Masakër në rrugë, burri vret ish-gruan me thikë dhe njerëzit bëjnë sehir

Një 46-vjeçare është therur me thikë në mënyrën më barbare nga ish-bashkëshorti i saj, skulptor, në kryeqytet. Kasaphana ka ndodhur në mes të rrugës, në sy të njerëzve, ku këta të fundit kanë luajtur thjesht rolin e spektatorit. Nëna e dy vajzave, Valbona Çarçani, 46 vjeçe, u ekzekutua nga Genc Çarçani, 48 vjeç, i cili është arrestuar disa minuta më vonë, pak metra larg vendit të ngjarjes. Ai e ka pranuar autorësinë e vrasjes me gjakftohtësinë më të madhe, duke nxjerrë si motiv xhelozinë, ndonëse çifti rezulton i divorcuar që prej vitit 2011.

Nga një dëshmitar i ngjarjes:

E patë ngjarjen?

Po e pashë dhe ka qenë një skenë e frikshme. Valbona ishte duke ecur rrugës së bashku me qenin e saj. E njihja atë grua, sepse ishte banore e zonës dhe e shikoja çdo ditë që kalonte para lokalit tim. E njëjta gjë ndodhi edhe sot, ajo po kryente ritualin e përditshëm. Nga pas pashë një burrë, të fuqishëm në trup. Pa i thënë asnjë fjalë, ai i nguli thikën pas shpine. Në ato momente ajo ulëriti. Ishte e kotë se ai pas kësaj e nxori thikën dhe ia nguli po në shpinë. Valbona u shemb, ra në trotuar. Ai burri nuk kishte të ndalur, e qëlloi për të tretën herë, në të njëjtin vend. Ajo u zvarrit për disa metra dhe pastaj mbeti e shtrirë në mes të rrugës.

Kërkoi ndihmë Valbona?

Po. Ajo kërkoi disa herë ndihmë dhe më pas thoshte ajuto. Të gjithë dolën jashtë dhe panë sesi ai e ekzekutonte përpara syve tanë. Një djalë i ri u përpoq që ta ndalte. I tha të mos e qëllonte më sepse po e vriste. Genci iu hakërrye. I tha se nuk ishte puna e tij dhe kërkoi që ta linte rehat. Pas këtij reagimi askush nuk guxoi që ta ndalte. Mbetëm të terrorizuar me thikën që ai mbante në dorë dhe kishim hall se mos na kthehej. Një plakë nga pallati ulërinte që ta kapnin, por nuk i dolëm përpara. Thika ishte shumë e madhe, si ato që përdorin kasapët për prerjen e mishit.

Artikulli i plotë

_____

Si mund të bëhet sehir përballë një krimi të tillë?  Përballe cdo krimi?  Rast i vecuar apo rrjedhojë e një shoqërie "sehiri"? 

129 Komente

Ngushellime familjes dhe vecanerisht femijeve per kete tragjedi qe i la pa nene dhe baba.

Monda, cafre konsideron ti "sehir" dhe si do veproje ne kete rast? Une vete do kisha frike mos haja ndonje thike per vete dhe kam femije per te rritur. 

Perdora fjalen "sehir" meqe ishte perdorur ne artikull, ndaj edhe eshte ne thonjeza. 

Me bene te njejten pyetje dhe reagimi im i pare ishte do i bija me gur a cfare te gjeja verdalle.  Por ndoshta eshte lehte te besh trimin/trimen kur je thjesht nje lexues/e ndaj nje krimi te tille.  

Nga ana tjeter, po pyes se si mund te benin sehir burrat qe pinin kafen e mengjesit tek lokali i deshmitarit te ngjarjes.  

 

Ne ket rast nuk nderhyhet, Monda. Perballe nji vrasesi te armatos dhe te coroditur si ky, reagimi me i mire eshte me i telefonu policise. Sehiri nuk falet ne cdo rast tjeter vec ketij. Nga ana tjeter, them se mentaliteti i "mosperzierjes" ne punet e te tjereve ka zene rrenje te ne. 
Prandaj do m'kishte pelqy nji emision si "what would you do?" ne nji tv shqiptar (edhe pse nuk krahasohet me kte vrasjen me gjak te ftohte). Do sherbente dhe si barometer i ndergjegjes qytetare dhe do nxiste nji rritje reagimi nga ana tjeter.

Ulqinaku qe e grabiten ne rrugen e Kombit tregon se me pare erdhen te afermit e tij nga Ulqini se sa policia shqiptare.  

Por le te themi qe si rregull i pergjithshem hapi i pare eshte telefonata ne polici.  Ne raste te tilla edhe perpikmeria 100% e policise nuk do e shpetonte. 

po paragjykon policine nis nga nji rast. Ate mund ta kene grabit dhe ne mes te pyllit, mos prit te njejtin reagim. Fakt eshte qe ky ishte arrestu brenda disa minutave. Po edhe sikur kjo qe thua ti te jete norme e punes se policise, nuk eshte arsye per me kerku qe "street vigilantes" te marrin ne dore drejtsine. 

lol...ti vec me qen eskimez qe nuk te bo pershtypje asigjo ne albanine e sales

po ti je cyryk mer dangall qe edhe kur folet per mentalitetin e shoqrise, e gjen fajin te saliu. 

sikur po akuzoje qe policia po paragjykohej ne rastin e rruges kombetare.

a i lexon gazetat mer? a lexon sa meshkuj masakrojne grate e tyne, nonat e fmijve para syve te ktyre te fundit per arsye xhelozie? po pse mer, sala ta ka fajin? po mos mer se ja q!te nonen llogjikes. Po ktyne ca do t'i boje policia e sales, t'u fryj n'myth?

policia e sales s'i bo gjo asnjonit...se osht mush me tropolica smiley

sistemi ligjor osht zgjidhja - se shoqeria ka hallet e veta. ene ky tipi o mbrujt me idealet shoqnore ne vitet e bukra '90 - '95

ne kete rast cdo kush do bente te njejten gje, nese do ishte deshmitar i nje situate te tille. Dhe une do e beja.  Ska arme, thike involved. smiley

c'jane keto buburreca kshu mer aman. Pas shpine. Kafshe. Akoma vazhdon ai mentaliteti shpellar atje, qe gruaja eshte prone e burrit deri ne vdekje. Pavarsisht se ishin te divorcuar, prape ego e semure e shpellarit nuk njeh limite. 

Ne raste te tilla, njerezit perreth, dhe reagojne por dhe nuk reagojne. Varet nga momenti, jo se nuk duan te ndihmojne.Po fundja ne situata te tilla, njeriu ngrin, eshte si tip instikti. Nuk di cte besh. 

Behet sehir sepse s'ka asnje ndjenje te komunitetit dhe kjo eshte fara e mortjes, kultura e vdekjes, qe eshte mbjelle e selitur gjithe keta vjet. Njerezit ne rruge jane te dhunshem, levizin ne menyre kaotike, nuk respektojne hapesiren jetike te tjetrit.

