Në vitin 1998 kur për herë të parë Edi Rama hyri në politikën aktive, menjëherë u vu re një stil komunikimi krejt tjetër me publikun. Ministri i Kulturës së asaj kohe e nisi komunikimin me batuta dhe ironizime jo vetëm për kundërshtarët politikë por dhe me vartës dhe kolegë të krahut të tij. Ndryshe nga fillimi i karrierës politike, aktualisht me stofin e një politikani me eksperiencë dhe me peshë në vend, për veç veshjes, shprehive ka ndryshuar rrënjësisht dhe batutat. Me të ardhur në krye të PS batutat e Edi Ramës janë me pakicë në krahasim me tetë vitet e para të karrierës së tij. Gazeta “Tirana Observer” sjell një përmbledhje speciale me batutat më pikante të Edi Ramës.
 

 

Batutat e Ramës në fillimet e karrierës
Batuta e parë erdhi me të marrë postin e ministrit ku deklaroi se nuk do të pranonte badigardë me përjashtim të rastit nëse do të ishin më të gjatë se ai. Kulmin e vet me batuta, Edi Rama, e ka sigurisht me ardhjen në krye të Bashkisë së Tiranës. Në vitin 2001 gjatë kohës që Fatos Nano zhvillonte fushatën për katarsis brenda partisë, Rama deklaroi se “Nano është bërë si Robert Çamçakëzi, fut duart në xhepa dhe bredh nëpër kantier”. Në vitin 2002 opozita e djathtë ngriti një komision hetimor për Edi Ramën për të hetuar nëse kishte ose jo shkelje në Bashkinë e Tiranës nën drejtimin e Ramës. Mirëpo, komisioni në vend që të dëmtonte Ramën, u kthye në një arenë batutash dhe ironish nga ana e kryebashkiakut i cili me performancën në atë komision hyri fuqishëm në grupin e politikanëve të fortë në vendin tonë. Gjatë komisionit Rama iu drejtua me batuta thuajse të gjithë anëtarëve të djathtë. Rama iu drejtua Ilir Rusmalit me batutën, ”Do t’u jap një shkallë të Komunales që të shihni çfarë kam unë në kokë”.  Më tej Rama vijoi me batutën “Unë solla në tiranë grupin “Scorpions” ndërsa PD-ja Rroqin me kitarë”.
 

 

Batutat e Ramës si lider i opozitës
Sapo zgjidhet në krye të Partisë Socialiste Edi Rama deklaroi: “Unë e di që për të bërë gjithë këto ndryshime duhen të ndenjura të forta, se kam vendosur të mos them me fjalë të ndyra”. Por me kalimin e kohës, qenia e një “kryeministri hije” dhe me përgjegjësi të mëdha si lider i opozitës dhe kryetar i Bashkisë më të madhe, ndikuan që Edi Rama të jetë më i kursyer me batutat e tij.

1. Edi Rama sapo emërohet Ministër i Kulturës në vitin 1998 nuk pranoi badigardë duke deklaruar: “Nuk do të pranoj badigardë, përjashto rastin kur të më japin një më të gjatë se vetja.

2. Edi Rama, ministër i Kulturës në gusht të vitit 1999: Është vështirë të jesh ministër Kulture në një vend me kulturë të tillë.

3. Edi Rama gjatë fushatës së Nanos për katarsis në vitin 2001: Nano është bërë si Robert Çamçakëzi, fut duart në xhepa dhe bredh nëpër kantier.

4. Edi Rama në komision i drejtohet Uran Metkos: Nuk t’i zgjidh dot hallet. Vetëm mund të të jap ndonjë pulë të pjekur dhe një shishe raki që ta pish me Shpëtim Rroqin.

5. Edi Rama  më 9 tetor 2002 i drejtohet Njazi Kosavrastit:  Sikur të ka gjet doktori te gabi.

6. Edi Rama, më 9 tetor 2002 i drejtohet Njazi  Kosovrastit: Jo. Nuk e prisja këtë, sepse opozita është si gomerët në filmin "Koncert në vitin '36", që i ha lulet.

7. Edi Rama, më 9 tetor 2002 i drejtohet Njazi  Kosovrastit: Si personalitet me fantazi erotike, prisni se tani do kalojmë te zona e nxehtë.

