"Arti Modern, armë e Agjencisë Qëndrore së Inteligjencës"

Para disa ditësh isha te Guggenheim, muze mjaft i njohur në NYC me art Impresionist, Post-Impresionist, Modern dhe Bashkëkohor.  Qëllimi kryesor i vizitës ishte Ekspozita "Being Singular Plural", e për bonus, Francesca Woodman.  Por doja, s'doja (për ata/ato që s'e njohin arkitekturen unike të Gugghenheim, mund të klikojnë ketus'mund t'i shmangesha ekspozitës kryesore të John Chamberlain "Choices."  John Chamberlain, influencuar nga De Kooning, i atribuohet transformimi i Ekspresionizmit Abstrakt në tri dimensione.   Ose thënë ndryshe, pjesë automobilash të bëra lëmsh.  Për peshqit e interesuar, Chamberlain ka edhe vepra me sfungjer

Fotoja ilustruese është një nga veprat e tij që titullohet "Kiss" - Puthje. 

Me gjithë respektin pëGuggenheim dhe në përgjithësi etikën në muze, ishte shumë e vështirë të kontrollohej e qeshura kur dy bidona teneqeje, ngjyrë vishnje dhe ngjyrë rozë, të shtypur e të përdredhur, quhen Puthje.  Pyetjet që lindën natyrshëm ishin "A është puthje lezbike?  Apo ndërraciale? " Përgjigjet herë tjetër.  Le të themi që kjo vepër ishte nga punimet më pak abstrakte.  Veprat e tjera kërkonin goxha meditim.  Herë pas here më ndihte dhe kuratorja në audio me shpjegimet e rastit për poezinë e metalit të automobilit.  Ndërkohë që në mendje më rrinte makina ime:  të lutem më qëndro në prozë,  poezi të recitoj unë sa te duash, vetëm ndonjë prockë mos më bëj të më përfundosh në Ekspresionizëm abstrakt tri-dimensional, ufff larg qoftë

Gjithësesi, ekspozitat e tjera ishin mjaft impresionuse, kështu që Chamberlain me gjithë përshtypjet traumatike u la në harresë

Por s'paskësh qenë e thënë...

Tek po lexoja sot një nga faqet që klikoj rregullisht, më ra në sy një link me këtë titull: "Modern Art was CIA weapon" - Arti Modern ishte armë e Agjencisë Qëndrore të Inteligjencës.   Ndonëse artikulli i gazetës Independant është i vjetër (botuar në1995)është rishfaqur sërish ne web, dhe gjendet i postuar në faqe të ndryshme.  Personalisht është hera e parë që has një ide të tillë.  

Sipas artikullit, CIA përdori artistë si De Kooning, Pollock (ndonëse pa dijeninë e tyre) në Luftën e Ftohtë Kulturore.  Nga artikulli:

Për dekada me radhë në qarqet e artit ishte thashethem apo shaka, por tani është konfirmuar si një fakt. Agjencia Qendrore e Inteligjencës përdori artin modern amerikan - duke përfshirë edhe veprat e artistëve të tille si Jackson Pollock, Robert Motherwell, Willem de Kooning dhe Mark Rothko - si një armë në Luftën e Ftohtë. Në mënyrën e një princi Rilindjes - përveç se vepruar në fshehtësi - CIA ka nxitur dhe promovuar Pikturën Amerikane Ekspresionizmit Abstrakt në mbarë botën për më shumë se 20 vjet.

Nderlidhja është e paimagjinueshme. Kjo ishte një periudhë, vitet 1950 dhe 1960, kur shumica e amerikanëve nuk e pëlqente apo e përbuzte artin modern - Presidenti Truman përmblodhi qëndrimin popullor kur tha: "Në qoftë se është art, atëherë unë jam një Hottentot". Sa për artistët vetë, shumë ishin ish-komuniste pothuajse te papranueshem në Amerikën e epokës McCarthyite, dhe sigurisht jo lloji i njerëzve qe kane zakonisht mundesine te marrin mbështetjen e qeverisë amerikane. 

Pse i mbeshteti CIA? Sepse në luftën propagandistike me Bashkimin Sovjetik, kjo lëvizje e re artistike mund të mbahej si dëshmi e krijimtarisë, e lirise intelektuale, dhe fuqisë kulturore te SHBA. Arti rus, ngjitur në këmishën e forcës ideologjike komuniste, nuk mund të konkurronte. 