Mbizoteron tashme qasja rurale karshi te ngjashmit, qe eshte qasja e kujt eshte mesuar qe shtepine ta kete larg nga i ngjashmi (ndaj edhe s'i ben pershtypje te tyrjeloje murin ne mesnate, te ngreje zerin e vet a te tv-se ne pisk te vapes), qe eshte mesuar qe berthama e kumbulles tretet ne toke dhe s'e di qe plastika s'eshte kumbull, qe s'ka mesuar te mbaje anen ne trotuar dhe qe s'ka nevoje te flitet ne celular ne makine pikerisht ne castin qe merr kthesen... Por sidomos qe s'e di ende qe qyteterimi perpiqet t'i largohet principit natyror te mbijeteses se me te fortit ne dem te me te dobtit.

Politikat populiste te nxitjes apo indiferences perballe levizjeve te pakontrolluara e te paorganizuara te popullates, sjellin kaos, lulezim te krimit, zhberje te identitetit, analfabetizem ne te gjitha nivelet dhe ulje te standardeve te jeteses per te gjithe komunitetin. Jashtezakonisht e trishtuar eshte!

konkretisht pra, sa larg duhet te shkoje ndjenja e komunitetit ne ket rast specifik? ca reagimi konkret pret ti nqse do ekzsitonte ndjenja e komunitetit peballe ktij te corodituri me nji thike kasapi ne dore?

Qasja jote e analizon aktin nga ngritja e thikes gjer tek vdekja e viktimes. Qasja ime perpiqet te merret me gjithe cfare ndodh deri para ngritjes se thikes.

ah jo jo! lexo ca thua:

Behet sehir sepse s'ka asnje ndjenje te komunitetit dhe kjo eshte fara e mortjes, kultura e vdekjes, qe eshte mbjelle e selitur gjithe keta vjet...

ta them ndryshe pyetjen: nqse fara e mortjes, kultura e vdekjes nuk do ishte mbjellur e selitur gjithe kto vite, si do reagonte komuniteti i painfektuar ne ket rast? 

Ne nje komunitet te painfektuar, qe sherben edhe si "detente" ndaj krimit, ndoshta ky njeri s'do kishte as guximin te ecte ne rruge me thike/hanxhar e te vriste ish-te shoqen ne mes te rruges, ne sy te njerezve. 

Epo nje gje do te bente ky ne nje vend te civilizuar, psh do te hynte ne nje shkolle ne oren e mesimit te mekanikes kuantike ose te mesimit te feve dhe do te kish shtene kuturu mbi nxenesit me mitraloz.

Nuk duhet ndonje herezi kush e di cfare te provokosh gjithe diten. 

Evidencimi i ngjarjeve qe kundeshtojne sheshit bindjen se civilizimi zhduk krimin nuk eshte provokim, ashtu si nuk eshte argument kapja mbas llagapit dhe provokimeve qe ben gjithe diten llagapi.

Civilizimi ul gjasen e krimit, ashtu sic rrit moshen mesatare te popullates. Kjo s'domethene (se paku he per he) qe s'do vdesim kurre. 

Kapja mbas llagapit, eshte padurim i atij qe nuk gjen sillen perpara kur ulet te drekoje dhe ua hyn pjatave si te tilla.

Pa i nxjerre rrenjet muhabetit, se mund te na mbetesh pa pire çajin klishe te mbas drekes, provokatori i pare ne histori qe mbrojti tezen (njekohesisht me mbrojtjen e diplomes) se civilizimi nuk e ul gjasen e krimit, perkundrazi e shton, ka qene Zhak Zhak Rusoi, gjysma e frymzimit te Revolucionit Francez qe ka civilizuar boten.

Ne vazhdim ka shume emra te tjere te degjuar, qe ti ka rrezik i rekomandon te tjereve si lexim civilizues.

Jo, ne fakt dua te fle gjumin klishe te mbasdrekes, mirepo s'me lene zhurmat e lagjes qe thua ti. Po te kisha flamurin tend, ne kete cast do kisha ngritur telefonin dhe do pyesja pse behen punime ne pallat pa u lajmeruar banoret me pare. Kjo meqe numrin e Rousseauit s'e kam.

Aha keshtu qeka puna, jam rrote un qe kerkoj te diskutoj rreth nje problemi te veshtire qe mundon ne shekuj intelektualet e shquar, megjithse e di mire, me teori dhe praktike te mjere, qe diskutohet sipas hallit personal, shkon gjuha aty ku dhemp dhembi.

nuk eshte argument kapja mbas llagapit dhe provokimeve qe ben gjithe diten llagapi

m'behet qejfi se shof qe paske ndryshu mendim. Per xaken ka kohe se eshte cun i ri

njerez te coroditur ka kudo, pike! ky eshte i coroditur se nji njeri normal nuk ndjen xhelozi per dike qe ka divorcu para 2 vitesh. Ai norvegjezi shkoi e vrau mbi 60 vete per ate pune...

Ceshtja qe shtrohet nuk eshte "coroditja" e personit ne fjale.  Por sehirlleku i njerezve verdalle.  

Po, shume mire.  I biem shkurt, nje i cmendur vrau nje grua, ai i cmenduri ne Norvegji vrau 60.  Raste te cmendurish, edhe kaq. 

Ne nje nga keto gazetat shqiptare, ndoshta e gjej, kishte nje reagim vox populi lidhur artikullin e nje psikologu qe merrej me raste te tilla te dhunes, reagim i cili pak a shume thoshte: or ti, ne s'jemi europiane, jemi ballkanas, gruan e ka bere zoti nen burrin... Tashti me gjej ndonje norvegjez qe e shkruan kete pa piken e problemit.

Ate po thosha pra: sehiri qe nenkupton ti eshte thjesht sehiri i atyre njerezve qe kane asistuar. Sehiri per te cilin flas une eshte sehiri strukturor.

eshte gjeja me e thjeshte t'ja vesh fajin sistemit/ shoqerise po te cmendur ka kudo dhe ne nji rast konkret si ky, nuk pres "reagim qytetar". Nji reagim te tille e pres te hedhja e plehrave po jo te ky rast. Behet dallimi i qarte mes te pacivilizuarit dhe kriminelit

"sehiri strukturor".
sehir skulpturor thuaj... pika thuaj pikaaa,... per ke te diskutosh me pare, per ata qe benin sehir, apo per skulptorin me kame qe qellon nje femer pas shpine?! jo se sben vaki, po skulptor i biri botes, the vetvetiu te shkon mendja te dikush me njefare kulture..

finis, sa vlere pati ndjenja e komunitetit kur ai officeri anglez u ther me thike ne mes te dites ne mes te Londres?! Besoj po flasim per nje vend me kulture te lashte ne rastin e Britanise.

Kete artikull e lexova qipar nga gazetat, dhe ajo qe me çuditi ishte se, si ka mundesi ta vrasesh tjetrin pas dy vjet divorcimi. Pra gjendja paska qene me keq pas ndarjes se sa kur ishin te bashkuar. Mundet qe gjendjen ta kete agravuar edhe kjo (viktima) me sjelljet e saja te prera ndaj ish burrit, per mos lejimin e tij per te pare vajzat. Mirpo lind nje pyetje, vajzat ishin te rritura dhe vendosin vete tashme, pastaj a nuk komunikonte me telefon ky me vajzat. Ne kete ngjarje ngrihen shum pik-pyetje . 

Shiko, nuk eshte muhabet ky "nje i cmendur", se po degjojme nga tre-kater raste ne jave me keto vrasjet burre-grua, grua-burre, vella-vella, dhenderr-vjeherr, bir-baba apo baba-vajze.