8. Edi Rama, më 9 tetor 2002 i drejtohet Partisë Demokratike: Në bashki kemi gjetur më shumë televizorë se te Samsungu.
9. Edi Rama më 9 tetor 2002 i drejtohet Rusmajlit: Do t’u jap një shkallë të Komunales që të shihni çfarë kam unë në kokë.

10. Edi Rama më 9 tetor 2002, i drejtohet Rusmajlit: Të fala doktor Najlonit.

10. Edi Rama: më 9 tetor 2002 i drejtohet Njazi Kosavrastit: Më kujtove disa gjëra interesante që diktatori do më kishte çuar në Spaç.

11. Edi Rama në vitin 2002 në emision televiziv: Kush e di se cila nga stërgjyshet e tezës së njërit, s’ka pasur një moment gëzimi me stërgjyshin e hallës së tjetrit.

12. Edi Rama: Kur llafeshitësit flenë, unë jam me sipërmarrësit duke parë rrugët.

13. Edi Rama iu drejtohet deputetëve 9 tetor 2002: Ne na kanë dhënë partnerët e huaj 19.6 milionë dollarë në krahasim me leshin që i morët ju atyre.

14. Edi Rama: “Unë solla ne Tiranë grupin “Scorpions” ndërsa PD-ja Rroqin me kitarë”.

15. Edi Rama:  Mos ta prekim një aksh lulishte, se aty dikur ka kryer nevojat e tij fiziologjike një aksh hero, për të cilin nuk bien dakord palët nëse është hero.

16. Edi Rama: Kemi vënë bythën në qendër se nuk ka mushkonja, në periferi ka më shume mushkonja me llastiqe në dorë.

17. Edi Rama si kryetar i Bashkisë së Tiranës pas akuzave si i korruptuar: Nuk ka bir kurve të gjejë lekë të vjedhura në xhepat e mi

18. Edi Rama: (Pas gjetjes së plumbave në dritaren e shtëpisë së tij): Këto janë karamelet e doktorit.

19. Edi Rama më 06 maj 2005, me të hipur në "arenën" e fjalimeve të socialistëve ka kërkuar t'i hiqet podiumi që ndodhej para foltores: Kongresmenët nuk kanë faj që duan të më shkurtojnë se jam shumë i gjatë.

20. Edi Rama në emisionin “Opinion” në “Tv Klan”: Unë nuk i kam thënë askujt hajdut, pastrues parash, dashnori i mamasë, paditës i babait, xhelat i djalit.

21. Edi Rama sapo zgjidhet në krye të Partisë Socialiste deklaroi: “Unë e di që për të bërë gjithë këto ndryshime duhen të ndenjura të forta, se kam vendosur të mos them me fjalë të ndyra”.

22. Edi Rama i drejtohet Ibrahim Morinës në mbledhjen e KKRTRSH-së: Natyrisht, t’i nuk i merr leje asnjeriu dhe çudi si ke ardhur vetëm dhe s'ke marrë fadromen me vete

23. Edi Rama menjëherë sapo zgjidhet nga kongresi në krye të Partisë Socialiste deklaroi 10 tetor 2005: Duhet të ulim numrin e burrave për metër katror.

24. Edi Rama gjatë inaugurimit të një rruge në Tiranë: Ne nuk hedhim asfalt “më ka çu moma me la gojën”.

25. Edi Rama 17 gusht 2006 në konferencë për shtyp për rifillimin e punëve në Kakome: Nano dhe Berisha nuk ndryshojnë aspak nga njëri-tjetri.

26. Edi Rama, më 21 janar 2007, në hapjen e fushatës në Pallatin e Kongreseve: Mua, Sali Berisha për vete më ngjan me atë beun plak të filmit “Koncert në vitin ‘36” që donte të prishte koncertin me zhurmën e ahengut të çingive të tij.

27. Edi Rama më 21 janar 2007, në hapjen e fushatës në Pallatin e Kongreseve: I dashur profesor (Skënder Gjinushi), je prova e gjallë e faktit se një parti e vogël s’ka nevojë të bëhet e madhe për të pasur një rol të madh.

