Po na zihen më shumë shoqet se shokët: Dy apo tre raste ka pasur që janë zënë djemtë këtë vit, ndërsa te femrat të paktën dy apo tre herë në muaj

“Më kë marrë të dashurin dhe për me këtë do të vras!”, “Përse më shikon ashtu? Ti më ke vjedhur passwordin e facebook-ut!”, “Më ke inat se jam më e mirë se ti!”. Këto janë disa nga arsyet se përse adoleshentet e gjimnazeve përfundojnë në sherre, duke degraduar deri në dhunë fizike. Këtë e pohojnë jo vetëm vajzat e shkollave të mesme, por edhe psikologet e shkollave dhe drejtuesit e shkollave. “Jam zënë me vajzat, madje edhe me dhunë fizike. Në fakt, nuk jam e vetmja që zihem. Madje vajzat zihen më shumë se djemtë”, pohon për ‘Shekullin” nxënësja e vitit të II në gjimnazin ‘Qemal Stafa’, Sara Hoxhiq. 

Sherr me thika dhe doreza hekuri

Ndoshta është krijuar ideja që sherri tek femrat ndodh vetëm me fjalë apo me një shuplakë. Por edhe zënka e tyre është “sofistikuar” disi. Sigurisht, në këtë rast për të keq. Jo më larg se një javë më parë, ashtu siç tregon edhe Sara, janë përdorur mjete si thika dhe doreza hekuri. Por thika nuk është një mjet për të luajtur, por për të lënduar dhe shpesh për të shkaktuar edhe pasoja më të rënda për jetën e kujtdo. “Një javë më parë, në njërin nga baret jo larg shkollës sonë ndodhi një grindje e ashpër midis disa vajzave. Disa prej tyre ishin edhe në klasën time. Grindja filloi për motive krejt të kota. “Jo pse më pe?”, ‘Jo më ke inat!” etj. Por që arriti deri në atë pikë, sa u përdorën edhe doreza hekuri dhe thika. Të bënte përshtypje fakti që askush nuk ndërhynte për t’i ndarë. Por të gjithë qëndronin indiferentë e duke parë. Kjo grindje pati pasoja jo fort të mira për njërën nga vajzat. Kjo pasi njëra mori një plagë të rëndë në ballë. Por megjithatë pas pak ndërhyra unë, dy shoqe tonat, dhe një profesor. Më pas filluan edhe të tjerët që të ndërhynin dhe të ndalonin të gjithë grindjen e krijuar. Nuk ishte aspak normale se si gjithë ato vajza të përfshiheshin në një grindje kaq të madhe dhe të përdoreshin këto lloj mjetesh të forta veç për një fjalë goje. Njëra nga këto vajzat që ishte edhe shkaktare e grindjes, sot është larguar me dëshirë e saj dhe të prindërve të saj nga shkolla jonë. Ndërkohë, vajza tjetër ende edhe sot vjen në shkollë, por me sa di unë edhe ajo do të largohet. Nuk di të them me dëshirën e saj apo se e kanë përjashtuar”.

Një rast nga të shumtit

Por a ishte ky një rast i izoluar? Me sa tregojnë nxënëset e shkollave të mesme këto janë raste të cilat përsëriten herë pas here. “Ka pasur raste të ndryshme grindjesh midis vajzave të shkollave. Madje unë e them me bindje të plotë që këtë vit ka pasur shumë raste të grindjeve të vajzave me njëra-tjetrën”, -tregon Ligoreta Dhamo, – shumë pak janë zënë me njëri-tjetrin djemtë. Por edhe kur ata janë zënë, motivi apo arsyeja ka qenë një vajzë. Madje, pak ditë më parë janë grindur një grup djemsh për shkak të një shoqes sonë”.

Me sa duket, djemtë po ndërrojnë vendin me vajzat në shkollat e mesme. Tashmë “adoleshenca rebele” nuk mbetet më një ekskluzive e djemve, por edhe e vajzave. Të jetë kthyer vallë bulizmi, protagonizmi me anë të forcës, të jetë bërë një motiv i fortë “mbijetese” edhe tek vajzat?

