net më parë, kur po bënte rojë para hundës së Serbëve. Kishte mbetur atje mbi gjemba, e dy shokët tanë nuk kishin arritur ta tërhiqnin prej plumbave. S’po i besoja në fillim. Jo s’kish mundësi! Mirë që kishte vdekur, por i lënë atje, vetëm. Shpirti im, vetëm me shkijet. Jo! Nuk di si kam fluturuar nga thonjtë e tyre. Do na zbulosh gjithë shtabin, do na marrësh në qafë! Kërcisnin fjalët e tyre, si flokët i lija mbi degë shkurresh… E gjeta. Më dalluan menjëherë. Nuk pushonin së shtëni shkijet. E vura në krah. Nga trupi më binin krimbat e tij. Sytë gjysëm të dalë. Ndalova, njëri i ra. E gjeta dhe e futa në xhep. Sytë e shpirtit tim. Gjithmonë thoshte me të qeshur, nëse bie në luftë sytë më dhimbsen se i kam të bukur… Ah! Jam e mbushur me atë erë trupi, të kalbur. Jam…
Arbëria nuk flet gjatë. Aq kishte. Pastaj flet për politikën edhe frikën se mos do të jetë shumë vonë. Se mos do të bëjnë hile të mëdhenjtë…
Nuk më flihet… Nuk më flihet… Nuk më flihet…
Arbëria del, të blej cigare. Do ik nesër nga qendra, e ka vendosur. Do kthehet në Kosovë! Para se të dalë më shkel syrin, si ta kem timen e më paralajmëron : “Kujdes! Nuk flihet natën, ti e di!”.
Psikologët bëjnë mbledhjen e tyre për të analizuar ‘gjendjen’.
Ulem në karrige. S’isha përgatitur për një rrëfim të tillë. Te pjesa e krimbave, gati sa s’më ishte dukur se do vrapoja nga dera për të gjetur diku ajër. Por jo, të gjitha i kisha dëgjuar, përkthyer… Fiksuar. Sytë e saj. Duart. Buzëqeshjen. Forcën : “Ia mora syrin që i ra dhe e futa në xhep.”….
*****
Ditën e pavarësisë së Kosovës, mu kujtua Arbëria. Nuk di pse pikërisht ajo, nga tërë ato sy që unë i mbaj në mendje…
Mu kujtua Arbëria dhe e pashë ne mes popullit shqiptar që po brohoriste me lumturi LIRINË e vet, atë liri që ajo e kërkoi me “shpirtin” e vet. Ia shoh lotët, kamera ndalon, ajo ma shkel syrin: “Nuk më flihet, akoma! Eh mendimet… Ti e di!”.
***
Gazetarët tregohen shumë të pakujdesshëm me gabimet e tyre të shpejtësisë. Diku lexoja “Vëllezërit Kosovare janë të lirë”, diku tjetër “Nëna Kosovë” apo “Shqipëria u bë me një vëlla”…. Ç’janë këto? Mos do të firmosim edhe ne mite të shëmtuara siç firmosën serbët. Kosova nuk është as nënë, as baba, as motër as vëlla. Kosova është Kosova. Askush mos të guxojë ta ndajë. Se egërsohet Arbëria e iu gjuan me syrin e “shpirtit” të vet !
Laureta Mema
Mars, 02, 2008
5 March 2008 @ 12:40 pm
Aq e dhimbshme sa s’të besohet që është e vërtetë…
Shkrim shumë i mirë.
Dheu i fotos po më duket shumë i njohur.
5 March 2008 @ 1:59 pm
Material per himn!