Artikulli vijon me procedurën që u ndoq, dhe dëshmi nga ish-agjentë të CIA.  Vlen të theksohet se përtej arteve vizuale, u infiltruan e u përdoren edhe industria e filmit, muzika jazz, shtëpitë botuese, agjensitë e udhëtimit* etj.  Vendimi për të përfshirë Kulturen dhe Artin në arsenalin amerikan të Luftës së Ftohtë, u mor që në krijim të agjencisë së CIA në 1947.  Divizioni i Inventarit të Aseteve të Propagandës në pikun e tij influenconte rreth 800 gazeta, revista dhe organizata publike të informacionit. Në korridore thuheshin edhe shaka të tilla si: Eshtë si jukebox Wurlitzer, CIA shtyp butonin dhe rreth e rrotull botës dëgjohet cfarëdo lloj melodie që dëshiron ajo të dëgjohet. Në këto rrethana u promovua lëvizja anarkiste avant-garde amerikane: Ekspresionizmi Abstrakt. 

Meqë veprat e Ekspresionizmit Abstrakt ishin të kushtueshme për t'u transportuar (në artikull flitet për ekspozitat në botë) u përfshinë edhe milionerë dhe muzetë; mes tyre Nelson Rockefeller, e ëma e të cilit ishte bashkë-themeluese e Museut të Artit Modern në NYC.  President i "Muzeut të Mamit" (kështu e quante Rockefeller) Rockefeller ishte mbështetës kyc i Ekspresionizmit Abstrakt të cilin e quante "sipërrmarrje e lirë e të pikturuarit." MOMA (Museum Of Modern Art) u kontraktua nga Kongresi i Lirisë Kulturore (organizatë e themeluar, e financuar dhe e drejtuar nga CIA, e përbërë nga intelektualë, shkrimtarë, poetë, artistë etj) të organizonte dhe të kurauronte shfaqjet e artit më të rëndësishme të Kongresit.  Po ashtu MOMA ishte e ndërlidhur me CIA, nëpërmjet disa urave: William Paley, president i CBS dhe një nga themeluesit e CIA ishte anëtar bordi i Programit Ndërkombëtar të muzeut.  John Hay Whitney (nga familja e famshme Whitney) i cili shërbeu si agjent i organizatës së luftës OSS, paraardhëses së CIA-s, ishte Kryetar i Programit Ndërkombëtar të MOMA's. Dhe Tom Braden, shefi i parë i Divizionit të Organizatave Ndërkombëtare të CIA-s, ishte po ashtu Sekretar Ekzekutiv i museut në 1949.

Në këtë mënyrë, dhe me të gjitha mjetet, përfshi dhe fondacione arti me emra milionerësh New York-u por të sponsorizuara me dollarë të CIA-s ose me saktë të takspaguesve amerikanë, pra e gjithë kjo për të luftuar në frontin kulturor Bashkimin Sovjetik.  Agjentë të CIA-s bëjnë humor kur thonë se ideja që CIA shpiku Ekspresionizmin Abstrakt për të parë se c'bëhej në New York e SoHo, tingëllon bukur, por jo e vërtetë.  Në fakt Ekspresionizmi Abstrakt u pa si një mundësi dhe u shfrytezua për shumë arsye: Ishte një lloj arti që e bënte Artin e Realizmit Socialit të dukej me i stilizuar, me i ngurtë, e më i mbyllur se sa ishte në të vërtetë.  Për më tepër, shumë artistë në atë kohë e shihnin veten më afër me Moskën se sa me Washingtonin kështu që u infiltruan më lehte dhe u përdorën me ose pa dijeni.  Nga cdo pikëpamje promovimi i Ekspresionizmit Abstrakt ishte një situatë fitimprurese për CIA.  Ish-agjentët e karakterizojnë Divizionin e Organizatave Ndërkombëtare si një nga asetet më të rëndësishme të CIA-s dhe thelbësore në Luftën e Ftohtë.

Më poshtë një shembull i një operacioni të fshehtë:

Në vitin 1958 ekspozita turne "Piktura e re amerikane", duke përfshirë edhe vepra nga Pollock, De Kooning, e Motherwell dhe të tjerë, u shfaq në Paris. Galeria Tate ishte gjithashtu e interesuar ta shfaqte, por nuk mund te përballonte shpenzimet. Perfundimisht, një milioner amerikan dhe dashamires arti, Julius Fleischmann, ndërhyri financiarisht dhe shfaqja u soll në Londër.

