4 Mar 2010 | Letërsi

Të kërkosh falje

Postuar nga shkinaks

 

Të kërkosh falje është e rëndë,
Punë burrash,
E ne burrat na i kanë vra...
 
Harresa asht e keqe,
asht gur varri në natën e kujtdo,
Asht e lodhshme...
 
E lodhshme asht edhe urrejtja,
Asht e randë si gur varri
Në netët e gjithsecilit.  
 
Prandaj s’dimë me kërku falje,
Mbajmë mbi shpinë
gurët e varreve të atyre që s’patën varr
Asnjëherë,
Të atyre që qenë ushtarë të panjohur
të luftërave pa kuptim.
 
Na s’dimë me kërku falje,
Të gjallët tremben prej kujtesës,
Kanë frikë të shohin pasqyrat, e gjejnë armiq ngado
Te të cilët shfryjnë
Inatin ndaj vetes...
 
Po s’lypet në qiell c’ka asht në tokë.
Qielli asht i të vdekurve dhe perëndisë.
 
E të vdekurit janë të fortë,
Kanë nevojë
për një gur varri mbi shpinë e zemër
Për të harru.
Se të vdekurit s’dinë as të urrejnë as të bërtasin.
 
Të kërkosh falje asht e randë,
Punë burrash,
po burrat na i kanë vra.
Asht e randë me e shkullë një gur varri prej shpirti
E me e vu mbi shpinën e një të vdekuri...
Postoi: shkinaks

20 Komente
Trego/Fshih të gjitha përgjigjet ndaj komenteve

fh - 4 Mar 2010 - 5:14pm

bukur.

mati i ri - 4 Mar 2010 - 5:31pm

Komplimente,poezi e bukur.

 

Zemra kerkon zemren,

Fjala kerkon fjalen,

Besa kerkon besen,

I penduari faljen.

 

 

 

xhibi - 4 Mar 2010 - 7:56pm

5 yje shkinaks.

Nuk mund te vecosh dicka per te cituar, te gjitha vargjet jane kuptimplote dhe kane vendin e tyre si tulla ne mur. Smile

xheni - 4 Mar 2010 - 8:24pm

Po s’lypet në qiell c’ka asht në tokë.

qielli asht i te vdekurve dhe perendise.

Respekt!

 

PS.a ka te penduar ne shqiperi,magari!!

olsib - 4 Mar 2010 - 8:38pm
Po! Te kerkosh falje eshte pune burrash. Faleminderit per kete poezi.
Iris - 4 Mar 2010 - 8:42pm

PS.a ka te penduar ne shqiperi,magari!!

Se mos ka te penduar jashte Shqiperise Smile

Shume e bukur kjo poezi,  diku ishte shkruar dhe me pare apo jo?

Thjesht dhe fuqishem ! Smile

Përmetari - 4 Mar 2010 - 8:45pm
Asht e randë me e shkullë një gur varri prej shpirtiE me e vu mbi shpinën e një të vdekuri...

Shume e bukur, shkinaks - te uroj me gjithe zemer per poezine dhe flm qe e ndave me ne.

ketlina - 4 Mar 2010 - 10:36pm

yje me shume se cka ketu tek vleresimi. Edhe mua me pelqeu.

I Pakapshem - 4 Mar 2010 - 10:44pm

Bukur Smile

klajdi - 5 Mar 2010 - 12:17am

eshte nga ato lloj poezish qe kushdo kerkon me shume. Shko me thelle, pa frike, se vargjet edhe me te renda edhe me te bukura do te jene. Per mua 3.5 (4)


 
lumidrin - 5 Mar 2010 - 12:32am

shkinaks.

shume bukur, e ke ndje debatin keqas, je prekur.

Nuk me duket e sakte " te kerkosh falje eshte e rende".

Tek " Lahuta" thuhet te mos kerkosh falje eshte e rende, me sa kujtoj.

Ruzhdija - 5 Mar 2010 - 1:05am

Wink

ky eshte frymzim shqiprie Smile

nice !

losttext - 5 Mar 2010 - 2:02am

nga me te bukurat prej shkinaks-it. tingellon shume e vertete, e njemendte, me nerv te permbajtur.

shkinaks - 5 Mar 2010 - 10:39am

faleminderit. kishte kohe qe e kisha postu, po sot e paskan nxjerre. asht frymzim shqipnie, gjithcka te shkrimet e mia asht frymzim shqipnie.

dikush ketu te puna, me tha ku e ke kopju, e kujt asht kjo poezia. edhe ky ishte nje kompliment.

 

mati i ri - 5 Mar 2010 - 6:00pm

Ne emer te popullit luftuan shiptaret per liri,

Ne emer te popullit,

                        u burgosen,u pushkatuan

                                                Se donin fjalen e lire.

                      

emigrant - 5 Mar 2010 - 6:08pm

vargu i thyer e shumefishon forcen shprehese te idese. edhe majakovski e ka perdorur, me duket se edhe walt whitman.

une them qe poezia me lart eshte spontane, dmth nuk besoj qe ka qene shkruar me pare. edhe kjo ia shton vleren.

shume mire dhe flm qe i ndan me ne, mati i ri.

ps. sill prape po pate.

mati i ri - 5 Mar 2010 - 10:29pm

     URIM

Qe vargu

          I kesaje poezie

               Jete te gjate te kete.

 

Uroj t'i ngjaje

         Malit te Dejes

                Me kreshtat perpjete!

 

Qe vrulli i ketij vargu

            Te mos ndalet kurre,

                Uroj t'i ngjaje lumit te Matit!

 

                                                 Plot freski

                                                 E zhurme......

doriani - 6 Mar 2010 - 5:41pm

me pelqen qe je shnderruar ne ndergjegjen civile te shoqerise, nje nder detyrat paresore te nje artisti.Sipas meje me kete gjetje arirn te dalesh nga kufijte e nje realiteti te ngushte e te behesh i shumeinterpretueshem. Kam shume rezerva per menyren e vargezimit dhe sistemimit te mendimeve,por meqe ke shkruar diçka qe nuk e prisja,urimet e mia per poezine. 

mati i ri - 6 Mar 2010 - 6:35pm

Faleminderit per sugjerimet,dhe per urimin.

Poezine e kam pas pasion qe ne moshen e rinise,por kjo ender m'u nderpre shume shpejt nga diktatura, dhe jam kthyer te ky pasion pas gati 30 vjetesh.

I madhi D Agolli me tha;Me vjen keq qe rrethanat ne kohen e diktatures te vrane kete ender te bukur,me vjen mire qe pas shume vitesh rikthehesh te poezia.

 

ketlina - 6 Mar 2010 - 6:46pm

Duhet te jesh goxha ne moshe tani (me i pjekur) :) per poezi me te bukura. Suksese.

Identifikohu ose regjistrohu për të dërguar komente