5 March 2008 @ 2:04 pm
Realitet qe te rrenqethe dhe te bene te ulerishe.Dhe per fat te keq,,keto krime te makines shoviniste serbe,merren si te”sajuara”kur eshe vene shkalla e barazise si me kriminelin edhe me viktimen.Njesoj trajtohet Shesheli e Co….,me Ramush Hajredinin e Co… !Haga nuk eshte alterego e Nurembergut.Bota eshte bere”racionale”,nuk ke se c’i thuaj?!…
5 March 2008 @ 3:30 pm
Me habit shprehja me poshte:
Tregon për luftën. Se si e lanë New York-un, ajo dhe i fejuari i saj, pasi u trajnuan nga forcat amerikane, për të marrë pjesë në UÇK.
kete gje vetem serbet e kane trumbetuar me te madhe… me habit edhe kjo vajza qe shkruan gjera te tilla, por dhe ata qe i publikojne… po e nxirrni UCK- bande diversioni…seriozisht e keni?
5 March 2008 @ 4:24 pm
Ore Avocados, nga New Yorku shkuan plot 500 veta (butchers, bankers, bakers)…
5 March 2008 @ 4:29 pm
Mbase kane shkuar dhe me shume, s’e kam fare fjalen ketu… por ne kete
pasi u trajnuan nga forcat amerikane, për të marrë pjesë në UÇK
e keni idene cfare jeni duke thene e duke brohoritur te pakten?
edhe sikur pishen tu kishit mbajtur ne trainim, gje qe e dyshoj thellesisht, prape jane fakte qe e kalojne te drejten e nje rrefimi qofte ky real apo artistik
sikur te mendonim pak me shume e te shkruanim shume me pak…do ishte me mire, mendoj une.
5 March 2008 @ 4:48 pm
Tranjuan - na stërvitën
5 March 2008 @ 5:20 pm
“Na thane se donin te provonin kallashet mbi trupat tane serbet,
prandaj dhe na nisen”!!!!!!!!
Keshtu do ti te thote o AVOKAT!?!?
E’cfare pastaj se thone SERBET keshtu?
Kujt po i rruhet se c’thone Serbet , kur kane te pakten nje shekull qe pregatisin paramilitare ne cdo pyll ,qoshe e koder te Serbise, e s’lane me vend “vlla e mik ” pa marre arme e pa kryer stervitje te kualifikuara e jo pak por me vite ,e me mijra…….. E PERSE ?????
VETEM e VETEM qe te cfarosnin popullsi te PAMBROJTUR SHQIPTARE te KOSOVES!
I harrove deklaratat e Zhirinovskit “Ne do tu dhurojme serbeve arme me plumba bio-gjenetike ,qe zgjedhin e vrasin vetem ata me gjak SHQIPTARI”
E ne se Shqiptaret e Kosoves paguan “qimet e flokut ” per nje jave a 10 dite stervitje (gje teper e ligjshme!!!!!) dhe shkuan te LUFTOJNE e VRITEN ne KOSOVE “per te vrare nje nga KUCEDRAT e fundit ne Ballkan” kto qenkan sipas SERBIT( jo kuurre prej nesh)
BANDA DIVERSIONISTE ??????????
Shikim i Ngushte!
5 March 2008 @ 5:28 pm
Tragjike per Arberine dhe Çlirimin, syrin ne xhep dhe dhimbjen ne shpirt. :’(
Cfar’ tmerri paska pare ajoooo!!!!
akvll-naja, eshte dheu yt. thuaje!
5 March 2008 @ 5:30 pm
Je lodhur kot me gjithe ate koment qe ke bere, sepse nuk e ke kuptuar fare ku desha te dal. Po te lexosh ate fraze, i bie, qe shqiptaret u sterviten prej amerikanve dhe u derguan ne kosove te ngrejne nje lufte- gje qe une e dyshoj thellesisht. UCK-ja erdhi si domosdoshmeri historike dhe jo si nje teke e amerikanve.
Nga ana tjeter, kur shkruan nje rrefim qofte artistik apo non-fiction, dhe kur te duhet te trajtosh gjera te tilla historike, duhet te lexosh pak me teper sesa ti referohesh vetem nje ngjarjeje.
ti mire ben qe se rr*** per askend, por te pakten mos duartrokit gjepura.
Avokati i vetes se vet.