Sherri me fjalë e ndonjë shuplakë? Diçka normale

“Brenda në shkollë përgjithësisht ka grindje. Janë të shpeshta grindjet me fjalë, madje janë diçka normale. Edhe unë jam grindur shpesh me fjalë me shoqet e klasës sime apo me ato të klasave të tjera. Por ka raste që brenda në shkollë ka edhe ndonjë shuplakë apo ndonjë tërheqje flokësh. Nuk është ndonjë çudi e madhe. Por sherret e mëdha me grushte, kapje flokësh e me radhë ndodhin jashtë shkollës. Në këto raste, vajzat mblidhen grupe-grupe dhe zihen midis njëra-tjetrës. Pasi mbështesin shoqen, nëse futet ndonjëra prej shoqeve të vajzës tjetër. Edhe unë jam përfshirë ndonjëherë në këto grindje. Nëse duhet t’i krahasojmë këto grindjet me ato të djemve, nuk kanë ndonjë ndryshim, madje janë shumë të ngjashme”, tregon gjimnazistja, Ligoreta Dhamo. Por sherret nuk mbeten vetëm në shkollë. Sherre e grushte femrash ka sidomos edhe nëpër klube nate, party, kur rivalet ndeshin njëra-tjetrin.

Grushte edhe për të dashurin

Nëse djemtë zihen për një femër, edhe vajzat zihen për një djalë. Arsyet pse ndodhin shpesh grindjet midis dy vajzave lidhen shpesh me një djalë. Ndër arsyet e tjera mund të përmendim edhe dominimin. Pra kush do të jetë më e forta ndërmjet vajzave të tjera. Çdokush nga vajzat mundohet të duket sa më shumë dhe të jetë e para ndër të tjerat. Por janë edhe problemet e moshës ato që shpesh sjellin grindje midis vajzave. Megjithatë, shpesh shumë vajza përfshihen në grindje veç për shkak të shoqeve. “Nëse shoqja jote e ngushtë është duke u zënë me dikë, nuk ke se si edhe ti të mos përfshihesh në këtë grindje. Janë shumë të rralla në shkollën tonë grindjet midis meshkujve”, tregon Sara Hoxhiq.

Po na zihen më shumë shoqet se shokët

“Përgjatë gjithë këtij viti na janë zënë më shumë shoqet se sa jemi zënë ne djemtë, – tregon gjimnazisti Enkli Dedaj, – Ndoshta duket e çuditshme, por është shumë e vërtet kjo që ndodh tek ne. Madje edhe në shkollat e tjera ndodh e njëjta situatë. Dy apo tre raste ka pasur që janë zënë djemtë këtë vit, ndërsa te femrat të paktën dy apo tre herë në muaj”.

 Kriza familjare ndikon shumë keq tek fëmijët

“Unë mendoj që nuk janë motive të forta për t’u grindur “bulizmi” dhe “të dashurit” apo djemtë, siç tregojnë fëmijët. Motivet se përse fëmijët sot bëhen të dhunshëm janë tre sipas meje. Njëra është mosha e re e tyre. Ata janë relativisht shumë të rinj në moshe dhe shumë kush është në dijeni të probleme që kanë fëmijët në këtë moshë. Një motiv tjetër është Facebook-u, pasi është si “benzinë” për zjarrin. Shumë sherre nisin nga një mesazh në Facebook apo ndonjë koment. Por motivi i tretë është ai që ndikon më shumë. Kriza familjare është një motiv që ndikon shumë negativisht tek fëmijët. Ata shpesh mund të jenë pre e dhunës në familje dhe këtë dhune e shfaqin edhe me fëmijët e tjerë në shkollë. Megjithatë duhet theksuar se sherre midis vajzave ka pasur gjithnjë, nuk është një fenomen i ri. Tek shkolla jonë për sa kohë kam në krye si drejtoreshë nuk ka pasur sherre as tek vajzat dhe as tek djemtë. Masat që merren në rast grindjeje janë nga më të ndryshme, por ato merren në bazë të një komisioni i cili përcakton masën e dënimit. Ne në shkollë për të parandaluar këto raste, i kemi qëndruar fëmijëve pranë në çdo moment. Unë si drejtoreshë, nëndrejtoresha, dezhurnët dhe mësueset kujdestare, janë përkujdesur në çdo moment për to. Kjo është diçka e rëndësishme për ta”, tregon drejtoresha e gjimnazit “Qemal Stafa” në Tiranë, Elsa Dedndreaj.

