"Shifi targat...e reja"

Gazeta te ndryshme i kane pershkruar ne menyra te ndryshme ndryshimet e targave te autoveturave qe u aprovuan dje nga Keshilli i ministrave. Njera gazete shkruante se targat e reja do te jene gati katrore (si ne ameriken e veriut) dhe jo më drejtkendeshe te zgjatura si targat ne Europe. Balkanweb thote qe kodi i rrethit (TR, DR, SHK) do te hiqet nga targat e reja, por "Shekulli" raporton se formati mbetet me ndarjen administrative, "TR 000 AA". Nje gje eshte e sigurte, e kuqja e zevendesohet nga bluja, shqiponja e zeze do te jete e bardhe. Sesi do te jene realisht targat mbetet te shihet vetem kur pamja e tyre e re te behet publike nga shteti.

Njoftimi i gazetes "Start"

Ndryshojnë targat për të gjitha llojet e makinave

Ndryshimet e reja do të shndërrojnë pjesën e majtë të targës nga të kuqe në blu, ku në sfond do të jetë flamuri i Bashkimit Evropian.

Mbi stemë vendoset shqiponja dhe simboli AL me ngjyrë të bardhë. "Në të djathtë të targës opsionale, sfondi me ngjyrën e flamurit të BE-së, blu, mbi të cilin vendoset viti i parë i regjistrimit në Republikën e Shqipërisë (brenda një rrethi të bardh&euml dhe shenja e ndarjes administrative me ngjyrë të bardhë", thuhet në vendimin e qeverisë. Këtë lloj të ri targash do ta mbajnë të gjitha tipet e makinave që nga ato shtetërore, private, të misionit diplomatik, taksive dhe të policisë.

Targat e mjeteve, që i bashkëlidhen këtij vendimi:

-Targat e mjeteve rrugore vetëlëvizëse, buxhetore dhe private: sfondi i bardhë, shkronjat dhe numrat të zeza;

-Targat e mjeteve rrugore në shërbimin taksi: sfondi i verdhë, shkronjat dhe numrat të kuq. shenja dalluese T (Taksi);

 -Targat e mjeteve rrugore të përkohshme: sfondi i bardhë, shkronjat dhe numrat të kuq, shenja dalluese PRK (Përkohshme);

-Targat e mjeteve rrugore të trupit diplomatik: sfondi i bardhë, shkronjat dhe numrat të gjelbër, shenja dalluese CD (Trup Diplomatik);

-Targat e mjeteve rrugore të shërbimit të trupit diplomatik: sfondi i bardhë, shkronjat dhe numrat të gjelbër, shenja dalluese TR; 

-Targat e mjeteve rrugore të policisë: sfondi i bardhë, shkronjat dhe numrat blu, shenja dalluese MB (Ministria e Brendshme);

-Targat e mjeteve rrugore në provë: sfondi i bardhë, shkronjat dhe numrat të kuq, shenja dalluese PROV;

-Targat përsëritëse: sfondi i bardhë, shkronjat dhe numrat të kuq;

  -Targat e makinave bujqësore: sfondi i gjelbër, shkronjat dhe numrat të bardhë, shenja dalluese MB (Makinë Bujqësore);

 -Targat e makinave teknologjike: sfondi i gjelbër, shkronjat dhe numrat të bardhë, shenja dalluese MT (Makinë Teknologjike);

-Targat e rimorkiove, buxhetore dhe private: sfondi i gjelbër, shkronjat dhe numrat të bardhë, shenja dalluese R (Rimorkio);

-Targat e rimorkiove bujqësore: sfondi i gjelbër, shkronjat dhe numrat të bardhë, shenja dalluese RB (Rimorkio Bujqësore);

 -Targat e rimorkiove teknologjike: sfondi i gjelbër, shkronjat dhe numrat të bardhë, shenja dalluese RT (Rimorkio Teknologjike).