5 March 2008 @ 5:46 pm
Dorën në zjarr s’e vë, po ai shpati gri më duket krejt si Gjallica dhe te ai dheu i kuq i kam vrarë gjunjët kushedi sa herë. Dhe nga komenti yt, supozoj se dhe mund ta vë dorën në zjarr që bash imi është.:)
5 March 2008 @ 6:07 pm
Horror me te madh zor te kete kaluar dikush. Sidoqofte kam dyshim se ka ndonje pasaktesi, nuk besoj qe kosovaret u sterviten ne usa dhe u derguan ne kosove. Ne ate kohe puna me lidhte me kosovare dhe ishte normale te degjoje qe dikush apo grupe shkonin ne kosove por kurre nuk degjova qe u sterviten ne usa nga amerikanet. Edhe ne kosove kishte aty ketu ndonje marins te vjeter qe instrktonte te rinjte, por UCK u ngrit dhe u zhvillua vete.
Njeriu duhet te jete tmerresisht i forte te kaloje ngjarje si kjo dhe te vazhdoje te jete normal nga mendja. Per tu admiruar.
5 March 2008 @ 6:10 pm
Shume tronditese dhe inkurajuese ne te njejten kohe.
Force e jashtezakonshme, te pakrahasueshme tamam ashtu sic kane bere edhe trimereshat shqipetare me perpara.
Kjo eshte femer e vertete, keshtu arrihet tek liria bashkatedhetar vetem me kurajo, besnikeri, perkushtim dhe te bashkuar.
5 March 2008 @ 6:28 pm
Nje rast nuk pergjithesohet.
Arberia, merrte pjese ne ate grupin e vogel te eksperteve qe u trajnuan ne Amerike. Per kete dhe ne kohen e luftes jepeshin video ne televizor, per 30 minuta . Keshtu qe s’besoj qe dhashe nje sekret …. as qe dua te them qe UCK erdhi nga Amerika. (Por ama vura ne pah dhe ate qe kisha degjuar me lot ne sy nga te plagosurit e UCK-se, se Amerika u kishte premtuar t’i mbronte ne lufte, ndersa ata e bene vete luften (dhe kjo dihet tashme nga publiku nderkombetar dhe kritikohet jashte mase, sepse forcat paqeruajtese nuk u ndodhen ne momentin e duhur te luftes, e ndaj u bene krime qe mund te ishin evituar.)
Doja te shkruaja dicka per problematiken qe lind, kur per te saten here sapo flitet per lirine e Kosoves cfare s’degjon… Kane filluar simbolet, sic e thashe ne fund te ketij shkrimi. Nuk me pelqen aspak kur nga ana tjeter, sa here flitet per lirine, do permendim heroizmin e ‘vellezerve’. Ishte lufta e nje populli e nuk duhet demaskuar me terma te tille mendoj. Me erdhi vetvetiu ne mendje kujtimi i Arberias per t’i dhene kenges HEROIKE tingullin e vet. (Sa doktorresha kosovare kam takuar ne ate kohe, qe ishin plagosur vete atje ne male, sa nena qe mbanin me ushqime djemte ne mal, a duke i strehuar ne podrumet e kullave, duke vene veten ne rrezik (njeres i kishin prere te dy krahet)……….. Domethene nuk e beri luften vetem UCK, por gjithe populli i Kosoves (duke perfshire dhe Arberian qe la studimet per politike bashke me te fejuarin dhe erdhi te luftonte ne vendin e vet). Nuk di cfare ben Arberia sot, por nje gje jam e sigurte qe Diten e Pavaresise e ka shkundur bashke me te gjithe popullin Kosovar dhe…
PS. Perderisa une ato trimeresha i kam njohur nga afer, eshte normale qe dua te vihet ‘nderi’ i tyre ne vend. (Si ne ne kenge, si ne gjuhe, si ne histori…)
Tung,
Laura
5 March 2008 @ 6:29 pm
Avocados, UCK-ja ishte nje domosdoshmeri historike, dhe jo teke e amerikaneve. Por kjo nuk do te thote se domosdoshmeria historike e ben ilegjitime ndihmen ne trajnim, apo dicka tjeter.