Paratë që dha Fleischmann, sidoqoftë, nuk ishin te tij, por CIA-së. Fondet u bene te mundura nepermjet Fondacionit Farfield, President i te cilit ishte Fleischmann.  Por larg nga te qenit milioner bamires, Fondacioni perdorej per te kanalizuar fonde te CIA-s per projekte te tilla.  

Pra, pa asnje dijeni për Tate, publikun apo artistët, ekspozita u transferua në Londër në kurriz të taksapaguesve amerikanë për t'u shërbyer qëllimeve delikate te propagandës se Luftës se Ftohte.  Ish-agjent i CIA-s, Tom Braden, përshkruan se si u themeluan përçues të tille si Fondacioni Farfield. "Takohemi me nje person te pasur e te njohur në New Jork dhe i themi: duam te ngreme nje fondacion. I themi se cfare po perpiqemi te bejme dhe i kerkojme te na premtoje qe ta mbaje ne fshehtësi, dhe ai thotë: "Sigurisht qe unë do ta bëj". Dhe pastaj botohet nje leter me titull me emrin e personit, dhe ja ku u be fondacioni. Ishte me të vërtetë një mjet shumë i thjeshtë. "

Julius Fleischmann luante një rol të tillë. Ai ishte në bordin e Programit Ndërkombëtar të Muzeut të Artit Modern në New York - ashtu si edhe disa figura të fuqishme të afërta me CIA-s.

Për dashamirësit e Ekspresionizmit Abstrakt, autorja** e përfundon artikullin duke thënë se ka shumë mundësi që kjo lëvizje të dominonte artin e pas luftës edhe pa patronazhin e CIA-s. Po ashtu është gabim të sugjerohet se nëse sheh një vepër të Ekspresionizmit Abstrakt thjesht je duke u mashtruar nga CIA.  Megjithatë meqë ky art u perhap nëper salla bankash, zyra bordesh, aeroporte, bashki etj, shërbeu si nje logo, si një nënshkrim i sistemit kulturor, promovuesit e të cilit donin ta shfaqnin kudo.  Dhe ia arritën me sukses.

Personalisht nuk jam kritike arti.  Prurja e artikullit ka thjesht qëllime informimi ...

Por s'paskësh qenë e thënë ....

Pas leximit të këtij artikulli, që do kishte qenë akoma më mirë sikur ta kisha hasur para vizitës në Guggeheim, po i rikthehem edhe njëherë Chamberlain duke thene se ato bidona teneqeje paskëshin qenë Puthja e Judes.  Me puthje si ato u luftua Realizmi Socialist.  Dhe u mund.  

Pale ky tanku, nga fitorja në fitore:

 

Përfundimisht, Ekspresionizmi Abstrakt s'pashkësh qenë dhe aq abstrakt, paskësh qenë edhe pakëz utilitarian.  Chamberlain u prehtë i qetë, trauma u kthye në force fitoreje e ngadhnjimi.  Megjithatë, apo pavarësisht, makinën time vazhdoj ta dua në gjendje proze.  

______

* Infiltrimet në botën e artit në përgjithësi janë pak a shumë informacione të ditura.

** Për më shumë mbi këtë subjekt: Frances Stonor Saunders -The Cultural Cold War: The CIA and the World of Arts and Letters 

29 Komente

Muzeum me arkitekture fantastike. Ja dhe nje fotografi qe i bera tavanit te muzeumit kur e vizitova kete nentor.

 

Link: 

(Po e vazhdoj me poshte se nuk po e marr vesh c'po me ndodh me kompjuterin. )

Ashtu si edhe ty, nuk me pelqeu ekspozita qe pashe atje, megjithese rradha jashte ishte 1 kilometer e gjate. Mua me pelqen Arti Modern, po nuk me thote gje ky "shume..shume moderni" me sa duket. Gjithashtu, dihet qe artistet dhe dashuria e tyre per artin eshte shfrytezuar nga qeverite. Ke si shembull tek ne qe nga Ismaili deri tek Mati i Ri tek PPU-ja. Pa harru dhe Solin qe e beri VV limon...limon... smiley

Megjithate, une jam i mendimit se askush nuk e ka shfrytezuar artin per qellimet e tyre (kryesisht reklame) me shume se sa grate, po kjo eshte nje teme krejt tjeter.

