Ja targat... e reja! Ato prej vërteti.

Tashmë të gjithë jemi të informuar se së shpejti automjetet shqiptare do të pajisen me targa të tjera, pasi shkronjat e targave të vjetra më së fundi shteruan. Normalisht, targat e reja duhet te kenë një dizenjo të re, që i afron ato më tepër me modelet e targave të vendeve të Komuniteti Europian drejt të cilit ne synojmë që të shkojmë. Por në të gjithë kakofoninë e zakonshme të mediave shqiptare nuk arrihet të kuptohet qartë se si do të jetë me të vërtetë imazhi i targave të reja. “Balkanweb”-i i paraqet me një dizenjo te caktuar, me një font të ndryshëm dhe pa shiritin e fundit blu, ndërkohë që “Top Channel” na prezanton një targë me një font krejt tjetër nga ai i “Balkanweb”-it dhe me shiritin blu në fund.

Por si është e vërteta? Cila prej këtyre dy mediave ka të drejtë?

Fatkeqësisht, asnjëra prej tyre.

I lodhur tashmë me mungesën e profesionalizmit të mediave shqiptare, vendosa që ta hetoja vetë këtë çeshtje duke shfrytezuar ato lidhjet e mija të vjetra brënda Ministrisë së Transporteve dhe më saktësisht brënda Drejtorisë së Përgjithshme të Transportit Rrugor. Më së fundi miqtë e mi me treguan versionin perfundimtar të targave falë një fotoje ku duket qartë targa e re e montuar në pjesën e prapme të një autoveture. Lajmi i mire është që simboli kombëtar nuk do të perçudnohet ashtu si mediat anti-qeveritare dhe ogurzeza kerkojnë te na e paraqesin. Pra nuk do të ketë asnjë shqiponjë të bardhe mbi nje sfond blu. Në fakt vetëm mendjet e sëmura të gazetarëve shqiptare mund të imagjinonin një kombinim te tillë kaq ofendues ndaj simbolit tonë kombëtar. 

Përfundimisht, shqiponja mbetet e zezë mbi një sfond të kuq, por jo mbi targat e reja. Lajmi i keq është që një simbol dhe iniciale të tjera të çuditshme shfaqen mbi targën e re. Gjithsesi, me të gjithë rezervat që personalisht mund të kem, mua targa e re më duket e bukur dhe elegante, e gjithashtu simbolikisht përfaqësuese e asaj çfarë është Shqipëria sot.

Po ju a lë qe ta gjykoni vetë.