Psikologia: “Sherret e vajzave, thuajse çdo ditë”

“Sherret mes vajzave adoleshente përbëjnë një dukuri që po vjen në rritje dhe arsyet mund të jenë nga më të ndryshmet”. Kështu shprehet psikologia e shkollave, Ilisa Poelna, e cila thekson se pothuajse çdo ditë ndeshet me probleme të tilla me adoleshentët. “Këto janë ngjarje që ndodhin dhe puna jonë është që t’i menaxhojmë sa më mirë të jetë e mundur. Sherret fillojnë për arsye nga më banalet si ‘përse më shikon’, ‘pse më ke marrë të dashurin’ dhe facebook është bërë së fundi një burim sherresh, pasi vajzat arrijnë me metodat e tyre t’iu vjedhin passwordin dhe të futen e të shpërdorojnë materialet e tyre personale”, pohon Ilisa Polena. Ndërkohë, ajo thekson se nxënëset të cilat janë me nota të mira zakonisht nuk përfshihen në sherre. “Vihet re se vajzat të cilat mbahen si të forta dominojnë në sherre. Mendoj e ato kanë parë modelin e ndonjë femre të tillë dhe mendojnë se me anë të sherrit mund të zgjidhin çdo gjë”, pohon psikologia, Ilisa Polena, duke shtuar se vajza të tilla në një gjimnaz fitojnë edhe simpatinë e masës, ndaj dhe nuk heqin dorë për të qenë ‘të forta’ dhe të krijojnë sherre.

44 Komente

Qe eshte bere keq e dija une por deri ketu? Paska pasur te drejte ajo: Ske ndonje shoqe per kete shokun tim qe te ikim te katert me pare ndeshjen?

Jo i tha ajo,shoqja te merr te dashurin. smiley

Po ua ka dhene Kokedhima rrogen, urgjentisht te beni sevap gjakundi  a  me gjekafshe.  

Palo gaz-etarllek. 

eh,sa kane ndryshuar kohet...njerezit desha te themsmiley

Me sa duket feminizmi nuk ka bere shume hapa ne shqiperi, sidomos ne gjimnaze. E po te zihesh per djale... wow, c'bera une qe ika.

Ja edhe maskilizmi, gjithmone gati te tregoje sa te degjeneruara jane EDHE femrat.

Perndryshe, nese e keni per ngrefje, me mire ato temat me foto shalesh e gjoksesh.

Perndryshe, nese e keni per te thene sa e degjeneruar eshte tashme koke e kembe kultura shqiptare, a nuk mjaftojne 99% e artikujve te perditshem?

Me duket se gjinia e postuesit te artikullit eshte femer...

Tropi mbianalize prap ti? Po pyete njehere ate qe e ka prure per ca e prure, apo dhe ajo vuan nga maskilizmi pa e ditur?

ti demek nuk je e dhunshme... ? kete do te thuash?

smiley Epo ja, barazie gjinore i ka keto. Nese meshkujt fillojne te depilohen, nga ana tjeter femrat nisin sherret.

@Ajku

doreza hekuri jane keto

 

nuk ta vrasin doren keto? se kundershtaren po e po.

Jo, sepse jane projektuar me ate dorezen qe mbeshtetet tek pellemba e dores dhe e shperdan kunderforcen ne vend qe ajo te perqendrohet te gishtat.

E paske bere proven, pakapo ?Ç`ne me lazem more djale?...Doreza e hekurit edhe po nuk ta vrau doren gjurmen do ta  leri

Jo ore.  Pse ditkam mbi dorezat e hekurit i bie qe te kem provuar te qelloj ndokend me doreza hekuri? Ncncncn.

Ja ? Po sa  di une kinezçia, mesohet te flitet me kineze...e jo me vetvehten

Grava, nje fizikant di ta shpjegoje 100 here me mire dhe me detaje procesin e qitjes me arme sesa qitesi me i mire ne bote. dhe fizikanti nuk ka nevoje te shkrehe arme qe ta beje kete gje.

+ ne djall forcat. syri me thote se dhemb, prandaj dhemb.

ti qe me quajte mizantrop? ty te ka bere fertele L2T.

Pse, sepse shkrova sa te madhe e ka rrezen Toka?  

300 fjal sa nji fshatarsmiley. e du un pronarin e qenit po qe n'shitjesmiley jam pronar cirkusmiley

Po, por dhe fizikani i ben disa skica, dhe perdor ca formula qe shkenca dhe u thote "prova", ... zoto

edhe i ben vete ato provat o grava, po nuk eshte e thene qe te qelloje me arme ne lule te ballit te ndonje gjeologu apo poeti. smiley pse u kapa me ty ne kete pike, as vete nuk e mora vesh. smiley

Po mundohem te imagjinoj nje femer me kete ne dore. Jo vetem unaza, jo vetem thonj te gjate, por edhe kete. Merre me mend ca behet.