P.S. Shkrimi ishte interesant gjithsesi dhe me pelqen menyra e te shkruarit. smiley

P.P.S. Ne fund mu kujtua ajo shprehja lapidare nga "Nentori i nje kryeqyteti":

"- Po japim nje emision me genjeshtra..."

Artikull interesant dhe informativ. S'e dija kete doren e mçeftë te CIA's pas Guggenheim'it per te promovuar dhe artin sipas oreksit dhe qellimit te tyre. 

Ti do tthush qe Kryetarin.. joooo more smiley

Artikulli teper intersant Monda, faleminderit per prurjen...Gjithmone arti eshte perdorur ne luften e propagandes ne cdo sistem

 

Nuk e di si vajti puna me Ai Weiwei-n me ato milionat e papaguara ne taksa por kohet e fundit u detyrua te hiqte kamerat qe kishte vendosur ne shtepi. Nje projekt si proteste ndaj survejimit te tij nga qeveria Kineze.

Chinese Artist Ai Weiwei Unveils This Year's Unilever Installation At The Tate Modern

Heidegger pati thene dikur se "shperthimi i Bombes atomike ne Hiroshime, pati ndodhur  kohe me pare ne kulturen  perendimore, si mosperfillje e metafizikes dhe mbivleresim  i mendesise shkencore e cila  nuk perfilli  aspekte  cilesore.." (subjekt)-ne fakt  kjo nje teze  e vjeter, shkurar dhe ne "Teoria e ngjyrave e Getes"

Gjerat  asgjesohen njesoj  duke konsideruar vetem simbolin ose mitin.Pra asgjesohen nje soj te shkretat si ne te dy polet e skajshme te  dikotomise  cilesi-sasi(subjekt -objekt): kur  mbivleresohet  struktura cilesore (subjekt) dhe lihet pas "poçes" ..sasija (objekt).Ose dhe anapodha:Kur  mbivleresohet  sasija ne dem te cilesise.

   Ne ekspozita te ketyre llojeve  sikur po vihet re se  objekti( dy teneqe apo dhe tri bashke xhanem, zevendesojne subjektin...!)po ve perfund,  po i merr xhanin... subjektit !Trupi po fiton mbi shpirtin...! E si keshtu valle ?

Mirepo une sepse kam bindjen qe kur subjketi  ndahet nga  objekti dhe gati gati i kundervihet atij , gjitheçka me duket si e shpelare dhe nje kotesi.I gjithe "krijimi" mua me duket nje zhgenjim dhe jo art.

 Kadinski, i bajtur nga shume  si themeluesi dhe ideologu i abstaksionizmit  duket se ka qene i pergjegjshem  per ndarjentragjike  subjekt -objekt.Kjo eshte vertetuar nga nje  pjese lene ne kujtimet e tij  kupershkruan dhimbjen per thyerjes me traditen e artit  figurativ.Konfliktin  tragjik mes  perceptimit  te shqisave  fizike , objektive te jashtme, me bindjen ndajkerkesave tebrendeshme subjektive.Ai sakrifikoi figuren  vetem e vetem pas shume hezitimesh.Interesantja ne ato kujtime ka qene  pyetja qe ate e mundoi tere jeten: "Ç`fare gjeje do ta zevendesoje  objketin...?"

 Duket se ai beri si beri dhe e gjeti zgjidhjen e pyetjes se vet.Por nga ana tjeter, bashkepatrioti i vet Zhdanovi e gjeti menyren  per ta zevendesuar subjektin,....  nepermjet artit te realizmit socialist.

Qe ahere  konflikti ideokulturor mes subjektit dhe objektit  ne art, pesoi nje masaker te vertete, reale mbi shpirt dhe mish bashke.... te te gjalleve... 

Subjekt interesant Monda, dhe trajtim interesant.

Arti eshte dhe s`mund te mos jete mjet propagandistik. Pyetja eshte se cfare propagande ben. Arsyeja pse arti eshte propagande eshte sepse ai percjell emocione, ide, frymezim dhe si rrjedhim ndikon ne kendveshtrimin e njeriut mbi boten qe e rrethon.

 Tek "Goja e kalit" eshte nje debat interesant. Piktori dhe gruaja bejne nje diskutim mbi pijen. A ndikon pija pozitivisht apo negativisht mbi artistin? Dhe piktori perfundon: "Pija i ben mire ndjenjave, dhe pastaj ndjenjat i bejne mire mendjes".  Pra cdo ngacmim ndaj emocioneve sjell reagim ne tru, pra ngacmon (ose me sakte ndikon) edhe tek mendimet dmth tek kendveshtrimet.