5 March 2008 @ 6:35 pm
Hej Laura, me kujtoi “I fundit vjen korbi” te Italo Kalvinos. Shume e bukur.
5 March 2008 @ 6:36 pm
Kjo goca sikur kishte thene qe nuk do te shkruante me ketu, apo nuk quhet kur e ben shkrimin vete, vetem kur jane diskutime nuk merr pjese ajo.
5 March 2008 @ 6:36 pm
Laura, do te kisha qene shume me i qete sikur te mos e kisha lexuar per kete pervoje. Shume e dhimbeshme
Avocados,
Budallalleku s’paska kufi vallaj…..
5 March 2008 @ 6:48 pm
Sarantioti,
E paske ndjere mungesen time, me behet shume qejfi
Kam qene shume e zene, dhe nje jave me ka mbetur!!!
Nuk i le diskutimet me ju jo! Gjithmone, kur kam per te dhene dicka… perndryshe hesht e degjoj ata qe kane per te thene, keshtu thote populli
…. Llukan , historia me siper eshte e dhimbshme, por ashtu ishte realiteti i luftes, vetem dhimbje, e ndaj te gjithe duhet te tregohen te kujdeshem kur flitet per te. (disa gazetare, apo dhe disa komentues, me duken shume te guximshem ne recetat qe u ofrojne Kosovareve; nuk di si i shijojne ato receta Arberias e gjithe te tjereve qe e jetuan ate lufte, qe e luftuan ate lufte … ).
5 March 2008 @ 8:01 pm
Laura,
shume bukur!
5 March 2008 @ 8:52 pm
Lufta dihet qe ka krimet dhe dhimbjet e veta, por ky artikull i Laures ketu do t’ishte mire te redaktohej pakez. E kam thene dhe me perpara se per krimet serbe duhet bere nje film, por jo si te ketij lloji si ketu. Shprehjet qe nuk me pelquen dhe qe permbanin kontradikta ishin ;
…Se si e lanë New York-un, ajo dhe i fejuari i saj, pasi u trajnuan nga forcat amerikane, për të marrë pjesë në UÇK…..
Kjo eshte jashte realitetit.
….-Na gënjyen amerikanët! Na kishin premtuar forca e të paktën armatime… Na lanë vetëm fare përballë makinerisë Serbe…..
Amerikanet nuk i kane premtuar asnje emigranti forca dhe armatime. Po, i kane lene te lire te blejne armatime dhe te bejne propagande per çlirimin e Kosoves. Pra vete individe emigrante jane marre me kete pune. Seç bisedime te fshehta mund te kene bere amerikanet me krere te UçK apo krere kosovare , apo krere te shtetit shqiptar, ketu s’mund te them gje se nuk di gje dhe asnje nga ne ketu pjesmarreses tek Peshku, nuk e kemi patur ate fat te kemi qene pjesmarres ne bisedime te fshehta. Pra Arberia, autosugjestionon vetvehten sikur ka qene pjesmarrse ne paketa dhe plane qe thuren siper. Ose eshte e çmendur nga tmerret e luftes dhe nuk e kupton seç thote.
….Më nuk durova edhe iu vërsula komandantit me kallashin te koka. E kërcënova se do ia hidhja trutë në erë nëse s’do më thoshte të vërtetën….
Nuk besoj se te renet nuk do iu thuhej njerzeve te afert, dhe aq me teper me nje vonese tre dite. Kur ata jane kthyer nga aksioni , mungesa e te fejuarit te Arberise sigurisht qe ka rene ne sy. Mund te mos pergjigjeshin per momentin, megjithse s’kish arsye, por jo tre dite, a thua se po shkonin te thyenin ndonje banke dhe ishte turp. Ka nje kontradikte ketu, aq me teper se si ai komandanti dhe te tjere nuk ia kane treguar ne momentin e fillimit qe ka qene moment prekes, por ia kane treguar nen gryken e pushkes. Pak si jashte realitetit.