28. Edi Rama, në njësinë Nr. 6, Tiranë, 23 janar 2007:
Duhet të ndahemi nga politika e mustaqes dhe e ahengut të  Berishës.

29. Edi Rama, në njësinë Nr. 7 Tiranë, 26 janar 2007:
Do falënderoj dhe deputetët e Tiranës të pranishëm zysh Ermelindën, dhe Andis Harasanin. Në fund fare, s’diskutohet që vendin e ka ëmbëlsira zysh Arta që po kompenson mungesën e deputetit socialist në njësinë Nr. 7.

30. Edi Rama, në qytetin e Vlorës, 26 janar 2007:
Ju vlonjatët kur doni t’i mësoni notin dikujt e zhysni thellë në ujë deri aty ku nuk i arrijnë me këmbët. Unë them se është koha që duhet të zhysim kryeministrin, që edhe ai ta mësojë notin. Por jo vetëm kaq, që të ketë si të kthehet në shtëpi, por edhe të lahet nga balta që ndyn të tjerët.

31. Edi Rama, në qytetin e Sarandës, 27 janar 2007:
Ju shpreh falënderimin dhe mirënjohjen time më të thellë këtyre vajzave, veçanërisht asaj, që duket si Ilir Meta, të cilat na dhanë një pamje shumë origjinale dhe shumë të bukur të këtij bashkimi të madh.

32. Edi Rama, në bashkinë e Vorës, Tiranë 1 shkurt 2007:
Mirëdita të gjithëve, në radhë të parë dua t’ju them se këto ditët e fundit janë ngatërruar pak gjërat, unë nuk jam as Zoti Edi Rama dhe as Shoku Edi Rama, jam Edi Rama.

33. Edi Rama: Një peshë të rëndë ka dhuna dhe krimi në familje mbi gruan dhe mbi vajzën, por është shumë e vështirë ama e domosdoshme të ndërtosh politika, të cilat e kthejnë në sistem çmontimin e këtij sistemi që ne kemi aktualisht, i cili bën që edhe burra të nderuar, analistë dhe opinionistë që japin mend për të gjitha gjërat dhe që tundin kudo flamurin e progresit dhe të moralit, kur është fjala për këtë çështje, për çështjen e barazisë gjinore, jashtë kamerave, më thonë: “Me gjithë mend e ke atë punën e grave ti”?

34. Edi Rama, intervistë për gazetën greke “Ta Nea”, 4 shkurt 2007: Atyre që më akuzojnë për zbukurimin e Tiranës, u kam thënë: “Provoni të përfytyroni botën, me vajza dhe gra, të cilat nuk u pëlqen vetja dhe nuk zbukurohen! Si do të jetë një botë e tillë”?

35. Edi Rama, intervistë për gazetën greke “Ta Nea”, 4 shkurt 2007: “Për mua, Tirana ishte një grua që kishte rënë poshtë, e braktisur dhe e pistë. Dhe gjëja e parë që bëri, ishte të ngrihej, të krihej, të vinte buzëkuqin dhe të dilte xhiro. Dhe një gjë interesante. Të gjithë ata që më akuzojnë përse ngjyrosëm fasadat e pallateve, janë burra. Me të vërtetë, nuk kam dëgjuar asnjë grua që të ankohet përse i dhamë ngjyra qytetit... “

36. Edi Rama, (Intervistë për gazetën greke “Ta Nea”, 4 shkurt 2007)
“Tirana është "ëndrra amerikane" e shqiptarëve. Disa shkuan dhe gjetën "ëndrrën amerikane" jashtë Shqipërisë. Të tjerët vijnë që ta gjejnë këtu...“

37. Edi Rama,
(Intervistë për gazetën greke “Ta Nea”, 4 shkurt 2007)
“Shqipëria sot, për një të huaj që nuk e njeh Shqipërinë, është një “Amerikë e vogël” në pelena”

38. Edi Rama,
(Në një takim me gratë kandidate për Këshillin Bashkiak, 5 shkurt 2007)
“Sot në listën tonë për këshillin tonë bashkiak kemi 50% gra dhe vajza, dhe 50% burra dhe, pa u mbetur hatri burrave, unë them se po t’i peshosh të dyja anët, nga numri janë të barabartë, por nga vlerat që ato përfaqësojnë, sigurisht, pesha anon nga ana e grave”

39. Edi Rama,
(Në një takim me gratë kandidate për Këshillin Bashkiak, 5 shkurt 2007) “Kryetarëve të partisë në disa qytete u ishin mbyllur përfundimisht sytë, se qyteti ishte i mbushur me gra dhe ju dukej sikur përtej 3-4 grave që kishin vënë për dekor, nuk kishte më gra të tjera”.