Keshtuqe nuk eshte hic "nje" i cmendur. 

Kavir, une nuk i kam bere viziten atij ose te tjereve o burr. Po them se nji njeri normal ne kushte te njejta (i divorcum), nuk do e kishte vra ate ish gruan. A ndodh perdite ky fenomen dhe kjo nuk e klasifikon kte si te cmendur? as kjo nuk eshte analize. Te cmendur mund te kete me shume se kaq. Eshte ndikimi i shoqerise qe ka kaq shume "te cmendur"? po sigurisht, ktu mund te kete gisht patjeter niveli i shoqerise ku jetojme, perfshi dhe pandershkushmerine. Kshuqe nqse behet fjale per reagim, reagimi dhe protesta do kish kuptim te sistemi i drejtsise etj. po jo te dalja perballe ktij personit

Une ne thonjeza kam vene "nje" nuk kam vene, i cmendur. Qe ai eshte i cmendur, kete nuk e ve ne diskutim une. Por nuk eshte nje. Dhe kur jane te shumte po nuk eshte me "problem personal" eshte social, mendoj une.

Raste vrasjesh ka kudo. Po pa beni pak raportet shpeshtesi/popullsi dhe atehere bujrem beni krahasimet. Po jo "se keshtu ka ndodhur njehere edhe ne Timbuktu kur ishte gjyshi im 14 vjec". Ndodhi njehere ne Norvegji dhe ne tre here ne jave kur ther tjetri familjarin te themi "po edhe ne Oslo ai vrau 50 veta". 

 

Kavir, nuk di a ke von re me sy te lire, rritjen e numrit te robve qe flisnin me veten rruges pasi rane "piramidat"? du t'them qe ca kemi pesu si shoqeri gjate ktyre 20 viteve te fundit (duke harru ato te para '90), do shperthejne diku. Diku do kriset sistemi, diku individi, ca gjona jane te pashmangshme, edhe vete Krishti me zbrit ne toke.

Mir athere, por edhe tani ke plot qe flasin me vete, biles 2012-2013 sikur i ka shtuar me shume keta per shkak te krizes. 

Ti dmth, e lidh gjithe kete katrahure me nje krize financiare te 16 viteve me pare dhe nuk e lidh psh me nje mungese shteti per 22 vjet?

Sikur une te supozoja qe ne qytetin ku jeton ti, policia te mos i pergjigjej asnje telefonate per nje jave le te themi. Si mendon ti, ne cfare shkalle do ishte vandalizmi ne fund te javes? 

 

16 vjet nuk kane shume peshe ne rimodelimin e mentalitetit te nji shoqerie them une, Kavir. E pare me gjere,  ne shume aspekte reflektojme po ate mentalitet qe kemi pas para 100 vitesh, ate ku burri vendos dhe gruaja miraton, ate ku robi me pare ose me pushtet, e kalon palagur lumin, ate ku nji qytet del ne shesh per me deklaru se "x homo nuk eshte nga ky qytet" etj si kto. Big Brother ne tch anon me shume nga fiction sesa reality per mu. Reality eshte ai burri i shpise n'katun qe shtron grun ne dajak se guxoi me i fut nji laper surratit cunit, nuk eshte goca e re qe del me bo foto topless ne x reviste mondane. Jemi ala ne fazat e para te ndryshimit dhe kto jane fazat qe kane me shume perplasje, si rrjedhim me shume konfrontim dhe viktima

E jo se ato faktoret ekonomike aty kane qene. Shqiptaret s'kane qene ndonjehere te pasur qe tani rane nga vafti. Edhe problemet mashkull-femer teknikisht duhet te ishin ne kohen e gjysherve e baballareve tane, se ata e gjeten Burrin Zot dhe u detyruan te pranonin "barazine". Brezi im e i joti e gjeti "barazine". Keshtuqe nuk eshte ndonje element i ri ky. 

Pra mielli dhe uji aty ishin, po cili eshte "tharmi" qe e beri miellin brume (qe te mos them ndonje fjale tjeter).

Dhe po ta perseris edhe njehere pyetjen:

Sikur policia te mos i pergjigjej asnje telefonate ne c'gjendje do ishte qyteti yt ne fund te javes? (Jo me shume, nje jave!)

Po te pergjigjem edhe une.

Ne 2002-shin mos gaboj apo 2003-shin ne Ny iken dritat 24 ore ( jetoja dikur atje) . U bene vjedhje te jashtzakonshme.

Ndersa per policine nqs nuk do te na pergjigjej per nje jave , me siguri ketu do te perseritej 97-ta .

Dhe nqs ligjet nuk do te denonin njeri si ne Shqiperi, ketu do te ishte Siri

po mire mer Kavir, po aty ne shkrim lexova qe policia e kishte arrestu ket robin mrena disa minutave. Ti po fol ne pergjithsi kshu me ket punen e policise apo prisje qe policia ta kish parandje qe ky do bonte vrasjen dhe ta kish parandalu? diten kur "minority report" t'behet realitet, mund ta ngrejme zonin, deri atehere, nuk bo me fol per policine sa here ndodhin krime. Jo se kam naj respekt t'vecante per policine shqiptare dhe jam i ndergjegjshem per problemet e panumerta qe mund t'kete po puna per parandalimin e krimit nuk nis e mbaron te policia. Sot lexoj qe ky i shkonte naten ne shpi ksaj te shkretes dhe asnji nuk e denoncoi ose nuk foli. Ky po, ky mund t'perbeje shembull t'mire "sehiri" po kurrsesi t'i drejtosh gishtin policise

Po atij ushtarit qe i prene koken ne mes te dites ne UK si i behet? Aty jo vetem po benin "sehir", per te perdorur fjalorin e trimave te internetit, por edhe po regjistronin skenen ne telefona celulare.

Shikoni Klanin tani dhe do gjeni plot te cmendur qe nuk kane vrare akoma. Burri i botes e ka marre gruan e dyte, 13 vjec, nen nje cati me te paren, e ka zhdep ne dru gjithe jeten, i ka bere dhe 9 kalamaj, "se e ka marre me kanun, shteti s'ka pune me ne, ne s'jena kriminele" thote. Ketu ka ende llahtarira qe i miratojne fshatçe, mer njerez.  

Edhe ne Amerike policia te keshillon te besh "sehir" ne keto raste.I vermi detyrim qt fetar eshte te marresh policine ne telefon qe mesa duket qytetaret e kane bere.Policia e ka arrestuar brenda disa minutave pra edhe policia ka vepruar shpejt.

Me shume se kaq nuk mund tju kerkon qytetaret e kur ke te besh me dike te armatosur.Cudi po te kish ndodhur kjo gje ne ShBA nje pjese e komentuesve qe shajne qytetaret do te lavderonin gjakftohtesine e popullit amerikan dhe policise amerikane qe pari vetem nje viktime.

Standarte te dyfishta!

A mund te kategorizohet  nje qenie si njeri normal  ku me paramendim vret nje njeri ne mes te rruges me thike kasapi ?

Une them se jo , ai ka kaluar ne erresire mentalisht. Po keta njerez qe benin sehir perse nuk reaguan?? Po policia pas sa minutash ka ardhur ne vendngjarje ?