P.S. Mu kujtua kjo puna e thonjve. Ka plas moda e thonjve te gjate ketej nga ne, qe s'ta merr mendja. Kur shkruajne ndonje sms del dicka tip Alkjkiu. Po kur lajne pjatat si ja bejne? Apo nuk kushtojne ti besh.

E gjitha sa  flitet me larte, eshte nje pjese shume e vogel e sherrnajes se madhe. Eshte realisht pasoje   e nje fryme te pergjitheshme ne shoqerine tone "pluraliste" te "kultures" dominuese "te  sherrnajes".

Nje "virus" qe adoleshentet i prek ne tru... 

Ne fakt nje lloj sinjali per keta ti e kishe dhene.

jane te verteta. Rastesisht me qelloi perpara disa ditesh te shoh nje sherr vajzash gjimnazi mu ne mes te rruges. Kur i ndane, njera prej tyre kullonte gjak ne pjesen e fytyres. Dhe kur mendon qe jane vetem 15-16 vjecare. smiley 

Cili eshte nr i urgjences qe duhet te marresh ne tel ne Shqiperi kur te vjedhin te dashuri/en, 1 900 olele?

Kur jetonja ne TR shkoj per vizite te nje cift pleqsh amerikane qe me pyesin te shastisur "mor po pame komshijen ngjitur duke u zene e shkulur floket me nje komshije te katit te peste. I keni zakon ju keto gjera? Jo per gjo po kto jane gra te martuara e me femije". I pashe nje here venger e u thashe "Epo grate tona nuk jane si gruaja e Mitt Romney-t" (se ishin Mormone kupto ti), "Kto te tonat te marrin gjak ne vjetull." Kutpohet nuk kisha konceptin e Jerry Springer-it asokohe qe t'i thonja "cdo komb ka white-trash-in e vet, por ne jemi mbi mesataren"

Eshte problem i vjeter dhe i njohur .Kane qene probleme te Organizates se Rinise smiley  tani nuk e di kush OJUQ Kina Nenat e Baballaret  e mbulon .Po nje gje eshte e vertete  Kane ndrruarr mjetet .  Me perpara ziheshin per Lershrash tani si Hunjt me hekurishte . Vajzat tani po perdorin mjete Burrash si rezultat i brazise gjinore ose Orientimit Seksual . Po them se si problem do ishte me i kendeshem neqoftese na bien prurje me grindje te "gejve Pasive " per marrje dashnoresh smiley Kushedi si do shqetesohej ndonje shume niksh ketu po ti marrin dashnorin smiley

Si thu ti Grava qendron ky problem per te ardhmen ?

S'do mend, ne kohen tone, vajzave te shollave te mesme ju rrasnin nga nje automatik ne dore dhe i mesonin te qellonin ne shenje ne 200 metra distance. Sot u perdorkan vetem doreza dhe ndonje si thike. Dhe thuaj pastaj te mos kesh nostalgji per 1997 e arte.

Trimat i mori 97-ta, por jo trimereshat. Ose me sakte, gangot dhe gangeshat

Kjo pune rregullohet nepermjet sistemit te gjobave, vur gjobe (shkolla ta kete kete te drejte), dhe kur nuk e paguajne, ta lajne nepermjet punes, pune qe ia cakton shkolla, dhe kur e refuzon edhe kete, perjashtim. Ketu ne perendim, kur zihen dy a me shume nxenes, mblidhen, del kush e kish fajin, zgjidhet çeshtja brenda dites, duke pyetur edhe deshmitare/shikues te ngjarjes, dhe perjashtohet fajtori ose te dy palet, ose njeri paralajmerohet dhe tjetri perjashtohet, siç e gjykojne mesuesit, kujdestaret dhe keshilli i shkolles. 

Poooo, tipike ne shqiperi:

drejtoresha: he moj vajze e mbare, pse ja fute me thike shoqes se klases

vajza 1: e ka bo me tdashurin tim

mesuesja: po mos moj vajze e mbare (vajzes tjeter), pse e bone me tdashurin e asaj

vajza 2: po ju nga e dini??

vajza 1: po ishim treshe

drejtoresha: mir, mos ndodhi me. qe te edukoheni, pastroni banjot

vajza 1: ok

vajza 2: patjeter

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).