40. Edi Rama më 24 prill 2010 në forumin për median
“Shoh këtu që ka shumë buzagaz pas çdo fjale të tij, por nuk është vendi këtu ku flitet për një çështje të rëndësishme dhe pastaj gjërat janë të ndara; disa dinë të kërcejnë tango dhe disa jo”.

41. Edi Rama më 24 prill 2010 në forumin për median
Rama: Të flasësh për median dhe krizën si nocion global është si historia e atyre që flisnin për seksin e engjëjve ndërkohë që po binin muret nga çdo krahë.

42. Edi Rama më 24 prill 2010 në forumin për median
Edi Rama, në forumin për mediat në prill të vitit 2010 deklaroi: Dua t’ju kërkoj ndjesë për largimin, pasi nuk doja që të ngrihesha kur pasfolësi të ishte duke folur dhe nuk doja të bëhesha vonë për në takimin në Elbasan. Se ç’do t’i thosha atyre: që vonova se isha me Sali Berishën?.

43. Edi Rama më 24 prill 2010 në forumin për median
Pas ironisë së kryeministrit Berisha se nuk është për të kërcyer tango Rama deklaron: Nuk është faji im që jo të gjithë dinë të kërcejnë tango

44. Edi Rama në Asamblenë Socialiste shikon në sallë dhe Erion Veliajn: Nuk e kuptoj ende se çfarë pret për të hyrë në PS.

45. Rama ironizon takimin Berisha-Nano e zhvilluar pak muaj më parë: “Është shprehje e faktit që në Vjenë nuk ka krizë. Vetëm ju për arsye të shitjes së lajmit dhe gazetës mund të gjeni diçka të re në këtë, për mua nuk ka asnjë gjë të re”

46. Edi Rama në ambientin e spitalit në Tiranë gjatë grevës së opozitës pasi kontestohet nga një infermiere që kalon pranë tij: Këtu nuk merret vesh se kush është i sëmuri dhe kush kurohet.

47. Kryetari socialist ka përdorur një fjalë të urtë popullore për të komentuar edhe batutat e kryeministrit Berisha mbi faturën në "darkën e Strasburgut". “Kërcen prifti nga belaja”

48. Edi Rama në një intervistë për zërin e Amerikës: E shoh se sa pranë Tiranës dhe Shqipërisë jeni të gjithë ju dhe se si shpesh herë pyetjet kaq larg nga Shqipëria dhe Tirana u ngjajnë pyetjeve të kafeneve të Tiranës.

49. Edi Rama takim me gazetarët, më 15 korrik 2010: Shikoj që keni shumë vapë, e para nga pyetjet që do bëni, e dyta nga moti. Për një gjë ju siguroj, që për këtë vapë nuk e ka fajin qeveria.

50. Edi Rama në një mbledhje të Këshillit Bashkiak: Nga ai djali i vogël i njësisë numër 10 (Gerti Bogdani) që po e merrni më qafë pse reciton ato që i thoni ju dhe mund të shkonte në Harvard.

36 Komente

 propozoj që 9 tetori të shpallet dita e humorit mbarëbotëror. ju falemnderit.

... dhe Njazi Kosovrastin si njeriun e dites per shkak-batutat.

smiley

ske c'thua, i madh eshte smiley

Te bukura. Megjithese Rama ka akoma me shume te forta.

Sidomos me gazetaret.

Nqs. ka ndonje moment kur mua me pelqejne gazetaret shqiptare, eshte pikerisht atehere kur behen shenjestra te Rames.

I trajton egzaktesisht sic e meritojne. Si legena.

fiks!! po gazetaret sduan te poshterojn veten duke i nxjerr.

ato per gazetaret jane te papara! ato pak qe di kur nje kusherire punonte si reportere per ora news ne seline e ps, pa ka edhe tjera sa te dush!!