….Nga trupi më binin krimbat e tij. Sytë gjysëm të dalë. Ndalova, njëri i ra…
Ndoshta jam naiv, por lind pyetja si nuk rane syte ne momentin qe e hodhi kraheve/ne shpine, por me tutje. Nuk e di por syte jane te ngjitur me koken dhe nese do te ishte koke e shpuar nga plumbat , syte ose do te binin gjate shoshitjes nga plumbat ose gjate tronditjes se pare, pra hedhjes se trupit mbi shpine.
Ndoshta tregimi i Laures mund te jete tregim artistik, diçka jashte realitetit dhe ne e marrim si te vertete. Per Kosoven , do te ishte mire te behej nje film me ngjarje siç kane ndodhur, ku barbare serbe kane vrare femijen ne sy te nenes dhe babes, foshnjen e gjirit, femijen ne bark te nenes, perdhunimet qe kane bere, e plot e plot krime makabre, pa llogaritur torturat etj.etj.
5 March 2008 @ 9:31 pm
lulian kodra thotë:
Avocados, UCK-ja ishte nje domosdoshmeri historike, dhe jo teke e amerikaneve. Por kjo nuk do te thote se domosdoshmeria historike e ben ilegjitime ndihmen ne trajnim, apo dicka tjeter.
Lulian, sigurisht e ben ilegjitime. Kjo ne fakt per shume vite ka qene teza e serbeve dhe ruseve qe ia faturojne USA-s krejt konfliktin ne Kosove dhe krijimin e UCK-se, per arsye qe tani i dime te gjithe, dominim dhe nje baze e forte ne ballkan.
Mbetet te jete naivitet ose lapsus, (se nuk e besoj kurre qe eshte ligesi nga ana e kesaj vajzes), te hedhesh e zeza ne te bardhe, thenie te tilla.
O, se u zgjat si shume nje gje qe eshte shume e thjeshte… kur mezi keni uje per vete, mos coni uje ne mulli te huaj
Pjer Thomas, falemnderit per komentin me lart. Me mire nuk thuhet.
5 March 2008 @ 11:00 pm
Ky nuk eshte tregim artistik.Menyra e bukur e shkrimit dhe lapsi i ushtruar i Laures mbase e bejne te duket i tille.Une mund t’ju siguroj se ngjarje te tilla te verteta e te dhimbeshme jane me mijera.
Bravo Laura.Artikulli me pelqeu shume.
5 March 2008 @ 11:55 pm
Nuk eshte muhabeti aty.
Amerika e pa se nuk kishte zgjedhje tjeter pervec mbeshtetjes te Shqipetareve qe e kishin kaluar kohen e protestes demokratike dhe paqesore.Fillimisht e quajti UCK-ne org Terroriste,nuk pranoi ta armatoste apo ta perkrahte atehre kur i thane te gjitha org per te drejtat e njeriut,Amnesty me shoke bertisnin qe UCK-ja te armatosej ne menyre qe te mbronte civilet e pafajshem nga gjenocidy i te terbuarit Miloshevic,por binin ne vesh te shurdhet ne Amerike.Vetem kur u provua mbi cdo lloj argumenti llogjik se Kasapi i Ballkanit kishte plane gjenocidiale,mbas masakrave ALA Racak,shkaterrimit te kullave shume shekullore,dhe dhe asgjesimeve me topa dhe predha ALA asgjesimi i Baces,u kujtua Amerika te nderhynte.
E verteta eshte qe UCK-ja lindi si nje nevoje historike,dhe si pasoje e sakrificave shekullore te te gjith Shqipetareve per te drejtat e tyre ne Ballkan.Kreret e UCK-se ose shume prej tyre te pakten kane pasur flethyrje per ne shqiperi qe ne kohen e diktatures,etj etj.
6 March 2008 @ 4:04 am
S’kam fjale!
6 March 2008 @ 4:06 am
UCK ishte force clirimtare. Pike.
Aspekti terrorist eshte i pompuar!