Turp per keta qytetare qe kane guxim edhe e pershkruajne ngjarjen me pas , cdmth kjo ??

po kur i pane duke debatuar se merrnin dot policine? ne atelagje ka rajon policie shume afer. mire tha niko kirka," jemi popull me mentalitetin larg boothes teme"

E imagjinon ne cfare niveli eshte gjendja ne komunitet ? Trishtim smiley

tani per saktsi, ai robi nuk ka debatu fare nqse e lexove. I ka shku asaj te shkretes nga prapa dhe ja ka rras thiken pa nji, pa dy. 

Jam kureshtare sa do denohet ky skicofren . Mjer ajo e zeza ka pare llahtar me sy  smiley

I shkofte shpirti ne paqe

Ne Shqiperi ka shume me teper ndjenje komuniteti sesa c'ka ne perendim, apo ne Amerike. Ky rast llahtar nuk mund te behet test i jetes ne komunitet pasi kemi te bejme me nje krim makaber diten per diell. Askush nuk eshte i pergatitur menderisht per t'u perballur me nje situate te tille, vec ne qofte i pranishem rastesisht ndonje njeri i trajnuar e qe mund te jete instinktivisht gati.

Dalja ne konkluzione kulturore apo pergjithesuese bazuar mbi kete ngjarje me duket pa baza.

 

Cfare quan ndjenje komunitare ti? Pirjen e kafeve bashkarisht dhe futjen e mikut per vendin e punes per vajzen? Apo kusherinjte qe vijne per qoke? Ajo eshte ndjenje tribuje, jo ndjenje komuniteti.

 

Nuk shoh se pse tribuja te mos jete komunitet, por kjo eshte teme tjeter. 

Komunitet bejne njerezit qe interesohen per komshiun (neighbor), per me te dobtit, per ata qe jane ne nevoje. Personalisht kete ndjenje interesimi apo solidariteti njerezor ta quajme e kam pare ne shkalle shume me te larte ne Shqiperi sesa ne Amerike. Sigurisht se kjo eshte pershtypje personale por them se ka shpjegim me te thelle historik kjo pune, shkaqe qe lidhen me background-in e popujve.

Jashte shtetit robi me pare vdes sesa ta marre vesh njeri qe ai/ajo ka nje hall. Nese behet fjale per krim, s'ke pune fare me komshinjte vetem me organet e rendit. Kjo ka anen e vet te mire ne sensin qe ka dicka pozitive ne gjendjen "leave me alone/mind your own business". Por me perkufizim nuk perben komunitet, me teper respekt per privatesine.

 

 

 

Mendoj se niveli i interesit kam me shume te beje me nivelin e urbanizmit dhe sa e levizhme eshte popullsia. Ne shume lagje te qyteteve te medhenj kendeja, popullsia nderron shtepi aq shpesh sa shume pak nga njerezit origjinal te lagjes perpara 10 vjeteve jane akoma atje.

Metropolet (city) e kane si vule kete alienimin qe vjen ngaqe njerezit levizin shume dhe behet fjale per numra teper te medha te popullsise qe banon aty. Por une e kam vene re dhe ne kontekst te qyetit te vogel (town) kete indiferencen totale te njerezve deri ne piken "Why are you asking me?" S'me harrohet nje dite kur sapo isha vendosur ne nje qytet te vogel ketu dhe ndalova makinen ne nje shesh parking pasi po kerkoja nje adrese - rruge dhe s'po e shihja kerrkundi, ndonese google maps thosh qe ishte ne ate ane. Ndaloj aty dhe i drejtohem nje amerikani qe po rrinte ne kembe prane makines se vet. "Me fal, a di gje nese rruga filan ndodhet diku ketu afer?" Direkt m'u pergjigj "pse me pyet mua?" Pastaj filloi me aksentin tim dhe arriti deri sa te me thoshte se njerez si puna ime ua kane marre vendet e punes amerikaneve! Sigurisht qe ky qelloi pak i "krisur" se shumica e njerezve jane te sjellshem. Ama kane nje bezdi deri ne acarim kur shohin se robi ka ndonje nevoje per ndihme. Dili zot vetes ose vdis, sink or swim, fly or die! Kjo eshte deviza qe formulon bazen e ndjenjes komunitare ne Amerike. And if you sink or die, well, sorry! 

Une vet nuk kam patur asnje problem te tille, njerez te me jene pergjigjur keshtu, dhe meqenese sa here kam pyetur kam qene ne zona qendrore te metropolit. Perkundrazi gjithnje me kan ndihmuar shume, dhe sa here qe me pyesin gjithnje i ndihmoj, duke i hedhur nje sy dhe hartes ne telefon. Keshtu qe mbase eksperienca jote eshte pakez "anecdtotal" si dhe timja.

Besides, shume nga keto qytetet e vogla jane vetem ne fjale qytete te vogla. Ne rast se jane satelite te ndonje qytete me te madhe, atehere kane pothuajse te njejtin nivel levizjeje qe kane dhe pjesat kryesore te qytetit.

Tribuja dhe komuniteti jane dy koncepte te ndryshme, pothuaj gjithnje ne antagonizem. Tribuja eshte familja; komuniteti eshte bashkesia pa lidhje farefisnore me ato cilesite qe numerove ti me siper (e qe ne fakt jane arritje te perpjekjes per pernaltesim te njeriut, pra jo te nenkuptuara). Dalja nga tribuja per ne komunitet shenon kalimin nga shoqeria rurale ne ate qytetese.

Sidoqofte, aktualisht, aftesite per te bere apo per te qene komunitet jane te ndryshme ne shoqeri te ndryshme: ne Europen Perendimore jane te ndryshme krahasuar me Europen Lindore, ne Amerike te ndryshme nga Europa, ne Azi po ashtu e keshtu me radhe. Arritje te ndjenjes se komunitetit jane edhe perpjekjet per nje shtet me social, se interesimi i komshiut s'ka asnje kuptim nese nuk do te pasohet nga ndihma e specializuar sa me e aksesueshme per te gjithe, ne rastin e nje problemi shendetesor fjala bie.

Ka bishta plot e gjitha kjo, por le te merremi me thelen me pare.

Shume te gatshem te hidheni ne konkluzione. Ne shumicen e botes kjo do qe pergjigja e njerezeve. Shume here, sa me publik te jete krimi aq me e ulet eshte % qe nje person do mundohet ta ndaloj. http://en.wikipedia.org/wiki/Bystander_e...

Dhe dicka tjeter, ne rast se shoqerite perendimore jane kthyer ne shoqeri sehiri, atehere, it is worth pointing out, se dicka komplet e habitshme ka ndodhur ne 20-30 vitet e fundit kendeja, ku numrat e vrasjeve/krimeve etc jane ulur ne nivele super te uleta nga ana historike. Eshte me te vertete e habitshme.

pse lodheni kot o shoke fajin e ka Saliu qe njerezit bejne sehir...ja shikoni sa te vendoset qeveria e re me Edi Ramen ne krye gjerat do te ndryshojne dhe nuk do te na shohin me syte te tilla tmerre...  doni me shume rrofte  PS me Edi Ramen ne krye

un per vehten time kur te shikoj nje njeri me nje thike ne dore do te perpiqem te behem e padukshme edhe kur te qeverisi Edi Rama

Njerzit e kane te veshtire te reagojne kur dikush eshte i armatosun , kjo eshte krejtesisht e kuptueshme. Por edhe levizja e pakontrollume e njerezve nuk eshte shkak qe con ne pasoja te tilla se po te ishte keshtu ne perendim do ndodhte kerdia perdite . Noshta shkaku eshte kulturor po meqe jemi ktu kujt nengrupi kulturor i perket ky Carcani ?