 Ju shpreh falënderimin dhe mirënjohjen time më të thellë këtyre vajzave, veçanërisht asaj, që duket si Ilir Meta, të cilat na dhanë një pamje shumë origjinale dhe shumë të bukur të këtij bashkimi të madh.

Provova te imagjinoja se si mund te dukej nje goce si Ilir Meta!

 

Jam ende i shokuar smiley)

E po gjithe familja e tije i ngjan. smiley S'ke nevoje te shkosh aq larg me imagjinate. smiley

Është vështirë të jesh ministër Kulture në një vend me kulturë të tillë.

smiley

Me thene te drejten e mendova, por evitova ta thoshja! smiley

Une po i lexoj me laps ne dore.

Une kur lexova kete me Ilir Meten po mendoja sa e kishte ofenduar ate vajzen smiley

 Ky gazetari me duket se ngaterron "batute" me "fjali".

Tirana është "ëndrra amerikane" e shqiptarëve. Disa shkuan dhe gjetën "ëndrrën amerikane" jashtë Shqipërisë. Të tjerët vijnë që ta gjejnë këtu...“

Prandaj shof amerikanet une qe thone do shkojme te jetojme ne Tirane smiley

 Edi Rama më 9 tetor 2002 i drejtohet Rusmajlit: Do t’u jap një shkallë të Komunales që të shihni çfarë kam unë në kokë.

ej...

po kane harruar 'te linjtat' e Violeta Manushit ne TK

na i kujto ti, per ne te shkretet qe kemi qen jashte shtetit deri ne 2001 !!

pak a shume keshtu:

Kur ky donte te prishte Teatrin Kombetar, artistet i hidhen kunder dhe i thone qe TK jo vetem nuk duhet te prishet por duhet te kthehet ne nje muze te artit skenik, Rama u thote:

-Po cdo varni aty? Breket e Violeta Manushit? Breket e kuqe te Violeta Manushit nuk jane breket e Greta Garbos.!!!

 

anyway...

Rama sduhet te jete krenar per kete....

Po pse duhet une e ti dhe populli ne pergjithesi te paguajne nga taksat e tyre ca 50 e kusur veta te ashtuquajtur artiste te popullit apo ku di une, kur keta njerez te shquar, aktore te famshem nuk qenkan dot ne gjendje te mbajne vehten e tyre?

?

Dite rrogash andej nga ju?? smiley

me sa di une, violete se shkrete, ndjese paste, vetem nje pllake mermeri te lire i kane vene tek hyrja e pallatit ku rrinte...

po nejse, ideja ime ishte qe Rama nuk kishte pse perdorte breket e saj, si argument per punet e bashkise... aq me teper nuk eshte shume dinjitoze kur ishte duke folur per nje zonje te moshuar e jo per Zajminen, kaq....!

Po mua  gjitmone e me teper po me duket sikur te gjithe politikanet tane  kane pasur te njejten enderr ne sirtar: Te behen aktore estrade..

 

 "Nuk ka bir kurve të gjejë lekë të vjedhura në xhepat e mi" - nqse se ti rrin dite e nate me tanga vertet qe kerkush te gjen para ne xhepa. 

Kjo puna e tangave te Rames nuk eshte pune preference seksuale e Rames qe eshte e drejta e tij, por çeshtje moraliteti. Cfare do te ndodhte sikur ne kryetare partie femer - marrim Znj. Thaçer - te priste njerezit ne tanga...(gjithnje po te jete e vertete çka lexojme ne shtyp ngaministri Prifti)

 

Z. gazetar, presupozohet se artikulli juaj i ardhshem do kete 50 "batutat" e politikanit te radhes.  Jo per gje, por s'mund te na lini groteskun me boshllek.

Edhe nje yll tjeter ne gazetarine investigative (se ku lexova qe keshtu i thone kesaj pune.) 

 

As 10% te batutave nuk ka shkruar. Rama ka me shume sot , se dje.

Jo shkalle , por edhe ashencor tu japesh nuk arrijne te shohin mbi koken e Rames. Ja 3 batutat me te arriturat;

1) Lyfti Dervishi ne opinion : E ka emrin Benjamin Baton filmi o lyfti jo Benjamin Batman!!