6 March 2008 @ 7:03 am
LAURA:(dhe kjo dihet tashme nga publiku nderkombetar dhe kritikohet jashte mase, sepse forcat paqeruajtese nuk u ndodhen ne momentin e duhur te luftes, e ndaj u bene krime qe mund te ishin evituar)
Po te ishin evituar ato krime kosova do vazhdonte te ishte Serbi edhe sot,ndoshta edhe pjes e bashkimit europian.Ato krime dhe masacra te lejuara jo rastesisht,dhe te nxitura qellimisht nga uck, ishin cmimi i liris.
(urrejtje shekullore kunder shqiptarve vrasja e 5 polizve serb) e gjith kjo e ngritur ne fuqin e psikopatis se milosevicit=pavarsi te kosoves
7 March 2008 @ 6:32 pm
Shume shkrim i vertete dhe rrenqethes.
Ajo fotoja eshte bere ne kampin e refugjateve ne Gostil, Kukes
7 March 2008 @ 7:04 pm
Etrusk thote : Ajo fotoja eshte bere ne kampin e refugjateve ne Gostil, Kukes
Etrusk, mua me ka ngelur mendja tek kjo fotografia, [ne fakt ma ka heq petllen - me fol drejt :)]. Te lutem, a mund te me thuash kush e ka bere, dhe se ku mund te gjej me shume foto nga ky/kjo fotograf(e)?
7 March 2008 @ 7:19 pm
a ju ka shkuar ndonjehere ne mendje qe nuk ishte aspak rastesi hapja e depove te armeve ne Shqiperi ne 1997. kujto qe vetem nje pjese e vogel e tyre ju kthye ministrise se mbrojtjes.cu bene pjesa tjeter pyes une. ne 1998, ne Durres u hap nje zyre ku shtetas nordike te aplikonin per nenshtesi shqipetare. ju siguroj qe zyra ishte gjithmone plot me bjond e brun, nje nga ata erdhi me vone me forcat e KFORit. asnje nuk u be shtetas shqipetar dhe zyra u mbyll ne fillim te 2000. Hotel Dajti ne Tirane cuditerisht qe mbushur me te huaj, miq e te ftuar te ministrise se mbrojtjes, nje muaj para se te fillonte konflikti ne kosove. para pak kohesh morra vesh se forcat speciale te NATOs ne evropen veriore (no names(, qene ne gadishmeri per te nderhyre ne kosove, para se situata te keqesohej atje. strange …e dinin se do te shkonin ne ballkan , para se te ndodhte gje atje.
nuk cuditem aspak qe kaq shume veta u desh te vriten qe NATO te reagonte. vetem historite e dhimshme e bejne opinionin boteror te reagoje. tragjike por e vertete.
7 March 2008 @ 7:39 pm
anonymus,
Ne fakt une njoha vendin, per sa i perket fotos eshte hera e pare qe po e shoh. Kam pershtypjen qe eshte foto nga nje fotograf profesionalist, nga te moria shumkombeshe qe qendronin ato kohe ne Kukes.
Me saktesi nuk di te te them gje.
Fotoja me te vertete shume shume e papame!
7 March 2008 @ 8:13 pm
Etrusk, faleminderit!
9 March 2008 @ 10:05 am
Doja ti thoja 2 fjale per kete foto te mrekullueshme,qe nuk e di se kush e ka bere,por qe ate moment dea e frymezimit ka qene mbi aparat,kete e kam te sigurte.
11 March 2008 @ 4:00 am
Fotofrafia eshte e vlerave muzeale. N.q.s. ka vend per ate foto, jane dy; Galeria e Artit Kombetar ne Kosove dhe ajo Kombetare ne Shqiperi. Antaret e peshkut mendoj se jane gati te proporcionojme shumen e kostos per te paguar dy kopjet nga autori. Dhurata te tilla mund te behen per nderin e vleres se kesaj fotoje.
Shkrimi eshte nje nga shkrimet e plota me force, deshire, i ndjere, dhe sygjerues pertej ngjarjes ne te. Vetem nje shkrimtare si Arberia mund te sillte ne drite shkrimin, dhe ajo qellon te jete Laureta Mema.