Shkaku kulturor mendoj se duhet pare me teper nga ana gjinore sesa nga ana sociale. Ne Shqiperi ka dhune ndaj femres, dhune qe vjen nga meshkujt, nga menyra si keta e perceptojne veten, sensin e nderit, burrnise etj.

Thjesht te perpiqemi per nje cast te imagjinojme nderrimin e vendeve ne ngjarjen me siper. Sa shanse do kishte qe te ishte gruaja me thike ne dore duke i rene burrit? Nje me njeqind, them une.

Dakort se ne raste te tilla dhune ndaj femrave eshte ajo qe thu ti vulnerabiliteti i gjinise femerore . Por nuk duket se shqiptaret jane te gatshem per ti shkoqit gjanat deri ne esence se pse ndodhin fenomenet negative . Ma teper preferohet qe shkaku te kerkohet te te tjeret pa perfshi domosdoshmerisht edhe  vetveten apo grupin a nengrupin ku ata mendojne se bejne pjese .Per ket lloj llogjike gjithmone kalohet ne "NE" dhe "ATA" ne nje kohe qe duhet te ishte "NE" .

Une jetoj ne Itali prej shume vjetesh dhe ligji me ka detyruar gjithnje te regjistroj adresen e shtepise ku banoj dhe te ardhurat e mia, miqte e mi i ka detyruar te regjistrojne femijet ne kopsht dhe ne shkolle dhe te shkruhen ne nje liste punesimi kur kerkojne pune. Tashti, ku eshte levizja e pakontrolluar e njerezve ketu? 

Nuk e di per ne Itali por ne Kanada dhe SHBA po nuk pate nevoje per tu regjistru ligji nuk te detyron dhe mund te levizish ku te dush ashtu sic edhe levizin njerezit perhere . Por levizja e lire e njerezve nuk ka lidhje me ngjarjen ma siper . Ai robi ishte i divorcum prej 2 vitesh qe do te thote se gjykata ka pas nji adrese te tij por kjo nuk ndryshon asgja ne ate qe ai ka mendu se si mund te zgjidheshin problemet e tij . Nuk eshte vetem ligji ai qe i ndalon njerzit mos me vra . Levizja e pakontrollume e njerezve pikesepari apelon te shqiptaret qe e kane kalu kufinin e Shqiprise . Kontrolli mbi njerezit nuk eshte aq rrezultativ ndersa rritja e vetdijes se ca eshte e dobishme per te gjithe noshta mund te jete ma rrezultative .

...po ligji luan pjesen kryesore...se kur shef qe ai tjetri vret e perdhunon dhe del pas ca vitesh (sikur ka vjedh ca portokalle) ...normal qe te gjithe mendojne "ec se ja gjejme menyren" 
Edhe ky tipi mund tja gjej menyren, sidomos ne periudha tranzicioni ku gjyqtaret dun me bo sa me shume lek, se si dihet vendit punes....

Morali ekziston, pa dyshim....por ndeshkimi eshte cka njerzit i step realisht...dhe ne shqiperi njerzit e kan doren shume te lire sepse kan miq edhe kan pare....keshtu qe mund tja lejojne vetes te vrasin pa ja bo syri tert.

Kam qene ne usa. Me skanerizuan beben e syrit dhe me moren shenjat e gishtave kur hyra per here te pare. Besoj t'i marrin shenjat e gishtave edhe kur ben patenten, nese s'gabohem. Plus vajta ne shkolle per femijet eshte e detyruar me ligj. Po keshtu nese nje fshat x shperngulet ne 80% te numrit te banoreve ne nje zone afer ny ta zeme, nese kjo praktikisht eshte e mundur, nuk besoj se shteti qendron indiferent. Ky eshte kontrolli qe nenkuptoj une.

Tashti, pas '90 ne Shqiperi pati levizje te medha te popullates, te cilat ne zonat "e virgjera" nuk u shoqeruan me nderhyrje urbanizuese (regjistrime, kanalizime, hapje shkollash e kopshtesh, struktura sanitare etj etj). Keto jane politikat e kontrollit te shtetit borgjez (ta quajme), Biopolitika pra. Po keshtu, levizjet qe u bene per ne qytetet kryesore, u aktivizuan saje politikash te emerimeve tribale, bazuar ne interesa te fisit pra. Te demtuara kane qene te dyja palet: si te ardhurit e crrenjosur nga sot neser nga konteksti socio-kulturor, ashtu edhe te gjeturit te cilet "u permbyten" nen valen e "zakoneve te reja" te te ardhurve, (pa folur per konkurrencen.

Aty ku ka interesa te klanit, s'ka interesa te komunitetit, s'ka aftesi kontrolli, perkundrazi. Aty ku struktura e shoqerise eshte klanore, zor se do te kete vend edhe per zhvillim te prodhimit, treg te lire, ngritje te nivelit te jeteses, qetesi sociale. Shiko mafien e jugut te Italise.

...ky eshte problemi i artisteve, qe mendja e tyre eshte si frymezimi, iken e vjen papritur....
na mbyten psikopatet !!!!

Interesante, nivelet e krimeve ne shqiperi jane me te larta se shumica e vendeve evropiane.... dhe rritja me e madhe ndodhi ngjate krizes politike sipas nje artikullin te bw.

S'ka ndonje gjo mer jau, kjo pune eshte si ne filma tradheti, divorc, seksmashin, pastaj si pasoje ne vazhdim ther si berr, futja ne kopaçe krese, gjak dynjaja, te ka lezet shpirti.

Problemi eshte se kur ndodh vertet ne jeten reale para syve, te gjitheve u shkon shtate ne qase prej frikes, o mama gjaku, dhe ne sallonin e sinjora Bertinit fillojne arsyetimet metafizike me shkaqe kulturore, civilizuese, urbanizuese, feminizuese, bjeri ti biem tallamazit qe largon friken prej vdekjes me numra cirku metafizike kush ben poza me te bukura.

Ne fakt mjeti me i mire dhe me edukate qytetare per te larguar friken e vdekjes eshte futi duart ndonjeres, dhe mos gerthit shume andej nga fundi sepse shqetson komshijte.  