  Arti "zyrtar" eshte pasqyre e politikes. Ne diktatura propaganda shfaqet hapur. Kjo duket qe nga lashtesia (Piramidat jane shembulli me i qarte) e deri tek Proletkulti apo qofte edhe "interpretimi zyrtar" i muzikes se Vagnerit. Nuk eshte e nevojshme te permendim pastaj perdorimin e artit ne Bizant, Rilindje, Reforme, Kunderreforme, Iluminizem, Revolucioni Francez per te perfunduar me Superman e Cak Norris.  Kurse ne "demokraci" propaganda eshte e kamufluar.

Pra ndonjehere propaganda e artit qendron tek subjekti e ndonjehere tek objekti (dmth tek mungesa e subjektit). 

 

Arti i Realizmit Socialist ishte fiks vazhdim i Romantizmit. Ata qe e bene dhe qe e teorizuan, nuk munden te shkeputen nga Romantizmi. Por kush thote romantizem, ka thene 'roman', pra narracion : i ashtuquajturi Art Socialist nuk mundi te shkeputej nga narracioni (ajo puna e raportit objekt-subjekt, qe permend grava). Dhe deshtoi. Fiks sikurse deshtoi militantizmi komunist (ai i bazuar vetem ne matricen marksiste-leniniste - sepse ka dhe do te kete edhe te tjere te bazuar ne me shume se nje matrice) : deshtoi sepse nese u tregua efikas ne aksion (marrja e Pallatit te Dimrit, rezistenca ndaj fashizmit dhe triumfi ndaj tij… etj etj), kjo formule teoriko-praktike doli huq pikerisht ne momentin kur subjekti revolucionar u perball me ndryshimin e menyres se prodhimit (nga ajo kapitaliste, ne ate socialiste) : pasi zbythen klasen e vjeter, njerezit e dale nga ‘gjiri i klases punetore’, nuk arriten te behen ate qe Marksi e quante nje “Intelekt i Gjithanshem’ : GENERAL INTELLECT

Eshte ekzaktesisht e njejta gje me artin e Realizmit Socialist : nuk arriti te shkeputej (te tejkalonte) Romantizmin.
Dhe deshtoi

(dua te them: nuk e mundi CIA; e mundi vetja).

(dua te them: nuk e mundi CIA; e mundi vetja)

Dua te them : arti (modern, post modern dhe tejet modern qofte !), nuk ka qene, nuk eshte, dhe kurre nuk ka per te qene ndonjehere utilitarian.  Edhe kur e perdorin, ai prap se prap nuk arrin te perdorohet  smiley

Nje informacion interesant dhe  impresion i bukur, i gjithe shkrimi.Bravo Monde smiley Me pelqeu vecanerisht kjo persiatje , si impresion nga muzeu rangallave te vendosura ne piedestal arti :

Ndërkohë që në mendje më rrinte makina ime:  të lutem më qëndro në prozë,  poezi të recitoj unë sa te duash, vetëm ndonjë prockë mos më bëj të më përfundosh në Ekspresionizëm abstrakt tri-dimensional, ufff larg qoftë.

Te lutem me qendro ne proze! Imagjino te kunderten (larg qofte!) dhe rezultati eshte zhdukja e subjektit (Grava ka sjelle thelbin  e ketij "revolucioni"  ne artin modernist-jo modern &nbspsmiley dhe ngritja e objektit-llamarinave ne art. Te gjitha izmat (tingellon marksiste por eshte reale) abstraksionizmi, ekspresionizmi, surealizmi , debuan njeriun nga qendra e artit.Duket si proces i c`ideologjizimit te piktures  por ne fakt, (sikurse del edhe nga ky informacion mbi konspiracionin e CIA-s) eshte po aq ideologjik, me te vetmin ndryshim se synimi ideologjik eshte i kamufluar.

Mbaj mend qe ne librin "Labirinthet e Modernizmit", te prof.A.Uci sillet si argument ideja  se izmat e artit modernist lulezuan ne plehun e mungeses se talentit , krahasuar me mjeshtrat e Rilindjes, dhe kjo mode i celi rrugen cdo mediokri me pak fantazi duke prodhuar artin surrogato.

