Diagnoza: mendç,

luajtur, krisur,thyer,

qelqi i syve të syzeve

po shikimi po tresh

mbetet, dyfish si avulli

nëpër fjalë, shtoi edhe

pështymën buzëtharë...

Shkreta mallon e shkreta

përin e shiut, retë, po ato

shkojnë përkundër, përdrejt,

thithje është puthja, krejt

shi e vërteta kur bie, qull

gjysmë të vdekurën foshnje

krahëve të skeletzinjve,

poezi është liria në uri,

por jo liria e urët e paurë,

jo uria patëdalë, pafaj kush

lindi padashur pa dash-uri,

mur, dy mure një mbas një

në të dalë të jetës, kush hyn

s‘di e s‘ka se si se çfarë, më

n‘etje, pamëdysh thelbi i gurit,

si fjalë e lagur nga epsh i pa,

i padëshirë, nga padija e pa,

e parodisë e kujt jep shpirt

në kryq, kryqudhë a në kufi,

dy viza nën a mbi përmbi

si kob pikë, pikë nën qerpikë

që ndez të vrarët, zogj e hi...