Lerini kisha e xhamija, se feja e shqiptarit eshte shqiptaria......pikerisht ky lloj identifikimi qe i bejme vetes, eshte dhe handikapi me i madh si popull....pa fe, pa Zot.....pa parime....te tjerat komentojini si te doni!

kjo teme me tregon edhe nje here se sa nuk i kihet haberi indekseve kulturore ne ndertimin e nje shoqerie. zaten prandaj degjon mufka pafund si "triumfoi kultura", ose skrapari ka kulture te larte ne krahasim me kuksin o lla (e thonme gja me qesendi te modhe kjo), ose ju qytetaret te kpusni ne kryqe mo, mos e pyt, ne "fshataret" kaq dime. Etj etj, cool-lliqe nga ato qe marojne ose me sy te shkel, ose me ate robin qe i gju tokes me shqelm kur qesh.

ketu nuk kapet ndryshimi as edhe ne ate te thjeshten fare, qe quhet "rreth i besimit" (circle of trust), i cili shkon nga tribuja, klani fisi familja (itali e jugut, ballkan, lindje e mesme etj) tek mbare shoqerorja (gjithe vendet e evropes veri-perendimore, ku ka edhe perkatesi protestante).

e ka nje arsye zaten qe pse ne emer te familjes a klanit ne shqiperi gjithnje eshte bere e behet baterdia, dhe se pse rojes se spitalit, edhe kur s'ta kerkon i pari, do i fusesh 2mije lekshin ne dore.

kto gjona dun perendite e olimpit (e jo ed ramen) te zbresin te gjitha bashke e? edhe jalla, naj mm ndryshim.  

Si mund të bëhet sehir përballë një krimi të tillë?  Përballe cdo krimi?  Rast i vecuar apo rrjedhojë e një shoqërie "sehiri"?

Rast i vecuar patjeter. Te cmendur ka gjithandej. Shumica e njerezve nuk do te kishin guximin, por mbi te gjitha as aftesine e nevojshme per te ndalur nje te cmendur si i rastit ne fjale.

Ja, le te bejme nje sondazh ketu ne peshk: kush nga ju do kishte guximin dhe aftesite fizike dhe njohurite e duhura per te neutralizuar nje subjekt burre ne dukje i fuqishem me pamje te cakerdisur dhe me nje sopate ne dore?

Kronika e zeze boterore ka plot raste si ky. Le te mos pergjithesojme e te mos krijojme alarmizma te kota. Ka plot probleme te tjera Shqiperia.

"keta" kane marre fund si njerez, qe kur e justifikuan per vrasjet. 

50 vitet me ta ashpra. s'ka mbet me fije njeriu ne ate vend... na mbytet bijt e komunisteve duke justifikuar dhunen totalitare dhe vrasjet makabre...

keto te sotmet mund (!) te shihen edhe si pasoja. ndonje fetar mund ta shpjegonte kte me rilindjen pas pranimit te fajit, qe tek ne s'ka ndodh akoma...

smiley

Ka shume menyra sesi te evitohen keto mosperfshirje apo sehirlliqe, se po shkoi deri aty .. ( qe fundja per njerez kalimtare nuk eshte aq e thjeshte te nderhysh sepse je i papergatitur per terrenin aq makaber dhe te rrezikshem ) E para eshte ligji. E dyta, njerezit duhet te behen me koshiente dhe te pergjegjshem. Psh keto ngacmime, abuzime nuk i kane fillesat ashtu te tipit ' hej u zgjova sot ma dha truri do marr sopaten apo thiken e do marr hak'. Ky tipi apo te tjere si puna e ketij psikopate kush e di sa ka kohe ka qe e i ben harassment lart e poshte viktimave te tyre. Po te raportohen ne kohe probabiliteti qe ajo te ish gjalle sot do ish me I madh. Me kete nuk dua te fajesoj viktimen, por dhe njerezit , komuniteti atje duhet te jene pakez me vigjilent ndaj sjelljeve te tilla, qe cojne ne tragjedi. 

asgje e re nga fronti xhelozi-krim. rasti ne fjale s'ka te beje fare fare me mos ndihmen e komunitetit. 

shoqja monda

po sikur e lam qe pas 23 qershiut ju militantet socialist do te vinit me nga nje  karafil* ne goje duke promovuar le bien être e popullit ton te shtypur nga qeverria e zeze paraardhese?!

* mund te behen dy karafila ngaqe nuk e pandehnim fitoren e shokut ilir

"Kërkoi ndihmë Valbona"?

"Po. Ajo kërkoi disa herë ndihmë dhe më pas thoshte ajuto".

dhe kjo mavrija kur ka pare qe asnje shqiptar nuk doli ta ndihmonte, paska thirrur italisht... kushedi, mbase gjendej ndonje italjan aty pari, te pakten...

Nejse mo tragjedia ndodhi , nuk duhet te ndodhte , po per qenin a u kujdes njeri apo e lane ne meshire te fatit smiley

Mbroni veten mbani armen ne brez dhe mos hezitoni ta perdorni! Ne shqiperi nuk ka shtet ligjor. Ligjin e bejne te fortet e cdo qyteti dhe fshati, te gjith te lifhur ngusht me politiken. Prandaj nuk duhet denimi me vdekje sepse ata qe kane fuqin jan kriminelet, hajduet dhe banditat qe kane nganje dosje te hapur diku ne europ azi apo amerike. 

si perhere "Brilantesa" e gazetarise shqiptare nuk paska kufi e te mbarume !

Nuk e di se si e perfytyron kjo gazetarja ndihme ne kete rast ???????

Ne Angli i prene koken ne mes te rruges e ne dite me diell e nuk u fut njeri ta ndihmonte e car pret kjo tani nga banoret ne Tirane???

ca koicidence Pjeter, edhe kete fatkeqen Valbona e quajne....

keq puna, keq!! une mendoj qe per "hakmarrje", kshu sipas qejfit, dhunen ne familje, dhuna ndaj grave.. vetem masa radikale, p.sh denimi me vdekje por edhe te tjera, mund ta minimizojne fenomenin... e te 10-sha BE dhe Evrope.. nuk ke ci do kur ke probleme te tilla ne shtepi..

Po kur nuk denohen 25- to life per vrasje , ose me denim me vdekje , perse mos vrasin keta plera meshkuj kush po i ndalon ??

E kam parasysh qenin mashkull tipik shqiptar qe me kafsherine injorante qelbur koke e kembe kerkon t'i shkoje  e vetja duke abuzuar si sadist derisa e vret gruan apo kushdo qe e kundershton - keta zagare , keta qenj rrugesh nuk duhet te dalin nga burgu me

Si nuk u vjen keq per femijet?!! E habitshme. Injoranca e madhe, se nuk e besoj se e bejne n'emer t'dashnise! 

smiley

NDIHME PER GRUAN SHQIPTARE PLEASEEEEEEEEEEEEEEEEE- KU KOMUNITETI ?? LIGJI ??

Elba,e pare ne kendveshtrimin tend ,duket se i gjithe shkaku dhe mbrojtja e femres ne keto raste,do ishte pikerisht komuniteti qe atje s'egziston,por,ne itali ne kete periudhe po ndodhin aq shume masakra te tilla,krahasimi nuk eshte justifikim,aspak,por mendoj se duhet pare thelle ne "formimin" e ketyre meshkujve,ne sfondin familiar,kulturen e trasheguar-.gruaja prone- ose ne rastin e skulptotit,nqs na genjen mendja qe me kete titull hamendesojme nje njeri me te kulturuar,duhet shkuar thelle ne psiqiken e semure te tij ,pra them me keqardhje se raste te tilla fatkeqesisht do kete akomasmiley

lere pastaj ligjin per ne itali ,per trajtimin qe i behet ketyre rasteve eshte i turpshem,dhe ketu hyn komuniteti,po e ngrejne zerin perdite per kete gje.

ideja eshte qe kto qe vrasin, shfaqin me pare shenja. Permes dhunes fizike a verbale...dmth ka jo pak mundesi qe te shmangen si raste.