Ne te vertete, nuk eshte teresisht keshtu. Arti modernist celi horizonte te reja dhe na cliroi nga merzia dhe monotonia e artit klasik, qe sado i mrekullueshem, mbetet vetem nje menyre shikimi dhe kthehet ne prozaik. Mjaft nga krijimet me te spikatura te artit modernist, jane po aq dinjitoze sa edhe arritjet me te mira te artit klasik. Mua me pelqejne, me trondit fantazia  dhe poezia e kombinimit te formave dhe ngjyrave.Edhe ne rastin e ketij pasticit me mbetjet e makinave. Ja psh kjo me duket si nje akulloreL

Unititled, 1961

Ajo qe thote Stalker se arti i realizmit socialist nuk u mund nga gara dhe presioni artit modernist (te sponsorizuar edhe nga CIA) por nga vetja, eshte e vertete. Arti realizmit socialist u krijua dhe lulezoi brenda matrices se atij sistemi ideologjik dhe ne sherbim te atij sistemi.Fundi sistemit shenoi dhe deshtimin e ketij arti. Nqs sistemi do te ishte me liberal dhe nuk do t`i merrej fryma dhe  mundej nga GARA E ARMATIMIT (eshte kaq e thjeshte arsyeja pse deshtoi ai sistem ne BS te pakten, te tjerat jo lirite, se diktatura zotrie... jane gjepura ) edhe artti real.soc jam i bindur se do te kishte ecur ne hulline e artit modernist.

Sponsorizimi nga CIA i artit modernist ne fakt, pervec qellimit per te treguar shterpesine e socrealizmit, me teper  ka sherbyer si profilaksi ne perendim kunder ndikimeve te komunizmit. Si i tille eshte teresisht utilitar dhe ideologjik.

proza e makines ishte gje shume e lezetshme smiley

.....(dua te them: nuk e mundi CIA; e mundi vetja)

Me kenaqe lanet...!( i thashe  Stalkerit ore spirit...kur Ju fap e me dollet perpara.Mu fanepse.....

Nuk e di ne mund te quhet art modern apo jo, por me ka pelqyer nje projekt i nje tipi ne Amerike, qe ai e ka quajtur "this wild idea". Ai ka caktuar nje rrugetim neper amerike, per 365 dite, dhe cdo dite takon nje njeri te rastesishem qe pranon ta prese ne shtepi, dhe i ben foto te shtepise e te detajeve. Personave u ben vetem nga nje pershkrim te shkurter e pa shume informacion interesant, por u merr interviste me pyetje te zakonshme, e gjerat qe zgjedh t'u fotografoje ne shtepi flasin shume per jeten e tyre. Deri tani kane kaluar 249 dite. Per nje te huaj si une, ky projekt tregon shume per amriken e jeten e njerezve te zakonshem atje.

http://thiswildidea.com/

A tu them nje gje une?Lidhur me kete teme lexoni, se ka bere nje liber te terin nje inteleektual brilant, te cilin keta  te  mençurit e tiranise, tiranes  e lane pa pune,  gjer  sa iku tutje asaj evrope.

Ai quhet Arjan Çelnikasi.

Duhet me pas pak kujdes me shuplakat ndaj artit modern, sidomos per shqiptaret-hottentota.

Qeverite perhere e kane instrumentalizuar artin e cfaredolloj arritjeje te rendesishme te kultures ku kane hedhur rrenjet. Edhe nese nuk e kupton dicka, instrumentalizoje, e do te jete e jotja.

@stalker u mund, u mund po c'ti bejme qe sot per sot bota e artit po kerkon shpetim ne avant garden dhe konceptualizmin rus. smiley sidomos ne marrjen e pallatit te dimrit etj etj. 

@grava ku gjinded me shume info per te Celnikasin? nje shkrim i vetem qe i kam hasur per provincializmin e letersise shqipe qe merrte per prove vendndodhjen e pavionit shqiptar ne bienalen e Venecias ishte shume i dobet. 

Edhe nese nuk e kupton dicka, instrumentalizoje, e do te jete e jotja.

CIA ndoqi pikerisht kte strategji "armiku i armikut tim eshte miku im" 

Aloire, me behet  qejfi qe u inetresove.Kerko ne internet Arjan  Çelnikasi ! Botimi i rendesishem i tij eshte  "Teoria Kultures ".Por  ai ka dhe nje sere botimesh  ne te perditshmet  dhe periodiket e kohes  me mjaft interes per ata qe deshirojne te marrin vesh  thelbin e gjerave.Nuk e kam parasysh  ate artikull  qe Ju permendni, por ndoshta ka qene disi i inatosur me organizimin e Bienales.Nuk besoj te kete lene  te tilla pa i pare...Nuk e di.