2) Dua ti kerkoj falje publike pinokut, kesaj krijese naive te prrallave qe e kam fyher pa te drejte dhe krahasuar me Saliun.

3) Ai qe pafytyrisht fyhen babane tim sot, cdo vit shkon e perulet para vepres se tij.

4) T'fala Sandrit!

hahahhaaa ajo me luftiun esht e papame

p.s. tfala sandrit

 

eee tani qe i lexjo edhe njehere keto, shoh qe nuk esht aty me e forta

"blushi spaska faj? ajo kurva fajin aty e ka pas gjithmon, aty do e ket gjithmon, nga para i ka kalu mbrapa" per blushin, mbasi e degjon blushin ne opinion ritransmetim duke thene "skam faj une se ps po degjeneron" (ia thote edi shalsit ne pranine e gazetareve dhe kamerave, pas nje takimi me gazetare, dhe disa gazeta e botuan)

    Po pse o gazetaret tane te dashur, na jepni edhe keto goditje te tmerrshme, duke na e detyruar imagjinaten tone te kerkoje .."zona  te lira", per te strukur pesedhjet e kusur shprehje, nga keta lloj individesh te vetfryre, qe ja kushtojne tere vemendjen,  menyrave te prerjes se mishit te pules se fshatit, sipas  rregullave..... te artit humor.....

    Ju marrte e mira,  ju marrte  ! Degjuateeee ? 

Batuta per hapjen e kutiave eshte me e goditura.

Shakaxhi dreqi.

Nje cope folkloristi / humoristi, si shumica e politikaneve shqiptare. Guxhulin veshet e njerezve e ben humor, e njerezit si dele qe jane kaq u mjafton. Cili eshte rregulli i pare i prestigjatoreve - DISTRACTION! Shif zogun! Taaak, futi krahun nga mbrapa.

Bageti hesapi.

 Batutat e Edit shume te bukura, klasike do te thoja!

Nje do vecoja:

 

Këtu nuk merret vesh se kush është i sëmuri dhe kush kurohet.

___

..dhe kur mendon se ne krye qeveria ka nje mjek, kuptohet c`fare ironie e madhe eshte ajo batute me realitetin e spitaleve shqiptare!

Cfare dallimi ka batutaxhiu/shakaxhiu prej politikanit/shtetarit? Dikur mbreterit pajtonin shakaxhinjte ose gaztoret per te larguar merzitjen dhe per te krijuar alegri.

Sot Rigoletot po vleresohen me shume se burrat e shtetit.

Por vetem thelbi nuk ka ndryshuar. Ai, qe ata jane te pajtuar/paguar. Pastaj ajo tjetra qe, nese ua perdorin grate, te dashurat ose vajzat si dikur Rigoletos, eshte per tu diskutuar.

 Shiko, ne ate vend nuk ka as nje njashmeri me mbreteri ose rend shoqeror, ai vend eshte ashtu sic e ka percaktuar vet Edi "Rrum-Pall"

 

Per ate po te shkruaj edhe une qe cfare eshte sot pushtetari( gaztori, karagjozi, i pa pergjegjeshmi) dhe ne krahun tjeter cfare vlerash i jep shoqeria idiote ose injorante atij.

ps. Kete nuk e kam vetem per Edushken, por edhe per Salushken, edhe per karagjozin mistrec Brace me shishe uji ne dore, edhe per Gjinushken e Nanushken, Lesin e te tjere, edhe per karagjozet e se ardhmes si Shalsi me Docet, apo Seseriu me Bashen.

Edi Rama te Top Story pas nje ligjerim te gjate dhe te pakuptimte te Lutfi Dervishit :" Ne qofte se dikush nga telespektatoret ose nga keta qe jane ketu  e ka kuptuar ate cfare the ti tani ,atehere koha qe i more emisionit sherbeu per dicka"

Po jane edhe shume batuta te bukura qe i ka thene gjate fjalimeve neper protesta.

smiley

"Mos ta prekim një aksh lulishte, se aty dikur ka kryer nevojat e tij fiziologjike një aksh hero, për të cilin nuk bien dakord palët nëse është hero".

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).