Po komuniteti pra , qe prodhon meshkuj qe ushqehen cdo dite me inorancen si psh  :

- gruaja te ve perpara ,

te vuri gruaja perpara,

e mori ne qafe gruaja ( se eshte budalla robi zotit ose kalama dhe gruaja duhet t'a rrise !)

t'a ka fajin gruaja, grua e poshter ( qe ha drru pernate )

e ka llapen kaq ..........!!

gruaja qelbesira , maskaresha, i vuri kazmen shtepise

e ndyra e la burrin (se kushedi ke ka gjet tjeter!!! ( se duhete te gjesh tjeter te leshs burrin qe se do ose nuk e duron dot me dajakun dhe izolimin)

Gruaja qe me paturpesi kundershton gomarrlleqet e burrit

gruaja qe nuk njeh rregullat dhe te shtroje kurrizin se e ka per detyre

gruaja qe shet gjakun te rrise kalamajt dhe ne darke nuk duroka dot perdhunimin nga burri  heh !!

gruaja qe nuk di c'eshte qefi , e dalura , orgazma , e qe punon token gjithe diten e ka hak sopaten nqs i kthen fjale burrit

gruaja e pabesa te vritet ne sy te femijeve sepse une jam nje specie qe nuk nuk shoh dot pertej hundes time dhe vej nderin tim "ne vend" duke ja marre jeten e duke i then burgut (per 3 muaj) hapu !!!!!

Kshu pra gruaja ne varr pa nder dhe une mbi dhe me nder !!!

Se jam bir i nje komuniteti qe me polli e me rriti si monster

 

Ooooooooooooooooooo ç'tmerr ç'tmeeeeerr !!!! E kam patur shoqe klase ne gjimnaz Valbonen, por nuk po e rinjihja nga mbiemri i te shoqit !!! 
moooooooooooooooooos

Në Ballkan është një vend i cili kufizohet me vetveten. Ku të papunësuarit më tepër punojnë, ku në tokën më pjellore jetojnë më skamorët dhe më të uriturit. Ku treni ç’do herë vonohet nga koha e caktuar. Ku të gjithë shpejtojnë për punë ndërsa asnjë nuk arrin në kohë. Ku shëndetësia është falas kurse shërimi është i shtrenjtë. Ku një pjesë e gazetarëve janë të lirë të shkruajnë vetëm atë që iu rekomandohet. Ku kriza botërore ka fituar shtetësinë, ku shërbimet publike janë fshehtësi ndërkaq fshehtësitë shtetërore publike. Ku më të pasur janë ata që asnjëherë nuk kanë punuar. Ku njerëzit kremtojnë festa fetare dhe shajnë zotin. Ku të mençurit i shpallin për të marrë ndërkaq të marrët për të aftë. Ku ligji është ilegal e anarkia normale.Ku pushteti përbuz popullin si dëshmitar i padëshiruar. Ku jetohet për ardhmërinë pa të drejta për të sotmen. Ku gjithkush përqesh tjetrin dhe askush-askujt nuk ia do të mirën. Ku proçeset gjyqësore zgjasin më gjatë se jeta e njeriut. Ku vërshimet janë mundësi e vetme për ujitjen e tokës.Ku thirret në diktaturë të maskuar e demokracinë e trajtojnë tatim për budallët. Ku vlerësojnë se shteti më tepër përparon në prapambeturi. Ku nuk je normal nëse nuk shkallon nga mendja. Ku jeton vetëm që ta presësh vdekjen,ku koha është amshim e budallëku pambarim…

NYT

Valbona dhe Genci kane qene nje cift I mrekullueshem qe fatkeqesisht e kane nisur jeten me nje plage te madhe. E tnerrshme kjo qe ndodhi pas gjithe perpjekjeve te tyre dhe te familjareve qe te arrinin nje jete disi te ekuilibruar. Valbona nuk eshte gruaja qe rrihej nga brri nate per nate. Valbona ishte nje nene e re qe jeta e denoi shume keq per nje pakujdesi qe kushedi sa nga ne mund ta kene bere. Genci ishte burre dhe baba I perkushtuar qe humbi mjerueshem ne lufte me semundjen e tij dhe te gruas. Zoti e ndihmofte ate dhe femijet. Eshte shume e rende

Më se dakort per sa thua:  eshte shkruar edhe ne media (dua te them, nuk po nxjerr ndonje 'sekret' familjar, do isha i fundit qe do me shkonte mendja per gjera te tilla), ata humben ketu e 15 vjet djalin e vogel 4 vjeçar (ra nga ballkoni, per arsye pakujdesie te te rriturve), por me duket e pabesueshme (une ende nuk e besoj qe Valbones ti kete ndodhur ajo qe i ndodhi, se fundja i shoqi eshte ende gjallë) te arrihet deri ne ate pike ! 5 goditje me thike, njera pas tjetres, ne mes te nje qyteti ?????!  Une them qe nuk eshte e vertete, per mua nuk ka ndodhur... . Une nuk mund ta mendoj nje njeri qe arrin ne ate pike, pa kaluar me pare tek disa gjera shume here me te vogla, qofte edhe per nga nje vizite te psikiatri. Aq pa fjale jam, sa perpiqem te rikujtoj "aurora", te vetmin film qe kam pare te kete nje histori identike, por vika nje moment, qe dhe arti nuk jepka me 'shpjegim'...
llahtar... llahtar

po stalker po!! Ketu eshte cmendine e mirfillte.

....probleme mendore !!! depresjoni i bje me qen problem mendor sipas qasjes...bohhhhh keta gazetaret ngelen duke shpikur ujin e ngrote !!!

Eshte e kot te mundohesh te gjesh ndonje shkak per nje veprim te tille. Ne nje moment lodhjeje dhe deshperimi Genci ka gjuajtur mbi fatin e tij jo mbi Valbonen. Kete nuk e dine me siguri se po ta dinin do kishin bere dicka familjaret. Vajzat e ndiejne, babi I Gencit e ndjen dhe e ka thene ne intervisten e tij.

nuk me duket tamam ashtu
nese do kish dashur te gjuante mbi fatin e tij, do kish gjuajtur mbi veten, e jo mbi te shoqen
 

Une kam kohe qe hyj ketu dhe nuk kam shkruar ndonjehere ndonje koment. Gencin dhe Valbonen I njoh dhe me dhemb cdo fjale qe shkruaj per te dy. Genci ka familje shume te mire, prinder te kujdesshem. Po te kishin pare ndonje shenje do kishin qene te paret qe do benin cdo gje per ta ndaluar.

So ti po thua ska qene asnjehere violent ai, no temper. Nothing? Nada? Cudi. 

Te shkretet prinder,iu eshte vrare gezimi,e kane shtyre deri ketu dhe ja fundi tragjik,heshtje ne kete dhimbje te madhe.vajzave force dhe durim per te kuptuar xhestin e babait!!smiley

Mimoza, ne qofte se te kam cuditur e kam bere krejt pa dashje smiley. ( E vetmja fytyre e lumtur ne kete histori)

Me mire fytyre e lumtur sesa e frustuar? Si thua?!! Pastaj ku ma pe fytyren ti mua? Shume i/e ndjeshme qenke. Une e kisha seriozisht kesaj rradhe , serioze. 