Mund dhe te  lidhesh me te dhe te  komunikoshe.Por me pare  te rekomandoj... te lexoshe librin ! Dhe te kujtoj se eshte dhe nje piktor krejt ndryshe nga ata, ... qe e nisin me pikturen dhe perfundojne me "dyfekun" e politikes. Shifi  se dhe pikturat duhet ti  kete ne internet.eshet dhe fitues i  çmimit"ONUFRI", per  grafiken... diku nga viti 1994, ne se nuk gaboj si  kohe

Gjithesesi te falenderoj...!

 

"Pyetjet që lindën natyrshëm ishin "A është puthje lezbike?  Apo ndërraciale? " Përgjigjet herë tjetër. "

Ti kete te na kishe sqaruar smiley.

Buzkuq vishnje, buzkuq roze ishte interpretimi im.

Ai nderracial ishte i shoqes sime, tip Obama dhe nje white house aid, xgate mnjf smiley.   

Interesante, qe CIA paska mbeshtetur perhapjen e artit modern si shembull i krijimtarise te kapitalizmit, arme kunder shterpesise sovjetike. Nga ana tjeter KGB edhe sikur te donte, kete nuk mund ta arrinte kurre. Artiste si De Kooning, Pollock, ashtu si shume e shume artist modernist gjysem te çmendur ekzistuan dhe mbijetuan, sepse u financuan nga miliarderet e kapitalizmit Gugenheim, Rockfeller.

se mos ka manipuluar vetem artin CIA

Asnjeri s'ka thene qe arti komercial modern s'eshte utilitarian.Praktikisht asnje gje promovimi i te ciles kerkon para eshte i paqellimit.Sidoqofte ka nje lloj shprese se arti modern varfanjak dhe underground ka qellime me te shendetshme,dhe ndjesi me te mire,sesa arti modern i ekspozuar ne muze prestigjoz.Faleminderit Monda per shkrimin,qe kishte copeza alla Monda te tipit :

të lutem më qëndro në prozë,  poezi të recitoj unë sa te duash, vetëm ndonjë prockë mos më bëj të më përfundosh në Ekspresionizëm abstrakt tri-dimensional, ufff larg qoftë. 

Mua me pelqeu shume sinqerishtsmiley

Nuk dua te besoj qe shija e keqe paska qene produkt i LSD-se smiley

Keto ekspozita te cool-ness nuk me jane dukur kurre me mire se uni im i shfytyruar nga e bardha qe kerkon afirmim prostitutash dhe lacash. Nuk jam une ky, e refuzoj smiley

Po qe shkruke bukur ti!!! Gjynah qe shkruan kaq rralle!

Per mua thelbi eshte ketu:

"Për dashamirësit e Ekspresionizmit Abstrakt, autorja** e përfundon artikullin duke thënë se ka shumë mundësi që kjo lëvizje të dominonte artin e pas luftës edhe pa patronazhin e CIA-s. Po ashtu është gabim të sugjerohet se nëse sheh një vepër të Ekspresionizmit Abstrakt thjesht je duke u mashtruar nga CIA." 

Cka do te thote se nuk eshte CIA qe ka bere punen per artin ne fjale, por ky art qe ka bere punen per CIA-n. Plus ka edhe dicka tjeter. Nuk di eshte toni jot apo i artikullit origjinal (nuk e kam lexuar ende) por ve re nje presupozim prej libertariani amerikan, model "shteti nuk duhet te nderhyje ne punet e artit." Francezet e kane politike te hapur mbeshtetjen e shtetit ndaj artit. Modeli francez, medemek. Imagjino, sikur Amerika te kishte nje politike te tille, ky artikull as nuk do ishte shkruar, pasi po te kishte Amerika nje model te tille, nuk do kishte pse te shkonte muhabeti der tek CIA, por do kishte te tjera kanalizime fondesh. Nejse, thuaj shyqyr zotit, dhe sa me shume praktika te tilla prej CIA-s, pasi... lere, lere...

dhe nuk thueht utilitarian.
Thuhet utilitar

 

O tropizmaaaaaaaaaaaaaaaa smiley

smiley

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).