Nuk e shkruajta per fyfyren tende po per smiley face qe vura te mesazhi I meparshem

Cfare traume per femijet! Gjysherit s'qene ne gjendje te mbrojne vajzen e tyre, cfare garancish japin qe mund te kujdesen per niperit? 

heshtja qe bejne. Keta prinder te kishin ngritur zerin me pare, dhe te kishin bere dicka per femijen e tyre, mbase ajo do ishte gjalle tani. E paska dhunuar sistematikisht vite me rradhe dhe asgje nuk kane bere!! Ja pra kjo eshte sehirlliku qe bejne atje. Si me qene xhungel. Ka ligje atje, ka te drejta njerezore apo cfare?!! Femija 3 vjec qan dhe kerkon te jetem tani! Ka me tragjedi se kjo?! 

Mendoj se shprehja ‘për motive të dobëta’ nuk qëndron për një krim të kryer brenda familjes. Në fakt, duke lexuar kronikën e zezë të bën përshtypje, se me sa lehtësi i kalon ajo motivet që mund të shtyjnë dikë të kryejë një krim brenda familjes, i kuptuar kryesisht si krim ndaj bashkëshortes. Një vrasje për motive të dobëta do të ishte ajo e kryer pas një sherri banal, por jo një vrasje që merr jetën e bashkëshortes, për më tepër atë të nënës së fëmijëve. Sipas meje, këto motive që, në pamje të parë, bashkohen në një ombrellë të vetme ‘motive të dobëta’ janë shumë më të forta nga sa mendohet. Të gjitha ato që konsiderohen motive të dobëta, si p.sh. xhelozia, rivaliteti intra-familjar, apo dobësia për pijen, etj, kanë në thelb një komponente të përbashkët. Ato janë karakteristikë e një burri të bërë vetë, apo një self-made man (edhe pse shpesh ai shndërrohet në një madman). Sipas meje, një burrë do të jetë i prirur të keqtrajtojë bashkëshorten, nëse është një burrë i bërë vetë, apo një ‘self-made man’. Self-made man është ai burrë që fiton dora-dorës terrenin që i duhet për të krijuar dhe mbajtur bashkë profilin e tij publik. Ky terren i fituar dora-dorës, dhe jo menjëherë, në fakt nënkupton një ecejake të pafund. Ecejaket e tij e kanë një itinerar të përcaktuar, ato sillen e risillen përqark orbitës së luftës së tij per veten. Kjo orbitë është e mbushur me iluzione dhe deluzione për burrin. Por, interesant është që deluzioni më i madh është gruaja. Çdo kërkesë e gruas është një deluzion. Çdo shfaqje e feminilitetit të saj është një deluzion. Kërkesa për të dalë me shoqet, është një deluzion. Dëshira për të blerë një fustan të ri është një deluzion. Deluzion, pasi nuk gjendet në orbitën e tij. E ndërkaq, cdo sfidë e re, është një iluzion. Çdo takim me një shok, një iluzion. Çdo ftesë nga një epror, një iluzion. Mendoj, se një self-made man duhet të dijë të dalë nga rrethi vicioz. Duke ndryshuar ndoshta punën, ndoshta vendbanimin. Gjithcka që duhet për të dalë nga rrethi vicioz. Për të dalë nga orbita e luftës për veten dhe për të hyrë në orbitën e luftës për familjen. Dicka, që një self-made man e ka shumë të vështirë ta bëjë, por jo të pamundur.

Lirka, 

s'e di ku ke dashur te dalesh, po ky burre qe ke pershkruar ti, eshte shumica e burrave dhe i bie qe gjithesecili te kete prirjen per te vrare gruan, sepse gruaja nga ana tjeter, do kerkoje gjithnje te dale me shoqet, te bleje nje fustan te ri. Dhe me sa kam pare une, burrat qe e kane arritur cdo gje me forcat e veta (se "burre i bere vete" me ngjan si burre i droguar) jane me te logjikshem dhe me te bute se ata qe "i ka bere babi". Keta te dytet kane iluzione me te medha e rrjedhimisht dhe zhgenjimi e frustrime qe mund t'i shfryjne tek ata qe kane prane. Pastaj, mosrealizimet per pasurim te shpejte, pastaj bixhozet, lojerat e fatit, pija,  etj. etj. po shnderrohen ne plage sociale sidomos per shtresen e varfer te popullsise. ndaj s'pajtohem me perfundimin tend. 

Ana,

Ky është një profil që kam bërë për dikë që dhunon sistematikisht, apo kryen krime brenda familjes. Por, mund të ketë dhe profile të tjera. Një burrë që arrin gjithcka me forcat e veta dhe një self-made man nuk janë e njëjta gjë. Një burrë që vetëkrijohet është një burrë që derdh një formë të vetën në publik, krijon profilin e tij publik. Këtë profil, ai e krijon dora-dorës, duke luftuar për territorin e tij pëllëmbë për pëllëmbë. Mendoj, se kjo mënyrë e krijimit të profilit publik është e  një rëndësie të madhe, në analizën e këtij fenomeni. Pra, nuk është fjala këtu për njerëz me endowments. Këta njerëz nuk kanë pajimin e nevojshëm dhe kjo kuptohet jo vetëm si pasuri, por dhe lidhje, njohje, shprehi, dhunti, etj. Njerëz të këtij profili vijnë nga një origjinë e thjeshtë, e papërfillshme madje. Ajo nuk shërben shumë në startin e tyre në jetë. Ky pajim i munguar i burrit është në kontrast të fortë me pajën e supozuar të gruas. Por, këtu hyjmë në të tjera konsiderata... 

Lirka, 

nuk e di mbi c'baza e ke krijuar ti kete profilin, nga c'kam lexuar une per vrasjet ne familje, ata te zinjte vetem figure qe s'kishin krijuar, perkundrazi jane qenie gati pa personalitet. Per mendimin tim, ata lloj burrash qe pershkruan ti, qe kerkojne te ngrene nje figure publike ne lagje, ne qytet a ne familje, mund te jene te eger, te ashper, te ushtrojne dhune ne emer te nje morali apo se duhet bere sic urdheron i pari i shtepise,  por nga ana tjeter mendoj se vete ata i ruajne keto norma, pikerisht sepse kerkojne qe figura e tyre te mos perbaltet nga shoqeria. Ndaj vazhdoj te them qe kategorizimi qe ben ti nuk eshte i sakte. Ose te pakten, nuk perfshin pjesen me te madhe te personave qe kane kryer vrasje per "motive te dobeta". Me sa kam lexuar une, ndonje tek-tuk mund te kete pasur personalitet te forte e te spikatur, qe ta justifikoje deri dhe vrasjen. 

Kur paska vajt biseda tek well-endowed, not-so-well endowed, le te hyjne edhe konsideratat e tjera.  Ka vend. 

http://www.balkanweb.com/shqiperi/2685/t...

Ku mund te dergoj nje leter indinjimi si shtetase shqiptare, si moter, grua, nene , shoqe per situaten e krijuar ku 5 gra shqiptare jane vrare brenda javes dhe eshte turp per ne te fleme gjume .

ndonje sygjerim ju lutem , pervec gazetave

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).